أش غتحتاج باش تجدد البطاقة الوطنية ديالك فـ 2026

السلام عليكم معكم شكيب ومرحبا بكم في البلان ديال اليوم اللي غنشوفوا فيه شنو هما اللوازم اللي غنحتاجوا نعرفوا باش نقوموا بتجديد البطاقه الوطنيه فلايك وكومونتير باش الفيديو يوصل لاكبر عدد من الناس ونبداو اول حاجه خصنا نعرفوا هي شنو هما الحالات اللي يمكن لنا فيهم نجدوا البطاقه الوطنيه فالاولى هي انتهاء مده الصلاحيه والثانيه هي انك غيرتي العنوان اي انتقلتي من مكان خر وبغيتي دير لاكارت على حساب العنوان الجديد واما بالنسبه للثالثه فراه هي حاله الفقدان والوثائق اللي غنحتاجو في كاع هذ الحالات هما فوتوكوبي تاع لاكارت القديمه ثمانيه ديال التصاور وخصك ضروري تقول المصور بلي راك بغيتي دوك التصور لاكارط حيت كاينين مقاسات خاصه بلاكارط فاتوره الماء او الضوء شهاده العمل واذا كنت بدون فرك ماكتحتاجهاش والحاله العائليه بحال اذا كنت متزوج او متزوجه وبغيتيها تبان عندك في لاكارط فراك غتحتاج عقد الزواج زائد عقد ازدياد ديال الزوجه او الزوج ديالك فقط هاذو هما الوثائق اللي غادي تحتاج ودابا ندوزو للمراحل اللي غنمر منها باش نقوموا بتجديد لاكارت ديالنا اولهم غنمشيو للمقاطعه القريبه لينا ومعنا جوج ديال التصاور فوطوكوبي تاع لاكارت ورقه الماء والضو عقد الزد زياد وشهاده العمل اذا كنت بدون بطبيعه الحال فراك ماغاديش تحتاج ديك شهاده العمل غنعطيو للمقدم هادشي وغيقاد لينا شهاده تاع السكنه هاد الشهاده تاع السكنه غادي ناخدوها وغنمشيو سوا عند لي بريكاد ديال جوندارم او الكوميساريه القريبه لينا وحده فهاد الجوج انت على حساب واش كتنتمي للمجال الحضري غتمشي للكوميساريه اذا كنت ضمن المجال القروي فراك غتمشي لعند الدارك الملكي وغتدي معك ديك شهاده السكنه اللي قاد لك المقدم زائد جوج ديال التصاور نسخه من عقد الازدياد وديك الساعه هما غيصيبوا لك شهاده السكنه اخرى اللي بها غندفعو لاكارت فغنشدو ديك شهاده السكنه اللي خدينا من عند سوا الدراك او البوليس كيف قلنا على حساب المجال اللي كتنتمي ليه انت وغادي نزيدو عليها اربعه ديال التصور 7 درهم هي الثمن ديال التامبر زائد لاكارط القديمه هادشي كامل غنجمعوه فيواحد الظرف يعني جوا وغتديه معك للكوميساريه الكبيره اللي تابعه لها المنطقه ديالك لكن قبل غادي تكون خديتي موعد في موقع سي ان ايو ب ا غتعمر واحد الاستماره بمعلومات شخصيه ديالك اللي غتنقلها غير من لاكار وغيعطيوك واحد الورقه غتخرجها من السبير اللي فيها الموعد يعني النهار اللي غتمشي تمشي فيه لديك الكوميساريه هذا واحد الحل دارتو الدوله باش مايكونش الاكتضار فانت غتاخد الموعد باش تمشي تقضي غراضك بالزرب فكيف قلنا غادي تشدي معهم داك الظرف اللي فيه الوثائق اللي ذكرنا قبل وفاش غتسلم ليهم ذاك الضرف غادي تحط البصمات وغيعطيوك واحد الروسي هذاك الروسي تقدر تستعملو بحال لاكارت في حاله ما احتاجيتيه فشي حاجه او تلاقيتي بالبوليس وطلبوا منك لاكارط تقدر توريهم ذاك الروسي راه بحال لاكارط ومن بعد 15 يوم كحد اقصى غترجع لديك الكوميساريه وغادي تسلم لاكارط ديالك جديده نتلاقاو في بلان جديد وماتنساش تشترك بالقناه ‏Yeah.