الوحدة الثالثة الدرس الثالث التركيب السكاني الأستاذ إياد نشوان

السلام عليكم الله يعطيكم العافيه طلاب السنه الثانيه جميع الحقول الطلاب اللي منزلين ماده الجغرافيا وصلنا معكم اليوم بفضل الله تعالى بالدرس الثالث من الوحده الثالثه وظل علينا درسين وبينتهي معنا مشوار الفصل الاول باذن الله تعالى اليوم باذن الله رح نحكي عن درس التركيب السكاني شوف اقول لك شغله هذا الدرس درس سهل جدا جدا اصلا معلومات معلوماته عامه وسهله ومش صعبه عليك والدرس شارح حاله من حاله ححكي لنا عن التركيب السكاني شوف بهذا الدرس رح نحكي عن التركيب العمري والتركيب النوعي ورح نحكي عن الهرم السكاني وبعدين نحكي عن التركيب الديني والتركيب اللغوي واخر شيء التركيب التعليمي والاقتصادي معلومات كثير كثير سهله فبالتالي حصه اليوم رائعه وجميله حضر لي كاسه هالشاي وتفضل معي على هذا الدرس الحلو اول شيء بيحكي لنا عن التركيب السكاني بيحكي لنا هون يعد فهم التركيب السكاني امرا اساسيا انا ليش بدي افهم التركيب السكاني عشان احلل المجتمعات وتخطيط السياسات المستقبليه انا هذا التركيب ان كان عمري نوعي تعليمي ديني اقتصادي ايش مكان هذا التركيب لازم احلله هذا التركيب لازم احلله واعمل على تخطيط السياسات المستقبليه انا بدي افهم هذا التركيب عشان اقدر احلل المجتمع واخطط له مستقبليا افرض اضعاف افرض الوضع عننا مش تمام من ناحيه العمر قاعد ال الذكور اكثر من الاناث مثلا هذا بالنوع طب بالعمر والله شايف انه كبار السن كثار والصغار اقلال لا بصير عندي مشكله فلازم ايش اعمل لازم اعمل على فهم هذا المجتمع واخطط له للمستقبل طيب اذ يسهم فيه بايش بسهم هذا الشيء انه انا افهم التركيب السكاني توجيه القرارات الاقتصاديه والاجتماعيه والخدميه بما يتناسب مع حاجات السكان المختلفه يعني انا لما افهمه لقدام القرارات الاقتصاديه والاجتماعيه والخدميه اللي بدي اطلعها رح تطلع هذه القرارات بناء على فهمي لهذا المجتمع ممتاز ومن اهم جوانب التركيب السكاني هيهم اللي رح نشرحهم اليوم العمر والنوع اللي هو الجنس والدين والتعليم وغيرها من المؤشرات التي تعكس البنيه السكانيه لاي دوله هذه الجوانب اللي حطيت لك اياها هون شايفها هيها العمر والنوع اللي هو الجنس والدين والتعليم وغيرها كمان من المؤشرات اللي بتعكس البنيه السكانيه لاي دوله كلها الان رح نحكي عنها باذن الله تعالى اولا التركيب العمري شوف التركيب العمري هون بيحكي لنا تعريفه توزيع السكان وفقا للفئات العمريه بس هي التعريف توزيع انا بوزع السكان وفقا للفئات العمريه شو التوزيع عندي بدي اقسمهم ويقسم الى قدش ثلاث فئات في غيرهم والله ما في غيرهم توزيع الفئات العمريه توزيع السكان حسب الفئات العمريه كم قسم ثلاث او كم فئه ثلاث عندك صغار السن وعننا الشباب وعننا كبار السن ثلاث فئات صغار شباب كبار اوكي صغار السن وهم مين الاطفال قدش دون سن 15 اللي اقل من 15 عام هذول اطفال سهله طيب الشباب اللي بتتراعوا اعمارهم 15 لل 64 هذول الشباب طيب ال الكبار السن 65 وفوق هيه هم بلغت اعمارهم 65 عاما فاكثر اوكي هذول كبار السن وضحت ثلاث اقسام طيب شو التركيب العمري؟ هو توزيع السكان حسب فئات عمريه. اوكي قسم؟ ثلاث فئات. ممتاز. شو هم؟ صغار هم مين؟ الاطفال دون قدش؟ سن 15. الشباب اللي بتتراعوا اعمارهم بين اللي هي ال 15 وقدش؟ وال6. طيب كبار السن شو بتيجي بتقول لي؟ كبار السن 65 فاكثر بس خلصناها. شفتوا مسهلها تافهه بدي اروح للي بعده لانه كثير سهله هون بحكي لنا يختلف هذا التركيب بين الدول انو تركيب اللي هو العمري يا عمري التركيب العمري يختلف بين الدول فسر فالدول الناميه هذا فسر السؤال هيه تعرف بانها مجتمعات فتيه فتيان يعني شو شباب وصغار نظرا لارتفاع نسبه صغار السن فيها نتيجه ارتفاع معدلات المواليد بسبب ارتفاع معدلات المواليد بزيد عندي نسبه صغار السن فاسمها مجتمعات فتيه مين هي الدول الناميه ولا المتقدمه الناميه شكرا ففسر الدول الناميه تعرف بانها مجتمعات شو فتيه معناه فتيه يعني شباب نظرا لارتفاع نسبه صغار السن فيها نتيجه ارتفاع معدلات المواليد طب كمان سؤال فسر اما الدول المتقدمه هسه العكس العكس بس اطلع كيف فهي مجتمعات هرمه بيجي بقول لك والله هرمت شو يعني هرمت كبرت صح هرمه بسبب انخفاض معدلات المواليد وارتفاع نسبه كبار السن كبار السن اكثار والمواليد قليل فبالتالي هي مجتمعات هرمه هذه الدول المتقدمه العكس الدول الناميه نسبه صغار السن فيها مرتفعه تسمى فتيه ممتاز طيب الدول المتقدمه مجتمعات هرمه شو السبب؟ لانه بقل فيها عدد المواليد وارتفاع نسبه كبار السن شكرا يعطيك العافيه والله ما هي صعبه طيب بدنا نروح لل للي بعده حكي لنا هون تعكس بيانات التركيب العمري البيانات مش بنطلعها قدره المجتمع الانتاجيه يعني انا شو بقدر انتج طب اذا كبار سن بقدر انتج طب اذا صغار سن كويس مجتمعات فاتيه ومستوى نشاطه وحيويته الاقتصاديه اه معناته هذا المجتمع فتي اذا انه قوي نشاط وحيويه واقتصاد قوي فبالتالي هي دول ايش مالها عندها نسبه منيحه من صغار السن والشباب واتجاهات نموه ويعتمد عليه في التخطيط السليم طيب يستخدم في تعرف نسبه الاعاله هذا سؤال عرف شو يعني نسبه الاعاله انا ماسك واحد وبعيل فيه اعاله يعني ايش بساعده بدفع عليه نسبه الاعاله تعني نسبه الافراد غير القادرين على العمل طب مين هم غير القادرين على العمل يا استاذ الاطفال وكبار السن هم اللي مش قادرين يعملوا صح اطفال وكبار السن ما بيشتغلوا غير القادرين على العمل نسبه الافراد غير القادرين على العمل اللي هم الاطفال وكبار السن الى الافراد القادرين على العمل اللي هم فئه الشباب النسبه بين هذول وبين هذول تمام اللي بيشتغلوا اللي هم الشباب طيب نعيدها نسبه الاعاله نسبه الافراد غير القادرين على العمل مين هم غير القادرين على العمل الاطفال ومين وكبار السن مع نسبه مين الافراد القادرين العمل مين هم فئه الشباب شكرا طيب فكلما اطلعوا وركز لي هون كلما زادت نسبه المعالين كلما زادت ليه هيك نسيت اه نسيت احط القلم ولا هو ماكبسش اصلا كلما زادت نسبه المعالين اللي نحن بنعيلهم زادت الاعباء الاقتصاديه والماليه اه دقيقه ما انت قاعد بتدفع مصاري صح فبالتالي ايش؟ زادت اعباء اقتصاديه وماليه على القوى العامله اللي هم نن الشباب اللي قاعدين بنشتغل فزاد علينا ايش؟ الاعباء الاقتصاديه والماليه طيب وارتفعت الحاجه الى توفير خدمات تعليميه بدي خدمات تعليميه زي ايش؟ مدارس وبدي خدمات صحيه زي المستشفيات المدارس للصغار والمستشفيات للكبار اللي هي الصحه صح ولا لا؟ والله واضحه شفتوا ما اسهلها نعيدها كل ما زادت نسبه المعالين بزيد ايش عندي الاعباء الاقتصاديه والماليه بس على مين على مين على القوى العامله اللي هم فئه الشباب حلو طيب هان بصير بدي حاجه ارتفعت الحاجه الى توفير خدمات تعليميه مدارس وتوفير خدمات صحيه مستشفيات شكرا والله انها سهله طيب في سؤال افسر تتصف الدول المتقدمه بانخفاض نسبه صغار السن وارتفاع نسبه كبار السن بسبب انخفاض معدلات المواليد فيها اكتبها عندك بسبب انخفاض معدلات المواليد فيها انا انسى انسى الشاشه معي يلا بظل انسى طيب شوف هون شو بيحكي لنا تشير نتائج التعداد السكاني في الاردن لعام 2015 اكتب عندك ه الى ماذا الى ماذا تشير نتائج التعداد السكاني في الاردن عام 2015 اطلع على ايش شو صار عنا واحد نسبه صغار السن كم؟ 34 ف اوعى احفظ النسب نسبه صغار السن 34.3% 3% من المجموع الكلي للسكان طيب الشباب نسبه الشباب 62% هي اثنين ثلاث كبار السن قديش 3.7 ممتاز 3.7% اربعه معدل الاعاله 61.4 لاربعه شخصا لكل 100 شخص في عام 2023 هذه خليها هي لحال اطلع علي عشان تستوعبها اه دقيقه انا عشان ما تخربط استنى هي مش اربعه ها عشان الحلال والحرام عشان ما تخربط هي مش اربعه اوكي شو هي لحالها ها مش اربعه طيب عننا ثلاث نقاط ايش هم بقول لك نتائج التعداد السكاني في الاردن لعام 2015 صغار السن والشباب وكبار السن قدش نسبه صغار السن المجموع الكلي 34.3 هيها طيب الشباب 61 او 62% عفوا طيب كبار السن 3.7 بحكي لنا بعام 2023 بحكي لنا عن معدل العالي بلغ 61.4 اربعه شخصا لكل 100 شخص عام 2023 هي معلومه لحالها طب نكمل ويظهر هذا تحولات سكانيه واضحه اهمها شو اهم التحولات بعد هذا اللي شفناه اول شيء من التحولات انخفاض نسبه صغار السن هذا واحد اثنين ارتفاع نسبه الشباب تدريجيا طب هي واضح عندي هي قديش 62% زياده بطيئه في نسبه كبار السن بطيئه يعني مش شيء بخوف انه يصير عننا مجتمع هرم طيب ومن المتوقع هذول الثلاث نقاط اللي هي التحولات السكانيه اللي اظهرتها هذه النتائج ومن المتوقع ان ينخفض معدل الاعاله الى قديش 52 شخصا لكل 100 بحلول عام 2030 دقيقه 2023 61.4 اربعه لكل 100 شخص طيب قدش من المتوقع بال 2030 52 لكل 100 بحلول عام 2030 مما يسم في ايش؟ دخول الاردن عتبه الفرصه السكانيه اللي هي شو يعني عتبه الفرصه السكانيه نمو الفئه السكانيه في اعمار القوى البشريه بالتفوق على نمو فئه المعالين دون الخامسه وفوق ال 64 يعني اطلع علي واستوعبني بعرف انك ما فهمت ها تعال افهمك اياها اذا صار هذا الحكي 52 شخصا لكل 100 عام 2030 بقول لك بصير عندي بتدخل الاردن عتبه الفرصه السكانيه شو يعني فرصه سكانيه عرف شو هي الفرصه السكانيه يعني اطلع شو معناها نمو الفئه السكانيه في اعمار القوى البشريه يعني الفئه اللي في اعمار القوى البشريه اللي بتشتغل مين هي الشباب مشان الله سهله بالتفوق على نمو فئه فئه المعالين مين فئه المعالين دون الخامسه وفوق ال 64 شكرا يعطيكم العافيه سهله طيب نروح للتركيب النوعي النوعي يا جماعه بتيجي بتقول لي اللي هي ذكر وانثى اللي هو الجنس تمام عرف التركيب النوعي توزيع السكان حسب الجنس ذكورا اناثا طب العمري فئات عمريه بس طيب داخل كل فئه عمريه ويعد هذا التركيب ناتجا تراكميا لتاثيرات معدلات الخصوبه والوفيات والهجره كمان شوي رح اوضح لك اياها هذا تعريب الت او عفوا تعريف التركيب النوعي اوكي حسب الجنس ذكور وانث شكرا خلصناها طيب فسر سؤال فسر تحد معرفه التركيبين العمري والنوعي ضروريه ليش مهم اعرف عن التركيب العمري اللي قبل شوي اخذناه والنوعي؟ ليش ضروري لتحليل الاتجاهات السكانيه كمان البيانات الديموغرافيه ووصفها بدقه لازم اعرف الاتجاهات السكانيه والبيانات اللي باخذها هي الديموغرافيه وايش ووصفها بدقه لازم اطلع معلومات دقيقه ممتاز بحكي لنا هون سؤال او عفوا شغله كثير مهمه يقاس التركيب النوعي بايش؟ بما يعرف نسبه النوع حط عندها عرف هي عرف شو هي نسبه النوع اي عدد الذكور لكل 100 من الاناث قديش عدد الذكور لكل 100 من الاناث وغالبا ما تبلغ هذه النسبه 105 ذكور لكل 100 انثى عند الولاده لما يصير في عننا عمليات ولاده غالبا ما بتكون 105 ذكور كور قدامهم 100 انثى وهي ظاهره بيولوجيه في المجتمعات البشريه بصفه عامه ويتساوى عدد الذكور والاناث شو ماله يتساوى في سن الطفوله والمراهقه يا سلام معلومه جدا مهمه نعيدها التركيب النوعي بايش بنقيسه بنسبه النوع نسبه النوع شو نسبه النوع اللي هو النسبه للذكور والاناث تمام اطلع شو بقول لك عدد الذكور لكل 100 من الاناث وغالبا ما تبلغ هذه النسبه 105 ذكور قدامهم 100 اناث عند الولاده وهي الظاهره بيولوجيه في المجتمعات البشريه بصفه عامه ويتساوى عدد الذكور والاناث في سن الطفوله والمراهقه مهم جدا تعرف لي هي المعلومه اوك الا انها تتفاوت بين الدول يعني تختلف من دوله لدوله نتيجه تاثرها بعوامل عده من دوله لدوله نسبه النوع تختلف تلف بسبب عوامل عاملين الهجره والحروب اطلع شو بيحكي لي اول شيء الحروب طب بالحروب مين معرض اكثر يموت احنا ولا الاناث لا احنا صح هن قعدان ما صح ما بقاتلوه اطلع الحروب حيث يتعرض الذكور لاخطار الوفاه اكثر مما يؤدي الى زياده نسبه الاناث على الذكور هذا في الحروب طب بالهجره العكس بالهجره تستقبل بعض الدول الايدي العامله وهذا بدوره يسهم فيه ارتفاع نسبه الذكور على الاناث هون العكس بالحروب الاناث بيزيد عن الذكور اما بالهجره الذكور بيزيد عن الاناث شفت مسهلها والله انها سهله بس فتح مخك طيب تعال نشوف التفاوت في التركيب النوعي بين الدول العربيه شوف صلي على النبي اللهم صل على سيدنا محمد استاذ مطلوب حفظ اه يا استاذ يا اخي سؤال جدول بالكتاب ولا مش بالكتاب من وين جايبه انا انا كاتبه من عندي بالكتاب صح بتيجي واحد يقول لك استاذ في استاذ قال لي انه النسب والارقام ما بتدخل بالامتحان ماشي رد عليه خلص روح رد عليه ما ترد علي ما ترد علي انا بعطيك كتاب مطالب اشرح لك كل شيء في الكتاب وهذا الجدول حفظ يلا طب اجا بالامتحان اجا ما جا خلص المهم انا درسته فاهمين علي موجود بكتابك هذا التفاوت في التركيب النوعي بين الدول العربيه عننا العالم اول هسه هذول الدول العربيه حلو العالم قديش نسبه الذكور 50.3 قديش الاناث 49.7 احنا فريقنا فايز هذا بالعالم 50.3 اس 49.7 الاردن نيجي للاردن قديش الاردن برضه نحن فايزين اطلع كلهن نحن فايزين شايفين 51.6 48.4 4 بالاردن 51.6 48.4 قريب من رقم العالم طيب مصر 50.ص 49.ص 50.ص هذا تقريبا قد بعض هم بينهم درجه يلا الامارات هنا لا هنا كثير 64 ذكور وانا 36 طبعا هذا بالم 60.7 للسعوديه ذكور 39.3 الثلاث اللي هي للاناث سهلين والله الارقام سهله طيب العالم والاردن ومصر والامارات والسعوديه بالنسبه للعالم بتقول لي قدش 51.3 49.7 هذا العالم طيب بالنسبه للاردن شو بتقول لي 50 51.6 48.4 بالنسبه لمصر 50.5 49.5 الامارات 64 36 بالنسبه للسعوديه 60.7 7 وهذك 39.3 ثلاث هذه الارقام مطلوبه منك حفظها تعال الان نروح للهرم السكاني يا جماعه عننا في شيء اسمه الهرم السكاني وهسا بقول لك شو هو شو تعريف الهمر الهمر همر سياره ها الهرم السكاني هو تمثيل بياني شكل بياني يوضح توزيع السكان حسب العمر والنوع مع بعض اثنين مع بعض ويحدد نسبه السكان لكل فئه عمريه هذا هو الهرم السكاني تمثيل بياني يوضح توزيع السكان عمره نوع طيب طلعوا مسهلها الذكور على اليمين والاناث على الايسر تمام اللي هو يسار يمثل الذكور على الجانب الايمن يمثل من الهرم والاناث على الجانب الايسر منه الذكور يمين والاناث يسار ومنه ويكم ويمكن عن طريقه معرفه نسب الفئات العمريه ذكورا واناثا الفئات العمريه طبعا مثلا من كذا لكذا من كذا لكذا قدش نسبتهم من صفر ل من يوم لخمس سنين من خمسه ل 10 من 10 ل 14 زي هيك تمام طيب ويتاثر شكل الهرم بثلاث عوامل رئيسيه مش الهرم على شكل ممكن يتاثر طيب ما هو تمثيل بياني بتاثر بثلاث عوامل ايش هي العوامل عندك الخصوبه والوفاه والهجره الخصوبه والوفاه والهجره اطلع انا شو عملت لك كلما ارتفع معدل الخصوبه اتسعت قاعده الهرم القاعده اه الوفاه كلما انخفض معدل الوفاه اتسعت قمه الهرم دقيقه بدك تفهم شغله القاعده تبعت الهرم لمين للخصوبه القمه تبعت الهرم لمين الوفاه او ايه او ايه طيب ليش يا استاذ؟ لانه دائما القمه الاعمار اللي الكبار فهمت كيف؟ والقاعده للصغار طيب كلما ارتفع معدل الخصوبه بدها تتسع قاعده الهرم ما هو بده يكبر النسبه بدها تكبر ذكور اناث قاعدين بنطلع بنطلع بنطلع بقل بقل بقل بقل طيب لو انخفض معدل الوفاه شو بصير قيمه الهرم تتسع ف شو بقول لك كلما انخفض معدل معدل الوفاه بتتسع قمه الهرم طيب ليش بتتسع قمه الهرم اذا انخفض معدل الوفاه لانه كبار السن لساتهم عايشين هيه تمام اعتبر هي الهرم تمام قاعد كبير القاعده طلعنا طلعنا طلعنا طلعنا طلعنا طلعنا خلص شكل مثلث معناته ايش عننا كبار السن وضعهم مش تمام قاعدين بموتوا اه طيب عننا قاعده الهرم كبيره بنطلع بنطلع بنطلع ايه قاعده الهرم هيك متسعه كمان معناته ايش؟ كبار السن منخفض عندهم معدل الوفاه طيب الهجره تؤثر الهجره على التركيب العمري والنوعي للسكان تمام اسمع بدي تحفظ خصوبه كلما ارتفعت معدلات الخصوبه شو بصير بقاعده الهرم شو بصير فيها بتتسع دير بالك القاعده للخصوبه والقمه للوفاه كلما انخفض معدل الوفاه اتسعت قمه الهرم طيب هذا هو الهرم اطلع هي الذكور ع اليمين هس ها هي اليمين وهي الشمال الذكور على اليمين والاناث على اليسار وهذه النسب الموجوده طب حفظ يا استاذ لا بال 2024 لا هذه النسب مش حفظ لانها نسب كثيره ومليان عننا قصص هسا لما بده يجي يقول لك احسب نسبه نسبه الاطفال اقل من 14 سنه في كل من الاردن والمانيا هذا لالمانيا وهذا للاردن قال لك الاطفال دون سن 14 اطلع بتيجي هون بتروح على الذكور هيه دون 14 بتروح من عند ال 14 وانزل بتيجي بتحسب لي هذول يا روحي ها هي ال 14 صح هي ال 14 وهي للاناث تجمع بتجمع يعطيك العافيه تمام بس هذه هي او ايه او ايه كمان بتروح هون لالمانيا نفس الشيء هي من عند الشكل من هون بتعرف هي نسبه ال 14 بتحسب من هون وبتحسب من هون بتجمعهم بيطلعوا معك نسبه الاطفال نيجي للتركيب العرقي حسب العرق شو بحكي لنا هون يشير التركيب العرقي عرف هو التوزيع النسبي للجماعات العرقيه داخل مجتمع او دوله معينه وتربط بين هذه الجماعات سمات ثقافيه مشتركه مثل اللغه الدين والتقاليد حسب التركيب العرقي بتيجي بتقول لي ايش توزيع نسبي للجماعات العرقيه داخل مجتمع او دوله او منطقه معينه وتربط بين هذه الجماعات سمات ثقافيه مشتركه زي ايش؟ اللغه والدين والتقاليد اما الاقليه العرقيه عننا ه عرف شو تعريف الاقليه العرقيه بتقول لي هي مجموعه من الافراد يختلفون عن الاغلبيه العرقيه بيختلفوا هم اقليه موجودين في مجتمع وهم اقليه عرقيه بيختلفوا عن الاغلبيه العرقيه في الدوله من حيث الاصل او الانتماء العرقي اوك اوكي هم اقليه عرقيه موجودين في هذه الدوله اوك سهله طيب بدنا نروح للي بعده اطلع شو ظل عننا تركيب لغوي وتركيب ديني وتركيب التعليمي والاقتصادي خلص الدرس شفته طيب بالنسبه للتركيب اللغوي فسر يلا نفسر تعد اللغه من المقومات الرئيسه لتحقيق التماسك الاجتماعي ضروري جدا اللغه عشان نحقق التماسك الاجتماعي ليش لانها ها لانها واحد وسيله التواصل بين سكان سكان الدوله هذا واحد نفهم مع بعض نحن بنتواصل من خلالها اثنين مصدر للشعور الوطني المشترك والوحده الثقافيه هذا ليش انه ايش اللغه من المقاومات الرئيسيه في تماسك الاجتماعي طيب شوف هي المعلومات هسه شوف عيني شوف اخضر يبلغ عدد اللغات في العالم عدد اللغات قدش 2800 لغه احفظ الارقام في العالم 2800 في حين يتحدث سكان بعض الدول بلغه واحده زي مين؟ نحن العرب هيه لغه واحده مين؟ الدول العربيه السويد والنروج امثله هي طيب الدول العربيه والسويد والنروج فان دولا اخرى كمان كثيره تتسم بالتعدد اللغوي مثل سويسرا كم لغه بيحكوا؟ اربع لغات هيه سويسرا اربع لغات والهند يا باي الهند يا الله الهند يا جماعه الهند مش طبيعيه تعد من اكثر دول العالم من حيث التعقيد اللغوي ا يوجد فيها اكثر من 200 لغه بس شو اللغه الرسميه هي بقول لك تعتمد اللغه الانجليزيه لغه رسميه للبلاد هي معلومات مهمه يعني فقره هل تعلم على الاذاعه سهله اطلع شو بقول لك عدد اللغات في العالم 2800 طيب بعض السكان العالم تيتحدثوا لغه زي مين نحن الدول العربيه والنرويج والسويد كمان بحكي لنا في دول اخرى فيها تعدد لغات زي سويسرا كم لغه؟ اربعه في عندك الهند تعقيد لغوي كم لغه؟ اكثر من 200 لغه بس اللغه الرسميه بيستخدموا اللغه الانجليزيه شكرا خلصنا بدنا نروح للتركيب الديني عرف التركيب الديني هو توزيع السكان حسب الاديان هي سهل والله سهل حسب شو حسب الاديان فسر يستخدم هذا التركيب في الدراسات السكانيه ليش لفهم الجوانب الاقتصاديه والاجتماعيه للسكان خاصه في الدول اللي بتتعدد فيها الاديان طيب دقيقه شو دخل هسا بفهمك بقول لك اذ ان التركيب الديني يترك بصمات كثيره على ايش من مظاهر الحياه الاقتصاديه بصمات يترك بصماته على كثير من مظاهر الحياه الاقتصاديه والاجتماعيه والسياسيه اه طيب عندي في هذه الدوله 6000 طائفه و700 دين اه كيف ما بنحب بعض اقتصادنا وقع طب اجتماعيا في تماسك اجتماعي سياسيا دقين ببعض فهمتوا كيف بتضعف الدوله فالتركيب الديني بيحكي لنا يستخدم في الدراسات السكانيه عشان نفهم الجوانب الاقتصاديه والاجتماعيه للسكان طيب اما التركيب التعليمي والاقتصادي وهذا اخر موضوع في درسنا بحكي لنا يعد مستوى التعليم والتقدم العلمي والتقني للسكان مستوى التعليم التقدم العلمي والتقني من اهم العوامل المؤثره في تقدم الدوله الدول وقوتها دقيقه طب عندي تقدم علمي وتكنولوجي و معناته انا دوله ايش؟ متقدمه قويه فالحجم الكبير للسكان لا يكفي وحده لبناء قوه الدوله او الدول يعني انا عندي دوله سكانها كثار لكن هذا ما بيكفي لازم يصير عندي تعليم فمثلا دوله فنلندا تتمتع بتقدم علمي وص صناعي وهندسي في مجالات بحث وتطوير علمي رغم ايش قله عدد سكانها عندها تقدم بس عدد سكانها مش كبير فمش شرط العدد يكون كبير عشان دوله تكون متقدمه ت علميا واقتصا وعلميا وتقنيا وهندسيا وغيره بقول لك في حين بنجلادش فقيره دوله فقيره تعاني ارتفاع نسبه الاميه فيها اوكي وهي من الدول الفقيره طيب يقاس مستوى التعليمي للسكان من خلال عدد من المؤشرات شو هي المؤشرات اللي من خلالها بقيس المستوى التعليمي الاول نسبه الملتحقين بايش مؤسسات تعليميه مدارس ومعاهد وجامعات بتطلع على النسبه قديش عندي نسبه الطلاب الموجودين في المدارس والمعاهد والجامعات نسبه كبيره معناته يا معلم الامور طيبه عندي فنسبه الملتحقين بالمؤسسات التعليميه المؤسسات التعليميه اللي هي ها مدارس ومعاهد وجامعات كمان نقطه رقم نسبه المهندسين بس ايش في مجالات البحث والتطوير العلمي مش مهندس يعنيقول مهندس مدني مهندس كهرباء لا هم مهندسين في مجالات البحث والتطوير العلمي كمان ثلاث نسبه الخبراء والفنيين والمختصين هذول كمان مهمين يكون عندي خبراء وفنيين ومختصين في عده مجالات طبعا كمان نسبه الانفاق على البحث العلمي قدش نسبه الانفاق على البحث العلمي اذا كانت عاليه انا مستفيد رح يصير عندي تقدم علمي وتكنولوجي وتقني وهندسي وكثير امور طيب فهذه هي المؤشرات التي يقاس من خلالها المستوى التعليمي للسكان اسئله الدرس في عننا اعدد الفئات الرئيسه للتركيب العمري اللي هي صغار السن والشباب وكبار السن المؤشرات التي يقاس من خلالها التركيب التعليمي هسا حكيناهم صفحه 122 شو العوامل المؤثره في شكل الهرم خصوبه ووفاه وهجره بالاستعانه بالشكلين 13 و14 تبع الاردن والمانيا ايهما اكثر الذكور والاناث بتقول له الذكور المصطلحات التعريفات بالنسبه للتركيب العمري بصفحه 118 التركيب النوعي 119 الهرم السكاني 120 نسبه النوع 119 انا بفضل الله تعالى انهيت معكم الدرس الثالث وضايل علينا باذن الله درسين من هذه الوحده وبنختم فيها باذن الله الفصل الاول شوف الدرسين الجايات فيهم معلومات وفيهم حفظ وبدهم تركيز فبدي تشد حيلك وتنسا 41 موعدنا لنختم ماده الفصل الاول ولا تحكي لي طاير يا استاذ انا عملت هيك بالعمدان عشان اعطيك وقت انك تراجع بعون الله ثلاث اشهر لبين ما تنزل ماده الفصل الثاني هيك بقول لكم الله يعطيكم العافيه والسلام عليكم ورحمه الله وبركاته