Topography of the Arab World Grade 6 Lesson 2 New Curriculum 2025 2026 First Term

السلام عليكم ورحمه الله وبركاته النهارده هنشرح مع بعض الدرس الثاني دراسات للصف السادس الابتدائي بعنوان تضاريس وطنا العربي تعالوا كده نتخيل مع بعض ان الوطن العربي ده لوحه كبيره ومرسومه عليها اشكال الاشكال دي هي اللي احنا هنسميها تضاريس يبقى يعني ايه تضاريس كلمه تضاريس معناها اشكال سطح الارض طيب الاشكال دي اترسمت ازاي على اللوحه؟ في اسباب خلت التضاريس دي اتشكلت منها عوامل باطنيه ومنها عوامل سطحيه عارفين عوامل باطنيه يعني ايه؟ يعني حصلت في باطن الارض وعوامل سطحيه يعني حصلت على سطح الارض العوامل الباطنيه زي ايه؟ زي الالتواءات الانكسارات البراكين ودي كلها ظواهر بتحصل تحت سطح الارض اما العوامل السطحيه زي الرياح والمياه ودي على سطح الارض طيب المظاهر التداريسيه بقى في الوطن العربي يعني اللوحه اللي اترسمت دي او الحاجات اللي اترسمت جوه اللوحه زي ايه؟ زي الجبال زي الهضاب والسهول كمان طيب الجبال اتكونت ازاي؟ الجبال اتكونت بسبب العوامل الباطنيه احنا قلنا العوامل الباطنيه زي الالتواءات والانكسارات والبراكين اول حاجه خالص الجبال الالتوائيه عارف لما تجيب ورقه وتتنيها كده فتعمل شكل التواء هو ده بالظبط اللي كون الجبال الالتوائيه حركه اتعرضت لها الارض فعملت فيها التواء زي جبال اطلس في الجناح الافريقي وجبال زاجروس وجبال عمان في الجناح الاسيوي خلي بالك ان جبال اطلس دي كبيره قوي بتمتد في ثلاث دول تونس والجزائر والمغرب وفيها اعلى جبل في الوطن العربي كله هو جبل توبقال وزي ما في جبال اتكونت بسبب الحركات الالتوائيه في كمان جبال اتكونت بسبب الحركات الانكساريه ودي احنا بنسميها الجبال الانكساريه عارف لما قطعه ارض تتكسر هو ده بالظبط الجبال الانكساريه ودي موجود منها في الجناح الافريقي زي سلاسل جبال البحر الاحمر واللي موجوده في مصر والسودان وموجود في الجناح الاسيوي جبال الحجاز وعسير في السعوديه ومرتفعات اليمن في اليمن كل دي جبال اتكونت بسبب الحركات الانكساريه انت عارف ان الجبال ليها اهميه كبيره غير ان شكلها حلو قوي والسياح بيجوا من كل مكان عشان يتفرجوا على جمالها كمان الانسان بيستخدمها في استخراج المعادن ومواد البناء ثاني نوع من انواع التضاريس في الوطن العربي الهضاب ودي اكثر التضاريس انتشارا في الوطن العربي زي هضبه افريقيا الشماليه ودي من اسمها كده موجوده اكيد في الجناح الافريقي اما في الجناح الاسيوي ففي في شبه الجزيره العربيه العديد من الهضاب زي هضبه باديه الشام ودي فوق خالص في شمال شبه الجزيره العربيه اما في وسط شبه الجزيره العربيه في هضبه نجد وفي الجنوب في هضبه حضرموت الهضاب دي زي ما اتفقنا هي ارض واسعه وفي جواها حاجات عارفين في جواها ايه؟ في جواها وحات وفي اوديه جافه وفي كثبان رمليه الوحات ارض منخفضه وسط الصحرا وفي تحتها مياه جوفيه علشان كده هي ممكن تتزرع وما دام في زراعه يبقى اكيد بيعيش فيها سكان زي مثلا واحد سيوه في مصر وواحد عين صالح في الجزائر اما الاوديه الجافه ودي اتكونت بسبب التعريه المائيه والتعيه المائيه يعني ميه عماله تنحت في الارض وتكسرها وتنقل الصخور والرمال من مكان لمكان ثاني واسمها اوديه جافه علشان كان فيها ميه وجفت يعني نشفت وبتستخ خدم كطريق للنقل والمواصلات وبنستخرج منها ميه جوفيه زي وادي العلاقي في مصر ووادي الدواسر في السعوديه والتعريه الهوائيه بقى يعني هواء بينحت في الصخور ويكسرها وينقلها من مكان لمكان ثاني والكثبان الرمليه اصلا اتكونت بسبب التعريه الهوائيه ومن امثله الكثبان الرمليه بحر الرمال العظيم عظيم بين مصر وليبيا. اما ثالث نوع من انواع التضاريس في الوطن العربي السهول ودي ارض مستويه او شبه مستويه وليها ثلاث انواع سهول فيضيه سهول ساحليه وسهول صحراويه والسهول الفيضيه اتكونت بسبب ترسيب الانهار للرمال والطمي والمواد العلقه بها على جانبي بين النهر ودي بتكون ارض خصبه جدا يعني صالحه للزراعه وزي ما اتفقنا ما دام في زراعه يبقى فيها سكان زي سهول نهر النيل في مصر والسودان ودي اكيد موجوده في الجناح الافريقي اما في الجناح الاسيوي ففي سهول دجله والفرات وموجوده في العراق ثاني نوع من انواع السهول السهول الساحيليه ودي بتكون قريبه من البحار زي سهول البحر المتوسط اللي تربتها خصبه وسهول البحر الاحمر والخليج العربي اللي غنيه بالثروات والمعادن وثالث نوع عندي من انواع السهول السهول الصحراويه ودي اتكونت بسبب الرياح اللي كسرت في الجبال وحولتها لرمال وصخور ودي نباتاتها قليله قوي يعني فيها نظره في النبات الطبيعي اخدت بالك في قد ايه تنوع في مظاهر السطح في الوطن العربي وده اتسبب في تنوع الموارد في الوطن العربي فالوطن العربي بقى فيه زراعه وصيد وتعدين وسياحه وكمان في صناعه عشان كده الوطن العربي غني جدا بالموارد بسبب تنوع التضاريس بتاعته وبس كده ده كان درسنا النهارده بطريقه بسيطه جدا خد بالك هتلاقي تحت الفيديو شيت اسئله وشيت اجابات عايزاك تجاوب عليها كلها علشان تثبت الدرس في دماغك اكت لو وصلت لحد هنا شكرا جدا انك موجود لحد دلوقتي وشكرا اكث لو عملت لايك وشير علشان الفيديو يوصل لعدد اكبر والناس تستفيد اكت اشوفك الدرس الجديد باي باي й