حاجة غريبة وقعات ليا فدار الكراء مازال كنرجف ملي كنحكيها الصدمة كانت كبر مما تصوروا

انا هي اللي وقعت لي حاجه غريبه في الديور ديال الكره وحتى لهذا النهار مازاله كنخاف نعاودها هذاشي ماشي قصه خياليه هذه را قصه حقيقيه عشتها انا بنفسي وبدا كل شي النهار اللي قررت نخرج من دارنا ونكري بوحدي ولكن ما كنتش عارفه بلي ذاك القرار غادي يفتح علي باب جهنم اللي ما عمرني ما كنتصوره حتى واش كاين والا سمعتي هذ القصه حتى الاخر غادي تبدي النظره ديالك للدور ديال الكره نهائيا سميتي فدوى مدين انا وانا صغيره وبالضبط في العمر ديال تسع سنين كنت عايشه في واحد الدار صغيره ما فيها لا راحه لا حنان غير الصدع والمشاكل بابا كان عصبي واي حاجه كيردها القنبله اما الام ديالي كانت غير ساكته وكتبلع دموعها وكتحاول تدوز النهار بلا مشاكل ولكن حتى هي ما كانتش سالكه بزاف بعض المرات كانت الام ديالي كتاكل العصا على ودنا حيت كانت كدافع علينا حيت بابا كان واعر بزاف وقلت لكم وخا تكون حاجه صغيره كيكبرها كنا فقراء فوق فوق ما كتخيلوا ماشي غير ماديا لا حتى نفسيا دارنا كانت عامره غير بالمشاكل والصداع والخوف وزيد عليها جدي وايه البنات جدي كان هو الكلمه الاخيره في كلشي راجل قاسح اكثر من الحجر تصوروا ما عمرني جدي كيضحك وماكيعرفش الرحمه اشنو هي اما واحد جداتي مسكينه كنت كنشوفها بعيني حتى هي كتنوض وكتخدم وكتسخر وكتخدم الشغل بحالها بحال ماما في الدار حيت جدي هو اللي كان كيقول لها خصك ديري اي حاجه حتى انت ديري فيها يدك وفي الاخر كيشدها جدي وكيعطيها العصا يعني جدي والاب ديالي بحال بحال ولكن جدي زايد نغيزى على با المهم كان عندهم كل شيء عادي بحال طبيعي المراه تاكل العصا في الصباح وفي العشيه وجدي فاش كانت جداتي كتاكل العصا كان كيحرش الاب ديالي كيقول له تنتعطي للكلبه ما تخليش الكلبه تغلبك انا فديك الفتره كنت صغيره ولكن كنت كنحس بكل شيء كنت كنخاف حى نعس في وسط ديك الصدع هذاك حيت ما كناش كنعسوا مرتاحين دائما نصدعوا المشاكل الا ما كانش بابا مع ماما يكون جدي مع جداتي من ديك الوقيته وانا كنحلم انني نهرب من ذاك الجو الخيب اللي كنا عايشين فيه كنتمنى يجي شي نهار ونعيش في شي بلاصه فيها غير الراحه وما تكونش فيها الصداع ولكن ما كنتش عارفه بلي ذاك الهروب اللي كنت كنتمنى هو اللي غادي يبدل حياتي كامله وبواحد الطريقه ما عمرني ما كنتوقعها المهم اخواتاتي منين وصلت للسن ديال 13 سنه بدا كلشي كيتبدل وماشي غير في الشكل ديالي حتى فيذاك الشي اللي كان في الداخل بديت كنحس براسي كنكبر قبل الوقت وكنفهم بزاف ديال الحوايج اللي ماخصنيش اصلا نفهمهم كنشوف بزاف ديال التصرف اللي ماشي طبيعيه ذاك الوقت المدرسه كانت هي الهروب ديالي الوحيد من ذاك الشي هذاك كانت هي البلاصه اللي كنت كنحس فيها بشويه ديال الامان كنمشي غير باش نهرب من الدار وم الصداع ومن المشاكل ماشي الصراحه باش نقرا ولكن حتى هذه مادامتش جدي البنات جدي قرر في واحد النهار وبلا سبب زعما واضح وبلا ما ندير حتى شي حاجه بلي البنت ما خصهاش تقرا بزاف وقالها بصريحه بصراحه قدامنا كاملين قاللك ق لاله القرايه ما عندك باش غادي تنفعك وبلا ما تضيعي الوقت ديالك عليها بقى في الحال بزاف حسيت براسي كنضيع وكنضيع من يدي واحد الحلم اللي كنت كنحلمه وكنت كنقول انايا القرايه ديالي غادي نكملها باش نقدر نعيش حياه مزيانه حاولت نقنع الاب ديالي ولكن بابا كان دائما تابع الكلام جدي بابا ما عندوش كلمه قدام الكلمه ديال باه نهائيا حاولت انني نرغب جدي ولكن ما عطاني حتى اهتمام قال لي نوضي تقعدي من حدايا ولا غدي غادي نضربك نرعفك هذاشي ما خسر عل ايوا في نهار واحد وبقرار واحد تبدلت حياتي كامله حبسوني من المدرسه وبقيت جالسه في الدار كنشوف نفس الوجوه يوميا ونفس المشاكل ونفس الصدع ولكن هذ المره هذه ما بقى عندي حتى شي مهرب مع الوقت بديت كنكبر ولكن ماشي بطريقه عاديه صافي تعلمت نسكت ما نهضرش نتحمل نخبي ذاك الشي اللي كنحس به في الداخل ديالي ولكن الداخل ديالي كانت كتجمع واحد الحاجه المهم راكم عارفين مقهوره ومحكوره كلشي كان كيتجمع لي لداخل وداكشي قد ما انا كنكبر وحتى ذاكشي كيكبر معايا حتى وصل واحد النهار وقعت واحد الحاجه وهي اللي غادي تكون السبب باش نخرج انا من ديك الدار ونمشي نكري بوحدي ولكن ما كنتش عارفه باللي ذاك القرار هو البدايه ديال اغرب حاجه وقعت لي في الحياه ديالي المهم دازت الايام والسنوات وصلت للسن ديال 15 سنه كنت تبدلت هذ المره اكثر من الاول ماشي غير في الشكل حتى في الطريقه ديال التفكير ديالي بديت كنحس براسي باللي مخنوقه بزاف ماشي غير شويه وكنقلب على اي حاجه تخرجني من ذاك الجو اللائم اللي كنت عايشه فيه اي كلمه زوينه اي اهتمام اي احساس اللي كيحسسني باللي انا انسانه حيت ذاك الوقيته كنت جالسه في الدار بحالي بحال امي وجداتي يعني وليت كنحس بحالي بحالهم نزيد زيدكم احنا كنا خمسه بنا عندي جوج خوتي دراري هما الكبارين وعد انا من موراهم وعدد خواتاتي الاخرين وهذ خوتي سبحان الله العظيم فول قسمت على جوج ديال با وجدي يعني بحال بحال كيتشابهوا لا في التصرفات لا في القسوحيه لا في الوعاره تقولوا هذو راه ماشي من امه محمد صلى الله عليه وسلم قباحي لواحد الدرجه خطيره انا ما بقيتش كنعاني مع جدي وبابا كنعاني مع خوتي اللي حتى هما كيحرشهم جدي وبابا قلت لكم اللي وصل لسن ديال 15 سنه الحياه ديالي كانت واقفه لا قرايه لا خروج لا صحابات لا دروج لا حتى شي حاجه جدي كيف ما كنت قلت لكم كانشدد بزاف لواحد الدرجه خطيره حتى الباب ديال الدار كان كيتسد مع العصر والا بغيتي غير تطلعي للسطح تشمي شويه د الهوا خصك تطلبي وترغبي وتسي باش يخليوك تطلعي ديك الشويه انا كنت كنحس براسي بحال شي سجينه كنشوف الدنيا غير من الشرجم وهذا الا غفلتيهم وشتي السرجم وطليتي اما الا شافوك هذاك هو النهار الكحل هذاك هو نهار الكحل معهم ولكن كان عندي واحد المنفذ صغير كان عندي واحد التليفون ماشي شي حاجه هذاك التليفون كانخسر لبابا وكنلايحو في الدار ورغبت الام ديالي صيبته لي واحد النهار دته صيبته بالتخبيعيه على بابا وجابته لي حيت كنت شايفه اني المعاناه اللي كنت كنعانيها معهم المهم قالت لي ها انت ها التليفون وتبقاي تخبيه بقاو حتى شافوه عندك راه غادي يقتلوك وغادي يكمل غادي يكملوا بيا انايا المهم وليت دايره ذاك التليفون تحت مني ماما مسكينه مره مره كانت كتشي لي ديك 10 دراهم ديال الروشارج ذاك التليفون كنت مره مره كنقلب على شي حاجه نضيع فيها الوقت مره كندخلشي جروب هكا في الفيسبوك مره كندخل التعاليق مره كنعلق شي حاجه حتى لواحد النهار اللي واحد السيد انا علقت على واحد الصوره كان هو نشرها كان عندي فيليزامي في الفيسبوك غير حطيت انايا ذاك التعليق وهو جاوبني المهم بدينا كتناقشوا على ذاك الموضوع في التعاليق انا هذا هو الحاجه الوحيده اللي كنت كنلقى فيها راحتي بعض المرات كنت كنسى راسي كنشد التليفون كنسى راسي وكتجي ماما كتقول لي شوفي راه لا بقاو حتى شافوا عندك التليفون عارفي راسك راكي صافي مشيتي فيها ما تبقايش انت غير حال في امك كنت كنختار الوقيته اللي كنت كنخرف فيديك التليفون تقريبا غير من الليل لليل بحكم ان اخواتاتي الصغارين علي كانوا كينعسوا بكري خوتي الكبار كينعسوا بوحدهم انا راني ناعسه انا وخواتاتي يعني كنطرق علي الباب صافي كنجلس مع التليفون المهم بدينا كنتناقشوا فذاك التعاليق من هنا لهنا من هنا لهنا حتى كيدخل عندي ذاك السيد الخاص هو يقول لي باينه فيك انسانه مثقفه وواعيه وهذه بيني وبينكم انا ما كملتش قرايتي انا را قلت لكم خرجوني مازال حتى ما طلعتش للثانوي خرجوني من المدرسه في الاول ما جاوبتوش ولكن من بعد رجع كتب لي مره واحده اخرى كتب لي عاوتاني بواحد طريقه مختلفه بصراحه ما قلش علي الحيا ولا شي حاجه قال لي علاش ما كتجاوبيش زعما قريتي الميساج وما جاوبتيش بقيت انا كنشوف ذاك الميساج قلت ماشي مشكله نجاوبه يعني انسان هضر معايا بادب نجاوبه وهنا غادي يبدا كلشي المهم بدا كيهضر معايا قال لي تبارك الله عليك قاريه وهذه قلت لي شويه الحمد لله على كل حال ما بغيتش في الاول نعطيه كلشي من بعد ولا دائما كيسول فيا قال لي واش ماشي مشكل نبقاو نهضروا انا وياك بنت لي انسانه ظريفه دخلتبروفايل ديالك داكشي المنشورات ديالك زوينين ونقيين وا راكم عارفين الهضره الاولى كيفاش كتكون المهم السيد كان كيسول في تقريبا بشكل يومي ديما كنلقى الميساجات دياله انا كنت كنطفي التليفون ما نشعلوش حتى كنلقى الغفله لان جدي كان فاش كيخرج ح كتلقيه عمر معك الدار وماشي زعما كيجي ويحترم يدخل يقدر تكوني جالسه في البيت حى كتلقاي عمر معك المهم كيقلبوا لك غير على الغلط خصك غير فين يشدوا عليك شي حاجه المهم السيد كان كيسول في مره مره كيهضر معايا كيهضر معايا بواحد الطريقه زوينه كيحسني بلي انني انا مهمه ولكن كان كيلاحظ انني انا ا ما كجاوبوش بالزربه كان كيحسب له بلي مكبره ولا شي حاجه واحد النهار قال لي ما فهمتش علاش زعما كنكتب لك كتبقاي باليومين عاد كتجاوبيني واحد النهار قلت له اودي ماشي مكبره عليك ولا شي حاجه راه غير ظروف وصافي قال لي قولي لي الظروف نعاونك فيهم نقدر نعاونك قلت قلت لدي ماشي مشكل من بعد ان شاء الله كل حاجه كتجي في وقتها كتكون مزيانه المهم انا بسبب ذاك الفراغ اللي كنت عايشه فيه تعلقت بالكلام ديال ذاك الدري اللي كنت الصراحه ما كندخلش للميساجات ديالو بزاف بحكم الكونيكسيون مره كتكون مره ما كتكونش كنت بعض المرات كنشد الويفي من عند واحد الجيران ديالنا من بعد كانوا شدوه الدراري كان هذاك الويفي جابوا لنا غير واحد خويا جاب لنا الكود انا ما عنديش التليفون قدامهم هما يعني ما حسابلهمش انا عندي التليفون التليفون وذاك الكود جابه عطاه لجدي وعطاه لبابا ذاك الكود انا حفظته دخلته في تليفوني ولي انا شاده معهم الويفي هذوك الجيران حصلوا ان جيران اخرين خداو الكود ديال الويفي ولاو يعني هما كيخلصوا الشهر والجيران كيتكونيكطاو فابور ناضوا بدلوا ذاك الكود صافي ما بقيتش كنهضر مع الدري بقيت موده ما هضرتش معه ماما كنقول لها ماما ديري لي كونيكسيون كدير لي ذاك 10 دراهم كدير ليه 24 ساعه صافي كتساله المهم من بعد غادي نقول له الصراحه قلت له اودي ما عنديش كونيكسيون هذاشي اللي عطى الله هو هذا انا ما خدامه ما جالسه في الدار كنت كنشد شحال هذ الويفي من عند الجيران دابا ما بقاوش يعني بدلوا الكود ما بقاش كيوصلني ما عرفاش الكود ديالو هذاشي علاش ما بقيتش كنحل فيسبوك قال لي زعما ما تضربي حساب حتى شي حاجه انا نصيفط لك الكونيكسيون قلت لي لا ما يحتاجش ماشي مشكل بدا كيرغبني قال لي عطيني النمره ديالك انا نبقى نصيفط لك الكونيكسيون نبقى ندير لك العرض وديك الشي وفعلا غادي نعطيه النمره ديالي المهم ولينا كنهضروا يوميا يوميا ولو انني نهضر معه في الطواليط ولكن ماكنهضرش معه ابيل شحال من مره صن علي ابيل كنجاوب غير باش كيتاكد بلي انني بنت وكيسمع صوتي صافي وكيقطع حيت قلت له انا را عندي مشاكل في الدار كنخاف من خوتي وعندي با وجدي صعابين المهم ولينا كنهضروا انا وياه في الميساجات وليت كنتسنى المساج الميساج دياله على احر من الجمر كنت كنفرح بالهضره دياله وكنحس براسي كنعيش شويه وهنا فين البنت مسكينه كطيح في الفخ ولكن انا ما كنتش عارفه فديك بلي ذاك المنفذ الصغير غادي يولي باب كبير لواحد المشكل اللي ما عندوش الحل دازت الايام حتى لواحد النهار هازه التليفون جالسه كنكتب له ميساج حيت لقيته كاتب لي صباح الخير وقال لي بغيت نهضر معك ضروري ضروري انا يلا كنكتب له حتى من بعد وغادي نهضر معك وهو يدخل جدي قلت م كيدخل ديما مدرم تدخل جدي تلقيته وقف معايا حاولت نشديت ديك التليفون حاولت نخبيه ولكن قشعني ايوا شد لي التليفون من يدي زولوا لي بواحد الطريقه كتخلع بقى جدي مع قاري بدا كيقلب في الميساجات بدا كيقلب قال لي مزيان مزيان تبارك الله تبارك الله تبارك الله تبارك الله ايوا السيد خرج عندهم قال لهم اجي تشوفوا السلقوطه ديالكم شتي البنت دا سادين عليها وكتقولله راها محكومه شتي البنت اللي كتقول مسيكينه درويشه وما كدير والو سكوتيه بدا كيهضر هكا ومن بعد انفجر بحال شي قنبوله قال لهم هذه ولات كتهضر مع الدراري دايره الفعله الصوت دياله الزنقه كامله كتسمعها كل شي كيسمعوه المهم بداو الناس كيتجمعوا الجيران الاب ديالي والام ديالي وخوتي كيرغبوا غير كيسكتوهم با كيقول له انا غادي نقتلها انا غادي نوريك شنو غندير فيها خوتي عاوتاني كذلكطاوني امي وجداتي مساكن مدرقيني با كيقولله غير سكت الوالد سكت را الجيران كيسمعوا راه شوهتينا كيقولله هذه را نشوهها قبل ما تشوهنا واش عرفتي بعدا شنو كتقول قراو قراوا يا قريه قراوا الميساجات المهم الميساجات بيناتنا ما فيهمش قله الحياه ولا كان فيهم ذاك توحشتك وليت كنحس معك بالراحه راكم عارفين الهضره ديال البنات مع الدراري انا واقفه كنحس براسي صافي النفس ديالي غادي تحبس تشليت الحركه ديالي ما بقيتش كنتحرك طبيعيه وليت كنترعد بواحد الطريقه خطيره كنبغي غير نشرح لهم حتى واحد ما سمع لي حتى واحد ما سولني لا كيفاش ولا علاش الحكم كان جاي السبال الفضيحه الهضره اللي كتجرح حتى ماما مسكينه كتبكي ولكن ما قدرتش تدافع عل حيت فديك اللحظه زادوها معايا بطبيعه الحال يقولوا لها انت قالوا لها انت كتخبي على بنتك هذ الفضيحه انت اللي معاونه في هذا الشي تما جدي قال لهم هذ البنت هذه صافي ما بقاتش صالحه هذه ماشي ديال الدار هذه ديال الزنقه ويه اخواتاتي هكا قالها جدي جدي غادي يجري علي من دار بابا والاب ديالي بطبيعه الحال ما هضر ما نطق بقى واقف وكيشوف ما تناقش مع جدي وما هضر وما قال حتى كلمه اما خوتي كيشوفوا فيا بحال شي مجرمه بحال شي وحده وحده ولدت لهم شي حرامي وجابته لهم للدار وفي فديك النهار بدات غادي تبدل حياتي كامله شدني جدي من درعي من مري ما ننسى شدني من دراعي وجرني الزنقه بلا حى شفقه ولا رحمه ودفعني مع الباب قال لي سيري دابا طيح لي واحد الهضره قدا قداش قال لي سيري دابا للشارع هو اللي غادي يقبل عليك م ما بغيتيش الدار وكتقوللي بلي راكي في الحبس سيري للزنقه يلا سيري ها الحريه وسيري نشوفوك شنو غادي ديري كنطيح له على رجليه وكنبوس له رجليه ويدي وكنقول له جدي دي عافاك رحمني را ما درت حتى شي حاجه اللي نسال عليه هذا الشي كامل هو كيدير لها بحال ديك الكلبه عرفتوا صهيوني مقطع مارحمنيش مارحمنيش اما جداتي مسكينه كتبكي وترغب وتزا وكتقول با المسخوط المسخوط رد بنتك المسخوط المسخوط هذا يضحكوا عليك الجيران المسخوط با غير ساكت ماقادرش يهضر حيت لا كلمه فوق الكلمه ديال باه ايوا خرجت من تما الجيران كيشوفوا ما عرفاه فاهمين والو شي كيقوللك راها دارت شي كيقوللك راها فعلت شي كيقوللك راها تركت راكم عارفين منلي كطيح البقره كيكثروا الجناوه كل واحد ذبحني وسلخني كيف ما بغى وانا ما دايره لا بيدي لا برجلي كنهضر مع واحد السيد اللي كان يلا بادي واحد القصه ديال الحب زوينه ماكناش اصلا هضر لا على المستقبل لا على الزواج لا على حى شي حاجه يلا ذاك الاعجاب الاولاني مازال ما بدينا الهضره في المستقبل ايوا خرجت من تما يا البنات غادي نقول لكم انا كنجر رجلي رجلين الياس رجلين ديال ديال الاشمئزاز من العائله ديالي اللي شوهتني على والو شمايت منهم وكرهتهم وتى واحد ما قدر يدافع علي خوتي خسروا علي ك الكلمه ديال سيري الكلبه يلا ما تعاوديش تردي راسك لهنا جراو على بنت مسكينه اللي ما دايره لا بيديها ولا برجليها فين جراو عليها الزنقه للشارع صافي خرجت البنات ملي جراو علي مشيت كنضرب حيط بحيط كنقلب على شي بلاصه اللي نقدر نعيش فيها مازال انا ما مستوعباش مازال ما متيقاش ان عائلتي دارت في هذا الشي كامل غير حيت تحصلوا عندي التليفون ما عرفتش انا اشمن قوم كنت عايشه معهم المهم مشيت كنبكي كنضرب حيط بحيط حيط بحيط فين غادي نمشي فين غادي نجي ما عارفاش البنات فيواحد اللحظه وصلت لواحد الزنقه ضيقه جلست فيها كان ذاك الساعه ديك الجوج ديال العشيه مع كان الصيف والح سخون الشمش كتحرق المهم جلس فيديك الزنقه على واحد الرفيده بقيت نبكي نبكي نبكي نبكي كنقلب فين نمشي فين نمشي فين نمشي كي غادي ندير كي غادي نفعل كي غادي نترك الحاجه الوحيده سبحان الله اللي جاتني في الدمغ ديالي انني نصوني على ذاك الدري اللي كنت كنهضر معه واللي بسببه انا وقع لي هذا الشي هذا الدري النمره دياله سبحان الله حافظاها ونمرته ساهله دائما كنت كنقول لي سبحان الله على نمره نمره عندك عنده جوج الارقام لواله بحال جوج الارقام التواله ساهله النمره ديالو في الحفظ كنت حافظه على الرقم دياله وليت كنفكر كيفاش غادي ندير نتصل به ما عندي لا تليفون لا والو قلت انا غادي نبقى نقلب حتى نلقى هكا شي حد اللي عطيني النمره عطيني التليفون ولا تيليبوتيك ديك الوقيته ماكينش شيليوتيك اللي فيذاك الجهه ديالنا يعني خصك تمشي ترغب شي حد يعطيك تليفونه وصافي بقيت غاديه يلا يلا حتى تلاقيت مع واحد الراجل هكا باين لابس زوين هكا و باينه زعما ميسر عليه الحال نزل من واحد الطوموبيل بارك الطوموبيل مشيت انا واحد الباركين بقيت حاضيه بارك الطوموبيل دياله خرج من الطوموبيل مشيت عنده كنجري عرفتوا البنات اقسم بالله ما لابسه حتى الصنداله في رجلي حفيانه وملي شافني بحال حساب لو راني كنطلب ولا خشي يدو الجيب بغى يعطيني قلت له الشريف الله يرحم لك الوالدين انا ماكنزعاش انا بغيت غير نصوني على واحد النمره راه وقع لي واحد المشكل وما عندي لا تليفون لا والو قال لي واش واش تكريسيتي قلت ليه بحال هكاك قال لي وشنو ظمني ان نعطيك التليفون ما تهربليش عجبي قلت لي واش هذه الحاله ديال وحده تهرب ما عنديش حتى صندله في رجلي باش نهرب بها زعما ماغاديش تشدني انت عفاك بغيت غير نهضر في التليفون الله يرحم لك الوالدين وزيدون ش التليفون عندك و انا دايره له غير في ودنيه قال لي صافي ماشي مشكل جبدت تليفونه قال لي فين راها النمره قلت فتيت عليه النمره اللي اللي كنت حافظه المهم صونا المره الاولى ما جاوش المره الثانيه كذلك ما جاوش قال لي هذ النهجاوبش انا راني مشغول عفاك غليني نمشي لشغلي قلت لي عافاك جرب غير المره الثالثه والا ما جاوبش صافي هو حنا عاد كنهضوا وديك النمره ولات كتصوني عليه قال لها ها هو كيصوني المهم دار لي التليفون في ودني قلت له الو قال لي شكون معايا قلت له فلان هذا انت قال لي ايه شكون معايا شكون انت بقيت كنبكي قاللي شكون انت مالكي قلت له انا فلانه قاللي مالكيك لابس علاش كتبكي قلت لي دارنا حصلوا عندي التليفون وانا دابا جراو علي من الدار وانا راها شنو واقع لي شنو واقع ايوا هذاك السيد حيد له التليفون من ودني هضر معه قال له الا كنت كتعرفي هذ البنت وكنتي تعدي عليها ولا تسببتي لها فيشي مشكل را مسكينه في واحد الحاله يرتلاها المهم رجع لي التليفون قال لي هضري معه وشرحي له فين راكي ربما يجي يهزك من ه المشكل اللي راكي فيه فعلا هضرت مععاه قال لي فينك انت بحكم ان هذا الدري ماشي في نفس المدينه ديالي راه كاين في واحد المدينه ولكن مدينته قريبه على المدينه ديالنا قلت له انا ها فين كاينه راني غير في الشارع ولكن ها فين كاينه فين كاينه صافي صافي هي هذك قال لي دوزي لي ذاك السيد هضر معه قال لي الله يرحم بها الوالدين عطيها معك غير شي 100 درهم ولا 200 درهم وصيفط لها النمره ديالي سصيفط لي في الواتساب المعلومات ديالك انا نصيفطها لك دابا نفيرسيه لك وعطيه لها باش تشد الكار وتجي تجي عندي بقى ذاك الراجل كيشوف الصراحه في الاول ماقش ولكن في الاخر قاليه صافي انا نعاونك في هذا الاجر هذا ولكن هذ البنت عفاك ما تخليهاش تضيع راها مسكينه في واحد الحاله يرتلها فعلا اخواتاتي غادي يشد ديك السيد 200 درهم قال لي هاكي بغى يصيفطها لي الله يجازيه بخير ماصيفطها ليش راه هذا السيد ما راجل ما حتى لعبه في عطاني ذاك 200 درهم قال لي شوفي اختي شنو غادي تمشي ديري اول حاجه سيري شري صباط ولا صنداله ديريهم في رجلك وسيري شدي الكار وسيري عند هذا السيد راه غادي يتسناك في البلاصه والفلانيه هو هضر معه في التليفون ولا رد لي التليفون قال لي صافي هاهو السيد غادي يورك المهم انت غادي تمشي غادي تشدي الكار اللي غيديمدينه والفلانيه غتسنايه في المحطه هو غادي يجي عندك لتما ذاكشي اللي كان فعلا اخواتاتي هزيت ديك 200 درهم شديت الطاكسي وصلني حتى المحطه مشيت بالحفه والله ما شيتبط ماشيت صنداله مشيت للمحطه لقيت الكار خارج ما تعطلتش طلعت فيديك الكار ركبت الطريق كله وانا كنبكي كنبكي كنبكي مخبيه رجلي على الناس صافي وصلت وصلت لداك المدينه جلست فيواحد البليصه جلست كنتسنى يلا انا وصلت هكا بشي خمسه دقائق حى كنلقى السيد جا شافني بطبيعه الحال راه كيعرفني حيت البنات انا كنت صيفط التصويره ديالي صافي جا كيقلب عل قال لي غيرحطك الكار البلاصه اللي غيحطك فيها الكار تسناي تما تنجي بقيت جالسه كنتسنى تا جا المهم شافني سلم عل بالوجه كي دايره بخير لاباس ها انت كتشوف الحاله ديالي المهم اول حاجه قال لي يلا نمشيو نشري بعدا ب تلبسي داني اني لواحد البلاصه دايره بحال السويقه شر لي هكا واحد اللبسه واحد لونسومبل وشرى لي واحد صبيبطه هكا عاديك على قد الحال وصافي قلت له عفاك واش صيفطتي ذاك 200 درهم لمولاها قال لي راني صيفطتها له الله اعلم صيفطها له ولا قال لي راني صيفطتها لهدشي اللي قال لي المهم وصلت ديك الساعه صافي كانت قريبه 6ه ديال العشيه ولا السبعه د العشيه بحال هكاك المهم الصيف كان الصبعه كتجي باقي الحال قال باش ما يطلبش عليك الحال خصنا ندبر فين غادي تمشي بحكم هو ساكن فيذاك المدينه مع العائله دياله قال لي انا ما نقدرش دابا نديك معايا للدار بحكم راكي عارفه انت انسانه برانيه وما بغيتش انا نعرفك على عائلتي بهذ الطريقه هذه المهم قلت له دابا وشنو الحل قال لي انا غادي نشوف الحل كيفاش هز التليفون بدا كيدور التليفون صحابه قال لهم بغيت شي بيت هكا ولا الكره ا في الاول ماقاش عيا شي ساعه وهو كيدير اتصالات دياله من بعد عطاه واحد صاحبي واحد النمره ديال واحد السمسار قاله شوف مع هذا السمسار هو اللي غادي يشوف لك هضر مع ديك السمسار قال لي راه كاينه واحد الدار فين كاينه قالله في البلاصه والفلانيه المهم قال لي يلا نمشيو نشوفوا على الله تلاقى معنا تما ذاك السمسار جاب الموطور تلاقانا المهم شفنا الدار الدار تكون فيها ديك 48 متر فيها بيت صغيور واحد المريح طواليط واحد الكوزينه صغيوره المهم دار صغيوره شي دار يعني نقولوا اربع دار ايوا هي هذيك وصلت ديك للدار الدار ديالك را المهم شتها ما بهاش ولكن ما فيها لا فراش لا والو خاويه فرحت من كل قلبي لانني لقيت فين بعدا نسقر وخا نعس على الكارطون راه الحال سخون ولكن ما كنتش عارفه بلي ذاك الدار كتخبي لي واحد السر اللي غادي يبقى معايا ليومنا هذا المهم الدار كانت في واحد الحي شعبي حي عادي راكم عارفين الاحياء الشعبيه في المغرب ديالنا كيفاش كتكون دايره زياده عن ذلك الدار كانت رخيصه بزاف بواحد الثمن زعما ما ماكيتصدقش وهذا الشي خلانا الصراحه دغيا نقولوا اه بحكم انا ما عندي حتى ريال السيد هو اللي غادي يخلص لي كل شيء ما كانش انا عندي اختيار وبيني وبينكم عجبتني المهم قلت لكم دخلنا الدار بسيطه فيها بيت صالون صغير واحد الكوزينه ضيقه طواليط ولكن نسكن فيها غير بوحدي ما عنديش مشكل نهائيا كلشي كان كيبان عادي في الاول غير الفراش ما كاينش بقيت كنشوف فيه قالي شوفي بلا ما تخمي كلشي شي عنده الحل المهم هو الدري كان ميسر زعما الصراحه الله يعمر ليه الدار المهم قال لي انت شوفي غادي ترتاحي هنا عطاني ذاك ماشي نقدروا نقول ماشي مول الدار ولكن الوسيط ماشي السمسار اللي د انا واحد اخر عطاني واحد الكرسي قال لي ارتاحي هنايا بين ما جابلك شي حاجه علاش تنعسي سولوه قالوا له واش انتما مزوجين واش غتسكنوا بجوج قال لهم لا هذه راه غير واحد بنت خالتي جات غادي تخدم هنايا وبغات شي دويره للكره المهم راكم عارفين ما يمكنش يقولله راه هربت من دارهم ولا شي حاجه ولا جراو عليها دارهم المهم عطالي ذاك الكرسي جلس قال لي شوفي انا غادي نمشي نشوف لك شي حاجه ما ما تفرج وما توسدي بين ما حنر سيدي ربي الكريم قلت له واخا ايوا جلست كنتسنى مشى تقريبا شي ساعه رجع رجع عندي جاب لي ما ناكل جاب لي الماكله قال لي كولي بعدا ويكون خير صافي بقى حتى لديك ونص د الليل عاد جا ايت كنجلس على ذاك الكرسي وكنعاود نوقف واحد اللحظه وسدت ذاك الحويجات اللي كان شرى لي صافي ونعاس وقت الزلياتني عيني وم كنت عيانه راكم عارفين النهار من الصباح ديال رب العالمين كانت س ديال الصبح حتى تس ديال الليل راه شي حاجه اللي فوق الجهد تكيت البنات شويه وانا كنحس بحال شي حاجه كدوز من حدايا بحال شي حاجه كتحرك يا ربي السلامه كنت كنحل عينيا ومخطوفه كنقول لاله انا غير ذاك الشي اللي وقع لي معض انا اثر عل راه غير كنتخايل راه غير هذه را دارت تس ونص تقريبا ديال الليل جا الدري دق عل حليت له جاب لي فريش جاب لي واحد البونجه واحد اللحاف واحد الكاشه واحد المخده بحكم كاين الصهد ماكينش البرد ولا يعني قال لي غير فرشي من التحت مزيان مع ما كاين لا حصيره لا زربيه لا والو صافي قال لي من بعد غادي يكون كلشي بخير ايوا كل نهار كان كيجي يجيب لي حوايج كل مره مسكين مره يجيب لي على صحابه مره يجيب لي يهز شي حاجه من دارهم ويجيبها لي حتى هما ماشي من عائله لاباس عليهم ولا حتى هما على قد الحال المهم كل مره مسكين كيجيب لي حوايج وزياده عن ذلك كان كيجيب لي حتى الماكله دازت شي ثلاث ايام بحال هكذاك بديت كنحس بشي حوايج كيوقعوا ما عفتش كيفاش نشرحهم لكم مثلا كنكون هكا جالسه ولا واقفه ولا متكيه كنسمع بحال شي حاجه كتحرك ونزيدكم جاب تليفون جاب لي واحد التليفون غير على قد الحال قال لي غير قبلي به بين ما دبرنا بين ما شفنا المهم كنكون جالسه هكا حى كنحس بشي حاجه داسم حدايا فر بحال الضل بحال شي حاجه كتحرك كنت كنقول اويلي مني انا ققيله غير الجيران يمكن غير كيسي ل ولكن ما كنتش عارفه ان ذاكشي كامل كاين في الدار الداخل قلت لكم كاين واحد الكوزينه صغيوره واحد الوقيته انا كنت في الكوزينه قليت واحد البيضه كان جاب لي البيض والحليب والخبز قليت واحد البيضه بحكم ان كان جاب لي البوطه دبر لي على البوطه دبر لي على ميعنات حاجه يعني ماشي كلشي قليت واحد البيضه كبيت واحد الكويس ديال الحليب طريف الخبز هزيتهم خرجت بهم لذاك المريح كنت كنجلسي على ذاك الفريش اللي جاب لي بغيت ناكل هذاك هو فطوري وهذاك هو غدايا حيت كيجيب لي ديك البركه كناكل في الصباح وفي العشيه كيجيب لي معه شي سوندويتش ولا شي حاجه كيقول لها من بعد ونشوفوا شنو غادي ندير هي هذك انا ا ذاك ريحه البيض كتبقى كدور في الدار انا غير قليت ديك البيضه وسديت الباب ديال ديك الكوزينه مع ما فيها لا شرجم لا والو الدار كلها مزموته كاين واحد الشريجم صغيور الفوق كتعلي راسك الفوقسقف عاد كتشوفي واحد السرجم الدار ما فيهاش نهائيا السراجم وان كنت سديت الباب على ديك الريحه البيض باش ما تخرجليش للدار تخنقني صافي جلست يلا كنقول بسم الله غناكل وانا كنسمع الباب ديال الكوزينه كيتحل وراكم عارفين ذاك البيبان اللي كيبقاو يديروا زوز مشيت نشوف لقيته مسدود ما يمكنش انا ملي كنحل الباب ديال الكوزينه كيدير ذاك الصوت ملي كنسدو كيدير ذاك الصوت جالسه كناكل كنسمع ديك الصوت ديال الكوزينه كتحل وانا سديتها مشيت لقيت الكوزينه مسدوده قلت ياك ما كنتخيل اويلي هنا بقى الشك كيكبر لي في دماغي بديت كنلاحظ شي حوايج اللي في شكل الحاجه كنحطها في بلاصتها كنلقى تبدلات من البلاصه ديالها الضو مره كيتشعل وانا كنكون ناعسه كنطفي الضوء مره كيتشعل مره كيتطفى بعض المرات كنخلي الضوء مشعول كنخاف كنخلي الضوء مشعول شويه كيتطفى لي الضوء ملي كنت كنعاود هذا الشي للدري كيقول لي لا يمكن غير الجيران يمكن الديور بحال هكا كيكونوا دايرين مره كيتطفى فيهم الضوء مره كيقول لي لا انت ما موالفاش باش تعيشي بوحدك وراه كيجيك الخوف ما تخافي حتى بشي حاجه تصوروا كنت كنعس كتديني عيني وكنحس بشي واحد كيجرب لي ديك اللحاف كنحس بحال دابا فاش كتكوني ناعسه في الارض هكا على شي حاجه ويبقى الواحد كيجر بك هكا كنت كنحس كنت كنفيق في النص ديال الليل وقلبي كيضرب يضرب يضرب يضرب ناري البنات كشي هذاك ما نقوللكمش عليه واحد النهار عاوتاني ناعسه الليل في الليل ناعسه وربي ما ناعس وان كنسمع الدقهق طق طق طق الدقان جاي منين جاي جاي من الحيط ملي قلت له الدري ها شنو كيوقع لي شنو كيوقع لي كيقول لي راه غير الجيران غير البز كيكون عندهم الدراري صغير كنقول له شكون اللي فايق مع ال 4عه الصباح راه ما يمكنش جاي من الحيط المهم انا هذا الصوت هذا ولا كيتكرر لي كل ليله كنحط ودنيه على ذاك الحيط كيحبس ديك الصوت انا كنبعد على ذاك الحيط الصوت عاوتاني كيوله طاق طاق طاق صافي البنات كنت كنتجمد في بلاصتي كنحس بحال شي حاجه ماشي هي ديك كتوقع شي حاجه غريبه عجيبه واحد الليله وانا جربت نقول شكون وكنسمع شي صوت كيرجع لي من الجمله منه كيهضر معايا شي صوت مافاهماش شنو كيقول ولكن شي حد كيرد عل كنقول شكون مورا كيهضر شي واحد صافي هنايا البنات غادي تكون الصدمه الصدمه الصدمه ماغاديش تيقوها ماشي الجنون را ماشي الجنون انا جاياكم المهم هذ المره ماقدرتش نسكت عرفتوا سكنت فيديك الدار 15 يوم قلبي كان باغي يسكت هذاك الدري كان مسك مازال معاوني فين ما كنقول له ندبر ل شي خدمه نمشي نخدم كيقول لي شوفي غير صبري غدي يكون كلشي لاباس كيقول لي ما مخليكش بالجوع كنجيب لك الماكله اللي قسم الله راني كنقسمه معك وفعلا مسكين ما كانش يخليني محتاجه حتى لشي حاجه كيقول لي انا ما بقيتش ماغاديش نخليك هكا انت زعما تعيشي هذا الشي هذا انا غادي نحاول انني نشوف كما نصلحك مع والديك ونشوفوا الحل هذا المشكل هذا مادام انني داخله انا في هذ القصه ديالك انا غادي نشوف كيفاش نحلوها المهم 15 اليوم حتى النهار اللي غدي نكمل فيه 15 يوم ما قدرتش نسكت المهم عيطت ليه فديك الوقيته هذيك اللي قلت لكم سمعت الدقان وهضرت سمعت شي حد كيجاوبني ولكن ما فهمتوش صونيت عليه مع كان كيقول لي صوني عل فوقش ما بغيتي انا فوقش ما صونيتي عل نجاوبك صونيتي عليه مع شي 4عه ونص ديال الصباح نبكي نبكي نبكي نبكي نبكي كنقول لي الا ماجيتيش دابا غادي نخرج ماغاديش نولي لهد الدار فين غادي نخرج انا والظلام المهم الليل المدينه ما كعرفهاش قال لي ما تحماقيهش ديري عقلك وتسناي قلت لي صافي انا ما قادراش را عرفتي قال لي غير بقاي فايقه كاع حتى ما بغيتيش تنعسي شعلي الدوا وبقاي فايقه حيت البنات انا فاش كنكون هكا فايقه وكنشوف كنشوف هكا مع يعني هكا كنكون كنشوف هكا في السقف في الارض الذره كيبقى مشعول حى كنعس انا حى كنعس خلي الضو مشعول ونحاط راسي نبغي نعس كنحس بالضوء كيتطفى ما علينا بقيت على الضو جالسه كلي كنتعد كلي كنرجف دازت علي ديك الليله كحله زحله ما بان الضوء ديال الصباح حتى كنت غادي كان غادي يسكت لي القلب كنقول نوضغ كنسمع الفجر كيود النضغ نتودى نصلي ما كقدرش كنبقى مسمره في بلاصتي بقوه الخلعه والخوف ايوا صافي هي هذيك الصباح عي ص عل قال كي راكي قلت له فينك انت انا كنتسناك من الربعه وانا كنتسناك قال لي صافي اني قرب قربت نوصل عندك اني جاي ايوا جا لعندي بدا كيدور في الدار قال لي فين كتسمعي الدقه قلت له في هذ البلاصه والفلانيه المهم بدا كيشوف بدا كيدور كيدور كيدور وقف قدام واحد الحيط قال لي هذ البلاصه كتبان لي مبدله على الحيط بدا كيقرقف فيها وكيبان له بحال بحال كنت بلاكي كنت بلاكي وبحال محطوط هكا بحال نقولوا عازلين به هذا الدار كانت كبيره وبحال نقسموها مي ليها وعازلين وعازلينها عازلينها على واحد الدار واحده اخرى هي هذك بقى كيقرق في ديك الكونط بلاكي بان ليه ماشي حيط هذاك المهم عيط لذاك السيد السمصر ماشي الاولاني اللي جابنا السمسر اللي الوسط الثاني صنا عليه جاوبوه السلام عليكم عليكم السلام قال له فينك واش راك قريب من هنا قالله راني غير هنايا قالله واش ممكن تجي عندي لذك الدار اللي كريتي لديك البنت قاله ايه واخا دابا 10 دقائق نكون عندك فعلا ذاك السيد ماكملش 10 دقائق لقيناه جا قالله عفاك الله يرحم لك الوالدين واش سابق شي واحد ساكن في هذ الدار واش كاين شي مشكل في هذا الدار قاله لا قالله ولكن السيده راه خافته شنو كتسمعشنو كتسمع قالله ودي ما عرفتش هو اللي كان ساكن فيها هو واحد السيد من العائله ديال هذا الناس مالين هاد الديور هذو اللي هنايا هو اللي كان ساكن فيها هو اللي كيسكن فيها ملي كيخرج فيها قاله صراحه كيجيو الناس كيسكنوا ما كيطولوش قال لهم عمرك ما سولتي راسك علاش زعما هيك ما الدار مسكونه قال لي اودي ما كظنش قالله حيت ك كانت مسكونه ذاك السيد اللي كان ساكن فيها ما يقدرش يسكن فيها جيت انا قلت له لا را كنسمع اصوات وشنو كيوقع شنو كيوقع جا هذا الدري هذا قالله ه هذا الكونط بلاك هذا راه احنا في الاول حسب النحيط قالوا لا هذا ماشي حيط را غير صبغينه بنفس اللون د الحيط هذا راه غير يكون طبلك راه ا عزلوا به الناس مالينها الدار فاش قسموا الديور عزلوا بهذا عزلوه ربما يجي واحد النهار اللي يبغيو يشركوا قال لي حيت قال لي حيت واحد الوقيته كانوا كراو شي ناس كانوا كراو بزاف بهم كانوا كارين هنا وكارين له ايوا هي هذك قال لي واش ممكن نحل نحل نشوفوا شنو كاين حيت السيده كتسمع الدقان وذاك الشي حلينا قالله نحل ون نشوفوا حيت ذاك الكونطبك لقيناه غير محطوط انا ما كنتش راده له البال بحكم هو جاي حدا الكوزينه المهم هزو هو ويا ذاك الكونط بلاك تحيد بالزربه ماشي شي حاجه زعما ولكن ملي كترديه كيبانلك بحال ما كاين والو المهم حلوا ديك حيدوا ديك البلا البلاكه ديال الكونط بلا حلينا ويباننا واحد الكولوار بقينا كنشوفوا ذاك الكولوار هذاك فعازل ما بينا وبين ديور وحدين اخرينحنا كنلقى واحد المراه تما قلنا لها السلام وعليكم السلام قال لها الشريفه ما ما شتيش شكون زعما اللي كيقرقب هنا ولا اللي كيدق علينا هنا ولا هي تقول لها اودي راني كنشوف فلان هو اللي كيجلس تما كل كنشوفه تما ورا ذاك النهار هضرت معه قلت له حيد على الجيره ما تبقاش تبرزهم قال لي لا انا ما نبرزت حتى واحد انا را غير مريحه وصافي شنو شنو لقينا شنو عرفنا شنو اكتشفنا ان را ما كاين لا جن لا حتى شي حاجه هذا ذاك السيد اللي كان ساكن فيديك الدار كان كيديرها بالعاني كان ملي كيلقى الفرصه ك يدخل كيدير لي ديك الخصايل باش انا نخاف كيدق عل كيقرقب عل فاش كنت كنهضر معه كنقول شكون كيجاوبني وانا ما عارفاش شكون اللي كيجاوبني وش وشنو كيقول المهم هذاك السيد كان كيحرك لي الحوايج كيخوفني كيستغل انني بوحدي ايوا اش غادي نقول لكم ما قدرتش شنو السواب ديك الشي اللي وقع لي بزاف ديال البنات اللي ماغاديش تدخل ليهم في راسهم ولكن البنات قسمت لكم في امي بالله الا هذا الشي اللي كان واقع هذاك السيد كان كيخلعني انا ذاك الكونط بلاكي ماديت ما جبت فيه انا جيت لديك الدار راكم شفتوا الطريقه اللي جيت بها كنت ما عارفه لا فين نمشي لا فين نجي صافي غير جلست بقيت اقرا في واحد البليصه كنسمع شي حوايج ماشي هما هذوك كنحس بشي حاجه في الدار ماشي هي هذيك وهي كاين واحد اللي باغي يخرجني باي طريقه باش يرجع يسكن فيديك الدار انا اللي ما قدرتش نستوعب البنات كيفاش انا كنت عايشه فيديك الدار مع واحد كيخرج ويدخل في الدار وانا ما عارفه والو هذه هي الحاجه اللي كنت انا فاش كنفكرها كنشد على راسي دابا والله العظيم كنشد على راسي راسي كيبقى كيضرني هذاك السيد الواسط ما سكتش بطبيعه الحال عيط عليه لقيناه غير تما كيدور قالله اجي انت واش انت كنت كتجي لهنا وها شنو كديرشنو كدير قال له لا وانا ما درت والو غير هي كتخاف هكا قال له باش عرفتي انت كتخاف قال لي انا ما كنتش كنلقى فيه النعس كنجي كنتكى هنايا وراه غير كان كيحساب ليها راني كنخلعها المهم عيتمول الدار قال لي السيد اللي كنتم مسكنينه هنايا را شنو كيجري لك على الكراي وهنا هما اصلا هذاك اللغز ما كانوش عارفينه وهذا السيد هذا هو اللي كان بطريقته كيجري على هذاك الكرا علاش ديك الدار كامله مقسومه بديك الطريقه هذيك وكاع الناس اللي ساكنين فيذاك الدير عمره وقعت لهم شي حاجه من غير ديك الدار اللي جاك راها شي واحد ماكيطولش فيها ماكيجلسش فيها حتى سيمانه وكيمشي بحالاته باش الاخر كيبقى جالس فيها المهم صافي قاللك اودي مول الدار غادي يدير الحل دابا ما عندك مناش تخافي انا بيني وبينكم ما قدرتش نجلسك الدار قلت له لا خرجني واخا نعرف راسي نبات في الشارع ما نقدرش نبقى هنايا نهائيا ديك المراه اللي كانت قالت لينا بعدا الله يجازيها بخير قالت لك انا را كل مره كنت كنقول نجي ندق عليكم ونقول لكم ها شنو ولكن انا كنبعد راسي من المشاكل حيت هذا السيد قالتلك خطير صعيب قالتلك ما كي داير بحال حماق ما كي داير قالت لك خافته ينتقم مني المهم ملي شافتنا هكا قالت لك انت يا ابنتي ال ماالقيتيش كيفاش ديري اجي جلسي معايا بين ما لقيتي الحل ما هي ما كانتش عارفه الظروف ديالي اصلا شنو هي سولت ذاك الدري قالت لي واش كتجي قال لها بنت خالتي وخطيبتي صافي قال لي جلسي مع المراه قال لي انا ما نقدرش نديك قلت له ما نجلس حتى مع شي واحد انا غادي نمشي للشارع بقى كيشوف قال لي صافي ماشي مشكل هضر مع ذاك السمسار بحكم اننا حنايا كرينا الدار خلص فيها شهر الشهر الاول خلصنا يعني الدار مازال مازال ما نخرجوش قاللي الحوايج غادي يبقاو هنايا هذاك مول الدار وص ان ذاك الكونط بلا كيتحيد يتبنى الصور المهم لقاو الحل انا ما بقيتش باغا نجلس تما صافي عشت 15 اليوم ديال الرعب هزني بقينا كندوروا ذاك النهار ذاك الصباح خرجنا من الصباح مشينا فطرنا بقينا كندوروا يلا ومن بعد عيط لواحد اخته وهضر معها قال لها انا نجيب ك واحد البنت هاشنو هاشنو مشي هنا ما عرفتش شنو قالته المهم اخته رحبت بيا استقبلتني في دارها ما سولتني حتى على شي حاجه المهم في العشيه جا عندي قال لي يلا نخرجوا خرجنا انا وهي قال لي فلانه قلت له نعم قال لي واش انت مستعده تعيشي مععايا في هذ الظروف اللي انا عايش فيهم قلت له كيفاش قال لي انا را خدمت غير على قد حالي هو من الاول قال لي انا كنخدم على قد حالي عارفه الخدمه دياله ديكشي وساكن مع دارنا وهذا قال لي انا ما بغيتش نعرفك على دارنا ا بهذ الطريقه هذه ما بغيت حتى واحد من هنا لقدام مسك في كرامتك قال لي انا را ما بغيتش نضيع لك خاطرك انا حتى اختي ما كنتش باغا تعرفك ولكن اختي را ما قلت لها والو قلت لي هذ البنت راني كنعرفها وهذه باغي نتزوج بها قلت له واش بصح باغي تزوج بيا قال لي بطبيعه الحال باغي نتزوج بك قال لي انا صراحه المعرفه ديالي معك ماشي بزاف ولكن راني من الاول فاش دخلت عندك وقلت لك ارتاحيت لك را فعلا ارتاحيت لك انا كنت كنتسنى غير الوقت زعما اللي تقاد لي الظروف ونتزوجوا انا وياك المهم علينا مازال قصتي طويله البنات بيني وبينكم ما عنديش بديل وما عنديش اصلا عاد نفكر حيت اول حاجه ما عنديش فين غادي نمشي انا جالسه غير في الديور غير في الديور ديال الناس السيده عندها راجلها عندها عائلتها راكم عارفين المهم قال لي المهم قلتي هو كان كيقول لي رجعي للدار اللي كنا كريمين قلت له انا ما نرجعش خافت بزاف ما نقدرش نرجع ليها ايوا صافي هي هذيك قال دابا قالي عندنا حل واحد قلت له شنو هو قالي ترجعي لداركم قلت له فين غنرجع لدارنا لدارنا انا ما هربتش منهاما جراو علي قال لي المهم انا غادي نمشي وغادي نحاول نهضر مع داركم ونصلح معهم الامور ورجعي قلت له سير الا قدرتي تصلح معهم الامور انا نستعاج فعلا السيد غادي يدي معه راجل اخته هذا اللي كنت انا معها عاود له عاود له شنو واقع قال لي البنت كانت مصاحبه معايا كنهضروا انا وياها وعقوا بها دارهم وجراو عليها من الدار وهي مسكينه ما دايره لا بيديها ولا برجليها هذاك الرجل خته تفهم الامر بحكم انه هو تزوج هو اخته تزوجوا عن حب راه عارف ذاك العلاقات وذاك الشي قال لي نمشيوا مشاو اول حاجه مشاو عند هذاك اللي ماكيتسماش جدي مشاو عنده هضروا معه حاولوا يهضروا معه غير بشويه ما بغاش يفهم قال لي انت را خصك الحبس وانت اللي تسببتي ليها وسير دابا دبر محينك انت ويا جا هذاك النسيب نسيبو نصيب راجلي اللي غادي يكون بطبيعه الحال راجلي مشاو عند واحد الامام ديال المسجد ديال سم ديالك الحومه ديالنا هضروا معه بحكم انه ماكيعرفو ما والو قالوا له اودي بغيناك تدخل لينا بواحد الخيط ابيض ها كيفاش كيفاش عاودوا قالله اودي القصه هذه ديال هذ البنت راها كاع داعست في هذ المدينه كاع الناس عرفوا شنو مسكينه كل واحد وشنو قال عليها قال لها اودي راه ما دايره لا بيدي لا برجك البنت راه كنا كنهضروا انا وياها فعلا في التليفون بحال اي بنت كتهضر مع شي ولد وراه دابا باغيها على سنه الله ورسوله البنت راها في الحفظ والصون انا بغيت نجيب البنت لدارهم وانا نجي نخطبها ونتزوج بها على سنه الله ورسوله قال لها سيدي هذا الامر خليه الله لي انا غنحلك هذا الامر فعلا هذا الامام هو اللي غادي يدخل مشى عندهم حتى للدار قال لهم دابا البنت شوهتوا بنتكم وهي ما دارت حتى شي حاجه ولين نفرض كاع دارت شي حاجه هذيك بنتكم يدك منك لو كانت مجدامه دابا هذا السيد جاي طالب البنت على سنه الله ورسوله على الاقل بعدا تعطيو هذ الفرصه تمشي دير دارها ما تخليوهاش عرضه للديئاب وحمد الله ان طاحت في هذا ولد الناس ها هو جاي طالبها من الدار وراه هذ البنت راها دابا عند اخته ايوا ما لقاو ما يديروا حشموا من ذاك السيد وعرفوا راسهم غالطين قال لي صافي يجي المهم جاو فرحانين الله غد ليه هو رغب اخته قال لها تمشي معنا نديوها بعدا عند عائلتها ما جاوش مت للدار تلاقاو غير مع جدي وبا سلموا الامانه لاهلها وقالوا له ها هي بنتكم في الحفظ والصون هضرت ديك السيده قالت ليه البنت را ملي خرجت را جات عندي انا ورا حقه البنت كنت انا كنتواصل معها بحكم ان خويا را عطاني التليفون دياله هضرت معها على الزواج وراه كنا كنتسناو غير الفرصه وهذه وهذه المهم نلبقوا بحال نقولوا لاقاو هذه مع هذه وسلكت الوضعيه رجعت مع دارنا وخا راكم عارفين الهم والمشاكل وحشين الهضره والصدع وما كاين غير اللي كيحشي فيك الهضره قد الجبل راكم عارفين ولكن رجع جات المهم هو من بعد تقريبا شي شهرين بحال هكاك بقى على التواصل ما بقاش كيهضر معايا كيتواصل مع جدي وبا كيقول لهم انا راه فوقاش غادي نجي فوقاش غادي نجي فعلا من بعد من نهار بشي شهرين تقريبا جا كانوا جاو تقريبا في شهر 10 المهم في الاول ديال شهر 10 ايوا صافي هي هذيك جاو جابوا المسائل ديالهم جاب باه جاب اللي ما كان حتى شي واحد عنده الخبر على ذاك الشي اللي وقع ل جاو كيخطبوا وخا ولدهم ما مستعدش للزوج ولكن كان مصر قال لهم انا غادي نتزوج صافي جا عطاوني لهم كانوا عارفين شنو كاين عطوني ليه باش تشوفوا العائله ديالك باش تعرفوها ما باغينكمش الخير خصوصا جدي فيواحد اللحظه وكنوص قالله زعما هذ الهضره كاع ما تقولهاش قدام العائله زعما ذاك الشي اللي وقع واحد اللحظه وقال لهم ولدكم راه كان غيخرج لنا على بنتنا وراه دارنا وراه فعلنا المهم سلكوا ديك الليله بالكشايف جدي حى تفهموا داكشي عاد بدا كيجبد الماض ماشي مشكل درت العقد ديالي من موراها درنا العرس ما بين الخطابه والعرس تقريبا شهر درت العرس واحد العرس على قد الحال بحال مخرج الميت هو عاوتاني كذلك مثال دارو لي واحد العرس على قد الحال مشيت نسكن مع العائله ديال الراجل سبع ايام دباكور كدوز الراجل بطبيعه الحال انا وياه مزيانين كيحترمني كيقدرني مهلي في ماكيخلي الصراحه ما يدير على ودي المهم شافوا العائله دياله اخته وقع لها مشاكل مع راجلها انا في الاول في العام الاولى كنت مزيانه معهم الصراحه كنوض كنعاون بداكشي اللي قديت بحكم ان هو خا على قد حالهم الدار ديال باه كنت كنوض كنعاون في الدار كنخدم شغلي عادي انا مولفه بالدار كنوض كنخدم كنشقى نعجن نطيب نخبز هما خ ربي بهم في الدار بحكم انه هو الكبير في خوته الدراري خوته الاخرين الصغارين باقين ما مزوجينش المهم الدار فيها العزاره فيها العزبات عنده اخته الصغيره الصغيره في خواتاته كتقرا في الخامس والكبيره في خواتاته كتقرا في التاسع خوته واحد خدام وواحد كيقرا المهم الدار عامره زيد هذ اخته اللي كانت كبيره مزوجه هذ اخته ولا كيوقع لها المشاكل مع راجلها ولات مره كتجي غضبانه عندنا ايوا واحد النهار زعما هي نصحتها قلت لها صاحبتي صبري حى راجلك مزيان الله يعمر ليه الدار وهي تدور فيا واحد الدور هذا الزمان قالت لي بقيتي لي غير انت يا في الحساب قلت لها علاش قالت لي وانت جالسه كتنصحيني قالت لي واش بحالك انت كينصحوا الناس قلت لها علاش كتقولي لي هذ الهضره على مال بحالي شنو مالهم ايوا قالت لي ما تنسايش را اخويا جابك غير من الشارع ياك جراو عليك عائلتك وجرا هو اللي هو اللي هو اللي نقدك ما ك ما كنتش انا كون راكي مازال كدوري في الزناقي عرفتوا البنات ما نكذبش عليكم حسيت براسي الدنيا كامله طاحت لي فوق كتفي قلت له اختي الله يجازيك بخير جمعتوني من الزنقه انا كنت غير متشرده عندك الحق ما قلتي حتى شي حاجه قلت لها انت شاده السلاح باش تذبحيني قالت لي باش مره اخرى تبقاي تشدي تيقارك وزيدون حتى ذاك الشوفات اللي كتبقاي ديري في راجلي راه ما كانوش كيعجبوني قلت لها كيفاش قلت لها جيتي وقلتي واحد الهضره وقلت ماشي مشكل بنت الزنقه وبنت الشارع جروا عليك داركم وتقبلتها ولكن باش تقولي لي كنشوف في راجلك را حشومه عليك هذاشي اللي كتقولي المهم بقيت كنبكي ناض تعكوسي بطبيعه الحال ماغاديش تجي مععايا غادي تجي مع بنتها قالت لك مالكم دابا وشنو واقع وانا اصلا قالت لك انا كنت عارفه ولدي شنو دار وانا غير كنت مسايره وكنت مسايسه معاه وانت ودايره وفاعله وتركه وهما كانوا صافي باقي فيهم الحل حيت الراجل قال المراه غادي نطلقوا انا وياك ما بقيناش كنتفاهموا عندها معه الولد كانت حملت بالبنت وطاحت ليها البنت طاحت لها الكرش تقريبا على ست شهور واجده من بعد وقع بيناتهم يعلم الله واش شدت عليه شي حاجه خيانه ولا ما نعرف المهم السيد وقف معها للطلاق جات كتبرد في انا الغداي ديالها بقيت صابره صابره ما كنقول والو كيجي راجلي كيلقاني كنبكي البنت ولات عايشه معنا في الدار ولات دايره ل بحال مسمار رجحه ما قلتها كتعيبها وكيما درتها كتعيبها وديما كتحشي في الهضره شي وحدين جبناهم من الزنقه بغاو يخرجونا من الدار وليت كنمشي نطيب كتجي تحيد لي من يديا كنمشي نعجن كتحيد لي من يديا كتقول لي انت ما كتعرفي ديري والو انت جايه غير من الزناقي شتي كتعرفي ديري شي حاجه في الاخر ما نكذبش عليكم عيت نصبر في الاخر جا راجلي قلت له فلان قال لي نعم قلت لها انا شنو ما بقيتش قادره نعيش في الهم وهذ المشاكل قال لي شم المشاكل وشمن هم مع العلم ما عمرني ما عاودت له قلت له را ها كاين ها كاين ها كاين ها كاين بقيت كنعاود ونبكي نعاود ونبكي نعاود ونبكي صراحه ماشي كذبني تيقني ولكن ما عندوش فين يمشي بحكم الخدمه دياله على قد الحال واللي جابها كيصرفها على دارهم وعلى خوته يعني ما عندوش مسكين البادل قال لي دابا شنو غادي ندير شنو الحل قلت له ما عرفتش قال لي واش نخرجوا نكري وقلت له انا غير الكره اللي ما تذكروش عل المهم هضر مع اختك هضر مع امك كان كيقول لي غير صبري غير صبري دابا ربي يحن غير صبري اختي دابا ترجع لعند دارها لعند راجلها لدارها راه غير حقها مفقوصه وكذا قلت لي مفقوصه ما تجيش ترد عل الفقصه ديالها حتى لواحد النهار اللي غادي نوضوا نتخاسموا ذاك الساعه انا كنت حامله ناضت السيده غير عرفتني حامله بغات طرطق شدتني من شعري ديك النهار عرفت البنات شدتني وجبدتني على على الجهد ديالها وطيحتني للارض شتفت عل انا صحتي على قد الحال الوحم كان غالب عل صافي تما ما بقيتش قاده كاع تجمعوا لينا الجيران تفرجوا شيخي غادي يشاد غير الحق عيط لراجل قاله اجي راه مرتك داروا لها بحال شي دبانه داروها تحت منهم وشتفوا عليها لا اختك لا امك شاد مسكين شيخي غير الحق وشاهد شاهدوا من اهلها صافي راجلي طلع له الدم بقى كيغوت قال لهم انا مرتي غادي نخرج غادي نقري ليها واش انا مرتي واش كتقتلوا بنادم ولا كتقتلوا الحيوان حيوان وخصكم ترحموه ما خلاش ما خلاش لباه لاخته اما باه مسكين رجل طيب ايوا هزني قال لي يلا نشوفوا فين غادي نمشيوا خرجنا ذاك الوقيته قلت له ديني دار با كنت شي عام وشهرين باش تزوجت ما عمرني مشيت عندهم ايوا مشيت عندهم مشيت على اساس انني زعما غير ضيفه رجعنا للدار جمعت حويجاتي جمعت واحد الفاليزه جمعت الحويجات قلت له غدي تخليني مع دارنا نجلس واحد الايامات ومشيت لدارنا اللي لقيته في دارنا كثار من ذاك الشي اللي كان دايز عل اخواتاتي حتى هما ولاو مساكن دايز عليهم العذاب امي مازاله كتاكل العصا وجداتي مازال جدي كيدخل يبزق عليها ويخرج يبزق عليها واحد الحاله وواحد العاده فين غتوحمي وفين غادي كيفاش غادي تجيبي هذا الدري المهم جلس س معهم تقريبا شهر قلت لي غير اجي اللهم همك وخوت وخوتك وخواتاتك ولا الهم ديال والدي اجي ديني جا مسكين عاوتاني هزني داني بدا كيقلب يلا لقى واحد الدويره د الكره قال لي فلانه قلت له نعم قال لي انا صافي غادي نرحلوا من هنا قلت له فين غادي نمشيوا قاللك راني كريت واحد الدار خلصتيها قاللك راني عطيت التسبيق قلت له مامشيش ليها قاللك انا هذ المشاكل ما قدش عليهم انا مستعد نمشي نكري لك ودي ماغاديش ندوزهم ولكن الاذا قررتي انك تجلسي معهم ما نسمعش ذاك الكلمه ديال اح ولا عيت ولا دارولي ولا فعلوا لي كولي العصا وجيبي الطم قلت انا واكله واكله العصا في دارنا واكله العصا في دار عجوزتي واكله العصا اللهم نجلس ناكل العصا في دار عجوزتي عندي بعدا واحد الراجل يجي يفرق عل عندي شيخي مسكين كيدافع عل قلت ليه نجلس مع امك وتماره والغبينه ولا نجلس في دارنا صافي قالي صافي بقيت جالسه معهم البنات دوزوا عل الصراط المستقيم من بعد هذيك طلقت من راجلها بقت تقريبا ما كملتش العده ديالها ولا رجعها ولاو دخلوا الناس والجيران والحباب ورغبوه وكان هي فيها بنت الحرام لافوت هي كانت كتغير عليه في الاخر عرفنا بلي الخيانه قالت لهم راه خاني وكذا ولكن هو قال لهم اودي را ما ختها ما والو هذك السيده اللي كنت كنهضر معها راه كليانه وهذه صورت له واحد المرايه هو كيخدم فيذاك الشي ديال الزاج قالت لي بغيت هذا الشكل ديال المرايه وهي باينه في المرايه قالت لي لا مصاحب معها وصورها لك راسها الله اعلم المهم هو هذاشي اللي قال لهم جا ردها ذبح عليها ولا جددوا العقد داروا عقد واحد اخر دار واحد الصدقه ومشات بحالتها تهنيت منها اخته اللي كانت كتقرا خطبها واحد السيد راها جالسه دابا في الدار كتقول لي اختي علميني الشغل علميني شنو نبقى نطيب وديك الشي بحكم ان راجلها قال لها خخا تقرايه ماغاديش تخرج ماغاديش توظفي هي باغ تزوج اخته الصغيره كتقرا مقابله غير الصحابات والبنات راكم عارفين البنات في المراهقه خوته الاخرين واحد اللي كيقرا مشى يقرا في الجامعه في واحد المدرسه هذاك اللي كان كيخدم دبر على واحد الشركه في واحد المدينه مشى كذلك الدار خوات ما بقاش فيها هذا الروينه العجوزه كانوا البناتها اللي كانوا كيحرشوا وحده راني مصاحبه معها واخرى مشات لدارها بقدايه غير في راجلها خوها النهار اللي رجعت قالت لها قال لها دها في دارك وديها في راجلك مرتي فوتيها عليك الحمد لله دابا حاليا راني عايشه بخير وعلى خير في الدار راجلي معززه مكرمه عقوسي ما كديرش شي حاجه بلا ما تشاور معايا شيخي مسكين كندير له بحال الماء القليل ا لويساتي محترماهم هي كتجي ضيفه كنعطيها صوابها كتمشي بحالاتها الا عرضت لي ماكنمشيش عندها حيت واحد الوقيته تساهمتني وقالت لي كتشوفي في راجلي وكديري في راجلي ماكنمشيش فين ما كتعرضني كنقول لها سمحي لي وراجلي واحد النهار قال لي علاش ياك تصالحته دابا علاش انتي باقى حاقده قلت لها انا ما حاقداش انا هذ الهضره ما عمرني ما قلتها لك ودابا جا الوقت اللي نقولها لك اختك راها شنو قالت لي واحد النهار شنوتني انا كنشوف في راجلها وكندير له باللي انا المهم باغى نطيح راجلها صافي واحد النهار قالت له علاش ما جاتش ومالها مكبره عل ويا كتصالحنا قال لها انت اللي فمك قبيح قال لها غدا بعد غدا غير راجلك يطلع فيها العين تقولي تردي فيها العجب خليها من الاحسن تبقى بعيده صافي وليت البنات بعيده على دارنا لا على دار دار دارنا هنايا دار عجوزي كنحترمهم كل واحد كنعطيه الثقار دياله ولدت الحمد لله بنيتي الاولى حملت ولدت ولدي الثاني عايشه معززه مكرمه كنمشي لدارنا نهار نتغدى ولا نتعشى حى الوقيته اللي كنقر انني نبات حيت كنتوحش العائله وداكشي كنلقى الصداع والمشاكل مازال الصداع مازال المشاكل مؤخرا عيطت علي ماما مسكينه كتسول فيا مالكه ماما شنو قالت لك اودي غير سكتي را جدك راه باغي يتزوج جداتك راها مريضه جداتي مسكينه ولات كدير ليكوش امي اللي حصلت فيها وجدي كيقول لهم باغي نتزوج كيقولوا له زعما خليها غير تموت تمشي عند الله وديك الساعه تزوج كيقول لهم هذه عمرها عمر الكلب هكا تبقى ما عمرها تموت قالت له را جدك باغي يتزوج هو بقد الحلوف ايوا يا البنات هذه هي القصه ديالي وهذه هي حكايتي مع الدار اللي قلت لكم اول مره نعاود عليها راه هذا الشي اللي وقع لي راه عرفوا غير راجلي وانا وهذاك الناس اللي فذاك الدار ذاك لونطوراج ديال ديك الدار عائلتي عمرني ما عاودت لهم عائلتي اللي عارفينه انني انا فاش خرجت من الدار عيطت عليه عيطت بحال عيطت على اخته هي اللي جات عندي وداتني وجلست معها في دارها صافي داكشي علاش انا معقده من الدور ديال الكره كنقول نعيش الغبينه والهم في دار عكوسي ومامشيتش نكري حيت الراجل مسكين مازال حاليا ما عندوش القدره باش يمشي يشري ولان المهم البنات ملي خرجت من ديك الدار وانا الخوف متملكي وباقي معايا حتى لهذا النهار تصوروا ما نقدرش نجلس في الدار بوحدي ما نقدرش مستحيل عرفتي فاش كنلقاهم كلشي مشاو كنلقى مثلا شيخي خرج ع عزوزتي خارجه لوستي مثلا مشات مثلا جاو العائله ديال راجلها داوها ولا شي حاجه كنلقى راسي غنبقى بوحدي لا كنلصق في عجوزتي في راجلي كنقول له ما تمشيش للخدمه وخا عندي ولادي ما نكذبش عليكم باقي في ديك الخلعه كنكون جالسه في الدار كيكونوا فيها كل شيء كنسمعني شي حاجه تقرقبت قدامي صافي كنشد على قلبي كنبقى جالسه شحال كنبقى نتنفس بصعوبه عاد باش كنرجع هذاشي اللي بغيت البنات نقول لكم ملي تعلمتهم القصه ديالي ان ماشي اي حاجه رخيصه تكون حاجه اللي فيها الامان خصكم تردوا البال مزيان مزيان من هذ الحوايج بحال هذو وملي تكريو ودخلوا لدار خصكم ضروري تفحصوها واش فيها شي كاميرات واش فيها شي بلاصه سريه قلت لكم انا باب تقريبا بحال باب بلاكه محطوطه في الحيط تقولي انت هذا حيط وهي تهزيها وتحطيها فوقتاش ما بغيتي وبطريقه اللي بغيتي وهذه هي قصتي البنات وهذه هي حكايتي نتمنى ان شاء الله تكون عجبتكم وتستفدتوا منها والله يدير لينا شولد الخير دعيوا معايا الله يجازيكم بخير عندي ولدي الصغيور مريض ل عاد كنجري به في السبيطارات مسكين واحد الرجيله عنده ماشي ما مقداش عنده رجيله صغيره على رجيله ايوا الله يجيب شي رزق باش ندير له واحد العمليه طلبوا لينا واحد العمليه وهذه هي قصتي اخواتاتي وهذه هي حكايتي شكرا لكم والسلام عليكم شكرا اختي الكريمه والشكر لك ماص بصراحه هذ القصه ماشي غير قصه دازت هذه الحكايه كتورينا باللي ماشي كل مره ا ان الانسان كيهرب او كيختار انه يعيش بوحده كيكون هو الحل حيت بعض المرات كتخرجي من المشكل وكطيحي في مشكل كبر منه القصه ديالك اختي كتورينا بعدا واحد الحاجه مهمه بزاف ان اي بنت كتعيش الحرمان سواء من الحنان او الاهتمام خصوصا ديال الوالدين كتولي كتقلب عليه في بلايص اخرى وهذا الشي ممكن يفتح عليك ابواب ما كانتش في الحسبان لكن هذا الشي ماكيعنيش النهايه اي وحده دازت من تجربه قاصحه تقدر توقف من جديد وتبني حياه مزيانه ولكن بوعي هذ السيده مسكينه تكتب لها تزوج بهذ الطريقه هذه ولكن دازت من واحد المواقف الحمد لله ان الراجل ديالها ولد الناس صدق ولد الناس المهم الكبيدات ديالي اخواني اخواتي بغيت نسولكم بصراحه واش بلاصتها كنت غادي تثقي بذاك الدري وتمشي عنده تعيطي عليه تمشي عنده يكريلك الدار ولا كنت غادي تصبري ولا ترجعي لداركم وخا جراو عليك تولي تطلبيهم واحد السؤال واحد اخر واش عمرك سمعتي بشي قصه بحال هذه في الحقيقه اكتبوا لي في لي كومونتير بغيت نعرف الاراء ديالكم كاملين شكرا لكم جزيلا ما تنساوش سمع حكايتي رقم جوج خاصه بالمستجدات ديال القصص مثلا بحال هذ القصه يقدر يجينا فيها شي جديد من بعد و كنحط لكم في هذك القناه القصه والجديد ديالها وكاينه قصه وحكايه هذه كنحط لكم فيها واحد الكونسيبت زوين ديال الاعترافات بحال قصص قصيره زوين زوينين كنخرجوا من هذا الريتم ديال المعاناه والمشاكل وخا حتى هي كيكونوا بعض المرات قصص اللي فيهم مشاكل ولكن كيكونوا خفاف ضراف المهم كنشكر هذ الاخت جزيله الشكر للناس اللي كيسولوني الا بغاو يعاودوا القصص ديالهم كاين الرقم ديال الواتساب في صندوق الوصف صندوق الوصف ديال القناه غادي تدخلوا عليه غادي تلقاوا الرقم تما اللي بطبيعه الحال غادي تواصلوا معايا من خلاله وغادي تحطوا القصص ديالكم غادي تلقاوا الميساج واحد الرساله كتوصلكم الكترونيه كنوريكم فيها الطريقه باش غادي تعاودوا القصه ديالكم بطبيعه الحال قنوات سم حكايتي كلها اذان صغيه سواء عندكم الجديد في القصه ديالكم ديجا حطيتوا قصه و عندكم فيها الجديد او عندكم قصه جديده هذاك الرقم دايره غير رقم واحد كتواصلوا معايا عليه عندكم اعترافات بطبيعه الحال فيقناه الاعترافات اللي كندير في قناه قصه وحكايه فكذلك و مثال تما تقدروا تصيفطوا لي شكرا جزيلا الى ان القاكم استودعكم الله وبسلامه يعني