طريقة مذاكرة الاحياء اللي هتخليك تجيب الدرجة النهائية

ازاي تذاكر الاحياء بذكاء في ثانويه عامه بس قبل ما اقوللك ازاي تعالى اما اسالك سؤال كده لو انت قدامك مشوارين مشوار المسافه بتاعته صغيره 3 4 كيلو بس الطريق زحمه قوي وفي مطبات كتير وفي مشوار ثاني سكه سفر كبيره سبع ثمان ساعات بس الطريق سالك انهي مشوار فيهم تفضل انك تروحه بمكنه وانهي مشوار فيهم تفضل انك تروح بعربيه اكيد المسافه الصغيره اللي هي زحمه هتروح بمكن ليه بسرعه مش هتتعطل تروح في ثواني لو رحت بعربيه هتتعب وهتاخد وقت كبير مش توصل بسرعه طب سكه السفر لا تروحها بعربيه احسن المخزن من الكلام اللي انا بقوله لك ده ايه ان الشيء لزوم الشيء كل حاجه بيناسبها حاجه معينه فالمواد العلميه بتاعتنا سواء الفيزياء او الكيمياء او الاحياء كل ماده فيهم يتناسب معاها طريقه مذاكره معينه اللي ينطبق هنا ما ينطبقش هنا ما ينطبقش هنا فاحنا هنتكلم في الفيديو ده عن حاجات تقدر تعملها بشكل عام عشان تذاكر كويس تنطبق على المواد دي كلها وهبدا اكلمك بقى كلام مخصص ومحدد خاص بالماده بتاعتنا وصدقني هتستفيد وهتسمع كلام هيكيفك قوي اول حاجه هكلمك دلوقتي عن كلام عام ينطبق عن المذاكره ككل مثلا ما ينفعش تذاكر في مكان نوم لان انا عارف طلاب كتير جدا بيحبوا يذاكروا وهم موجودين على السرير ليه الجو غير مهيا طب مثلا ما تذاكرش الموبايل بتاعك موجود جنبك لان ده هيشتتك ما تذاكرش حاجه انت مش فاهمها وتحاول تحفظها لان حتى لو انت حفظتها هتنساها لانك اصلا ما كنتش فاهمها ده كلام بشكل عام حاجه كمان لازم اعرفها لك ان المذاكره بتبقى قايمه على محورين اساسيين الفهم والحفظ ما ينفعش تعتمد على ده لوحده ولا على ده لوحده لازم الاثنين يكونوا موجودين مع بعض بمعنى لازم المعلومات بتاعتك اللي موجوده في ماده الاحياء تكون حافظها كويس جدا ولازم في نفس الوقت تكون فاهمها قوي قوي قوي ليه لان في اسئله محتاجه فهم وفي اسئله محتاجه حفظ فلازم تجمع الاثنين مع بعض شويه تريكات بقى هتساعدك انك تفهم وتحفظ بسرعه عندنا مثلا في الاحياء درس زي الدعامه في الانسان كله مليان صور العظم والاربطه والاوتار والغضاريف فانت تحاول تذاكر الحاجات دي على الصور وتتعرض لصور كتير مش صوره واحده ليه ده هيثبت في دماغك المعلومه في ثواني تريكايه تانيه المدرس بتاعك هو بيشرح من الممكن بقى انت لما ترجع البيت تحاول تكتب الشرح بتاعه لا مش تكتب الكلام الدش اللي اتكتب على السبوره لا رسم رسمه معينه جاب حته بطريقه معينه عمل مايند ماب ده كله هيساعدك انك تحفظ وتفتكر بسهوله وتكون فاهم قوي تريكايه كمان انك تحاول تذاكر الجزئيه كذا مره في اوقات متفرقه التقرار المتباعد ليه عشان تثبت المعلومه في دماغك كويس قوي وتحولها بدل ما هي موجوده في الذاكره المؤقته توديها على الذاكره الدائمه على طول طبعا نقطه حلوه جدا في طلاب كتير بيستخدموها ودي استراتيجيه من ضمن استراتيجيات الشرح انك تربط المعلومه اللي مش عارف تحفظها بحاجه تخليها تلزق في دماغك يعني مثلا عندنا الجهاز الهيكلي في الانسان بيتكون من ايه؟ عظام غضاريف مفاصل اربطه اوتار ممكن نجمعهم في جمله واحده عم غريب مسك ارنب ابيض عم عين عظام غريب غين غضاريرف مسك ممفاصل ارنب اوتار ابيض اربطه خلاص هي لزقت في دماغك ممكن تبدا تتبع الاسلوب ده يعني اللي هو تعمل لكل حاجه سكيمه معينه طبعا انت بتجرب الطرق دي كلها وبتحاول تشوف الطريقه اللي هتناسبك واللي هتخلي المعلومه تلزق في دماغك طبعا في بعض الطلاب بتحاول تذاكر بصوت وفعلا انك تذاكر بصوت ده شيء يخلي المعلومه تلزق في دماغك اكتر عموما كل اللي انا قلته لحد دلوقتي انت هتجربه لحد اما تشوف ايه اللي هيتناسب معاك ايه اللي هيمشي معاك مش لازم يمشي مع غيرك كل واحد بيحب طريقه معينه في المذاكره استكشف نفسك وشوف انت هتمشي مع ايه وهتتبسط في ايه نيجي بقى لاهم جزء اللي خاص بماده الاحياء اسمع بقى معايا لاننا هنعلى لفوق قوي هتذاكر ازاي؟ بص يا باشا مبدئيا المذاكره بتاعه الماده دي بتبدا من وانت قاعد في الحصه المدرس بتاعك وهو واقف قدامك بيشرح حاول بقدر الامكان انك تكتب وراه الكلام اللي هو بيقوله تفرغ الحصه يعني من الاخر ليه ده هيثبتها في دماغك وهيخليك تحفظها بشكل اسرع بس خد بالك في نقطه بقى طلاب كتير جدا بيقعوا فيها ايه هي ان هو يتشغل ان هو يكتب الكلام الليدرس المدرس بتاعه بيقوله وما يركزش في الشرح اصلا فيلاقي وهو عمال يكتب يكتب يكتب في حاجه صعبه او فكره عاليه اتقالت وراحت جايه وقعه منه لكن انت لازم تكون مظبط دماغك ما بين الحاجتين لا تنشغل في الكتابه قوي ولا تبقى قاعد كده كانك سميع خير لان المذاكره الحقيقيه بتبدا من وانت قاعد في الحصه بتاعتك نيجي بقى لثاني مرحله من المذاكره انك فعلا عاوز تذاكر بجد حاول بقدر الامكان انك تذاكر الحصه في نفس اليوم اللي انت اخدتها فيه ليه؟ لان الكلام هيفضل موجود في دماغك وانت لسه لسه فاكره. طب انا دلوقتي رجعت البيت وبدات اذاكر فعلا والدنيا جميله قابلني حاجه انا مش عارفها حاجه انا مش فاهمها اعمل ايه؟ ارجع لليوتيوب اسمع الحته دي بس لوحدها او لو انت مشترك مع حد على منصه اسمع برده الحته دي بس لوحدها ما تضيعش وقتك انك تسمع الحصه كلها طب فرضا انك سمعتها من حد معين على اليوتيوب وما فهمتهاش عادي اسمعها من حد تاني اسمعها من حد تاني لحد اما تفهمها هتسمع اللي انت مش فاهمه فقط تيجي بقى تاني يوم لو انت ذاكرت الحصه دي امبارح تيجي النهارده لازم تمر عليها تاني مرور الكرام يعني انت لو ذاكرتها بضمير وباتقان امبارح هتيجي تقراها النهارده في نص ساعه ساعه بالكتير كده خلاص انت ثبتتها في دماغك وهي لزقت في دماغك وبعد اما تعمل كده تبدا بقى تطلع على كتب الشرح اللي موجوده معاك لو في مثلا فكره جديده معلومه زياده تبدا تحطها في المصدر اللي انت بتذاكر منه بحيث كله يبقى مجمع قدامك طبعا انت فاكر انك كده ذاكرت لا انت كده وصلت للنقطه صفر اللي هو ازاي؟ خلاص وصلت للمستوى الاستاندرد اللي نقدر بقى نبني عليه ونزود عليه هتبدا تحل بس خد بالك الحل دلوقتي مش غرض التقييم مش غرضه انك تحل الاسئله صح لا اول كتاب انت هتحله الغرض الاساسي منه انك بتذاكر ازاي دلوقتي انا بدات احل في اول كتاب ولنفترض مثلا هو كتاب الامتحان قابلني سؤال ما عرفتش احله حلو السؤال ده هتطلع منه معلومه المعلومه دي غالبا كانت غايبه عن دماغك تروح جاي مزودها في الحته اللي انت بتذاكر منها اصلا وانت بتحل اصلا واحده واحده هتلاقي في جزئيات معينه انت عمال تغلط فيها فاعرف ان الحتت دي كان عندك قصور فيها فترجع لها ثاني تذاكرها بشكل كويس لان الحتت دي انت مش متقنها فاول كتاب انت بتحله ده مش غرض التقييم ده غرضه الاساسي انك تذاكر تطلع منه افكار وتعرف ايه الحاجات اللي انت مش مذاكرها كويس بحيث انك تتلافى ده كله نيجي بقى بعد كده على النقطه الثانيه او على الكتاب الثاني تبدا تحل فيه لما تيجي تحل فيه حلك دلوقتي فعلا غرض التقييم انت بتقيم نفسك غالبا هتلاقي معدل الاخطاء بتاعك فيه قليل طب لو لقيت نفسك بتغلط فيه كتير قوي لسه دلوقتي هو اكيد المشكله في حاجه يعني من اللي انا هقولها دي يا اما انت اصلا مكروت الخطوات اللي فاتت اللي انا قلتها يا اما انت مش فاهم كويس يا اما مثلا انت بتحل من كتاب صعب قوي زي النفيس مثلا فلازم ايه تكون عارف كل مشكله ايه هي وحلها ايه هو بالظبط وبس كده يا سيدي خلاص بقول لك ايه اقفل