موارد المياه الجزء الأول خامسة ابتدائى

السلام عليكم ورحمه الله حبايب قلبي ابطال خمسه ابتدائي في كل مكان في مصر عاملين ايه؟ يا رب تكونوا بخير طب يا حبايب قلبي النهارده هناخد درس جديد واللي هو الدرس الثاني من الوحده الاخيره موارد المياه بص يا عم قبل اي حاجه لازم تبقى فاهم ان الميه هي سر الحياه وانت اكيد سمحت الجمله دي قبل كده كتير يعني ايه الميه هي سر الحياه يعني ببساطه يا حبايب قلبي طول ما في ميه في حياه لو ما فيش ش ميه مافيش حياه خالص على سطح الارض قصدك يا مستر بالكلام ده قصدي يا حبيبي لما ما يبقاش في ميه خالص على سطح الارض مش هيبقى في نباتات ولا حيوانات ولا بشر ولا اي كائنات حيه خالص على سطح الارض يبقى اذا اللي مخلي سطح الارض عليها كائنات حيه لحد دلوقتي هي الميه هي الايه؟ هي الميه طيب هو احنا يا عم عندنا في مصر في ميه؟ ايوه يا مستر في ميه بس استنى انت بتتكلم على الميه العازبه ولا على الميه المالحه؟ عندنا في مصر يا حبيب قلبي في الميه العازبه وفي الميه المالحه فتعال النهارده نبدا كده في الدرس بتاعنا بسم الله الرحمن الرحيم ونشوف الدرس بيقول ايه كلمه ونفسرها يلا بينا كل مطلوب منك دلوقتي انك تركز معايا لما فتحنا اول صفحه حبايب قلبي لقيناها هنا بيقول لنا ايه الماء هو سر الحياه زي ما قلت لك من شويه بالظبط حبيب قلبي ان الميه اهم حاجه في الدنيا واللي بسببها احنا عايشين اهو هنا بقول له بما تفسر يعني ليه يا مستر انت قلت لي ان الماء هو سر الحياه قال لي فبدونه يعني بدون الميه لا يمكن العيش للانسان او الحيوان او النبات من غير الميه مش هيبقى فيه انسان ولا نبات ولا حيوان سامع بقى اللي بيقول لي يا مستر هنعمل ايه بالميه ما احنا ممكن نستخدمها او نستبدلها بالكولا حلوه برده ونشربها عادي ده كلام ده كلام يا عم ركز يا عم معايا يا عم هنا بقى بيقول لي ايه وتتنوع موارد المياه في مصر قلت له يعني ايه؟ قال لي يعني احنا عندنا في مصر يا مستر مش نوع واحد من الميه لا عندنا نوعين مياه عازبه ومياه مالحه الميه العازبه ليها اهميتها الميه المالحه ليها برده اهميتها واحد يقول لي ايه المياه العازبه والمالحه دي المياه العازبه يا عم اللي هي صالحه للشرب او صالحه للاستخدام البشر المياه المالحه مش صالحه للشرب لكن ليها اهميه ثانيه طيب يبقى احنا كده في بدايه الدرس بناخد كلام بسيط جدا يا اد وهو انواع المياه في مصر يلا انواع المياه في مصر ايه نوعين ايه هما المياه العزبه والمياه الملحقه فين يا مستر قدامي مصر اهي فين الميه اللي انت بتقول عليها بص كده يا عم هتلاقي في ميه في مصر فين بقى عندك مثلا البحر المتوسط ده في ميه ولا لا فيه وكمان البحر الاحمر طب دي ميه ايه ملحه برافو عندك كمان نهر النيل ده في ميه ولا ما فيهوش في طب دي ميه مالحه ولا عزبه لا دي بقى ميه يا عزبه طيب تعال بقى نسيبنا من الحاجات السهله البسيطه دي وندخل في الدرس شويه تعالى بقى يا حبيب قلبي ناخد نوع من انواع الميه اللي هو العازبه والملحه تعال نبدا بالميه العازبه نعرف عنها كل حاجه الميه العازبه دي يا مستر اللي هي ايه قلت لك اللي هي الميه الصالحه ان البشر يستخدموها صالحه للشرب صالحه للاستخدام حلو قوي دي الميه الايه العازبه طيب فين بقى الميه العازبه عندي في مصر هترد عليا انت دلوقتي وتقول لي نهر النيل طبعا برافو نهر النيل بس في حاجات ثانيه برده اللي هي ايه؟ استنى يا عم موارد المياه العزبه عندي في مصر بص كده رقم واحد نهر النيل رقم اين المياه الجوفيه العازبه اللي هي ايه يا مستر المياه الجوفيه العازبه دي ميه عازبه حبيب قلبي لكن بتبقى موجوده تحت الارض تحت الايه في جوف الارض عشان كده بنقول عليها مياه جوفيه عازبه تعالى رقم لاثه عندنا البحيرات العزبه يعني ايه يا مستر بحيره مساحه من الميه بيحيط بها اليابس من جميع الجهات لكن فيها ميه عزبه تعالى عندنا كمان الامطار المطر اللي بينزل من السما يا اد دايما بيكون مياه عازبه ما فيش مطر بينزل من السماء وبيبقى مياه ملحه اتفقنا كده اتفقنا يبقى انا لو سالتك ايه هي موارد الميه عندي في مصر ها نهر النيل برافو المياه الجوفيه العازبه البحيرات العازبه والامطار طيب واحده واحده تعالى نبدا بنهر النيل تعالى يا عم نهر النيل لاحظوا هنا بيقول لي ايه يا اد نهر النيل وفرعاه دمياط ورشيد اللي هم ايه دول؟ بص يا حبيبي نهر النيل من فوق كده هتلاقيه عامل كده مثلث كده ده فرع دمياط وده فرع رشيد يبقى دول الفرعين بتوع نهر النيل يبقى نهر النيل وفرعاه دمياط ورشيد المصدر الرئيسي او الاساسي للمياه العزبه في مصر قلت له فسر لي الجمله دي معناها ايه يا مستر معناها يا حبيب قلبي ان اساس الميه العزبه في مصر هو نهر النيل نهر نهر النيل ده اكت مصدر بيدي لنا ميه عازبه في مصر. طب ما احنا عندنا يا مستر بحيرات عازبه مياه جوفيه عازبه صح كده؟ مظبوط لكن مين اكت حد مين اكت حاجه فيهم احنا بنستخدمها كتير؟ نهر ايه؟ نهر النيل يعني انت مثلا مش هتلاقي ان مصر كلها بتعتمد على المياه العازبه في الشرب لا احنا بنعتمد بشكل اساسي ورئيسي على نهر النيل وفرعاه دمياط وايه؟ دمياط ورشيد. ده اكت حاجه في مصر بتجيب لنا ميه عزبه يبقى اذا نهر النيل وفرعها دمياط ورشيد هما ايه المصدر الاساسي للمياه العزبه في مصر واللي كلنا بنعتمد عليهم او معظمنا يعني طيب بص يا عم بقى بعد كده بيقول لي ايه بيقول لي بص يا مستر هنا جمله جميله قوي مصر هبه النيل مصر هبه النيل قلت له يعني ايه يا عم مين اللي قال الجمله دي قال لي بص يا مستر اللي قال الجمله دي هو المؤرخ اليوناني هيرو دوت المؤرخ اليوناني هيرو اللي قال الكلمه دي قال ايه؟ المصر هبه النيل يا عم هيرو يعني ايه الكلمه اللي انت قلتها دي ايه مصر هبه النيل دي قال لي يا مستر باختصار بسيط وببساطه معنى الجمله اللي انا قلتها ان نهر النيل هو الاساس لقيام الحضاره المصريه القديمه او هو الاساس للحضاره المصريه الايه القديمه اهو ويقصد بها ان نهر النيل دههوت يا مستر هو السبب الرئيسي في نشاه وتطور الحضاره المصريه القديمه يا عم هيرو ايه اللي خلاك تقول على نهر النيل كده؟ شوف يا مستر ببساطه لو جيت تفكر معايا يا حبيب قلبي هتلاقي ان لولا وجود نهر النيل في مصر ما كانش المصريين القدماء عاشوا في مصر اصلا ده نهر النيل ده ساعد المصريين القدماء في حاجات كتير جدا وساعدتهم في انهم يبنوا الحضاره بتاعتهم وانت عارف بقى الكلام ده من الوحده حده الثانيه صح ولا لا؟ صح يبقى اذا لو جينا نفكر تفكير بسيط لو نهر النيل مش في مصر ايه اللي هيخلي الانسان يعيش في مصر ويعمل الحضاره العظيمه دي؟ ما كانش هيقدر يعمل حاجه ده نهر النيل ده اللي ادى له الميه اللي اد له التربه الخصبه اللي ساعده في الزراعه اللي ساعده في الاستقرار اللي وفر له كل حاجه فاذا المؤرخ هيردوت راح قايل ايه مصر هبه النيل يعني من غير النيل ما كانش هيبقى في مصر اهوت يا عم ان السبب الرئيسي الرئيسي السبب الرئيسي في نشاه وتطور الحضاره المصريه القديمه هو نهر الايه؟ هو نهر النيل تمام كده يا حبيب قلبي يبقى انا اول ما اقول لك ده السؤال هيجي هنا ازاي؟ اول ما اقول لك مصر هبه النيل تمام تعد هذه المقوله من اقوال المؤرخ نقط يبقى المؤرخ اليوناني ايه؟ هيرووت اسمه كده المؤرخ اليوناني هيرودوت طيب ايه المقصود بالجمله دي يا حبيب قلبي تروح قايل لي يقصد بها انا نهر النيل هو السبب الرئيسي في نشاه وتطور الحضاره المصريه الايه؟ القديمه تمام يا عم تمام يبقى اذا نهر النيل ده يا مستر حاجه مهمه قوي قوي قوي قوي بالنسبه لمصر وده كمان مش كلامنا ده كلام مؤرخ يوناني اهوت يا مستر يبقى اذا الناس كلها والعالم كله عارف اهميه نهر النيل بالنسبه لمصر طيب احنا بقى بنقول على النهر بتاعنا ايه اسمع هنا بيقول لي اهوت يا مستر تقدير نهر النيل في الحضاره المصريه القديمه يعني ايه تقدير نهر النيل في الحضاره المصريه القديمه؟ يعني المصريين القدماء كانوا بيحبوا نهر النيل وبيقدروه جدا جدا. طب انا ايه اللي يثبت لي؟ ايه اللي يثبت لك؟ اسمع فاكر فاكر فاكر برديه تورين فاكر برديه تورين اللي هي كانت اقدم خريطه تمام حلو البرديه دي يا حبيب قلبي لما جينا نقرا فيها لقينا مكتوب ايه؟ اسمع يا عم اهو بيقول لي جاء في برديه تورين وصف نهر النيل وصفوا نهر النيل في البرضيه بانه ايه؟ اسمع انه هو الذي يروي المراعي انه هو الذي يروي المراعي اللي بسبه ها النباتات بتطلع من الارض وبيبقى في مراعي علشان ياكلها الايه؟ الحيوانات اهو هو الذي يروي المراعي ليه بقى بيروي المراعي ليه؟ ليغذي الماشيه الماشيه اللي هي الحيوانات يعني يا مستر الابكار والجاموس وكده اه ليغذي الماشيه كمل يا عم وهو الذي يسقي الارض هو اللي بيسال لنا الارض اللي احنا بنزرعها ومن غيره مش هيس ما فيش الارض مش هتتسقي ولا نباتات هتطلع وهو الذي يسقي الارض الصحراويه البعيده عن الماء كمان اه الارض البعيده عنه خالص في الصحراء هو اللي بيسقيها شفت الناس بتتكلم ازاي عن نهر النيل تمام هو الذي يسقي الارض الصحراويه البعيده عن الماء كمل ماءه هو الذي يسقط كمل من السماء ميه نهر النيل دي بتتبخر برده وبتطلع وهي اللي بتسقط من السماء تاني في شكل امتار شوف بيتكلموا عن نهر النيل كمل انه هو الذي ياتي بالكوت وهو الذي يكسر الطعام نهر النيل ده يا مستر هو اللي بيجيب لنا اوط يومنا هو اللي بيجيب لنا اكلنا وهو اللي بيكتر الطعام عندنا وبيخلينا ناكل وبيخلينا عايشين حلو وهو الذي يخلق كل شيء طيب يعني كل شيء جميل وكويس ويمدحه الناس يبقى لو سالتك سؤال بسيط جدا جدا المصريين القدماء يا حبيبي كانوا بيحبوا نهر النيل جدا يا مستر كانوا بيقدروه وبيكتبوا عنه كلام كتير جدا يا مستر طب قو لي كده يا عم حاجه بسيطه تقول لي يا مستر جاء في برضيه تورين وصف نهر النيل كمل بقى انه هو الذي يروي المراعي ويغذي الماشيه وهو الذي يسقي الارض الصحراويه البعيده عن الماء وهكذا يبقى اذا احنا كمصريين بنحب نهر النيل جدا وبنقدره جدا جدا وعارفين ان نهر النيل ده هو اساس كل شيء وانه لو ما كانش موجود كان في حاجات كتير قوي هتتغير يبقى حبايب قلبي المصدر الرئيسي والاساسي للميه العازبه في مصر هو ايه؟ الامطار لا يا مستر احنا اي نعم عندنا مطر لكن احنا مش بنعتمد عليه بشكل اساسي طيب المياه الجوفيه يا مستر احنا عندنا مياه جوفيه لكن مش هنقدر كلنا نعتمد عليها لانها في بعض الاماكن فيها واماكن ثانيه ما فيهاش طيب ايهاني يا عم مصدر المياه العازبه البحيرات العازبه لا يا مستر احنا عندنا بحيرات عازبه لكن في اماكن لكن ما فيهاش بحيرات عازبه يبقى المصدر الرئيسي بتاعنا ايه نهر النيل وفرعاه دمياط وايه ورشيد هو المصدر الاساسي للمياه العزبه في مصر وعرفنا بقى يا عم اوعى تنسى المقوله دي مصر هبه النيل مصر هبه النيل مين اللي قالها المؤرخ اليوناني هيرو دوت طيب تعالى بقى الرقم اثنين المياه الجوفيه العزبه خد بالك من كلمه العزبه دي ليه يا مستر لان في مياه جوفيه مش عازبه ملح يبقى اذا المياه الجوفيه ممكن تبقى مالحه ممكن تبقى عازبه انا دلوقتي بكلمك عن المياه الجوفيه الايه؟ العازبه طيب يلا واحده المياه الجوفيه العازبه دي يا مستر الاقيها فين؟ فين؟ بص يا حبيبي هي اسمها مياه جوفيه لانها بتبقى تحت الارض يعني يا مستر ما فيش مياه جوفيه فوق الارض كده في شكل بحيره بص يا حبيبي في الاصل والاساس المياه الجوفيه تحت ايه؟ تحت الارض ساعات بقى بتخرج من تحت الارض لسطح الارض لوحدها وبتتسمى عيون ساعات يقول لك ايه في عين ميه هنا عين ميه يعني ايه عين ميه يعني ميه فوق الارض بس الميه دي جايه منين جايه من تحت الارض اتفقنا يبقى الميه الجوفيه مصدرها ايه تحت الارض او ساعات بقى احنا نحفر نحفر بير علشان نطلعها يبقى اذا الميه الجوفيه دي يا مستر في الاساس هي موجوده تحت الارض يا اما بتطلع لوحد وحدها يا اما احنا اللي بنحفر علشان نطلعها بس في الاساس هي تحت الارض حلو قوي اهو توجد في باطن الارض يبقى الميه الجوفيه موجوده فين يا حبيبي؟ في باطن الارض كمل تعتمد عليها الحياه استنى بقى كده انا ما قلتش تعتمد عليها الحياه وسكتت في تكمله تعتمد عليها الحياه في الواحات المصريه قصدك ايه يا مستر بالكلام ده؟ يعني ايه؟ شوف يا حبيب قلبي الواحات دي اراضي موجوده في قلب الصحراء موجوده في قلب الصحراء تمام لما بلاقي ارض في قلب الصحرا كده فيها ميه جوفيه وفي ناس عايشين فيها بنقول عليها ايه واحه بنقول عليها ايه واحه طيب حلو قوي يبقى الواحات دي ارض في الصحرا فيها مياه جوفيه عارف بقى يا عم الواحات دي فيها ناس عايشين بشر زينا سكان عايشين في الواحات زي واحد سيوا لو جيت سالت السكان دول وقلت لهم يا جماعه انتوا ايه اللي مقعدكم هنا في الصحرا؟ هيردوا عليك ويقولوا لك ببساطه حبيبي لان احنا عندنا ميه عازبه لان احنا عندنا ايه؟ عندنا ميه عازبه يبقى خد بالك في الحته دي الميه الجوفيه العازبه ها بتعتمد عليها الحياء فين؟ في الواحات المصريه في الواحات المصريه طب ما انا ممكن اجيب لك سؤال واقول لك المياه الجوفيه العزبه تعتمد عليها الحياه في الدلتا ها ايه رايك في الدلتا؟ لا غلط طبعا طب ليه غلط مش الدلتا برض ممكن يبقى فيها مياه جوفيه ايوه يا مستر بس الدلتا فيها نهر النيل فرعي دمياط ورشيد فهناك ميه كتير ومش محتاجين الميه الجوفيه حلو برافو عليك ممتاز جدا يبقى احنا عرفنا المياه الجوفيه موجوده فين ها واهميتها ايه تعتمد عليها الحياه في الواحات المصريه تعالى بقى يا عم لرقم لاثه البحيرات العزبه يعني ايه بحيره البحيره منطقه فيها ميه ومحاط بها اليابس من جميع الجهات قصدك ايه بالكلام ده؟ بص يا حبيبي كده انا عندي شويه ميه اهو ادي منطقه فيها ايه؟ فيها ميه اهي المنطقه دي يا حبيبي محاط بها اليابس كده اهوت يعني محاط بها الارض مشحوض بيها من جميع الجهات كده دي اسميها ايه؟ اسميها بحيره دي كده اسمها بحيره يبقى ميه تمام يا مستر وحواليها ارض من جميع اتجهات الميه اللي في البحيره دي ميه عزبه بس خد بالك ان برده في بحيرات ملحه انا دلوقتي بكلمك على ايه؟ على البحيرات العزبه اللي الميه بتاعتها ممكن نشربها تعالى يا عم بيقول هنا ايه تمثلها بحيره ناصر يعني يا مستر لو هنتكلم على البحيرات العزبه فخليني اقول لك ان اهم بحيره عزبه في مصر واكبر بحيره عزبه في مصر بحيره ناصر بحيره ناصر اللي عند السد العالي حلو قوي التي تعد ركز بقى هو هنا بيتكلم عن بحيره ناصر تعد من اهم مصايض الاسماك في مصر استنى بس يا عم واحده واحده كده فهمني بالراحه شوف يا مستر بحيره ناصر دي بحيره كبيره قوي ومليانه ميه عازبه ومليانه ميه عازبه مصر فيها بحيرات عازبه تانيه كتير بس احنا يا مستر اهم بحيره عازبه عندنا في مصر هي بحيره ناصر اللي فين؟ اللي عند السد عند السد العالي في اسوان تحت كلام جميل جدا جدا خد بالك بقى يا مستر ان البحيره دي مهمه قوي مش علشان فيها ميه عازبه وخلاص لا امال عشان فيها ايه علشان فيها اسماك كتير فيها سمك سمك كتير قوي فبحيده ناصر دي بتعد من اهم مصايد الاسماك في مصر كلها من اهم الاماكن في مصر اللي بنصطاد منها وتطلع منها السمك بحيره ناصر يبقى يا حبيبي ثالث ثالث مورد للمياه العازبه في مصر البحيرات العازبه واهم البحيرات العازبه قول معايا بحيره ناصر يلا قول معايا ها ثالث مورد للمياه العزبه في مصر البحيرات العازبه واهم بحيره واكبر بحيره بحيره نصر لو قلت لك اهميتها ايه هتقول لي تعد من اهم مصايد الاسماك في مصر من اهم مصايد الاسماك في مصر طيب خلينا نخش بقى على المورد رقم اربعه وهو الامطار الشتويه اه يا مستر كلمه الامطار الشتويه دي يعني ايه؟ قصدي اقوللك ببساطه حبيبي ان انت عارف ان المطر عندنا في مصر بيسقط في فصل الشتاء فصل الايه؟ فصل الشتاء حلو قوي كلام جميل جدا جدا بس يا مستر في اماكن برض في مصر بيسقط عليها المطر في الخريف حبيبي احنا ما بنتكلمش على شويه مطر بيسقطوا وممكن ما يسقطوش لا لا احنا بنتكلم على عامه ودائما المطر عندنا في مصر بيسقط في فصل الشتاء كلام جميل كلام جميل الامطار الشتويه دي بقى يا مستر الميه اللي بتنزل من السما دي ميه عازبه ايوه طبعا ما انا قلت لك ما فيش مطر مالح المطر كله عزب طب احنا بنعمل ايه يا مستر بالامطار الشتويه يعني دول شويه مطر بينزلوا من السماء وبنبقى فرحانين لما الدنيا تمطر ونقعد بقى نغني ونلعب في المطره وخلاص الميه بتاعه المطره دي بنعمل بها ايه لا اسمع بقى كده وركز معايا واحده واحده الامطار الشطويه عندنا تسقط على الساحل الشمالي تسقط على الساحل الشمالي لمصر يعني عند البحر المتوسط كده يا ابطال تسقط الامطار الشتويه كمل وتختلف كميتها من عام لاخر قصدك ايه بالكلام ده قصدي ان ممكن سنه يا مستر الامطار الشتويه دي تبقى كتير جدا في فصل الشتاء وسنه تانيه كميه المطر تقل وسنه ثالثه كميه المطر تزيد وهكذا بتختلف كميه المطر من عام لاخر الكميه بتاعه المطر مش ثابته يعني ممكن سنه يبقى في مطر كتير سنه ثانيه لا مطر يبقى قليل وهكذا الامطار الشتويه ده على فكره بقى يا اد كمان بيعتمدوا عليها في الزراعه في الساحل الايه في الساحل الشمالي ونبقى احنا كده حبايب قلبي اتكلمنا عن موارد المياه العزبه عندنا في مصر تعالى بقى يا عم اقول لك على حاجه مهمه قوي تفتكر الميه العزبه دي اهميتها ايه طبعا انت هترد عليها دلوقتي وتقول له يا مستر ده اهميتها ايه ازاي يعني ده احنا بنشرب منها جدع حلو تعالى بقى يا عم بيقول لي هنا ايه استخدامات المياه العازبه بنستخدم الميه العزبه فيها تقول لي يا مستر بستخدمها بنشرب منها طب ما فيش حاجه ثانيه غير الشرب في حاجه ثانيه ممكن نستخدم فيها الميه العزبه ولا لا في طب ما تركز معايا بص يا عم اول حاجه هنا اهوت زي اللي انت عارفها الاستخدامات المنزليه بنستخدم الميه العازبه في البيت عندنا سواء بنشرب منها بنطبخ منها بنغسل منها بنعمل عمل منها المهم ان احنا بنستخدمها في البيت ولازم لازم كل بيت يبقى فيه ميه عاسبه حلو قوي يبقى اذا لو حد سالني ايه استخدامات المياه العازبه هقول له رقم واحد الاستخدامات المنزليه ان احنا بنحتاج الميه العزبه عندنا في المنزل طيب رقم اثنين وهو صيد الاسماك ايه بقى صيد الاسماك ده خد عندك يا حبيب قلبي نهر النيل والبحيرات العازبه والبحيرات العازبه تمام فيهم كميه اسماك رهيبه واعداد اسماك كتير جدا فاحنا بنصطاد منهم ايه؟ الاسماك يبقى اوعى تنسى ان احنا بنصطاد الاسماك من المياه العازبه فعلشان كده من استخدامات المياه العازبه صيد الاسماك طب احنا يا مستر بنصطدم المياه العازبه يعني اسماك كتير كده كتير قوي قوي قوي قوي اتفقنا يا عم يبقى كمان صيد الاسماك يبقى الاستخدامات المنزليه بستخدمها في البيت وكمان صيد الايه وكمان صيد الاسماك طيب رقم لاثه عمليات الزراعه والصناعه قصدك ايه بالكلام ده؟ قصدك يا حبيب قلبي ان احنا الزراعه عندنا في مصر بتعتمد على المياه العازبه اصلا الزراعه بشكل اساسي بتعتمد على المياه العازبه عايزه ميه عازبه فاحنا ازاي هنزرع الارض لو ما عندناش ميه عازبه يبقى اذا من استخدامات المياه العازبه الزراعه وكمان الصناعه وكمان الايه الصناعه الصناعه كمان بتحتاج للمياه العزبه يا اد في المصانع والشركات والحاجات دي يبقى اذا الميه العزبه يا مستر ليها استخدامات كتير غير اننا بنشربها بس يلا نقولهم تاني كده اهو الاستخدامات المنزل قول معايا يا حبيبي الاستخدامات الايه المنزليه قولوا يا بابا معايا كمان يلا وصيد الاسماك وايه كمان ها وعمليات الزراعه والصناعه وعمليات الزراعه والصناعه طيب سيبك بقى من المياه العزبه خلاص عرفنا موارد المياه العزبه وبنعمل منها ايه طب ما تيجي تراجع معايا كده موارد المياه العزبه اللي هي ايه؟ كم موارد عندنا في مصر؟ ها ايوه قول معايا اربعه برافو ايه هما؟ نهر النيل وفرعها دمياط ورشيد رقم اثنين البحيرات العازبه رقم لاثه المياه الجوفيه العازبه رقم اربعه الامطار الشتويه ممتاز جدا طب خليني يا عم كده ايه احاول اسالك سؤال خليني احاول اسالك سؤال ايه اهميه المياه الجوفيه العزم يلا رد بما تفسر اهميه كميه المياه الجوفيه العزبه ها امم تعد اساس الحياه في الواحات فين؟ في الواحات المصريه اللي في الصحراء برافو ممتاز جدا طيب تعالى بقى يا عم ندخل على المياه الملحه زي ما عندنا ميه عازبه صلحه يا مستر للشرب وكده في ثاني ميه مالحه لو جيت تدوقها كده تلاقيها طعمها ملح في ملح مالح موارد المياه المالحه بقى عندنا في مصر اللي هي ايه؟ المياه الملحه عندنا يا حبيبي طبعا البحر المتوسط والبحر الاحمر الميه اللي فيهم ميه مالحه يبقى البحر اللي انت بتروح تصيف فيه الميه بتاعته ميه مالحه اتفقنا اتفقنا طيب فين كمان قال لي كمان البحيرات المالحه الشماليه قلت له قصدك ايه قال لي يا مستر مصر فيها بحيرات في شمال مصر كده فوق عند البحر المتوسط البحيرات دي الميه بتاعتها ميه مالحه يبقى يبقى اذا البحيرات مش كلها عزبه ده في بحيرات ملحه فين؟ في شمال مصر اهو وتوجد على البحر المتوسط زي مين؟ زي بحيره اسمها بحيره البردويل زي بحيره المنزله زي بحيره البرولس زي بحيره اتكو زي بحيره مريوط خمس بحيرات الميه بتاعتهم ميه مالحه وموجودين عندنا في مصر يبقى قول لي كده يا حبيبي الميه المالحه فين في مصر يلا نقول مع بعض البحر الاحمر والبحر المتوسط البحيرات الملحه زي البردويل المنزله البورولس اتكو ماريوط اتكو ايه ماريوط وكمان الميه المالحه عندنا في مصر واللي هي المياه الجوفيه المالحه ايه ده هو الميه اللي احنا بنطلعها من تحت الارض يا مستر ممكن تبقى مالحه ايوه مش انا قلت لك في ميه جوفيه عزبه في ميه جوفيه مالحه اتفقنا يا حبيبي يبقى فين الميه المالحه عندنا في مصر كده احنا عرفنا هي فين طيب تعالى بقى هو احنا بنستخدم خدم الميه المالحه في ايه؟ انت لسه قايل لي ان هي يا مستر مش صالحه للشرب طب ما دام احنا ما بنشربهاش ما بنستخدمهاش في البيت يبقى ليها لازمه ما اكيد مالهاش لازمه استنى يا حبيبي استنى تعال نشوف كده بيقول لي ايه استخدامات المياه المالحه يلا رقم واحد استخراج البترول والغاز الطبيعي من اعماق البحار اوبا بدانا بقى يا مستر في الحوارات ازاي هي الميه بنطلع منها بترول وغاز طبيعي ازاي الكلام ده؟ استنى بس يا عم ما تفهمش غلط مش بنطلع البترول والغاز الطبيعي من الميه امال منين؟ من البحر اه مستر ده من البحر طب ما نفس الكلام لا استنى يا حبيبي افهم انا عندي البحر اهو والبحر فيه ايه؟ فيه ميه اهو البحر فيه ايه؟ فيه ميه ركز بقى كده معايا البحر فيه ميه ماشي يا عم ها نيجي احنا نعمل ايه ركز كده معايا فين قاع البحر؟ ارضيه البحر اهي اهي في ارضيه البحر تحت هنا يا حبيبي بيبقى فيه بترول وبيبقى فيه غاز طبيعي بيبقى فيه بترول وبيبقى فيه غاز ايه وبيبقى في غاز طبيعي نيجي احنا بقى نعمل ايه يا بطل الابطال ننزل تحت في البحر كده ونحفر في ارضيه البحر او في قاع البحر لحد ما نطلع البترول اللي تحت البحر نطلع البترول بقى يا عم وبعدين نفضيه بقى ايه في خزانات وكده بنطلعه طبعا عن طريق مواسير كده ونحطه بقى في خزانات الخزان ده بيبقى على مركب وكلام كتير كده مالكش دعوه بيه تمام؟ يبقى اذا الميه المالحه مهمه؟ ايوه مهمه ليه؟ بنستخرج من اعماق البحار البترول والغاز الطبيعي بنستخرج من اعماق البحار البترول والغاز الطبيعي لان اعماق البحار فيها بترول وفيها غاز ايه؟ وفيها غاز طبيعي يبقى اذا مهمه ولا مش مهمه؟ مهمه تعالى يا عم نكمل كمان من استخدامات المياه المالحه استخراج الاملاح ومنها ملح الطعام عارف الملح اللي احنا بنحطه على الاكل ما سالتش نفسك الملح ده احنا بنجيبه منين؟ بنجيبه من الميه المالحه بتاعه البحر من الميه المالحه بتاعه البحر او البحيرات المالحه وهكذا ازاي يا مستر؟ شوف يا حبيبي تجربه بسيطه جدا جدا انت لو جبت شويه ميه من البحر تمام وحطيتهم في الشمس كده ولا حاجه عارف ايه اللي هيحصل؟ الميه اللي عازبه فيهم هتبدا تطلع وهتبدا يتراكم الاملاح يعني انت لو سبت الميه دي يا عم شويه كده في الشمس هتيجي بعد فتره تبص عليها تلاقيها بقت عباره عن ملح بقت عباره عن ملح لان الميه فيها ملح احنا بقى بنعمل ايه؟ بنستخرج ملح الطعام او الاملاح من الميه دي تمام كده تمام يبقى الملح بتاع الطعام او املاح ثانيه كتير بنجيبها منين بنجيبها من المياه المالحه يبقى ثاني استخدام وهو استخراج الاملاح ومنها ملح الطعام يلا قو لي كده بنستخدم الميه المالحه في ايه في حاجتين اهمت يا مستر ايه هم استخراج البترول والغاز الطبيعي من اعماق البحار ها استخراج الاملاح ومنها ملح الطعام تعالى يا عم رقم لاثه صيد الاسماك ايه ده بقى صيد الاسماك دي يا مستر مش انت قلتها لنا في المياه العازبه ايوه في المياه العازبه وفي المياه المالحه كمان ما هو في سمك بيعيش في الميه العازبه وسمك بيعيش في الميه المالحه ما تتعبنيش يبقى اذا صيد الاسماك اتفقنا يلا قول لي كده مع بعض ايه استخدامات المياه العازبه لا الملحه بقى ايه استخدامات المياه المالحه يلا يا عم رقم واحد بنستخرج منها البترول والغاز الطبيعي طيب رقم اثنين بنستخرج منها الاملاح زي ملح الطعام رقم لاثه بنستخرج منها الاسماك يعني صيد الاسماك يعني صيد الايه يعني صيد الاسماك تعالى في سؤالين صغنططين اهو يلا حل معايا بقى حل قبلي اختر تسقط الامطار الشتويه في مصر على ايه يلا قول الامطار الشتويه لما بتسقط في مصر تسكت فين تعال نشوف الاختيارات الساحل الشرقي لا بحيره ناصر لا الساحل الشمالي ها ايه رايك؟ ايوه الساحل الشمالي طيب رقم انين دلل يعني ايه دلل يعني اثبت هات لي دليل تعال نشوف تتعدد موارد المياه العزبه في مصر قصدك ايه يا عم بالكلام ده؟ قصدي ان موارد المياه العزب في مصر مش حاجه واحده لا دول حاجات ما هو بيقول لك تتعدد فاثبت لي قو لي مثل ايه فانا هرد عليه واقول له يلا قول قبلي مثل نهر ايوه النيل جدع مثل البحيرات ها العزبه مثل ايه كمان المياه الجوفيه لو قلت المياه الجوفيه وسكت تبقى حمار المياه الجوفيه الايه العزبه مثل ايه كمان الامتار الشتويه ويبقى احنا كده خلصنا السؤال وخلصنا الجزء الاول من الدرس استنى بقى يا حبيب قلبي الجزء الثاني يبقى الدرس كده لسه ما خلصش لسه في جزء تاني احنا دلوقتي خلصنا الجزء الاول الجزء الثاني هتلاقيه بينزل بعد على طول في مواعدنا السبت والثلاث الساعه 6:00 يلا يا حبايب قلبي اشوفكم الحصه الجايه على خير جود باي ‏by