الدرس الثاني في الدين بديع صنع الله تعالى الصف الأول الإعدادي الترم الثاني وحل تدريبات الكتاب

عمرك شفت حد خلق شمس او قمر قبل كده او عمرك شفت حد خلق انسان او شجر او اي حاجه في الكون اكيد لا طبعا وهو ده معنى الابداع من اسم الله تعالى البديع ان ربنا خلق كل حاجه في الكون بصوره يعني بشكل لم يسبق لها مثيل وخلقها كلها باتقان وفي نظام غايه في الدقه والابداع هنشوف كمان عظمه ابداع ربنا سبحانه وتعالى في خلق الانسان وفي خلق الكون وهنشوف كمان نموذج من ابداع الصحابه وهقول لك كيف تكون مبدعا في درس اسم الله تعالى البديع وكمان هنحل مع بعض تدريبات الكتاب المدرسي وكمان هسيب لك رابط في وصف الفيديو في اسئله للتدريب على الدرس بس الاول كده اوعى تنسى الصلاه على النبي صلى الله عليه وسلم واكتب في الكومنتات الصلاه على النبي عشان اخد انا وانت الثواب والاجر ويلا بينا مع الدرس الثاني في العقيده بديع صنع الله تعالى قلنا في الدرس الاول ان ربنا سبحانه وتعالى له اسماء وصفات قال تعالى ولله الاسماء الحسنى فادعوه بها يبقى انا ممكن ادعي ربنا باسمائه ما فيش مشكله طبعا ندعي ربنا يا رحيم يا كريم يا غفور كلها اسماء ربنا سبحانه وتعالى ليها اثر وليها ثمره عظيمه للمؤمن في الدنيا وفي الاخره عشان كده لازم تعرف اسماء وصفات ربنا سبحانه وتعالى من اسماء ربنا اللي معانا في الدرس النهارده اسم الله تعالى البديع والابداع معناه ان ربنا سبحانه وتعالى خلق كل حاجه في الكون بشكل ما فيش حد سبقه فيها ابدا لم يسبق لها مثيل يعني عمرك ما سمعت ان في حد خلق شمس او قمر او انسان او شجر لا طبعا هو وحده سبحانه وتعالى اللي خلق كل حاجه في الكون لم يسبق لها مثيل خلق الكون كله باتقان ليس له مثيل وفي دقه وفي غايه وفي دقه غايه في الابداع وفي دقه غايه في الابداع ابداع ربنا سبحانه وتعالى موجود في كل حاجه حوالينا حتى لو انت بصيت على نفسك كده هتلاقي جسم الانسان في دقه وفي ابداع رهيب جدا عشان كده لازم تتفكر في بديع خلق الله سبحانه وتعالى فانت لما تتامل في بديع صنع ربنا سبحانه وتعالى حتى في نفسك كانسان بيزيد ايمانك وتقربك من ربنا سبحانه وتعالى لان ابداع ربنا ليس له عدد لا يعد ولا يحصى فربنا خلق الانسان في احسن صوره قال تعالى لقد خلقنا الانسان في احسن تقويم وربنا خلق الانسان وجعله خليفه في الارض واداله العقل ليه ربنا ادانا العقل يا شباب ربنا ادانا العقل عشان نفكر بيه وقلب نحس بيه وحواس نقدر نكتشف بيه عظمه ربنا سبحانه وتعالى ونكتشف بيه الكون كله وربنا ادانا القدره على التعبير عن المشاعر والفكر وعلى التعلم و التطور وخلق الانسان يعتبر اعجوبه من اعاجيب الخلق عشان كده لازم نتامل في بديع خلق الله سبحانه وتعالى في خلق الانسان وتعال نشوف كده ابداع ربنا في خلق الانسان ابداع الله سبحانه وتعالى في خلق الانسان من ابداع ربنا سبحانه وتعالى في خلق الانسان العين العين ده عضو معقد جدا فيه ملايين الخلايا اللي بتمكن انك تشوف في واحد عنده عين لكن ما بتشوفش سبحان الله واحد تاني عنده عين تشوف ده يدل على ابداع خلق الله سبحانه وتعالى الدماغ اللي فيها جهاز معقد جدا جدا جدا بيتحكم في جميع وظائف الجسم وكمان يعتبر هو مقر العقل والتفكير القلب اللي بدونه تتوقف حياه الانسان القلب دوره ايه يضخ الدم لكل اجزاء الجسم وهو كمان ضروري لحياه الانسان بصمه الاصابع يا شباب لكل واحد فينا بصمه مختلفه حتى لو كنتوا اثنين اخوات توام هتلاقي البصمات مختلفه والصباع كل صباع ليه بصمه مختلفه عن الثاني وده يدل على بديع خلق الله سبحانه وتعالى وابداعه في خلق الانسان من مظاهر ابداع ربنا سبحانه وتعالى في الكون بقى حوالينا كده نتامل في الكون كله كده هتلاقي من ابداع ربنا سبحانه وتعالى الابداع ده قلنا يعني ايه ابداع الابداع خلق شيء جديد لم يسبق او لم يسبق له مثيل وده اللي ربنا سبحانه وتعالى خلقه في الكون ربنا قال بديع السماوات والارض اي ان ربنا سبحانه وتعالى خلق السماء والارض واب بتكرها وما فيش حد سبقه الى هذا الخلق العظيم فكل حاجه حوالينا في الكون تدل على ابداع الله سبحانه وتعالى لو بصيت في السماء فوقيك كده هتشوف ابداع خلق الله سبحانه وتعالى ربنا خلق سبع سماوات مرفوعه ثابته وسبحان الله لو انت عايز تعمل سقف لازم تعمل له حيطه وتعمل له اعمده عشان تمسك السقف بتاع الشقه بتاعتك لكن السماء ربنا رفعها بدون اعمده وزين السماء بمصابيح اللي هي النجوم اللي هتنور السماء قال تعالى افلم ينظروا الى السماء فوقهم كيف بنيناها وزيناها وما لها من فروج السماء دي فيها شمس وفيها قمر قال تعالى وسخر لكم الشمس والقمر دائبين وده يعتبر ابرز مظاهر ابداع ربنا سبحانه وتعالى في الكون ثنائيه فريده اللي هي الشمس والقمر بتوضح الليل والنهار النور والضلمه الحركه والسكون موجودين فين في الشمس والقمر ابداع ربنا سبحانه وتعالى رهيب جدا من ابداع ربنا في خلق الشمس والقمر الحكمه في الخلق ليه ربنا خلق الشمس مصدر الحياه والطاقه وكمان بتنور بالنهار طب والقمر بينور الليل وبنعرف منه كمان خد بالك مواقيت اشهر الدقه في النظام الشمس والقمر بيلفوا حوالين بعض وبيلف حوالين نفسها سبحان الله نظام دقيق جدا متوازن جدا فالقمر بيدور حوالين الارض والشمس بتلف حوالين نفسها سبحان الله ابداع رهيب جدا التنوع والجمال يختلف شكل القمر كل يوم عن الثاني لو بصيت في السماء كده كل ليله هتلاقي القمر بيختلف ليه سبحان الله ابداع وجمال الاثر على الحياه دوران القمر حول الارض بيعمل ايه بياثر في المد والجذر في البحر وكمان بياثر على الحياه البحريه ودوره القمر بتؤثر على ايه بتؤثر على الطيور وبتاثر على الكائنات الحيه عموما شفتوا سبحان الله ده في ايه بس في الشمس والقمر بس لكن الكون كله في ابداع رهيب يدل على عظمه المبدع سبحانه وتعالى تعال نشوف كده نموذج من ابداع الصحابه الصحابه د البشر وانت بشر انت كمان لازم تكون مبدع تعالى نشوف كده الاول ابداع الصحابه رضي الله عنهم طبعا لما كتر عدد المسلمين والرسول كان بيخطب في المسجد فكان بيفضل واقف ففي واحده من الصحابيات امراه يعني من الانصار يعني ايه الصار يا شباب يعني من اهل المدينه فقالت يا رسول الله الا اجعل لك شيئا تقعد عليه فان لي غلاما نجارا يعني يا رسول الله ايه رايك اعمل لك حاجه تقعد عليها انا عندي خادم شغال نجار قال لها ان شئت قالت فعملت له المنبر شفتوا ابداع الصحابه اهو امراه اقترحت اقتراح عشان تريح النبي عشان يقعد اثناء الخطبه صلى الله عليه وسلم انت كمان لازم تكون مبدع طب ازاي اكون مبدع انك تتفكر وتتامل في ابداع خلق ربنا سبحانه وتعالى انك تقرا كتير لان القراءه بتحفز عندك الابداع لازم تتعلم مهارات جديده عشان يبقى عندك افق واسعه للتفكر والابداع محاوله حل المشكلات طرق مختلفه وانك تبتكر ويكون عندك ابداع في وجود حلول غير تقليديه للمشكلات عدم الخوف من الفشل لان الفشل طبيعي في التعلم ما تخافش ابدا من الفشل لازم تفشل عشان تنجح لازم يكون في جسمك يحتاج راحه عقلك يحتاج راحه انك تكتشف انت مهتم بايه بتحب ايه انك تساعد الناس لان العمل مع الاخرين بيفتح ليك افاق جديده ويديك كمان تطور ووجهات نظر مخت كده قلنا ابداع الصحابه وانت كمان لازم تكون مبدع وتتعلم من ابداع الله سبحانه وتعالى في الكون وبكده يكون تم الشرح والحمد لله رب العالمين يلا بينا نحل مع بعض تدريبات الكتاب المدرسي النشاط الاول معنى اسم الله تعالى البديع يلا اختار بسرعه معايا كده يعني ايه اسم الله البديع يعني الذي خلق كل شيء على غير مثال سابق برافو عليك من ابداع الله عز وجل في خلق الانسان هنختار ايه عمل اجهزه الجسم عمل القلب بصمه اصابع جميع ما سبق طبعا جميع ما سبق ج اي مما يلي يعد عامل رئيسي في تنميه الابداع القراءه وتعلم مهارات جديده ايه النشاط الثاني صح وغلط السماء مزينه بالنجوم التي خلقها الله تعالى بنظام دقيق طبعا اجابه صحيحه كل انسان لديه بصمه اصابع نفسها كغيره من البشر طبعا اجابه خاطئه ابداع الله في خلق الكون يشمل السماء والارض فقط ولا يشمل الكائنات الحيه لا ابداع ربنا في كل حاجه اجابه خاطئه ابداع الصحابه ظهر في اقتراح حلول عمليه مثل فكره الممبر طبعا اجابه صحيحه التفكير في ابداع الخالق يقلل من الابداع البشري لا طبعا يزود الابداع البشري اجابه خاطئه بفكرك مره تانيه سايب لك رابط في وصف الفيديو في اسئله للتدريب على الدرس وكمان في شرح الدرس مكتوب اوعى تنسى صلا على النبي عليه الصلاه والسلام اوعى تنسى دعم القناه والاشتراك في القناه واللايك الجميل والسلام عليكم ورحمه الله وبركاته