Various Excerpts The Story of Hero Abdelkader Magrouss GIS The Story of the Seamstress and E

السلام عليكم نبشركم اللي ماقدرش يكتب قصته يقدر يبعثها فوكال يعني بالصوت وهذا غير العشريه بصح بشرط قبل ما يبعث يكتب عباره قصه عشريه سوداء باش نقدر نلقاهم ومن بعدها يبعث قصته مسجله على مره واحده ولا مرتين ماشي يبعثلي غير بالدقيقه وبطبيعه الحال ارسال يكون على الواتساب واللي عنده قصه يقوللي في التعليقات عندي قصه وانا نبعثله تقول هذ المتابعه سلام انا متابعه وفيه لك نشكرك جزيل الشكر على قصصك وخاصه قصص العشريه السوداء وانا اليوم جيت نحكي لك بعض الاحداث اللي صرات معي ومع عائلتي واسمي رحمه وهو اسم مستعار من ولايه بومرداس من مواليد 1986 عندي اربعه اولاد ربي يحفظهم استاذه لغه عربيه قصتي تبدا من سنه 1991 كي كان باباه يخدم في الولايه وبحكم شهادته الجامعيه العاليه قرر الوالي انه يعينوا شاف دايره على واحد البلاد في بلاد القبايل نحكي لكم على الاب تاعي شويه الاب تاعي كي كان يقرا في الجامعه قرر انه يلتزم ودار اللحيه بصح كان سلفي يعني ما يتبع حتى حزب بعدها كيمل تخرج من الجامعه راح يفوت في لارمي في سنه 981 كي راح يجوز لارمي اكيد راح ينحي اللحيه وبعد ما خلص خدمته الوطنيه وجا روح عاود دارها بصح الحاله بدات تتخلط في البلاد والاوضاع والفوضى ما كانتش مليحه هنا قرر بابا انه ينحي الحياه تاعه وخلى غير الشلاغم دياله رحلنا لهذك المنطقه وين خدمته الجديده وهذاك الوقت كان في عمري خمس سنوات دخلني بابا نقرا مباشره سنه اولى وكنت نروح نقرا مع الشوفور تاعي عمي مجيد ربي يحفظه كي كنت نقرا ونكون قاعده مع صحاباتي كانوا دائما يقولوا لي باباك من الفيس وانا ما نفهم فيها والو دائما يكونوا قاعدين يقولوا لي باباك كان داير لحيه ونحاها باباك كان ملفيس وميم جيراننا ما كانوش كامل يهضروا معنا سبحان الله ما فهمناش وعلاش مالغري كنا ناس عاقلين وملاح وبسطاء وخاطين المشاكل سكان المدينه كانوا يحبوا بابا بزاف لانه كان رجل نزيه وشريف ودار شحال من اصلاحات في الفتره اللي خدم فيها تم حتى لعام 1993 وين تفاهموا عليه جماعه تم يخدموا معه في الدايره وداره تهمه على خاطر ما كانش حب يروح معهم في واحد العمل لا اخلاقي وعمل ماشي نزيه قرروا يديرواه سبه وخرجوه مع الاسف عاودنا ولينا لبومرداس والحمد لله عاود رجع للخدمه تاعه القديمه ودخل تخيلوا بعد رجوعنا شاف داير اللي جا بعده داروا له الارهاب كامين وقضاوا عليه هو وعائلته الفتره اللي عشناها تم ما كناش كامل مرتاحين ما نقدروا نروحوا نحوسوا ولا نلعبوا في الحدائق والو على خاطر حياتنا كانت مهدده انا وخياتي وبابا اكيد نكمل لكم كي رجعنا كنت نقرا سنه ثالثه ابتدائي وكانت المدرسه بعيده شويه نضطروا نجوزوا على جسر وسط الطريق السريع واحد النهار كنت رايحه نقرا الصباح في زمان الشتا سنه 1994 كي وصلت لهذاك الجسر شفت منظر ما ننساهش اليومنا هذا كانت كاينه جثه تاع شاب معلقه في الجسر من رجليه ومغطي بغطا ابيض انا وبنت عمي وصحاباتي بدينا كامل نعيطوا وهربنا حتى جاو لي جوندارم وعاونونا ونشفى هذاك النهار كومبلي واحد ما طلع في هذاك الباسرير كامل كنا نقطعوا في وصلغوت من بعد عرفنا باللي كانت جثه شاب في عمره 16 سنه ذبحوه وعلقوه تم ومره في زمان رمضان كنا راح نفطر ماما كانت دائما تفطرني انا وخياتي قبلها هي وبابا وتقولنا انتما فطرتوا على البكري خلوني نستبن الماكله هذه انا وباباكم احنا رانا نلعبوا في البيت تاعنا حتى نسمعوا اطلاق نار قوي والله يا خوتي غير كنا نشوفوا في الرصاص احمر يطاير في السماء يما بدات تعيط وجات خارجه لبرا حكمها بابا قال لها وين راكي رايحه قالت له راهم جاو يقتلوا خوك وعمي هذا كان كوموندون في الجيش بصح الحمد لله ما كانش هو المقصود كان المقصود واحد العسكر يقتلوه يسكن بعيد علينا شويه داروا له كامين مسكين كي كان راجع لداره مع المغرب واستشهد هو وزوج صحابه واحد اخرين كان ثاني عندي عمي امام وكان عمي واحد اخر يخ نخدم في شركات سناطراك في الصحراء بصح الحمد لله كنا دائما يسترنا ربي وما يسر لنا والو وفي الليل كنا دائما نرقدوا مور صلاه العشاء مباشره وشحال من مره نسمعوا المشيه ديالهم مور دارنا بصح جامي دناو لينا وثاني هذه ما قلتها لكمش هذه غير ما سمعتها المشيه اللي كنا نسمعوها مور الدار ما كانش تاع الارهاب كان تاع العسكر بحكم انه عمي كان كوموندون دائما يدوروا تما وين يسكنوا ويديروا جوالات تفقديه هما اللي كانوا ويحمونا وحنا ما كانش على بالنا وشحال من خطره نشوفوا الكاميوات تاع العسكر جايزين وطالعين للجبل شحال من خطره يجوزوا قدام دارنا في وسط البحيره تاعنا باسكو حنا كنا لافامي هذا ساكن مع اخوه يجوزوا في وسط الراب تاعنا مع الكلاب تاعهم واحد الخوف كان يسيطر علينا ما نحكيلكمش كنا دائما نتخباو كامل في وسط ديارنا ونشفى عمتي في سنه 1995 كانت تكون في الجبل اللي قدام دارنا نشفه هذاك النهار جات صفره كل الحبه تاع القارص هي وراجلها جات عند جدي الله يرحمه قالت له بابا لازم نجي نسكن عندكم الحاله ماراهيش تعجب راهو يجوا لينا في الليل يوميا ويدقدقوا علينا في التواقي ويقولوا لنا تهبطوا وترحلوا منا دك ما نسحقوا حتى واحد يقعد في الجبل خافت عمتي وتحتمت انها تجي تسكن معنا مالغري ضديق بصح جدي الله يرحمه عطال لها زوج بيوت وكوزينه على البرا والحمد لله خطره ماما راحت تشوف خالي اللي كان في السبيطار دارك مسكين وسلقلها على الشعره كي راحت تشوفوا راحت مع بابا وانايا وختي كنا نقراوا في المسيد وختي الصغيره خلاتها في دار جدي مع عمتي هذه اللي رحلت وقت الظهر تحكي لي بنت عمتي وختاها باسكو انا في الوقت اللي نروح نقرا هما بنات عمتي عاودوا يجوا تسما هما كانوا في الدار قالوا لي شافوا واحد المره طويله لابسه حجاب ودايره خمار عادي من البعيد شافوها طالعه في الطريق تاعنا ووصلت لدارنا وبدات تدقدق بصح واحد ما حلها الباب من بعد بقات تدور على الدار تاعنا كامله كي ما لقت حتى واحد طلعت لدار جدي اللي كانوا يسكنوا فوقنا شويه وقالت لجدهكش ما عندك صداقه جده عطتها خمار مسكينه هذاك واش كان عندها في هذاك الوقت بصح بقى داخلها الشك بقت تخزر في عمتي وتخزر في هذك المراه مع اللي دارت ضرب الريح وطلع خمارها وكانت الصدمه كان راجل اصلع بنت عمتي اللي كانت جايه من السيام هذاك الوقت قالت لنا شفتها بعيني هذه كي نزلت ونحت خمارها وحجابها وكانت راجل يعني راجل نحى خما روحي جابه وركب في الطوموبيل وديمار بالزربه بعد ايام جاو العسكر لعندنا وقالوا لنا بلي هذاك الراجل كان ارهابي بعثوه باش يتجسس على الحي تاعنا خاطر ما قلت لكم عمي كان كوموندون كانوا بزاف العينين محطوطين عليه واحد القصه ثاني جامي ننساها كان واحد الشيخ ماشي بعيد علينا بزاف مسكين كانوا يسموا عمي الزبير كان عنده الطونو تاع الماء في الوقت اللي كنت انا نسكن تما كان مازال ما خدموا ناش لانسطالاسيون تاع الماء كنا نضطروا نشروا الماء يروح بابا كي يهبط القهوه يلقاه تما يقولله عمي الزبير الا ماليش يجيبلنا الماء طونو تاع الماء جيبه لنا يقولله خلاص ماكينش مشكل واحد النص ساعه هكا نكون عندك عمي الزبير هذا كان عنده وليد يسموه رفيق كان يقرا معنا وكان عنده وليد كبير نسيت اسمه راه كان راجل وكان قريب للعرس تاعه ديجا كان قاعد في القهوه مع صحابه من بعد قال لهم على بالكم انا هذا الارهاب ما يخلعونيش حاشاكم قال لهم يقطعوا لي ودني اما من بعد جاو ليه في وسط القهوه قطعوا له ودنيه وزادوا قطعوا له لسانه وخلاوه كان مسكين حاب يحضر العرس تاع وليده الله يرحمه واخر قصه وهذه خليتها الاخر خاطر اثرت في بزاف في عام 1996 ولدت ماما خويا الصغير حمد المازوزي كنا نخافوا عليه بالبزاف فرحنا به واضطرت باش تولدوا في الدار مالغري بابا وصيف عليها بصح مسكينه ماحبتش تروح للسبيطار خاطر ما كانش عندنا طوموبيل وزيد خفنا شغل نطلعوا العمومي ونقول لهم ديونا والحاله ما كانتش مليحه كاع وهكا اضطرت تولدوا في الدار على 4عه تاع الصباح فرحنا به والحمد لله في الصيف اوت 1997 خويا كان عنده عام وشويه النشفه كانت واحد السخانه هذاك النهار نحكيلكمش مع العشيه كي طاحت البروده قالت لي ماما خرجي اخوك يا بنتي يبرد روحه شويه خرجت انا وخ خياتي وخويا البرا عند الدار وحنا المنطقه اللي ساكنين فيها منطقه ما فيهاش البراني فيها غير احنا عمومي عم بابا بنت عم بابا خال بابا وكنا كامل فاميليا نفس اللقب كي خرجت لبرا هاني نلعب مع خياتي وخويا برا ونجروا نلعبوا نضحكوا نشفى هذاك العام ديت سيزيام تاعي حتى نخزر في البلا تاع خال بابا اللي ما كانش بعيده علينا بزاف كان قاعد تما واحد الجان جاب واحد الساعه وهو قاعد تما حتى بدات تظلام ومع المغرب كي شافنا جا لعندنا كان في عمره واحد 23 سنه وكان شباب بزاف شعره صفر لحيته الصفره تشوفوه تقول الماني بصح اللي لفت النظر تاعي انه كان لابس تريكو تاع الصوف كانوا يقولوا لهم في هذاك الوقت تريكوات تاع جاكار نورمالمون هكا اذا مانيش غالطه باسكو ما نعرفهمش يجي هكا منقولش خط غوز خط اسود خط ابيض ولا خط اخضر خط اسود المهم يجيو فيه لي كولور بزاف تخيلوا خوتي في الصيف في هذك السخانه في اوتله بالسري كو هذاك ولابسروال شغل سيرفيت جايه تاع الباش ومه بابي وهذاك السروال كان كامل مقطع من اللور معناه لادوبلور تاعه شغل كان يبان جاي في الابيض وزيد الحاجه اللي لفتت انتباهي ثاني انه كرشه كان تبان منفخه مالغري هو جاي رقيق ويبان سبورتيف من بعد فقت باللي كان مخبي حاجه في هذك الكرش بصح كنت شغل بهلوله ماحطيتش البال راني نخزر فيه وجه عندي وانا شغل قاعده نقول علاش راهو لابس هكا فييها السخان وهو قرب لي وقال لي ما بتعرفيش الطريق اللي دي الجبل انا قلت له هاك الطريق بعدها هضره بالعقل نخاف سكر وبعد مع اللي هضرها هو خزرت نشوف جارتنا اللي هي بنت عم جداتي وديرلي بيدها شغل كذا تاع هربي هربي انا كلبهلوله ما فهمتش وكان من قبل هذاك بيوم صرا ديجا كروشاج كبير بين العسكر واللي ما يتسماش وقالوا باللي قتلوهم كامل في الطريق تاع الثنيه وقالوا باللي سلك لهم واحد مازال مالقاوهش واللي هو هذا اللي راني نهضر عليه وانا ما كنتش على بالي بلي نهضر معاه من بعد راح اخزر منه من مالقاش حل واحد اخر وراح يمشي الطرف الطرف ويخزر موراه بعدها بساعه الكاميوه تاع العسكر سمعناهم يطلعوا وسمعنا اطلاق النار تشوفوا غير الدخان في السماء الرصاص واحد المنظر من بعد شويه قالوا باللي قتلوا هذاك الارهابي ما نكذبش عليكم غاضني هذاك الجون بكيت عليه لانه وجهه شغل شغل يبان طيب وبارئ بالرغم من انه منهم بصح انا حسيته انه كان مرغم باش يكون هكاك ولا مخدوع ولا ما على باليش قلت لكم احساسي في سنه 2011 خال بابا هذا اللي كنت نحكي لكم وين في ارضه كان قاعد هذاك الارهابي هو كان ميت ربي يرحمه صافي لونطو يعني ولاد قرروا يقسموا التراب تاعهم واحد من ولاد كان التراب تاعه على طرف لوطوروت تخيلوا يا خوتي مع اللي كان يضمي في الطريق ويواسي باش يبني يعني داره لقا كازما على قيس التراب تاعهم تخيلوا كازما تما قدام دارنا يا ربي بعيده علينا 80 متره وحنا ما على بالناش كي جاو لي جوندارالمون لابوليس وشافوها قالوا لنا بلاك ت عهد فرنسا بصح قلنا لهم لا لا هذه تاع ارهاب تخيلوا عن دارنا وحنا ما على بالناش واخر قصه اللي نختم بها معكم ما على باليش بالك راح تضحكم بصح انا ضحكتني بزاف في 2013 كنت متزوجه حصره وعندي ثلاث دراري نشفه ماما كان دايق خاطرها في العطله تاع ديسمبر رحت ليها قلت لها ماما هايا تروحي تحوسي معنا رحت انا وراجلي ديتها هي واختي وولادي وطلعنا الجبل تاع 14 بالضبط فيواحد البلاصه عيطوا لها الكحله وين تخلاص الدنيا ما قالت لي ماما كي شافتها قالت لي يا بنتي وين هذه هنا وين تخلص الدنيا المهم قاعدين في البرد والحال مسحب نشفه حطينا لاتاي حطينا واش ناكل ودينا دي سوندويتش ورانا قاعدين وباش يكون فعل علمكم انا اخت متجلب ودايره النقاب والزوج تاعي ملتحي والحمد لله كنا بزاف مدينين حنا رانا قاعدين وشوفوا واحد الشيخ يرعب النعاج تاعه رايح مولي قدامنا يخزر غير في ويخزر في راجلي واختي تقول لي يا در رحمه واقيلا عجبتيه غير يخزر وبدات تضحك بصح احنا ما فهمناش علاش من بعد جا لعدنا وقالنا السلام عليكم رجع له الزوج تاعي قالله عليكم السلام قاللهش ما تسحق الحاج قالوا لا انتما شكون قاله عادي جينا حواسين هنا برك الغدوه من ذاك والله ما نزيد عليكم في نفس البلاصه اللي كنا فيها قالوا قتله ارهابي هذاك الشيخ اللي كان يدور علينا شك فينا باللي احنا منهم اختي بدات تضحك قالت لي على بالك رحم هذاك الشيخ اللي عجبته فينالمون السور كان داير في باله باللي انت وراجلك ارهابي وانت مراما من هذاك النهار حلفت لي والله يا بنتي والله ما نزيد نطلع معك للجبل وين تكونيكونوا المشاكل وهذو هما القصص تاعي تقول هذ المتابعه نحبك بزاف احبك في الله ونتمنى نسمع القصه تاعي في اقرب وقت وبنتي الصغيره هاله دائما تقول لي امي راهي دارت لبنى قصه الله يبارك ربي يحفظها لك وشكرا على حسن المتابعه يقول هذا المتابع ثاني الحمد لله والصلاه والسلام على سيدنا محمد شكرا لك على القصص اللي تنشريها انا منير من ولايه الشرقيه بالضبط من ولايهجيجل في يوم من الايام وبالضبط يوم الجمعه 20 ماي 1994 كان عيد الاضحى وكان نهار سخون بزاف بعد صلاه العيد والجمعه وتاديه مناسك العيد خرجت مع صديق لي نجوله مع الطريق بعدها قعدنا تحت ظل الشجره بجانب الطريق ونشيخه فجاه نطق صديقي قاللي ما تولتش باللي الطريق فارغه خلاص وما كان حتى طوموبيل في الطريق وفي هذه الحاله بدينا نسكسوا رواحنا واش صرى بالك بسبه العيد لا مستحيل وبقينا هكاك وحنا حايرين وحنا هكاك على هذاك الحال فجاه شفنا طوموبيل من نوع باش جات طايره ك البرق كي وصل لينا شاف فينا وكان مشوكي وماحبسش وكمل يمشي وحنا كنا نعرفوا هذاك الشخص من بلديه اخرى وهو في الجيش وكان لقى فوبراج في الطريق وهرب من الارهابيين طاير ك البرق والحمد لله سلق من بصح القصه ما خلاصتش هنا الارهاب داروا فيراج وحكموا الناس كامل اللي كانوا يمشوا على هذك الطريق لقا واحد السيد رافد سلاح رفدوه به بالسلاح خرجوه منطوموبيل وربطوه وغلقواه فمه بكتانه وحطوه على الطريق وذبحوه قدام الناس اللي كانوا حابسين تم وفي نهار العيد واللي كان بالجمعه من بعد خلاوه معطوموبيل تاعه وين كان رافد حتى الجزره تاع العيد وراحوا القصه الثانيه صرات عام 1996 في شهر رمضان بعد ما فطرت خرجت مع صحابي كالعاده هان نمشيو في الطريق للقهوه حتى سمعنا رصاص وعياط تاع النسا وشفاو على هذا الرصاص والعياض في واحد البلديه قريبه لينا واحد 3ه كيلو بقينا نمشيو حتى للقهوه كي وصلنا بعد ساعه هجمت علينا مجموعه ارهابيه فيها 10 رجال من الاثمين دخلوا القهوه وبداو يقولوا لكل واحد عنده شمه والدخان اطينا دراهم من بعد راحوا شغل غرامه صباح من ذاك وقعت الكارثه الكبرى فطلنا على طوموبيلات تاع الاسعاف الرايحه البلديه هذيك اللي قريبه لينا وصلتنا الاخبار باللي المجموعه الارهابيه اللي البارح جمتنا في القهوه قتلت ست نساء تاع رجال مسلحين بعد اذان المغرب مباشره ومن بين هذوك النساء كانت بنت عمي وبقاوا في وسط ولادهم غارقين في دمهم حتى للصباح وبعد هذا راحوا المسلحين اللي تقتلت زوجاتهم تحت تاثير الغضب لمراه واحد الارهابي وقتلوها وقتله بنته الصغيره بعدها زادوا راحوا لدار ارهابي واحد اخر وقتله يماه ولو كان ما تدخلش الجيش الوطني الشعبي وبعض الناس العقلاء كانت راح توقع الكارثه والحمد لله سلكوهم مجزره كبيره للاسف كانوا الارهابيين يحسبوا رواحهم غير هما اللي قادرين يقتلوا ويديروا ويديروا بزاف ناس تقتلت عائلاتهم من ارهابيين يعرفوهم ويعرفوا حتى ديارهم وكانوا قادرين ينتقموا بصح هذا ماهوش الحل وكانوا على بالهم باللي رانا في دوله عندها امن وعندها جيش وعندها قضاء وهو اللي قادر يتخذ الاجراءات اللازمه وهذه هي الفتنه والعياذ بالله نقولوا ربي يرحم كل ضحايا العشريه السوداء ويحفظ بلادنا القصه الثالثه صرات في شهر رمضان ثاني من عام 1995 كانت مجموعه ارهابيه دايره فيراج على الطريق اللي يربط بين البلديه والدايره يوميا وكان الجيش ما كانش واحد النهار داروا فيراج كالعاده من الصباح حتى العشيه وكانوا مجموعه من المسلحين راحوا الصباح للولايه في طوموبيل الطاكسي سيرفيس وبعد ما رجعوا داروا لهم الارهابيين كامين وطاحوا عليهم برصاص مات فيها واحد من الباطريوت وتقاس وليد عمي وتجرح وهو اللي كان يسوق في طوموبيل سيرفيس وقدروا يهربوا رغم الاصابات شحال من كيلتر بصح ماقدرش يكمل الطريق خاطر كان مجروح بدلوا الطوموبيل وخلاو صاحبهم مقتول داخلها وهربوا بصح الارهابيين رفدوا الطوموبيل تاع واحد المواطن وانطلقوا موراهم ووصلوا لقاو طوموبيل حابسه بجنب الطريق وواحد المسلحين في داخلها ميت زادوا قطعواه راسه وداوه معهم وفي النهار اللي بعده جاوا المسلحين اللي سلكوا من الكامين ومهم الجيش من القوات الخاصه وداروا براج في البلاصه اللي داروا فيها الارهابيين كاملين وحكموا واحد الشاب كان خبر الارهابيين على تحرك المسلحين وبيعهم وكان هذاك الشاب يخدم في التعليم وزوج رجال كبار فوق 70 وواحد السيد عمره 55 سنه كانوا هذو كامل ولادهم ارهابيين وامراء تاع ارهاب المهم المسلحين داوهم بلاصه قدام الناس واحد العسكري قال لهم اهربوا راهم رايحين يعدموكم هرب هذاك الكاهل اللي عمره 55 سنه والشاب واحد الشيخ وديروا المسلحين عليهم رصاص واحد الشيخ مات في البلاص وهذاك الشاب واللي عمره 55 سنه قدروا يهربوا والشيخ ثاني والمعلم ما تحركوش وسلكوا من الموت ومازال هذاك المعلم لليوم حي الشيخ كان ابن امير الجماعات الارهابيه مات بعد ما مرض مرض عضال يعني مات مت عاديه واللي سلكوه تقتلوه في الجب جبل الشاب قتلوه صحابه الارهابيين وقطعوا له راسه وهذاك اللي عمره 55 تقتل في عمليه تمشيط على الجيش وكما تدن تدان وكل ساق سيسقى بما سقى والظالم بما ظلم والشامت بما شامت والمسيء بما اساء به لا تحزن ان ربك اعدل العادلين ولا يظلم ربك احدا يقول تحياتي لك الاخت والى كل شريف في هذا الوطن تقول هذ المتابعه سلام اختي انا من مواليد 1996 مالحقتش بسنين الجمر ولا تقدروا تقولوا كنت بيبي بهذاك وين زدت انا من براقي وتحكي لي ماما وخالتي انه كانوا عايشين الرعب والخوف كانوا يرقدوا بالداله واحد يرقد واحد ينوط والرجال كانوا يعسوا برا مساكن بصح الحمد لله الحي اللي كنا ساكنين فيه واحد ما قتلوه منهم كانوا الجيران كامل يد وحده وما كانوش معهم الخونه واحد يعس على واحد وكان عندهم الرعب من كلمه زدموا تحكي لي ماما على وحده فاميلتنا تسكن في بن طلحه مسكينه كانت قاعده عند بنتها متزوجه في براقي هي وبناتها عازبات وعندي خالتي خياطه جاو عندنا للدار تقول عليهم كانوا يودعوا جاو شربوا قهيوه وقعدوا قصروا وكي جاو رايحين مدت المراه قماش لخالتي قالت لها خيطي لي طابليات للبنات ونهار اثنين نجي نديهم مسكينه من هذاك النهار قاللك خرجت هضره هذاك الوقت رايحين الجماعات يصدموا على براقي الناس تفرقت وفي بن طلحه قروهم ان مساكن وكانوا يروحوا عندهم متنكرين بحوايج الخدامين زعما تاع التريسيتي والجازان راحوا عندهم شغل الخدامين تاع البلديه زعما يديروا الاحصائيات وهما اللي ما يتسماش كانوا متنكرين ويعلموا في الديار وكاين بيوت داروا فيهم علامه اكس ما نعرف واش قصدوا بها قاللك طاحوا عليهم هذيك العشيه قالت لي ماما كنت في القماطه نوضي تبكي وتعيطي تقول حسيتي بهم هذيك البكيه قالت لي ما نسيتهاش كش شغل جا واحد وقرصك حتى ولاو يسمعوا في العياط من براقي سمعوا ناس بن طلحه يبكوا كي كانوا يذبحوا فيهم سكن ويسمعوا في الزغاريت تاع الكلاب اللي ما يتسماوش قت له ناس بنطلحه كامل غير اللي ربي يطول في عمره هذيك فاميلتي اللي جات خي في الطابليات كانت دات بناتها وولادها وهربت عن جيرانها مسكينه دارها مادخلوش ليها وراحوا عند جيرانها قتلوهم كامل وداو لها زوج بنات لليوم مالقاوهمش سلك غير وليدها حشاكم دخل في السيكو تخب تم على الفيران وكان يشوف واش صرى ويماه ماحبتش تخليهم يدوا بناتها ضربوها بالشاقور في راسها الله يرحمهم ان شاء الله ويغفر لهم كانوا يخيروا في البنات ويقولوا لهم الامير تاعهم اللي ماشي شابه اذبحوها والشابه حطوها في الكاميون طاحت مصيبه على ناس براقي قالت لي السما هذاك النهار لونها مغيم وكائب الناس يبكوا الرجال ويبكوا ولا غير راني انا درك نبكي ربي يرحمهم ان شاء الله عندي خالي من بكري مدين كي جا حزب الفيس ولا يتبعهم بزاف واحد العام داروا مظاهرات هو خرج معهم ويقول طاغوت طاغوت عليها نحيه عليها نموت حكموه العسكر دخلوه للحبس جداتي قالت لي مزيان يرفضوه لو كان طلع الجبل مع اللي هوانيه يستغلوه ويدير له غاسيمخ كاين واحد القريه في براقي وسمها المرجه كانت سخونه وتغلي كاين الامير تاعهم وسوكسيكس بكري كان سراق وكي جاو الارهاب ولا ارهابي كان داير لهم الرعب كان كل يوم يقتل وكان يهدد واحد الخياطه شابه شابه وماشي متحجبه يقول لها اطيني 50 مليون ماحبش تمدله واحد النهار راح لدارها فتحت له الباب وحده بالخيمر اللي فتحت له وبلا ماكياج بانت له عجوزه قال لها وين راهي الخياطه قالت له ماكاشها قال لها كي تجي قولي لها باللي حوست عليها وهي اللي فتحت له الباب كانت بلا ماكياج مااررفهاش وهضرت معه وماعرفهاش لتما هربت واحد النهار ماما وخالتي كانوا جايين من براقي للمرجه خاطر عندنا دار في المرجه كانوا يمشوا حتى خرجوا في الارهاب يمشوا معهم قالت لي ماما فايحين ومدودين وعينيهم كحلين ولحيتهم طويله ورافدين الشواقر والمواس ماما وخالتي خافوا وهذوك الارهاب راحوا ماهضروش معهم كي دخلوا للدار حكاو لخالي واش صرى قاللك سبهم ما خلالهمش دار فيهم حاله قال لهم واش جابكم علاش خرجتوا والله غير عاشوا سنين تاع الرعب ربي يرحم اللي ماتوا ان شاء الله يقول هذا المتابع ان شاء الله تكوني مليحه جيت نحكي لك حكايه باباه في العشريه السوداء وكيفاش لافامي تاعه سلكوا الموت بشعره راح نحكيها بصيغه النبابه اللي راهو يحكي انا رجل جزائري واسمي ربيع من ولايه بومرداس بالضبط من منطقه جبليه من عائله مجاهده كان عندي هذاك الوقت الام والاب ربي يرحمهم وثلاثه خياتي بنات واربعه خوتي رجال ماراحش نقول المكان حفاظا على خصوصيه ناسو في سنه 1988 هبطت نخدم الصحراء كنت نخدم المشاريع وبعدها تلاقيت بنت من الجنوب حبيت وتزوجتها في 89 بعدها جاني عمل في ليبيا وديت مرتي ورحت لتم كنت نسول على عائلتي غير بالرسائل من الجزائريين اللي في ليبيا كيكونوا رايحينجزائر نبعث معهم مرسول وخطرات حتى هما كانوا يبعثوا لي مرسولي في سنه 1992 جاني اول مولود اذكر سميته عبد الله على اسم بابا وكنت نسمع انه الوضع الامني في الجزائر ماراهوش يعجب بصح انا اصلا كنت ما نقدرش نخلي خدمتي في ليبيا ونسافر للجزائر حتى مرتي مسكينه كانت تبكي على فراق اهلها وشحال كانت توحشهم وطول هذ المده كان سوايع يجيني مرسول من اهلي باللي الاوضاع في منطقتنا راهي سخونه ومعظم الشباب تاع قريتنا طلعوا للجبل من بينهم خويا سمير ان عميه خويا سمير الابن الشاب الملتزم والقدوه رجع ارهابي هذه كانت في سنه 95 انا هنا ماقدرتش نحكم روحي وقررت نسافر وحدي للجزائر مرتي كي قلت لها حسبت لها راح نديها معايا هي وليدي عبد الله حتى قلت لها نروح وحدي وهبلت بالبكا وقالت لي انت مهبول واقيل كيفاش رايح للموت وحدك عيات تحلل فيا بصح ما قبلتش وصيت عليها صحابي واللي نعرفهم وتوكلت على الله كنت انا عايش في بنغازي هذه جايه في الشرق تاع ليبيا سافرت من بنغازي حتى لعاصمه طرابلس من بعد من تما دخلت لتونس ومن تونس دخلت العنابه كي وصلت العنابه حسيت راني في الجنه ايه يا ما احلاها تربت بلادي ونسمت بلادي من بعد حكم طاكسي للجزائر العاصمه وم العاصمه هبطومرداس كي وصلت لتم تعجبت حسيت كلش تبدل من بومرداس لقريتي مسافه تاع واحد النص ساعه بطوموبيل المهم كي وصلت لقريتي ومصل وصلت كانت الصدمه لقيت العسكر والشرطه والحمايه المدنيه في كل بلاصه وينقلوا في الجثه كي شافوني خلعوا باسكو كنت نبان باللي براني رحت نجري لدارنا وما فاهم والو حتى حكمني واحد البوليسي قال واو وراك داخل هذا را مسرح جريمه قلت له نعم كيفاش مسرح جريمه هذه عائلتي راي تسكن هنا وطحت وديت نبكي حسبتلي دارنا ماتوا قاللي نو خويا ما تخافش الدار هذه ما كان فيها حتى واحد بصح اللي ما يتسماوش هبطوه في الليل وقتله كامل اللي في القريه وقلت له انا دك وين نلقى عائلتي ما عرفت نفرح كي اهلي ماشي مقتولين ما عرفت نزعف كي ما على باليش وين راهم المهم خرجت من القريه وقعدت نخمم وين يقدروا يروحوا كانت عندي عمتي تسكن في المدينه قلت باين يكونوا عندها بصح ما كنتش نعرف دارها وين كنت نعرف غير الجهه اللي تسكن فيها ولاقب راجلها رحت لتم وضربت شحال وانا نحوس باش لقيت دارها كي دخلت عليها بدات تبكي وتقول لي يا ريحه خويا يا ريحه خويا جيت قعدتني وضيفتني وحكيت لها كاع واش صرى وقلت لها راني نحوس عليهم حسبتهم راهم عندك قالت لي خوك سمير كي طلع للجبل كان يجيب لهم الخبار وكيعرف باللي راح يصدموا عليكم جا وقاللهم باباك هز يمك وخاوتك كامل وراحوا لدار عمك السعيد هذا عمي سعيد يسكن في العاصمه كنت راح نوض باش نروح العاصمه نشوفهم حلفتلي والله ما تروح وتبات عندي الليله هذيك الليله كانت اصعب ليله نخمم في دارنا وين راهم كيفاش راهم ولا نخمم في مرتي ووليدي اللي خليتهم في ليبيا ولا نخمم في خويا سمير اللي رجع مع اللي ما يتسماوش الغدوه نضت شكرت عمتي بزاف اللي قامت بيا ورحت للعاصمه لدار عمي ولقيت دارنا يما كي شافتني طاحت خلاص داخت مسكينه كانت متوحشتني بزاف وبابا اول مره شوفه يبكي وكامل يبكوا يعنقوا ويقولوا لي توحشناك توحشناك جوزت معهم ايامات وكان لازم نرجع لليبيا لمرتي ووليدي يما قالت لي اقعد هنا ونزوجك بوحده بتهنا قلت لها يما هبلتي انا ما نخليش مرتي ووليدي ورجعت لليبيا وخليت كبده يما محروقه لكن الله غالب دوك تسكسوا انا اللي راني نكتب شكون انا بنته اللي زدت في ال 2000 وسمني ريم والعام اللي زدت فيه بابا كان لايم دراهم ورجعنا للجزائر رجع مقاول ناجح وعلى اهل بابا جدي وجداتي توفاو وعمي سامر الارهابيفاو عليه بعد المصالحه الوطنيه هبط وتزوج وعاش نورمال كي شغل ما كانش منهم وبابا متعادي معه اليومنا هذا قالنا انا اللي كنت سبب في قتل ارواح الابرياء ما راهو خويا ما نستعرف به حبيت نزيد ملاحظه تقول الناس اللي ممكن يقولوا عمك سمير ناس ملاح يا اخي هو اللي جا لاهله قاللهم يهربوا ايه هو صح نقض عائلته لكنه كان مشارك في الجريمه البشعه والمجزره اللي صرات في قريتنا نزيد لكم هذه القصه في يوم 13 جويليا 1999 هذو عوام طويله فاتوا على استشهاده الامن والامان ما جاوش هكاك ولا بالساهل ما راهم يحسبوا واحد الناس الثمن كان غالي بزاف وهو دم الرجال اللي ديسيداو باش يفديو وال الجزائر بدمهم وقدروا باش ينقذوها من الدمار والخراب والتقسيم اللي كانت تقوده جماعه متطرفه تخدم في مشاريع امريكيه وفرنسيه كي نبداو نكتبوا على رجال الجيش الوطني الشعبي احنا رانا نتكلموا على الافراد اشاوس اللي خيرتهم المؤسسه العسكريه على قوانين وضوابط باش تصفي وتخرج الرجال البواسل اللي يستاهلوا شرف الخدمه في هذه المؤسسه العريقه سليل جيش التحرير الوطني اللي رفد على كتافه مسؤوليه حمايه الجزائر ارض وشعب اليوم راح نحكي لكم على واحد من ابطال الجزائر وبضبط من منطقه ولاد فارس في ولايه الشلف هذ الولايه اللي عانت بزاف من اللي ما يتسماوش والغدر تاع المجرمين وفي هذه الولايه يرقد القمر تاعنا الشهيد للابد البطل مقروس عبد القادر عبد القادر كان اصغر واحد يلتحق بمديريه الامن والاستعلام الديارس ما كانوا يسموها من قبل وهذه المؤسسه اللي كانت تخدم في صمت ودفعت تضحيات كبيره باش تحافظ على وحده الوطن. زاد الشهيد في عام 1969 في بلديه ولاد فارس ولايه الشلف وكان يسكن في حي كبير قرا في مدرسه زروق محمد ومتوسطه طاهر هني وثانويه محمدي بوزينه وهنا خلص قرايته كي لحق للبكالوريا بعدها قرر يحبس القرايه سنه 1988 ويدخل للجيش الوطني الشعبي بالضبط للقوات الخاصه بلا ما يخبر والديه خاطر قال لهم راني رايح راح نخدم في الصحراء وكي دخل اختاروه مع 200 مجند واحد اخرين كابرز العناصر خاطر كانوا ناس متفطنين وشجعان ويعرفوا كيفاش يتعاملوا بشجاعه مع اي موقف ومع اي ظرف يوقعوا فيه بعدها دخل الامن العسكري والجهاز تاع المخابرات من عام 1990 اللي تحول اسمها للديارس واللي تعني مصلحه الاستعلام والامن بعد ما كمل التربصات العسكريه دخل الفرقه تابعه للديار اسغفونسيون سبيسيال الجي اي اس في هذه الفرقه تدرب على نمط عفوا القوات الخاصه الجزائريه من قوات واحده اخرى كما قياده العمليات الخاصه الفرنسيه وسبيتسناز الروسيه والامريكيه والكوريه والثاني تدرب على امور متخصصه كما التدخل التكتيكي من مجموعه تدخل الدرك الوطني والرايد وفرقه الاسلحه والتكتيكات الخاصه مجموعه الفا سبيتسناز وتفكيك وزرع القنابل بكل انواعها وحمايه الشخصيات الكبيره هذا التكوين الكبير وحرص عبد القادر على انه يكون متميز في خدمته خلاه يكون من امهر الحريقين ومفككي القنابل وزاد دار تكون عالي في المريكان في يوم 13 جويلي 1999 خلص خدمته اللي كانت على تامين فندق بيزيرالدا اللي كان فيه وفد اجنبي وقتها سينيا على كونجي باش يروح لدارهم ويشوف لافامي والاحباب بصح ربي كان كاتب له حاجه اخرى قبل ما يمشي جا خبر على الراديو ديوب اللي كاينه بومبا في منطقه بن خليل تابعه لولايه البليده وهنا قرر يستقبل البرقيه ويتولى المهمه رغم انه كاين حراقين واحده اخرين في بلاصه تاع البومبا بصح هو اصر على مهمه التفكيك خاطر كانت عنده خبره كبيره وكي وصل للبلاصه لقى بلي البومبا فيها تفجير ثنائي واللي طرتقت فيه وطاح شهيد هو وصاحبه واحد اخر في 13 جويليا قريته في ولاد فارس بولايه الشلف ودعوه ودع الابطال بالزغاري تاع النسا وتكبير الرجال وصحابه شاهدوا له باللي كان مثال في البطوله والرجوله وثاني من سكان العاصمه والبلايس القريبه لها اللي سفقواه شحال من مره وهو يخدم ويفك في القنابل من احياء شعبيه واسواق معمره بالناس وانقذ رواحهم هذا هو صقر الامن والاستعلام وابطال ديارس بزاف نتمناو من صحابهم واللي عاشوا وقتهم يبعثوا لنا قصصهم ويلا نزيد لكم هذه القصه باش ما ننساوش الذكرى طوموبيل اللي كانت فيها 11 معلمه راحوا ضحيه عمل ارهابي واجرامي يوم 27 سبتمبر 1997 الشوفرور سبا عبد القادر يحكي تفاصيل تاع اختيال 11 معلمه في عين ادن عام 1997 الجريمه اللي دارها الارهابي المدعوذي بالجيعان وهو ابن مدينه عين ادن في سيدي بعباس ارتكبوا المجرمين هذه العمليه في 10 دقائق ومعلم حب يهرب بصح قاسوه برصاصه في راسه ولحقوه للغابه وذبحوه هذه الجريمه صرات في عين ادن دائره سفيزف في ولاد سيدي بعباس الذيب الجيعان ذبح ولاد قريته اللي كانوا يعلموا ويقروا في ولادها ويخرجوهم من الجهل في هذاك اليوم المشؤوم 27 سبتمبر خبر طاح زلزل الدنيا وهز قلوب الجزائريين والعالم كامل جريمه ارتكبوها ارهابيين يقدهم الدموي الخطير الذي ذب الجيعان واللي تحكم من بعد واصطر في حقه شحال من حكم اعدام ومؤبد رغم انه سلم روحه في سنه 2006 زعما باش يستفيد من قانون المصالحه للعجب بصح قبل شهرين برك في فيفري 2024 سطر في حقه شحال من حكم اعدام مؤبد وهذا الارهابي اعترف باللي ارتكب هذه الجريمه باش يزرع الرعب في قلوب النساء باش ما يزيدوش يروحوا يخدموا ولا يخرجوا من الدار وقال في المحاكمه تاعه وحب يكذب باللي كان ينشط او ينشط في كتيبه يسموها الثبات وكان الامير تاعه يسموه الحارثه وبلي في هذاك النهار الامير تاعهم قال لهم ديروا فوباراج باش يسركوا ليسونس من الطوموبيلات باش يمشي الطوموبيل تاعهم اللي كانت من نوع 404 واللي كانوا يمشوا بها ويتحركوا بها بصح يقول بلي هما تفاجوا باللي الامير تاعهم قال لهم اقتلوا المعلمات اللي كانوا في الطوموبيل من نوع كارزان ويقول هو طلب من صاحبه باللي ما يفرغش ليسونس على طوموبيل اللي كانوا فيها نساء المعلمات خاطر كان يعرف الشوفور اللي سوق فيها ويعرف حالته باللي انسان فقير وكذا وكذا من بعد قال باللي هز البيدون تاع ليسونس وراح بعيد على البلاصه تاع المجزره باش يحرص وبلي ماشاف والو وكيفاش ذبحوا المعلمات صح الشوفور اللي كان شاهد واللي كان يسوق في طوموبيل كارزان قال تصريح واحد اخر يقول الشوفور اللي كان شاهد وهو السبع عبد القادر 21 سنه باللي عنده كار صغيره من نوع في فوركونات واللي كانوا راكمين فيها المعلمات ورايحين من عين ادن لسفيزف باش يقريو يقول عبد القادر بلي الطوموبيل هذه شراها عام 1996 بدراهمه خاطر هو كان يخدم ماسو وبدا يهز فيها الركاب من عين ادن يوميا يروح يهز حوالي 35 معلم معلمه يديهم الصباح ويرجعهم العشيه كانت الامور عاديه وما كانت حتى حاجه تبين باللي رايحه تسرى هذ الكارثه والجريمه يقول ما كنتش على بالي شش راهي مخبيت لي الاقدار في هذاك اليوم الحزين اللي اثر بزاف على حياتي وقريب فقد ذاكرتي ولت مهبول لو كان ربي ماطفش بيا في يوم السبت 27 سبتمبر الشمس طالعه والحاله صاحيه قلعت بالكار تاعي الصغيره على الثلاثه تاع العشيه ورايح من عين اذان لزفيزف ورافد معايا ست معلمات ومعلم واحد كانوا مروحين لديارهم خاطر خرجوا من الخدمه بصح احنا وصلنا للطلعه البعيده اللي طل على عين ادن وبقىنا سبعه كيلو في بلاصه جايه بين زوج غابات وحنا تفاجانا باللي كاين فوبراج دايرته جماعه ارهابيه كانوا اربعه طوموبيل ولاد كلونديستان حابسين وحده منهم رافده خمس معلمات والباقي ناس واحد اخرين فجاه جا يجري ارهابي اللي كان مصوب سلاحه المحشوشه في وجهي وقال لي حبس وزير من بعد قال لي اهبط وروح وقف لهيه كانوا 10 ناس واحد اخرين واقفين بعدها بالزربه هبطوا المعلمات الخمسه من طوموبيل كلونديستان وداروهم مع صحاباتهم اللي في الكار الصغيره وهما 11 معلمه معلم واحد بعدها نحاوول لهم الذهب تاعهم في الاول قالوا نحرقوهم بليسونس بصح نسا هذوك بداو يعيطوا مساكن وكاين اللي في عمرها ما فاتش 24 سنه بعدها قالوا لا ما نحرقوهمش لازم نذبحوهم وهذا الشي كامل والمعلمات مساكن يعيطوا وفي هذا الوقت المعلم صابر حبيب سوطم طوموبيل وجرى وهرب جهه الغابه بالك يسلك بصح رصاصه يراها الارهابي الذب الجيعان قاسته في راسه من اللور بعدها لحقوه وذبحوه مسكين بعدها المجرمين بداو ينفذوا في الجريمه تاعهم ضد المعلمات اللي كانوا يعيطوا ويحاولوا فيهم باش يرحموهم بصح لا رحمه لا شفقه هبطوا المعلمات مساكن وذبحوهم كنعاج على الطريق وحده مر الاخرى وكان الذب الجيعان يعيط ويقول لهم يا اخي قلت لكم ما تقروش كان مشهد مخيف جسم الانسان يهتز منه هذه العمليه خلات هذيك البلاصه كامل تتحول لكلته تاع دم وعمليه ما فاتتش 10 دقائق ذيب الجيعان وجماعته اللي كانوا في خمسه وقدر الشوفور يتعرف على اربعه منهم خاطر كانوا للاسف ولاد هذيك البلاصه كان الذب الجيعان هو اللي مد الاوامر وقبل ما يطلقونا انا وطوموبيلات الربعه واش فيها من الركاب قالوا لنا ردوا بالكم تبلغوا وقالوا لنا ما تصودوش في الانتخابات يقولوا الشوفور بعدها رحت جهه زفيزف وانا منهار بدنيا نفسيا ذهنيا قريبه هبلت على واش شفت اول مره في حياتي قلت في نفسي واش هذا اللي عشته صح ولا حلم كنت نسوق في الكار تاعي بسرعه وفي حاله وقريب قلبت ت روحي حتى وصلت للدائره تاع زفيزف وبلغت شاف دايره في هذاك الوقت على الجريمه واللي ناض يجري وراح بلغ الامن والدرك الوطني والجيش على الجريمه وعلى البلاصه بعدها راحوا البلاصه وداروا التحقيق ورفدوا الضحايا مساكسبيطار وخيروا يروحوا على الطريق تاع عين ادن وبوجبهه البرج وسيدي حمدوش وما يروحوش على الطريق اللي تدي لزفيزف بالعباس كانت الدنيا مسركله بالامن باش هزوهم قعدوا وقت طويل بزاف والحال تقلب وبدات المطر تصب جريمه المعلمات اللي هزت الجزائر كامل والعالم دفنوهم بعدها في مقبره سيدي يحيى واليوم وكل يوم تاع 27 سبتمبر تتفكر بالعباس والجزائر كامل هذه الجريمه الشاهده على المحنه اللي فاتت عليها بلادنا بارطاجيو القصه مع اصدقائكم وديروا جيم في لافيديو للمزيد من القصص ابونيو في القناه واكتيفيو جرس الاشعارات باش كل ما نحط قصه ما ترطيوهاش مع السلامه نلتقي في قصه جديده