الدرس العاشر في العلوم المتكاملة اولى ثانوي 2026 التوازن البيئي ودور الإنسان مع ميس سارة حمزه

السلام عليكم ورحمه الله وبركاته طلبه وطالبات الصف الاول الثانوي كيفكم يا شباب عاملين ايه؟ يا رب كلكم بخير وصلنا مع بعض في رحلتنا للدرس العاشر بفضل الله اللي احنا هناخده النهارده من اسهل الدروس اللي هتقابلنا في المنهج درس لذيذ جدا ودرس فهمه بسيط وحتى اسئلته هتلاحظوا ان هي سهله ولذيذه ان شاء الله طيب قبل ما نبدا يا شباب نقول اللهم علمنا ما ينفعنا وانفعنا بما علمتنا وزدنا بك علما اللهم افتح بيني وبينكم بالحق وهو خير الفاتحين. كنا اتفقنا مع بعض ان احنا كل في بدايه اول حصه بناخد مع بعض اسم من اسماء الله الحسنى. طيب احنا النهارده جايين نتكلم في دقيقه كده عن اسم الله ايه؟ جايين نتكلم عن اسم الله الولي. يعني ايه يا شباب اسم الله الولي؟ اكت حاجه تسهل لك كلمه الولي لو فكرت فيها جايه من كلمه ولي الامر. عارف انت لما يحصل معاك حاجه في المدرسه فيقول لك ايه؟ طب انت هات لنا تاني يوم ولي امرك ولي امرك هو ده اللي هيتولى الموضوع اللي انت وقعت فيه. طب تعال نفترض ان انت ولي امرك ده هو صاحب المدرسه او هو صاحب المنطقه اللي انت قاعد فيها وهو هو المحافظ بتاع المحافظه اللي انت قاعد فيها هل انت هتبقى رايح المدرسه تاني يوم قلقان اكيد لا ليه لان انا كده عندي السلطه او انا معايا الحد يعني اللي هو واقف في ضهري اللي عمري ما اخاف ده يا شباب ولله المثل الاعلى الله هو الولي لنا فهل احنا يا شباب في امر نخاف منه او امر نقلق منه والله هو الولي اكيد لا فانا عايزاكم اي امر بيخوفك بيقلقك اي امر مسبب لك اي مشكله في حياتك دايما ادعي الله باسمه الولي يا ولي تولى امري والله هو الولي وهو يحيي الموتى وهو على كل شيء قدير يا الله والولي الولي هو اللي بيتولى امر كله كله يا شباب والله من ابسط حاجه بص لاكبر حاجه ا فبمناسبه ان احنا خلاص مقربين على امتحان الشهر وفي ناس بتبقى قلقانه جدا من جو الامتحانات بقى ا وفي ناس بيبقى شاطره جدا وبتيجي وقت الامتحان ما تحلش كويس من كتر الخوف والقلق لا دايما ادعوا الله باسمه الولي يا رب تولى امرنا تمام يبقى احنا النهارده مع اسم الله الولي حاجه كمان دعاء حاولوا دايما تدعوه في ناس ا بتقول احنا بنبقى كويسين جدا فجاه ان انا بحس ان انا مهمومه وزعلانه ومتضايقه فجاه كده واحنا مش عارفين من ايه دايما ادعي الله وقول يا رب اللهم اني اعوذ بك من الهم والحزن والعجز والكسل والجبن والبخل وغلبه الدين وقهر الرجال الدعاء ده حلو جدا يا شباب برده في طلبه تقول انا ببقى ناوي ان انا اذاكر وقايم ان انا اذاكر وكل حاجه قدامي فجاه الاقي نفسي عايزه انام او الاقي نفسي كده بتوب او الاقي نفسي ان انا مش قادر فدايما ادعي الله بهذا الاسم او ادعي الله بهذا الدعاء اللهم اني اعوذ بك قولوا كده من الهم والحزن والعجز والكسل الكسل ده والعجز والجبن والبخل وغلبه الدين وقهر الرجال اتمنى ان انا ما كنتش ان انا اكون ما طولتش عليكم ونبدا نبدا مع بعض يا شباب مع الدرس العاشر النهارده اللي هنتكلم عنه في التوازن البيئي ودور الانسان في استدامه الحياه المائيه يعني ايه كلمه دور الانسان ماشي يعني بصوا انتوا لو اخدنا ايه التوازن البيئي تمام ودور الانسان في استدامه الحياه المائيه تحسوا ان لفظ الاستدامه ده من احد الالفاظ الجديده اللي احنا جايين نتكلم عنها النهارده يعني ايه يا شباب استدامه الاستدامه ديت معناها ان لو في مورد من موارد البيئه موجود دلوقتي واحنا الجيل اللي موجود دلوقتي نعمل عمل ايه يا شباب في الموارد ديت خصوصا لو هي كانت موارد محدوده الموارد ديت المفروض ان حضرتك تحافظ عليها وتخلي قدر من الموارد ديت للجيل القادم عشان نحترم حقوقه يعني مثلا تعالى نفترض ان في مورد والمورد دوت ما بيسدش احتياجاتي انا يعني المورد ده حتى مش مكفي ليا انا هل انا بقى اخد المورد ده كله ليا واحرم الجيل القادم من ان هو ياخد جزء من المورد ده لا طبعا معنى كلمه الاستدامه ان انت تحاول تلبي جزء من احتياجاتك لو المورد ما يكفيش وتحترم تحترم حقوق الجيل القادم ان احنا نسيب له الجزء بتاعه تمام طيب تعالوا نشوف النهارده احنا جايين نتكلم عن ايه جايين نتكلم مع بعض عن التوازن البيئي يعني ايه يا شباب كلمه توازن بيئي فاكرين زمان اول درس في المنهج الدرس الاول خدنا يعني ايه كلمه بيئه اه يعني ايه كلمه بيئه كل ما يحيط بنا ا من ايه بقى كان كل ما يحيط بنا من حاجات حيه كده اللي هي زي انسان وحيوان ونبات وكائنات دقيقه واشياء غير حيه زي التربه وزي الضوء وزي التربه والضوء والميه والهواء. طيب معنى كلمه توازن بي يعني ايه؟ يعني احنا اتفقنا ان هل يا شباب هل نقدر نقول ان العوامل الحيه والعوامل غير الحيه بمعزل عن بعض؟ كنا بنقول لا. دايما في تفاعل ما بين العامل الحي والعامل غير الحي. اوسط مثال انا اهو احنا عوامل حيه بنتعامل مع السمارت بورد وده عامل غير حي. طب التفاعل ما بيني وما بينه بدا يحقق حاله ايه؟ توازن ان احنا قادرين نوصل مثلا المعلومه بشكل افضل فدايما هتلاقي في تفاعل ما بين العامل الحي والعامل غير الحي. تمام؟ فمعنى كلمه التوازن البيئي يعني هو بيقوللك حاله من الاستقرار ان يبقى في استقرار استقرار ايه؟ استقرار ديناميكي كده ما بين العوامل الحيه وغير الحيه الخاصه بالبيئه اللي بتتفاعل دايما مع بعضها تمام اكبر لكم الصوره شويه بسم الله الرحمن الرحيم اتمنى كده ان الكلام يكون واضح يا شباب يبقى التوازن البيئي حاله الاستقرار الديناميكي اللي بيحصل ما بين مين ومين؟ قال لك ما بين الكائنات الحيه او اللي احنا كنا بنسميها العوامل الحيه والمكونات غير الحيه بحيث نحافظ على استمراريه الحياه يبقى توازن يعني استقرار توازن يعني استقرار طيب لو احنا عملنا توازن ايه اهميه التوازن ده قال لك التوازن ده مهم جدا يعني ان يكون في اتزان ب ان انت تكون عايش في بيئه فيها توازن بيئي طبعا خير من ان انت تعيش بيئه فيها خلل فيها خلل في التوازن البيئي بتاعها طب انا لو انا دلوقتي عايز اعيش في بيئه البيئه ديت فيها توازن بيئي ايه اللي انا هضمنه؟ قال لك بص يا عم اول حاجه لو انت عايش في بيئه فيها توازن بيئه هتضمن ان في توازن في العناصر بتاعه البيئه دي فبقيت ايهاني هضمن ان في توازن ما بين الكائنات بتوع البيئه وهضمن ان في حاجه اسمها تدفق الطاقه في الشبكه الغذائيه ايه يا مس الكلام اللي انت عماله بتقوليه ده تعالى نمشي واحده واحده وقول بسم الله الرحمن الرحيم ويلا نبدا اوعى تنسى تحتسب القاعده اللي احنا قعدناها ديت ابتغاء مرضاه الله كما امرنا الله في قوله تعالى اقرا باسم ربك الذي خلق يلا يا شباب اول حاجه بيقول لك توازن العناصر الغذائيه ايه بقى موضوعه هو هنا بيقول لك ايه اهميه التوازن ده قال لك والله يا عم لو انت حافظت على التوازن في البيئه اللي انت عايش فيها ده هيضمن لك اكت من حاجه هيضمن لك اول حاجه توازن في العناصر توازن ما بين الكائنات الحيه وتدفق الطاقه ما بين الكائنات الحيه في السلاسل الغذائيه طب تعالى نبدا اول حاجه بيقول لك ايه توازن العناصر الجذائيه يعني ايه توازن العناصر الغذائيه تعالى احكي لك الحكايه بص يا عم احنا دلوقتي هبدا اقول لك ان في عناصر احنا محتاجينها في البيئه العناصر ديت عناصر كيميائيه يعني زي مين زي ما هناخد النهارده عنصرين مهمين عنصر اسمه النيتروجين وعنصر اسمه الفوسفور طيب حلو جدا يا مس هو لازم يعني يكون في توازن ايه يعني لما يزيد قوي النيتروجين والفسفور او يقل قوي النيتروجين والفسفور يعني ايه اللي يحصل لو زادت العناصر او قلت العناصر قال لك بص يا دكتورنا لو العناصر اللي انت محتاجها في البيئه دي بدات تزيد قوي او بدات تقل قوي كده انت عندك خلل طب امال احنا عايزينها ايه؟ عايزينها في حاله توازن في حاله بلانس كده تمام يا شباب طيب مين العناصر اللي جايين نتكلم عنها النهارده طبعا احنا زي ما اتفقنا يا شباب عايزين عناصر كتير من ضمنها اهم العناصر اللي هو بدا يذكرها لنا عنصري مين النيتروجين والفسفور وخلي بالكم ان النيتروجين والفوسفور دول يا شباب من ضمن العناصر المهمه اللي بتدخل في تكوين البروتين ومكونات الطاقه يعني انا لو عايزه بروتين او لو عايزه طاقه ببقى محتاجه النيتروجين ومحتاجين مين؟ الفوسفور فهنا بيقول يجب ان يكون هناك توازن في مستويات العناصر اللي بتدخل الانظمه البيئيه كالبحيرات والانهار يعني يعني انا ما ينفعش انا ابقى راجل بقى وعندي ارض زراعيه فما عنديش ضمير فعندي مخلفات للاسمده وعندي مخلفات من الميه دين فابدا اخد الميه ديت وارميها في اي بحر او اي بحيره او او اي نهر ليه؟ لان انا كده هعمل خلل في التوازن البيئي تقول لي ايه يعني شويه اسمده ده الاسمده دي كانت مفيده حتى للتربه ما انا هقول لك برده ان حتى الحاجه دايما في مبدا بيقول اللي بيزيد عن حده بيتقلب لضده يعني حد يقول لي ايه طب ما الراجل ده كان بيستخدم في الاسمده نيتروجين وفسفور عشان يقوي النباتات بتاعه التربه ما احنا لما نرميها في الميه كده هنقوي النباتات بتاعه الميه ما هي حاجه كويسه اهي اقول لك لا المهم ان هي ما تزيدش عن حدها لان لو زادت عن حدها تعمل ظاهره هنشوفها النهارده ظاهره غير مرغوبه جدا هتظهر في الطحالب فتعال معانا فبيقول لك من اهم العناصر اللي محتاجينها النيتروجين والفوسفور دي عناصر مهمه ليه؟ عشان ينمو النبات. النبات ينمو زي ما اتفقنا النيتروجين بيدخل في تكوين البروتين زائد ان انا عندي الفوسفور كمان بيدخل في تكوين الطاقه قال لك عشان تنمو النباتات والطحالب التي تمثل الاساس لاي سلسله غذائيه في النظام المي. تعالى معايا يا شباب صلوا على النبي صلى الله عليه وسلم من اعدادي وانتم كنتوا بتاخدوا حاجه اسمها السلسله الغذائيه كنا بنقول دايما اي سلسله غذائيه لازم تبدا بكائن منتج ولا كائن مستهلك؟ تقول لي الله ما انا اصلا ماعرفش ايه الفرق ما بين المنتج والمستهلك. بص يا عم مش احنا خدنا ان في كائنات ذاتيه التغذيه وكائنات غير ذاتيه ايوه يعني ايه الكائنات الذاتيه يعني اللي بتقدر تعمل عمليه البناء الضوئي وبتعمل غذائها بنفسها طب ومين الغير ذاتي لا دي الكائنات اللي بتعتمد على الكائنات الذاتيه عشان تقدر تحصل على الغذاء والطاقه يعني احنا من الكائنات الذاتيه ولا غير لا احنا غير طيب اي سلسله غذائيه لازم تبدا بكائن ايه لازم تبدا بكائن منتج يعني ايه كائن منتج يعني كائن بيعمل عمليه البناء الضوئي فهنا بيقول ان من ضمن العناصر المهمه للكائنات المنتجه اللي هي اساس اي سلسله غذائيه عنصر النيتروجين والفوسفور طب ايه اللي يحصل لو النيتروجين او الفوسفور زادوا او قلوا خلاص بقى احنا بقينا عارفين المبدا ولا الزياده مفيده ولا النقص مفيد برده في الحالتين هتؤدي الى حدوث خلل في التوازن البيئي طب ازاي؟ قال لك عندك مثلا لما زودنا كميه العناصر بشكل مفرد ممكن يؤدي لظاهره مهمه جدا اسمها ظاهره ازدهار غير طبيعي للطحالب ظاهره ايه الازدهار غير الطبيعي للطحالب تقول لي ثواني يا مس ما انتوا كنت بتقول ان الطحالب دي حاجه كويسه ما انتوا كنتوا كنت بتقول ان الطحالب ديت بتبقى موجوده في الميه عشان تعمل عمليه البناء الضوئي عشان تطلع اكسجين وعشان كمان تبقى مصادر للغذاء اشمعنى دلوقتي بتقولوا ان الطحالب وحشه هقول لك يا دكتورنا لان احنا ماشيين بمبدا برده اللي يزيد عن حد ويتقلب لضده انا دلوقتي لما انا كراجل هرمي اس انا كراجل عندي ارض زراعيه فهرمي مثلا الميه اللي فيها الاسمده دين في التربه من ضمن الميه في الميه معذره هرمي الميه اللي فيها الاسمده اما في البحيرات او في الانهار طيب انا دلوقتي من ضمن الاسمده اللي هو رماها كان النيتروجين والفسفور بدا النيتروجين والفسفور يكبر عندي الطحالب قوي لدرجه ان الطحالب بقت على وش الميه فبدات تحجب الضوء عن الكائنات اللي موجوده تحت اه هنا بقى بقت مفيده ولا ضاره لا بقت ضاره يبقى ده حاجه اسمها ايه الازدهار غير الطبيعي للطحالب فبيقول لك الازدهار دوت بيخل ليه بقى بيخل قال لك بسبب تغطيه سطح الماء عندما تغطي الطحالب السطح المائي لا يصل الضوء الى الاعماق وهذا يمكن ان يؤثر على عمليه التمثيل يل الضوئي للنباتات الاخرى اه هي ايه هي النباتات الاخرى فاكرين لما كنا بنقول مين اللي عندنا في الميه بيعمل عمليه بناء ضوئي كان عندنا الطحالب وكان عندنا حاجه اسمها الهائمات الهائمات المائيه او العوالق المائيه او الفايتوبلانكتون تمام يا شباب فانا دلوقتي لو الطحالب ديت بقت على وش الميه هتحجب الضوء عن مين عن العوالق او عن الفايتوبلانكتون اللي هي تعمل عمليه البناء الضوئي فاكيد هتضر بيها طيب ايهاني قال لك ان انت عندك برده زياده العناصر ديت اللي احنا اللي هيتم يتم القائها في الميه هتغير من التركيب الكيميائي للمايه التركيب الكيميائي للميه هيبدا يتغير ليه بقى؟ قال لك حيث تنتج استنى كده اكبر لكم قال لك حايز تنتج بعض انواع الطحالب مواد سامه قال لك ان انت لما هتيجي بقى ترمي العناصر ديت العناصر دي هتكبر ايه؟ الطحالب الكويسه والطحالب الوحشه كمان ففي بعض انواع الطحالب يا شباب بتنتج مواد سامه فبالتالي هتغير من تركيب الميه الميه هتبقى ميه سامه بالنسبه لباقي الاسماك طيب ايهاني قال لك نقص الاكسجين امتى بقى هينقص الاكسجين قال لك فعندما تموت الطحالب بكميه كميات كبيره لو الطحالب ديت ماتت ماشي معانا دلوقتي ايه لو الطحالب ديت حصل لها عمليه ازدهار وبدات تغطي سطح الميه لو في طحالب موجوده تحت او في عوال موجوده تحت يعني اي كائن موجود تحت في الاعماق مش هيقدر يعمل عمليه البناء الضوئي بسبب حجب الضوء طب ما هو لما مش هيقدر يعمل عمليه بناء ضوئي يبقى مش هياكل يبقى هيموت طيب ايه اللي حصل لما مات قال لك لما مات قلت نسبه غاز الاكسجين زائد بالاضافه ان اجسام الطحالب ديت هتبدا تتحلل بالكائنات المحلله يا شباب زي مين زي البكتيريا طب ده هيؤدي الى ايه؟ قال لك هيؤدي الى استهلاك كميه كبيره من غاز الاكسجين يبقى دلوقتي احنا بنتكلم عن اول عامل من العوامل اللي احنا لو حافظنا على التوازن البيئي هنضمن هنضمن ايه؟ هنضمن استقرار العناصر في البيئه طيب زي ايه العناصر اللي اتكلمنا عنها زي النيتروجين والفسفور طب ينفع نزودهم لا طب ينفع نقللهم لا طب احنا عندنا مثال للزياده لو انا زودت النيتروجين والفوسفور ايه اللي حصل قال لك اللي حصل ظاهره اسمها ظاهره الازدهار غير الطبيعي للطحالب دي حلوه ولا وحشه لا دي وحشه اول حاجه بتعمل ايه بتحجب الضوء عن الكائنات اللي موجوده في الاسفل رقم اثنين بتغير التركيب الكيميائي للميه عشان في بعض انواع الطحالب السامه طيب رقم ثلاثه معانا قلنا ان هي هتقلل نسبه الاكسجين لان في طحالب هتموت وبالتالي هنبدا نحللها فهنستهلك غاز الاكسجين تاثيرات على التنوع البيولوجي في النظام البيئي يعني ايه يعني في بعض الكائنات كده هتؤدي الى موتها فلما الكائنات ديت هتموت هيقل التنوع البيولوجي يمكن ان نحدث الازدهار غير الطبيعي كما في حاله التلوث بالاسمده يبقى كمان التلوث بالاسمده زي ما احنا ما اتفقنا احد الاسباب باب اللي هيدي الى ظاهره ايه؟ الازدهار غير الطبيعي للطحالب طيب ندخل مع بعض على ثاني ثاني نقطه بنتكلم عليها اذا حدث ايه؟ اذا حدث توازن بيئي هنضمن هنضمن ايه؟ هنضمن التوازن بين الكائنات الحيه ايه بقى موضوع التوازن ما بين الكائنات الحيه دي؟ قال لك بص يا دكتورنا فاكرين لما احنا كنا بنتكلم كده افكركم بحاجه فاكرين لما احنا كنا بنتكلم عن السلاسل الغذائيه كنا بنقول بتبدا بكائن منتج وقلنا الكائن المنتج دوت زي مين؟ قلنا زي الطحالب مثلا او زي العوالق النباتيه حلو قوي طب احنا كنا بنتكلم الحصه اللي فاتت كنا بنقول مين اللي بياكل العوالق اللي بياكل العوالق هل السمك الصغير ولا السمك الكبير تقول لي ده هي العوالق دي اصلا صغيره ازاي السمك الكبير يعني هياكلها ويشبع يبقى اللي بياكل العوالق هو السمك مين قال لك السمك الصغير طب مين اللي بيجي ياكل السمك الصغير اللي بيجي ياكل السمك الصغير هو السمك الكبير طب حلو جدا جدا قال لك بص بقى ايه اللي يحصل لو احنا تخلصنا او قضينا على السمك الصغير تقول لي والله لو ما فيش سمك صغير يبقى السمك الكبير ده هيفضل جعان والكائن المنتج ده هيكتر قوي قوي وده كده هيعمل خلل طب حلو طب ايه اللي يحصل لو احنا قضينا على السمك الكبير تقول لي لو ما فيش سمك كبير كده السمك الصغير ده هيكتر جدا فيبدا ياكل الكائنات المنتجه دي كتيره جدا فيبدا يعمل برده خلل في التوازن البيئي صح يا شباب فهنا بيقول لك ايه بقى تعالى الكلام دوت شوفوا هو هيوضحه لنا ازاي بيقول لك في الانظمه المائيه يتفاعل كلا من الكائنات الحيه مع غيره كل اهو كل كائن بيتفاعل مع غيره غيره اذ العوالق السمك الصغير اتفاعل معاها السمك الكبير اتفاعل معاها قال لك في وجود اسماك مفترسه في النظم البيئيه ان سمك مفترس زي الحيتان مثلا او القرش قال لك السمك المفترس دوت بيحافظ على التوازن بين اعداد الفرائس من الاسماك والكائنات الاخرى يعني خلي بالك تعالى مش احنا مش انا لسه قا لكم ايه دلوقتي يا شباب قلت لك لو ما فيش سمك كبير دلوقتي احنا سبنا الفرصه في السمك الصغير فنقول ايه اه يا عيني حرام كنا برده سبنا السمك الصغير لا هو ربنا سبحان الله العظيم مسخر كل كائن للكائن الاخر وتبقى في حاله ايه؟ تبقى في حاله توازن فهنا لو احنا يا شباب ما كانش عندنا السمك الكبير ده كان زاد عندي السمك الصغير طب ولو زاد السمك الصغير ده هيبقى هيخلي الكائنات المنتجه دين هنقضي عليها خالص فبالتالي ده هيعمل خلل فهنا هيدينا مثال تعالى كده نشوف بيقول لك ايه بيقول لك في بيئه بحريه تحتوي على انواع مختلفه من الاسماك اذا حدث لو تراجع اعداد الاسماك المفترسه بسبب الصيد المفرد لها يعني احنا دلوقتي السمك الكبير اللي كان بياكل السمك الصغير السمك دوت بقى بدا يقل هتقول لي هيقل ازاي؟ ده عن طريق ان احنا مثلا كبشر بنروح نصطاد السمك الكبير ده طب احنا لما نصطاد السمك الكبير اللي هو السمك المفترس مين اللي هيزيد؟ لان ما فيش حد بياكله ممتاز السمك الصغير فهنا قال لك ده هيؤدي الى زياده عدد الاسماك الصغيره بشكل مفرد طب ولما السمك الصغير ده هيبقى كتير هياكل ايه؟ هياكل العوالق النباتيه قال لك ده هيؤدي الى استهلاك المواد الغذائيه بشكل غير متوازن وهيؤدي في النهايه الى اضطراب او خلل في التوازن البيئي المائي تمام كده يا شباب طبعا هنا عايز يوضح لنا العلاقه ما بين او ما هي علاقه الافتراس انتم عارفين يا شباب علاقه الافتراس تشمل كائنان مفترس وفريسه زي مثلا لما اجي اقول لك عندك اسد وغزاله مين المفترس الاسد مين الفريسه الغزاله طب انا هنا بقول لك عندي سمك كبير مفترس او عندي سمك كبير وسمك صغير مين المفترس السمك الكبير من الفريسه السمك الصغير تمام طيب عندي مفهوم ثاني لازم انت تبقى عارفه مفهوم الصيد الجائر مش احنا دلوقتي بنقول لو في حد بيصطاد السمك الكبير يبقى ده كده اسمها عمليه الصيد جائر هل يا شباب الصيد في حد ذاته ممنوع؟ اكيد لا هو متاح ان احنا عادي ان احنا نصطاد ولكن نصطاد بقوانين معينه ان انا ما اروحش اصطاد نوع واحد من الاسماك بكميه كبيره جدا جدا فاؤدي الى انقراضها فهنا هيبدا يقول لك الصيد الجائر هو صيد الحيوانات بكميات كبيره بتفوق قدرتها على عمليه التكاثر واستدامتها مما تؤدي الى انقراضها طيب ثالث حاجه معانا تدفق الطاقه عبر الشبكات الغذائيه اتفقنا نفس المثال اللي كان فوق قلنا اي شبكه غذائيه لازم تبدا بكائن ممتاز منتج واللي بعديها بتبقى كائنات مستهلكه لحد اخر كائن معانا بيبقى الكائن المحلل يعني انا كان معايا مثلا الفايتوبلانكيتون او كان معايا الهائمات النباتيه مين اللي جهالها مثلا اللي هيجي ياكلها السمك الصغير مين اللي يجي ياكل السمك الصغير السمك الكبير طب ايه اللي يحصل مثلا لو السمك الكبير ده مات قال لك تيجي الكائنات المحلله زي البكتيريا وتبدا تخلصنا من الجثث بتاعتها فهنا يا شباب هيبدا يقول لك ان الطاقه بتبدا تتدفق ما بين الكائنات تمام تعالوا كده ناخد خد السلسله دي ده مثال لسلسله غذائيه اول حاجه معانا بيقول لك لو انت معاك دياتومات دياتومات دياتومات خدناها فين في المنهج ممتاز خدناها لما كنا بنقسم الكائنات الحيه الى ممالك واتفقنا ان انا كان عندي مملكه تسمى مملكه الطلائعيات والمملكه دي يا شباب كانت بتشمل كائنات ذاتيه التغذيه زي الطحالب الذهبيه ومن ضمن انواع الطحالب الذهبيه هي مين؟ الدياتومات وكان عندي كائنات ثانيه غير ذاتيه التغذيه زي الحيوانات الاوليه اللي هي اميبا وبراميسيوم ويوجلينا فهنا بيقول لك لو انت بدات بكائن منتج اللي هو الدياتومات لو انت معاكم بقى الكتاب ولو انت فاتح الكتاب معايا اكتب جنب الدياتومات مملكه الطلائعيات تمام كده يا شباب كان في مملكه الطلائعيات طيب دلوقتي بيقول لك لو انت معاك دياتومات اللي هو طحلب يعني يعني ده كده معانا يا شباب كائن منتج يعني ايه يعني ذاتي التغذيه يعني ايه ذات التغذيه يعني بيكون يقوم بعمليه البناء الضوئي وصلت كده بيقوم بعمليه البناء الضوئي يجي يتغذى عليه عوالق حيوانيه تقول لي ايه ده يا مس استني مش انت بتقولي ان العوالق دين بتبقى كائنات منتجه ركز في اللي بقوله انا قلت عوال نباتيه ولا عوال حيوانيه لا حيوانيه هتفرق يعني طبعا تفرق العوالق الحيوانيه يا شباب ما هي الا كائنات غير ذاتيه التغذيه فهنا يبدا يقول لك عندك العوالق الحيوانيه مجموعه من الكائنات اللي بتعيش في الميه العزبه والمالحه وتعيش في كثير من الاحياء مالها معلقه حيث لا تستطيع مقاومه تيارات الميه طب الشبكه الغذائيه معانا هي عباره عن مجموعه من السلاسل الشبكه ما هي الا سلاسل تمام الشبكه الغذائيه مجموعه من السلاسل المتداخله مع بعضها تمام كده يا شباب ا طبعا هنا هتلاقي ايه زو بلانكتون زوب بلانكتون ايوه الثانيه كان اسمها ايه فايتو بلانكتون فايتو جاي من كلمه ضوئي تمام يبقى الفايتو بلانكتون ديت العوالق النباتيه زو بلانكتون دي العوالق الحيوانيه مين فيهم بتعمل بناء ضوئي العوالك النباتيه مين اللي بتتغذى على الكائنات المنتجه؟ لا دي العوالق الحيوانيه تمام كده يا شباب يبقى انا معايا طحالب الطحالب ديت يبدا ياكلها عوالق حيوانيه حاجات صغننه كده معلقه في الميه طب مين اللي هيجي ياكلها؟ قال لك يجي ياكلها السمك الصغير طب مين اللي هيجي ياكل السمك الصغير هيجي ياكلوا السمك الكبير ولو السمك الكبير ده مات هيبدا يتحلل عن طريق مين؟ عن طريق البكتيريا اللي احنا بنسميها الكائنات المحلله طيب تعالى بقى انا كده لما اجي اقول لك هي الطاقه ماشيه ازاي تقول لي والله الطاقه بتاع بتاعه الفايتوبلانكتون ديت جايباها من الشمس عشان كده احنا كنا بنقول ان اساس الطاقه على الارض هي الشمس يبقى الدياتومات خدت من الشمس الطاقه وعملت عمليه البناء الضوئي طيب العوالق الحيوانيه جابت الطاقه بتاعتها منين؟ من الدياتومات طب السمكه الصغيره من العوالق الحيوانيه طب السمكه الكبيره من السمكه الصغيره دي كده معانا ايه يا شباب معانا دي سلسله جزيئيه واحنا كده شايفين تدفق الطاقه ان كل كائن بيجيب الطاقه من الكائن اللي قبله حلو جدا طيب هيجي بعد كده يكلمنا عن ايه هيجي يكلمنا عن التوازن البيئي في النظم مثل الشعاب المرجانيه والنظام البيئي البحري. شعاب مرجانيه تقوللي يا مس احنا اخدناها قبل كده اه فاكرين الشعاب المرجانيه دي يا شباب كانت بتعيش في الميه البارده ولا بتعيش في الميه الدافه ممتاز في الدافيه طب كانت بتعيش في الميه العميقه ولا في الميه الضحله عاش في الضحله فكنا بنقول ان الشعاب المرجانيه بتعيش في بيئه بيئه دافيه ضحله بيئه دافيه ضحله ممتاز جدا فهنا هيبدا يقول لك ان الشعاب المرجانيه ديت ليها دور مهم جدا في الحفاظ على ايه في الحفاظ على التوازن البيئي البحري ايش معناه قال لك لان هي بتوفر موطن للعديد من الكائنات البحريه قال لك فاكرين الحصه اللي فاتت لما كنا كنا اخدنا علاقه اسمها علاقه تبادل المنفعه لما كان في علاقه ما بين الشعاب المرجانيه والطحالب ان الشعاب المرجانيه وفرت المكان اللي هتعيش فيه الطحالب والطحالب لما عملت بناء ضوي ادت غذاء واكسجين للشعاب المرجانيه فاصبحت علاقه تبادل منفعه فهنا بيقول لك الشعاب المرجانيه اللي هي شكلها اهي معانا يا شباب قال لك الشعاب المرجانيه دين مهمه جدا في عمليه التوازن البيئي ليه قال لك عشان بتوفر المكان الموطن يعني المكان اللي بتعيش فيه مين قال لك المكان اللي بتعيش فيه الكائنات المائيه زي السمك الصغير او زي الطحالب فهنا بيقول الاسماك المفترسه كمان بتساعد الاسماك المفترسه في الحفاظ على توازن الشعاب المرجانيه عن طريق عن طريق ايه بقى؟ قال لك عن طريق ان السمك المفترس ده بيبدا يا شباب يسيطر على اعداد الكائنات الصغيره مثل قنافذ البحر ماله بقى قنفذ البحر ده لقينا يا شباب ان في علاقه ما بين قنافذ البحر والشعهاب المرجانيه لما بيزيد عدد قنافذ البحر بيضر مين؟ بيضر الشهاب المرجانيه طب مين اللي بيجي يخلصنا من قنافذ البحر بقى واعدادها الكتيره هي الاسماك المفترسه فهنا هيبدا يقول لك ان قنافذ البحر دين يمكن ان تدمر مين؟ الشعاب المرجانيه اذا زادت اعدادها بشكل غير طبيعي يبقى الكائنات الصغيره زي قنافذ البحر لو زاد عددها بشكل كبير هتبدا تضر الشعاب المرجانيه اللي هي بتمثل الموطن طب مين اللي بيجي بيخلصنا من العدد الزائد دوت هي الاسماك المفترسه تمام تعالوا نحل بيقول لك ايا مما يلي من نتائج زياده تركيز الاسمده ايه اللي يحصل لو زادت الاسمده في مياه الصرف الزراعي باحد الانظمه المائيه هل الازدهار غير الطبيعي للطحالب طبعا هي دي ازدهار الثروه السمكيه تثبيط نمو الطحالب نقص العناصر الغذائيه طبعا احنا اتفقنا لو في اسمده كتير هتعمل ايه يا شباب الازدهار غير الطبيعي للطحالب طيب تاثير الانشطه البشريه على الحياه المائيه للاسف الشديد ان في بعض الانشطه اللي احنا بنعملها كبشر بتاثر على الحياه المائيه طب هناخد كم حاجه الانسان بيعملها بتاثر على الحياه المائيه هناخد ثلاث حاجات اول حاجه عندنا ان الانسان بيعمل عمل تلوث طباني حاجه بيعمل صيد جائر طب ثالث حاجه بيعمل ما يسمى بالتدمير البيئي يبقى احنا بناذي البيئه المائيه بكم طريقه لاثه تلوث رقم اثنين عندنا الصود الجائر رقم لاثه التدمير البيئي اول حاجه التلوث قال لك ان احنا بنبدا نلوث المسطحات المائيه بالمواد الكيميائيه والمبيدات الحشريه والعناصر الثقيله ايه بالراحه بص يا دكتورنا اول حاجه ان احنا بنبدا نلوث الميه بايه بالمواد الكيميائيه لو انا مثلا عندي مصنع وببدا اسرب اي مواد كيميائيه عن طريق الميه قال لك المواد الكيميائيه دين تشمل مين؟ تشمل المبيدات الحشريه وتشمل العناصر او المعادن الثقيله اللي كل دول بنرميهم في الميه طب دول هياثروا على ايه؟ قال لك هياثروا على جوده الميه الميه ديت مش هتبقى ميه صالحه للشرب زائد ان هي هتضر الكائنات اللي عايشه في الميه طب زي مين المعادن الثقيله قال لك المعادن الثقيله ده عندنا زي الزئبق وطبعا الزئبق هنا بيبقى سام الزئبق والكادميوم والرصاص وهي من وهي عناصر سامه يبقى انا عندي ثلاث عناصر ثقيله من ضمن المواد الكيميائيه هم مين؟ الزئبق والكادميوم والرصاص طيب روح ثاني حاجه بيكلمنا عن الصيد الجائر خلاص بقى عرفنا الصيد الجائر ان انا اصطاد كائن معين بكميه كبيره جدا لدرجه ان انا ممكن ادي الى انقراضه فقال لك الصيد الجائر بيؤدي الى انخفاض اعداد بعض الكائنات وده اكيد هياثر على التوازن البيئي طب ثالث حاجه معانا التدمير البيئي يعني ايه التدمير البيئي قال لك ان انا ببدا ادمر مواطن كامله في مين في البيئه المائيه دي زي مين اللي كنا لسه بنقول هي عباره عن موطن لكثير من الكائنات الصغيره للكائنات البحريه الصغيره ممتاز قلنا الشعاب المرجانيه فقال لك التدمير البيئي يقصد به ان احنا ممكن ندمر مواطن طبيعيه زي الشعاب المرجانيه والمستنقعات ده طبعا هيؤدي الى او هيسبب فقدان التنوع البيولوجي مس انت عماله تقولي كلمه تنوع بيولوجي هو يعني ايه تنوع بيولوجي يا شباب ان انت تبقى عايش في بيئه البيئه ديت تبقى فيها انواع مختلفه من الكائنات الحيه فلو فيها انواع كتير نقول ان البيئه ديت فيها تنوع بيولوجي لو فيها انواع قليله نقول البيئه دي فقيره التنوع البيولوجي تمام طبعا ده جايب لك صوره اهو شايفين المنظر الظاهره دي اصلا اسمها ظاهره ابيضات الشعاب المرجانيه المنظر اللي قدامك ده الشعاب بدا يحصل لها عمليه تدمير يبقى كده الانسان بيعمل كام حاجه تدمر البيئه المائيه ثلاثه اما تلوث والتلوث بيكون بالعناصر الكيميائيه زي المبيدات والعناصر الثقيله طب رقم اثنين اما ايه صيد الجائر ان انا بصطاد كائن معين بكميه كبيره ثالث حاجه معانا التدمير البيئي يقصد به ان انا بدمر مواقع او مواطن كبيره في الميه زي مين زي المستنقعات وزي الشعاب المرجانيه طب نعمل ايه عشان نحافظ بقى تعالى مش انت دلوقتي بهدلت الدنيا انسان زي ما انت مع خربتها بقى او يعني انت بوظت البيئه المائيه لازم تعمل على دورك ان احنا نرجع البيئه المائيه كما كانت فهنعمل كام حاجه هنعمل اربع حاجات عشان او اربع ادوار هيمكن الانسان من انه يحافظ على البيئه المائيه اول حاجه قال لك الحفاظ على الموارد الطبيعيه لو انت عندك مورد طبيعي حافظ عليه حافظ تعامل مع الموارد الطبيعيه اللي ربنا مديها لنا بحذر بحذر وبلاش ان ان احنا ايه نؤذي البيئه اللي حوالينا فبيقول لك ان يجب ان يتعامل الانسان بحذر مع الموارد الطبيعيه يمكن تحقيق ذلك من خلال ازاي يحافظ او يتعامل بحذر مع الموارد الطبيعيه قال لك ان انا استخدم الموارد بشكل مستدام ثاني بكلمه شكل مستدام ايوه يعني ايه شكل مستدام يعني لو انا معايا مورد ابدا البي احتياجاتي من المورد ده واحفظ حق الجيل القادم ان هو لازم ياخد من نفس المورد ده ماجيش انا بقى اقوم واخده المورد ده كله واقول انا ماليش دعوه بالجيل اللي جاي هلاقي المورد دوتاني ولا لا معنى كلمه الاستدامه ان انت تاخد جزء وتسيب جزء للجيل القادم. طيب ايهاني؟ تجنب تلوث الموارد واستنزافها. هنعكس بقى الحاجات اللي احنا كنا بنقولها. يبقى اول حاجه حافظنا على الموارد الطبيعيه. طباني رااني حاجه التوعيه والتثقيف البيئي. ازاي يا مس نوعي والله ده انت لو عندك في المدرسه لو في الاذاعه بتاعه المدرسه ونبدا نوعي يا شباب نبدا نحافظ على الميه ماحدش يرمي حاجه في الميه بلاش ان احنا نصرف في الميه ده كده احنا كده دون اسمه تثقيف ووعي لو عملنا ورش الورش ديت هنوعي بيها لو عملنا اعلانات فهنا هيبدا يقول لك يجب ان الانسان يهتم بالبيئه بتاعته ويشارك في معرفه الاخرين يجب ان احنا نخلي الناس الثانيه تبدا تعرف طب نعمل ده ازاي ازاي انا كانسان اوعي واعمل عمليه تثقيف قال لك بالقيام بانشطه التوعيه والتثقيف زي الحملات الاعلاميه تمام نبدا نعمل حملات اعلاميه زي وراش العمل والتعليم في المدارس طيب رقم لاثه معانا التنميه المستدامه هي جت لك تاني معنى كلمه تنميه مستدامه الحفاظ على التوازن البيئي وتبني نماذج التنميه المستدامه التي تلبي احتياجات الجيل الحالي حلو يعني الجيل بتاعنا دوت تاخد الحاجات اللي هو عايزها بس ايه دون المساس بقدره الاجيال المستقبليه على تلبيه احتياجاتها يبقى انت ما تلاقيش مورد تقول المهم احنا مش احنا اللي عايشين دلوقتي المهم ان احنا نلبي احتياجاتنا لا احنا لازم احنا نلبي احتياجاتنا ماشي ولكن برده نشيل هم الجيل القادم فقال لك عن طريق ان احنا نبدا ا نعمل عمليه تطوير واستخدام للتكنولوجيا النظيفه يعني لو انت قدامك مثلا طاقه غير متجدده وطاقه متجدده لا احنا بنلجا دلوقتي للطاقه المتجدده الطاقه النظيفه الطاقه اللي بتحافظ بيها على البيئه بتاعتك طيب والمستدامه في الزراعه والقطاعات الصناعيه والعمرانيه طب ايه ثاني اخر حاجه معانا من الطرق اللي الانسان يحاول انه يحافظ بيها على النظام البيئي التحول الى ممارسات صديقه البيئه ده اللي احنا بنتكلم فيها ان انت تبدا تبعد بقى عن اي حاجه بتلوث البيئه وتروح التكنولوجيا الحديثه اللي بتحافظ على البيئه يعني لو عندي بترول وعندي طاقه شمسيه لا نستخدم الطاقه الشمسيه طب عندي ا طاقه الرياح عندي طاقه الميه كل ديت من الطاقات النضيفه فبيقول يمكن للانسان ان يتخذ خطوات في حياته للمساهمه في المحافظه على التوازن البيئي طب ازاي قال لك ان انا اقلل من استهلاك الميه والطاقه ما تفضلش فتح الحنفيه ثاني حاجه فرز النفايات ما نرميش كل النفايات مره واحده انت لو رحت اي مثلا هايبر ماركت هتلاقي ايه هتلاقي في هتلاقي حاطين لك او لو رحت اي مول مثلا هتلاقي حاطين باسكه ا يعني اعزكم الله باسكت للورق باسكت للمعادن باسكت للزجاج ده كده اسمها فرز النفايات تمام مش بقى اي حاجه بنرمي اي حاجه في اي حته كله مره واحده لا دي حاجه اسمها فرز النفايات واستخدام وسائل النقل العامه والضربات في التنقل يعني بلاش كل واحد فينا يبقى عنده عربيه انت بس تقول لي يا مسي بس ادينا العربيه ربنا يا رب يرزقنا ويرزقكم الجنه اللهم امين اا الله المستعان شفتوا الكلام عن العربيه بيقول لك علاش كل واحد يبقى عنده عربيه يخرج بيها الصبح ممكن مثلا نتفق لو احنا كلنا رايحين في نفس المكان واحد بس اللي يتفق وياخد الناس كلها او نبدا نستخدم المواصلات العامه او الدراجات الهدف من كده يا شباب ان احنا نقلل عمليه استهلاك الوقود عشان نحافظ على البيئه بتاعتنا طيب تعالى نحل السؤال بيقول لك ايا مما يلي يعد احد تاثيرات تصريف المصانع لمخلفاتها بالمسطحات المائيه المصانع لما بترمي مخلفاتها الاضرار بصحه الكائنات المائيه طبعا تحفيز تكاثر لا طبعا زياده مستويات الاكسجين اكيد لا تحسين الكفاءه برده لا اكيد الاضرار بصحه الكائنات الحيه طيب السؤال الثاني معانا بيقول ايا مما يلي من الممارسات الصديقه للبيئه الحاجه الكويسه بقى للبيئه استخدام الاكياس البلاستيكيه خلي في بالكم لا الاكياس البلاستيكيه المفروض ان لو احنا عايزين نحافظ على البيئه بنستخدم ال الاكياس الورق عشان الورق بيحصل له عمليه تحلل سريع فبالتالي مش بياذل البيئه بينما البلاستيك بياخد فتره طويله جدا عشان يتحلل فدي معانا غلط الاعتماد على الوقود الاحفوري لا دي الطاقه غير متجدده وملوثه فرز واعاده تدوير المخلفات اكيد هي دي طيب نشوف رقم اربعه حرق قش القرص اكيد لا عشان احنا كده هنلاوس البيئه تمام يا شباب كده احنا بفضل الله تعالى خلصنا مع بعض الدرس العاشر وخلصنا الوحده الاولى طيب اخيرا اخيرا ماشي اا فاضل لنا ايه فاضل لنا اربع دروس بفضل الله ونكون خلصنا المنهج ان شاء الله يا شباب على على ايه يعني قبل ما ندخل في شهر 12 ان شاء الله ان قدر الله لنا البقاء واللقاء وقدر لنا العمر نكون خلصنا المنهج من اول 12 نبدا مراجعات عشان خاطر اخواتنا في الازهر عشان خاطر انتم كمان يعني سواء ازهر او عامه طيب يا مس امتحانات الشهر اه امتحانات الشهر يا دكتورنا المفروض هتسيج لحضرتك من الدرس السادس للدرس العاشر ا في ناس بيقولوا لا من الدرس السادس للدرس التاسع فعموما احنا هنعمل ان شاء الله المراجعه من الدرس السادس للدرس العاشر ا وهنزلها لكم ان شاء الله عيوني لكم ربنا يحفظكم ويبارك فيكم يا شباب الناس طبعا بتبعت لي كتير على جروبات الواتساب يا مس المراجعه وهنعمل ايه وماعرفش ايه بصوا بقى عايزين نبدا صفحه جديده خالص سواء انت كنت قفلت اللهم بارك في شهر اكتوبر او جبت درجه مش تمام ا فاحنا بقى ايه نسال الله باسم الولي ان يتولى امرنا ويرزقنا الدرجه النهائيه في الشهر ده ناخد بالاسباب ونشد حيلنا ونستعين بالله ان شاء الله ربنا يرزقكم جميعا الدرجه النهائيه ان شاء الله يا شباب خلصنا الدرس العاشر نقول بسمك اللهم وبحمدك نشهد ان لا اله الا انت نستغفرك ونتوب اليك السلام عليكم ورحمه الله وبركاته