كيف نحمي المباني من تأثير الزلزال المعماري

هتعمل ايه لو صحيت الصبح ما لقيتش بيتك البيت في دماغنا كلنا مرتبط دايما بشعور الامان من اول الاطفال في الحضانه اللي كل ما حد يزعلهم يصرخوا انهم عايزين يروحوا البيت لحد الكبار اللي بيحاولوا دايما يهربوا من البيت بس مع اول تعب او حزن او اي مشكله بتحصل بيرجعوا له جري البيت وطنك الصغير مكان انت حافظ كل تفصيله فيه تقدر تمشي فيه وانت مغمض تخيل بقى تكون قاعد وسط اهلك ما انتخ على كنبتك الجميله وبتشرب الشاي وشويه وهتدخل سريرك اللي ما بترتاحش غير عليه وفجاه وفي خلال كم ثانيه كل ده ينهار تماما والبيت ما يبقالوش وجود على الارض وانت واقف في الشارع واهلك مرعوبين وما حدش فاهم الناس بتصرخ ليه بس تسمع من بعيد الحقونا زلزال اهلا بيكم في حلقه جديده من المعماري انا احمد علي ويلا بينا نبتدي الحكايه الزلازل واحده من اخطر الظواهر الطبيعيه اللي حوالينا الزلزال مهما كان بسيط طبيعي جدا يخوفنا لانه ضد المنطق اللي احنا عارفينه من اول مواعين على الدنيا ان الارض ثابته وكده كده شايلانه اما الزلازل بقى اللي بنحس بيها دي فدي اخطر بكتير وهنا لازم نسال نفسنا سؤال هو ازاي الزلازل بتحصل خليني اقول لك ان الزلازل او الهزات الارضيه بتحصل نتيجه حركه في الصفائح الصخريه اللي موجوده في القشره الارضيه يعني ايه الكلام ده الموضوع ببساطه هو ان الارض بتتكون من مجموعه طبقات فوق بعض والطبقات دي نقدر نقول انها عايمه فوق النواهد الداخليه للارض وبتكون درجه حرارتها عاليه جدا لانها بتتكون من حمم بركانيه تحت ضغط عالي الحمم اللي بتطلع من البراكين اللافا المهم الضغط لما بيتغير الصفائح اللي بقول لكم عليها دي بتتحرك فوق نواه الارض وبتحتك ببعضها الاحتكاك بين الصفائح ده هو اللي بيسبب الهزات الارضيه او الزلازل وحسب الاحتكاك بتكون شده الزلزال وخليني اقول لك ان الاحتكاك ده مش حدث نادر ولا حاجه لا ده كل سنه بيحصل في العالم 20,000 زلزال يعني بمعدل 55 زلزال في اليوم بس معظمهم زلازل ضعيفه ما بنحسش بيها اصلا ودول بتكون قوتهم على مؤشر درجه الزلازل من واحد لتلاته ريختر تقريبا اما لو كان اربعه او خمسه بنحس بالهزه اه بس تاثيرها بيكون ضعيف اللي هي بتمرجح النجفه او بنعرف عنها من الفيسبوك لحد هنا تمام وزي الفل وخلي الصفايح تلعب في قلب الارض وتمسي على بعض عادي المشكله بقى بتظهر لو الصفايح زودتها شويه وقوه الزلزال عدت الخمسه ريختر هنا بقى الموضوع بيكون خطير زي زلزال 92 اللي حصل عندنا في مصر ده كان قوته خمسه وثمانيه ريختر وتسبب في وفاه 561 شخص او زلزال تركيه اللي وصلت قوته لسبعه وثمانيه ريختر وراح ضحيته ما لا يقل عن 50,000 واحد واكيد كلنا شفنا حجم التدمير اللي عمله في تركيا وسوريا دي الزلازل القويه اما بقى لو لا قد الله على العالم كله يعني لو حصل زلزال شدته فوق التسعه ريختر فده بينتج عنه طاقه تعادل تقريبا 25 الف قنبله نوويه ده على حسب كلام مركز ابحاثه ومعلومات الزلازل الامريكي يعني ده لو حصل مش هنلحق اصلا نحكي عنه وعلشان نفهم الموضوع اكتر خليني اقول لك ان قوه تاثير الزلازل دي بتتوقف على حاجتين مهمين قوي اولا بعد المنطقه عن مركز الزلازل اللي بيسموها بؤره الزلزال تلاقيهم كده بيقولوا لك النهارده ان حصل زلزال حس به اغلب سكان القاهره وبؤره الزلزال كانت في حلوان معنى كده ان اقوى هزه كانت في حلوان واثرت طبعا على باقي القاهره وكل ما بتبعد عن المركز قوه الزلزال بتقل تاني حاجه بتاثر جدا على قوه الزلازل هي بعد المركز ده عن سطح الارض كل ما كان بعيد كل ما احساسنا بالزلزال كان اقل بس برضو في حاجه مش مفهومه تعالوا كده نفهمها مع بعض لو ركزنا شويه هنلاقي ان الزلزال في حد ذاته كده مش مخيف ولا خطر يعني تخيل مثلا ان يحصل زلزال في الصحراء مهما كانت قوه الزلزال ده ايه يعني اخطر حاجه ممكن تحصل الارض هتتهز بيك كم ثانيه وتقف او هيكون زلزال تقيل شويه فهتقع وتتشقلب وسط الرمله اخره هيعمل فيك ايه هتقوم تقف وتنفض هدومك وتكمل مشوارك وتروح تحكي لصاحبك عن الزلزال وفعلا ده اقصى حاجه ممكن تحصل خطوره الزلزال الحقيقيه مش في المساحات الفاضيه لا اصعب الكوارث اللي بتسببها الزلازل هي انهيار المباني وهي دي اللي بتعمل المشكله مباني بالاحجام اللي موجوده عندنا في المدن دي لما بتتعرض لزلازل وارد جدا تنهار وتقع وطبعا ده بينتج عنه عدد كبير جدا من الاصابات وفي اوقات كتير بتوصل لوفيات وساعتها يتحول الزلزال من مجرد حدث عادي لكارثه طبيعيه وماساه انسانيه واقتصاديه كمان وده اللي خلى المهندسين يفكروا ازاي يقدروا يامنوا المباني من الزلازل بحيث ما تنهرش وقت الهزه الارضيه وهنا ظهر حاجه اسمها كود الزلازل شويه مواصفات كده لازم المهندسين يلتزموا بيها وهم بيصمموا المبنى بحيث يكون قادر انه يتحمل الهزات الارضيه دي وخصوصا في الاماكن اللي بيحصل فيها زلازل بشكل متكرر اللي بيسموها المناطق اللي موجوده على حزام الزلازل العالمي وبالمناسبه في عندنا كود زلازل في مصر وتعدل كتير جدا بعد اللي حصل في زلزال 92 علشان كده هنلاقي المهندسين دلوقتي بقوا بيامنوا نفسهم كويس جدا يزودوا اعمده في المباني يزوده من حديد التسليح في الاعمده والكمرات ما بقوش يقولوا الخرسانه حملت قسيه وسرها باتع ومشيها يا هندسه زي ما كان بيحصل قبل كده حسب فريق بحثي من جامعه اوكسفورد الاجراءات دي خلت متوسط عدد الوفيات الناتجه عن الكوارث الطبيعيه قلت بشكل كبير جدا في اخر 100 سنه كان حوالي اكتر من نص مليون في السنه في العشرينات ودلوقتي وصل لعشرين الف في السنه بس خليني اقول لك ان دايما لغه الارقام دي ظالمه الارواح الناس 20000 نفس ده لسه رقم كبير صحيح الاضرار قلت بس لسه الموضوع محتاج شغل كتير وده اللي خلى المهندسين يطوروا اكتر في الانظمه الانشائيه علشان المبنى يتحمل الزلازل اكتر واكتر بس قبل ما نتكلم عن التطور اللي حصل في الانظمه الانشائيه لازم الاول نفهم هو يعني ايه اصلا نظام انشائي لو رجعنا بالزمن شويه هنلاقي ان المباني زمان او المباني الكلاسيكيه كانت الحوائط اللي فيها هي اللي بتشيل وزن المبنى يعني بيعملوا اساسات في الارض عادي جدا وبعد كده يبنوا عليها الحوائط والاسقف علشان كده تلاقي البيوت او المباني القديمه الحيطان بتاعتها سمكها كبير جدا وما فيش فيها فتحات كتير وكانوا بيسموها الح الحمله لان هي اللي شايله المبنى بس بعد ظهور الخرسانه المسلحه بدانا نشوف نوع جديد من المباني اسمه المباني الهيكليه دلوقتي بقى في هيكل هو اللي بيشيل وزن المبنى اعمده وكاميرات نفس فكره جسم الانسان اللي شايله هو العظم الحيطان اللي فيه اللي هي الجلد ما بتشيلش حاجه علشان كده لو ركزت معايا في المكان اللي انت قاعد فيه وبتتفرج عليا منه هتلاقيه عباره عن ارض وحواليه شويه حيطان وفوقيه سقف مش كده كل حاجه موجوده في المكان ده سواء عفش او غيره متشال على البلاطه الخرسانه اللي هي الارضيه بتاعت الغرفه والبلاطه دورها انها تنقل الوزن الحاجه اسمها الكمرات والكاميرات بتوسعه على الاعمده ومن الاعمده للاساسات وبعدين ارمي حمولك دي كلها على تربه الارض كده المبنى هيتشال من غير اي مشاكل ما دام كل عنصر بينقل الوزن من غير ما يتكسر او يحصل له حاجه يسلم نضيف ويستلم نضيف هي دي الطريقه اللي بيضمن بيها اي مهندس انشائي ان المبنى امن ونقدر نستخدمه ونعيش فيه الاحمال او الاوزان دي المه بيسموها الاحمال الراسيه لانها بتنزل بشكل راسي من فوق لتحت طب حلو قوي فين بقى المشكله بقى لما بيكون في زلزال والارض بتتهز تحت المبنى ده بيعمل حمل افقي على المبنى لانه ساعتها بيتحرك يمين وشمال وهو مش متصمم لده فبيحصل تصدعات فيه وممكن ينهار لو الهزه الارضيه قويه وهنا المهندسين قرروا يدرسوا المباني الكلاسيكيه اللي تعرضت قبل كده لتجارب مع الزلازل ويفهموا منها سبب مقاومتها للهزات الارضيه علشان يطبقه ده على المباني الجديده من ضمن الحاجات اللي وصلوا لها ان شكل المبنى بيفرق جدا في مقاومته للزلازل يعني مثلا لو المبنى دائري هيتحمل اكتر بكتير من المبنى المربع او المستطيل وده حل لغز كان محير البشريه فتره طويله وهو ازاي المسارح الرومانيه زي الكروسيه انفورما فضلت موجوده طول الوقت ده وفي مناطق زلازل نشطه رغم ان تقريبا كل المباني اللي حواليها اتهدد واختفت تماما من مئات السنين كمان التناظر او السيمتريه عنصر مهم جدا مقاومه المبنى للزلازل المباني السيمتريه عندها قدره على الثبات وبتقدر تقاوم الزلازل اكتر بكتير من المباني الغير سيمتريه نفس الكلام في الاشكال السداسيه وكمان في المباني اللي معموله على شكل قبه زي مبنى الحكومه العراقيه القديم اللي اتضرب بقنبله وزنها اكتر من اتنين طن ومع ذلك الهيكل بتاعه ما تاثرش وفضل ثابت ده بيرجع لشكله اللي بيقدر يتحمل الاحمال الافقيه لا وكمان المهندسين قدروا من المباني القديمه يعرفوا طرق معينه لتقليل خطر الزلازل يعني لما درسوا الزلازل في اليابان لانها معروفه انها اكثر المناطق في العالم اللي بتتعرض للهزات ارضيه لاحظوا حاجه غريبه جدا ومهمه وهي ان رغم كل الزلازل اللي بتحصل في اليابان دي والخسائر اللي بالمليارات على مر السنين الا ان معابد الباجوده البوذيه هناك ما كانش تقريبا بيحصل لها اي ضرر ما فيش غير حالتين بس تسجلوا المعابد باجوده منهاره في اليابان بسبب الزلازل في اخر 1400 سنه اكيد معابد كتير اتهدد بسبب برق او حرايق او نتيجه حروب بس هم معدين بس اللي اتهدوا بسبب ارضيه خلال الفتره دي كلها طب اشمعنى ان عبد دي بالذات هي اللي بتقاوم الزلازل ده لانه تنفس فيهم واحد من اقدم الاساليب لمقاومه الزلازل واللي بيسموه هناك الشين بشيره واللي معناه العمود القلبي وهو ببساطه عمود ضخم جدا من الخشب عاملين وسط المبنى ومتثبت في الارض على عمق مناسب بحيث يمتص هزات الزلازل ويقلل من تاثيرها على المعبد علشان كده ما تستغربش لما تشوف مبنى زي برج طوكيوس كايتري في اليابان اللي الانشائي عمله بنفس الطريقه اللي اتعمل بها معابد البجهوده البوذيه وحقق فيه نفس الفكره عمل فيه عمود من الفولاذ وسط المبنى علشان يقوم بنفس الدور بتاع الشين بشيره وده فعلا قدر يقلل اهتزاز البرج وقت الزلازل بنسبه 50% فدي كانت طريقه قللوا بها تاثير الزلازل شويه في مباني تانيه بيطبقوا فيها طريقه مختلفه وهي انهم بيثبتوا فيها كتله ضخمه في البرج من فوق حاجه كده اسمها المثبت الكتلي مصطلحات اوفر انا عارف بس خلينا نقول انها حاجه كده اقرب للبندول بحيث تتحرك عكس اتجاه الزلزال وبالتالي تقلل من تاثيره اللي هو من الاخر هتجيلي كده هتجيلك انا كده فمش هتاثر علي وبالمناسبه الطريقه دي متنفذه في برج شنغهاي في الصين يعني طريقه ناجحه جدا وكمان في برج خليفه في الامارات كمان في طريقه هنلاقيها منتشره قوي في اليابان اسمها او قاعده العزل الزلزاليه بيفصلوا فيها اسسات المبنى عن الاعمده وعاملين بينهم مصدات معينه من المطاط والرصاص بحيث تنقل الاحمال الراسيه عادي بس وقت الزلزال تمتص الذبذبات وتاخد وتدي مع حركه الزلزال من نفسها وما تنقلهاش للمبنى او بتنقلها بس طبعا ما بتكونش بنفس القوه بتاعه الزلزال نفسه اقل بكتير طب هايل قوي معنى كده ان المهندسين نجحوا في تامين المباني ضد الزلازل وبكده مستحيل المباني تنهار خليني اقول لك بمنتهى الثقه للاسف لا كل دي حلول اتقدمت علشان تقلل من تاثير الزلازل علينا تحاول تحمينا اكتر وتقلل الخساير بس برده كل ده احنا نقدر نعمله في المباني الجديده المباني التاريخيه اللي احنا محتاجين نحافظ عليها من الانهيار الثروه المعماريه بتاعتنا ممكن يتصرف معها ازاي هنلاقي برضو ان المهندسين فكروا في الموضوع ده عملوا جهاز معين بيتثبت تحت الارض عنده القدره انه يشتت ذبذبات الزلازل بحيث ما تاثرش على المبنى بيسموه بايبريشن باريس او حواجز الاهتزاز الاجهزه دي مش بس بيستخدموها علشان يقللوا اهتزازات الزلازل لا دول كمان بيستخدموها في الاماكن القريبه من السكك الحديد علشان تقلل من الذبذبات اللي بتنتج من حركه القطارات السريعه وحاليا في ابحاث مشتركه بتتعمل بالجامعه القاهره وجامعه برايتون في انجلترا علشان يطبقوا التقنيه دي عندنا في مصر حوالين هرم سقاره علشان يحموه من اي انهيار محتمل خصوصا انه تاثر بزلزال 92 بالفعل الملخص ان جزء من قدر البشر انهم يفضلوا مرتبطين بالمباني تاريخنا متسجل على حيطان المباني وحضرنا عايشينه جوه المباني ومستقبلنا مستحيل نشوفه من غير ما نطور في المباني علشان كده اعتقد شف ملايين بتتصرف على ابحاث انشائيه علشان نوصل لطرق جديده ومحاولات تقلل خطوره الزلازل والاحداث الاخيره بتقول للعالم كله ان الزلازل مش بعيد عن حد الزلازل الخصم للانسان في معركه غير عادله انت مش شايفه ولا قادر تتوقع بشكل اكيد ضربته الجايه هتكون فين ولا حتى هتكون قويه ولا ضعيفه ومطلوب منك تعمل كل حاجه عندك علشان لما يجي تكون على الاقل مستعدله علشان كده مهم الابحاث تكمل والبشر يوصلوا في وقت ان ما يكونش فيه اي خطر من زلزال سواء في الاماكن اللي بتتعرض لها بشكل متكرر او الاماكن الاحتمال تتعرض لها وبس كده خلصت حلقتنا النهارده لو الحلقه عجبتك ما تنساش تعمل للقناه وطبعا لايك وشير للحلقه وخلونا نتناقش في الكومنتات لو عندكم اي اسئله او معلومات عايزين تضيفوها واشوفكم ان شاء الله في حلقه جديده وحكايه جديده من المعماري