حدوتة البطة المغرورة قصص أطفال قبل النوم هادفة وممتعة

كان يا مكان ولا يحلى الكلام الا بذكر النبي عليه الصلاه والسلام. في زمن مش بعيد كانت فيه حكايه جميله جدا فيها مغامره صغيره وفكره كبيره. تعالوا نسمع الحكايه سوا معقوسه وانوسه حدوته البطه المغروره في يوم من الايام عند بحيره كبيره وجميله كان في مجموعه من البط لونه اسود وجميل عايش مع اصحابه وبيحب بعضه وكل الحيوانات كمان بتحبه كل يوم الصبح بعد شروق الشمس ينزلوا يلعبوا ويسبحوا في البحيره ويقضوا وقت ممتع وجميل سوا وفي مره من المرات الصبح بدري والبط الاسود بيلعب ويسبح في البحيره زي كل يوم جت بطه جميله جدا لونها ابيض وحلو قوي وقفت على طرف البحيره وبصت لهم وقالت انا اجمل بطه واهم بطه هنا عشان لوني ابيض وجميل وماحدش زيي البط الاسود رد عليها بطريقه لطيفه جدا وقال لها ايوه انت فعلا بطه جميله اهلا بيك يا بطه تعالي العبي معانا لكن البطه البيضا ردت عليه بتكبر وقالت له ايه العب مع بط اسود لا طبعا انا اجمل منكم بكتير وبعد كده البطه البيضا بكل غرور مشيت بعيد عنهم والبط الاسود واصحابه قالوا مش هنلعب معاها ثاني ومن ساعتها البط كله قرر ما يلعبش مع البطه البيضا المغروره دي خالص بسبب سوء ادبها وتكبرها عليهم وحتى ان جميع الحيوانات بقت ترفض تلعب معاها وبقت البطه البيضا وحيده وفي يوم من الايام جت فرخه سودا عند البط قالت لهم بكل تواضع صباح الخير يا اصحاب اصحابي عاملين ايه؟ ايه رايكم نخرج ونلعب سوا عند الاشكار عشان انا فارفه وماقدرش انزل ميه البط الاسود رد عليها بحماس قال لها اهلا بصديقتنا الفرخه طبعا هنخرج نلعب معاكي يلا بينا وهم بيلعبوا عدت عليهم البطه البيضا المغروره وشافتهم مبسوطين اتضايقت جدا من لعبهم وقالت لنفسها انا لازم ارجع اخليهم يلعبوا معايا انا عشان انا اجمل بطه واهم بطه وجت للبطه البيضا المغروره فكره وما كانتش احسن فكره جريت على مكان فيه طين وبدات تتحرك فيه كتير لحد ما ريشها كله بقى مليان طين وبقى شكلها غريب ومخيف وافتكرت عشان ان لونها بقى اسود ان البط هيرجع يلعب معاها ثاني وقالت لنفسها ها هاهاي كده اكيد هيحبوني ويلعبوا معايا انا وبس. مشيت البطه البيضا المغروره بشكلها المخيف وهي في الطريق قابلت البط الاسود والفرخه وقالت لهم ممكن العب معاكم دلوقتي لكن البط والحيوانات كلها خافت من شكلها وبعدوا عنها وافتكروها وحش بسبب ريشها اللي مليان طين وشكلها المخيف وقال لها الجمال الحقيقي مش في الريش الجمال في القلب لو اتغيرتي وبطلتي غرور ساعتها نكون اصحاب ونلعب معاكي ثاني. البطه المغروره فضلت تعيط وقالت لنفسها وهي زعلانه انا اعمل ايه بس ليه ما حدش عاوز يلعب معايا رجعت البطه المغروره بسرعه للبحيره نطت في الميه وفضلت تغسل فرشها لحد ما رجعت للونها الابيض الجميل زي ما كان وساعتها فهمت البطه البيضا المغروره غلطتها وقالت لنفسها انا غلطت كنت مغروره ومتكب وتصرفي الوحش مع البط هو اللي خلاني ابقى مكروحه من كل البط والحيوانات وراحت البطه البيضا المغروره للبط وقالت له انا اسفه على تصرفي معاكم انا كنت متكبره ومغروره وما كنتش نطيفه خالص اتمنى انكم تسامحوني ومن النهارده هكون طيبه ولطيفه وهتعامل كويس وبذوق مع الكن البط الاسود سامح البطه البيضا ووافق انها تلعب معاهم في البحيره من تاني ومن يومها يا اصحابي البطه البيضا بقت لطيفه ومحبوبه وفهمت ان الجمال الحقيقي مش في اللون ولا في الشكل الجمال في الاخلاق الحلوه ولما بقت مؤدبه وطيبه كل الحيوانات حبتها ورجعت تلعب معاها من ثاني وانتم كمان يا اصحابي الحلوين لازم تعرفوا مش معنى اننا مختلفين عن بعض اننا وحشين كل واحد فينا وليه جماله بطريقته واهم حاجه ما نتغرش ولا نتكبر على اي حد لان اللي بيخلي الناس تحبنا مش شكلنا لكن اخلاقنا الحلوه وانتهت الحدوته بس لسه ما انتهتش حكاياتنا واستنونا في حكايه جديده ومغامره جديده مع اوسه وانوس وما تنسوش تعملوا لايك وتشتركوا عشان ما تفوتوش ولا حكايه باي باي