القصة ومافيها الموسم ٦ ح ٩ هي حادثة المنشيه كانت حقيقة ولا تمثيلية وما فيها عياد

هي حادثه المنشيه كانت حقيقيه ولا تمثيليه اهلا بكم في القصه وما فيها مع ريهام عياد يوم 26 اكتوبر 54 الناس كلها اتلمت في ميدان المنشيه عشان يحتفلوا بتوقيع اتفاقيه الجلاء الانجليز اخيرا هيحل عن سمانه بعد 75 سنه احتلال وطلع رئيس الوزراء جمال عبد الناصر ما هو كان لسه ما بقاش رئيس محمد نجيب هو الريس وطلع في مدان المنشيه في اسكندريه في مبنى البورصه يخطب في الناس وبعد كم دقيقه فجاه ضرب نار ثمان طلقات ورا بعض والناس طلعت تجري والخطبه باظت لا ده التاريخ كله اتغير نحتفل معكم اليوم بعيد الكرامه وفضلت محاوله اختيال جمال عبد الناصر في المنشيه لغز من الغاز مصر الكتيره اللي ماحدش عارف يحلها لحد النهارده فهل فعلا هي كانت حادثه اختيال حقيقيه ولا مسرحيه يلا بينا صلوا على النبي بعد ما نجحت ثوره يوليو 52 والضباط الاحرار اترزق وكله خد مكانه وبقى محمد نجيب رئيس الجمهوريه جمال عبد الناصر كان عنده اثنين مرقين في حياته الاخوان ومحمد نجيب مع انه كان صوره مش اكتر والكلمه الاخيره للقائد الحقيقي جمال عبد الناصر ما هو معلش ده هو اللي عمل كل حاجه وهو اللي حط خطه الثوره بالدقيقه والثانيه وكل ظابط هيعمل ايه وزمايله في المجلس كانوا بيثقوا فيه جدا لدرجه انهم لما كانوا ي اطالوا ولا يختلفوا في حاجه كانوا يستنوا يشوفوا جمال هيقول ايه فالزمه الحقيقيه كانت لناصر ونجيب وناصر ما كانوش مختلفين على مين يسوق العربيه لا ده على العربيه هتروح فين اساسا ما كانوش بيتفقوا في حاجه ابدا والكلام ده انا حكيته لكم بالتفصيل في حلقات كتير اخرها حلقه نهايه الضباط الاحرار اما بقى الصدام بينه وبين الاخوان فبدا من اول حكومه محمد نجيب كان هيشلها وكانوا عايزينها تبقى ائتلافيه يعني ناخذ من كل قبيله رجل من الحزب ده وزير ومن الحزب ده وزير اه راضوا الكل واقفلوا بق المعارضه ما هو الاحزاب هتعرض الحكومه ازاي وهم ليهم وزره فيها ما تجيش دي وراح عبد الناصر طالب حسن الهضيبي مرشد الاخوان وقال له هات يا سننا اسمين من عندك نعينهم وزره فقال له ربنا يخليك يا حبيبي متشكرين بس احنا مش هنشارك في الحكومه ولو ما فيهاش اساءه ادب يعني احنا نعمل لجنه محندقه كده من الاخوان تعرضوا عليها قرارات الحكومه قبل ما تاخدوها واهو نتشاور في الامر بتهزر فناصر قال له هو انت شايفني ده يا عصافير يا اسطى ده انا ابن بلدهم ده ده انت عايز تب وصي على الثوره ده اسلوب متبع بقى يا جدعان على مر السنين اما التاريخ ده بيعيد نفسه بشكل واصلا الاخوان لما قامت الثوره ثوره يوليو ها ما اعلنو تقييدهم ليها على طول كده لا دول قال لك واحنا ايه اللي يخلينا نغامر مع حركه لسه بتقول بسم الله ما يمكن يفشلوا احنا نشوف مين الكسبان في الاخر ونقف نسقف له واستنوا 10 ايام كده ولما تاكدوا ان الثوره نجحت وقفوا يسقفوا وبرافو يا شباب واحنا معاكم طبعا الله طب ما ماتوش الوزارتين ليه بقى قال لك لان الوزارتين دول هيفيد المجلس اكتر ما يفيدونا لان ساعتها الثوره هتبان ليها صبغه دينيه واحنا اصلنا نعز اي حاجه ملمسه في الدين قوي شعب متدين بطبعه وهم ما كانوش عايزين حد ينافسهم في الحته دي وبعدين وزارتين دول مش كفايه ابدا احنا احلامنا اكبر من كده بكتير اه ما احنا عرفنا ولما ناصر حل الاحزاب سنه 53 وعمل هيئه التحرير المصريه عشان يلم فيها كل الطيارات الحزبيه الاخوان قالوا له هيئ ايه يا حبيبي اللي عايزنا نخش احنا حركه عالميه يا بيه انما انتوا رحتوا ولا جيتوا حركه وطنيه محليه يعني ممكن تحاربوا في القنال انما احنا ممكن نحارب في مراكش عادي فناصر قال له بشوق وراح مطلع قرار في يناير 54 بحل جماعه الاخوان ومش بس كده ده تحفظ على كل قياداتهم كمان واولهم حسن الهضيبي غشلقه على الاخر نجيب بقى ما كانش عاجبه كل ده وقال للناصر كل ده غلط احنا لازم نسلم السلطه لحكومه مدنيه منتخبه ونرجع كل الاحزاب ونرفع الرقابه عن الصحف ونخرج المساجين السياسيين بما فيهم النحاس والهضبه فناصر قال له ده انت لو عايز ترجع العهد الملكي بحذافيره مش هتقول كده يا راجل بس لما الامور وصلت بينهم لحطه سد نجيب ضرب كرسي في الكلوب واستقال وما اقول لكوش بقى الدنيا اتقلبت الناس ما كانتش تعرف غيره وعملوا مظاهرات للركب واكتر ناس شاركت في المظاهرات دي كانوا الاخوان فالمجلس لما لقاها باظت باظت خ خالص راح مرجع نجيب بس عبد الناصر حط الاثنين في دماغه لانه بقى واثق انه لا هيعرف يحكم ولا يسيطر طول ما نجيب والاخوان دول موجودين فلع بها صايمه بقى وقال لي نجيب مش انت عايزها ديمقراطيه من عينيا الاثنين احنا هنخرج كل المعتقلين السياسيين كلهم كلهم واول ما الهضبي خرج من السجن ناصر راح له لحد بيته وقال له ايه يا سحس عايزين نفتح صفحه جديده مع بعض كده يا ريت اؤمر يا جيمي قال له في شويه مظاهرات كده هتقوم في البلد هتنادي بالغاء الاحزاب و قرارات مارس معايا قال له يا الف نهار ابيض معاك طبعا الغي يا جيمي ربنا يوفقك وكده الاخوان بقوا تحت باط عبد الناصر اما نجيب بقى فناصر لغاه خالص ما يزعلوش خطبه ما ينشرو صوره في الجرايد ويهاجم كمان والاهم بقى انهم خلوا الجرايد كلها تسوق لان عبد الناصر هو القائد الفعلي للثوره مش نجيب وهي دي الحقيقه على فكره وده غير ان يوم 19 مارس حصلت ست انفجارات في القاهره ومن الاخر كده عبد الناصر هو اللي كان وراها عندكم مذكرات القاضه ابقوا قروها قبل ما تهللوا وده عشان يبين ان جده نجيب بحكمه الضعيف عمره ما هيجيب استقرار في البلد وهيقوم الثوره المضاد فانتم عايزين تبقوا مع عمه ده ولا مع بابا ده وفعلا خسر نجيب كتير من شعبيته ويلا نخلص على الاخوان بقى وراح واقف جمال للهضيبي وقال له بص يا سحسي يا حبيبي من الاخر كده انا مش هتعامل مع الاخوان ابدا الا اذا حلوا التنظيم المسلح بتاعهم فالهداية حاله اذا فهي الحرب الجرايد كلها بتشتم في الاخوان وتنظيمهم المسلح حملات اعتقال لكل خطباء الاخوان في الكره والنجوع واللي ما كانش وراهم حاجه اصلا غير انهم يشتموا في مجلس الثوره وملاحقات لكل اعضاء التنظيم المسلح كده ولعت نار وج بقى يوم 26 اكتوبر 54 وعبد الناصر واقف في المنشيه وبيحكي للناس كفاح وهو صغير في نفس الميدان وبعد اربع دقائق و5 40 ثانيه فجاه ثمان رصاصات اتضربوا ناحيه ناصر وورا بعض اي نعم ما فيش اي حاجه جت فيه وكل الطلقات جت في اللمض بس دي محاوله لاختيار رئيس الوزراء مش هزار يعني والناس كلها طلعت تجري حتى اللي كانوا مع ناصر نفسهم ما العمر مش بعزقه يعني بس عبد الناصر وقف زي ما هو وفضل يقول للناس كل في مكانه ايها الرجال فليبك كلهم في مكانه قال كلمه فلبك كلهم في مكانه تسع مرات وحد قال امسكوا اللي ضرب ده اللي هو مين بقى محمود عبد اللطيف مين محمود عبد اللطيف محمود عبد اللطيف عضو في الاخوان ودي مش تلفيقه لا هو عضو فعلا ومش اي عضو ده عضو في التنظيم السري كمان والتنظيم ده اللي مسؤول عن القتل والخطف والتفجيرات واللذي منه جناح مسلح يعني طب لما ادائ من الاخوان يضرب نار على رئيس الوزرا يبقى مين اللي وراها بذمتكم اكيد الاخوان بديهي ومنطقي واضرب بقى يا جمال بيدم من حديد حق يا راجل دول كانوا عايزين يقتلوك بس الاخوان بقى ولحد النهارده بيحلفوا بايمانه المسلمين كلها انهم لهمش دعوه بالحادثه دي خالص وانها مسرحيه عملها ناصر عشان يخلص منهم ده حتى محمد نجيب لمح بكده في كتابه كنت رئيس لمصر وهو الشهاده لله ناصر كان عايز يخلص منهم فعلا وبحا دي هيضرب عصفورين بحجر واحد وكله جاي وتعالوا بقى نشوف مخوه الدماغ الاخوان قالوا بقى معقول واحد من اشطر النشن جيه بتوعنا يبقى على بعد 15 متر من عبد الناصر وما يصيبو ولو بطلقه واحده من الثمانيه وحضرتك مستغرب عشان ضربه ولا عشان فشل عشان فشل طبعا وبعدين الدم اللي قالوا انهم لقوه على بدله ناصر ده ما كانش دمه ولا حاجه ده قلم حبر احمر كان في جيبه واتكسر والكاتب الاخواني عباس حسن في كتابه جمال عبد الناصر وحادثه المنشيه قال ان الامن في بدايه اليوم لما لقى الناس بتخطب ضد عبد الناصر فراحوا ماشينه وجايبين عمال وموظفين تبعهم يعني المفروض هم عارفين جايبين مين كويس فازاي واحد اخواني في التنظيم المسلح يخش وسطهم وهو شايل سلاح ويوصل للصف الاول كمان وبعدين بعد ما محمود اتقبض عليه في بواب صعيدي لقى المسدس اللي محمود ضرب منه واقع على الارض والراجل قصر يوصله بنفسه لعبد الناصر ولانه ما كانش معاه تذكره القطر اخدها ماشي من اسكندريه للقاهره اوفر جدا الصراحه وعبد الناصر قابله واد له 100 جنيه مكافئه حته واحده الثروه دي ده هيشتري عماره فهل يعقل انهم يقبضوا على القاتل من غير ما يحرزوا صلاح الجريمه صعبه دي وعباس حسن كمان قال ان فوارغ الطلقات اللي لقوها في مكان الضرب نوعها مختلف عن نوع طلقات مسدس محمود يعني كده القضيه كلها في شنك بس خدوا بالكم ده كاتب اخواني يعني مش ضروري يكون كل الكلام صح لانه ما اكتفا بكده بس لا ده استشهد كمان بشهاده التهامي اللي قالها فروزه ليوسف سنه 78 والتهامي ده كان عضو في مجلس قياده الثوره بس الصف الثاني والتهامي بقى قال ايه ان حد المنشيه دي كلها على بعضها تدبير بول الانجر مسؤول الدعايه السودا في المخابرات الامريكيه قال لك والله الراجل جه مصر بعد ازمه مارس 54 وكان كل هدفه انه يساعد عبد الناصر غريبه الصراحه عشان ينتصر على محمد نجيب والاخوان وفكره الاغتيال المزوره دي كان انسب حل يطلع بيه ناصر بطل قومي كان هيخسر حياته فداء للوطن والجماهير فالناس تتعاطف معاه وتهتف بحياته ومن ناحيه ثانيه تلزق الطق في خصومه وبكده يب يبقى معاه سند قانوني قوي يقدر بيه يخلص منهم لا ودول كمان اختاروا جمال سالم بالذات يبقى رئيس المحكمه اللي حكمت على الاخوان عشان ده راجل بيعشق القتل ومبادئه زي ستايلينج بتاع الاتحاد السوفيتي بالظبط اذا كان هناك انسان يسبب مشكله اقتل الانسان تنتهي المشكله طب ما هي حقيقه فعلا وفكره حلوه جدا والاخوان بقى ماسكين في القصه دي واهو شفتوا ظهر الحق احنا مظلومين والله ايه ده يعني في الاخر طلعت مسرحيه بجد واحنا كان مضحوك علينا كل السنين دي لا تعالوا بقى نشوف الناحيه الثانيه قالت ايه اولا محكمه الشعب اللي حكمت على الاخوان ظهر فيها بلاوي اولها ان محمود عبد اللطيف كان عضو التنظيم عن دايره امبابه ما هو اصل التنظيم كان شعب ومناطق ودواير ويزحف ويتوغل وينتشر في مصر كلها وشعبه امبابه دي بقى كان رئيسها المحامي هنداوي د وير اللي اول ما الحادثه حصلت راح سلم نفسه على طول ومن غير ولا ق وقبل ما يتسق حتى راح رازع شويه اعترافات اشت راوس الجنزبيل وقال ان الهضيبي هو اللي اصدر اوامر باغتيال عبد الناصر ايه ده ده بينها ما طلعتش مسرحيه ولا ايه وقال كمان ان كان في قوائم اغتيال لكل اعضاء مجلس قط الثوره والداهيه بقى ان كل المتهمين اعترفوا بكده كمان ده حتى واحد من المتهمين قال لي جمال سالم ايوه يا بيه كان في قوائم اغتيالات وانت كنت واحد فيهم ده انت صريح قوي يعني حتى كتاب الاخوان اللي بينكر الحادثه قالوا اه كان في خطه اختيال بس المرشد ما كانش لسه قرر التنفيذ اه بس النيه موجوده والمحكمه كمان عرفت ان عبد المنعم عبد الرؤوف وده كان عضو في مجلس قياده الثوره واخواني صرف وعضو في التنظيم السري كمان كان بيجهز اربع خمس كتاب مسلحه من الاخوان وهلبس ميري وهيدخل بيهم مجلس الوزراء ويحتله يعني تخطيط لقلب نظام الحكم طب ما هم ليهم حق يدوك اعدام بقى بس هو ربنا وفقه وعرف يهرب فتهم الجرايم كانت بالزوفا وكلها تودي العشماوي مرتاح فحدثه المنشيه كشفت حاجات اخطر من الحادثه نفسها بكثير فحتى لو هي مسرحيه فال الاعترافات لوحدها كفت ووفت بس برده لما نيجي نفكر بالعقل هنقول طب ازاي كان التمثيليه ده في اثنين اتصابوا المحامي احمد بدر والوزير السوداني المرغاني حمزه معقوله كانوا حاكين الدور قوي كده لدرجه انهم يصيبوا واحد كان بينه وبين عبد الناصر ربع متر ده حتى اتقال ان الدم اللي كان على بدله ناصر كان بتاع احمد بدر مش قلم احمر ولا حاجه لانه حضنه واخد طلقتين مكانه والله اعلم وبعدين لو هي مسرحيه ازاي نفذوها على ايد واحد من مسلحين الاخوان ده حتى لو كان انتيم عبد الناصر ما كانش هيضحك التضحيه دي مهما كانت الاغرات دي فيها اعدام ما فيش كلام مع ان كل كتب الاخوان قالت ان هنداوي دوير ومحمود عبد اللطيف كانوا متفقين مع النظام يا جماعه مش معقوله المفاجات دي بقى وعشان كده هم الوحاد اللي ما تضربوش ابدا في التحيات وكانوا بياكلوا احسن اكل وبي لهم هدومهم كمان لا دي حاجه فايف ستار خالص بقى وبكد على كلامهم ده باللي عمله هنداوي لما اتحكم عليه بالاعدام الراجل فضل يسرخ ويقول احنا ما اتفقناش على كده بس عادي يعني ما يمكن كانوا واعدين انه هيعترض ملك ويخرجو منها وفي الاخر طبعا بلشو طب وبعدين يعني الحياقه فين خلونا نخلص بصوا هي في قصه كده ماحدش بيجيب سيرتها خالص بس انا هقولها لكم عشان انتم حبايبي سنه 54 فرانز بونش وده واحد من اساطير المخابرات النازيه جه مصر وقابل ظابط مخابرات مصري اسمه سعد عفره وقال له بص بقى يا عفره بيه احنا عايزين نجمع كل خبرات المخابرات النازيه اللي متشردين في كل حته في العالم دول بعد ما تقطعنا في الحرب بنديهم هويات مصريه واسامي اسلاميه وهم يبقوا في خدمه عبد الناصر وموضوع النازيين في مصر ده نبقى نتكلم عنه بعدين ف عفره قال له وماله ينوره بس بشرط اديني كل التقارير والمعلومات اللي جمعتها المخابرات النازيه عن كل الكيانات السريه في مصر الراجل قال له انت جيت في جمل اتفضل يا عم وطبعا اغلب التقرير كان عن الاخوان المسلمين وبشهاده مايلرز كوبلند ثعلب المخابرات الامريكيه التقرير ده كان فيه ادله واتهامات تكفي عبد الناصر انه يعدم نص الاخوان بضمير مرتاح وبدليل قانوني قوي كمان فلو عبد الناصر كان عايز يخلص من الاخوان بمؤامرات طلع التقرير ده احسن كتير من فكره الحادثه المتفا ابركه دي اللي كان ممكن يروح فيها بالغلط وبعدين ثانيه واحده هو معقول الاخوان هيدبر الحادثه رهيبه زي دي بالتجهيز الاهبل ده مش ممكن طبعا ده محمود كان رايح سولو معهوش حتى حد يغطيه وده يخلينا نقول والله اعلم ان قرار الاغتيال ده ما جاش من قيادات الاخوان وعلى الاغلب هو كان طالع من هنداوي ومحمود قال في التحقيقات ان هنداوي اقنعه ان عبد الناصر ماشي ضد الدين واداله مسدس وقال له نفذ والك كاتب الاخواني عباس حسن قال ان ساعه الضرب ابراهيم الطيب رئيس التنظيم السري في القاهره كان قاعد مع يوسف طلعب رئيس التنظيم كله وقال له اخوك هنداوي اتسرع وده معناه انه اتسرع ونفذ من دماغه وكتير بقى من المؤرخين شايفين ان الجمله دي هي حل القضيه كلها هنداوي سلط محمود وعملوا الليله دي كلها لوحدهم والله اعلم لان المحكمه في الاخر ما حكمت على الاثنين دول بس بالاعدام لا دول سبعه محمود عبد اللطيف وهنداوي وير وابراهيم الطيب ويوسف طلعب ومحمد فرغلي وعبد القادر عوده وحسن الهضيبي المرشد بس اتعدم سته بس والهضيبي تخفف له الحب للمقبل وده بقى لان جمال سالم قال لك ما هم كده كده كانوا ناويين يقتلوني والاعمال بالنيات فاللي ما تحكمش عليه بسبب الحادثه دي اتحكم عليه بسبب المصايب اللي اعترفوا بيها وخلينا نكون معترفين ان الحادثه دي سواء كانت حقيقيه او مسرحيه فهي خدمت عبد الناصر اكتر ما اذتها لا هي ما اذيتو خالص دي خدمته خدمه العمر كله كسب بيها تعاطف الشعب اللي خرجوا يحرقوا في مقرات الاخوان وخلص من الاخوان نفسهم ومن محمد نجيب اللي قالوا له الاخوان اعترفوا عليك انك على اتصال سري بيهم ومجلس القياده افاك من منصبك وحدد اقامتك في فيلا زين بال الوكيل في المرج وكده وصل عبد الناصر لهدفه وهو انه ينفرد بالسلطه لوحده ولا نجيب ولا الاخوان ولا احزاب ولا جرايد تقدر تفتح بوقها ورسمي بقى رئيس الجمهوريه واهو على راي المثل اللي متموتنيش تقويني اوعدنا يا رب والكل قصه حكايه وانا هقول لكم على اللي فيها كنت معاكم ريهام عياد