مصر ضد العراق الجزء الأول التاريخ

عارف ايه الاقوى من مقارنه رونالدو وميسي مايكل جوردان وليبرون جيمز البطاطس الصوابع والبطاطس الصينيه هي مقارنه مصر والعراق المقارنه التاريخيه والمنافسه الابديه والمناظره الحضاريه الشعب المصري والشعب العراقي قريبين جدا من بعض وده على مر التاريخ ولحد دلوقتي لا ما تفهمنيش غلط مش الجو بتاع شعبين قريبين وبنحب بعض والعروبه تجمعنا والحلبسه دي لا قريبين من بعض اللي هو بنعلي على بعض في اي حاجه بنافس بعض في كل حاجه مين عنده اقدم حضاره مين عنده افشخ مكتبه مين اكله احسن من الثاني يا راجل يا طيب ده كانوا بيتن مين عنده عنصريه اكتر في حلقه العنصريه بين العرب الشمال والجنوب في العراق ولا الفلاحين والصعايده في مصر وعشان كده معاكم محمود عشري من خمسه في عينك ومعايا ورقه هنسجل فيها كل نقطه تنافسيه ما بين البلدين ونشوف مين هيكسب في اخر الحلقه كالعاده خلينا نبدا بالاساسيات ونشوف مين عنده الحضاره الاقدم بس لازم تعرف حاجتين مهمين جدا مش معنى ان في حضاره اقدم انها بالضروره اقوى انا هنا هحكم بمين اقدم مش مين اعظم والحاجه الثانيه هي ان معنى كلمه حضاره هنا مش اول بشر سكنوا في مكان معين لا معناها ان في مجموعه من الناس نا سكنوا ارض وعمروها بالعلم والدين والتقدم والاختراع وكان في بينهم نظام اجتماعي وديني والى اخره دلوقتي احنا معانا حضارتين الاولى هي حضاره ما بين النهرين والثانيه هي حضاره مصر القديمه مصر القديمه دي اللي بنسميه دلوقتي الفراعنه مش مصر القديمه بتاعه مصمد بحه تعالى نبدا بحضاره بلاد الرافضين او حضاره ميسوبوتاميا زي ما الخواجه خريستو اليوناني ما سماها زي اي بني ادمين عندهم عقل في الدنيا الرجاله دي لمت بعضها برابطه المعلم واتجمعوا حوالين نهر الدجله ونهر الفرات وقالوا يلا بينا نبدا حضاره خفيف خفيف كده مين البني ادمين مين دول بيقول لك بدات الاول بالسمار اللي نطوا من على الجبل للانهار بعدها جال لهم من الصحراء شويه راميون على شويه عمريوم اللي كانوا عايشين في صحاري والدنيا داقت بيهم قالوا لك تعال نروح الحفله اللي عند النهرين دول بس بيقول لك برده ان القمريين دول مع جماعه ثانيه اسمها العيلاميين خلصوا على السومريون اللي بداوا الليله دي كلها طبعا حضاره الرافضين ما كانتش في العراق بس كموقع جغرافي يعني كان في مناطق كتير في سوريا وتركيا بس منطقه العراق كانت الاصل والمركز والبدايه اهم حضارات اتاسس خلال حضاره بلاد الرافضين ههم الحضاره الاكديه والبابليه والكلدان والاشوري امتى بدات الحضاره دي اقرب توقيت وصلنا له هو من 4000 قبل الميلاد ل 3500 قبل الميلاد دي مش فتره الحضاره نفسها دي الفتره التقريبيه اللي بدات فيها الحضاره نيجي لحضاره مصر القديمه وتعالى نشوف ايه الدنيا وبدات امتى كمان زي البني ادمين الطبيعيين في الوقت ده جماعه جمعوا نفسهم وسكنوا حوالين نهر النيل زي ما بنقول في مصر نهر النيل هو شريان الحياه نهر النيل ليه الفضل الاول والاساسي في قيام الحضاره المصريه القديمه ركز معايا يا اسكندراني اللي بتعاير الناس بانهم فلاحين الحضاره الفرعونيه اللي بت فشخر بيها وبتزل كل من هب ودب في العالم بيها بدات بسبب الفلاحين اللي اتجمعوا حوالين النهر وبداوا بزراعه الاراضي وبناء الحضاره المصريه الفلاح ده ادانا حضاره نتف شخر بيها لدرجه ان اشهر مطعم في اسكندريه اسمه كبده الفلاح بص هي حضاره مصر دي محيط واسع في التاريخ العالم ما يعرفش عنها غير نقطه فتركيز هنا هنا مين كان الاول الرافضين ولا الفراعنه حكايه بدايه الحضاره في مصر متقسمه لجزئين جزء عصر ما قبل الاسر وجزء ما بعد الاسر عصر ما قبل الاسر بدا بسبب الفيضانات والارض الخصبه اللي كان سهل تزرعها فتجمع ناس في وادي النيل وتقسم القبائل وعاشوا على الزراعه والفل مصر نفسها كانت متقسمه لشمال وجنوب العلماء وباحثين الاثار لقوا اواني فخاريه ترجع لحضاره اسمها البداري في الصعيد ناحيه محافظه اسيوط حاليا ده غير الادوات والحيوانات المحنطه اللي في المقابر بتاعتهم لانهم كانوا بيؤمنوا بالبعث والحياه الثانيه اما في الشمال كان في حضاره اسمها مرمض بني سلامه كانت موجوده على الحافه الغربيه للدلتا اللي اكتشفناها من خلال الموتى المحنطين والحضارات دول يرجع تاريخهم ل 4500 سنه قبل الميلاد تقريبا اما حضار مصر الفرعونيه ما بعد بدايه الاسر فبدات عن طريق مينا موحد القطرين اللي ناس ثانيه بتقول انه نرمر وناس ثالثه بتقول انهم نفس الشخص المهم ان في راجل جدع اصوله اصلا من شبرا مصر جه وقال لك ما ينفعش الكلام ده فشخ الشمال وفشخ الجنوب ووحد الدوله وبقينا مصر كامله متكامله والتاج بتاعه عباره عن رمز الشمال ورمز الجنوب ملزوقين في بعض بتفافه وبيقول لك عصر الاسر بدا حوالي 3100 قبل الميلاد دلوقتي لو اعتمدنا على عصر ما قبل الاسر فهتكون اقدم من العراق ولو اعتمدنا على عصر ما بعد الاسر فهتكون اجد من العراق وبما ان انا اللي بحكم هنا وبما اني الديكتاتور فحكم هيكون نقطه لصالح العراق عشان خلينا نكون صريحين مع بعض مصر القديمه الحقيقيه ما تعرفش الا بعد التوحيد او بمعنى ثاني ازدهارا بالحضاره الحقيقيه والعلم والاثار والكتابه ما جاش الا بعد توحيد القطرين وبدايه عصر الاسر متقسمه بشكل احترافي مذهل من تاني باكد اني مش بقارن ايه الاعظم لان رغم ان حضاره الرافضين اقدم الا ان في علم خاص بمصر فقط اسمه علم المصريات بيتدرس في جامعات كتير حوالين العالم وفي نفس الوقت منطقيا تقدر تقول ان العراق المفترض تكون اقدم حضاره لان يقال ان سيدنا نوح بعد الطوفان كان في العراق وبعد كده الناس بدات تنتشر حوال العالم شايفك يا كيميتي يا سرم يا اللي هته هوو في الكومنتات بس كمل معايا الحلقه عشان لسه ما خلصناش نخش على النقطه الثانيه وهي عجايب الدنيا السبعه طبعا معروف ان عجايب الدنيا السبعه كلها ادمرت في وقت من الاوقات وما فضلش منها الا هرم خوفه سابت محلك يا جبل ما يهزك ريح وطبعا معروف ان الاعجاز في الهرم مش بس في الشكل الهندسي او البنيه التحتيه او انه مازال واقف على رجله لحد دلوقتي لكن في الغرف اللي جوه الهرم كمان وان لسه لحد النهارده في اجزاء كتير لسه غير مكتشفه وما نعرفش عنها حاجه اعجاز لدرجه ان الامريكان اللي دماغهم منقوعه في ميه المخلل مش قادرين يصدقوا ان بني ادمين بنوا الاعجوبه دي ف بداوا يطلعوا نظريات انها اتبنت عن طريق فضائيين اللي هو كانوا قاعدين فاضيين في كوكبهم قالوا لك ما تيجي نعمل مقلب في كوكب الارض تعال نبني مبنى على شكل الجبن النستو ونخلع من غير ما نعرفهم اننا من كوكب ثاني بس الحقيقه ان خوفه هو اللي كان قاعد فاضي فقال لك انا هعمل حاجه روشه فشخ انا هقعد 20 سنه ابني مبنى اعجازي من الناحيه العلميه والرياضيه والهندسيه والمعماريه وهبني جواه غرف وم مرات وبعد كده هبني غرفتي الخاصه فيه واخفيها طب ليه كل ده يا معلم خوفه لا عادي دي هتكون مقبرتي اللي هدفن فيها واقابل وجه كريم ان شاء الله بعدها وكل الفرهده دي بسبب ابوه الملك سنفرو اللي بنى كا هرم على الله حكايتهم في دهشور طبعا اهمهم الهرم المائل او الهرم المنحني ومش عارف الحقيقه ميلو ده كانت تاتش منه ولا جت معاه حظ ولا عوامل تعريه اما عجيبه العراق من عجايب الدنيا السبعه هي حدائق بابل المعلقه الحوار عن حدائق بابل المعلقه في نظريات كتير يعني في ناس بتقول لك انها العجيبه الوحيده اللي تعتبر اسطوره وما كانش ليها وجود وانما مجرد حكايات اسطوريه ناس تانيه بتقول لك لا ده احنا عندنا دلايل كتير على وجودها بس المشكله هنا اننا مختلفين على مين عملها اصلا يعني استفاني دالي من جامعه اوكسفورد قعدت تعمل ابحاث لمده 20 سنه في القصه دي وفي الاخر اكتشفت ان العلما كانوا بيدوروا في اماكن غلط طول الوقت اصلا وانها قدرت تفك طلاسم او كتابات على شويه قرائن معروضه في المتحف البريطاني اه ما هو كالعاده البريطان عندهم اثار جميع حضارات التاريخ اللي حضرتهم تقريبا المهم انهم وصلوا لوصف تاريخي للحدائق دي وده كان في قصر سن حريب في شمال العراق ونصوص ثانيه كتير اهمها المجال د الثاني للمؤرخ ديادور السقلي اللي شرح فيها وصف مفصل عن حدائق بابل في اقاويل او دلايل بتقول ان اللي بناها هو نبوخذ نصر والسبب بسيط جدا ان مراته كانت ملكه بابل وكانت بنت واحد من قاضه الجيوش اللي اتلفت مع ابوه وكانت بتتوحم على شويه جوافه وشويه بطيخ فراح باني لها حدائق بابل المعلقه كلها لكن للاسف ادمرت بدري بدري وللاسف العجيبه الوحيده اللي ما تقدرش تقول ان ليها دليل جيولوجي او حفري انت فقط معتمد على الرسومات والاوصاف للكتابات القديمه فالنقطة ف شامخ ويعتبر اهم اعجوبه في التاريخ لو مش هنعتبر اهم مبنى في التاريخ عشان الكعبه والمسجد الاقصى موجودين طبعا وما تنساش برده ان مصر اللهم صلي على النبي عندها اعجوبه ثانيه وهي مناره الاسكندريه فمصر داخله في التحدي ده بنفرين يا ابو حسين تعالى بقى نقارن مصر والعراق بشكل مختلف سيكا هقارن ما بين النمرود وفرعون بس المقارنه هنا على ان مين اوسخ من الثاني واللي هيطلع اوسخ من الثاني هيدي لبلده نقطه ويعمل حاجه عدله في تاريخه الاسود ان نمرود كان واحد من اربع ملوك حكموا الارض وكان كافر وبصم ليه بصرم عشان اول انسان يح ي حط تاج على راسه ويعمل فيها عامل فيها قال لك حكم الارض 400 سنه فشخ الناس فيها وفي اللي قال لك انه كان ساحر ومشعوذ وفي يوم حلم بكوكب في السماء والشمس بتغرب لحد ما نورها انطفى راح جمع الكهنه والمنجمين وام خديجه المغربيه لتفسير حلمه قالوا له ان في طفل هيتولد وهيخرج اي مخبول امر بتركيب كل المواليد الجداد قطر ست الا تلث وبعدها اتولد سيدنا ابراهيم وبعد الوحي راح للنمرود زي ما المفسرين ربطوه بالملك اللي اتحدى سيدنا ابراهيم وطبعا الجلاله خدت النمرود وقال لك انا بحيي واميت وبتاع وبعد المناظره خسرها وشكله بقى كلط قدام حراسه وكهنته اتغاظ وامر باقامه اعظم نار حصلت في تاريخ البشريه وطبعا بعدها حصلت معجزه سيدنا ابراهيم مع النار وبعد كده في الحادثه الشهيره للنمرود ان ربنا بعت له جيش من الجراد قبل ما حربه تبدا مع جيش المؤمنين وجراده منهم دخلت في مخه من مناخيره وتعذب ياما وكل ساعتين يضرب نفسه باوسخ جزمه لحد ما مات بالنسبه لفرعون فالحكام الى حد ما للنمرود شخص عنده جنون عظمه قال لك انا الهكم برده وعمل فيها عامل فيها وبرده حلم ان في نار جايه من بيت المقدس تولع في ام وصحي من النوم عاملها على نفسه وجمع الكهنه والاشباح دول وقالوا له برده ان في طفله هيتولد هيط عيشتك فعمل زي النمرود مع المولدين حديثا وسيدنا موسى نجا والقصه المعروفه مع السيده اسيه وتحدى سيدنا موسى بالصحرا بتوعه اللي عملوا فيها كريس انجل المصري لكن عرفوا بعدها ان سيدنا موسى نبي ومعاه معجزه فاسلم بعضهم والبعض الاخر طردوا سيدنا موسى وسيدنا هارون واتباعهم من المؤمنين ونهايه فرعون كانت في البحر بعد ما تم انشقاقه والقفل عليه وهو بيطارد النبي طب الاثنين شبه بعض والاثنين اوساخ جدا وحاجه في منتهى الكفر مين يكسب النقطه دي انا هكسب النمرود النقطه دي لان فرعون على الاقل وهو بيموت ترجى من ربنا العفو والمغفره لكن كان الوقت اتاخر خلاص انما النمرود كان وسخ لحد اخر لحظه في حياته حتى وهو بيتعذب من الجراده اللي في مخه على مدار السنين غروره ما سمح لوش يؤمن او يطلب الرحمه والمغفره حتى ده غير ان حكمه كان طايل بقع كبيره جدا في الارض وعاش فتره اطول بكثير فناس كتير اتعورت منه حاليا العراق كسبان على مصر نقطتين مقابل نقطه لكن بما انه حوار كبير فهن قسم الحلقه لجزئين ده الجزء الخاص بالتاريخ القديم والكلام الجد شويه والجزء الثاني في الحلقه الجايه هيكون عن مصر والعراق في التاريخ الحديث والحاضر والضحك اللي عايشين فيه حاليا فتاكد انك مشترك في القناه عشان الضحك كله جاي في الحلقه الجايه ومش عايزه يفوتك ولايك على الحلقه لو عجبتك واشوفكم الحلقه الجايه كان معاكم محمود عشري من خمسه في عينك سلام