15 الوحدة الثالثة النقل الامن للبيانات أقيم تعليمي أسئلة الدرس

بسم الله الرحمن الرحيم طلاب الصف التاسع الاعزاء السلام عليكم ورحمه الله وبركاته هذا الفيديو مخصص لحل اسئله اقيم تعليمي من درسنا الثالث بعد ما شرحنا الدرس بالتفصيل الان في عندكم مجموعه من الاسئله لاسئله الدرس اقيم تعليمي رح نمشي بالاسئله الاسئله معظمها مباشره وموجوده في الكتاب ورح نناقش نحن ما بيهمنا الاجابات فقط لانه الاجابات موجوده عندكم في رابط وصف الفيديو هي الملف موجود وممكن نمشي بالاسئله بشكل مباشر ونناقشها السؤال الاول بيحكي لي ماذا تعني كل من المصطلحات الاتيه؟ هسا انا باللغه الانجليزيه بحاول انه طلابي ما احكي لهم احفظوا باللغه الانجليزيه يعني ممكن انا اعطيه اياها باللغه العربيه و اي ويعرف لي اياها مقبول تمام ماذا تعني كله من المصطلحات التاليه هي انا عامل لك جدول وحاط لك اياه طبعا هي التعريفات موجوده حرفيا بالكتاب باستثناء الوايب بين لانه الواي بين حتى ماذكر ما انذكرت في الكتاب ما انذكرت خلال الشرح فخ باستثناء الواي بي طيب خلينا نبدا اكسسبيلتي شو يعني اكسسبيلتي اكسز يعني وصول او دخول اكسسبيلتي اللي هي ميزه الوصول للخدمه شو يعني ميزه الوصول للخدمه قدره الجميع على استخدام منتج او خدمه بمن فيهم كبار السن وذوي الاعاقه عبر مجموعه من القواعد والانظمه الان انا بقول لك ببساطه انت يا استاذ لكل شخص له الحق في استخدام الاجهزه البرامج والتطبيقات اللي على شبكه الانترنت تمام هس كيف بيستخدموها من خلال مجموعه من الادوات اللي شرحناهم في الفيديو الاخير فميزه الوصول للخدمه قدره الجميع على استخدام منتج او خدمه نروح على التعريف الثاني شو يعني وايبين وايبين يعني المسح برمجيات المسح هي البرمجيات تستخدم لمسح البيانات وازالتها نهائيا من الاجهزه تسمحوا ليناقش الموضوع بشكل اي تقني يلا اول شيء استاذ انت عندك جهاز حاسوب او خلينا نحكي تليفون هذا التلفون انت بدك تمسح الاجهزه الموجوده عليه او البيانات اللي موجوده عليه بدك تتخلص منه بدك تبيعه بدك شو ما تسوي شو طريقه مسح البيانات الامنه شو الطريقه هسا في عننا شيء اسمه برمجيات المسح وهي البرمجيات انا شخصيا ما بقتنع فيها انا عندي قناعه انه الطريق الطرق اللي ممكن تستخدم هي اول طريقه بسموها الكراشين شو يعني كراشين؟ يعني بتمسك التليفون وبتجيب شاكوش وبتدق التليفون وبتكسره بتتخلص منه بتتخلص من الذاكره ها الطريقه انا بضمن انه بياناتي ما راح تطلع ها اول طريقه ثاني طريقه في عننا طريقه اسمها ال التخزين المتراكم يعني بمسك تلفوني بفرمته هسا لما اعمل فورمات له او تهيئه له هذا لا يعني انه راحت البرامج لا بخزن عليه ملفات غير ضروريه ممكن اجي افتح الكاميرا طبعا مش بروح بصور حالي بسكر الكاميرا تكون سودا وبكمل وبعبي الذاكره كلها فيديو اسود فاضي برجع بفرمت او بشطب هذا الفيديو برجع بنزل فيديو ثاني لمده ثلاث مرات هي الطريقه الثانيه الطريقه الثالثه في جهاز شكله زي المكواه ممكن تستخدمه بس هذا غالي جدا وبيستخدموه الشركات الكبيره البنوك الى اخره الان هو فكرته انه بيسحب المجال الكهرومغناطيسي من الذاكره فبالتالي انت بتضمن انه راحت هي الملفات او هي البرامج الضروريه او البيانات الضروريه فالواي بينك هي برمجيات المسح تمام تاتش اي دي اللي هو قفل البصمه بصمه الايد بصمه الاصبع ميزه تعتمد على بصمه الاصبع لفتح الجهاز او الوصول الى الخدمات تمام في عننا مصطلح كمان الفيس اي دي فيس اي دي فيس قفل الوجه اي دي ايدنتيفيكيشن يعني تعريف على الوجه قفل الوجه ميزه تعتمد على التعرف على الوجه لفتح الجهاز او الوصول الى بعض الخدمات تمام تمام نروح على السؤال الثاني وضح اهميه الحاجه الى حمايه المعلومات عبر الشبكه حكينا عن الموضوع كثير ليش انا بحمي معلوماتي على الشبكه اول شيء لانه انا كفرد بترك عدد كبير من البيانات اثناء استخدامي للانترنت انا دخلت للعبه عملت حساب عمل دخلت بياناتي الشخصيه فتت عملت حساب الكتروني لمواقع التواصل الاجتماعي حطيت معلوماتي الشخصيه فبالتالي هي المعلومات لازم لازم يتم حمايتها هذه البيانات يمكن تتبعها بسهوله عبر الشبكه الشغله الثالثه تعرض الافراد لخطر سرقه البيانات الحساسه والتلاعب بها من قبل مجرمي الانترنت لانه انا عندي بيانات اذا هي البيانات معرضه للاختراق اربعه بعض الجهات بيستخدموا او بيستغلوا بيانات المستخدمين وتوجيههم الى المواقع تسويق عدوانيه او ارسال رسائل مزعجه يعني شركات بتستغل بياناتك عشان تبعث لك رسائل دعائيه او رسائل مزعجه تمام هي اهميه الحاجه واخر اثنتين هن الاهم السؤال الثالث علل ما يلي يلا او واحد تستمد العديد من الشركات الرائده في العالم قيمتها من ممتلكاتها الافتراضيه وهي البيانات نحن حكينا انه الان موضوع انه قدش الشركه راس مالها او قيمتها السوقيه كنا نحكي زمان قدش عندها مباني قديش عندها سيارات قديش عندها قوى عامله وموظفين ورواتب ومصاري بالبنوك الان هذا الوضع تغير صرنا نحكي قدش هي الشركات عندها بيانات ولما استعرضنا قائمه بالشركات الاعلى قيمه سوقيه في العالم كانت شركات البيانات شركات مايكروسوفت وابلديا والشركات صناعه القطاع الحاسوبيه وغيره هي الشركات بتعتمد على البيانات في عملها هي شرح العلل نرجع للشرح اللي بدك تكتبه البيانات اصبحت الماده الخام الجديده للاعمال التجاريه راس مال الشركه بين قوسين راس مالك مش انه قدش شو المبنى اللي عندك وشو داهنه وشو في ديكور وشو في رفوف وشو في بضاعه لا صار عندك قدش عندك بيانات تحقق الشركات الشركات ارباحا ضخمه من ملكيتها للبيانات طبعا هذا شيء حرفي موجود في الكتاب زي شركات التواصل الاجتماعي محركات البحث التجاره الالكترونيه الحوسبه السحابيه هي الشركات لاحظ بتقدم لي خدمات تعتمد على البيانات تمام ب حذف البيانات على القرص الصلب لن تكون خطوه امنه الان حكيت لك اياها لانه مجرد حذف البيانات لا يضمن ازالتها نهائيا لانه يمكن استرجاعها ولذلك ممكن نستخدم برمجيات الوايبين لمسحها بالكامل وبط بطريقه امنه بتعرف كيف تشبهها؟ افرض انه انا عندي بيت بدي امنع الاشخاص انهم يوصلوا لهذا البيت فانت شو بتعمل؟ بتروح بتشيل ال الطرق المؤديه للبيت فهيك الناس بطلت توصل للبيت طيب تمام لو اجاى واحد ذكي ورجع عمل طريق اذا رجع دخل لبيتك فانت لما تيجي تحذف الملفات شو فكرتها؟ هو بيحذف لك الطرق اللي انت بتوصل فيها للبيانات بس البيانات نفسها موجوده البيت نفسه اللي بده ينسرق موجود فانت الحل انك تهدم هذا البيت جيم ما يزال العالم الرقمي بعيدا عن تحقيق ميزه الوصول للخدمه بنسبه 100% حكينا بالرغم من كل الاجراءات ومن كل الادوات اللي وفرت لي اياها المواقع الالكترونيه والتطبيقات الا ان ميزه الوصول للخدمه بعدها مش 100% ليش؟ لانه كثير من الاشخاص ذوي الاعاقه المختلفه ما زالوا غير قادرين على الوص على الوصول على العديد الى العديد من المواقع والخدمات اخذنا مثال بصمه الاصبع هي الاصبع البصمه متوفره ممكن شخص عنده قطع بالاطراف ما عنده اصبع طيب هذا كيف بده يستخدم هي الخدمه تمام يضطرون للاعتماد على الاخرين وهذا بيجعلهم اكثر عرضه لاخطار الامان الامن الرقمي يعني انا بدي اعمل بدي افوت على موقع الكتروني بدي اضطر انادي واحد او استعين اشخاص اخرين عشان يدخلوا هذا الموقع ويساعدوني فهذا الشيء سلبي وبعرض خصوصيتك للخطر تمام تمام نروح على السؤال اسئله المهارات طبعا الاسئله ليش جوابها طويل شوي لانها حرفيه من الكتاب تمام نروح على اسئله المهارات السؤال الاول بيحكي لي فكر كيف يمكن للافراد معرفه التطورات المتعلقه بالامن الصيبراني وتوصياته كيف بدي اعرف شو التطورات في الامن السبراني شو رح يصير في الامن الامن السبراني شو ال ال خلينا نحكي السياسات الجديده اللي بتنزل هذا كله علم متطور باستمرار اول شيء بقول لك ممكن تتابع المواقع الموثوقه والجهات المتخصصه في الامن السبراني في كثير مواقع الكترونيه متخصصه في الامن السبراني واخبار الامن السبراني فانا بتابعها فكل شيء جديد ممكن اقراه ممكن احضر دورات توعيه حول حمايه البيانات في كثير مؤسسات وشركات مجتمع محلي ومدني بيعملوا دورات ورش توعيه لحمايه البيانات ممكن احضرها واكون موجود فيها متابعه الاخبار التقنيه والتحديثات الامنيه اولا باول الالتزام بتوصيات الامن السبراني زي التحديث كلمات المرور القويه والحذر من الروابط هذا شيء اساسي تمام يلا السؤال الثاني ابحث في تشريعات تخص الاردن في الاردن تشريعات تتعلق بتوصيات الامن السبراني والخصها في ملف معالجه نصوص هو بيحكي لي بهذا السؤال انه عننا بالاردن في الدستور الاردني او القانون الاردني شو في بنود في القانون او شو في قوانين موجوده في الدستور تضمن تطبيق توصيات الامن السبراني ومتابعتها هسا انا حطيت لك اربعه خمسه اي بجوز بالكتاب في اثنتين في عندك تشريعات اردنيه اول شيء قانون حمايه البيانات الشخصيه اللي طلع عام 2023 هذا الحكي حكينا عنه فكرته انه انا لما بدي اجمع بيانات من حق الافراد اني اول شيء لازم اخذ موافقه على جمع البيانات ولازم استخدمها للاغراض التي جمعت من اجلها فقط تمام كيف بدي اشوف هذا القانون من وزاره الاقتصاد الرقمي والرياده هذا موجود عنا في الاردن هي الوزاره لها موقع الكتروني وبامكانك من خلالها تشوف هذا بنود هذا القانون تمام وفتحناه نحن ال في الدرس الماضي تمام قانون الجرائم الالكترونيه عام 2023 لما كنا عن نحكي عن تهديدات الامن السبراني قلنا عن هذول القانونين يجرم الاختراقات والاعتداءات على البيانات والانظمه هسا لما نحكي عن جريمه الكترونيه اول شيء الجريمه اي اعتداء على القانون جريمه لما استخدم ب هي الجريمه اي جهاز الكتروني او شبكه الانترنت او شبكه الحاسوب صار اسمها جرائم الكترونيه في عننا مركز وطني للامن السبراني هسا في بعض القوانين مش مذكوره في كتابكم زي تعليمات تصنيف حوادث الامن السبراني عام 2023 حددت انواع الحوادث واليه التعامل معها في نظام ترخيص مقدمي خدمات الامن السبراني هسا في كثير شركات بتقدم لنا خدمات الامن السبراني ومنها شركه زين وشركه امنيه الان في نظام في قانون بدير عمل و خلينا نحكي بتابع عمل هي الشركات تمام هسه لو حكيت قانون الجرائم الكترونيه وقانون حمايه البيانات الشخصيه هذول الاثنين بكفوا لانه هذول مذكورات في الكتاب بس انا ليش ضفت هذول لانه هذا السؤال مهارات يعني بدك تبحث تمام ان شاء الله الفيديو القادم رح نبدا في درسنا الرابع وسائل حمايه البيانات بنتمنى لكم التوفيق ونرجع نذكركم انه في عندكم رابط اختبار هذا رابط الاختبار عباره عن 10 اسئله ضع دائره هذول الاسئله مرشحات بقوه يكونوا ضمن اختباراتكم المدرسيه والسلام السلام عليكم ورحمه الله وبركاته.