مع الكوّير هل يتكرر نهائي لوسيل التاريخي في كأس العالم أمريكا 2026

هل يتكرر نهائي لوسيله التاريخي بين ليونيل ميسي وكيليان امبابيه في امريكا؟ طبعا ده سؤال بدا يتردد كتير على لسان مشجعي كره القدم في العالم كله والناس مش بتسال السؤال ده من فراغ يعني في اسباب كثير قوي بتخليه سؤال منطقي جدا قبل اكث من اسبوعين من نهايه كاس العالم ومن قبل ما الارجنتين تبدا تلعب الادوار الاقصائيه اصلا والاسباب دي في منها اسباب فنيه وفي منها كمان اسباب تاريخيه ده غير الاسباب العاطفيه طبعا لان معظم جمهور الكره لسه مش قادر يتخطى نهائي الاسيل لحد النهارده ونفسهم يتفرجوا على نفس العظمه اللي شفناها من اربع سنين مين مره ثانيه؟ طيب خلونا ناخدها واحده واحده كده ونشوف هل في فعلا امكانيه اننا نشوف النهائي ده ولا لا مبدئيا لو بصينا من بعيد كده على طريق الاثنين للنهائي فكل واحد منهم في طريقه ما ينفعش يتقابله غير في الفاينال نفس وضعيه المونديال اللي فات فلو كل واحد منهم عمل اللي عليه وخلص على كل المنافسين اللي هيقابلهم يبقى هتحصل فعلا ونشوف نفس النهائي ثاني طيب ما هي العقبات قدام كل واحد منهم للوصول لهذا النهائي التاريخي لو حصل الحقيقه ان العقبات كتير والموضوع اكيد مش هيكون سهل اطلاقا وكل منتخب منهم طريقه لن يكون مفروش بالورود للنهائي وخلينا نبدا بالارجنتين بما انهم لسه اصلا ما بداوش دور ال 32 الارجنتين من يوم الفوز باول كاس عالم في التاريخ في ارضهم سنه 78 وهم بيصنفوا واحد من اقوى منتخبات الكوره في العالم كله طبعا وماعتقدش ان في بطوله كاس عالم دخلتها الارجنتين الا وكانت مرشحه للفوز باللقب وعد عليها اجيال عظيمه كثير لم يكتب لها الوصول للمباراه النهائيه زي اجيال 98 و2002 و2006 مثلا على الورق الارجنتين كان بيبقى معاها اقوى فريق في البطوله لكن دايما كانوا بيقعوا وما بيكملوش لكن الارجنتين ابطال العالم بقياده واحد من افضل اللاعبين في التاريخ حاجه ثانيه يعني ايه بقى الكلام ده؟ يعني الارجنتين لما خدت كاس عالم 86 بقياده ديجو ارناندو مارادونا بعد اداءه التاريخي وقتها البطوله اللي بعدها كانت بتتلعب في البلد اللي مارادونا هو ملك كره القدم فيها ايطاليا البلد اللي مارادونا احتلها كرويا من 87 لحد 90 وكسب مع نابولي دوريين لاول مره في تاريخ النادي في 87 و90 جاب لهم اول واخر بطوله اوروبيه في تاريخهم في 89 فكان مونديال ايطاليا بيتلعب وافضل واهم لاعب فيه هو مارادونا مش حاسس ان الموضوع شبيه شويه للي بيحصل دلوقتي ميسي كسب كاس عالم قطر 2022 وبعدها على طول راح شادد على امريكا ارض كاس العالم القادم اللي بدا الشهر اللي فات ده واكيد اكيد اكيد هو نجم الكره الاول في البلد كلها النجم اللي خلى الاطفال في كل حته في العالم عايزين يجيبوا تيشيرت انتر ميامي النادي اللي عمرنا ما سمعنا عنه قابله اصلا وبقينا كلنا مستنيين كاس العالم يبدا عشان نشوف ميسي هيظهر بانهي نسخه منه ولما بدا لقينا النسخه المرعبه المعتاده من ليونيل ميسي وبدا دور المجموعات بتسجيل ست اهداف ولا واحد منهم من ضربه جزاء وكمان ضيع ضربه الجزاء المعتاده ليه قدام النمسه راجل محافظ على كل تقاليده في كاس العالم فما فيش شك ان ميسي لعب افضل دور مجموعات ليه في كاس العالم في سن 39 سنه واداءه وجاهزيته البدنيه وكل حاجه تقريبا هي هي من 2022 نفس الوقفه والسكانينج والرؤيه والقياده وزود عليها كمان ان الفينش بتاعه مازال من كوكب ثاني والفريق كله بيساعده يطلع افضل ما عنده وده اللي بيحصل فعلا وبيحصل بقىه بتاع خمس سنين الموضوع مش جديد يعني لكن الاراء المضاده بتقول لك ايه بقى بتقول لك ان قوه وصلابه المنتخب الارجنتيني لم تختبر حتى الان لان الارجنتين في مجموعتها كانت منتخبات مش هي دي اللي ممكن توقف الارجنتين احنا بنتكلم عن الجزائر المنتخب العائد للمونديال بعد غياب 12 سنه النمسا اللي بيرجع له المونديال بعد غياب 28 سنه والاردن اللي بيلعبوا اول مونديال في تاريخهم اساسا فطبيعي ان الارجنتين تكسب الثلاثه خصوصا لما اثنين منهم يلعبوا قدامهم من غير حراس مرمى وهنا اكيد بتكلم على الاردن والجزائر المنتخبين اللي الحراس بتوعهم في مرمى نيران جماهيرهم لوكا زيدان فقد مكانه الاساسي في الماتش الثالث بعد اداءه الكارسي في اول ماتشين ومش عارف الحقيقه بنبوط هو اللي هيكمل في دور ال 32 ولا لا وابو ليلى الدنيا قايمه عليه في الاردن خصوصا بعد ماتش الارجنتين فالارجنتين جامده جدا وكل حاجه وميسي بيقدم واحد من افضل اداءاته في تاريخه في المونديال لكنهم قبلوا منتخبات وقعت في اخطاء من غير المرجح ان منافسينهم قدام يقعوا فيها طيب مين هم بقى المنافسين اللي الارجنتين هتقع قدامهم في الطريق بقى وما هو الخطر الحقيقي في طريق الارجنتين لنهائي نيو جيرسي الارجنتين في دور ال 32 تبدو في مهمه سهله جدا جدا امام كاب فيردي المنتخب الافريقي اللي بيلعب كاس العالم لاول مره في حياته وطبعا الارجنتين بتمتلك تاريخ حافل مع الافارقه في كاس العالم تاريخ بدا بمفاج مفاجاه مدوايه في افتتاح كاس عالم ايطاليا 90 وفوز الكاميرون عليهم 1-0 بهدف اومان بيك فاعم الارجنتين بدات تاريخها قدام الافارقه بخساره لكنها من اليوم ده وهي عماله تعاقب قاره افريقيا كلها على هذا الاحراج التاريخي ومدوره الضرب في اي منتخب افريقي بيتقابله في كاس العالم لحد النهارده والضحايا هم نيجيريا خمس مرات وكوديفوار مره واخرهم الجزائر من اسبوعين تقريبا سبع ماتشات مع الافرارقه من بعد ماتش الكاميرون بسبع انتصارات وطبعا كاب فيردي مرشحين بقوه لهذا المصير يوم الجمعه فالارجنتين لو عدوا منهم اتمنى من كل قلبي يكون منافسهم هو منتخب مصر يا ساتر يعني مش بس منتخب افريقي ده منتخب افريقي وعربي كمان وتاريخ الارجنتين مع العرب شبيه جدا لتاريخهم مع الافرقه تاريخ برده بدا بهزيمه مداويه من السعوديه في استادوسيل وبرده من يومها وهم مطوحين الضرب في اي منتخب عربي بيقابلوه في كاس العالم والضحايا كانوا الجزائر والاردن من كام يوم بس فهل ممكن نعملها لو حصلت فعلا وهنقابلهم في دور ال 16 ده بقى موضوع ثاني خالص ومحتاج حلقه لوحده ان شاء الله نعدي استراليا بكره وهم يعدوا كاب فيردي ونتكلم براحتنا على المواجهه التاريخيه دي لكن على الورق طبعا مش من الطبيعي ان مصر او استراليا هم اللي شكلوا خطر على الارجنتين الخطر الحقيقي هيبدا معاهم من دور الثمانيه اللي منافسهم المحتمل فيه هو منتخب كولومبيا لان على الورق وعلى ارض الواقع كمان كولومبيا هي الاقوى من بين الرباعي اللي هيوصل لدور الثمانيه من الطريق ده الطريق اللي فيه كولومبيا مع غانا والجزائر ضد سويسرا منتخب تفوق على البرتغال في المجموعه بسبع نقط واتحرموا من الفوز على البرتغال بس عشان ديفنسون سانشيز مقاس جزمته 48 فكولومبيا منتخب اثبت فعلا انه منتخب كبير كاس العالم ده وكولومبيا كانت المنتخب الوحيد اللي الارجنتين ما قدرتش تكسبه في تصفيات كاس العالم اللي فاتت كولومبيا كسبت في برانكيلا 2-وا وتعادل في بوينس ايرس 1-وا لا والارجنتين هي اللي اتعدلت كمان في اخر 10 دقائق وكولومبيا معودان ان مشاركتها في كاس العالم اللي بيقام في الامريكتين بتكون قويه جدا ده باستثناء مشاركه 94 طبعا دي كانت كارثه دي لكن في البرازيل 2014 قدموا كاس عالم تاريخي وصلوا فيه لابعد نقطه قدروا يوصلوا لها في كاس العالم وهي دور الثمانيه فهل هتكون دي برده ابعد نقطه يوصلوا لها وينتهي الحلم قدام الارجنتين لو حصلت هتبقى مواجهه قويه جدا طبعا واكيد كولومبيا بتشكل خطر كبير على الارجنتين لكن الخطر الاكبر اكيد مستني الارجنتين في السيمي فاينال اللي على الورق مستنيهم فيه منتخب من اثنين البرازيل او انجلترا اللي الورق بيقولوا انهم المفروض يلعبوا دور الثمانيه مع بعض لكن خلي بالك منافسين الاثنين في منتهى الخطوره في دور ال 16 وخصوصا انجلترا اللي رايحين المكسيك يلعبوهم في جحيم الازتيكا الملعب اللي المكسيك ما خسرتش فيه ولا ماتش في كاسين عالم قبل كده وده الثالث لحد دلوقتي المكسيك لعب اربع ماتشات باربع انتصارات وما دخلش فيهم ولا جون فده هيكون ماتش قوي جدا مستنينا في دور ال 16 وفي راي الفرص فيه 5050 اما البرازيل بقى بقى فداخلين على الفايكنجز بقياده الدبابه ايرلين هالاند اللي مقدم بطوله قويه جدا لحد دلوقتي وتاريخ البرازيل القريب في كاس العالم بيقولوا انهم بيخرجوا من المنتخبات شبه النرويكج كده بلجيكا في 2018 وكرواتيا في 2022 لكن في دور الثمانيه مش دور ال 16 فهو برده في رايي ماتش صعب جدا جدا و50 برده فزي ما حضرتك شايف منافسي الارجنتين اللي المفروض يسببوا لها متاعب كبيره هيبداوا من دور الثمانيه وفي السيمي فاينال سواء ارجنتين برازيل او ارجنتين انجلترا فدي طبعا ماتشات ضرب نار وكل الكلام ده على الورق طبعا فهل هتق تقدر الارجنتين تعدي من كل المطبات دي وتوصل الفاينال. الناحيه الثانيه بقى موجوده فرنسا المرشح الاول للاعب المباراه النهائيه من هذا الطريق ومحتاجين نقف مع فرنسا شويه حلوين لان اللي قدموه في الاربع ماتشات اللي لعبوهم هو يعتبر رعب خام في لعبه كره القدم منتخب مرعب بالمعنى الحرفي للكلمه بيكسبوا ماتشاتهم ثلاثات واربعات بس بيمتلكوا رباعي هجومي عادي جدا كله ينافس على البالوندور كيليان امبابيه بيقدم اداء عجيب للمونديال الثالث على التوالي بيوصل لهدف ال 18 في تاريخ المونديال وطبعا ثاني الهدافين التاريخيين بعد ميسي الفرق هدف واحد وميسي لعب ثلاث كؤوس عالم اكث منه ومن ال 18 هدف دول 10 اهداف منهم في الادوار الاقصائيه من كاس العالم عشان يتصدر قائمه الهدافين التاريخيين في الادوار الاقصائيه للمونديال قائمه اول 10 لاعيبه فيها مش منهم لا كريستيانو ولا ميسي لحد دلوقتي عشان تقدروا اهميه الرقم بس فاحنا هنا مش بنتكلم عن واحد من افضل لاعبي النسخه الحاليه من كاس العالم لا احنا بنتكلم عن احد افضل اللاعبين واكثرهم تاثيرا في تاريخ كاس العالم كله ده وهو لاعب كاسين عالم ونص بس لحد دلوقتي تخيل مع نهايه مسيرته ممكن يكون عمل ايه والفكره بقى ان منتخب فرنسا مش امبابيه بس ده محاط بمجموعه من الكوارث في الملعب وعلى الدكه كمان بيلعب جنبه دمبيلي اللي مسجل اربع اهداف وليسي اللي عامل خمس اسيستات وكان هيجيب سايد كيك في السويد كان هيبقى واحد من احلى اهداف كاس العالم في التاريخ وباركولا اللي مسجل هدفين لحد دلوقتي خط هجوم واصل لدرجه مرعبه من التفاهم والتجانس وراهم نص ملعب قوي جدا بقوائده العائل الراسي ادريان رابيو اللي بيقدم اداء مفاجئ بالنسبه لي الحقيقه واحد من افضل لاعيبه منتخب فرنسا فالمنتخب كله بيقدم اداء في منتهى الروقان وخليني افاجئك واقول لك انه باقل مجهود كمان لحد دلوقتي فرنسا في معدلات الجري في الماتش الواحد جايين في المركز ال 44 من 48 منتخب وفي معدل الاسبرنتات في الماتش الواحد بيجوا في المركز ال 35 ده معناه ايه؟ معناه ان فرنسا قدمت الرعب اللي قدمته في الاربع ماتشات اللي فاتوا دول على الواقف من غير حرق كتير يعني الفريق لسه بيوفر جهده وتعبه للادوار المتقدمه في البطوله فانت متخيل بقى لما الفريق ده يقرر يبذل مجهود اكبر في الماتشات الجايه ممكن يعمل ايه فرنسا لحد دلوقتي في حته وبقي منتخباته البطوله كلها في حته ثانيه خالص لكن هل ده معناه ان الموضوع منتهي بالنسبه لهم يعني وسكتهم للفاينال سلكه اكيد لا طبعا ومشاكل فرنسا من المفترض انها تبدا من دور الثمانيه وده لان مهمتهم اعتقد انها في المتناول في دور ال 16 قدام باراجواي اي نعم باراجواي عملوا انجاز كبير جدا بتخطيهم المانيا بضربات الترجيح لكن اعتقد ان دي هتبقى الذكرى السعيده ليهم من امريكا 26 وهم يستهلوها وشفت فيديوهات احتفالات من بلدهم في منتهى الجمال فباراجواي لقطتهم في امريكا اتعملت خلاص في راي واتعملت على منتخب معتاد انه يتعمل عليه مثل هذه اللقطات المكسيك وكوريا عملوها في 2018 اليابان عملتها معاهم في 2022 فالميا من يوم ما اخدوا كاس عالم 14 وهم مش موجودين في البطوله خالص موجودين باسمهم وتاريخهم بس لكن على ارض الملعب زي ما حضرتك شايف كده لكن فرنسا بقى موضوع ثاني خالص انت بتتكلم عن بطل العالم 18 ووصيف 22 والاثنين بقياده نفس المدرب اللي لسه بياقدهم لحد دلوقتي واللي لسه محافظ على نفس السيستم لكن الادوات اللي معاه احسن كثير من اللي كانوا معاه في كاسين العالم اللي فاتوا عشان كده مهمه باراجواي تحديدا انا شايف انها شبه مستحيله قدام فرنسا النوش مع فرنسا بقى المفروض انه يبدا من دور الثمانيه الدور اللي من المفترض انهم يقابلوا فيه منتخب المغرب ده بعد لما المغرب تعدي من كندا ان شاء الله يعني لان المغرب قدمت ماتش مرجعي قدام هولندا في دور ال 32 لاول مره في تاريخ متابعتي لكاس العالم من 30 سنه تقريبا اشوف منتخب افريقي مسيطر على منتخب اوروبي كبير بالشكل اللي شفته من المغرب قدام هولندا اكتسحوهم في كل حاجه المغرب ما بقاش المنتخب الاندر دوج اللي بينزل عايز يخطف الفوز من منتخب اعلى منه فنيا وانا شخصيا قبل الماتش كنت تحت هذا التاثير على فكره كنت شايف ان في تفوق فني لهولندا على المغرب لكن من اول ما الماتش بدا شفت سيطره مطلقه في كل تفاصيل الماتش للمغرب وده ده تكمله للي شفناه قدام البرازيل بدرجه اقل شويه في اول ماتش ليهم في البطوله فالمغرب مقدمين شكل اكث من رائع وكانوا يقدروا يخلصوا على الهولندا في الاشواط الاضافيه حتى من غير ضربات ترجيح لكن سفيان رحيمي كان له راي اخر فالمغرب منتخب فعلا قوي جدا جدا لكنه قوي لانهي درجه هو ده السؤال دلوقتي قوي للتعادل مع البرازيل وهولندا وهو الافضل على ارض الملعب دي اتاكدنا منها خلاص لكن هل هو قوي لدرجه التفوق على هذه النسخه المرعبه من فرنسا هل قوي كفايه للاخذ بطار هزيمه 2022 في السيمي فاينال هذا ما سنعرفه في دور الثمانيه ان شاء الله في حاله تاكد مواجهه المنتخبين الخطر الثاني بقى واللي ناس كتير شايفاه الخطر الاكبر على فرنسا في حاله تخطيهم دور الثمانيه اسبانيا او البرتغال اللي كمان كم ساعه هيبداوا رحله الاقصائيات قدام النمسا وكرواتيا ماتشات مش سهله للاثنين طبعا لكنهم المرشحين انهم يتخطوها ويلعبوا دور ال 16 على مين فيهم هيروح يلاعب فرنسا في السيمي فاينال ده على اساس انهم هيعدوا دور الثمانيه يعني والورق اللي احنا عمالين نتكلم عليه من اول الحلقه بيقول ان اسبانيا هي اللي تعدي ده بناء على اللي شفناه من الاثنين في دور المجموعات يعني بمعنى ان المرشح الابرز لمواجهه فرنسا في السيمي فان حاله تاهلها ليه هو منتخب اسبانيا واسبانيا قدرت تحقق تفوق على المستوى الاوروبي على فرنسا في اخر سنتين سيمي فاينال يورو 2024 انتهى بانتصار الاسبان لكن شتان الفارق بين فرنسا امريكا وفرنسا المانيا من سنتين في اليورو فرنسا شاكب راكب سجلت اربع اهداف بس بست ماتشات لعبتهم في البطوله الاربعه دول سجلوهم في ماتش واحد قدام النرويج السنه دي وتفوق الاسبان استمر كمان في دوري الامم الاوروبيه وقدروا يعدوا من فرنسا بنتيجه 5 ا في السيمي فاينال برده ده كان ماتش هاند بول تقريبا فزي ما حضرتك شايف اسبانيا هي عقده فرنسا في اي سيمي فاينال بيلعبوهم فيه مؤخرا فهل لو حصلت ولعبوا فعلا سيمي فاينال كاس العالم هيستمر تفوق الاسبان ولا فرنسا حاليا اقوى بكثير من انها تعاني من عقده زي دي فزي ما انت شايف طريق منتخب فرنسا المرعب للفاينال مش سهل برده ومعرضين فيه الاختبارات اكيد هتكون صعبه جدا في دور الثمانيه وقبل النهائي في النهايه بقى عايز اعرف رايكم هل شايفين ان في فرصه قويه لتكرار نهائي لوسيل في امريكا بين الارجنتين وفرنسا على غرار نهائيين 86 و90 بين الارجنتين والمانيا مثلا ولا شايفين منتخبات ثانيه ممكن تعلى طول ما احنا ماشيين في البطوله ونشوف في النهائي منتخبات ثانيه غيرهم انا عن نفسي مستني نهائي مختلف تماما نهائي مصر والمغرب بعد ما مصر تخرج الجزائر من السيمي فاينال احنا هنقلبها لك كاس امم افريقيا جاتوزو يا ابن اللذينه تخيل لو حصلت دي يلا قولوا لي ايه هي توقعاتكم وتمنياتكم لطرفاي المباراه النهائيه لكاس العالم امريكا 2026 ونكمل كلامنا على المونديال هنا في منصه وين الحلقه الجايه ان شاء الله وكالعاده ما تنساش تعمل لايك وتشترك في القناه عشان تشوف كل حلقاتنا اللي فاتت واللي جايه ان شاء الله سلام