متى يتساوى مقدار سرعة جسم مع مقدار المسافة التي يقطعها الإجابة الزمن واحد ٠ عايز افهم الإجابة

السلام عليكم ورحمه الله وبركاته ابنائي الاعزاء في الصف الثالث الاعدادي اهلا وسهلا بكم مع سؤال جديد من اسئله المتفوقين واسئله اوائل الطلبه اللي بنركز في شرحنا للسؤال على ازاي جت الاجابه مش مهمه فقط الاجابه وخلاص انا عايز اعرف طريقه التفكير في كيف تاتي الاجابه الاجابه دي جت ازاي تمام نقول السؤال ونشرح الاجابه جت ازاي السؤال بيقول لي متى يتساوى مقدار سرعه جسم يعني امتى بتتساوى السرعه مقدار السرعه مع مقدار المسافه التي يقطعها تاني السؤال متى يتساوى مقدار سرعه جسم مع مقدار المسافه التي يقطعها ومن الخطا العلمي ان احنا نقول امتى تتساوى السرعه مع المسافه لان كلاهما له وحده قياس مختلفه وكلاهما كميه فيزيائيه مختلفه فما فيش حاجه اسمها السرعه بتساوي المسافه لكن الصحيح اني اقول متى يتساوى مقدار السرعه على مقدار المسافه يعني امتى رقم السرعه يطلع هو هو نفس رقم المسافه تمام طبعا الاجابه بتقول لي ايه يا جماعه عندما يقطع هذه المسافه الجسم يقطع هذه المسافه خلال الزمن خلال وحده الزمن عندما يقطع هذه المسافه خلال وحده الزمن يعني لما بيكون الزمن بواحد يعني واحد ثانيه او واحد دقيقه او واحد ساعه طيب الاجابه دي كانت ازاي هنا بقول له ان مقدار السرعه بيساوي مقدار المسافه لما الزمن بيكون بواحد خلي بالكم معايا يا شباب انا عندي في مثلث بيربط المسافه مع السرعه مع الزمن فهم وعين وزين يعني ايه يا اولاد يعني السرعه بتساوي حاصل قسمه المسافه على الزمن يعني لو حطيت كده جنب بعض المسافه والزمن بيجيبوا لي السرعه فهو السؤال بيقول لي ايه امتى الرقم اللي يطلع في المسافه يبقى هو هو الرقم اللي في السرعه لو المسافه مثلا بخمسه السرعه تبقى بخمسه لو المسافه بعشره يبقى السرعه ب 10 لو المسافه ب 20 تطلع بسرعه ب 20 بس طبعا هنا خمسه متر يبقى هنا 5 متر لكل ثانيه 10 م يبقى هنا 10 م لكل ثانيه كل واحد لوحده قياس الكلام ده بيتحققش غير لما المقام بيكون بواحد فهنا لو الزمن بواحد في كل الحالات هتيجي تقسم المسافه خمسه على واحد يديك خمسه متر كل ثانيه هتقسم عشره على واحد هيديك عشره متر لكل ثانيه هتقسم عشرين على واحد يديك عشرين متر كل ثانيه يبقى يتساوى مقدار سرعه جسم مع مقدار المسافه التي يقطعها عندما يقطع هذه المسافه خلال وحده الزمن يعني الزمن بيكون واحد ثانيه او واحد دقيقه او واحد ساعه ده شرح السؤال يا رب تكونوا استفدتوا منها بالاشتراك في القناه فعل الجرس عشان توصلك الفيديوهات الجديده اضغط اعجبني عشان الفيديو يوصل لكل زمايلك هسيب لكم ان شاء الله في صندوق الوصف حل جميع اسئله كتاب المدرسه وملخص الامتحان وملخص الاضواء كان معكم استاذ حسن وجيه معلم خبير علوم شكرا لكم والسلام عليكم ورحمه الله وبركاته