الحلقة الثالثة عوامل قيام الحضارات تاريخ الصف الاولي الثانوي نادر جورج

واحده من اعظم الجمل اللي قالها لي صديقي سلحوف افندي اجري وان لم تستطع الجري فامشي وان لم تستطع المشي فازحف ولكن اياك ان تتوقف قدامك نادر جورج وانت بتسمع حواديت ستك وفي حواديت ستك احنا مش بنحكي التاريخ احنا بنعيش التاريخ اهلا بيك اهلا بيك يا بطل في المحاضره رقم ثلاثه المحاضره النهارده الثالثه يا بطل ها عدى المحاضره الاولى والثانيه خدنا خدنا في المحاضره الاولى ايه هي التاريخ والحضاره خدنا في المحاضره الثانيه ايه هي مصادر دراسه الحضاره والتاريخ والنهارده هنتكلم عن عوامل قيام الحضاره الحضاره عشان تم محتاجه ايه عشان نعمل حضاره عشان يبقى في حضاره زي الحضاره الفرعونيه كان محتاجين حاجات محتاجين مقومات محتاجين عوامل ده اللي احنا هنتكلم فيه النهارده اتمنى تكون شفت المحاضره الاولى والثانيه وهم موجودين على اليوتيوب بالنسبه للشرح قبل ما ندخل في المحاضره الجديده عايز اقول تنبيه مهم انت حضرتك المفترض ادخل اعمل عمل اكونت على المنصه عندنا حتى لو مش مشترك في اي كورسات ليه ما تسالنيش ليه دلوقتي يعني في مكافاه وفي مفاجاه هتتم كبيره جدا جدا لكل الطلبه اللي هتكون مسجله على المنصه ادخل سجل على المنصه والتسجيل فور فري وهتلاقي في الديسكربشن بتاع الفيديو هتلاقي طريقه التسجيل ادخل اعمل اكونت على المنصه عادي جدا جدا من غير اي تكلفه عليك ادخل بس سجل الاكونت بتاعك وبعد ما تسجل هتدعي لي ما تخافش النهارده باذن الله لو بتشوف المحاضره الخميس والنهارده الخميس بالليل على الساعه 10 هيتم اعلان على تشانل الواتساب اللي هتظهر قدامك دلوقتي تشانل الواتساب بتاعتنا هيتم الاعلان عن اوائل الامتحان الجمهوري الاول الامتحان اللي احنا عملناه وقلنا في مكافاه كبيره جدا جدا لكل طلبه الجمهوريه النهارده معادنا مع المحاضره رقم لاثه هنتكلم عن عوامل قيام الحضاره باكد عليك انك لازم تعمل اكونت على المنصه عشان انت هتندم لو ما عملتش الاكونت بعد ما نعلن لما هنعلن عن الحاجه اللي احنا عاملينها للطلبه اللي مسجله على المنصه بعدها مش هنقبل اكونتات تاني لان خلاص هنكون استكفينا عدد الاكونتات النهارده معادنا مع المحاضره الثالثه هنبدا مع بعض استاذنك قلمك كده معايا والكراسه بتاعتك معايا والملخص بتاعتك معايا الملخص بتاعك معايا ولو انت مشترك معانا على المنصه طبعا هتشوف فيديو الشرح وتجري على المنصه تكمل باقي الفيديوهات بتاعتك فيديو الانشطه وتدريبات وفيديو نواتج التعلم اللي هو تحليل الماده يلا بينا نبدا بالدرس بتاعنا اللي هو عوامل قيام الحضاره تعالى بقى نبدا الدرس بتاعنا زي ما انت عارف من المقدمه ان احنا هنتكلم عن عوامل قيام الحضاره ببساطه كده احنا عندنا في مصر قامت حضاره وفي العراق قامت حضاره وفي فينوكيا قامت حضاره مستر بس في بلدان ثانيه ما قامتش فيها حضاره ايوه السؤال اشمعنى البلاد دي قامت فيها حضاره والبلاد دي ما قامتش فيها حضاره ده درسنا عوامل قيام الحضاره يا ترى ايه الاساسيات ان حضرتك لازم تلاقيها موجوده علشان تتعمل حضاره يعني مثلا يا نور ايوه ازيك يا نور؟ يا نور حضرتك علشان تذاكر وتطلع انتاج اكيد محتاج يا نور يعني عوامل صح يعني مثلا محتاج مكان ومحتاج مكتب ومحتاج قلم محتاج كراسه محتاج هواء كويس اضاءه كويسه وفي الاخر يا نور بتسقط ايوه كده سلم بالامر الواقع ماشي فحضرتك يا نور لو ما كانش في العوامل دي كلها اصلا انت ما كنتش رحت تذاكر فمبدئيا تعال نتكلم عن عوامل قيام الحضاره هتعرف سيادتك ان عوامل قيام الحضاره في نوعين من العوامل في عوامل طبيعيه دي من عند ربنا تبقى منحه وهبه من ربنا وعوامل بشريه اللي هو العنصر البشري مثلا من العوامل الطبيعيه الانهار الموقع الكويس وجود ثروات الحدود الطبيعيه بتاعتك تبقى كويسه ا لازم سيادتك تعرف ان دي كلها عوامل انا ماليش يد فيها ماليش دخل فيها لكن في عوامل ثانيه بقى العنصر البشري الانسان نفسه اللي هيستغل الكلام ده هو الدرس بتاعنا بيتكلم اهو ان سيادتك ربنا منح المنطقه العربيه عديد من المقومات والعوامل اللي ساهمت في قيام الحضاره زي حضارات العالم القديم طب مثلا مثلا اهو بقول لك وجود الانهار ساعد على قيام الزراعه والاستقرار ايوه عندنا مثلا في العراق قامت الزراعه وفي مصر قامت الزراعه بسبب وجود الانهار مصر كان فيها نهر النيل والعراق فيها دجله والفرات طيب الموقع الموقع المتميز يا جماعه الموقع الجغرافي اعتدال المناخ المناخ بتاعنا كويس احنا سيادتك ما عندناش الحر اللي بيخلينا عارف الحر سيادتك ده حر سيادتك ده انت ما بتجيبش ميه من كل حته انت مش في الكويت حضرتك ولا سيادتك عندك الثلج اللي يخلي الدنيا كلها برد سيادتك انت مثلج اا الثلج في كل مكان والمطر لا لا احنا ما عندناش احنا ملا المناخ بتاعنا معتدل وكمان حضرتك عدم وجود حواجز او موانع طبيعيه بين اجزائها ايوه سيادتك البلد بتاعتنا ما فيش حواجز بينها فسيادتك يبقى فيها تواصل يعني سيادتك احنا كمصريين نقدر نتواصل مع بعض بسهوله جدا الناس اللي في الجنوب بيوصلوا للشمال واللي في الشمال بيوصلوا الدنيا سهله يعني سيادتك مصر بالعربيه بتلفها مش محتاج طيران زي امريكا امريكا في ولايات ما بيوصلوش الا بالطيران حضرتك كمان وفره الثروات المعدنيه احنا عندنا ثروات عندنا حديد وعندنا نحاس وعندنا فضه وده ساعدنا على ها الادوات يعني سيادتك انا مثلا عايز اعمل عندي زراعه فانا محتاج سيادتك فاس الفاس ده محتاج ايه؟ محتاج حديد عشان اضرب صح محتاج صخر اضرب يبقى سيادتك دي كلها ثروات معدنيه كمان كفاح الانسان وده العنصر الاهم لو انا كل ده موجود بس ما فيش انسان يستغله ولا ليهم اي لازمه زي ما قلت لكم نور مثلا ما حضراتكم اهو الراجل عنده كل حاجه متوفره تكييف واقلام كراسات ومكان وفي النهايه انا اسف يعني ما بيجيبش اي حاجه الدنيا صعبه عنده يبقى حضرتك انا بتكلم عن العوامل احنا كل ده في المقدمه لسه هنبدا بالتفصيل وخلي بال حضرتك دي عوامل عند كل الحض مستر هل العوامل دي متوفره عندنا في مصر الحمد لله العوامل دي متوفره وزياده في مصر موقعنا كويس ومناخنا كويس ثرواتنا كويسه حدودنا الطبيعيه امنه عندنا نهر زي نهر النيل والانسان المصري القديم قدر يعمل حضاره ده اللي احنا هنتكلم عنه بالتفصيل يعني احنا هنتكلم عن عوامل قيام الحضاره ولازم تعرف ان في عوامل طبيعيه خمسه وفي العنصر البشري رقم سته اهم الخامسه والسادس اهم تعال اقول لك ايه هم العوامل الطبيعيه اول حاجه اول حاجه وجود الانهار الموقع المناخ الثروات الحدود دول الخمسه واخر عنصر وده العنصر الاهم عندنا اللي هو العنصر البشري تعالى كده نبدا مع بعض اول عنصر عندنا اللي هو وجود الانهار تيتا يوه في ايه يا واد الدرس ده صعب قوي يا تيته ازاي يعني حضرتك بانت من 7000 سنه طب اقعد اقعد يا واد وانا احكيلك انا مش فاهم يعني ازاي مصر بقت حضاره كده فجاه ايه اللي حصل ما فيش حاجه بتيجي فجاه يا واد يا مصري زيها كده زي الطبيخ محتاج مقادير تعالى اقول لك على ثلاث مقادير سريه خلت الحضاره المصريه تطلع على الوش زي وش القهوه كده جميله اول حاجه نهر النيل زي ما الرز محتاج ميه عشان يستوي الارض كمان بتحتاج النيل علشان تتزرع وتعيش من غير النيل لا في اكل ولا حياه ولا حضاره اه يعني النيل زي البراد كده يا تيته عليك نور برافو يا واد يا مصرياني حاجه الموقع الجغرافي مصر في النص زي الرخامه اللي بنطبخ عليها دي كل حاجه قريبه منها كل حاجه وتقدر توصل منها لاي حته كل اللي حواليها كانوا بيعدوا عليها عشان يتعلموا منها ويتجروا معاها اه يعني كان الترانزيت حضاري من يومك نبي يا واد القرد في عين سته غزال يا تيته ثالث حاجه يا واد يا قرد انت الموارد الطبيعيه عندهم ذهب ونحاس وحجاره زي ما انا عندي بهارات وسمن ورز ومرقه من غيرهم يا واد يا مصري ماعرفش اعمل لك اكله عدله تترمي في التوالي هم كمان من غير الموارد دي ما يعرفوش يبنوا الاهرامات مثلا اه يعني الحضاره بتساوي النيل والموقع والموارد زي اكله بثلاث مكونات كده من يومك يا واد انت كده بقيت مؤهل تدخل امتحان وزاره الاكل والتاريخ طب تتا ممكن بقى كوبايه شاي عشان عايزه احبس المعلومات في دماغي يوه هو انت كل شويه شاي يا واد لا بقى احنا من هنا ورايح هنسميك مصري بتاع الشاي والحضارات بقى نكمل الدرس بتاعنا وبغض النظر عن تيتا وعن مصري وعن احلى كوبايه شاي بيني وبينك يعني كوبايه الشاي اللي بشربها مع تيتا دي في ساعه العصاري ولسه هنصور لكم الفيديوهات انا وتيتا وهتحكموا انتوا بقى هتشوفوا مين بيشرح افضل مستر نادر ولا تيتا يعني طبعا مصري مالوش علاقه بينا خالص يعني بغض النظر عن الكلام ده كله تعال نكمل الحصه بتاعتنا زي ما انت عارف ان احنا هنتكلم عن العنصر الاول اللي هو نهر النيل وخد بالك نهر النيل هو العنصر رقم واحد في قيام الحضاره المصريه وزي ما قال هيرودوت ان مصر هبه النيل يا مستر انا مش فاهم حاجه استاذنك هسيب كوبايه الشاي وهرجع لك ثاني تعالى بقى ابدا معاك في العنصر الاول والعامل الاول من عوامل قيام الحضاره ومبدئيا ده عنصر في غايه الاهميه لان احنا كمصريين اول حاجه وجود الانهار او نهر النيل ده العنصر رقم واحد مبدئيا كده حضرتك لازم تعرف ان في مقوله مهمه جدا قالها المؤرخ الاغريكي هيرودوت ان مصر هبه النيل واحدى الكتاب اتذكر يعني قريت الجمله ديت نصا قال لك لولا النيل لما كانت مصر ايه ده مستر للدرجاتي نهر النيل مهم جدا مبدئيا حبيبي لازم تعرف لو انت فاكر احنا اتكلمنا في الدرس الاول وقلنا ان وجود الانهار هو اللي علم الانسان الاستقرار والزراعه صح فمبدئيا لازم تعرف ان نهر النيل هو شيء مهم جدا في قيام الحضاره طيب مستر هو نهر النيل بدايته فين ونهايته فين معلومه كده حضرتك لازم تكون عارفها جغرافيا نهر النيل حضرتك بدايته من تحت لفوق مش من فوق لتحت يعني مصدر النيل ومنبع النيل من تحت يبقى سيادتك اول معلومه عايزك تعرفها عن نهر النيل ان نهر النيل ده اهو تكوينه الطبيعي بينحدر من الجنوب الى الشمال ايوه حضرتك كده سيادتك ادي الخريطه بتاعتنا اهي اهي الخريطه بتاعتنا اهي نهر النيل بدايته من هنا يبقى نهر النيل هنا كده دي البدايه بتاعته اهو البدايه بتاعه نهر النيل من هنا ثم سيادتك يطلع لحد فوق يبقى نهر النيل حضرتك لازم تعرف انه بيبدا من الجنوب ده التكوين الطبيعي بتاعه يطلع الى الشمال يعني النهر من الجنوب الى الشمال دي حركه نهر النيل بتاعنا طبعا بيطلع من الجنوب للشمال بيبقى معاه الميه والطمي الطمي اللي هي الطين اللي هي كونت التربه الطينيه بتاعه مصر الارض الزراعيه يبقى نهر النيل اهو زي ما انت شايف كده تكوينه الطبيعي من الجنوب للش الشمال بيبقى حاملا الماء والطمي والطمي دوت هو اللي ساعدنا على قيام الزراعه طب مستر هو نهر النيل مهم قوي لنا احنا كمصريين اولا لازم تعرف ان نهر النيل يا شباب علم المصريين ثلاث حاجات ايه ده مستر هو النهر ممكن نتعلم منه حبيبي الانسان القديم كان بيتعلم من اي شيء مش لازم يتعلم من انسان ده ممكن يتعلم من الجماد زي النهر النهر بتاعنا اتعلمنا منه ثلاث قيم اول قيمه عندنا قيمه الوحده والتضامن اشرحلك كلمه كلمهاني قيمه عندنا قيمه التكافل والتكامل ثالث قيمه عندنا قيمه التواصل تعالى واحده واحده كده ناخد اول قيمه عندنا قيمه الوحده والتضامن هل بجد يا مستر نهر النيل علمنا ان احنا كمصريين نتحد مبدئيا احنا اتفقنا وقلنا ان نهر النيل من الجنوب للشمال صح اولا لازم تعرف ان نهر النيل بيحصل فيه فيضان والفيضان ده سيادتك بياخد الاراضي وبيدمر الدنيا صح فالمصريين قالوا لا ده احنا لازم نتفق ده احنا لازم نتحد ده احنا لازم نحمي نفسنا من اخطار نهر النيل فبداوا يعملوا ايه بداوا يعملوا السدود بداوا يعملوا سيادتك الجث عارفين زي السد العالي السد العالي ده مش واحد بس اللي هيعمله ده فيه ناس كتير جدا نفس الفكره لازم تعرف حضرتك اهو ان نهر النيل اول حاجه كان بيحصل فيه فيضان وفيضان النيل ده هو اللي وحد جهود المصير عشان يعملوا الجسور الجسور اهي لحمايتنا اهو من الفيضان يبقى سيادتك احنا اتفقنا كمصريين من زمان يا جماعه خدوا بالكم نهر النيل بيعمل فيضان طب نعمل ايه انا كراجل مصري اروح لاخويا المصري طب ايه رايك طب ما تيجي نعمل سد والسد ده نحمي نفسنا من الميه سد يعني يمنع الميه انها توصل لنا عارف كده سياد تك تخيل حضرتك اهو اهو نور اهو ازيك يا نور بص نور واقف اهو فسيادتك يا نور انا لو دلوقتي رشيت عليك ميه هتيجي عليك صح طب لو في حيطه في النص يبقى ده السد احنا بنسد بنمنع ان الفيضان يجي لنا وكمان عايزك تعرف معلومه احنا مش بس بنمنع الميه ده احنا بنحافظ على ما احنا بنخزن الميه دي اهو اني حاجه الحفاظ على مياه الفيضان فعاشوا شعبا واحدا عبر التاريخ فاذا سيادتك اول حاجه عايزك تعرفها ان نهر النيل علمنا الوحده والتضامن ليه؟ لان كان بيحصل فين يبقى اول حاجه وحده وتضامن ليه؟ اهو حمايتنا من الفيضان اكتب بعد اذن حضرتك الكلام ده ادي اول قيمه اتعلمناها من نهر النيل تاني قيمه اتعلمناها من نهر النيل التكافل والتكامل كلمه تكافل اصلا معناها ايه؟ كلمه تكافل يعني كلنا نساعد بعض وكلنا نتك كمل مع بعض يعني بالبلدي نكمل النواقص اللي بينا نور نور حضراتكم لازم تعرفوا ان نور راجل عنده حاجه ايجابيه وحاجه سلبيه اظن انتوا بقى من عشرتكم معانا الحصه اللي فاتت عارفين ان نور عنده حاجه سلبيه ان انت ايه يا نور فاشل في الدراسه مالكش فيها خلصت كداب بر ماتحورش بس الناس خلاص بقوا عشره فنور فاشل في الدراسه بس نور عندك حته حلوه صح ان انت راجل شاطر قوي في التصوير والمونتاج زي ما انتم شايفين. طب مستر نادر عنده حته حلوه وحته وحشه ان مستر نادر بيعرف يشرح لكن مش شاطر في التصوير. نعمل ايه يا نور؟ ما بين بعض تيجي نتكامل. ايه رايك يا نور؟ تيجي تصورني وانا اذاكر لك وبرده مش هتنجح صح. المشكله في مين؟ المشكله فيك انت اعدل نفسك ها احنا اخر الشهر وفي مرتب لم نفسك يعني المهم فحضرتك ده اللي حصل ما بين المصريين وبعضيهم. يعني ايه سيادتك حضرتك لازم تعرف اهو مش في ناس في الجنوب وناس في الشمال الناس اللي في الجنوب مثلا عندهم زراعات معينه والناس في الشمال عندهم زراعات ثانيه طب ايه رايكم بتوع الجنوب ياخدوا من بتوع الشمال الحاجه اللي عندهم وبتوع الشمال ياخدوا من الجنوب الحاجه اللي عندهم ده اسمه التكامل يعني مثلا لازم تعرف ان في مزروعات بتتزرع في الجنوب ما بتجيش في الشمال وفي مزروعات بتتزرع في الشمال ما تجيش في الجنوب يبقى سيادتك اللي هو نهر النيل علمنا التكامل لان نهر النيل علمنا ازاي نتبادل المحاصيل ايوه شمالا وجنوبا اهو شمالا وجنوبا طبعا سيادتك انت لو فاكر قلنا نهر النيل بيبدا من تحت لفوق صح اهو اهو فنشطت التجاره الداخليه بين الشمال والجنوب يبقى ما تنساش حضرتك مهم قوي اول حاجه عرفنا ان نهر النيل علمنا الوحده اهو الوحده وحده والتضامن ضد الفيضان ثاني حاجه علمنا التكافل والتكامل يعني بنكمل بعض ثالث حاجه علمها لنا نهر النيل التواصل فيما بينهم ومع الاخرين صح ايوه مثلا تحت في الجنوب بيطلعوا لحد فوق وفوق بينزلوا لحد تحت اهو حيث ساعد انحدار نهر النيل في بناء السفن التي يحملها تياره من الجنوب للشمال ايوه السفن بتمشي من الجنوب للشمال ما ده الحركه بتاعه النهر وتدفع الرياح الشماليه مره اخرى للجنوب. لا يا مستر مش فاهم الكلام ده. تعال نرجع تاني للخريطه. لو سيادتك ركز كده معايا اهو اهو نهر النيل حركته الطبيعيه من الجنوب للشمال. يبقى ده الطبيعي ده الحركه الطبيعيه. طب مستر لو في مراكب هنا بص اهو لو في مراكب هنا في الجنوب هتطلع للشمال دي سهله ما دي الحركه بتاعه النهر الطبيعي بتاعتنا. طب من الشمال ايوه حبيبي ما احنا عندنا هنا عند البحر حاجه اسمها الرياح الرياح الشماليه فالرياح دي تروح ضاربه في المركب تنزلها لتحت عايز تقول لي ايه؟ عايز اقول لحضرتك ان نهر النيل علمنا ثلاث قيم اول قيمه علمنا التضامن والتعاون ضد الفيضان ثاني قيمه علمها لنا التكافل والتكامل يعني تبادل حاجه تجار المحاصيل التجاريه مع بعضنا كملنا النواقص اللي عندنا ثالث حاجه علمها اهو زي ما انت شايف التواصل التواصل ازاي حركه نهر النيل من الجنوب للشمال ومن الشمال تنزل لنا تحت عن طريق الرياح الحركه بتاعه الرياح اهو حيث ساعد انحدار نهر النيل اول حاجه على بناء السفن اللي جايه من الجنوب للشمال دي حركه النهر الطبيعيه حركه النهر تاني حاجه تدفع الرياح الشماليه مره اخرى للجنوب ادي رياح البحر اذا سيادتك اول معلومه عايزك تعرفها او اول عامل عندنا احنا اتكلمنا عن العامل الاول اللي هو عامل نهر النيل ده اللي علم المصريين التواصل فيما بينهم ونشر الحضر يبقى ده العامل الاول نهر النيل مبدئيا كده عايزك برده تعرف ان نهر النيل من العوامل الطبيعيه احنا ما لناش يد فيها ده حاجه جينا ربنا خلقنا كده لقينا سيادتك مصر فيها نهر النيل وهي دي الحركه بتاعتهم ده العامل الاول اللي ساعدنا على نشر الحضاره بتاعتنا وعلى قيام الحضاره اللي هو نهر النيل تعال بقى ننتقل على العامل رقم اثنين اللي هو الموقع ثاني عامل عندنا بقى من عوامل قيام الحضاره في مصر او عوامل قيام الحضاره بوجه عام الموقع بس طبعا احنا بنتكلم عن حضاره مصر فانا هكلمك عن موقع مصر مبدئيا حضرتك كده لازم تعرف ان موقع مصر متميز غير اي بلد في العالم عشان كده مصر طول عمرها مطمع لكل الناس اللي عايزين يحتلوا بسبب موقعها المتميز ايه ده يا مستر هو بجد موقع مصر متميز دي واخده موقع استراتيجي 100 م دي على ناصيه ما فيش اختها في العالم كده بحر ابيض وكده بحر احمر والنيل في النص يعني الميه ثلاث الوان وهنعدي يا جدعان انا عايزك تعرف ان العالم القديم كان عباره عن ثلاث قارات ما نعرفش غيرها كان اسيا افريقيا اوروبا اهي مصر موجوده في قلب الثلاثه موجوده قريبه من الثلاثه موجوده في موقع يخليها قريبه من الثلاثه يعني سيادتك لو بصيت معايا كده على الخريطه اللي موجوده في الاول خالص اهو اهو تعالى كده مثلا اهو ادي سيادت لو حضرتك بصيت على الخريطه دي اهو هتلاقي ادي حضرتك مصر صح اهي ادي مصر اهي لو ركزت شويه ادي مصر قريبه جدا لروما وبلاد الاغريق عن طريق البحر يبقى سيادتك ادي قريبه من قاره اوروبا عن طريق البحر لا ومدخل لقاره افريقيا لا لا لا وقريبه كمان اهو عن طريق هنا جنبنا على طول اسيا يبقى سيادتك لو بصيت ادي العالم القديم كله اهو اهو اهو بص سيادتك كده ادي اسيا افريقيا اوروبا يبقى مصر موجوده فين؟ موجوده في قلب العالم مصر موجوده في حته تخليها قريبه من كل القارات عشان كده دايما يقول لك مصر هي نصيه العالم الموقع بتاع مصر موقع متميز جدا يبقى تعالى كده نرجع تاني للكلام بتاعنا اهو اهو لو سيادتك ركزت معايا اول حاجه مصر هي قلب العالم كلمه قلب يعني في المتوسط هي وهي حلقه اتصال بين اقطاره وشعوبه يبقى مصر هي اهو قلب عالم القديم عارف كده هاني رمزي فيلم عايز حقي لما قال لك دي موجوده في ناصيه ما فيش اختها في العالم قال لك هي موجوده بقريبه من الثلاث قارات قريبه من قاره اسيا وافريقيا واوروبا عشان كده بقول لحضرتك اهي هي ملتقط ثلاث قارات اسيا وافريقيا واوروبا وكمان بتطل على اكبر بحرين اللي هو البحر الابيض والبحر الاحمر سيادتك اهو بتطل على بحرين مهمين جدا اهو البحر الاحمر والبحر المت يعني مبدئيا عايز اقول لك حاجه كانت اي تجاره لازم تمر على مصر سيادتك احنا مصر عندنا كانت بتقابل بتقابل كل التجاره اللي جايه من اي حته في العالم لانها ملتقى الثلاث قارات وكمان عندنا اكبر بحرين اللي هم المعابر الحضريه اي حد كان عايز يعمل تجاره كان بيعدي من عندنا فمصر هي قلب العالم قول بقى معايا كده مصر هي ايه قلب العالم مصر هي ملتقى العالم طيب انا بقول قول ل سيادتك اهو ادى موقع مصر الجغرافي الى سهوله الاتصال والتاثير والتاثر انت ممكن تسالني وتقول لنفسك مستر طيب موقع مصر جميل وعلى عيني وراسي سهل عليا ايه لا حبيبي سهل عل حاجات كتير جدا مش احنا قلنا ان احنا في النص طيب تعال نفترض ان في تقدم موجود في اوروبا سهل يجي لنا عن طريق البحر تعال نفترض ان في تقدم موجود في اسيا سهل يجي لنا الله في تقدم حصل مثلا في افريقيا سهل يجي لنا طالما احنا في النص يبقى سهل نروح لاي حته حته عشان كده كانت مصر فيها تاثير وتاثر مع البلاد المجاوره يعني حضرتك مثلا في اوروبا ظهرت حاجه اسمها الفلسفه قدرت تجي لنا بسهوله مثلا مثلا مثلا في اوروبا مثلا ظهر علم مهم جدا سهل يجي لنا بسهوله فكره سهله تجي لنا بسهوله عشان كده بقول لحضرتك ان مصر موقعها ادى لسهوله اتصال والتاثير والتاثر يعني باختصار حضرتك كده لازم تعرف ان الحضارات اللي قامت في العالم القديم كانت مصر في القلب يبقى ما تنساش اقدر اقول اهو الخص الكلام اهو موقع مصر انا يهمني الكلمتين دول بس تعرفهم واحد انها قلب العالم ممكن تقول لك هي ملتقى القارات الثلاثه اللي هم الثلاثه الكبار يهمني تعرف لاثه تطل على بحرين اللي هم الاحمر والبحر الابيض ده كده بالنسبه لموقع مصر طيب طالما اتكلمنا عن موقع مصر خليني اقول لك من اشهر الناس اللي اتكلموا عن موقع مصر وتميزه هو الكاتب العظيم جمال حمدان وهوريك الكتاب بتاعه دلوقتي هات كده يا نور بعد اذنك هات كده يا نور ادي يا سيدي كتاب جمال حمدان اهو لا ده الرابع لا هات الجزء التاني لا لا لا اخلص يا عم التاني لا التاني ثانيه واحده كده ايوه هو ده هو ده كتاب جمال حمدان مستر معلش مين جمال حمدان وايه كتاب جمال حمدان اولا بص دي موسوعه جمال حمدان اسمها اسمها شخصيه مصر بيتكلم عن عبقريه المكان دراسه في عبقريه المكان اولا لازم تعرف ان جمال حمدان ده جغرافي مصري ولما سيادتك هتطلع في ثالثه ثانوي وتاخد الجغرافيا السياسيه تعرف ان كتير قوي من المنهج بتاعك متجاب من كلام جمال حمدان اولا جمال حمدان ده جغرافي مصري اتكلم وقال ايه اولا الراجل ده عمل موسوعه اسمها زي ما انت شايف كده شخصيه مصر اتكلم عن اهميه موقع مصر طيب ممكن اعرف قال ايه خليني اقول لك جمال حمدان قال ايه بالظبط جمال حمدان اختصر وقال لك كده بص سيادتك انا مختصرهم ك اهو جمال حمدان قال ان مصر هي حجر الزاويه للثلاثيه القاريه زي ما احنا اتفقنا وقلنا ان مصر حضرتك هي بتتوسط الثلاث قارات اللي هم قاره مين؟ اسيا وافريقيا واوروبا ومصر حضرتك بوابه مشتركه لافريقيا واسيا ايوه مصر بوابه لافريقيا واسيا سيادتك احنا في افريقيا وكمان اسيا عندنا طريق سيادتك شبه جزيره سينا فالموضوع قريب جدا جدا وكمان هي قريبه من اوروبا يعني انت عايز تقول لي ايه؟ عايز اقول لك ان مصر هي قلب العالم القديم يبقى اول حاجه قالها ان مصر هي حجر الزاويه كلمه حجر الزاويه يعني بتتوسط الثلاثه الزاويه اللي هي الزاويه بتبقى ثلاثيه عارف الزاويه عامله كده فمصر سيادتك موجوده ما بين الثلاث قارات اسيا وافريقيا واوروبا حاجه هي بوابه مشتركه لافريقيا واسيا وكمان قريبه من اوروبا لا مش كده وبس وعايز اقول لك ان مصر هي المدخل الحقيقي لافريقيا سيادتك لو عايز تدخل افريقيا عن طريق الشمال عن طريق على طول نهر النيل يبقى اعرف بس كلمه انها المدخل الحقيقي لافريقيا وكمان مصر ليها مدخلين لاسيا لو عايز تروح قاره اسيا في مدخلين سيادتك من عند مصر اهو ممكن تدخل شمالا عن طريق سوريا والعراق وجنوبا عن طريق شبه الجزيه العربيه كل الكلام ده انا قلته بسرعه بس انا عايزك تخسر في كلمه واحده ان موقع مصر موقع متميز يبقى بص وانت بتذاكر وانت بتذاكر اهو يبقى هي قلب العالم هي ملتقى القارات الثلاثه بتطل على بحر نزود بقى كلام جمال حمدان قال لك هي حجر الزاويه في الثلاثيه القاريه خمسه قال لك هي بوابه لاسيا وافريقيا ما تنساش ان احنا قلنا المدخل لافريقيا ممكن ادخل عن طريق نهر النيل والاسيا عندي مدخلين اهو يبقى سيادتك ده موقع مصر اختصار الكلام كله موقع مصر موقع متميز جدا جدا جدا لانها ملتقى ثلاث قارات هي سيا اسيا افريقيا وكمان قريبه جدا من اوروبا واللي اتكلم عن اهميه موقع مصر ما تنساش اسمه جمال حمدان يبقى اول عنصر اتكلمنا عليه نهر النيل ثاني عنصر اتكلمنا عليه الموقع تعال نتكلم عن عنصر رقم لاثه وده ما فيهوش شرح كتير جدا شرح صغير خالص اهو عندنا الثروات المعدنيه ماشي دي كلمه الثروات هل مصر حضرتك فيها ثروات كتير يعني ايه يا مستر ثروات عندنا معادن عندنا مثلا عندنا حديد عندنا نحاس عندنا فضه عندنا صخور عندنا الكلام ده طبعا سيادتك مصر غنيه بالمعادن على فكره اوروبا فقيره جدا في المعادن عشان كده كانوا دايما بيفكروا يحتلوا مصر ليه مصر فيها وفره معادن مصر حضرتك فيها معادن كتير جدا يبقى اول حاجه سيادتك لازم تعرف ان مصر فيها صخور وفيها معادن نعم الله على مصر بصلوات كثيره زي ايه المعادن عندنا ايه والصخور عندنا عندنا معادن زي الذهب عندنا زي النحاس عندنا زي الحديد عشان كده قدرنا نعمل حاجات كتير قدرنا من الذهب مثلا نعمل الحلي اللبس بتاع الفراعنه اللي كان مطرز بالدهب انت عارف اجدادنا الفراعنه كانوا بيلبسوا صنادل من الذهب عندنا النحاس كان بيتصنع منه ادوات كتير كتير عندنا الحديد كان بيتصنع منه مثلا السيوف كان بيتصنع منه الفاس كان حاجه سيادتك دي كلها ادوات كانت بتصنع من المعادن لا وكمان عندنا الصخور زي الجرانيت فاكر عندنا الرخام والاحجار الكريمه يعني حضرتك مثلا لو انت فاكر التمثال ده يا مستر ما هي صخور اهي اهو صخور مش معادن ده صخور الصخور دي حضرتك اهي اهي صخور ما دي كلها صخور يبقى حضرتك عايزك تعرف ان الصخور الجرانيت الجرانيت الصخور دي كلها ساعدتني على على بناء الحضاره ساعدتني حضرتك على ايه اهو ساعدتني على عمل التماثيل يبقى سيادتك مصر غنيه بالثروات اهي بيقول لك كانت الصخور والمعادن اغلى الثروات بالنسبه للمصر القديم وساعدته على قيام الحضاره واستخدمها صناعه ادواته وصناعه الحلي بناء الاهرامات نحت التماثيل يبقى سيادتك باختصار الامر الثروات المعدنيه ديت برض من العوامل ال طبيعيه يبقى اول حاجه اتكلمنا عليها اوعى تنسى سيادتك اول حاجه اتكلمنا عليها وجود الانهار والنهر علمنا ثلاث حاجات ثاني حاجه اتكلمنا عليها الموقع الجغرافي ثالث حاجه اتكلمنا عليها الثروات المعدنيه رابع حاجه ودي مهمه جدا الحدود الطبيعيه رابع عامل عندنا هو الحدود الطبيعيه بس انا عايزك تضيف عليها الحدود الطبيعيه امنه احنا متامنين اوعى اياك والاكس تو هتفهم ايه انت والراجل ما الراجل صوته حلو وهادي ده صوته شوي حدود طبيعيه يعني حدود ما لناش يد فيها صح لازم تعرف حضرتك ان موقع مصر غير انه موقع متميز موقع امن جدا ما فيش اي عدو سهل يجي يعني يحتلنا تقول لي مصر طب ما كان بيحصل احتلال ايوه ده كان في وقت الضعف بتاعنا احنا لكن كحدود تعالى احكي لك حدود مصر عامله ازاي اولا سيادتك هتاخد بالك ان مصر بجد متامنه اولا مصر ليها حدود طبيعيه امنه البحر المتوسط في الشمال والجنادل في نهر النيل جنوب لا يا مستر مش فاهم فتعال كده لو دي الخريطه بتاعتنا مثلا اهو لو دي الخريطه بتاعتنا مثلا وادي سيادتك هنا اهو البحر الاحمر مبدئيا لازم تعرف ان اول حاجه بتحمينا في الحدود في الشمال البحر المتوسط ايوه يعني مش من السهل حد يجي يحتلنا لان البحر سيادتك ده في صعوبات في امواج في رياح في ميه فسيادتك الموضوع مش سهل ان سيادتك تيجي تحتلنا عن طريق البحر يبقى اول حاجه احنا متامنين من هنا يعني بالبلدي ما فيش حد هنا قاعدسه سهل يحتلنا ادي اول حاجه البحر المتوسط شمال تاني حاجه بيقوللك جنوبا الجنادل مستر يعني ايه جنادل بص ادي نهر النيل في قطع صخريه كبيره هنا صخور هنا صخور هنا كبيره عامله كده ايوه يا مستر مش فاهم دي هتحمينا ايه ما دي الجنادر اهي صخور قطع صخريه كبيره كده ايوه يا مستر هتحمينا في ايه اهو سيادتك بالبلدي ما ينفعش بقى حد يجي من هنا يحتلنا بسهوله هيطلع ازاي الصخور هتعترضه يعني السفن مثلا لو جايلنا حد عايز يطلع يحتلنا الصخور دي كلها هتعترضه يبقى اول حاجه البحر المتوسط في الشمال تاني حاجه الجنادل في نهر النيل جنوبا لا تعال بقى كمل معايا وعن طريق سيادتك هنا عن طريق الشرق البحر الاحمر هي بس الحته اللي فيها مشكله عندنا في الحدود الحته اللي بينا وبين للاسف اللي ما يتسموش لان من هنا فعلا ممكن يدخل لنا احتلال وده حصل بالفعل الهكسوس جوم من هنا اا الاحتلاء الصهاينه جم هنا يبقى سيادتك لازم تعرف ان مصر اهو اهو سيادتك اهو اهو البحر المتوسط في الشمال والجنادل في نهر النيل جنوب لما جيت سالتك ايه هي الجنادل الجنادل هي كتل صخريه تعترض مجرى النهر فسيادتك بتخلينا متامنين وكمان عندنا بقى الصحاري اهو عندنا الصحراء الشرقيه والغربيه اه ما كل طب مستر هي الصحاري تامن اه يعني مش من السهل ان حد يجي يحتلنا عن طريق الصحرا سيادتك هيمر بحاجات كتير جدا هيمر بارض صعبه المشي فيها في الصحاري صعب هيمر بجو مش معتدل هيتعب هيمر بحاجه صعبه جدا من جهه الحر مش هيلاقي حاجه هيشرب ازاي هيجيب ميه ازاي فحضرتك فعلا مصر الحدود بتاعتها مامناها طب مستر ده ساعدنا على ايه اولا طول ما انت عايش متامن طول ما يبقى في حضاره وده اللي قال ويلد ويرنت لو انت فاكر اما احنا قلنا ان ويلد ويرنت قال ان الحضاره بتبدا امتى لما الانسان يستقر يبقى حضرتك اهو ما نتيجه موقع مصر او الحدود الامن امنه قال لك ساعدتنا اول حاجه في الدفاع عن البلاد بتاعتنا ثاني حاجه ساعدتنا على تحقيق الامن والاستقرار يبقى سيادتك اول حاجه مصر لما اجي اسالك ايه اهميه الحدود بتاعه مصر اول حاجه اهو الدفاعاني حاجه الاستقرار ما تزهقش مني من كتر الكلام معلش احنا بنثبت المعلومه يبقى اول حاجه دفاعاني حاجه الاستقرار يبقى حدود مصر حدود مصر امنه شمالا فوق عندنا البحر المتوسط جنوبا عندنا الجنادل اللي موجوده في نهر النيل سيادتك وعندنا كمان البحر الاحمر وعندنا الصحراء الشرقيه والصحراء الغربيه فاحنا متامنين طب يا مستر الحدود الامنه ساعدتني على ايه؟ على حاجتين اول حاجه الدفاع ضد اي معتدي عايز ياخد الخيارات بتاعتنا ثاني حاجه ساعدتني على الاستقرار وبناء الحضاره طيب ده كده العنصر رقم اربعه يبقى اتكلمنا عن نهر النيل اتكلمنا ما تنساش عن الموقع اتكلمنا عن الثروات المعدنيه ثم اتكلمنا عن الحدود الامنه تعالى بقى ننتقل ونتكلم عن العنصر رقم خمسه اللي هو المناخ جو مصر الجو الجميل في مصر مستر هو جو مصر حلو ادي شايف شايف ايه يا مستر ده احنا بنسيح من العرق مستر ده احنا العرق جايبين كل حته انا شايفك ده وانت قاعد عرقان مستر ده احنا البرد والسقعه موجوده حبيبي فين الكلام ده انت شايف ان جو مصر ده الجو اللي تقول عليه الكلام ده مافيش الكلام ده خالص امال لو سيادتك رحت اوروبا شفت الساقعه شفت التلج انت اوروبا الناس متلجه عارف اوروبا كده الثلج مغطي الناس سيادتك الثلج هناك مش طبيعي ولا بقى لو سيادتك رحت بقى اسيا بقى تروح كده سيادتك الكويت بيسيحوا عارف بيسيحوا في الكويت كده عارف بيسيحوا وبيسيحوا بيسيحوا بيسيحوا لكن جو مصر لا انسى الكلام ده جو مصر حضرتك اولا مناخ مصر كان مناخ معتدل وبيقول لك كان للمناخ اثر كبير في قيام الحضاره ازاي اولا لازم تعرف حضرتك ما فيش حضاره هتتم لو الجو مش معتدل ازاي يعني يا مستر حبيبي تعال نتخيل كده ان الجو كله عندنا ثلج ثلج ثلج ثلج ثلج الحضاره هتتم ازاي هنبني مباني ازاي هنعمل تماثيل ازاي طب ما الدنيا كلها هتبوظ والثلج هيجي على التماثيل وهيوقع التماثيل يبقى اول حاجه سيادتك المناخ المعتدل والشمس المشرقه والسماء الصافيه ده ساعد المصريين على النشاط اه حضرتك بيقدروا يشتغلوا لان الجو معتدل حبيبي ما فيش منطق بيقول ان انا الجو حر بموت هعرف اشتغل ولا الجو ساقعه ثلج هعرف اشتغل فالجو المعتدل ساعدنا على النشاط ساعدنا على العمل ده كده بالنسبه للمناخ المعتدل طيب وكمان كمان عايز اقول لك حاجه ان احنا عندنا جفاف يعني ايه جفاف ما عندناش سيول يا جماعه السيول مش موجوده في مصر بكثره التسونامي والحاجات يا جماعه البهدله اللي بتحصل في اوروبا دي مش موجوده عندنا ان سيادتك يبقى في امطار مش طبيعيه طب ما دي هتبوظ تعال نتخيل مثلا المنظر ان احنا عندنا تمثال عملنا تمثال رمصيص هوب سيادتك كل سنه كل سنه امطار مش طبيعيه طب ما ده هيادي لانهيار الحضاره فعلا في حضارات انهارت بسبب الامطار اه يبقى سيادتك لازم تعرف الجفاف بيساعدني على حمايه وبقاء الاثار المصريه القديمه واختلاف درجه الحراره اللي هو تنوع المناخ انتوا اخدتوها في ثالثه اعدادي ان تنوع المناخ بياؤدي لتنوع المحاصيل وطالما في تنوع محاصيل يبقى سيادتك في انتاج وطالما في انتاج يبقى في حضاره يبقى سياده جو مصر فيه ثلاث حاجات انه معتدل انه متنوع النجاف الثلاثه دول مهمين جدا اهو معتدل ساعدني على النشاط جفاف ساعدني على حمايه الاثار متنوع ساعدني على تنوع المحاصيل ده كده بالنسبه للعنصر رقم خمسه اللي هو المناخ طيب احنا كده اتكلمنا عن كل العوامل الطبيعيه عوامل مالناش يد فيها لكن تعال نتكلم عن العنصر الاهم وهو العوامل البشر بشريه انت لو كل ده عندك موقع ومناخ وثروات وكمان كل حاجه عندك متوفره حدود كل ده متوفر عندك لكن لو انت انسان كسلان ولا ليهم اي لازمه موقع كويس مناخ كويس انهار كويسه ثروات كتيره وكمان عند حضرتك حدود امنه لكن لو انت مش انسان استغليت كل الكلام ده ولا ليهم اي لازمه ولكم في نور خير مثال يا نور مستر انت عندك تكييف في البيت صح وعندك كرسي كويس يا نور صح حصل وورق على اعلى مستوى يا نور صح جميل الاضاءه كويسه عندك يا نور جدا اا الام كويسه حصل كل حاجه حلوه حصل ونور بيسقط للاسف يا نور المشكله هنا مش في الموارد صح المشكله في ايه في نور المشكله فيك انت يا نور هتذاكر ولا مش هتذاكر يا تيته عيب كده يا تيته هتذاكر ولا لا هذاكر يا تيته حاضر هتذاكر ولا لا يا تيته ع انا كبرت على الكلام ده يبقى سيادتك لازم تعرف لو العنصر البشري مش موجود ولا كان ليها اي لازمه عشان كده بقول لحضرتك فعلا العوامل البشريه العنصر البشري اللي هو الانسان المصري القديم اللي بذل مجهود كبير عشان يسخر كل ما وهبه الله من موارد ومن مناخ لمصلحته فعلا المصري القديم هو اللي استغل الموقع وهو اللي استغل المناخ وهو اللي استغل الثلوات وهو اللي استغل الحدود الامنه وهو اللي استغل الانهار عشان يعمل حضاره عندي انهار وانا ما قعدتش عملت تبادل عندي سيادتك حضرتك جو معتدل وانا ما قمتش زرعت حد الله يبقى فعلا الانسان ده مهم جدا يبقى الانسان ده بذل مجهود كبير جدا عشان يسخر ما وهبه الله من موارد ثاني حاجه عايزك تعرفها ان المصري انفق الكثير من الوقت الانتاج اعظم حضاره ايوه بذل وقت وبذل جهد يبقى سيادتك العوامل البشريه الانسان المصري اهو بذل وقت وكمان حضرتك بذل جهد علشان كان يبني اعظم حضاره وعشان كده عايزين نعترض شويه على مقوله المؤرخ العظيم هيريدوت لما قال ان مصر هبه النيل هو كان بيقول كده يعني بالبلد ان النيل هو اللي عمل مصر لا يا عم هيردوت لا يا عم هيردوت لا مصر هبه النيل والمصريين لو النيل لوحده ما كناش عملنا حاجه لو احنا ما كناش ناس كويسه ما كناش ناس مجتهده ما كناش عنصر بشري جيد احنا ما كانش حصل اي حضاره يعني سيادتك حضرتك لازم تعرف الاهرامات دي لا الانسان اللي عملها اه استغل الموارد اه لكن هو اللي عملها عشان كده عايزك تكتب عندك ان اهم عنصر في كل العوامر دي هو العنصر البشري لان العنصر البشري العنصر الانساني هو الاهم عشان كده احنا بنختلف شويه مع مقوله هيريدوت لما قال ان مصر هبه النيل لا احنا بنقول لمصر هبه النيل والمصريين لان بدون كفاح المصريين ما كانتش قامت اعظم حضاره ده كده يا سيدي الجزء بتاعنا الخاص بالشرح يبقى اكلم اكلمنا فيه عن عوامل قيام الحضاره اتكلمنا عن العوامل الطبيعيه واتكلمنا عن العنصر الاساسي اللي هو عنصر البشري ودلوقتي هيظهر لحضرتك سؤال الحلقه من فضل حضرتك فكر في السؤال وسيب لنا الاجابه بتاعته في الكومنتات وما تنساش تسيب لنا كلام ايجابي وتسيب لي تيته الكلام الايجابي تيت هتقعد تقرا الكلام ده وبوعدك الايام الجايه هتشوف مفاجات عظيمه جدا في الحصه ولو انت وصلت لحد هنا حابب اقول لك اني بحبك جدا بحترمك جدا مقدر الجهد اللي انت بتبذله مهما كان بسيط وفي زمن ضل فيه الانسان وانحرفت قيمه ومبادئه مش هقدر اغير الكون لكن اقدر اولع شمعه وارشح لك كتاب المخ القبله والمخ السعيد انصحك تبدا بالمخ السعيد الاول في الكتاب ده حضرتك بعد ما تقراه هتعرف ان السعاده سهل تتحقق وهتفهم الفرق الفرق ما بين السعاده والفرح هتعرف ازاي تحقق السعاده ايه مصادر السعاده ايه الفرق ما بين الحب والشهوه وهل الاثنين حاجه واحده ولا لا وفي النهايه حابب اقول لك الى اللقاء وللحديث بقيه