علوم للصف الخامس الابتدائي مفهوم 1 من نشاط 1 الى 4 وحدة 3 الموارد الطبيعية على سطح الارض محور 3

السلام عليكم ورحمه الله وبركاته ابنائنا الطلبه وطالبات الصف الخامس الابتدائي اهلا ومرحبا بكم واولى حلقات ماده العلوم للفصل الدراسي الثاني معاكم اسمها محمد ان شاء الله النهارده يا اد معانا المحور الثالث معانا المحور الثالث حمايه كوكبنا ومعانا الوحده الثالثه الموارد الطبيعيه على سطح الارض والمفهوم الاول التفاعلات بين الغلاف الحيوي والغلاف المائي معانا من نشاط واحد الى نشاط اربعه في بدايه كل حصه زي ما اعودنا لازم نتعرف على نواتج التعلم بتاعتنا عايزاكم كده في نهايه الدرس تكونوا قادرين على ايه رقم واحد انك تقدر تطور نموذج للتفاعلات بين الغلاف المائي والغلاف الحيوي رقم اين انك تقدر تحدد الخصائص المميزه لانظمه البيئه المختلفه رقم لاثه انك تقدر تصنف الانظمه البيئيه الموجوده على سطح الارض كاجزاء من الغلاف المائي والغلاف الارضي والغلاف الجوي دي كانت نواتج التعلم بتاعتنا تعالوا بقى نشوف مع بعض نشاط ابدا وبيكلمني عن الوحده الوحده الثالثه ده الموارد الطبيعيه على سطح الارض ومديني بعض الصور يا ادوا نلاحظها مع بعض بيقول لي الصوره الاولانيه كده زي ما احنا شايفين ولد بيغلق صنبور الماء والصوره الثانيه ولد بيرش النبات بالماء والصوره الثالثه صوره لمياه معدنيه بيقول لي لاحظ الصور واكتب ما تعرفه عن المياه استخدم الصور لمساع لمساعدتك على شرح طرق توفير الماء وحمايه هذا المورد الطبيعي شديد الاهميه تعالوا كده نلاحظ الصور يا اد ونشوف هنقول بعد ملاحظتنا للصور يبقى اول حاجه يجب اغلاق صنبور الماء عشان ما نقدرش نهدر الماء عشان نحافظ على الماء من اهداره يبقى يبتدي نغلق صنبور الماء كمان ممكن نستخدم براميل لتجميع مياه الامطار والبراميل دي نضعها فوق اسطح المباني كمان في بعض الاشخاص اللي بيشربوا المياه المعدنيه رغم توافر طبعا المياه الصالحه للشرب او المياه العازبه الغير معباه وده بيزود تكلفه الحصول على الماء وحدوث اضرار بالبيئه كمان يا اد بنتكلم في الوحده بتاعتنا على الظاهره الرئيسه وهي حلول للحفاظ على المياه عن طريق معالجه مياه الصرف الصحي كمان مشروع الوحده يا اد الحياه بجوار مصادر المياه وهنا من خلال هذا المشروع هنصمم نموذج يوضح كيف يمكن ان يؤثر التلوث في مستجمعات المياه المحليه من حولك. دي كانت لحظه سريعه كده عن الوحده بتاعتنا. تعالوا بقى مع بعض في المفهوم الاول التفاعلات بين الغلاف الحيوي والغلاف المائي. وهنا في نشاط واحد هل تستطيع الشرح؟ بنتكلم فيه ان الارض بتتكون من عده من عده من الانظمه البيئيه اخدنا في الفصل الدراسي الاول النظام البيئي وعرفنا مفهوم النظام البيئي وعباره عن مساحه طبيعيه بتشمل كائنات حيه وعناصر غير حيه زي الماء والهواء والتربه كوكب الارض بقى يا اد هو عباره من عده انظمه بيئيه معقده طبعا لانها بتشمل عده انظمه مختلفه والانظمه دي بتبتدي تتفاعل مع بعضها البعض عشان يحدث توازن على سطح الارض من هنا بقى قسم العلماء الانظمه البيئيه على الارض الى اربع انظمه بيئيه سميناهم بالغلاف المائي والغلاف الحيوي والغلاف الجوي والغلاف الارضي الغلاف المائي هيشمل اي ماء موجود على سطح الارض بحار انهار بحيرات جليد بخار ميه يبقى كل ده بيندرج تحت الغلاف المائي اما الغلاف الحيوي زي ما احنا قلنا بيشمل جميع الكائنات الحيه الموجوده على سطح الارض زي الانسان والحيوان والنبات اما الغلاف الجوي هو عباره عن الهواء بما يحتويه من غازات يعني لو قلنا غاز الاكسجين يبقى تبع الغلاف الجوي غاز ثاني اكسيد الكربون يبقى طبعا بيندرج تحت الغلاف الجوي غاز الهيليوم غلاف جوي يبقى هنا الغازات عموما يبقى تبع الغلاف الجوي والغلاف الارضي او الغلاف الصخري وده هيشمل هنا كل مكون على الارض من مواد صخريه او معادن او رمال تمام يبقى هنقول ثاني يبقى الغلاف الارضي او بنسميهاني الغلاف الصخري هيشمل الصخور هيشمل المعادن هضاب جبال سهول ا رمال ا صهور منسخره صخور منصهره يبقى كل ده بيندرج تحت الغلاف الارضي يبقى زي ما احنا شفنا العلماء قسموا الانظمه البيئيه الى اربع انظمه الغلاف المائي والغلاف الحيوي والغلاف الجوي والغلاف الارضي طيب السؤال بتاعنا كيف يتفاعل الغلاف الحيوي مع الغلاف المائي على سطح الارض طبعا انا عندي الحيوانات والنباتات كغلاف حيوي بيبتدي يتفاعل مع الغلاف المائي بانه بيتخذ ماوى له مثال السمكه بتعيش في الميه السمكه بتعيش في الميه يبقى هنا حصل تفاعل بين الغلاف اللي هو الحيوي اللي بيتمثل في السمكه مع الغلاف المائي اللي بيتمثل في الماء كمان هنا بنحتاج الكائنات الحيه عموما سواء انسان او حيوان او نبات بيحتاج الى الماء لتلبيه احتياجاته الاساسيه طبعا عشان البقاء والنمو على قيد الحياه كمان النبات بيحتاج الى الماء لينمو طبعا احنا عرفنا في الترم الاول ان الماء من احتياجات النبات الاساسيه لعمليه البناء الضوئي اللي بيكون فيها غذائه يبقى من هنا زي ما شفنا ازاي الغلاف الحيوي بيتفاعل مع الغلاف المائي في النظام البيئي نشاط اثنين تساءل كعالم وهيكلمني فيه عن اهميه الماء للكائنات الحيه اول حاجه هنتكلم عنها عن تاثير الماء على الكائنات الحيه ازاي بياثر الماء على الكائنات الحيه واحنا قلنا جميع الكائنات الحيه بتحتاج الى الماء لتلبيه احتياجاتها الاساسيه زي مثلا الماء بيساعد الكائنات الحيه على النمو نمو طبعا كل الكائنات الحيه بتحتاج الى الماء في الشرب في الغذاء في تكوين غذائها يبقى بتساعد الكائنات الحيه على النمو كمان ان بعض الكائنات الحيه والنباتات بتتاخذ الماء كماوى لها يعني بتقدر تعيش في الماء طيب هل يا ترى الماء هنا زي ما اثر على الكائنات الحيه ممكن ياثر على الاشياء الغير حيه هقول لك اه الماء بيؤثر على الاشياء الغير حيه فبيسبب حدوث عمليات العمليات دي هتؤدي الى تغير مظاهر سطح الارض زي ايه؟ زي ما اخدنا في الصف الرابع عمليتين مهمين جدا هي عمليه التجويه وعمليه التعريه ازاي بتحدث عمليه التجويه والتعريه على الارض بسبب الماء احنا هنقول بسبب اندفاع الماء على الصخور هتبتدي الصخور دي على مدار اعوام كتيره تبتدي تتكسر الى فتات يبقى حصل تكسير للسخور يبقى دي عمليه مين؟ عمليه التجويه بعد كده الماء هيبتدي ينقل هذا الفتات معاه الى مكان اخر يبقى هنا حصلت عمليه التعريف يبقى هنا الماء نتيجه اندفاعه غير من مظاهر السطح في عمليتين مهمين اسمها عمليه التجويه وعمليه التعريف فبيسالني سؤال هنا يا اد ويقول لي كيف تستخدم الكائنات الحيه الماء؟ ازاي الكائنات الحيه هتستخدم الماء احنا قلنا بتستخدمها في عمليه النمو عن طريق الشرب وعن طريق النمو والبقاء على قيد الحياه وكمان عن طريق انها بتتخذها ماوى لها فبيسالني سؤال ثاني وبيقول لي كيف يؤثر الماء في الكائنات غير الحيه؟ زي ما احنا قلنا دلوقتي بتتسبب الماء في حدود وث عمليتي التجويه والتعذريه معانا نشاط ثلاثه لاحظ كعالم وهنتكلم فيه عن اهميه الماء للحياه على الارض يا ترى ايه اهميه المياه على الحياه على كوكب الارض طبعا كل الكائنات الحيه زي ما شفنا ما تقدرش تستغنى عن الماء فبيوجد الكثير من الماء على كوكب الارض لدرجه ان كوكب الارض ده بيشبه الكره الزرقاء من بالنظر اليه من الفضاء يعني ايه الكلام ده يا اد يعني انا لو اخدتكم كده في رحله الى الفضاء وقفنا على القمر وقفنا على المريخ تعالوا نتخيل كده ونبص على كوكب الارض من الفضاء هنلاحظ ان احنا هنشوف كوكب الارض كانه كره زرقاء طب اللون الازرق ده هيرجع لايه؟ هيرجع ان الكثير من مساحه سطح الارض بتتمثل في المياه طب قد ايه؟ قد ايه مياه على سطح الارض؟ هنقول ان يقرب ما من ثلاثه ارباع الارض مغطاه بالماء يعني لاث ارباع الارض عباره عن ماء يبقى عشان كده بتبدو الارض كانها طبعا كره زرقاء ده لو احنا هنبص عليها منين؟ من الفضاء فبنتكلم عن مصادر الماء الماء ده بيجي منين؟ مصادره ايه عندي الانهار دي مصدر للمياه عندي البحيرات ايضا مصدر للمياه عندي المياه اللي تحت الارض اللي بنسميها المياه الجوفيه وعندي البحار والمحيطات كل دي مصادر للمياه طيب عندي هنا معلومه مهمه جدا هل يا ترى الكميه الاجماليه للماء على الارض بتتغير هقول لك لا احنا لسه قايلين ان لاث ارباع كوكب الارض عباره عن ماء يعني كده معنى احنا قلنا ان ثلاث ارباع على الارض ماء معناها ان هي كميه ثابته مش هتتغير طب ازاي يا ميس بنت قالت لي عندي في المدرسه ان في لما ولعت على ماء بدا الاناء ده يتناقص ويقل كميه الميه فيه قالت لي كده الجزء ده مش موجود قلت لها لا هو موجود موجود ازاي يا اد جزء من الماء اتبخر طب احنا مش شايفينه هو راح فين راح في الهواء راح في الجو في صوره بخار ماء انا شايفه الماء في حالته السائله لكن مش شايفه الماء وفي حالته الغازيه او الحاله البخاريه كبخار ماء ولكن الماء موجود اذا الكميه الاجماليه للماء على كوكب الارض ثابته لا تتغير امال ايه اللي بيحصل ان الماء بيتحول او بتتغير حالته من حاله الى حاله اخرى تعالوا نشوف مثال الحاله السائله ممكن تتحول الى الحاله الصلبه عن طريق التجمد وبيتكون الثلج يبقى ده طبعا ماء طيب الماء ممكن يتحول من حالته السائله الى الحاله الغازيه اللي هو البخار الماء عن طريق عمليه التبخر يبقى هنا الماء موجود يا اد ولكن هنا بيتحول من حاله الى حاله اخرى اذا الكميه الاجماليه للماء على الارض لا تتغير وهي كميه ثابته طب ايه اللي بيحصل بقى ازاي الكميه دي ثابته هقول لك لان الماء بيعاد تدويره مره اخرى في الطبيعه وبالتالي ما نقدرش نوفر مياه جديده ازاي الماء بيعاد تدويره في الطبيعه تعالوا كده نشوف مع بعض انا عندي الشمس هنا بتمد لي بالطاقه الضوئيه والحراريه فهنا طبعا الشمس لما تسقط اشاعتها على اي مسطح مائي نهر بحر محيط اي مسطح مائي هتبتدي تسخن الماء ويبتدي جزء من الماء ده يتبخر ويتصاعد لاعلى ولما يتصاعد لاعلى يا اد هنا هيبتدي بخار الماء يتكثف ويتكون في صوره سحب السحب دي وزنها هيتقل او تخبط في جبل يبتدي السحب دي تتساقط في صوره امطار طب الامطار هتروح فين؟ الامطار هتنزل ثاني وتتجمع في البحار والمحيطات وهكذا اذا الماء هنا يمكن اعاده تدويره لذلك كميه كميه الماء زي ما قلنا هي ثابته على كوكب الارض ولا تتغير. طب تعالوا نتكلم بقى عن اهميه الماء طبعا احنا عارفين ان الماء هو سر الحياه والماء ضروري جدا للكائنات الحيه طبعا من اجل البقاء ومن اجل النمو وكمان زي ما قلنا الماء بيعتبر موطن طبيعي لبعض الكائنات الحيه. تعالوا نتكلم عن استخدامات الماء. لو انا سالتك بتستخدم الماء في ايه؟ هتقول لي بستخدمه في الشرب ما نقدرش نستغنى عن الماء في الشرب بنطه منه الطعام او بنعد منه الطعام ممكن بنستخدمه في الاستحمام والنظافه الشخصيه وغسل الاسنان ممكن بنستخدمه في الصناعه بعض الصناعات بتقوم على الماء وكمان نقل البضائع عن طريق السفن السفن طبعا بتمشي فين؟ بتمشي في الماء يبقى هنا بستخدم الماء في نقل البضائع طبعا ده كلها من استخدامات الماء. تعالوا نشوف نشاط اربعه قيم كعالم وهنتكلم فيه ما الذي تعرفه عن التفاعلات بين الغلاف الحيوي والغلاف المائي. الغلاف المائي يا اد بيتفاعل طبعا هنا الغلاف المائي بيتمثل في الماء الموجود على سطح الارض زي ما قلنا بيتفاعل مع الغلاف الحاوي اللي بيتمثل في الكائنات الحيه في البيئه وقلنا ان بدون الماء لا تستطيع هذه الكائنات البقاء على قيد الحياه تعالوا بقى نشوف مع بعض انواع المسطحات المائيه انا عندي العديد من المسطحات المائيه وبنقسمها الى مياه عازبه او مياه مالحه يعني ايه مياه عازبه؟ يعني مياه صالحه للشرب يعني نسبه الاملاح اللي بتكون فيها ضئيله جدا ما تاثرش علينا او ما تاثرش على الكائنات الحيه يبقى دي اسمها مياه عزبه او صالحه للشرب والزراعه اما المياه المالحه هي مياه غير صالحه للشرب او غير صالحه للزراعه نتيجه احتوائها على كميه كبيره من الاملاح طيب انا عندي هنا محيط او بحر يا ترى المحيط او البحر مياه عزبه ام مالحه؟ طبعا المحيط والبحر بيعتبر مسطح مائي هائل يعني كبير جدا من الماء المالح الغير صالح للشرب اما النهر يا اد هي مياه عزبه صالحه للشرب والنهر هنا بيجي ازاي؟ بتتدفق الماء ليه؟ من مكان مرتفع الى منطقه منخفضه في مسار محدد فهنا هنا بيتكون النهر يبقى خدنا المحيط او البحر والنهر عندي الجريان السطحي والجريان السطحي ده هيتجمع ازاي زي ما قلنا لما بتحصل دوره الماء والماء هنا بيسخن ويتبخر ويكون الصحب وتبتدي تتساقط الامطار هنا بتهطل الامطار ويبتدي يحصل لها جريان زي ما احنا شايفين كده الى المسطحات المائيه يبقى هو عباره عن مياه الامطار اللي بتن تنتقل الى الانهار او سطح الارض ده اسمه جريان سطحي اما بقى البحيره عباره هنا عن مسطح مائي والمسطح ده محاط باليابسه من جميع الاتجاهات وبتكون معظم مياهه مياه عزبه والقليل منها بتكون مالحه كمان هنتكلم عن المياه الجوفيه والمياه الجوفيه دي اتكونت ازاي طبعت نتيجه تسرب ماء من من طبقه الصخور المساميه واتجمعت تحت سطح الارض يبقى دي اسمها المياه الجوفيه كمان من انواع المسطحات المائيه المصب والمصب هنا يا اد هو نهايه نهر بيلتقي بمحيط او بحر يعني ايه؟ يعني هنشوف هنا ده النهر والنحر النهر احنا قلنا بيحتوي على مياه عزبه صالحه للشرب هنا هتتقابل مع مياه البحر او المحيط اللي اللي هي المالحه فالمنطقه دي بتسميها منطقه المصب يبقى منطقه المصب هي التقاء او نهايه النهر مع بدايه بحر او محيط وطبعا بتشمل مياه عزبه ومياه مالحه تعالوا نتكلم عن جزء اخر وهو الموارد المتجدده واول حاجه هنتكلم عنها هي النباتات احنا عارفين النبات والماء من الموارد المتجدده طب ازاي النبات بيعتبر من الموارد المتجدده تعالوا كده نرجع بالترم الاول احنا اخدنا ان الازهار بتكون ثمار والثمار بتحتوي على مين؟ على البذور البذور لما اعمل لها عمليه انبات بتكون لي نبات جديد والنبات ده بينمو الى شجره كبيره والشجره كبيره ترجع ثاني تكون ازهار يبقى حصل ايه؟ حصل دوره لحياه النبات يعني هنا بيتجدد يبقى يبقى اذا النبات بيعتبر من الموارد المتجدده في الطبيعه طب ميناني من الموارد المتجدده؟ انا عندي الماء فاكرين لما قلنا ان كميه الميه على سطح الارض ثابته ولا تتغير نتيجه ان الماء بيعاد تدويره ازاي نقولها ثاني الشمس بتسقط الاشعه بتاعتها على المسطح المائي يسخن تتبخر جزء من الماء ويبتدي يتصاعد لاعلى ويتكسر في مكون السحب السحب هنا هتخبط في بعضيها ووزنها يتقل تنزل في صوره امطار يحدث الجريان السطحي وتعود الماء الى اماكنها مره اخرى اذا هنا بيعتبر الماء من الموارد المتجدده لان دوره الماء عمليه مستمره هنا بيجي سؤال بيقول لي فكر فيما تعرفه عن النباتات والماء ثم اجب عن الاسئله التاليه هل تعتبر النباتات من الموارد المتجدده؟ اذا كان الامر كذلك يعني لو هي من الموارد المتجدده فكيف تتجدد النباتات؟ اشرح طبعا احنا عرفنا ان النباتات من الموارد المتجدده طبعا نعم ازاي بتتجدد؟ طبعا ان احنا بيمكن زراعه النباتات دي من البذور لتنمو مكونه نباتات جديده السؤال الثاني هل يعتبر الماء من الموارد المتجدده اذا كان الامر كذلك يعني لو هو من الموارد المتجدده كيف يتكد الماء اشرح هقول له هنا طبعا الماء من الموارد المتجدده نعم حيث بتتبخر المياه لتعود على الارض على شكل امطار يبقى احنا عرفنا كده من الموارد المتجدده الماء والنباتات تعالوا بقى فقره سؤال وجواب ونشوف السؤال الاول مع بعض اكتب كل مصطلح من بنك الكلمات بجوار العباره التي تصفه بصوره صحيحه مديني بنك كلمات يا اد بحيره مصاب مياه جوفيه محيط او بحر نهر جريان سطحي اول تعريف بيقول لي مسطح مائي محاط باليابسه من جميع الاتجاهات به مياه غالبا ما تكون عزبه ولكنها تكون مالحه احيانا طيب هنا التعريف ده بي طبعا هنا اسمه ايه؟ اسمه البحيره هي عباره عن مسطح مائي محاط باليابسه من جميع الاتجاهات ومعظم مياهه بتكون عزبه ولكن احيانا بتكون مالحه رقم اثنين مكان يتدفق اليه الماء من منطقه عاليه الارتفاع لمنطقه منخفضه الارتفاع في مسار محدد يبقى ده تعريف او المصطلح العلمي بتاعي هو النهر. مياه الامطار التي تنتقل الى الانهار او سطح الارض. المياه دي اسمها اسمها طبعا الجريان السطحي. نهايه نهر يلتقي بالبحر او المحيط. قلنا نهايه النهر لما يلتقي بحر او المحيط يعني المياه العزبه لما تلتقي مع المياه المالحه ده بنسميه المص. مسطح مائي هائل من الماء المالح طبعا هنا محيط او البحر المياه التي توجد تحت سطح الارض نتيجه تسربها الى الارض من خلال طبقه من الصخور المساميه المياه دي سميناها طبعا مياه جوفيه والسؤال الثاني اكمل العبارات الاتيه تحتاج النباتات الى الماء للقيام بعمليه نقط زي ما قلنا اخدنا في الترم الترم الاول عمليه البناء الضوئي وكان من احتياجات النبات الاساسيه هو الماء يبقى بيحتاج النبات الى الماء للقيام بعمليه البناء الضوئي اثنين الغلاف الذي يحتوي على النباتات والحيوانات هو الغلاف نقط طبعا طالما نبات وحيوان يبقى هنا الغلاف الحيوي يتحول الماء من الحاله السائله الى الحاله الصلبه عن طريق طبعا عن طريق التجمد معظم المياه الموجوده على سطح الارض مياه نقط للشرب طبعا مياه غير صالحه للشرب يشبه كوكب الارض نقط عند النظر اليه من الفضاء يبقى هنا يشبه كوكب الارض الكره الزرقاء عند النظر اليه من الفضاء ضع علامه صح امام العباره الصحيحه وعلامه خطا امام العباره غير الصحيحه لا يتاثر الغلاف الحاوي باي تغير في الغلاف المائي طبعا هنا الاغلفه بتتفاعل مع بعضها البعض واي حدوث تاثير سواء ايجابي او سلبي على الغلاف المائي مثلا هيتاثر بالغلاف الحيوي زي التلوث لو الغلاف المائي حصل له تلوث اكيد هياثر على الغلاف الحيوي يبقى هنا العباره عباره خاطئه يوجد كثير من الماء على كوكب الارض طبعا عباره صحيحه احنا قلنا ثلاث ارباع الكره الارضيه مات والربع البسيط المتبقي هو يابسه يبقى هنا الكثير من الماء بيوجد على سطح الارض قد تتغير الكميه الاجماليه للماء على كوكب الارض يا ترى كميه الميه الموجوده على الارض بتتغير هقول له لا عباره خاطئه يعتبر الماء من الموارد المتج جدده والمو والنباتات من الموارد الغير متجدده هقول له عباره خاطئه الماء فعلا من الموارد المتجدده ولكن النباتات ايضا من الموارد المتجدده سؤال اخر تستطيع الكائنات الحيه البقاء بدون توافر المياه يعني هنا المياه بيقول لي مش مهمه للكائنات الحيه طبعا عباره خطي خاطئه طبعا كل الكائنات الحيه سواء انسان او حيوان او نب بيعتمد على الماء طبعا بطريقه مهمه جدا جدا لا نستطيع العيش بدون الماء لا يؤثر وجود التربه في وجود الحيوانات طبعا عباره خاطئه لان بيحصل تفاعل بين انظمه الارض هنا التربه احنا طبعا تبع الغلاف الارضي اما الحيوانات تبع الغلاف الحيوي وطبعا هنا الحيوانات بتتاثر بوجود تربه لان بتتفاعل معاها وبعض الحيوانات بتعيش في التربه كماوى لها يبقى اذا بتؤثر وتتاثر بها يمثل الهواء الغلاف الارضي في الانظمه البيئيه عباره خاطئه لان الهواء والغازات اللي بيشتمل عليها طبعا بتمثل الغلاف الجوي وليس الارضي تمثل الحشرات والحيوانات الغلاف الحيوي في الانظمه البيئيه عباره صحيحه سؤال اخر علل لما ياتي الماء ضروري لبقاء الكائنات الحيه ليه الماء ضروري لبقاء الكائنات الحيه طبعا لان الكائنات الحيه دي بتعتمد على الماء في النمو وكمان بتتخذ الماء كماوى لها يبقى بيستخدم الانسان والحيوان الماء في الشرب والنباتات بتستخدم الماء في القيام بعمليه البناء الضوئي وكمان بعض الكائنات الحيه بتستخدم الماء كماوى لها. سؤال اخر علل لما ياتي يشبه كوكب الارض القرى الزرقاء عند النظر اليه من الفضاء؟ طبعا هنا لان كوكب الارض بيحتوي على كميه كبيره من الماء اللي بتغطي ما يقرب ثلاثه ارباع الارض. سؤال اخر علل تعتبر النباتات من الموارد المتجدده طبعا لان يمكن زراعه البذور لتنمو الى نبات جديد سؤال اخر بيقول لي قسم العلماء كوكب الارض الى اربعه اغلفه رئيسيه فما هي ايه هي اغلفه الارض يا اد احنا قلنا اول غلاف معايا هو الغلاف المائي وده بيمثل جميع المياه المياه الموجوده على سطح الارض كمان الغلاف الحيوي اللي بيشمل جميع الكائنات الحيه اللي بتعيش على الارض انسان او حيوان او نبات وكمان الغلاف الجوي اللي بيشمل الغازات وكمان الغلاف الارضي اللي هيشمل الصخور والصخور المنصهره والمعادن والرمال والجبال والهضاب كل ده بيشمل الغلاف الارضي كمان بيقول لي للماء دور كبير في التاس تاثير على الاشياء غير الحيه وضح ذلك ازاي الماء بيؤثر على الاشياء الغير حيه هنقول هنا ان الماء طبعا هيؤثر على الاشياء الغير حيه في تغيير مظاهر السطح على الصخور مثلا فهنا بيكسر في الصخور فده بيؤدي الى وجود عمليه التجويه ثم نقل هذه الصخور من مكان الى مكان اخر فبتؤدي الى عمليه التعريف سؤال اخر الماء اساس الحياه على الارض اذكر اسباب اهميه الماء ايه هي اهميه الماء احنا عارفين الماء مهم للبقاء على قيد الحياه مهم للحفاظ على النظافه الشخصيه مهم الى نقل البضائع والسفر عبر السفن وكمان في بعض الصناعات اللي بتعتمد على الماء سؤال اخر اختر الاجابه الصحيحه رقم واحد تصنف انظمه الارض الى نقط انظمه رئيسيه يا ترى انظمه الارض هنا هتصنف الى ثلاثه انظمه رئيسيه ولا سبعه انظمه رئيسيه ولا اربعه انظمه رئيسيه ولا خمسه انظمه رئيسيه تعالوا نعيدهم مع بعض كده يا اد ونرجعهم مع بعض احنا قلنا غلاف حيوي غلاف مائي غلاف ارضي غلاف جوي يبقوا كم نظام يبقى اربعه انظمه رئيسيه السؤال اللي بعده تعتبر الرمال جزءا من الغلاف نقط يا ترى الرمال جزء من الغلاف المائي ولا الصخري ولا الغازي ولا الحيوي الرمال جزء من الغلاف الارضي او الصخري جزء من جزء من الغلاف الارضي او الصخ سؤال اخر يحتوي الغلاف نقط على جميع الغازات التي تحيط بالارض يا ترى الغلاف الغازي ولا الغلاف المائي ولا الغلاف الارضي ولا الغلاف الحيوي طبعا الغلاف اللي بيشمل جميع الغازات الموجوده او اللي بتحيط بالكره الارضيه الغلاف الغازي سؤال اخر يؤدي اندفاع الماء الى تكسير وتفتت الصخور ويسمى ذلك ب يا ترى تكسير وتفتت الصخور هنا بسميه ايه؟ فيضانات ولا تعريه ولا ترسيب ولا التجويه احنا قلنا تكسير الصخور ده بيسمى بالتجويه بيسمى بالتجويه كده الدرس بتاعنا خلص يا رب يكون الدرس سهل وبسيط وقدرنا نفهمه ان شاء الله نلتقي مع بعض في حصه قادمه من حصص ماده العلوم والسلام عليكم ورحمه الله وبركاته.