ماهي وظيفة مخاط وشعر الأنف What is the function of nasal Boogers and hair

السلام عليكم مخاط الانف او اللي بنسميه الافرازات الجافه هو عباره عن جزيئات لونها اصفر او اخضر بتتكون داخل انفنا وكتير من الناس بيسموا مخاط الانف باسماء مخيفه علشان يخوفوا منه الاطفال وده لان بعض الاطفال بتاكله لانهم بيحبوا طعمه وده بيسبب لهم امراض كتيره في الجهاز الهضمي وخلينا نعرف ازاي مخاط الانف بيتكون اثناء عمليه التنفس بتدخل الجراثيم وحبوب اللقاح وجزيئات الغبار اللي بتكون موجوده في البيئه لجسمنا عن طريق فتحات الانف فبيبدا الجسم بافرازه المخاط علشان يحبس الجراثيم والبكتيريا ويمنعها من الوصول لانسجه الجسم العميقه والافرازات مع شعر الانف بيمنعوا اي حاجه غريبه من البيئه الخارجيه انها توصل لداخل الانف وده بيؤدي لزياده سمك المخاط وبيبدا يجف مع التعرض للهواء وفي حاله لو تعرضت لعدوى بكتيريه او فيروسيه زي دور البرد او الانفلونزا بيبدا الجسم بتنشيط جهاز المناعه وخصوصا كرات الدم البيضاء وبيزود الافرازات المخاطيه علشان المخاط بيشتغل مع كرات الدم البيضاء وبيحبسوا الجراثيم لحد ما تطلع من جسمنا عن طريق العطس او الكحه ومخاط الانف ممكن يكون له الوان مختلفه فمثلا اللون الاصفر والاخضر بيدل على وجود عدوى واللون الاحمر والبني بيدله على وجود دم في المخاط واللون الاسود بيدل على وجود كميات كبيره من الاوساخ والاتربه والخلاصه هنا ان وجود مخاط الانف عامل صحي لانه بيحبس الاوساخ والبكتيريا وبيمنعها من الدخول لجسمنا ولو حسيت ان مخاط الانف عندك زياده عن الطبيعي فالافضل هنا انك تلبس ماسك وتشرب كميات كبيره من السوائل علشان تحافظ على السائل المخاطي