2 الوحدة الثالثة المواطنة الرقمية مفهومها واهميتها الجزء الاول

بسم الله الرحمن الرحيم طلاب الصف السابع الاعزاء السلام عليكم ورحمه الله وبركاته ان شاء الله بهذا الفيديو رح نبدا في درسنا الاول من وحدتكم الاولى في الفصل الدراسي الثاني اثر الحوسبه عنوان درسنا المواطنه الرقميه مفهومها ومبادئها طيب قبل ما نبدا بالدرس طيب استاذ استاذ علاء بالله وقف شوي واحكي لي شو اللي رح ناخذه شو الفكره يعني شو اللي بدك تحكي لنا عنه اولا نحن عايشين بدوله دوله صح هسه هي الدوله المملكه الاردنيه الهاشميه في لها مجموعه من القواعد وها مجموعه من الضوابط في عننا دستور او قانون نحن بنمشي تحته صح كل مواطن في هي الدوله لاحظ المصطلحات اللي بحكيها كل مواطن في هي الدوله بتصرف تصرفات يجب ان تكون مسؤوله وامنه اتفقنا انا اسمي مواطن انا انا كمواطن لازم اكون مواطن صالح من خلال التصرف بشكل مسؤول وامن شو يعني اتصرف بشكل مسؤول وامن الان تجاهي يعني خلينا نحكي انا كمواطن شو واجباتي تجاه وطني الان انا عندي انتماء انا عندي مجموعه من القواعد والضوابط اللي بتعطيني اياها الدوله وانا بلتزم فيها صح هي الاشياء كلها انت صفاتك كمواطن صالح رح نعكسها على شبكه الانترنت هون صار اسمها مواطنه رقميه الان انا بستخدم شبكه الانترنت بما اني بستخدم شبكه الانترنت اذا صار اسمي مواطن رقمي هسه انت المواطن في الاردن انت لانك عايش في الاردن سميناك مواطن اردني الان لما تشتغل على شبكه الانترنت شبكه الانترنت عباره عن كانها اي منطقه كبيره دوله كبيره عالم هذا العالم انت بتعيش فيه صار اسمك مواطن رقمي الان عشان تتصرف بشكل مسؤول وامن عبر شبكه الانترنت بتتبع مجموعه من الاستراتيجيات والطرق هي بسنميها مواطنه رقميه اذا المواطنه الرقميه بده يحكي لي درسي كيف انا بدي اتصرف واتعامل بشكل مسؤول وامن لما استخدم شبكه الانترنت والاجهزه الرقميه بشكل عام تمام طيب نشوف الفكره الرئيسيه لدرسنا فكره الفكره الرئيسيه لدرسنا رح نتعرف شو يعني مفهوم المواطنه الرقميه ونستكشف اهميتها في العصر الحديث طبعا مهمه جدا المواطن الرقميه لانه الان انا بحكي عن مليارات البشر تستخدم شبكه الانترنت انت قاعد بتتعامل معها فبالتالي موضوع المواطن الرقميه صار شيء مهم رح نفهم المبادئ والعناصر الاساسيه التي تشكلها المواطن الرقميه هذا كله تركزوا فيه هذا مقدمه لدرسنا وسنناقش كيفيه تمثيل هذه المواطنه الرقميه في حياتنا اليوميه يعني انت كطالب في الصف التاسع كيف بدي اكون مواطن رقمي صالح لاحظ انه مناهجنا منهاج المهارات الرقميه في نهايه كل درس في عندكم شيء اسمه المواطنه الرقميه هي مجموعه من النصائح مجموعه من الارشادات مجموعه من القواعد لازم تلتزم فيها عشان تكون مواطن رقمي صالح هذا كله رح نحكيه تمام وستكون هذه المعرفه الاساس الذي يبنى عليها لفهمنا كيفيه التفاعل المسؤول مع العالم الرقمي هسا هذا الشيء اللي ظللته مش عشان تحفظه هذا الشيء اللي رح ناخذه ورح ندخل فيه فرح تمر معنا خلال شرحنا مجموعه من المصطلحات ومجموعه من المفاهيم مجموعه من التعريفات المهمه الان في تعريفات كثير مهمه مثلا شو يعني مواطنه رقميه؟ شو يعني مواطن رقمي في عننا تعريف الوعي المعلوماتي والصحه الرقميه والرفاهيه الرقميه هسا هذول التعريفات الخمسه مهمات جدا ورح تمر معنا ولازم نعرفهم ونثبتهم تمام هسا في عننا مصطلح شيء اسمه معايير السلوك الرقمي برضه رح نمر معه خلال شرحنا تمام استاذ لوين بدك توصل انا بدي اوصل اني احقق نتجات التعلم في درسي شو هي نتجات التعلم اول شيء اعرف شو يعني مواطنه رقميه وشو عناصرها شو يعني شو هي صفات المواطن الرقمي وانا بالاخر بالاول وبالاخر بدي اوصل لمرحله اني اكون مواطن رقمي صالح كيف اطبق المواطنه الرقميه اهميه المواطنه الرقميه مبادئ المواطنه الرقميه كيف تمثل المواطنه الرقميه الصالحه؟ السياسات الرقميه ومعايير السلوك الرقمي والوعي المعلوماتي الحقوق والمسؤوليات الرقميه مفهوم الصحه الرقميه والرفاهيه الرقميه هسه هذول كلهم رح نمر معهم فيهم خلال الشرح فانت لا كثير تركز انه في عننا تعريفات كثير وفي عننا اكيد الماده فيها كثير معلومات بدها حفظ فيها معلومات بدها فهم خلينا نمشي فيها الان مر معنا في الوحده الاولى بند المواطن الرقميه وتعلمنا فيها بعض السلوك السلوكات الايجابيه المتعلقه بالعمل في العالم الرقمي تمام يعني كل نهايه الدرس كان في عننا شيء اسمه المواطنه الرقميه المواطنه الرقميه اللي هي سلوكات ايجابيه متعلقه بالعمل على في العالم الرقمي نبدا بالنشاط التمهيدي نشاطنا التمهيدي صفحه 11 بيحكي لنا بناء على ما تعلمته مسبقا ماذا يستحضر في ذهني عند سماع كلمه مواطن؟ يعني اول ما تسمع كلمه مواطن شو يعني مواطن؟ ما معنى كلمه مواطن؟ ماذا تعني كلمه مواطنه؟ بالنسبه لي انا بحكي عن مواطنه في العالم الواقعي ما بحكي عن شبكه الانترنت ما بحكي عن مواطنه رقميه انا بحكي كمواطنه في دوله الاردن في الدوله الاردنيه وكيف يمكن ان اكون مواطن صالح هل هناك علاقه بين مفهوم المواطنه التقليديه والمواطنه الرقم رقميه طيب خلينا نروح على حل هذا النشاط الان هذا الملف رح يكون موجود عندكم مرفق في صندوق وصف الفيديو بامكانك تستخدمه وهو متاح لك النشاط التمهيدي صفحه 11 في عندي مجموعه من الاسئله اللي بده اياني احكي فيها اولا شو يعني مواطن انا بحكي لك ي مواطن يعني انا بني ادم الشخص الذي ينتمي الى دوله معينه ويتمتع بحقوقها ويلتزم بواجباتها هذا اسمه مواطن الان انا بني ادم عايش في دوله عايش في الاردن عايش في سوريا عايش في دوله فلسطين عايش في ايطاليا عايش باي دوله الان هي الدوله بتعطيني حقوق زي التعليم زي التامين الصحي زي العمل زي حق ال الصحه الحياه الامن الى اخره الان هي حق لي على الدوله وبنفس نفس الوقت انت لازم يكون في واجبات تجاه الدوله زي الانتماء زي خلينا نحكي القوانين وتنفيذ القوانين اللي بتطلبها الدوله التعاون مع الامن هي كلها شغلات مطلوبه منك فانت كمواطن رق كمواطن صالح انا بحكي انه المواطن لازم يلتزم بواجباته تجاه الدوله الفرع الثاني من هذا النشاط بيحكي لي ماذا تعني يعني كلمه مواطنه انا بالنسبه لي مواطنه يعني انا انتمي للوطن احترم الحقوق والقوا احترم القوانين اشارك في خدمه المجتمع واحافظ على ممتلكاته هي هي المواطنه التقليديه نحن بنحكي ما بنحكي مواطنه رقميه انه انا انتمي لهذا الوطن احبه اغار عليه احترم حقوقه واحترم قوانين القوانين اللي وضعتها هي الدوله واشارك في خدمه المجتمع واحافظ على ممتلكات هذا المجتمع تمام طبعا هذا مش للحفظ اكيد ثلاث كيف يمكن ان اكون مواطن صالح اول شيء احترم القوانين بانواعها المختلفه ثانيا اساعد الاخرين ثالثا احافظ على البيئه رابعا المشاركه في الاعمال التطوعيه طبعا هي كلها معايير انه هل انت مواطن صالح ولا مواطن غير صالح تمام كثير في ناس بتشوفهم مثلا وهو ماشي بالشارع برمي النفايات من السياره الان هو مواطن بس هذا التصرف لا يدل على انه مواطن صالح تمام فكثير بنتقد هي السلوكات السلبيه واحد ما بيلتزم قواعد السنتقدها فهذا غير مواطن غير صالح الفرع الرابع هل هناك علاقه بين المواطنه التقليديه والمواطنه الرقميه طبعا لانه الاثنتين بوموا على احترام حقوق الواجبات مواطن التقليديه او الرقميه انا في عندي حقوق باخذها وفي علي واجبات والاثنتين لازم التزم فيهم بس المواطنه الرقميه انا هون بركز على السلوك عند استخدام شبكه الانترنت الان هون على شبكه الانترنت صار اسمها مواطنه رقميه بستخدم اجهزه رقميه صار اسمها مواطنه رقميه المواطنه التقليديه انا بحكي على الارض على ارض الواقع هذا اسمها مواطنه تقليديه تمام طيب خلينا نكمل ان اكون مواطنا يعني ان اكون جزءا فاعلا في كل مجتمع انتمي اليه اكان ذلك في بيتي او صفي او مدرستي او بلدي اذا شو يعني مواطن المواطن يعني كل شخص فاعل في كل مجتمع ينتمي اليه هذا صار اسمه مواطن الشخص الفاعل في كل مجتمع سواء كان في البيت او في المدرسه او في البلد اللي بعيش فيها او بالقريه اللي بيعيش فيها او بالمدينه بده يكون فاعل ويتطلب ذلك التمتع بحقوق معينه واداء واجبات معينه هذا الشيء الاساسي اللي حكينا عنه انه انا في عندي حقوق وفي عندي واجبات الان هي الحقوق باخذها وبقدم الواجبات اللي عندي وشكرا شكرا الك انت مواطن صالح تمام المشاركه عن طريق العمل والالتزام بالقوانين هي الشيء اللي حكيناه الان الاسهام في رفاهيه المجتمع الان هون هذا كله اسمه مواطن انه انا شخص عايش في دوله وهي الدوله بتقدم لي حقوق وبقدم لها واجبات تمام شو يعني مواطنه المواطنه يعني الانتماء الفعال الى المجتمع او الدوله حيث لا يقتصر الامر على مجرد العيش في المكان يعني الموضوع مش انه انا عايش في الاردن تمام انت عايش في الاردن بس انت عايش في الاردن وتقدم و وفي عندك انتماء فعال الى هذا المجتمع فهذا بنسميه مواطنه صالحه تمام طيب الان بدنا نعرف انه صار في عننا عالم موازي كان في بالاول احنا بنحكي عن دوله وارض وانا عايش فيها وبخذ حقوق وبقدم واجبات الان صار في عننا شيء اسمه شبكه الانترنت العالم الرقمي العالم الرقمي انت قاعد بتحكي عن مجتمع واسع شوف هون اصبحنا جزءا من مجتمع رقمي واسع يعني الان انا الموضوع مش موضوع انه انا عايش في بيتي او عايش في مخيمي او عايش في قريتي او عايش في مدينتي لا الان هون تعدى موضوع صار انت قاعد بتتعامل مع مجتمع في العالم كله فانت جزء من هذا المجتمع انت جزء من هذا المجتمع فبالتالي اذا هذا بنسميه صار اسمه مجتمع رقمي يعني مجتمع بيعاملوا مع بعض هذول الاشخاص على شبكه الانترنت وبالتالي لازم يكون في عندي استخدام مسؤول وامن عشان اكون ون مواطن رقمي صالح اذا هي الفقره بتطلع لنا مصطلحين مصطلح شو يعني المواطن اللي هو الشخص الذي يعيش في مجتمع هذا بسميه مواطن الان هذا الشخص اذا كان فاعل في مجتمعه ويقدم يتمتع بحقوقه ويؤدي واجباته هذا بنسميه مجتمع او مواطنه رقميه تمام او عفوا مواطنه الان اذا كانت على شبكه الانترنت والاجهزه الرقميه صار اسمها مواطنه رقميه تمام يلا نروح علىتعريفات اللي بده اياها شو يعني مواطن رقمي وشو يعني مواطنه رقميه مواطنه رقميه ديجيتال سيتيزنشيب ستيزنشيب يعني مواطنه سيتيزن يعني مواطن ديجيتال رقمي الى اذا تعرف المواطنه الرقميه على انها الاستخدام المسؤول والمنظم للتكنولوجيا من قبل اي فرد يستخدم الاجهزه الرقميه وشبكه الانترنت للتفاعل مع المجتمع على اي مستوى هذا تعريف المواطنه الرقميه انه انا بستخدم التكنولوجيا من قبل اي فرد انه انا بستخدم شبكه الانترنت بستخدم الاجهزه بستخدم التواصل بستخدم البيانات على شبكه الانترنت للتفاعل مع المجتمع بشكل صحيح استخدام مسؤول ومنظم هي صفات الاستخدام انه يكون مسؤول ومنظم تشمل المواطنه الرقميه مجموعه من السلوكات والمواقف والمهارات التي تمكن الافراد من استخدام الانترنت بفاعليه وامان هذا اتفقنا عليه فهي تتعلق بفهم الحقوق والمسؤوليات لمستخدمي الانترنت واحترام حقوق الاخرين والاسهام في مجتمع رقمي امن اومثبير م متذكرين لما كنا نحكي عن المواطن التقليديه نفس الفكره انه انا عايش في مجتمع هذا المجتمع اللي هو شركه الانترنت هذا المجتمع انا بقدم لي حقوق او بيعطيني لي حقوق وعلي واجبات ومسؤوليات فانا هون قائم على احترام حقوق الاخرين الاسهام في بناء مجتمع رقمي امن ومثمر من خلال طريقه تعاملي مع البيانات اللي بتنتشر، احترامي له البيانات، احترامي لهذول الاشخاص، هذا كله رح نحكي عن تفاصيله تمام طيب خلينا نروح نمشي على تعريف المواطن الرقمي مين هو المواطن الرقمي؟ هي التعريف الثاني المهم اللي هو المواطن الرقمي اي شخص بيستخدم شبكه الانترنت بانتظام وفاعليه هذا بنسميه مواطن رقمي هل هو صالح؟ ولا غير صالح بناء على التصرفات التي يقوم بها هل هي تصرفات مسؤوله وامنه هذا بسنسميه مواطن رقمي صالح غير هيك صار اسمه مواطن رقمي غير صالح المواطن الرقمي اللي هو الشخص اللي بيستخدم شبكه الانترنت بانتظام يشارك في المجتمعات عبر الانترنت الان هي الاجتماعات انا بشارك فيها على ارض الواقع في غرفه او في قاعه الى اخره الان هون نفس الشيء انا بجتمع مع ناس عبر شبكه الانترنت بس بستخدم شبكه الانترنت في من خلال خلال الاجتماعات تمام كما يشارك الاشخاص بمجتمعات الحياه الواقعيه فعندما اقرا مقال او منشور او اتفاعل معه عبر وسائل التواصل الاجتماعي فانا مواطن رقمي وعندما ارسل رساله عبر البلد الالكتروني الى صديق او معلم فانت مواطن رقمي اذا انا بستخدم شبكه الانترنت هسا كيف بستخدمها ممكن نرسم رسائل ممكن نستخدم وسائل التواصل الاجتماعي ممكن نستخدم تطبيقات مختلفه فهي بسنميها انت مواطن رقمي هي التصرفات بسنميها مواطنه رقميه تمام طيب نروح على صفات المواطن الرقمي الصالح عشان احكي عن مواطن رقمي انه هذا المواطن الرقمي صالح ففي عندي مجموعه من المميزات او الصفات اللي لازم يتمتع فيها المواطن الرقم الصالح يلا نبدا فيهم واحده واحده هسا في عندكم هون موجودات على شكل جدول وهن سهلات عشان اكون مواطن رقمي صالح اول شيء لازم اتبع القوانين والانظمه الان الدوله بتحط قوانين انا بلتزم بهي القوانين شبكه الانترنت فيها قوانين زي ايش اخذته بالفصل الاول عن حقوق الملكيه الفكريه وحقوق النشر والملكيه الفكريه الاستخدام الامن والفعال على الانترنت القواعد والتعليمات للمواقع المواقع الالكترونيه بتعطيني قواعد وتعليمات هسا انا لما اتبع هي القوانين والانظمه اذا انا مواطن رقمي صالح هي رقم واحد نروح على رقم اثنين في عننا شيء اسمه التوازن الصحي شو يعني توازن صحي الان انا عندي عالمين بعيش فيهم انا عندي شبكه الانترنت والحياه الواقعيه الان هون انا بحكي لك انه لازم يكون عندك توازن بين استخدام الحاسوب واتجنب الادمان الرقمي شو يعني الادمان الرقمي يعني الاستخدام المفرط ل تكنولوجيا او لشبكه الانترنت هذا بسنميه الاستخدام المفرط فانت لازم توازن بين استخدامك لشبكه الانترنت هذا العالم الافتراضي وفي عننا عالم واقعي احنا بنعيش فيه مطلوب منك انك تعمل هذا التوازن هي اثنين ثلاث احترم نفسي ثلاث احترم نفسي واحترم الاخرين هي شيء مهم جدا هسه انت بتستخدم شبكه الانترنت فانت رح تتعامل مع ناس من ثقافات مختلفه ومن دول مختلفه فبالتالي لازم اعامل الاخرين بالطريقه التي ارغب ان يعاملوني بها مش التي يعاملوني بها التي ارغب فيما ان يعا عاملوني بها الان انا هي الصفات بحب انهم يعاملوني فيها بنفس الطريقه انا لازم اتعامل فيها يعني انت ما تطلب الاحترام من شخص وانت لا تقدم الاحترام له فلازم دائما احترم نفسي واحترم الاخرين احترم معلومات الاخرين خصوصياتهم وقبل ما انشر اي معلومه على شبكه الانترنت لازم اتاكد منها لانه هي المعلومه قد تؤثر على غيري بتقلل من احترام غيري مش اذا شخص موجود في دوله ثانيه معناته انت مسموح لك انك تهينه او تسيء له او تقلل من احترامه لا انت لازم تتعامل معه بالطريقه اللي انت بدك هذول الناس يتعاملوا معك فيها تمام اربعه احمي خصوصيتي شو يعني احمي خصوصيتي يعني انا بتعامل مع شبكه الانترنت مع ناس كثير شيء بعرفه شيء ما بعرفه فبالتالي لازم انه كل شيء بنشره على شبكه الانترنت لازم انتبه له ليش انتبه له؟ لانه كل شيء انا بنشره ممكن هذول الناس يشوفوه ممكن هذول الناس يشوفوه ممكن يستخدموه بطرق سلبيه فبالتالي انا مش كل شيء بنشره على شبكه الانترنت لازم او مش كل شيء بنشره على شبكه الانترنت يفترض انه اختار في معلومات اي ممكن انشرها اذا في معلومات شخصيه وم معلومات فيها مخاطر امنيه فيها فيروسات فيها اختراقات لازم ما انشرها وما اشارك حتى فيها تمام فهي النقطه الرابعه حتى اكون مواطن رقمي صالح لازم اراقب بصمتي الرقميه شو يعني بصمتك الرقميه انت كل شيء بتستخدمه على شبكه الانترنت هذا بنسميه السجل انت بتفتح مواقع بتنزل تطبيقات بتبعث بريد الكتروني بتبعث رسائل الكترونيه بتنزل برامج بترفع ملفات هي بنسميها فيها بصمه رقميه هي السجل الذي يتركه كل ما اقوم به على شبكه الانترنت كل شيء انا بشتغله على شبكه الانترنت مخزن ومسجل والناس بيقدروا يوصل يوصلوا له فبالتالي قبل ما انشر اي شيء وهذا الشيء ما بدي الناس تعرفه وما بدي الناس تشوفه بدك تعرف انه الناس او شبكه الانترنت في امكانيه للوصول لهي المعلومات وهي الامكانيه من شرائح واسعه فبالتالي لازم انتبه للمعلومات اللي انا بدي ارسلها وخاصه المعلومات الجدليه تمام طيب نروح على سته لازم اشارك في المجتمع الرقمي بايجابيه تمام شو يعني اي اي سلوكات سلبيه انا ممكن اشوفها ممكن اواجهها واكافحها زي نشر الشائعات الالكترونيه التنمر الالكتروني الان هذا السلوكات موجوده على شبكه الانترنت بس انا كمواطن رقمي صالح لازم اتجنبها لازم اتجنبها واقوم بوضع او اكاف او اقوم بوضع مجموعه من التصرفات اللي اكافح فيها هي التصرفات السلبيه تمام عشان اكون مواطن رقمي صالح في عندي مجموعه او ست صفات لازم اتمتع فيها وهي الصفات يعني حكينا عنها بشكل مفصل خلينا نروح على النشاط الجماعي صفحه 13 هذا النشاط بسالني حكي في عندي جدول كيف يمكنني التصرف بامان ومسؤوليه واحترام عشان اكون مواطن رقمي صالح يعني هو بده اياني مجموعه او اي اضع مجموعه من الاجوبه لسؤال انه انا كيف بدي اتصرف عشان اكون امن على شبكه الانترنت كيف بدي اتصرف عشان اكون مسؤول على شبكه الانترنت وشو اتصرف عشان احترم الاخرين لما استخدم شبكه الانترنت تمام روح على الجدول وحله نشاط جماعي صفحه 13 انا عملت لك الجدول زي ما هو انا بحكي لك انه انا امن شو يعني امن يعني انا قاعد بنقل بياناتي بشكل امن وما في اختراقات وما بتسبب في اختراقات او ضرر للاخرين عندما اول شيء معلوماتي الشخصيه ما بشاركها من الاول هسا انا مش خايف انه معلوماتي يتم اختراقها انا من الاول ما بنشرها ثانيا بستخدم كلمات مرور قويه وخاصه عند استخدام لوسائل التواصل الاجتماعي للمواقع اللي فيها تسوق الكتروني الى اخره الان هون انا بحط كلمات مرور قويه فبالتالي بيكون الاختراق اصعب ثالثا لا افتح روابط مجهوله هسه هذول الثلاث لما اتبعهم انا بكون كون امن زي انا في البيت اجي احكي والله انا الباب البيت والله ال المفتاح خربان خلص دائما تاركه فاتح هسا هون انا بعرض البيت للسرقه صح طيب كيف بدي احمي البيت بحط اييه او بتخذ اجراءات الامان القويه بسكره كويس بتاكد انه الغالي كويس مثلا ممكن احط كاميرا مراقبه ممكن احط اجهزه انذار فانا هون بتبع مجموعه من القواعد مجموعه من الامور عشان احمي فيها منزلي وهون نفس الفكره طيب انا متى بكون مسؤول اولا اذا شفت انه في اي محتوى غير لائق ابلغ عنه عبر المنصات المختلفه يعني هساه اذا انت بتستخدم اليوتيوب او وسائل التواصل الاجتماعي المختلفه او شو ما كان البرنامج في خيار من الخيارات انه انت بامكانك تبلغ عن هذا المحتوى هل هو محتوى لائق او غير لائق فانا لازم عشان اكون مسؤول اذا شفت محتوى غير لائق مش انه اطنشه وماليش دخل وبضرني لا لازم اروح وابلغ عنه ثانيا استخدم الانترنت للتعلم وخاصه انه نن الان في مرحله انه انا طالب انا طالب اذا انا شغلي بس بالتعليم بس هسه بعدين انت ممكن توسع عملك على شبكه الانترنت يكون في تسويق الكتروني يكون في مثلا مواقع الكترونيه يكون في غيره هذا كله انت ممكن تدخل اهداف اخرى لشبكه الانترنت في المستقبل بس الان انا بستخدمه للتعلم لا انشر صور الاخرين دون اذنهم هذا شيء مهم جدا من قوا من قواعد الملكيه الشخصيه هي حكينا عنها في الوحده الاولى انا صاح انا وصاحبي اخذنا صوره شخصيه لازم قبل ما تبعث هي الصوره وتنشرها على وسائل التواصل الاجتماعي وعشانك الانترنت لازم تقوم باخذ الاذن منه تمام طيب انا متى بحترم الاخرين شو السلوكات اللي ممكن اقوم فيها اكون من خلالها بحترم الاخرين اول شيء التعليقات الجارحه ببعد ببعد عنها بس هي بتشوفوها كثير على وسائل التواصل الاجتماعي واحد بينزل منشور ما شاء الله نحن مبدعين في طريقه كيف بدنا اي نرد على هذا المنشور كانه انه قاعدين نستنى بعض على اخطاء طيب هذا نزل نزل منشور المنشور ما في شيء مسيء لو في شيء مسيء انا ببلغ عن المحتوى تمام ما في شيء مسيء الان اذا هذا المحتوى عاجبك ممكن تشارك فيه مش عاجبك ممكن تتجاهله بس انك تفوت وتقعد تكتب تعليقات جارحه هي ابتعد عنها لانه انت حطها ببالك يعني ممكن بداياتنا نحن كمعلمين هي واجهناها يعني اول ما بلشنا نصور فيديوهات والى اخره كان يجي طالب يبعث لي تعليق مسيء هسا هذا التعليق المسيء مره كنت زمان انه والله فعلا المعلم اكيد بشر بفرح بالتعليقات الايجابيه والتعليقات السلبيه من هذا النوع بتضايق منها بس بالاخر انا بفكر فيها من ناحيه ثانيه طيب هذا الطالب شو الشيء اللي خلاه يبعث هذا التعليق المسيء؟ هل المعلم بياخذ منه مصاري يعني قاعد طب انا بشرح لك على اليوتيوب بشكل مجاني وماخذ من وقتي و ببساطه انا كطالب عاجبني الاستاذ بتابعه مش عاجبني ما بتابعه مش ببعث له بقعد اسب عليه واغلط عليه ولو انه الان في قوانين ملكيه فكريه وبامكان المعلم انه ياخذ حقه بس نحن ليش نصل لهي المرحله انا هذا المحتوى عجبني عجبني ما عجبني بتجاهله اشارك معلومات صحيحه ومفيده لازم اتاكد من صحه المعلومات استمع لاراء الاخرين واتقبلها مش كل الناس على مستوى واحد من العلم والخبره والى اخره وخاصه الاشخاص اللي بيستخدموا وسائل التواصل الاجتماعي في ناس ما شاء الله متعلمين بيحكوا باشياء من تخصصاتهم وفي ناس ما بيعرفوا ما بقرا ولا بكتب فهذا بدك تتقبل وجهات نظر كل الاشخاص طيب خلينا نروح على مجموعه من السلوكيات في النشاط الجماعي صفحه 13 عندي مجموعه من السلوكات بده اياني اتاملها و وبيحكي لي كيف رح تتصرف تجاه هي السلوكات رح ننهي الفيديو ان شاء الله الاول في هي الانشطه او هي السلوكات وبعديها الفيديو القادم ان شاء الله بنبدا في اهميه المواطنه الرقميه طيب خلينا نروح على النشاط الجماعي الموقف الاول هي النشاط خرجت مع اصدقائي والتقطت صوره جماعيه اراد احدهم نشرها على مواقع التواصل الاجتماعي ولكني لم ارغب في ذلك شو اعمل؟ اول شيء انا المفروض صديقي بما انه صديقي اذا وسائل التواصل موجوده فانا باجي بحكي له معلش يا صديقي اذا سمحت هي الصوره انا ما بدي اياك تنشر لي اياها انا بحترم رغبات الاخرين وهذا الشيء مهم بالنسبه الي بس انا الخصوصيه الشخصيه اهم عندي من رغباتكم فانا هون بوصل الفكره عن هذا التصرف الاول والاخير مش بروح بشتكي عليه تمام الموقف الثاني الموقف الثاني بيحكي لي بعد العوده من المدرسه دخلت الى حسابي على الفيسبوك شاهدت منشورا من زميل يحتوي على كلام غير لائق مش زميل طالب زميل طالب يحتوي على كلام غير لائق عن معلمه شو اعمل فتت على الفيسبوك تبعي لقيت صاحبي كاتب منشور على شبكه الانترنت يسيء للمعلم اول شيء ابتعد هي اول خطوه ابتعد عن اي مشاركه في هذا المنشور ما تعلق عليه لا تنشر كلام مسيء يعني ما تدخل بجلات الفكره انه هذا الشخص لما نشر هذا المنشور هذا سلوك خاطئ فبالتالي هذا الشخص ما بصير تقعد تدخل معه بنقاشات على شبكه الانترنت لانه اذا دخلت التعليق هو رح يرد التعليق ورح يصير اساءه مشتركه ثانيا بحكي مع صديقي بقول له لو سمحت المعلم خط احمر واحترامه واجب عليك بغض النظر المعلم شو ايش زعلك خصم لك علامات او حكى لك كلمه زعلتك وفي الاخر بشر وهو يقدم لك افضل ما هو متاح فبالتالي احترام المعلم واجب بتشطب المنشور اييه اذا شفت انه زميلي لا مصر فانا هون ببلغ المعلم بحكي له انه في طالب نزل عنك المنشور الفلاني هسا المعلم في وسائل قانونيه بامكانه يتبعها اي لحل هي المشكله وممكن انا ابلغ ولي امره والده او والدته انه ابنكم لزل منشور عن المعلم بالشكل الفلاني تمام هسه هذا التصرف اللي انا بعمله ثالثا الموقف الثالث تلقيت طلب صداقه من شخص لا اعرفه واحد بعث لي طلب صداقه يبدو انه في عمر نفسه يعني من اجياله وتظهر صفحته الشخصيه على انه درس في مدارس متعدده في منطقته يعني هذا البني ادم يعني كانه من الناس اللي حوالي من عمري يعني ممكن يكون صديق لي ممكن يكون درس معي وترك المدرسه او رجع ما بعرف شو اعمل الموقف الثالث اول شيء انا بحكي لا اقبل اي طلب صداقه لانه هذا الشخص فعليا انا ما عندي مش متاكد 100% اللي بعرفه انا قاعد بشك او باخذ توقعات فدائما لازم تبحث عن الخصوصيه واحافظ على خصوصيتي وامان حسابي ولا اقبل اي طلبات صداقه لاشخاص ما بعرفهم طيب الموقف الرابع وصلني فيديو لطالب في المدرسه يتعرض لموقف محرج مع رساله تطلب مني اعاده ارسال الفيديو للاخرين يعني واحد مصور فيديو لزميله وهو في موقف معين ممكن انه هو بركض بطريقه معينه حاله شعره بطريقه معينه حاط تعليق معين طيب شو اعمل؟ شوف اول شيء هو طالب مني اني اعيد ارسال الفيديو هذا الشيء مرفوض لا اعيد ارسال الفيديو احذف الرساله فورا واخبر من ارسلها ان نشر هذه المقاطع يضر بالاخرين وغير مقبول بنصحه انه انت اسات لزميلك وهذا الشيء مش مقبول ولازم تشطب هذا المنشور وما تستمر في الاساءه تمام الموقف الخامس حكي لي وصلتني رساله على تطبيق واتساب تخبرني بانني ربحت مبلغا من المال هي بتصير كثير لقد ربحت 1000 دينار قد ربحت وتطلب مني الضغط على رابط للحصول عليه وكيف كيف اتصرف اول شيء بدك تفهم شغله حتى بالتجاره في قاعده بدك تاخذها ببالك ما في شركه بتربحك ببلاش يعني شركه اي شركه زين ولا شركه اورنج ولا شركه شو ما كانت اسم الشركه ما في شركه بتعطيك شيء هيك هديه مجانيه تمام فبدك تحط ببالك انه هذا الرابط قد يكون احتيال وقد يكون روابط تجسسيه رح نحكي عن الاشياء هي مباشره نحن في الرساله وعدم ضغط على الرابط وعدم مشاركه اي معلومات شخصيه تمام طيب الفيديو القادم ان شاء الله رح نبدا في اهميه او رح نكمل في درسنا في اهميه المواطنه الرقميه نتمنى لكم التوفيق والسلام عليكم ورحمه الله وبركاته