الصف السابع الضوء مفهومه وخصائصه الأستاذ عزالدين القواسمي

بسم الله والصلاه والسلام على رسول الله ربي اشرح لي صدري ويسر لي امري واحلل عقده من لساني يفقه قولي بنرحب في بكم طلاب الصف السابع معكم الاستاذ عز الدين القواسمي في حصه اليوم ان شاء الله رح ناخذ ونبلش في الدرس الاول من وحده الضوء بدي اعرف شو يعني ضوء كيف بينتقل الضوء شو يعني موجات شو يعني موجات كهرومغناطيسيه كل ه الامور ان شاء الله رح نمر عليها طيب بدايه الدرس الاول بده يحكي عندي عن مفهوم الضوء وخصائصه هسا ه في عندي اخذنا بالصف السادس انه في عندي بعض ال ال بعض الاشياء بتنتقل على شكل موجات اما بتكون موجات ميكانيكيه واما بتكون موجات كهرومغناطيسيه يعني مثلا الصوت بينتقل على شكل موجات والموجات اللي بينتقل فيها الصوت هي موجات ميكانيكيه شو يعني موجات ميكانيكيه؟ يعني هي موجات تحتاج الى وسط ينقلها تحتاج لشيء بينقلها زي الصوت اما الضوء بينتقل على شكل موجات زي موجات البحر لكن مش بحاجه حدا ينقله ضوء الشمس بوصلنا من الفضاء مع انه بالفضاء في عندي فراغ مع هيك بوصلنا يعني مش بحاجه حدا ينقله ضوء الشمس مش بحاجه حدا ينقله بالتالي كل انواع الضوء بتن بتنتقل على شكل موجات مش بحاجه وسط ينقلها مش بحاجه حدا ينقلها هسا انا وانا قاعد احكي الصوت بيطلع من تمي بعد هيك بضرب بال الجسيمات الموجوده في الغرفه الجسيمات بتنتقل للمايك المايك للكاميرا من الكاميرا عندك الصوت بيطلع مثلا من التلفون او من اللاب توب اللي انت بتحضر منه بينتقل ل المكان اللي انت قاعد فيه مثلا للغرفه اللي انت قاعد فيها للهواء ذرات الهواء الموجود فيها بتهتز على شكل موجات فبتوصل لدانك لو ما في موجات الهواء هي وما في عندي هسه هون هواء بال بالغرفه ما رح تسمع صوتي ليش؟ لانه الصوت يحتاج الى وسط ينقله بيحتاج لوسط اما صلب او سائل او غاز اما الضوء مش بحاجه وسط ينقله مع هيك بينتقل بالاوساط اللي هي الصلب والسائل والغاز لكن هو مش بحاجه هذول الشغلات عشان ينتقل من مكان للاخر اذا الضوء ينتقل حكينا على شكل موجات زي موجات البحر وهي الموجات بتنتشر في الاتجاهات جميعها يعني مش باتجاه واحد مثلا الضوء بده ينتقل للامام بس لا الضوء للامام وللخلف ويمين ويسار في الاتجاهات جميعها تمام فبالتالي الضوء ايه بينتقل على شكل موجات وبرضه هي الموجات لا تحتاج الى وسط ينقلها دون الحاجه الى وسط ينقلها شو بسمي هي الموجات؟ موجات كهرومغناطيسيه يعني كهربائيه ومغناطيسيه في نفس الوقت اذا الضوء مش بحاجه حدا ينقله تمام هسا بيحكي لي يمكن لموجات الضوء الانتقال في الفضاء الخارجي مع انه في فراغ فنحن نرى النجوم على الرغم من عدم وجود وسط ينقل ضوءها الينا يعني انت بتشوف النجوم بالليل بتشوف ايه النجوم قاعده تضوي صح ولا لا هي النجوم هي عباره عن ايش؟ عباره عن ضوء طيب كيف وصلنا مع انه في فراغ حكينا الضوء مش بحاجه حدا ينقله بينتقل على شكل موجات كهرومغناطيسيه هسا بيحكي لي تتوزع الموجات الكهرومغناطيسيه على شكل طيف يسمى الطيف الكهرومغناطيسي شو يعني طيف يعني خيال او ظل الى اخره هسا الطيف الكهرومغناطيسي ينقسم الى اقسام عده منها يعني من الامثله على ال ال الطيف الكهرومغناطيسي اللي هي ايه الاشعه فوق البنفسجيه الاشعه السينيه اللي هي بنصور فيها العظام الاشعه تحت الحمراء، موجات المايكروويف، موجات الراديو، الضوء المرئي اللي هو نحن بنشوفه، هذا كلياته من الامثله على ال ال الطيف الكهرومغناطيسي يعني اطلع مثلا عندي هون هي موجات الراديو المايكروويف، في عندي موجات مثلا فوق البنفسجيه الاكس راي جاما ريز تمام فهي من الامثله على الموجات ال او الطيف الكهرومغناطيسي هسا اذا بتلاحظ هون عندي الوان الطيف السبعه هذول الوان الطيف السبعه هم اللي بسميهم الضوء المرئي يعني انا بقدر اشوف بس الالوان هي والمزيج تبعهم يعني مثلا لو اعمل مزيج بين مثلا الاخضر والاصفر مثلا بيطلع عندي لون بقدر اشوفه ماشي بقدر اشوفه من خلال الطيف المرئي تمام فالطيف المرئي مثال عليه الوان الطيف السبعه هسا الوان الطيف السبعه دائما بتبلش باللون ال الاحمر وبتنتهي باللون البنفسجي فعشان هيك هون الاشعه المثال قال عليها المايكروويف وال والراديو هذول امثله على الاشعه تحت الحمراء ليش سميتها تحت الحمراء؟ لانها جاي الاشعه هي كلياتها تحت اللون الاحمر فبسميها تحت الحمراء وفي عندي اشعه اللي هي فوق البنفسجيه هي بتبلش فيها فوق البنفسجيه ليش سميتها فوق البنفسجيه لانه اخر لون في الوان الطيف اللي هو البنفسجي فاي شيء فوقه بسميه فوق البنفسجيه تمام فاذا هذول ال من الامثله على الطيف الكهرومغناطيسي ممكن يجي لي عليهم سؤال اذكر امثله على الطيف الكهرومغناطيسي بكتب له راديو او المايكروويف او الفوق البنفسجي اكس راي او جاما ريز او ضوء المرئي ممكن كمان نكتب له تمام هسا بدي اعرف انا او بدي اتعرف على خصائص الضوء شو يعني ضوء شو خصائصه الى اخره هسا اذا انا اي شيء بدي اعرفه لازم اتعرف على خصائصه يعني عشان اعرف خصائص القلم عشان عفوا اعرف القلم لازم اعرف خصائص القلم من ايش مصنوع كيف بكتب الشغلات هي بعرف القلم شو هو فهسا هون من خصائص الضوء انه سرعته كثير كبيره السرعه كثير كبيره يعني بينتقل ب اماكن بيقطع او بيقطع مسافات كثير كبيره في اوقات قليله فاذا السرعه تبعته كبيره وهي اسرع شيء تمكن العلماء من قياسه اسرع شيء بالكون اللي نحن عايشين فيه تمكن العلماء من قياسه اللي هو سرعه الضوء فهو بيستطيع حكينا يقطع مسافات كبيره في اثناء مده زمنيه صغيره يعني بوقت قليل بيقطع مسافه كثير كبيره من الخصيه الثانيه للضوء انه بينتقل عبر الاوساط الشفافه يعني اي وسط شفاف زي مثلا الزجاج زي مثلا البحار زي مثلا ايه كاسه مء هذول اوساط شفافه الضوء بينتقل من خلالها اذا بينتقل الضوء من الاوساط الشفافه ينفذ الضوء من الزجاج الشفاف هي مثال عليها مثلا بينما لا ينفذ من الاشعه المعج المعتمه يعني اي جسم معتم زي الخشب زي الانسان ما بينفذ منها وبيتكون تكون ساعتها الظل لانه بيخبط فيها وبينعكس هو فبتكون بعديها الظل اذا من خصائص الضوء حكينا سرعته كبيره ينفذ بين الاوساط الشفافه او ينتقل عبر الاوساط الشفافه لا ينفذ عبر الاوساط او الاجسام المعتمه عند سخوطه عليها حكينا جزء منه بدها تمتصه الجسم المعتم والجزء الاخر بده ينعكس بيحكي لي كمان من خصائص الضوء انه ينتقل في خطوط مستقيمه شو يعني ينتقل في خطوط مستقيمه يعني الضوء بتلاقيه ماشي في خط مستقيم في الاتجاهات جميعها يعني مثلا هي عندي مصدر للضوء خلينا نفرض الشمس الشمس هي بتعطي اشعه في الاتجاهات جميعها لكنه الشرط الوحيد انه تكون هي الاشعه ماشيه في خطوط مستقيمه اطلع في الاتجاهات جميعها ماشيه عندي لكنها في خطوط مستقيمه يعني ما بتلاقي مثلا الضوء بيمشي في خط مثلا مايل او في خط اعوج لا دائما بتلاقي الضوء بيصير في خطوط مستقيمه هي الخصيه الرابعه الرابعه له فهو يسلك اقصر مسار بين نقطتين في الوسط المجانس يعني بنقي اقصر مسار لانه بيمشي في خط مستقيم تمام طيب هسا بحكي لي لذلك تتكون الظلال الاجسام عندما يحجب الجسم الضوء اشعه الضوء عن منطقه يعني مثلا لو كان في عندي هي طلع عندي العصفور او الحمام الموجود عندي هون الضوء نزل عليها هذا جسم معتم جسم الحمامه جسم معتم فبالتالي رح تمتص جزء من الضوء عشان هيك هي لما انت توقف قدام الشمس بتحس بحر حراره والجزء الاخر بده ايش يصير فيه؟ بده ينعكس بده ينعكس فبالتالي هي المنطقه ما بوصلها ضوء ليش؟ لانه ما وصلها هيه نزل الضوء انعكس وامتص الجسم جزء منه فبالتالي هي المنطقه كامله ما وصلها ضوء عشان هيك بتكون الظل بينما لو الضوء ما بيمشي في خطوط مستقيمه كان بتلاقيه نزل زي هيك شاف مثلا جسم معتم ما بمر من خلاله بتلاقيه مشي زي هيك لكن هذا غلط ليش لانه حكينا الضوء يصير في خطوط مستقيمه ما رح يجيني زي هيك ويمر زي هيك لا هذا مستحيل فبالتالي بما انه يصير في خطوط مستقيمه جزء منه يمتص وجزء منه بينعكس فبتكون عندي الظلال تمام طيب هي بالنسبه ل خصائص الضوء هسا بدي اتعرف لشغله جديده اسمها انعكاس الضوء شو يعني انعكاس الضوء يعني هو ارتداد الضوء يعني الضوء بينزل عندي تتد بينزل على جسم برتد من هذا الجسم بينعكس تمام فهذا بسميه انعكاس الضوء وفي عندي نوعين لانعكاس الضوء اما انعكس انعكاس بده يكون منتظم واما انعكاس غير منتظم اما انعكاس منتظم واما غير منتظم تعال نشوف الفرق بيناتهم هسا الانعكاس المنتظم متى بيكون منتظم اذا نزل على جسم او على سطح كان مسقول شو يعني كلمه مسقول يعني في عندي اجسام زي المرايه مثلا في عندي اجسام هي الاجسام بتكون ايه ناعمه ملساء بتكون مستقيمه يعني ما فيها تعرجات وبتكون مدهونه ممكن في ماده تعكس لي الضوء الساقط عليها فهي بسميها سطح مسقول هسا اذا نزل اشعه الضوء على سطح مسقول يعني ما في تعرجات زي هذا السطح اللي باللون الاسود رح ينعكس انعكاس منتظم شو يعني؟ يعني هي نزلت الاشعه من هون الانعكاس المنطقي يروح هيك كل الاشعه بتنعكس زي هيك كله بينزل زي هيك وبنعكس زي هيك ليش؟ لانه هذا سطح مسقول سطح بده يعكس لي انعكاس منتظم اما اطلع هون عندي سطح ايش ماله؟ غير مسقول في تعرجات كثير الاشعه بدها تنزل بدها ايش تخبط هون ماشي هذا انعكس زي هيك هذا خبط في هون فانعكس لفوق هذا خبط هيك فرجع زي هيك فالانعكاس غير منتظم مش كل الاشعه اللي بتنزل هيك رح تنعكس هيك لا حسب السطح اللي نزلت عليه ممكن ت تنزل هيك تنعكس بنفس الاتجاه ممكن تنعكس هيك ممكن تنعكس هيك ليش لانه السطح هذا غير منتظم طيب شو الفرق بين السطح هذا والسطح هذا هي الرسمتين معطيني اياهم اطلع هون سطح الماء ما في امواج ما في تموج فبالتالي سطح الماء هون ايش ماله؟ مسقول املس مستقيم اما هون اطلع في توتر في سطح الماء في امواج فبالتالي صار سطح غير مسقول غير منتظم فالانعكاس بيطلع منه انعكاس غير منتظم هي بالنسبه لانعكاس الضوء هس احنا كيف بنشوف الشغلات؟ نحن بنشوف الشغلات بينزل عليها الضوء مثلا هي في عندي اضاءه كيف احنا شايفين القلم بينزل عليه القلم الاضاءه بتنعكس من القلم لعيني العين بتودي اشارات للدماغ ف الدماغ بترجم هذا انه هذا عباره عن قلم لونه اسود مثلا نحن كيف شايفين البورد البورد بص بيصدر ضوء بينعكس الضوء هذا منه لعيني فبالتالي انا قاعد اقرا واشوف شو موجود على البورد تمام كيف نحن شايفين ايدي مثلا الضوء بينزل على ايدي بينعكس من ايدي للعين فبالتالي بتقدر تشوفها فهيك دائما بنشوف ال ال ال الاضاءه طبعا ما ننسى في عندي نوعين لانعكاس الضوء اما بيكون انعكاس منتظم واما بيكون انعكاس غير منتظم هسا نيجي نحكي عن قانونين الانعكاس هسه دائما حكينا بما انه اي بما انه بيكون عندي اي نوعين للانعكاس انعكاس منتظم وغير منتظم نحن في الماده الموجوده عندي هون بدنا ناخذ عن الانعكاس المنظ المنتظم فقط يعني القوانين الانعكاس للسطح ال ال المسقول تمام طيب شو يعني الانعكاس هساه حكينا الانعكاس هو ارتداد للضوء يعني بينزل عندي اشعه ضوئيه بتخبط في سطح مسقول بدها تنعكس منه انعكاس منتظم تمام طيب هسا في عندي قانونين للانعكاس رح نيجي عليهم لكن قبل ما نيجي عليهم بدي اخذ شغله كثير مهمه شو هي هي الشغله المهمه انه دائما لما اشوف انا في عندي سطح وهذا السطح يكون سطح مسقول ويصير عليه سقوط لاشعه الضوء دائما بده يصير له ايش انعكاس منتظم تمام طيب شو اساوي انا دائما بساوي شغله هسا هذا الضوء اللي نازل بسميه شعاع ساقط ليش شعاع ساقط لانه شعاع ساقط على سطح يعني نزل ساقط معناها نازل وهذا شعاع منعكس هذا شعاع منعكس ليش منعكس؟ لانه بعد ما خبط في السطح الموجود عندي هون انعكس فهذا بسميه شعاع منعكس هسا دائما بين الشعاع الساقط والشعاع المنعكس دائما بيكون عندي خط وهمي عمود وهمي شو بسمي هذا العمود وهمي عمود مقام بسميه عمود مقام انا برسمه يعني بيكون معطيني شعاع ساقط او شعاع منعكس او الاثنين مع بعض وانا لازم ارسم العمود المقام اللي هو عمود عباره عن خط وهمي كيف هذا الخط الوهمي بيكون دائما بيكون عمودي على السطح العاكس هذا اللي باللون الاحمر بسميه سطح عاكس دائما هذا العمود المقام بكون عمود عليه شو يعني عمود عليه يعني بكون على شكل عمود هيه هذا العمود المقام بيكون على شكل عمود ما بيكون مايل هيك او بيكون مايل هيك لا بده يكون عمودي يعني الزاويه بدها تكون ايش 90 هذا معنى كلمه عمودي انه الزاويه بدها تكون 90 بين العمود المقام وبين السطح العاكس بين اللون الاحمر والاصف الزاويه بدها تكون كم؟ الزاويه بدها تكون 90 هسا هي الشغلات مهمه جدا نعرفها الشعاع الساقط العمود المقام شعاع منعكس وسطح ساقط تمام طيب بدنا نضيف عليهم كمان شغله هون بين العمود المقام والشعاع الساقط بصير في عندي زاويه هي الزاويه شو بسميها بسميها زاويه سقوط ليش لانها جاي بين عمود مقاوم وشعاع ساقط فسميتها زاويه سقوط طيب وهاي بين العمود المقاومه والشعاع المنعكس بسميها زاويه انعكاس ليش بسميها زاويه انعكاس لانها جاي بين شعاع منعكس وعمود مقام تمام اذا هي زاويه سقوط وهي زاويه انعكاس شو برمز للزاويه صفر وشحطه بالنص بسميها ايش يتا وهي هون في عندي زاويه صفر وشحطه بالنص بسميها يتا برايم يتا برايم شو يعني يتا برايم يعني ثا شحطه عشان افرق بين زاويه الانعكاس وزاويه سقوط دائما زاويه السقوط صفر وشحطه بالنص بس هون زاويه الانعكاس صفر شحطه بالنص وشحطه فوقيها يعني ثيتا برايم تمام فهي قبل ما ناخذ قانونين للانعكاس لازم اكون عارفهم لازم اكون عارف شو يعني سطح عاكس شو يعني شعاع ساقط شو يعني شعاع منعكس شو يعني زاويه سقوط شو يعني زاويه انعكاس شو يعني عمود مقام هي كلياتها لازم اكون عارفها تمام عشان كمان شوي رح نصير نحن نحدد قدش هي الزاويه قدش هي الزاويه زيه تمام طيب هسه قبل ما نيجي ونحدد قديش هي الزاويه قديش هي الزاويه لازم اعرف كيف بدي ارسم اصلا الزوايا هسا لما اجي انا ارسم الزوايا في عندي قانونين للانعكاس لازم اكون عارفهم قانونين للانعكاس لازم اكون ايش عارفهم قبل ما ناخذ القانونين مراجعه سريعه حكينا شعاع ساقط شعاع منعكس عمود مقام هي زاويه السقوط هي كامله من العمود المقام ل الشعاع الساقط زاويه سقوط وبين العمود المقام والشعاع المنعكس بسميها زاويه انعكاس ثيتا برايم وثيتا تمام طيب هسه في عندي قانونين عشان اعرف كيف ارسم اصلا الزوايا تبعت الانعكاس في عندي قانونين القانون الاول بيحكي لي انه الشعاع الساقط الشعاع اللي بينزل والشعاع المنعكس والعمود المقام على السطح العاكس عند نقطه السقوط يعني هذا العمود مكانه على السطح العاكس عند نقطه السقوط هون برسمه زي هيك وين ما بنزل الخط برسمه عنده تمام طيب هذول ايش مالهم بيحكي لي تقع جميعها في مستوى واحد عمودي على السطح العاكس يعني كلياتهم بده يكونوا عموديات في مستوى واحد في نقطه واحده هسا بنحكي عليها بالتفصيل لما نيجي نرسم القانون الثاني وهو الاهم واللي بيهتم فيه انه زاويه السقوط مساويه لزاويه الانعكاس زاويه السقوط مساويه لزاويه الانعكاس يعني قدش زاويه السقوط مثلا 60 زاويه الانعكاس زا حتكون 60 زاويه السقوط 30 زاويه الانعكاز حتكون 30 وهكذا تمام طيب كيف بدي ارسم انا اطلع علي عشان انا اجي ارسم بيجيني السؤال زي هيك بالضبط في عندي شعاع ساقط كيف عرفت انه ساقط لانه السهم بدلني انه هذا نازل وهذا شعاع منعكس خلينا نسميهم هذا شعاع ايش شعاع ساقط وهذا شعاع منعكس صح تمام هس ايش طالب مني بيحكي لي حدد زاويه السقوط وزاويه الانعكاس يعني بدي اعرف الثيتا والثيتا برايم كيف اطلع علي باجي بحكي دائما لما اشوف في عندي سطح عاكس اول شغله بسويها هذا شعاع ساقط صح وين نزل خبط هون في السطح العاكس من عنده من هون بطلع اللي هو ايش عمود مقام هذا اللي هو عمود مقام مقام نرسمه باللون الاصفر افضل هذا بسميه عمود مقام اللي هو بيكون عمودي عند زاويه السقوط تمام اذا اول شغله بسويها بطلع عمود مقام بعدين بحكي انه بحكي انه الزاويه بين الشعاع الساقط والعمود المقام هي الزاويه بسميها ثيتا وهي عباره عن زاويه سقوط زاويه سقوط وهاي الزاويه بسميها ثيتا برايم وبسميها زاويه انعكاس زاويه انعكاس طيب شو طالب مني؟ طالب مني اللي هو الثيتا والثيتا برايم زاويه سقوط والانعكاس طيب كيف بدي اعرف معطيني معلومه انه ها الزاويه اللي بره قيمتها 60 طيب انا يا استاذ عارف هي الرسمه هون هيك تمام نفسها هي العمود المقام بس شلت الزوايا شلت الشعاع سقط وشعاع نون اكس هسا هي الرسمه انا عارف يا استاذ انه بين العمود المقام اللي هو اللون الاصفر هذا مع السطح العاكس الزاويه بدها تكون 90 هي زي هيك بدها تكون 90 بين هي وهي الزاويه 90 صح طيب اذا الزاويه 90 وانا بالشعاع الساقط اخذت منها 60 هيه معطيني هو انه ماخذ منها 60 قدش بضل جوا هون بكمل من 60 ل 90 قدش ظل عندي ظل عندي 30 اذا زاويه السقوط تساوي 30 درجه اذا اجباري زاويه الانعكاس تساوي 30 درجه استاذ طيب ليش اجباري لانه اخذنا بقانون الانعكاس الثاني انه زاويه السقوط مساويه لزاويه الانعكاس زاويه السقوط مساويه لزاويه الانعكاس اذا دائما بتطلع هذا الزاويه اللي معطيني اياها بره ولا جوا بره معناته بكملها لل 90 طيب ناخذ مثال ثاني او مثلا حدد زاويه سقو زاويه الانعكاس هينا حددناهم هيها زاويه السقوط هي وزاويه الانعكاس احسب كل من زاويه السقوط وزاويه الانعكاس هيهم 30 بحط له تساوي 30 درجه تمام هيك امورنا تمام ناخذ هسه مثال مثلا معطيني سطح زي هيك وحكي لي هي زاويه هي شعاع ساقط وهي شعاع منعكس ومعطيني انه الزاويه اللي بره ها بتساوي مثلا 30 احسب زاويه سقوط والانعكاس شو بساوي اول شغله حكينا بسويها بطلع عمود مقام هي طلعنا عمود مقام بطلع عمود مقام ممتاز طيب طلعنا العمود المقام صح بعدين باجي بحكي هي عباره عباره عن ثيتا وهي عباره عن ثيتا برايم ليش؟ هي زاويه السقوط وهي زاويه الانعكاس ممتاز طيب هي كامله 90 اخذت منها 30 كم بضل جوا 60 اذا هي تساوي الثيتا 60 وهي اجباري تساوي 60 لانهم متساويات ايوا ممتاز اذا زي هيك بقدر اح احدد طيب مثلا ناخذ مثال ثاني هي الشعاع الساقط وهي الشعاع المنعكس تمام حكي لي انه الزاويه اللي بره هون عباره عن 45 حدد زاويه السقوط زاويه الانعكاس شو بساوي؟ بحكي هذا الشعاع الساقط يلا طلع من عنده عمود مقام هي كامله 90 اذا اللي جوا ها الثيتا قديش اخذت منها 45 اخذت منها 90 45 كم بظل بظل عندي 45 اذا ها عباره عن 45 درجه والثيتا برايم اجباري تكون 45 درجه ايو زي هيك باجي بحل طيب ناخذ مثال ثاني معطيني هذا المثال وبيحكي لي حدد زاويه السقوط والانعكاس وجد قيمه زاويه السقوط طيب هي الرسمه نفسها وين بس عشان نعرف نحدد هذا اللي هو باللون الابيض هذا عباره عن سطح عاكس هذا عباره عن سطح عاكس ممتاز طيب استاذ هون مش معطيني شعاع ساقط شعاع منعكس بس معطيني المنعكس لحاله طيب عادي وين المشكله مش معطيك المنعكس طيب ارسم من عنده من هون اللي هو الشعاع الساق هي الساقط ممتاز طيب بعدين بطلع من عند هون العمود المقام هي العمود المقام عباره عن خط وهمي صح ولا لا تمام طيب استاذ كيف بدي احسب اطلع علي هذا عباره السطح العاكس عباره عن خط مستقيم تعال ناخذه زي هيك تمام بدي ارسم لكم اياه بالعكس زي هيك هيه عباره عن خط مستقيم صح حكي لي انه هي كامله 135 طب هي اللي ظلت قدش استاذ كيف بدي اعرف بتعرف عرف انه الخط المستقيم كامل 180 صح هذا كامل 180 طيب اخذت منه 135 قديش بضل بكمل لل 180 قديش بحكي 45 صح اذا هون هي 45 استاذ طيب هي يعني هي اللي هون عباره عن 45 اه هي عباره عن 45 لانه كامل الخط المستقيم 180 بس هو مش معطيني اياه كامل معطيني لهون 135 طب كملها لل 180 بضل 45 ممتاز طيب تعال نحدد الثيتا والثيتا برايم هي الثيتا برايم لانه هي الانعكاس وهي الثيتا يعني هي زاويه السقوط وهي زاويه الانعكاس طيب هي العمود المقام مع الخط المستقيم 90 صح اخذت من ال 90 45 هيها هون 90 اخذت منها 45 قديش بضل جوا بضل 45 اذا الثيتا برايم 45 والثيتا 45 اذا هيك امورنا وحلي بكون 100% طيب ناخذ كمان مثال مثلا لو كان في عندي خط مستقيم حكى لي في عندك شعاع الساقط مثلا واعطاني الزاويه اللي بره ها حكى لي انها 50 لنفرض انها 50 تمام وحكى لي حدد زاويه سقوط زاويه الانعكاس اول شغله ارسم الخط المنعكس هي الشعاع المنعكس وهذا الشعاع الساقط بحط ايش بعد هيك عمود مقام هي حطينا عمود مقام هي كامله 90 اخذت منها 50 قديش بضل بظل عندي جوا 40 هي اللي هي عباره عن زاويه السقوط عفوا مش ثيتا برايم ثيتا لحالها وهي زاويه الانعكاس بتكون اجباري تكون كم 40 هيك بكون حلي 100% طيب كمان مثال مثلا لو كان معطيني شعاع او عفوا سطح عاكس وحكي لي انه انعكست اشعه وكانت الزاويه هي كامله 150 احسب زاويه سقوط زاويه الانعكاس طيب شو بساوي بحكي الخط المستقيم 180 هذا كامل هيك كامل 180 بس لهون كانت 150 قديش بضل 80 بضل 30 100 بضل 30 صح اذا هي الزاويه اللي بره 30 هسا ارسم هي الشعاع الساقط هي العمود المق مقام هي كامله 90 اخذت منها 30 قديش بضل؟ بضل عندي 60 اذا زاويه الانعكاس 60 وزاويه السقوط تساوي برضه 60 زي هيك بقدر احدد ال ال الزوايا تمام ولا في اسهل منها هي اطلع مثلا عندي هون هي معطيني مثلا مثال هي شعاع ساقط شعاع منعكس انا برسم العمود المقام بعد هيك بحكي هي كامله 90 اخذت منها 60 كم بظل اللي هي زاويه السقوط؟ بظل 30 اذا زاويه السقوط 30 وزاويه الانعكاس تساوي 30 هي هون نفس الفكره هيها برسم هي الشعاع الساقط وهي العمود المقام هي كامله 135 قديش بضل على ال 180 بضل 45 اذا اللي بره 45 معناته اللي جوا اللي هي هون كم بدها تكون 45 اذا حلي بكون 100% ما نص قانون الانعكاس الثاني انه زاويه السقوط لازم تكون مساويه لزاويه الانعكاس بدي اجي بس نرسم ال ال نحل السؤال الموجود عندي هون اطلع علي هساه هذا شعاع ساقط صح بعامل نحن كل شيء لحاله هذا شعاع ساقط وهذا الشعاع منعكس بطلع من عنده عمود مقام طلع من عنده عمود مقام بعدين معطيني اللي بره 30 اذا اللي جوا كم بدها تكون 60 اذا هي الثيتا اللي هي زاويه السقوط 60 اذا زاويه الانعكاس بدها تكون كم؟ 60 طيب اذا هي 60 هي 60 وهذا مثلث متساوي الساقين يعني هي 60 صح وهي اجباري بدها تكون كم؟ اجباري بدها تكون 60 تمام وهسا بنعرف ليش هون في عندي كمان اذا بدك 30 ليش طيب 30 استاذ لانه اللي جوا اخذناها 60 صح فاللي بره اجباري تكون 30 زي هي 30 واللي جوا 60 اللي جوا 60 معناته اللي بره 30 طب وهي زاويه قائمه اذا هي 90 صح طيب مجموع زوايا المثلث قديش 180 اخذت 90 و30 اللي هو 120 كم بضل اخذت 60 120 بضل عندي 60 صح اذا هي 60 اذا هي 60 وهي 60 هي بضل عندي زي هيك زي هيك بحسب سهله الامور يعني من هون بطلع عمود مقام عرفت انه هاي اللي بره 60 معناته ها اللي جوا و 30 زي هيك سهله الامور وهي زاويه سقوط هي نفس زاويه الانعكاس فبالتالي الزوايا تساوي صفر هون لانه ما في انعكاس بينزل في خط مستقيم وبيطلع في خط مستقيم فما في عندي زوايا تمام طيب ان شاء الله في الحصه الجاي بنبلش في الدرس الثاني لهون وصل لنهايه الحصه كان معكم الاستاذ عزادين القواسمي ويعطيكم الف عافيه ‏Yeah.