أكثر سبع أخطاء شيوعا في ترتيب و تنظيم المطابخ مع فرح

انه نفيق كل يوم الصبح ونصبح بخزانه مطبخ كلها كراكيب حتقيق مو احلى شيء نبلش فيه نهارنا اليوم راح احكي لكم عن سبع اخطاء بترتيب المطبخ اغلبنا وانا كنت منهم بيوقع فيها هي الاخطاء هي اللي بتخلي تضلوا مالكم راضيان عن مطبخكم شو ما عملتوا وراح اورجيكم بنفس الوقت الطريقه الصحيحه اللي بتوصلكم للمطبخ المرتب اللي بتحلموا فيه سلام للجميع انا فرح اذا كنتوا ضيوف جداد عندي بالقناه لا تنسوا تشتركوا واذا عجبكم الفيديو وحسيته انه مفيد فلا تنسوا تحطوا لايك وتشاركو مع اصحابكم اول خطا هو ضب البهارات بخزانه المطبخ واحد من اكبر الاخطاء اللي ممكن تعملوها وانتم عم ترتبوا مطبخكم هو انه تضيعوا مساحه مهمه على الكاونتر توب او بخزانه من خزن المطبخ ل تحطوا فيها رف للبهارات والتوابل لانه علب البهارات والتوابل لما بينصف جنب بعضهم البعض بقلب خزانه المطبخ حغ طوا على بعضهم البعض وح تصيروا تلاقوا صعوبه لتستكشف شو في عندكم ورا الاسوا من هيك انه تصفوه برا على طرس المطبخ لانه بغض النظر عن كل شيء ما بصير تنتر علب البهارات برا لحتى ما تتعرض لضوء الشمس اللي بروح لها طعمها وبخليها تنتزع احسن مكان ضبوا فيه التوابل باجماع كل خبراء التنظيم هو الدرج او الجارور لانه بالدرج فيكم ترتبوا مرطبانات التوابل بشكل مسطح وقريب من بعضه فبتو مساحه وبيصير كل شيء واضح قدامكم فضوا البهارات بمرطبان ازاز وصفوهم بدرج فاضي قريب على الغاز او الطباخ لحتى ما يغطوا على بعضهم البعض بهالطريقه بتصير بتقدروا تعرفوا شو عندكم وشو ناقصكم وبتجيب على قد احتياجاتكم واذا بتقدروا تكتبوا اسماء البهارات على العلبه تبعها بشكل واضح حتوف على حالكم وقت استكشاف كل علبه لحالها كل مره عند الطبخ خاصه اذا كنتم عم تتعلموا الطبخ جديد الخطا اللي بعده ضب المقالي والطناش بالخزنه السفليه جنب الطباخ معظم الناس عندهم خزانه او خزانتين بالمطبخ جنب الفرن او الغاز ضبوا فيها كل الطناجر والمقالي بقلب بعض وفوق بعض وانا كنت وحده منهم وكل ما كنت بدي اسحب طنجره او مقلايه صغيره يوقعوا كل الطناجر ويسمعوا كل الجيران وضلت كل البنايه تعرف ايمتى ببلش طبخ كل مره بفوت فيها على المطبخ لحتى اكتشفت اخر شيء انه هالطريقه هي اقل طريقه كفاءه بترتيب طناجر الطبخ الحل العملي والمفضل عند خبراء التنظيم والشيف فات هو اما انكم تحطوهم برفوف الخزنه العلويه بحيث انه كل طنجره او مقلايه تنحط لحالها مع الغطاء تبعها او انه تعلقو تعليق مثل مو شايفين بعلاقات لها خطافات خصوصيه لتحمل الطناجر والمقالي ممكن تتركب فوق الكتشن ايلاند مثل مالكم شايفين او ممكن تتركب على اي حيط فاضي اذا ما عندكم كتشن ايلاند بهالطريقه بتقدروا تشوفوهم بسهوله وبيكونوا قدامكم جاهزين للاستخدام ايمتى ما حبيتوا بالنسبه الي كمهندسه ديكو بفضل الحل الاول لانه اخف كركبه واريح للعين طبعا معظمكم هلا بيكون عم يفكر انه هالطريقه ما بيمشي حالها عندهم لانه توزيع الطناجر بهالطريقه بيلزم مساحه كبيره الحل بسيط كثير وهو استخدام منظمات الطناجر في منها كثير انواع وموديلات اختاروا منها اللي يناسبكم على هوا المساحه الفاضيه اللي عندكم بس لما بتختاروا منظم الطناجر لازم تنتبهوا على نقطتين اول شيء منظم الطناجر لازم يكون مصنوع من مواد متينه بتتحمل وزن الطناجر لانه الطناجر والمقالي بيكونوا مو مثل الصحون فاذا ما اخترتوا المنظم المناسب بصيروا بيوقعوا كل شوي على بعض ثاني شيء اختاروا المنظم اللي بيناسب قياس الطناجر اللي عندكم اذا عندكم طنجره كبيره او عاليه كثير مثلا الخطا الثاني الكبير كثير واللي بيعملوه كثير ناس وهمن عم يرتبوا المطبخ تبعهم هو انه عبوا الدروج والخزن على العمياني بدون اي خطه انه تعبوا الخزن والدروج بالمطبخ بدون ما تحطوا خطه معينه لتقسيم المطبخ خطا كثير كبير لانه بخليكم ما تلاقوا الغرض اللي بدكم اياه وقت اللي بتحتاج وبتصير بتلاقوا حالكم وبضطر كل مره تغيروا مكان الاغراض من محل لمحل وبتصير بتكدس بطريقه مااله مرتبه مع انه كل ستات البيوت واللي بيطبخوا بيعرفوا قدش مهم تلاقوا الشغله اللي بدكم اياها قبل ما تحترق الطبخه فمان هيك لما تفكروا كيف بدكم تنظموا خزاين ودروجبا لازم تفكروا اول شيء انه تقسموا مطبخكم لثلاث مناطق اول منطقه هي منطقه التحضير هي المنطقه هي المكان اللي بتحضروا فيه الاكل قبل ما تطبخو فلازم تكون عن ترس المطبخ او الكتشن ايلاند او طاوله المطبخ بهالمنطقه لازم كل الادوات اللي بتستخدموها للتحضير تكون موجوده مثل السكاكين الواح التقطيع والزيوت البارده كمان خلوا الادوات الصغيره مثل العصارات والخلاطات اليدويه قريبه على هي المنطقه لحتى يكون كل شيء بين ايديكم المنطقه الثانيه هي منطقه الطبخ وهي المنطقه اللي بصير فيها الطبخ الفعلي يعني حوالين الفرن والغاز بهالمكان لازم ضمنها يك كون في خزن الطناجر والمقالي وادوات الطبخ الكبيره مثل الملاقط والمغارب كمان لازم يكون ضمن درج البهارات اللي بتستخدموه بشكل مستمر بالطبخ فيكم كمان تضمنوا فيها مكان اللي بتضبط الكهربائيه الصغيره اللي بتستخدموها للطهي مثل القلايه الهوائيه او الشوايه وغيرها ثالث منطقه والاخيره هي منطقه التنظيف هي المنطقه اللي بتكون حوالين المجلى والجلا هون لازم تحطوا الصحون الكاسات ادوات الاكل كمان خلوا ضمنا المنظفات ومواد التنظيف والمناديل والمناشف لتوصل لهم بسهوله بتقسيم المطبخ لهي المناطق ثلاثه حيصير كل شيء مرتب وسهل الوصول له وح تصيروا تعرفوا تلاقوا اي شغله بدكم اياها حتى لو كنتم نسيانين مكانها الخطا اللي بعده هو استخدام قطع الزوايا اذا كنتم عم تصممو او تعيدوا تصميم مطبخكم وعم تركزوا على التنظيم فبن حكم انه تبعدوا عن استخدام الخزاين الزاويه قد ما بتقدروا ليش لانه هذا النوع من الخزاين برغم انه بيوفر لكم مساحات اضافيه كبيره بس عند الاستخدام الفعلي ح تحسوا انه هي المساحات شبه ضايعه وهذا لانه تنظيمها صعب كثير واي شيء بينحط بقلبها بصير صعب الوصول له حتى الاشياء الصغيره ممكن تضيع بقلبها بسهوله هلا اذا وقعتوا بهي المشكله ومشي الحال ففي بعض المنظمات اللي ممكن تساعدكم مثل الليزي سوزن اللي هي المنظمات اللي بتلف حوالين المركز تبعها ح تساعدكم كثير بتنظيم الزوايا الصعبه بس اذا بتركز بتصميم مطبخكم على الخز اللي ما بتحوي على زوايا حتلاقوا انه المطبخ عملي اكثر واسهل بالاستخدام اليومي الخطا اللي بعده عدم استخدام منظمات المطبخ بعد ما قمتوا مطبخكم وصرتوا تعرفوا وين لازم تحطوا كل شيء بيجي وقت حط الاغراض بمكانها واذا كنتم ما بتستخدموا منظمات المطبخ فع الاغلب معظم اغراض المطبخ اللي عندكم ما راح يلتق لها مكان وح تضطروا تكدسهم فوق بعض بطريقه يصعب عليكم توصلوا للقطعه اللي بدكم اياها بسهوله مشان هيك منظمات خزاين المطبخ مهمين كثير لانه بساعدو تستغلوا الارتفاع والعمق الكامل للخزين وبلو تلاقوا مكان لاي قطعه مهما كان مطبخكم صغير هلا لما بنيجي لانواع منظمات المطبخ حتلاقوا انه في منهم الغالي وفي منهم الرخيص مثلا صناديق التخزين اللي بتكون مصنوعه من الخيزران او الكروشيه بونوا غاليين بينما العلب المصنوعين من البلاستيك بيكونوا دائما الخيار الارخص الخطا اللي بعده تخزين الصحون وكاسات الاطفال بالخزن مع الصحون والكاسات اليوميه اذا كنتم بتخزن صحون الوجبات الخفيفه الاطباق والاكواب تبع الاولاد الصغار محل ما بتخزن صحون وكاسات اليوميه بالخزانات العلويه فطبيعي انه اطفالكم راح يحتاجوا لمساعدتكم كل مره بدهم ياخذوا منهم شيء نصيحتي لكم لما يكبروا اولادكم شوي ويصيروا قادرين يتعاملوا مع اغراضهم لحالهم فالافضل وقتها انكم تخزن لهم اغراضهم من الكاسات والاطباق والصحون بخزانه او بدرج هيك بيقدروا اولادكم يوصلوا للاشياء اللي بدهم اياها لحالهم وبيقدر بنفس الوقت يرجعوها مكانها بالشكل الصحيح الفكره هون انكم تخلوا الاولاد يعتمدوا على نفسهم وتخفف عنكم شوي من المسؤوليه والكل يستفيد الخطا اللي بعده التراجع بسرعه عن فكره تفريغ الاكل بعبوات شفافه كثير من الناس بيبد بتنظيم مطبخهم بتفريغ الاكل بعبوات شفافه بس بعد فتره بيتركو الفكره بحجه انه ماالها عمليه هذا واحد من الاخطاء الشائعه بتن تظيم المطبخ في كثير اسباب بتخلي استخدام العبوات الشفافه مهم كثير مو بس للتنظيم والشكل الحلو كمان لتسهيل الرؤيه ولحمايه المونه مثل الرز والبرغل والعدس من انها تسوس لما بتتركه جزء من المونه بالكيس فتره طويله بدون ما تنتبهوا بيوس وبفرش والسوس والفراش بينتقل بسرعه وبخربش عندكم من المونه ومو شرط التخريب يصير عندكم ممكن تجيبوا المونه من عند البياع وهي مسوسه بدون ما تنتبهوا وتخرب لكم كل شيء بالخزانه ماله مفرغ ضمن عبوات زجاجيه السبب الاساسي اللي بخلي معظم الناس يتركوا فكره التفريغ بعبوات زجاجيه هو انهم بيختاروا عبوات كبيره وثقيله للتفريغ فبص سحبها وترجيعها كل مره مشكله كبيره فمان هيك بنصحكم انه تجيبوا عبوات وسط او صغيره لتفرغ فيها المونه وجيبو بحيث تقدروا تحطوهم فوق بعض لحتى تستفيدوا من كل المساحه بهالطريقه سحب العبوات وارجاعها بصير سهل كثير لكن كثير ضروري انه تحطوا العبوات اللي في فيها نفس النوع جنب بعض لحتى ما تتخربط ويصير في فوضى بالخزانه نقطه ثانيه كثير مهمه عن تفريغ بعض انواع الاكل هي انه تقصوا تعليمات الاستخدام وتاريخ الانتهاء من العلبه الاصليه وتحطوها بقلب العبوه الزجاجيه او تلزق عليها هيك بتقدروا تتاكدوا من طريقه الاستخدام وتاريخ الصلاحيه ايمتى ما بدكم المطبخ هو اكثر غرفه بالبيت بتاخذ وقت بالتنظيم لانه في كل شيء من الصحون والطناش لاغراض الطبخ والاجهزه الكهربائيه وكل ستات البيوت بيعرفوا قديش مهم انه تحافظوا على خزاين المطبخ مرتبه لتقدروا تلاقوا كل شيء بدكم اياه وقت اللي بيلزم سواء كان بهار للطبخ او غطا طنجره هذا كل شيء بخصوص فيديو اليوم بتمنى انكم تكونوا استفدتوا من هي النصائح واذا في عندكم اي اسئله او استفسارات او نصائح ثانيه بتحبوا تشاركوها معنا ففيك تكتبوا لنا اياها بالتعليقات واذا لسه ما اشتركتم بالقناه عندي لا تنسوا تشتركوا واذا عجبكم الفيديو وحسيته انه مفيد فلا تنسوا تحطوا لايك وتشاركوا ومع اصحابكم