طريقة تلخيص الدروس إزاي تلخص دروسك تلخيص شامل كل المعلومات

ازيكم يا جماعه عاملين ايه؟ وحشتوني جدا جدا طبعا قبل اي حاجه كل سنه وانتم طيبين بمناسبه شهر رمضان وان شاء الله ربنا يستجاب لكل دعواتنا طبعا زي ما نزلت تصويت على المنتدى ومعظمكم اختار في فكره الفيديو الجاي هتكون ازاي نعمل تلخيص للدروس فالنهارده هقول لكم على طريقتي في تلخيص الدروس واللي فعلا كل ما برجع لها بتفيدني ويلا بينا نبدا الفيديو علشان ما اطولش عليكم قبل ما نبدا في الفيديو حابه حابه اقول لكم ايه هي فايده التلخيص؟ ساعات مثلا بنبقى مذاكرين الدرس كويس جدا وحلين عليه التدريبات كلها وعاملين كل حاجه بس بنيجي بعديها بفتره مثلا ننسى قانون في الدرس او ننسى جزء من الدرس فالتلخيص بيفيدنا في الحاجه دي ان احنا لما نيجي ننسى مش لازم ارجع للشرح الاساسي من اول وجديد انا ممكن ارجع للتلخيص اللي انا عاملاه وهيفكرني بالحاجات اللي انا كنت مذاكراها من قبل كده اول حاجه هنحتاجها الكول والكتاب اللي احنا عايزين نذاكر منه او عايزين نعمل منه التلخيص وهنحتاج اقلام انا بحب استخدم الاسود والازرق والاحمر وكمان اقلام هايلايتر والفواصل دي وده كده كل اللي محتاجينه عشان نعمل تلخيص للدرس اول حاجه قبل ما نعمل التلخيص لازم طبعا نكون مذاكرين الدرس كويس وفاهمينه كويس وقبل ما ابدا اكتب التلخيص لازم اقرا الدرس قرايه سريعه كده بحيث ان انا اعرف ايه الحاجات اللي انا عايزه ا اكتبها في التلخيص بتاعي وايه الحاجات اللي انا مش محتاجه ان انا اكتبها قريت الدرس قرايه سريعه وعلمت علامه صغيره بالرصاص على الحتت اللي انا عايزه اعمل لها تلخيص ودلوقتي يلا بينا بقى نعمل الترخيص على طول اول حاجه هكتب عنوان الدرس في النص بعد كده لو الدرس فيه عناوين فرعيه فهنكتبهم تحت العنوان الرئيسي بعد ما كتبت العنوانين الرئيسيين بتوع الدرس كله هبدا اكتب اول واحد في النص هنا وبعد ما كتبت العنوان الفرعي هبدا اكتب حواليه الحاجات الموجوده في الجزئيه بتاع العنوان ده طبعا يا جماعه زي ما قلت لكم ان احنا مش لازم نكتب شرح كتير او نكتب تفاصيل كتيره احنا بنكتب بس الاجزاء المهمه والاجزاء اللي هي فعلا هتفكرنا بالدرس اول ما نرجع لها والاجزاء المهمه دي بنعرف نحددها لما نقرا الدرس كذا مره وكده عملت تلخيص للجزء الاول من الدرس اللي هو العنوان الفرع الاول ودلوقتي كتبت الملخص بتاع الجزء الاول من الدرس وطبعا انا لو شفتها كده لاول مره مش هاخد بالي من حاجه فعشان كده هستخدم اقلام الهايلايتر بحيث ان انا اميز كل فكره عن الثانيه بلون وكده اكون عملت ترخيص للجزء الاول من الدرس وكمان زي ما قلت لكم استخدمت اقلام الهايلايتر عشان اعلم كل فكره او اميز كل فكره عن انيه وزي ما انتم شايفين القوانين كتبتها على طول مش لازم ان انا اعمل لها شرح عشان زي ما قلت لكم ان ده ملخص للشرح فمش محتاجه ان انا اشرح شرح تفصيلي يعني ودلوقتي هبدا اعمل تلخيص للجزء التاني من الدرس برضو هعمله بنفس الفكره هكتب العنوان الفرعي هنا ودلوقتي خلصت الجزء الثاني من الدرس وعملته برض بنفس الطريقه وبرده هعمل نفس الحاجه هعلم باقلام الهايلايتر عشان تبقى كل معلومه مميزه عن التانيه او عارفه ان انا اميزها عن التانيه وفي حاجه كمان حابه اقولها لكم وهي ان انا بعمل على المعلومات اللي انا شايفاها صعبه شويه او اللي انا محتاجه اركز عليها اكتر باللون الهايلايتر الاصفر لان انا بحس الاصفر بيخليني اركز اكتر في الكلام اكتر من الالوان ثانيه وبس كده ده كان التلخيص بتاع الدرس كله والمعلومات اللي كانت موجوده هنا كلها لخصتها في الجزئين دول بس وزي ما قلت لكم ان انا بكتب المعلومات المهمه اللي انا شايفه ان انا كل ما ارجع لها هتفيدني اكتر واخر حاجه الفواصل دي ايه لازمتها دي بحب احطها على الكشكول او على الصفحه اللي انا عملت فيها التلخيص عشان لما اقفل الكشكول بعد كده وعايزه ارجع لها ارجع لها بسهوله على طول وبس كده يا جماعه دي كده طريقتي في تلخيص الدروس ودي الطريقه اللي انا بحسها مفيده اكتر بالنسبه لي كل اما اجي اراجع للدرس وكده يكون خلص فيديو النهارده وان شاء الله يكون عجبكم ولو عايزين افكار لفيديوهات تثانيه اكتبوا لي في التعليقات والسلام عليكم ورحمه الله وبركاته.