أخطاء غير مقبولة بتاتا في تربية طيور الفيشر

اخواني اخواتي اولا وقبل كل شيء تحيه طيبه لجميع المتتبعين المتتبعات اللي كيتبعونا على قناه عمر فلوغز سواء المتتبعين اللي كيتبعونا منذ افتتاح القناه وكذلك اللي يلا التحقوا بنا ان شاء الله نتمناو حتى هما يكونوا مفيدين ومستفيدين من المعلومات اللي كنقدموها لهم على القناه فالفيديو ديال اليوم ان شاء غادي يكون حول الاخطاء اولا بعض الاخطاء الشائعه اللي كيديروها بعض المربيين اللي كيخليهم انهم ماكيكونش عندهم لا بيض ملقح اولا يعني الزويجات ديالهم ماكيكونوش منتجه وكيكونوا بعض الاخطاء حتى في اثناء تفقيص البيض يعني كيموتوا لهم الفريخات الصغار داخل العشب فان شاء الله غادي نحاولوا نحيطوا بهذ الجوانب كامله باش يكون عندنا واحد البدايه ديال الموسم موفقه باذن الله اولا كما لا يخفى عليكم الاخوان ان طيور الفيشر هي طيور يعني كتجمع العش يعني ليست كباقي الطيور الاخرى مثل مثلا طيور البادجي يعني كدير غير صنيقه كدير فيها شويه النجاره وكتبيض الانثى ديال البادجي بدون ما تجمع العش عكس طيور الفيشر راه معروفه انها كتجمع الاعشاش ديالها هي كذلك وطيور ديال الرز فهي من صنف واحد فهذ الطيور كتجمع الاعشاش ديالها في البدايه ديال الانتاج وبنسبه لشكون اللي كيجمعش واش ت الذكر ولا انتوا فكلا يعني الزوجين يعني كيتعاونوا في بناء العش لانهم كيكملوا بعضياتهم البعض فطيور الفيشر ما كنعرفوا راه الطيور هي متعاونه فيما بينها لا من حيث يعني جمع مواد التعشيش وكذلك في تاكيل الفراخ الصغر يعني جميع الابوين كيديو هذ المهمه هذه لذلك فهي طيور سبحان الله متكامله يعني لا في الانتاج ديالها لا كذلك في الطريقه ديال العيش ديالها لهذا الاخوان بالنسبه لمواد التعشيش في البدايه ديال الموسم حاولوا انكم تكثروا المواد ديال التعشيش حسب يعني الكوبلات اللي عندكم باش كلشي يستفد من هذوك المواد هذو ويكونوا الصنيديقات عامرين يعني مفرشين للصنيقه يعني الا ما كانوش مواد تعشيش مفرشين في الصنيقه مزيان فكيوقع لينا الفريخات ما يسمى بالكساح لانه من خلال تفقيص البيض الا ما كانتش البياضه مفرشه كتكون كتزلق الوليدات الصغار وبحكم ان الوالدين كيحضنوا على هذ الوليدات فكيوقع ليهم واحد الانزلاق للارجل ديالهم مما كيادي يعني التفريقه ديال الارجل ديالهم وكيوقع ليهم المشكل ديال الكسح لذلك الاخوان تاكدوا من ان المواد ديال التعشيش كافيه يعني والبياضه عامره مزيان بمواد التعشيش يعني مفرشه سواء البيض يعني باش ماينزلقش الكوانات ديال البياضه وكذلك الفراخ لما تفقص ما يكونش عندهم المشكل ديال الكساح هذه فيما يخص النقطه الاولى الاخوان اما بالنسبه للنقطه الثانيه فاذا مشاو مثلا الفريخات ديالكم حتى بيضوا فممكن انكم تحيدوا لهم كاع المواد التعشيش اللي كيبقاو على الارضيه ديال الفوليرا لان المشكل اللي كيوقع في هذه الحاله هذه كيكونوا زويجات جات مبيضين وكيمشيوا كيجمعوا عش اخر فوق هذاك البيض يعني وهذ الحاله هذه كتادي انه لذاك البيض ماكيتحضنش مزيان يعني انه كيبرد وثانيا كيخسر مع المده الا ما وصلتوش التدفئه اللازمه لذلك الاخوان الا بيضوا لكم الفريخات ديالكم وكانت التفريشه ديال البياضه مزيانه صافي يعني حيدوا هذوك المواد ديال التعشيش كاملين اللي كيبقاو لكم لا في القفص لا في ارضيه الفوليرا باش ما يعاودوش يجمعوا عش اخر على هذاك العش اللي عندكم ويادي بكم الخساره ديال الانتاج الاول ما قلنا ومن بين كذلك الاخطاء اللي كيديروا بعض المربين انهم كيديروا النجارهطيور الفيشر فطيور الفيشر ماتحتاجش النجاره كتحتاج مواد ديال التعشيش فضروري انك تلوح لها المواد اللي غتجمع فالا درتي لها النجاره فهي بالطبيعه ديالها يعني كتبغي انها تجمع الاعشاش ديالها فكتمشي لكبياضات كتنجرهم لك اولا كتمشي لك الا كان الفوليرا ديالك فيها الخشب ولا شي حاجه كتمشي لك لذاك الخشب كتبقى تحيد فيه شويه بشويه باش تبني به الاعشا ديالها ولا كتجمع لك اي حاجه لقاتهو في الفولي را ممكن تجمع لك الخبز ممكن تجمع لك كذلك هذوك العظام ديال السيبيه اي حاجه لقاتها في داخل الفولي رادخلها لك الاعشاش ديالها لان الطبيعه ديالها هي هكا دايره يعني الغريزه ديالها ملي كتبغي تبيض خصها تجمع الاعشاش فخصها تلقى مواد تعشيش عندك في الفوليرا يعني متوفره وماديرش النجاره نهائياخلي لها غير الاعواد ديال مثلا النخل اولا جري ديال النخل اولا قصب السكر اولا اي حاجه اللي ممكن انها تبني به الاعشاش ديالها ف هذا الشي راه كافي الاخوان باش انها تبدا الموسم ديالها ودابا الاخوان غادي نطرقوا لواحد المشكل اللي كبير بزاف خصوصا عند الاخوان اللي كيربيو طيور الفيشر في القفص فكيجيوني ميساجات ديالهم كيقوللك راه درت التطويرات ديالي في القفص والغد ليه كنلقاهم ماكاينينش فاللي بغيتكم ديروه في راسكم الاخوان هو ان طيور الفيشر هي طيور جد ماكره في الهرب يعني عندها ذاك الهروب الماكير وطيور ذكيه جدا فملي كديرها في القفص اولا حتى في الفوليرا كتبقى دوز واحد السكانير لذاك البلاصه اللي كتكون فيها وكدير لي واحد المسح كتشوف البلاصه اللي ممكن انها تخرج منه فالاخوان بعض الاخوان اش كيديروا كيمشيوا كيحيدوا دوك الوكالات القفص وكيبقى ذاك الباب ديال الوكالات كيتهز وكيهبط بوحده فطيور الفيشر اش كدير كتمشي كتهز ذاك الباب بالمنقر ديالها وكتخرج فاذا ما كانش الباب مفيكسي فرا غادي تهرب لك منه كذلك في البلاصه اللي كدار فيها مثلا البياضه حتى هي الا ماكانتش مفيكسيه مزيان وكان الباب كيتحل وكيتسد فراه ممكن تهزه بالمنقر ديالها وتخرج ف هذو بعض النقاط اللي ممكن انهم يهربوا لكم منها في القفص وكذلك في البياضه مثلا البياضه لصقتيها مع القفص وكان الباب ديال البياضه يعني كيتهز بسهوله فممكن انها تهزه براسه وتخرج يعني طيور الفيشر هي راه ديروها في بالكم هي انها طيور راه جد ذكيه يعني حطيتوها فيشي بلاصه راه كتبغي تخرج منه يعني ماغاديش تبقى لك فيديك البلاصه لذلك الاخوان حاولوا ان دوك البيبان تفيكسيوهم مزيان ال ما كانوش ما كنتوش كتستعملوا دوك الوك وكالات ديال القفص حاولوا تفيكسيوهم بشي سلك وديروا الوكالات ديال الداخل وكذلك البياضه فيكسيوها بشي مسمار باش ما يبقاوش يخرجوا لك من الباب ديال ديال البياضه وكتبقى اخر نقطه الاخوان غادي نطرق لها وماشي هي اخر نقطه حيت كاينين بزاف ديال المعلومات و ديال الاخطاء اللي كيوقعوا فيها المربيين غادي نحاولوا ان شاء الله نذكروهم في الفيديوهات الجاي غير هنا كنذكر بعض النقاط اللي اساسيه فقط ف بالنسبه للمحفزات الاخوان و يعني المهيجات اللي كتهيج الطيور سواء من الاغذيه الطبيعيه اولا من الاغذيه المصنعه فما تعطيهاشطويرات ديالك ملي كيكونوا صافي سالو البيض يعني ممكن تعطيها في هذ الفتره اللي كيجمعوا فيها الاعشاش يعني وكيستعدوا للتزاوج ممكن ولكن ملي كيمشيوا حى كيوضعوا البيض الانثى كتكمل البيض ديالها فماتبقيش تعطي محفزات لهذا للطيور لانها كتهيج الذكور والاناث كتكون حاضنه على البيض فكيوقع واحد الشجار ما بين الانثى والذكر على التزاوج في داخل البياضه فممكن تهرس البيض وممكن كذلك يموتوا الفراخ الى كانوا الفراخ لذلك الاخوان حبسوا يعني دوك المهيجات ملي كيكونوا الاناث مبيضين اولا عندهم فريخات صغار حتى تبدا الدوره الثانيه ان شاء الله ديال ديال جامع العش وديك الساعه ممكن انك تعطي هذ المحفزات مره اخرى اذا الاخوان نتمناو خديتوا فكره على التربيه ديال طيور الفيشر في هذا الفيديو هذا واللي عنده شي تساؤل اولا استفسار يحطوا لي في التعليقات باش نبنيو عليه معلومات ان شاء الله اللي غادي نحطو في الفيديوهات الجايه باذن الله وكان هذا عمر يحييكم والسلام عليكم ورحمه الله تعالى وبركاته เฮ