الخصائص الفيزيائية للتيار الكهربائي علوم الصف الثالث الإعدادي الترم الثاني 2026

نصيحه مهمه جدا لكل طالب في ثالثه اعدادي ان هو يخلي باله كويس قوي من الوحده الثانيه لان الوحده الثانيه بتتكلم عن الفيزياء وخاصه الفيزياء الكهربيه الوحده الثانيه اسمها الطاقه والنشاط الاشعاعي وفيها ثلاث دروس الدرس الاول بيتكلم عن الخصائص الفيزيائيه للتيار الكهربي والدرس الثاني بيتكلم عن التيار الكهربي والاعمده الكهربيه والدرس الثالث بيتكلم عن النشاط الاشعاعي والطاقه النوويه احنا النهارده ان شاء الله هنبدا بسم الله في الخصائص الفيزيائيه للتيار الكهربي ودرس الخصائص الفيزيائيه للتيار الكهربي هنقسمه على ثلاث اجزاء كل جزء هيكون في فيديو الجزء الاول هناخد فيه مفهوم التيار الكهربي وهناخد شده التيار الجزء اللي بعده على طول هناخد فرق الجهد والجزء الاخير هناخد فيه المقاومه الكهربيه وفي اخر الفيديو ان شاء الله هوريك طريقه حلوه جدا تحل بيها اسئله ماذا يحدث عندك فخلونا كده نبدا بسم الله ونبدا في درس النهارده اول حاجه احنا في العصر اللي احنا عايشين فيه احنا ما نعرفش نعيش من غير التيار الكهرب كهربي لان معظم الاجهزه اللي عندنا سواء في البيوت او في المصانع شغاله بالكهرباء يعني لو انت بصيت عندك في البيت هتلاقي ان الثلاجه شغاله بالكهرباء الغساله شغاله بالكهرباء التليفون والانترنت والراوتر كلهم بيشحنوا بالكهربا فده يبين لك قد ايه ان الكهربا مهمه طيب هو التيار الكهربي بيجي منين؟ قال لك والله سهله وبسيطه اول حاجه احنا لما اتكلمنا على العناصر زمان قلنا ان العناصر بتكون حاجه من اربعه يا اما فلز يا اما لا فلز يا اما اشباه فلزات يا اما غازات خامله سبنا من اشباه الفلزات والغازات الخامله تعالوا نمسك الفلزات واللافلزات الفلزات كنا بنقول ان هي دايما جيده التوصيل للكهربا انما اللافلزات رضيئه التوصيل للكهرباء فاحنا علشان نعمل تيار كهربي فاحنا هنستعين بمين اكيد هنستعين بالفلزات هناخد اي فلز معانا وليكن مثلا الالومنيوم الالومنيوم اي ال 13 الالومنيوم هو عباره عن نواه والنواه دي بتكون موجبه الشحنه لان انت لو دخلت جوه النواه هتلاقي ان في بروتونات موجبه ونيوترونات متعادله وحوالين النواه بتدور الالكترونات اللي هي بتكون سالبه الشحنه في مدارات الطاقه واللي بيحافظ على المدارات دي قوه التجاذب اللي ما بين النواه واللي ما بين الالكترونات زي بالظبط قوه التجاذب اللي ما بين نجم الشمس وما بين باقي المجموعه الشمسيه نجم الشمس في النص وبسبب قوه الجاذبيه بتاعته بيحافظ على كل الكواكب في المدارات اللي حواليه نفس الكلام مع الذره طيب بالنسبه لذره الالومنيوم اللي معانا اول مستوى فيها فيه اثنين الكترون والمستوى اللي بعده فيه 8مانيه الكترون واخر مستوى فيه ثلاث الكترونات اجي اسالك انا هنا بقى واقول لك ايه اللي هيحصل لو قوه التجاذب اللي ما بين النواه وما بين الالكترونات اللي في مستوى الطاقه الخارجي مين هو مستوى الطاقه الخارجي اللي هم الكترونات التكافؤ ايه اللي هيحصل بقى لو قوه الجذب اللي ما بين النواه وما بين اخر مستوى طاقه ده بدات تضعف او انعدمت يعني اختفت خالص قال لك والله الالكترونات انت هتتحرر يعني ايه هتتحرر يعني ما فيش قوه بتحكمها ما فيش قوه بتجذبها ناحيه النواه فهتتحرر تمشي كده حره وما دام الالكترونات دي اتحررت فاحنا بنسميها الكترونات حره لان هي اتحررت اهو على هذا الاساس قدرنا نصنع اسلاك التوصيل الكهربي احنا بنجيب فلز زي الالومنيوم او النحاس الفلز ده بيتميز بضعف قوه التجاذب ما بين النواه والكترونات التكافؤ واحده احنا علشان نعمل سلك توصيل كهربي زي النحاس بنجيب فلز النحاس فلز النحاس في ميزه ان هو في ضعف ما بين قوى التجاذب اللي ما بين النواه وما بين الكترونات التكافؤ اللي هي اخر مستوى طاقه فعلشان كده بنجيب السلك الكهربي ده ونوصله بمصدر للتيار الكهربي اول بقى ما نوصله بمصدر للتيار الكهربي اللي هو يعني هنوصل سلك النحاس بمصدر تيار كهربي هتلاقي ان الالكترونات الحره بدات تتحرك في السلك وتكون عندي تيار كهربي يبقى احنا اول ما ناخد سلك النحاس ونوصله في الكهرباء الالكترونات الحره اللي هم الكترونات مستوى الطاقه الاخير بيتحرروا وبيبداوا بسبب التوصيل الكهربي يتحركوا في السلك يعملوا لي حاجه اسمها تيار كهربي يبقى من هنا نقدر نجيب تعريف التيار الكهربي التيار الكهربي هو تدفق للشحنات الكهربيه مين هم الشحنات الكهربيه اللي هم الالكترونات السالبه اللي هم الالكترونات اللي في اخر مستوى طاقه التيار الكهربي هو تدفق للشحنات الكهربيه تدفق يعني مرور او حركه الشحنات الكهربيه خلال الموصلات المعدنيه مين الموصلات المعدنيه؟ الاسلاك يبقى التيار الكهربي هو تدفق للشحنات الكهربيه او الالكترونات السالبه خلال الموصلات المعدنيه في الدوائر المغلقه خلي بالك بقى معايا التيار الكهربي مش بيمر في الدائره الكهربيه المفتوحه علشان كده هتلاقي كل حاجه فيها زرار اون واوف يعني انت لو عندك مثلا لمبه في البيت في زرار بيولع اللمبه ونفس الزرار بيطفي في اللمبه ليه؟ لان هو بيفتح الدائره الكهربيه او بيقفل الدائره الكهربيه والكلام ده كله هناخده كمان شويه بس انا عايزك تخلي بالك معايا دلوقتي ان التيار الكهربي ما بيمشيش في الدوائر المفتوحه لازم الدائره تكون مغلقه طيب ما تيجوا بينا ناخد الدوائر الكهربيه علشان نعرف امتى بتكون مفتوحه وامتى بتكون مغلقه قال لك والله اول حاجه في الدوائر الكهربيه ان هي بتتكون من حاجات كتير وكل حاجه فيها بتادي دور محدد فاحنا هنبداها من الاول وهنجيب ابسط دايرره كهربيه ابسط دايرره كهربيه بتكون مكونه من اربع حاجات اول حاجه بتكون مكونه من مصباح كهربي اللمبه يعني مصباح كهربي هو اللمبه وده اهميته في ايه ان احنا بنستدل منه على وجود التيار الكهربي ما هو لو اللمبه دي ولعت يبقى في تيار كهربي اللمبه دي ما ولعتش يبقى ما فيش تيار كهربي طيب ده شكل اللمبه اللي احنا عارفينه ولكن لما احنا نيجي نرسم بايدينا مش هنرسم اللمبه بالشكل ده هنرسم اللمبه بالشكل اللي انا برسمه لك دلوقتي دلوقتي عباره عن دايره جوه منها نص دايره ومتوصله بطرفين اللون الازرق اللي على اليمين وعلى الشمال ده لون السلك اللي متوصل باللمبه يبقى المكونات اول حاجه معانا مصباح كهربي اهميته ان احنا بنستدل منه على مرور التيار الكهربي الشكل بتاع المصباح الكهربي في ارض الواقع بيختلف عن الرمز بتاعه الرمز بتاعه ده اللي احنا بنرسمه في الدوال الكهربيه تاني حاجه بيكون معايا مفتاح كهربي ايه لازمه المفتاح الكهربي ده بنفتح ونقفل بيه الدائره الكهربيه لو هو مفتوح هيكون الرمز بتاعه بالشكل ده عامل زي عودين كبريت بس منفصلين عن بعض لو عودين الكبريت دول شبكوا في بعض يبقى كده الدايره بتاعتنا مغلقه ثالث حاجه بيكون معايا سلك توصيل السلك اللي احنا بنوصل بيه مكونات الدايره ببعضها السلك هو اللي بيوصل لي اللمبه بالمصباح الكهربي بالتيار الكهربي وده الرمز بتاعه اخر حاجه هيكون عندي مصدر للتيار الكهربي مصدر التيار الكهربي ده ممكن يكون عمود كهربي اللي هو حجر البطاريه او ممكن تكون بطاريه ايه الفرق ما بين العمود الكهربي وحجر البطاريه؟ العمود الكهربي بيكون عباره عن عمود واحد بس انما البطاريه بيكون فيها اكت من عمود يعني من اثنين وطالع 2 3 4 5 100 500 كل دول بيكونوا اسمهم اعمده كهربيه يتجمعوا كده مع بعض يعملوا لي البطاريه العمود الكهربي بيكون ليه رمز شرطه طويله وشرطه اقصر منها الشرطه الطويله او الكبيره دي بتكون موجبه والشرطه الصغيره بتكون سالبه. طيب بالنسبه للبطاريه لو انا عندي بطاريه مثلا فيها لاث اعمده فانا هرسم شرطه طويله وشرطه صغيره ادي ده عمود شرطه طويله وشرطه صغيره ده تاني عمود شرطه طويله وشرطه صغيره ده ثالث عمود وطبعا الطويل هيكون الموجب والقصير هيكون السالب وبعدين نوصلهم بالسلك الكهربي ده بالنسبه لابسط دائره كهربيه انت ممكن ترسمها دائره كهربيه مكونه من مصباح وسلك توصيل وعمود كهربي واخيرا مفتاح كهربي هو اللي بيقدر يتحكم في فتح وغلق الدائره الكهربيه. وتعالوا بينا ناخد مثال على التوصيل الكهربي في الدائره الكهربيه. المثال اللي معانا جايب لنا دايرتين وبيقول لك ليه الدائره رقم واحد مضيئه انما الدائره رقم اثنين المصباح الكهربي غير مضيء. لو بصيت للشكل الاول هتلاقي ان المفتاح مقفول معنى كده ان دي دايره مغلقه يبقى المصباح هيضيء لان جميع الاجزاء متوصله مع بعض ودي فكره الدائره المغلقه ان كل الاجزاء متوصله مع بعض في دايره انما الشكل رقم اين المصباح مش هيضيء لان الدائره الكهربيه مفتوحه فالاجزاء بتاع الدائره كلها مش هتكون متوصله ببعض ليه؟ لان في طرف منها مفتوح فهنا المصباح مش هيضيء وتعالوا ناخد مثال كمان في سؤال فكر معلمك جايب لنا اربع دوائر الكهربيه وبيقول لنا عايزين نعرف امتى المصباح اكس يكون مطفي والمفتاح واي وزد هيكونوا مضيئين يعني احنا عندنا اكس هيكون مطفي واي وزد هيكونوا مولعين الشكل رقم واحد الدائره الكهربيه مفتوحه لو بصيت للحرف ك اللي هو بيمثل المفتاح الكهربي هتلاقي ان الدائه بتاعته مفتوحه فكده الثلاث لمبات هيكونوا مطفيين فاول شكل معانا هنستبعده نروح للشكل رقم ب الشكل رقم ب هتلاقي ان اللمبه اكس موجوده في دايرره مغلقه معنى كده ان الاكس هتضيء انما الواي والزد موجودين في دايره مفتوحه يعني الاكس دي دايره لوحدها مغلقه انما الواي والزد دول دايره لوحديهم بس دايره مفتوحه فده عكس المطلوب هو المفروض اكس يكون مطفي مش منور وده طبعا عكس المطلوب لان المطلوب ان الاكس تكون مطفيه مش مولعه فهنستبعد الشكل رقم ب نروح للشكل رقم ج الشكل شكل رقم ج الدائره الكهربيه مفتوحه فالثلاثه هيكونوا مطفيين اما الشكل رقم د الواي والزد مع بعضيهم في دايره مغلقه يبقى دول هيولعوا انما اكس في دايرره مفتوحه يبقى اكس مطفيه يبقى الشكل رقم د هو الشكل الصح ده كده كان تمهيد للتيار الكهربي تعالوا بينا بقى نروح لعنوان درس النهارده الخصائص الفيزيائيه للتيار الكهربي اول حاجه شده التيار ثاني حاجه فرق الجهد ثالث حاجه المقاومه الكهربيه وزي ما قلت لك في اول الفيديو احنا هنبدا في في فيديو النهارده هناخد شده التيار الفيديو اللي بعده على طول فرق الجهد والفيديو الاخير هيكون المقاومه الكهربيه تعالوا بينا بقى نشوف شده التيار علشان نفهم شده التيار الكهربي فاحنا هنجيب مقطع من موصل كهربي يعني هنجيب سلك كهربي ونشوف السلك الكهربي ده الشحنات اللي ماشيه فيه قد ايه في الثانيه الواحده يعني لو انا عندي ثلاث شحنات في الثانيه يبقى شده التيار بتاعتنا لاثه ده بالبلدي احنا لسه ما دخلناش في الشرح طيب لو انا عندي مثلا مثلا 10 شحنات اتحركوا في السلك الكهربي ده خلال ثانيتين يبقى شده التيار بتاعتنا خمسه لان الشحنات اتحركت 10 شحنات في ثانيتين انا عايز خلال ثانيه واحده بس نقسم ال 10 على الاثنين تديني خمسه يبقى شده التيار الكهربي هي كميه الكهربا المتدفقه يعني الكهرباء اللي بتمشي عبر مقطع من موصل كهربي ايه هو المقطع الموصل اللي هو السلك في زمن قدر واحد ثانيه واحده واحده واحده كميه الكهربا اللي هي مقدار الشحنه الكهربيه المتدفقه يعني اللي بتمشي عبر مقطع من موصل لو انا اخدت كده مقطع يعني حته كده من الموصل ده في زمن قدره واحد ثانيه وقانون شده التيار الكهربي هو كميه الكهربا على الزمن بالثانيه وده اللي بيودينا لمثلث حساب شده التيار لو انا عايز شده التيار فانا بقسم كميه الكهربا على الزمن بالثانيه طيب لو انا عايز الكميه الكهربيه هضرب شده التيار في الزمن طيب لو انا عايز الزمن هقسم الكميه الكهربيه على شده التيار انت بتحفظ مثلث واحد بس وبتجيب منه باقي المثلثات بالمناسبه انت ممكن تختصر التيار بالحرف ت وكميه الكهربا بالحرف ك والزمن بالحرف ز عايز تختصر اختصر ولكن انا برشح لك ان انت تعرفهم الاول وتفهمهم الاول تفهم شده التيار وكميه الكهرباء والزمن وبعدين تبدا تختصر براحتك نروح لوحدات القياس ودي عايزك تخلي بالك فيها كويس قوي اول حاجه شده التيار وحده القياس بتاعتها هي الامبير كميه الكهربا هي بالك كميه الكهربا والاختصار بتاعها ك ووحده القياس بتاعتها هي الكولوم واخيرا الزمن وده عارفينه من زمان اختصاره بالحرف زي ووحده قياس الزمن هي الثانيه وزي ما احنا بنقول ان شده التيار بتساوي الكميه الكهربيه على الزمن ممكن نقول الامبير بيساوي الكولوم على الثانيه مش شده التيار وحده قياسها الامبير وكميه الكهربا هي الكولوم والزمن هو الثانيه يبقى الامبير هيساوي الكولوم على الثانيه يبقى نقولهم مره اخيره قبل ما ندخل على المسائل شده التيار الكهربي هو كميه الكهربيه المتدفقه اللي بتمشي عبر مقطع من موصل خلال مقطع كده احنا خدناه من سلك في زمن قدره واحد ثانيه شده التيار بتساوي كميه الكهرباء على الزمن بالثانيه ووحده قياس شده التيار هي الامبير كميه الكهربا بنقيسها بالكولوم والزمن بنقيسه بالثانيه تعالوا نروح لاول سؤال معانا ما معنى قولنا ان ايه معنى ان شده التيار الكهربي المار في موصل 0 امبير طبعا احنا في اسئله ما معنى ان بنجيب التعريف تعريف شده التيار هو كميه الكهربيه المتدفقه عبر مقطع من هذا الموصل في زمن قدره واحد ثانيه هتساوي ال0 كولوم خلي بالك بقى معايا في السؤال هو بيقول لك ان شده التيار هي 2 امبير امبير فالا 2نين امبير دول عباره عن ايه؟ عباره عن 2 امبير في ثانيه واحده بس فانا بقول له ان كميه الكهربا كميه الكهرباء وحده قياسها ايه؟ وحده قياسها الكولوم فانا عندي ال0.2 كولوم دول حصلوا في زمن قدره واحد ثانيه فتخلي بالك من الوحدات شده التيار وحده قياسها الامبير انما كميه الكهربا اللي هتتدفق عبر هذا الموصل في زمن قدره واحد ثانيه هتساوي الاثنين كولوم. والشكل التاني من سؤال ما معنى ان ان هو يجيب لك مساله في هيئه سؤال يعني يقوللك ما معنى ان كميه الشحنه الكهربيه المتدفقه عبر مقطع من موصل في زمن قدره وواحد ثانيه تساوي 5 كولوم فهنا هو مديك زمن ومديك كميه كهربيه بالكولوم فانا هقول له والله شده التيار بتساوي ال ك على الزين اللي هي كميه الكهربا على الزمن الكميه الكهربيه اللي انت مديها لي كام 5 كولوم على الزمن واحد ثانيه يديني 5 امبير اجابه اجابه السؤال معنى الكلام ده كله ان شده التيار الكهربي اللي بتمر في هذا الموصل بتساوي 5 امبير وخلي بالك هنا شده التيار وحده قياسها الامبير وقبل ما نروح لاسئله ماذا يحدث في تعريفين مهمين جدا تعريف الامبير وتعريف الكولوم اول حاجه ايه هو الامبير الامبير ده وحده قياس شده التيار الكهربي طيب وشده التيار الكهربي بتساوي ايه بتساوي كميه الكهربا على الزمن الامبير هو ايه الامبير هو شده التيار احنا مش هنقول له هو وحده قياس شده التيار الامبير هو شده التيار اللي بتنتج عن مرور كميه من الكهربا مقدارها 1 كولوم احنا علشان نجيب الامبير فاحنا بنحسب 1 كولوم على زمن قدره واحد ثانيه يبقى الامبير هو شده التيار الناتجه عن مرور كميه من الكهربا مقدارها واحد كولوم في زمن قدره 1 ثانيه طيب لو انا عايز الكولوم الكولوم هو كميه الكهربا والكولوم بيساوي الامبير في الثانيه يبقى الكولوم هو كميه الكهربا المنقوله بتيار ثابت الشده بتاعته 1 امبير في 1 ثانيه الكولوم هو وحده قياس الكميه الكهربيه يبقى الكولوم هو كميه الكهرباء المنقوله اللي التيار بينقلها بتيار ثابت الشده بتاعته 1 امبير والزمن بتاعه 1 ثانيه يبقى لو انا عايز الامبير الامبير بتاعنا هو شده التيار اللي بينتج عن مرور واحد كولوم على 1 ثانيه انما الكولوم هو كميه كهربيه بتساوي التيار اللي هو الوا امبير في الواحد ثانيه ده بالنسبه لتعريف الامبير وتعريف الكولوم انت ممكن تكتب القانون ومن القانون تستنتج ان الامبير هو الكولوم على الزمن والكولوم هو الامبير في الثانيه وكل واحد فيهم بيساوي واحد يعني الامبير بيساوي واحد كولوم على 1 ثانيه الكولوم بيساوي 1 امبير في واحد ثانيه تعالوا بينا نروح لاول مثال معانا المثال الاول بيقول لي احسب شده التيار الكهربي الناتج عن تدفق كميه من الكهرباء مقدارها 5400 كولوم خلال مقطع من موصل لمده نصف ساعه اول حاجه بقى في المسائل عايزك تخلي بالك كويس من الوحدات لان هو بيلعب على الالفاظ شويه فتركيزك على الوحدات هيخليك تعرف تحل المساله صح يعني هو بيقول لك تدفق كميه من الكهربيه مقدارها 5400 كولوم امسك ال 5400 وحده قياسهم ايه؟ الكولوم يبقى ده الك يبقى الكف بتاعتنا اللي هي كميه الكهرباء 5400 كولوم وبعدين بيقول لي خلال مقطع من موصل لمده نصف ساعه النص ساعه دول اللي هم ايه 30 دقيقه ال 30 دقيقه دول بيساووا 1800 ثانيه جبتها منين؟ عن طريق ان انا هضرب نص ساعه في 60 عشان احولها لدقائق في 60 كمان علشان احولها لثواني نص× 60× 60 يديني 1800 ثانيه هو بقى طالب مني ايه في المساله؟ بيقول لي احسب شده التيار شده التيار اللي هو ت بيساوي كميه الكهربيه على الزمن كميه الكهربيه ك بتاعتنا بكام؟ ب 5400 على الزمن بتاعنا 1800 على الاقل على طول يطلع لك 3 امبير تعالوا ناخد مثال كمان بيقول لي احسب كميه الكهربا المتدفقه عبر مقطع موصل يمر به تيار شدته 12 امبير لمده 10 ثواني اقول له اول حاجه الشده بتاعتنا 12 امبير الامبير ده وحده قياس ايه؟ وحده قياس شده التيار يبقى شده التيار بتاعتنا بتساوي 12 امبير وبعدين بيقول لي لمده 10 ثواني يبقى الزمن بتاعنا 10 ثواني الكميه الكهربيه ك علشان احسبها بضرب شده الامبير في الزمن شده الامبير بتاعتنا 12 والزمن بتاعنا 10 اضربهم في بعض يديني 120 وحده قياس بقى الكميه الكهربيه هي الكولوم يبقى 120 كولوم اما بالنسبه لاسئله ماذا يحدث اول سؤال بيقول لي ماذا يحدث لشده التيار في الحالات الاتيه ايه اللي هيحصل لشده التيار لو زادت كميه الشحنه الكهربيه الماره عبر مقطع من موصل للضعف مع ثبات الزمن وفي اسئله ماذا سيحدث احنا دايما بنمشي بطريقه سهله جدا في الحل احنا بنكتب القانون ونعوض على طول ونحل المساله بسهوله يعني مثلا شده التيار بتاعتنا بتساوي ك على ز الكولوم على الزمن بالثانيه بيقول لي بقى ايه اللي هيحصل لو زادت كميه الشحنه الكهربيه للضعف اشيل ال ك واحط مكانها اين لان هي زادت للضعف مع ثبات الزمن يبقى الزمن زي ما هو بواحد 2 على 1 بتساوي الاثنين معنى ان التاء اللي هي شده التيار بتساوي انين معنى كده ان شده التيار زادت للضعف طيب تعالوا ناخد واحده كمان بيقول لي ايه اللي هيحصل لشده التيار اقول له شده التيار اللي هو ت بيساوي ال ك على الزين ايه اللي هيحصل لشده التيار لو زاد الزمن الى الضعف مع ثبات كميه الشحنه الكهربيه الزمن زاد للضعف هشيل ازاي واحط مكانها انين مع ثبات كميه الشحنه الكهربيه اخلي ال ك زي ما هي بواحد يبقى الت بتاعتنا بتساوي نص ما دام الت بتساوي نص يبقى التيار الكهربي قل للنص يبقى اقول له الحل بتاعنا تقل شده التيار الى النصف طب واحده كمان بيقول لي ماذا يحدث لشده التيار الكهربي اذا زادت كميه الشحنه الكهربيه للضعف وقل الزمن الى النصف؟ اقول له شده التيار بتساوي ال ك على الزين ال الك بتاعتنا اللي هي كميه الشحنه الكهربيه زادت للضعف اشيل ال ك واحط مكانها انين الزمن بتاعنا يقل الى النصف يبقى اشيل الزي واحط مكانها نص 2 علىص تدينا اربعه ايه معنى ان التاء بتساوي اربعه اقول له معنى كده ان شده التيار الكهربي تزداد د الى اربع امثال قيمتها تعالوا بينا نروح للعلاقه اللي ما بين التاء والكاف والزين وفي الجزئيه دي برض مش هسيبك وهقول لك على طريقه سهله جدا في العلاقه ما بين التاء والكاف والزاي اول حاجه العلاقه ما بين البسط والبسط دايما بتكون طرديه مع المقام بتكون عكسيه يعني انا عندي القانون بيقول ان التاء بتساوي ال ك على الزاي العلاقه ما بين الت والك مادام بسط مع بسط يبقى العلاقه بتاعتنا طرديه طيب التاء مع ازاي العلاقه ما بين بسط ومقام يبقى عكسيه على طول وطبعا من البديه ان احنا نقول ان ايه معنى ان العلاقه طرديه يعني كل ما بتزيد كميه الكهربا اللي هي ك هتزيد معاها شده التيار طيب ولو بتقل كميه الكهربا بيقل معاها شده التيار وخلي بالك ما دام في تناسب ما بين اثنين الثالث على طول بيكون ثابت يبقى ما دام في تناسب ما بين التيار وكميه الكهرباء يبقى الزمن ثابت طيب لو انا هروح للعلاقه اللي ما بين شده التيار والزمن اقول لك والله العلاقه ما بينهم عكسيه يعني لو الزمن بيزيد شده التيار بتقل طب لو شده التيار بتزيد الزمن بيقل والعكس وما دام في علاقه ما بين التاء والزي لازم الك تبقى ثابته يبقى مع ثبوت كميه الشحنه الكهربيه الجزئيه اللي بعدها على طول جهاز الاميتر جهاز الاميتر ده الجهاز اللي احنا بنستخدمه علشان نقيس شده التيار الكهربي اللي موجود في الدائره الكهربيه يعني انا عندي دائره كهربيه فيها عمود كهرب كهربي وفيها مفتاح كهربي وفيها مصباح كهربي احنا عايزين بقى نعرف شده التيار اللي ماشيه مقدارها كام قال لك والله بنقيسها بجهاز الاميتر الاميتر ده بنوصله بالدائره الكهربيه على التوالي وهقول لك دلوقتي حالا يعني ايه على التوالي احنا بنوصل جهاز الاميتر ده على التوالي في الدائره الكهربيه فبيقول لنا شده التيار الكهربي كام الرمز بقى بتاع جهاز الاميتر هو ان احنا بنرسم حرف الا وبنحطه جوه دايره وبعدين بعدين بيكون ليه طرفين واحد موجب وواحد سالب ولكن هو عباره عن حرف الا جوه دايره ومتوصل بطرفينه واحد موجب وواحد سالب التوصيل على التوالي هو ان احنا بنوصل العناصر الكهربيه على خط واحد يعني لو انا عندي دائره كهربيه فانا باخد جهاز الاميتر ده بحطه في الدائره الكهربيه وبيكون معاهم على خط واحد التوصيل على التوالي بيكون عباره عن ان الدائره الكهربيه زي ما بيسموها كده كلها على بعضها ايد واحده لو في مكون واحد اتعطل الدائره الكهربيه كلها بتتعطل انما التوصيل على التوازي بيكون عن طريق ان احنا بنخلي كل عنصر كهربي ليه تيار كهربي خاص بيه بحيث ان لو في جزء اتعطل باقي الاجزاء تفضل زي ما هي وده زي مثلا توصيل الكهرباء في المنازل احنا في البيوت بنوصل الكهربا على التوازي ليه على التوازي علشان لو عندي حاجه باظت في البيت كله ما يفصلش كهربا يفصل جزء منه انما الترتيب على التوالي بيكون كلهم ايد واحده لو في جزء اتعطل باقي الاجزاء برده تتعطل طيب بالنسبه للتوصيل على التوالي في جهاز الاميتر اول حاجه احنا الاميتر بيكون ليه طرفين واحد موجب واحد سالب اللي باللون الاحمر ده بيكون القطب الموجب واللي باللون الاسود ده بيكون الطرف السالب فاحنا بناخد الطرف الموجب والطرف السالب وبنوصلهم بمصدر التيار الكهربي سواء كان عمود او بطاريه ونخلي بالنا بقى واحنا بنوصل ان احنا بنخلي طرف الموجب مع الطرف الموجب والطرف السالب مع الطرف السالب يعني في الدائره الكهربيه اللي قدامك دي انا عندي عمود الكهربا الموجب على اليمين والسالب على الشمال يبقى جهاز الاميتر اول حاجه كده بسم الله هخليه جزء من الدائره الكهربيه والطرف الموجب هيكون على اليمين والطرف السالب هيكون على الشمال السالب اللي هي على طول سالب والموجب اللي هي على طول موجب زيه يبقى سريعا سريعا كده احنا خدنا ايه في درس النهارده خدنا التيار الكهربي وهو عباره عن فلز قوى الجاذبيه ما بينه وما بين مستوى الطاقه الاخير ضعيف وعلى هذا الاساس قدرنا نعمل سلك توصيل كهربي من فلز بسبب ان هو بيتميز بقوه ضعف ما بين النواه وما بين الكترونات التكافؤ النواه واخر مستوى طاقه التجاذب ما بينهم بيكون ضعيف فبيخلي الالكترونات الاخيره دي تبقى حره اول ما نوصلها بمصدر توصيل كهربي تبدا الالكترونات دي تتحرك فتعمل لي تيار كهربي تعريف التيار الكهربي هو تدفق للشحنات الكهربيه او مرور الشحنات الكهربيه خلال الموصلات المعدنيه اللي هي الاسلاك وقلت لك ان هي بتكون في الدوائر المغلقه. اهم المكونات عندي في الدائه الكهربيه المصباح الكهربي اللي بنستدل منه على مرور التيار الكهربي على وجود كهرباء اصلا المفتاح الكهربي ده اللي بنقدر نقفل ونفتح بيه الدائره الكهربيه لو كان مفتوح فهو زي عودين الكبريت اللي مفصولين عن بعض لو شابكين يبقى الدائره بتاعتنا مغلقه وبيكون معايا سلك توصيل وعمود كهربي وبطاريه العمود الكهربي بيكون في طرفين واحد موجب وواحد سالب الموجب بياخد الشرطه الكبيره والسالب سالب بياخد الشرطه الصغيره لو بطاريه فانا بقول لك على الاقل يكون عندي عمودين يعني اثنين من الموجب واثنين من السالب او لاثه من الموجب وثلاثه من السالب وهكذا شده التيار الكهربي هي كميه الكهربيه المتدفقه عبر مقطع في زمن قدر واحد ثانيه يعني كميه الكهربا اللي بتمشي عندنا في سلك في زمن قدره واحد ثانيه كام؟ هو ده شده التيار الكهربي شده التيار الكهربي وحده قياسه الامبير وهو بيساوي كميه الكهربا على الزمن بالثانيه كميه الكهربا ك وحده قياسها الكولوم والزمن وحده قياسه الثانيه وممكن نقول ان الامبير هو كولوم على الثانيه تعريف الامبير الامبير هو كولوم على ثانيه واحد كولوم على واحد ثانيه الامبير هو وحده قياس شده التيار يبقى الامبير بتاعنا هو شده التيار الناتجه عن مرور كميه من الكهرباء مقدارها واحد كولوم في زمن قدره واحد انيه انما الكولوم هو كميه الكهربا الكولوم وحده قياس كميه الكهرباء والكولوم بيساوي الامبير في الثانيه يبقى كميه الكهربيه المنقوله بتيار ثابت الشده بتاعته 1 امبير في الزمن 1 ثانيه وعلشان نحسب شده التيار فاحنا بنقسم كميه الكهربا على الزمن اللي هو ك على ز علشان نحسب كميه الكهربا بنضرب شده التيار في الزمن اللي هو ك بتساوي تقفيزين والزمن بيساوي كميه الكهرباء على شده التيار يعني ازاي بتساوي ك على ت اخر حاجه معانا جهاز الاميتر ده جهاز بنستخدمه في قياس شده التيار الكهربي في الدائره الكهربيه الرمز بتاعه هو حرف اي موجود جوه دايره ومتوصل بالطرف الموجب والطرف السالب على التوالي يعني ايه على التوالي يعني احنا بناخد الطرف الموجب للاميتر يكون ماشي في نفس اتجاه القطب الموجب للمصدر اللي خاص بالتيار الكهربي في الدائره الكهربيه والطرف السالب للاميتر اللي بيكون لونه اسود يكون ماشي في نفس اتجاه الطرف السالب لمصدر التيار الكهربي. لحد هنا ويكون درسنا انتهى اتمنى ان انا اكون افدتكم اشوفكم على خير ان شاء الله في فرق الجهد الكهربي والسلام