أبسط شرح لدرس النعت المفرد حل أهم التدريبات و التريكات الصف السادس الإبتدائي الترم الثاني 2026

حبايب قلبي وحشتوني جدا جدا والنهارده احنا من اول درس لينا في النحو وهو درس النعت المفرد بس صدقوني احنا محتاجين دعمكم جدا على القناه الفتره دي فلو بتحبوني وروني هتدعموني ازاي مش هطول عليكم اكتر من كده اقول جملتنا المشهوره انزل بالانترو مصطفى في البدايه كلنا نسمي الله بسم الله الرحمن الرحيم ونصلي على النبي عليه الصلاه والسلام ونقول دعائنا اللهم لا سهل الا ما جعلته سهلا وانت تجعل الحس زتها سهله لا اله الا انت سبحانك اني كنت من الظالمين تخيل لو انت عندك في الفصل بتاعك ثلاثه اسمهم محمد وجيت قلت لي الحق يا مستر محمد خد مني القلم اول سؤال هيجي في دماغي وهقول لك محمد مين محمد مين فيهم انهي محمد فيهم فهتبدا حضرتك تدور على صفه بتميزه عن الاثنين الثانيين المشتركين معاه في نفس الاسم اهي الصفه اللي بتميزه دي عندنا في النحو اسمها اسمها النعت وده من اهم الدروس اللي هتستخدمها السنه دي والسنين اللي جايه خصوصا في اعدادي فيلا سمي الله وتعال ركز معايا عشان نعرف ايه هو النعت وازاي بنقدر اننا نعربه طبعا من الواضح قدامك الدرس اسمه النعت المفرد الاول بس عايزين نعرف يعني ايه كلمه مفرد هو مفرد ده يعني مش مثنى وجمع النعت المفرد معناها انه كلمه واحده تكون مفرد تكون مثنى تكون جمع هو اسمه ايه نعت مفرد طيب ليه علشان في نعت جمله بس مش هناخده دلوقتي زي ما كان عندك في الخبر خبر مفرد وخبر جمله سمي الله وتعالى يلا مع بعض نقرا التعريف بتاعه التعريف بيقول لي النعت هو تابع يعني ايه كلمه تابع دي بص عارف انت الولد الصغير طول الوقت بيدور على مامته ويمشي وراها تيجي كده يروح وراها كده تيجي كده يروح وراها كده هو طول الوقت بيدور على مامته فين وبيمشي وراها اهو النعت ده اللي هي الصفه تعتبر تابع يعني ايه تابع بتتبع حاجه قبليها مين اللي قبليها؟ اللي هو الموصوف بتاعها او اللي بنسميه المنعوت خلاص فتابع بيذكر بعد المنعوت اللي هو الموصوف طيب ليه؟ ليبين صفه من صفاته عشان يذكر لنا صفه مميزه فيه زي ما قلت لك انت ممكن يكون ثلاثه نفس الاسم بس بفرق بينهم بالصفات فاهم الفكره؟ ممكن يبقى عندي اثنين توام عادي شبه بعض اهو بس في صفات في الشخصيه دي وصفات في الشخصيه دي بتميز كل واحد عن الثاني اهو ده النعت اللي هو الصفه ده باختصار طيب تعال نشوف هنا ايه المقصود بالتابع تحديدا كتفاصيل جوه الدرس عندي هقول لك ما تستعجلش بس خليني الاول كده هوريك حاجه قبل ما اقول لك يعني ايه تابع وانت لوحدك اللي هتعرف يعني ايه تابع وهتكتب لي في الكومنتات صلي على النبي مره كمان ويلا ركز معايا اول حاجه بقول لك هنا بص على الامثله دي يلا وقول لي كده انت لاحظت ايه اشتغل معايا شويه يا عم انت مكسل ليه وانا لوحدي اللي اشتغل في الحصه يلا من ورا الشاشه كده شغل نفسك معايا اول حاجه بقول لك الكون العظيم ماشي حلو قوي ماله خلقه الله لنعمره حلو الكون العظيم انا وصفت الكون بانه ايه عظيم طب لاحظ لي كده اوجه الشبه فاكر انت اللعبه اللي هو كان يقول لك ايه صورتين دول فيهم متشابهات واختلافات طلع لي الاختلافات وطلع لي المتشابهات انا انا بس مش عايز اختلافات انا عايز الكلمتين دول شبه بعض في ايه اول حاجه والله يا مستر بص انت عارف ان انا يعني ايه تلميذك بقى فانا فنان كبير قوي فتعال بقى بقى اوريك يا مستر بقى شطارتي بص اول حاجه انا ملاحظ هنا في الف ولام وهنا في ال ولام وانت يا مستر درست لنا الترم اللي فات النكره والمعرفه الالف واللام بتخلي الكلمه معرفه يبقى دي معرفه ودي معرفه ايه ده يعني النعت بيقلد المنعوت في فكره المعرفه اه طب حاجه كمان مستر الكون دي مفرد والعظيم مفرد ايه ده صح مستر الكون دي مذكر والعظيم دي مذكر صح برافو عليك مستر حاجه كمان انا ملاحظ ان الكون عليها ضمه العظيم الحرف الاخير عليها ضمه والضمه علامه رفع يبقى اذا دي مرفوعه زي اللي قبلها ايه ده يا مستر طب مش تقول لي من الاول ده النعدي طلع قوده قوي بيقلده في كل حاجه اه بيقلده في انه يكون معرفه زيه او نكره زيه خلي بالك انه يكون مفرد زيه مثنى زيه جمع زيه مذكر او مؤنث زيه مرفوع او منصوب او مجرور زيه ده قلوده في كل حاجه تعالى وانا هثبت لك بص معايا في المثال ده انت مش انت جاوبت المثال الاول اتب لي بقى انا المثال الثاني بقول لك هنا كرم المدير التلميذه المتفوقه التلميذه مفرد والمتفوقه مفرد شفت انا اشطر منك ازاي التلميذه مؤنثه المتفوقه مؤنثه التلميذه معرفه المتفوقه معرفه التلميذه منصوبه بالفتحه المتفوقه منصوبه بالفتحه حلوه قوي بس خد مني تنبيه بسيط هي بتقلدها في انها منصوبه او مرفوعه او مجروره بس مش لازم تكون نفس العلامه وهثبت لك بس كمان شويه اصبر عليا يعني هي بتبقى منصوبه زيها بس مش لازم تكون منصوبه زيها بالفتحه فاهم قصدي وده اللي هنعرفه كمان شويه في التريكات عشان انت بقى مع ملك التريكات جايزه لك الدنيا كلها طيب بص بقى المثال رقم ثلاثه بيقول لك ايه احب المعلمات النشيطاتي لاحظ ان انا وصفت المعلمات بالنشيطات المعلمات معرفه النشيطات معرفه المعلمات جمع مؤنث النشطات جمع مؤنث المعلمات منصوبه لان في كسره هنا جمع المؤنث السالم بينصب بالكسره بدل الفتحه كذلك النشيطات وكذلك ايضا انا ملاحظ ان احبه ده فعل مضارع مين اللي بيحب انا طب بحب مين المعلمات النشيطات يبقى دي مفعول به منصوب اللي هو المنعوت الموصوف ده لان المنعوت او الموصوف ده بيتعرب حسب مكانه في الجمله يطلع فاعل يطلع مفعول يطلع مبتدا يطلع خبر يطلع اسم مجرور يطلع اللي يطلعه خلاص ده بقى قلده في فكره ايه ان النعت اتت نصب زيه كذلك الامر هنا يحرص المصريون المخلصون على وطنهم نفس الفكره المصريون معرفه المخلصون معرفه المصريون هنا اصلا فاعل مرفوع فالمخلصون هتبقى نعت مرفوع عشان بتقلدها في الرفع كذلك دي جمع مذكر ودي جمع مذكر دي معرفه ودي معرفه والدنيا حلوه الدنيا جميله نستنتج من شويه الامثله الحلوه الجميله دي ايه بقى تعالى ده انت فنان كبير يلا يا سيدي لاحظ ان الكلمه الثانيه كانت تصف الكلمه الاولى فعلا كانت دايما الكلمه الثانيه في كلهم اللي كنا بنقول عليها النعت دي كانت صفه بتوصف المنعوت اللي قبلها يعني ممكن نقول على المنعوت ده موصوف ونقول على النعت ده صفه ايوه ما هو النعت هو الصفه النعت هو الصفه يبقى اول حاجه الكلمه هي الثانيه دي بتوصف الاولى بس معاها شويه حاجات كده وشويه شروط بسيطه واحنا لاحظناها على فكره من غير ما نقرا القاعده ايه هي هنقولها دلوقتي بس اصبر عليا وبالتالي تسمى نعت والموصوف قبلها يسمى ايه منعوت اول حاجه بقى لازم نعرفها ونتاكد منها ان النعت بيتبع المنعوت في اول حاجه الاعراب يعني هل النعت يا مستر مرفوع ولا منصوب ولا مجرور لا هو مش ثابت يعني مثلا المتدا الخبر كانوا دايما مرفوعين صح المفعول به مثلا دايما منصوب صح انما النعت مش ثابت النعت ده اسمه تابع بيترفع ويتنصب ويتجر بناء على المنعود بتاعه اللي هو الموصوف بتاعه هو بيحب يقلده قوده خلاص فبيكون مثلا مرفوع او منصوب او مجرور ده زيه زي الايه المنعوت طب بيقلده في ايه تاني بص في التعيين يعني التعريف والتنكير يعني لو المنعوت معرفه انها تكون معرفه طب لو المنعوت نكره انها يكون نكره كذلك في النوع مذكر او مؤنث وفي العدد مفرد او مثنى او جمع وبقول لك من الاخر النعت ده ايه يا صديقي قالوا ده بيحب يقلد المنعوت والله البغبغان ده حلو بس صعبان عليا قوي عارف ليه لان انا محنطه هنا بص معايا هنا التريكات اول حاجه بقى في التريكات تخلي بالك منها صلي على سيدك النبي صلى الله عليه وسلم اول حاجه احنا قلنا ان النعت بيتبع المنعوت في الاعراب صح بس ركز معايا هو بيتبعه في الاعراب يعني مرفوع زيه منصوب زيه وايه؟ مجرور زيه بس العلامه بتاعه الاعراب يعني فتحه كسره ضمه الف و ياء الكلام ده ما بيتبعوش في العلامه هو اهم حاجه يتبعه في ايه؟ الاعراب بس العلامه مش شرط طب ليه هوريك حاجه كده بسيطه بص معايا مثلا هنا انا قلت الرجال المصريون مالهم مجتهدون الرجال دي مبتدا وصفتهم بانهم مصريون الرجال دي جمع تكسير صح جمع تكسير بيرفع بالضمه بس اما وصفتها وصفتها طب جمع برض بس جمع مذكر سالم بيرفع بالايه؟ بالواو مش بالضمه فعشان كده هو بيتبعه في الاعراب لكن مش شرط انه يتبعه في العلامه الاعرابيه عشان كده بقول لك هنا الرجال مثلا مبتد مرفوع علامه رفع الضمه وهو المنعوت عشان هو جمع ايه؟ تكسير طب المصريون نعت مرفوع وعلامه رفعه الواو لانه جمع مذكر سالم فمش شرط العلامه المهم يكون ايه مفرد زيه مثنى زيه جمع زيه بس احيانا الجمع ليه انواع خلي بالك في جمع تكسير جمع مؤنث سالم وجمع مذكر سالم صلي على النبي وتعال نشوف التريكايه الثانيه بص لو عندي كلمه بتدل على جمع غير عاقل يعني ايه جمع غير عاقل بص كده لو قلت هناك الجبال الجبال جمع صح بس الجبال دي عاقله لا اذا دي اسمها جمع غير عاقل خلاص كده معايا في الحته دي اقول لك مثلا الاشجار الاشجار جمع بس هل الاشجار او الشجره دي عاقله لا اقول لك الشواطئ اللي نفسك تروحها بس مستني الصيف برده نفس الفكره هي جمع بس بس تدل على حاجه غير عاقله ما عندهاش عقل زي ما قلنا كده الجبال الاشجار الايه؟ الشواطئ لو كان بقى الجمع الغير عاقل ده عندي وعايز اوصفه بوصفه بايه؟ مش بجمع زيه ازاي يا مستر؟ ما انت قلت جمع زيها الا دي بقى ما عشان كده حطيتها لك في التريكات الا في حاله ان يكون المنعوت او الموصوف ده جمع غير عاقل في الحاله دي بوصفه بايه؟ مفرد مؤنث مش جمع زيه والدليل على كده ايه اهو بص هنا بيقول لي ايه هناك الجبال العاليه وعلى فكره دي موجوده حتى في القران هتلاقي الوصف ده الاشجار المثمره مفرده مؤنثه الشواطئ الجميله يبقى اذا النعت والمنعوت بيقلدوا بعض الا في حاله ان يكون المنعوت جمع الغير عاقل في الحاله دي بوصفه بمفرد مؤنث بس عشان ما تستغربش لو جالك مثال زي ده عادي في الحاله دي بس خلاص كده لكن مثلا كلمه الرجال ما هي كانت جمع خلي بالك بس كانت جمع عاقل عشان كده وصفتها بجمع شبهها بس الفرق ان هو كان جمع مذكر سالم انما لا الجبال جمع غير عاقل بيدل على غير عاقل فبالتالي وصف بمفرد مؤنث عشان كده بقول لك هنا لاحظ كلمات زي الجبال الاشجار الشواطئ كلهم جمع الغير عاقل والنعت كلمه مفرده مؤنثه وده صحيح عادي ما فيهوش مشكله ده الاستثناء الوحيد بص بقى معايا احنا اتفقنا ان النعت بيقلد المنعوت صح يعني لو المنعوت معرفه النعت معرفه لو المنعوت نكره النعت ايه نكره طب ما تيجي كده افكرك بصور المعارف اللي اخدناها الترم اللي فات يا مستر بقى ده انا ما صدقت خلصت من الترم اللي فات هو هنعقيده تاني لا النحو تراكمي لازم افتكره عشان الاعرابات يعني تفتكر ان واخواتها وكان واخواتها عشان بياثروا في الاعرابات عشان لو عندك منعود طلع اسم ان يبقى النعت بتاعه هيبقى ايه منصوب زيه طلع عندك منعود خبر كان ما هو خبر كان بيبقى منصوب يبقى النعت منصوب زي وهكذا العكس فلا احنا بنراجع لازم اراجع واسترجع فبقول لك هنا من صور الاسم المعرفه اللي احنا اصلا سبق ودرسناها الترم اللي فات ممكن برده ان النعت والمنعوت يبقوا على صور مختلفه من المعرفه ازاي صلي على النبي يعني مثلا احنا عندنا المعرف بقل زي مثلا كلمه الطعام فيها الف ولام فهي معرفه فالنعت بتاعها قلت عليه مثلا الطعام والطازج وجبتها معرفه بالالف واللام فالنعت والمنعوت معرفاني بال طب يا مستر ما دي احنا عارفينها ليه بقى هتكمل لي موضوع انواع المعارف؟ علشان ما ترسمش صوره في دماغك ان النعت المعرفه لازم يكون الف ولام بس لا في حاجه ثانيه ممكن تبقى معرفه غير الالف واللام واحنا خدناها الترم اللي فات طب ايه تاني عندك مثلا حاجه كان اسمها المعرف بالاضافه فاكرها انت دي زي ايه مثلا جاء طالب العلم طالب نكره بس جبت بعدها مضاف اليه في اوله الف ولام اللي هو العلم فخ خلى طالب معرفه فده اسمه معرف بالاضافه يبقى لما اجي اوصف هل اقول جاء طالب العلم ناجح ولا جاء طالب العلم الناجح لا طبعا لازم اقول الناجح بالالف واللام يا مستر ازاي ده طالب ما فيهاش الف ولام بس معرفه بالاضافه يبقى اذا احنا قلنا بيقلدوا في التعريف ولا بيقلدوا في الالف واللام عشان بس ما انت لو ما لقتش في المنعوت الف ولام انا عارفك هتقول ايه يبقى دي كده غلط احنا قلنا بيقلده في التعريف مش في الالف واللام ما هو ممكن يبقى معرف بحاجه ثانيه غير الالف واللام زي اضافته الى معرفه بالمنظر ده خلاص عشان كده بقول لك المنعوت معرف بالاضافه يبقى النعت معرف بالدعادي ما فيهوش مشكله اوعى تتلخبط واهم حاجه وانت بتخرج النعت والمنعوت انت بتدور على صفه ناجح عاقل فاهم حاجه كده صفه كده مميزه وبتشوف مين الموصوف بتاعها لان الناجح دي مش بتوصف العلم هي بتوصف طالب العلم كله على بعض طب برده مثلا عندنا هنا بقول لك ايه سلمنا على معلمنا الفاضل نفس الفكره ما هي معلم ما فيهاش الف ولام بس لازق فيها ضمير ما هو ده كده مضاف الى ضمير يبقى مضاف الى معرفه عشان كنا قلنا ان الضمير معرفه فلما بيلزق في اسم بيحوله لمعرفه بالتالي لما هنيجي نوصفه هنقول الفاضل بالالف واللام خلاص عشان المنعوت معرف بالاضافه الى ضمير والضمير معرفه بيخليها معرفه حلو كده طب انا اتعلم من ده ايه يا مستر يعني ايه ايه اللي انا هستفاده هتستفاد ان ممكن يجيب لك نفس المثال ويكتب لك ايه معلمي فاضل ويقول لك صوب الخطا وطبعا الغلطه هتكون فين؟ هتكون في كلمه فاضل بالمنظر ده ان انت لازم تحط لها الالف واللام لان معلم مش نكره هي معرفه باضافتها للضمير اللي هو الايه؟ النا فخلي بالك من حاجه زي دي طيب عندنا برض مثلا هذا طالب العلم حسن الخلق ايه بقى هنا الفكره ان طالب دي هي الموصوف والوصف بتاعها كلمه حسن خلاص ولكن دول مش نكرات دول معارف ازاي؟ اصل طالب العلم طالب معرفه باضافتها لكلمه العلم المعرفه وكذلك حسن عرفت باضافتها الى ايه؟ الى كلمه الخلق فبالتالي كده اصبح المنعوت والنعت الاثنين كلاهما معرفان بالاضافه فهمت الفكره فدي برده نفس الفكره ممكن يبقى مثلا المنعوت معرف بالاضافه والنعت بتاعه معرف برده بالايه بالاضافه وثالثا العلم يعني ما هو العلم ده كان من ضمن من المعارف صح ولا انا غلطان فنفس الفكره ممكن اقول لك ايه مصر ما هي مصر دي اسم عالم عشان اسم بلد طيب مصر ايه بقى لما اجي اوصفها العظيمه بص وصفتها بكلمه فيها الف ولام معرفه برده عشان مصر معرفه اساسا عشان هي اسم علم كده عشان كده بقول لك هنا ان المنعوت طلع علم طب هو مصر بس العالم ما هو ممكن يكون اسم انسان عادي ايه المشكله محمد احمد ايا كان فاسم العالم اللي بيدل على انسان او بلد كذلك النعت بتاعه بيكون معرف برض بالالف واللام خلاص فهنا بقول مصر العظيمه احبها فالمنعوت علم والنعت بتاعه معرف بايه؟ معرف بال واوعى تقول انا ممكن اوصف عالم بعالم تاني مش هينفع يعني هتوصف عالم بعالماني ازاي لكن انا ممكن اوصف العالم المعرفه بنوع من المعارف الثانيه اللي تناسبه زي مثلا المعرف بالالف والايه واللام حلو جدا نيجي بقى لسؤال لقب المحترف وده من اهم الاسئله الموجوده عندي هنا ومهم جدا انك تعرف والسؤال بيقول لي ايه؟ فرق اعرابيا بين ما تحته خط الولد بارع وهذا ولد بارع ايه الفرق بينهم يا ترى؟ بص يا صديقي هنا انا بقول الولد بارع الولد ده اسم انا بدات به الجمله عادي فده مبتدا طب يا ترى الولد ده ماله؟ بارع. طب بارع هل ينفع اقول عليها نعت؟ لا للاسف بقى لا. ليه؟ عشان مش معرفه زي اللي قبلها دي نكره. فدي كده تعتبر خبر تعتبر ايه؟ خبر لكلمه الولد لكن هنا هذا ولد بارع اه هنا المبتدا هذا اسم اشاره في محل رفع مبتدا والخبر بتاعها هذا ماله ولد يبقى ولد دي خبر وبارع دي نعت الكلمه ولد حتى جايه نكره زيها فهتبقى نعت ايه؟ مرفوع يبقى التفرقه ان بارع اللي بعد ولد هنا نعت مرفوع اما بارع هنا خبر ايه مرفوع وع فده يعلمني حاجه مهمه جدا اني اركز في معنى الجمله طب عارف ليه بارع ما نفعتش تكون نعت اولا هي مش معرفه زي كلمه الولد وثانيا وده الاهم لو انا اعتبرتها نعت ودي اصلا جمله اسميه باده بكلمه الولد صح طب فين الخبر ما هو كل مبتدا لابد له من خبر طب انت كده ما جبتش خبر انت كده لو اعتبرت ان بارع دي نعت هيكون فين الخبر عشان كده بارع دي اصلا خبر وليست نعت لمعنى الجمله وكذلك لانها اصلا مش معرفه زي كلمه الايه؟ الولد طب نيجي على بقيه التدريبات اول سؤال هنا بيقول لي استخرج النعت ومنعوته ثم حدد اوجه المطابقه يعني ايه اوجه المطابقه يعني هم شبه بعض في ايه معارف زي بعض نكرات زي بعض مفرد زي بعض جمع زي بعض وهكذا طيب الخير الوفير الخير الوفير الوفير ده يعني اللي هو الايه الكثير جدا فاذا وصفت الخير بانه الوفير يبقى ده النعت بتاعي بيطبقوا بعض في ايه ممكن نقولها كده شف عشان برده وقتك خلاص ادي تعريف معرفتين زي بعض مفرده الافراد هنا منصوبه برده لو انت واخد بالك فبرده في النصب نفس الفكره وكذلك ايضا يبقى احنا قلنا نصب وافراد وتعريف واهم حاجه تخلي بالك منها واوعى تنساها اوعى تنساها التذكير والتانيث فهنا برده بتطابق في التذكير اللي بعدها رقم اربعه الرجال المخلصون ابرار حلو فين النعت بتاعي المخلصون بوصف فيها الرجال طيب يبقى اذا ادي المخلصون دي ايه دي نعت بتاعتي اهي لانها وصفت حاجه ثانيه غيرها طيب بتطبقها في ايه اول حاجه هنا عندي معرفه ومعرفه يبقى التعريف طب عندي ايه تاني عندي برده انها الجمع الاثنين جموع مع اختلاف ان دي جمع تكسير ودي جمع مذكر سالم نوع الجمع مش هيفرق عندي خلاص طيب ادي الجمع عندي برده الايه الاعراب الاثنين رفع عرفت مين عشان الرجال دي مبتدا حتى عليها ضمه ومخلصون مرفوع بالواو اهي طب يا مستر ما دي مرفوعه بالضمه ودي بالواو انا ما ليش دعوه بالعلامه العلامه مش بيقلدوا بعض في العلامه بيقلدوا بعض في رفع نصب جر العلامه ممكن تختلف ووضحتها لك فوق هتكون سرحت مني خلاص وبعد الرفع التذكير طبعا الاثنين ايه مذكرين طيب اللي بعدها رقم خمسه اقدر المعلم المخلص انا هنا بوصف مين بوصف المعلم بانه مخلص ادي النعت بيطبقه في ايه معرفه زيه وهنا منصوب منصوب ليه علشان المعلم مفعول به منصوب عشان الفعل اقدر مين اللي بيقدر انا بقدر مين المعلم فده اللي بيحصل فيه فعل التقدير فمفعول به منصوب يبقى المخلص نعت منصوب برض يبقى اذا بيطبقوا في النصب والتعريف قلناها وهنا عندي المعلم هنا مذكر ومذكر وكذلك مفرد ومفرد يبقى التذكير والافراد بعدها ذهبت الى عالمين فاضلين خلاص فهنا النعت كلمه فاضلين طيب ايه اوجه المطابقه نكره ونكره شايف عالمين جت نكره ما فيهاش الف فلان فكذلك فاضلين نكره زيها يبقى ادي النكره طب عالمين مجروره بال عشان قبلها حرف جر يبقى الجر طيب ا ده مذكر وده برده مذكر وهكذا فهنقول هنا ممكن نقول بقى التنكير عشان ما كتبناهاش قبل كده وكذلك التثنيه يعني الاثنين مثنى زي بعض وكذلك الجر الاثنين مجرورين زي بعض وكذلك التذكير الاثنين ايه مثنى مذكر زي بعض طيب ساعدت امهات فاضلات نعتفاضل ضلات نفس الفكره تنكير برض بس مش تثنيه ده جمع الاتنين جموع وجمع مؤنث طب ساعدته ده فعل ماضي مين اللي ساعد اللي هي تاء الفاعل دي اللي هي بدل كلمه انا طب ساعدت مين الامهات مفعول به منصوب علامه نصبه الكسره لانه جمع مؤنث سالم المؤنث السالم الوحيد اللي كان بينصب بالكسره نيابه او بدل عن الفتحه يبقى ادي التنكير وادي الجمع هنا بقى مش الجر هنقول النصب وكذلك هنقول هنا كلمه التانيث بقى مش الايه مش التج تذكير هتبقى التانيث خلاص طيب السؤال اللي بعده بيقول لي اكمل مكان النقط بنعت مناسب وحدد علامه اعرابه ركز عشان هو هنا طالب ان انا احدد له العلامه هقول له بالراحه كده انا عشان احدد العلامه صح لازم اشوف الاول المنعوت بتاعي اعرابه ايه فهنا بيقول لي اعجبت بالاطباء الباء دي حرف جر صح والاطباء دي جمع مذكر صح فممكن مثلا اقول ايه خلي بالك انها مجروره فاقول مثلا المخلصين وهنا العلامه بتاعته اهي العلامه الياء ياء خلاص انه مجرور بالياء لان انا وصفته بجمع مذكر سالم مجرور بالياء اللي بعدها اقدر اي اقدر انا رجلا واخد بالك انت رجلا نكره ومنصوبه عشان هي مفعول به فاقول مثلا اقدر رجلا وممكن اوصف مثلا صادقا واخد بالك انت واحط التنوين اللي بالفتحه واقول له العلامه الفتحه طيب بس ركز وانت بتكتب انك تخلينا كده زيه يعني ما تقوليش هقول الصادق بقى يا مستر هتاخدها غلط كلها هتبقى صفر خلاص هذا بيت نكره وقلت لك بعدها هذا بتبقى خبر يعني مرفوعه فقول مثلا هذا بيت كبير ونون بالضمه اقول له العلامه الضمه ماشي طيب هن معلمات هنا الضمير ده في محل رفع مبتدا ومعلمات ده الخبر بتاعها نفس الفكره مرفوعه فاقول مثلا معلمات ايه مخلصات وهنا طبعا دي كانت مرفوعه فاحط هنا ضمه واقول له ان العلامه هي ايضا الضمه السؤال اللي بعده اللي هو الاختيارات ده سؤال يمكن بيلخبط ناس كتير عارف ليه؟ عشان بيجيب لك مثلا الكلمه بالمنظر ده في علامه اعراب مثلا كده وانت بقى ممكن تختار غلط او تتلخبط في علامه الاعراب فخليك مركز من فضلك اول حاجه بيقول لي ايه؟ اصديقاته نقط محبوبات حلو فهنا انا هجيب النعت بتاع الكلمه دي ودي جمع مؤنث ومرفوعه فهختار انهي المرفوعه اللي زيها طب هو جمع المؤنث بيرفع بالايه مش بالضمه يبقى اختار من هنا اللي بالضمه يبقى هنا الامينات خلاص كده بعد كده رقم اثنين ان القوانين الصار ارمه تمنع وقوع الجرائم بيقوللك علامه اعراب المنعوت ايه هو فين المنعوت اصلا خلي بالك هنا هو بيقول لك ايه المنعوت المنعوت مش النعت ايه ده يا مستر هو ممكن يسالني في المنعوت اه فركز الله يبارك لك يعني الموصوف بتاعي انا هنا كنت بوصف القوانين انها صارمه صح فدي نعت الصارمه دي نعت خلاص يعني الحازمه او الشديده خلاص القوانين هنا طبعا حضرتك اول ما تشوف القوانين انا عارف انت هتعمل ايه تقول لي بس يا مستر ياء ونون يبقى الياء وتروح جري مختار الياء واقول لك غلط متسرع ليه بقى بقى بص لما تشوف كلمه اخيره ياء ونون ما تستعجلش وتقول انها منصوبه بالياء ليه؟ جرب تشيل الياء والنون الاول وشوف هتديك المفرد ولا لا يعني مثلا معلمين لو شلت الياء والنون تديني معلم تديني المفرد بتاعها صح كده يبقى دي تمام ما فيهاش ادنى مشكله اهي دي كده جمع مذكر سالم لكن لو قلت القوانين شلت الياء والنون هتديني القوان اه الحق ده انا لما شلت الياء والنون ما اديتنيش المفرد يا مستر يبقى دي جمع تكسير زيها على فكره كلمه بساتين لو شت تلاقي ان تديك بسات مش هتديك كلمه كامله مش هتديك المفرد مفرد مش تديك معنى مفيد برده زيها ملايين انت فاهم قصدي لو شلت اللاء والنون هتديك ملايين مش هتديني المفرد طالما شلت الياء والنون ما اديتنيش المفرد يبقى دي جمع تكسير واحط تحت الملحوظه دي 100 خط يبقى دي منصوبه بس بالفتحه مش بالياء لانها جمع تكسير اه حلوه دي يا مستر عرفت فايده الحل ركز معايا واي سؤال عندك سيبه لي في الكومنتات ما تقلقش خلاص او ابعت لي على الواتساب هرد عليك برده اللي بعدها لعل الرجل طبعا الرجل هنا منصوب عشان هي اسم العله العله دي من اخوات عايزين نختار بقى نعت ليها مناسب هيبقى ذو ولا ذي ولا ذا انا بقول لك منصوبه صح وهو جايب لي اسم من الاسماء الخمسه الاسماء الخمسه بتتسب بايه فاكر ايهحت تنسى الترم اللي فات بينصبوا بالايه فنان برافو عليك الالف فنقول ذا لعل الرجل ذا الاخلاص مقدر ودي طبعا خبر لعل بقى يبقى اذا انا لازم اركز على اعراب الايه المنعوت وديي اثبتت لك انك محتاج تراجع حاجات الترم اللي فات من اسماء خمسه زي ما انت شايف من لعل من اخوات انه اثرت في الاعراب واخد بالك انت وكذلك كان واخواتك كذلك التعريف والتنكير اربط النحو ببعضه اوعى تاخد درس النحو وترميه ورا ضهرك اوعى ما ينفعش لازم تربط المنهج ببعضه القديم والجديد واللي جاي ان شاء الله ربنا يديكم طوله العمر يا رب اجاب الطالب عن السؤالين حلو جدا يبقى انا هنا هختار ايه الصعبان الصعاب الصعبين هي مش السؤالين اسم مجرور بعن وهي هنا مثنى لان لو شتون يديني السؤال مفردها بالياء يبقى هنختار اللي شبه الصعبين مجروره زيها ومثنى زيها ومعرفه زيها استلنت جائزه الطالب المثالي وافق النعت منعوته في ايه هي فين النعت والمنعوت الطالب ده المنعوت المثاليه ده النعت بتاعها انا شايفهم عارف زي بعض وخلي بالك استلمت جائزه الطالب اي جائزه للطالب الطالب دي مضاف اليه مجرور عارف ليه لانها وضحت الجائزه دي وكمان انا لو جربت احط ما بينهم هنا في النص كده ل الجر هتديني معنى بس بجربها في دماغي لما تعوز تتاكد ان الثانيه دي مضاف اليه تعالى في النص كده وحط لام الجر يقول ايه؟ جائزه للطالب لو اديتك اللام دي معنى مفيد يبقى دي مضاف اليه بس من غير ما تكتب اللام دي طريقه كده بتفكر بها في دماغك تفهم من خلالها تتاكد ان الكلمه الثانيه دي مضاف اليه خلاص فطالما لام الجر لو اتحطت تديني معنى مفيد يبقى الثانيه دي كده ايه مضاف اليه فمضاف اليه مجرور يبقى دي مجروره زيها فانا شايف التعريف والايه والجر بعد كده عندي سؤال صوب الخطا دايما صوب الخطا ركز على علامات الاعراب لان غالبا الخطا في العلامه ماشي او ركز في التعريف والتنكير اذا نبص هنا ونركز بيقول لي تتبادل الصديقتان المخلصتين الهدايا حلو قوي تتبادل ده فعل مين اللي بتتبادل المفروض ان الصديقتان دي فاعل مرفوع يبقى لما اوصفهم يتوصفوا بالرفع فاقول ايه المخلصتان وليستين فهمت الفكره تبقى مرفوعه زيها لنصابها او لجرها ما ينفعش رايت قمر منير في السماء طبعا ممكن واحد يشوف دي يقول ايه بس يا مستر ما فيهاش غلطه ايه المشكله ما انا اللي رايت ورايت القمر حلو بس هو حاطط لي على قمر تنوين بالضمه والمفروض ان رايت قلنا راى فعل ماضي تات الفاعل انا اللي رايت رايته وشفت مين القمر فالمفروض ان القمر ده كان مفعول به ماله منصوب فكنت اكتبه بتنوين بالفتحه فقول رايته قمرا ومنيرا دي نعتي ليها فتبقى برده بالتنوين بالفتحه واحط الالف بتاعتها كده طب ساره الحق هو ساره ده من اخوات مين فاكر ايوه كده برافو عليك من اخوات كان ساره الشراعات ان المنظمين واسعان هنا في غلطتين مش غلطه ايه هي تبقى فنان لو عرفتها ها المنظمين نعتل الشراعان المفروض هنعرب الشراعان دي اسم ساره مرفوع عشان ساره بتنصب الخبر حلو يبقى النعت بتاعها المفروض اقول ايه المنظمان وارفعها والمفروض ان واسعان دي الخبر فكانت تبقى منصوبه عشان خبر سن بيبقى منصوب فاقول ايه واسعين يبقى يبقى دول كان فيها غلطتين في النعت وفي خبر ساره في العلامات الاعرابيه اللي بعدها بيقول لي لعل بائعي السلع المحترمون يقدرون حلو بس بالراحه لعل بائعي السلع حلو المفروض بقى هنا بائعي دي اسم العله ماشي المفروض اصلها بائعين بس النون اتحذفت عشان في بعدها مضاف اليه ماشي كده المحترمون دي نعت لايه لكلمه بائعي طب هي اصلا منصوبه ازاي محترمون مكتوبه بالواو المفروض اقول ايه المحترم مين؟ طب يا مستر مش هنغير الواو بتاعه يقدرون يقدرون دي اصلا فعل مش اسم ولو عايز تتاكد انها فعل حط لها الف ولام هل ينفع اقول يقدرون؟ ما ينفعش اقول يقدرون ما تقبلش الالف واللام يبقى اصلا دي فعل مضارع ودي واو الجماعه مش هغير في حاجه دي مش الواو دي مش علامه اعراب دي ضمير خلاص طيب فركز في الحته اللي زي كده برده بعد كده اخر سؤال عندي بيقول لي اجعل ما تحته خط نعتا مغيرا ما يلزم طالما هتخليها نعت يبقى لازم تطبق عليها الاربع اوجه مشابهه ومطابقه بينها وبين المنعود بتاعها يعني تخليها معرفه زيها او نكره زيها مرفوعه زيها او منصوبه زيها او مجروره زيها ا مفرد او مثنى او جمع زيها مذكر او مؤنث زيها بيقول لي جاء القطار طبعا المفروض فاعل مرفوع ازاي بقى مسرعا هنا ما ينفعش فهنعمل حاجتين القطار المسرع هنحط الف ولام عشان تبقى معرفه زيها وهنحط ضمه ماشي عشان تبقى مرفوعه زيها بعد كده بيقول لي ايه بقى اجابت عن الاسئله مكتوبه اه المفروض انا عايز اوصف الاسئله صح ففي حاجتين هيحصلوا ايه هما اولا انا هاجي عند كلمه مكتوبه احط لها الف ولام فتبقى المكتوبه عشان تبقى معرفه زيها ملاحظ هنا انه حاطط التنوين بالفتحه طب ازاي واصلا عن حرف جر حرف جر والاسئله اسم مجرور يبقى مكتوب المكتوبه كده اهو حط كسره اخر سؤال بيقول لي قيامنا اللي هي القيم والاخلاقات بتاعتنا كمسلمين وعرب ومصريين عظيم عظيمه حلو هي المفروض القيم تبقى مبتدا مرفوع عادي ما فيهوش مشكله فعظيمه هو حاطط لها ايه حاطط لها تنوين بالضمه مافيش مشكله بس ايه المشكله قيامنا قيم معرفه باضافتها للضمير نا يبقى المفروض اقول ايه قيامنا العظيمه خلاص كده وتحط لها الف ولام تعلمنا الخير وبكده نكون وصلنا لاخر الفيديو بتاعنا انا بحبكم في الله ما تنساش ان شيرك بينفع غيرك وما تنسانيش بدعوه حلوه من قلبك اشوفك في الفيديو اللي جاي على خير ان شاء الله باذن الله بس كده ويلا سلام