آداب المسجد تربية دينية الصف الرابع الابتدائي أحمد محمد عبد الجواد

السلام عليكم ورحمه الله وبركاته حبايبي الغاليين علي جدا جدا متابعي قناه تاء تربيه بحبكم كثير جدا وبدعي لكم بالتوفيق والنجاح في حياتكم ما تنسوش انتم كمان تدعوا لي بظهر الغيب عشان يجي ملك يقول امين ولكم بمثل يلا يا حبايبي اللي ما اشتركش في القناه يشترك ويفعل زر الجرس عشان يوصله كل جديد اعملوا لي احلى لايك للفيديو اكتبوا دراكم تحت في التعليقات شاركوا الفيديو في كل مكان وعرفوا كل الناس على قناه تاء تربيه وخليكم فاكرين ادل على الخير كفاعله ويلا بينا يا سنه رابعه نشرح النهارده مع بعض درس جديد من دروس ماده التربيه الدينيه الاسلاميه الدرس بتاعنا النهارده هيكلمنا عن اداب المسجد الناس بقى اللي بتروح المسجد بتروح الجامع يفضلوا بقى يزقوا بعض بالشباشب في الحمامات ويفتحوا الوضوء على الاخر الحنفيات الوضوء على الاخر ويغرق الدنيا ميه وينادوا على بعض يادي يا ابراهيم واللي يسرق شبشب صاحبه ويطلع يجري واللي يقف جنب الثاني في الصلاه ويزق ويعمل فيه كده ويفضلوا ينحوا في بعض واللي يقعد يقرا ورا الامام بصوت عالي ويلخبط كل ده انا بشوفه في المسجد لان انا امام مسجد وبتمر عل الحالات دي كل يوم واللي يجي لك بقى بهدوم كلها بقى متنيله خالص وييل السجاد بتاع المسجد واللي يعمل هيصه ويزهق الناس ويخلي الناس يجري وراه ومشكلات كتير جدا بنشوفها ده طبعا حبايبي كله ما ينفعش لان المسجد له احترامه ده بيت ربنا سبحانه وتعالى لازم نحترمه ندخل المسجد علينا الوقار علينا السكينه النبي صلى الله عليه وسلم امرنا حتى واحنا واحنا بس لسه رايحين للصلاه احنا لسه ما دخلناش الجامع ده وانت ماشي في الطريق كده يبقى باين عليك الوقار يعني الاحترام والسكينه يعني الهدوء ده وانت لسه ماشي في الطريق ما بالك بقى لما تدخل المسجد تدخل في بيت ربنا تخيل نفسك انا عاوزك وانت داخل الجامع كده او داخل المسجد تفتكر دايما انك ضيف عند ربنا سبحانه وتعالى لو انت جاي عندي ضيف في البيت هتقوم تتنطط في بيتي وتكسر وتضرب في اخوك وكده هطردك هقول لك امشي بره البيت صح طب انت بقى ضيف عند ربنا سبحانه وتعالى بقى مين اللي مستضيفك رب الارض والسماوات بقى مستضيفك وانت بقى تيجي تزعق وتعمل مشاكل في المسجد وهكذا لا طبعا بصوا حبايبي ان الصلاه في المسجد اصلا ليها فضل عظيم جدا جدا جدا شوفوا بقى النبي صلى الله عليه وسلم بيقول ايه من توضا للصلاه فاسبغ الوضوء يعني ايه اسبغ الوضوء انك تدي كل عضو حقه في الوضوء وان انت بتتوضى بتغسل وشك تدي وشك حقه صح في الوضوء تدي ايدك حقها صح في الوضوء تدي رجلك حقها صح في الوضوء تمسح شعرك او راسك بالضبط وبحقها هو ده حبايبي اسباغ الوضوء يبقى يعني ايه اسباغ الوضوء انك تدي كل حاجه حقها مش بسرعه وتجري لا ده مش اسباغ الوضوء اسباغ الوضوء انك تدي كل عضو ايه حقه في الوضوء بدون اسراف من توضا للصلاه فاسبغ الوضوء ثم مشى الى الصلاه المكتوبه يعني انت تتوضى في البيت الوضوء في البيت حبايبي افضل عشان كل حته في الطريق تشهد لك تمام ثم مشى الى الصلاه المكتوبه المكتوبه يعني المفروضه اللي هم الخمس صلوات الفجر والظهر والعصر والمغرب والعشاء فصلاها مع الناس او مع الجماعه او في المسجد يعني يطلع يروح يصلي الصلاه المكتوبه مع الجماعه تمام في المسجد بقى وفي المكان اللي بيتجمعوا يصلوا فيه غفر الله له ذنوبه يا سلام يبقى فضل الصلاه في المسجد انها بتغفر الذنوب ربنا بيغفر الذنوب بسببها ايوه ربنا بيغفر الذنوب بسببها في حديث تاني عن النبي النبي صلى الله عليه وسلم ان لما نتوضا في بيتنا ونروح للمسجد الخطوه بتاعتنا واحنا ماشيين واحده بترفعى درجه وواحده بتشيل عننا سيئه ترفعك درجه عند ربنا اول خطوه بخطوه بترفع عند ربنا اللي بعدها بتشيل سيئه اللي بعدها بترفع كمان درجه اللي بعدها بتشيل كمان سيئه وهكذا حبايبي الغاليين الله ده فضل عظيم قوي وثواب كبير قوي ايوه فاوعى بقى ان انت لما تيجي تروح المسجد بقى تضيع الثواب الكبير ده بالمشكلات اللي انت تعملها مع زمايلك او بانك ما تحترم المسجد طيب ايه اثر الصلاه في المسجد يعني هنستفيد ايه لما نصلي في المسجد لما كل واحد كان يصلي في بيته وخلاص هنستفيد ايه لا ده ليها اثار كتير قوي من ضمن الاثار بتاعتها انها بتعلمك احترام المواعيد بتاعتك انت عارف ان الفجر لهم م عاد بتقوم له بتقوم له من عز النوم بقى وانت متغطي بقى ونايم كده بقى بتحلم بقى احلام حلوه الفجر بياذن على خمسه مثلا خسه ونص 6ه على عه على لاثه زي ما بياذن الفجر هتقوم بقى تقوم انا هقوم اصلي لله عز وجل طيب عارف ان الظهر بذن الساعه 12 12 ال 10 12 و10 12 و5 زي ما بياذن هظبط المنبه بتاعي وابقى عارف قبلها بخمس دقايق هقوم اتوضا واطلع على المسجد يبقى بيعلمك انك تلتزم بالمواعيد بتاعتك بعد كده لما تدي حد معاد هتبقى مواعيدك مظبوطه لان الصلاه ظبط لك المواعيد بتاعتك ثاني حاجه بتزيد الالفه والتعارف بين المسلمين انا وانت بنتقابل في المسجد فبن سلم على بعض ازيك يا ابراهيم عامل ايه اخبارك وحشتني كويس مش عارف ايه بتزيد التالف والتعارف بين المسلمين بس اوع تروح المسجد وتقعد في المسجد بقى وتقعدوا تحكوا مع بعض بقى وده انا اشتريت عجله جديده وانا هشتري مش عارف لعبه لا الكلام ده بره المسجد بقى بعد ما نخلص الصلاه ونمشي ثالث حاجه بنعرف احوال الفقراء والمرضى انا بشوف جاري مثلا جاي يصلي بحس ان هو الثياب بتاعته قديمه كده اه ده اكيد عنده مشكله ماديه فطب ما اشوف واسال عنه طيب واحد بقى له يومين ثلاثه ما شفتوش في المسجد اكيد ده شخص ممكن يبقى مريض مسافر طب اسال عنه واتاكد يبقى بنتفق احوال ايه بعض طيب بتجمعنا مع بعض وبتزيد الترابط والاخوه بين المسلمين كمان بتشيل الفوارق بينا الغني بيبقى واقف جنب الفقير والذكي جنب اللي مش كل بص كلنا جنب بعض ما فيش فرق ودي بتشيل اي فوارق عشان لو واحد فينا شايف نفسه انا احسن من الناس لا انت زيك زيهم كلنا عند ربنا واحد طيب تعالوا بقى نشوف بعض اداب المسجد اول حاجه عذرا نلبس ملابس نظيفه مش تيجي بقى تروح الجامع كده بقى بهدومك بقى اللي انت كنت بتلعب بيها بقى في الشارع بقى ومليانه طين وتراب ومتبهدله وحالتك وحشه خالص ما ينفعش لازم تلبس ملابس نظيفه وتتعطر كده وانت رايح المسجد يا عم ده انت رايح تقابل ربنا تروح تقابل ربنا وانت هدومك كلها تراب ولا شحم ولا مش عارف ايه وريحتك عرق بقى والناس بقى اللي واقفين جنبك بقى طول الصلاح لا ما ينفعش طبعا تمام يبقى البس ثوبا نظيفا واتعطر عند الذهاب الى المسجد ربنا بيقول يا بني ادم خذوا زينتكم عند كل مسجد يعني ايه خذوا زينتكم عند كل مسجد يعني تزينوا كده بقى والبسوا ملابس حلوه كده وتعطر على قد ما تقدروا تمام مش لازم تبقى جديده بس تبقى نظيفه تمام ادخل المسجد مقدما رجلي اليمنى يبقى بندخل بندخل الجامع برجلينا الايه برجلينا اليمين طب وبنقول ايه ايه بقى اللهم افتح لي ابواب رحمتك وانا داخل كده وانا لسه على الباب بحط ببدا برجليه اليمين وانا لسه على الباب بقول اللهم افتح لي ابواب رحمتك يعني يا رب زي ما باب المسجد دهه مفتوح افتح لي كمان ابواب الرحمه يا رب وارحمني بقى ولو ربنا رحمك طبعا يعني انت من اهل الايه من اهل الجنه ثالث حاجه بتصلي ركعتين تحيه المسجد تصلي ركعتي تحيه المسجد تحيه المسجد دول انا خلاص داخل متوضي وداخل جاهز بقوم داخل اول ما ادخل المسجد دي مالهاش دعوه بالسنن بتاعه الصلاه ولا لها دعوه باي حاجه دي اسمها تحيه المسجد ادخل الله اكبر وبصلي ركعتين تمام دي اسمها سنه تحيه الايه المسجد النبي صلى الله عليه وسلم قال اذا دخل احدكم المسجد ف فليركع ركعتين قبل ان يجلس يعني مش اول ما تدخل الجامع كده تقوم قاعد على طول لا ادخل الاول صلي ركعتين تحيه المسجد وبعدين ايه اجلس بقى الحديث ده رواه الامام البخاري والامام مسلم رابع حاجه ماترفعش صوتك في المسجد يا ابراهيم يادي يا حسين تعال لا كل ده ما ينفعش فين في المسجد وكمان تحافظ على نظافه المسجد مش تجي لي بقى في المسجد بقى هدومك كلها تراب وتقوم عكيكه لي او يبقى معاك زباله تقوم راميها في المسجد لا مطلوب مننا ان احنا نحافظ على نظافه المسجد هقول لك بقى على فكره كمان تاخد بيها ثواب كبير قوي لو المسجد بتاع القريه بتاعتك او المنطقه بتاعتك ما فيهوش سله قمامه اشتري سله قمامه في سله ثمنها 3ه جنيه وسله ثمنها 5ه جنيه وسله تمنها 10 جنيه وحطها في ركن من اركان المسجد وهتاخد ثواب كبير اووي واحد بقى مع منديل مسح بيه مثلا عرقه او مسح بيه وضوء او ميه او كده هيقوم حطه هناك يبقى انت اخدت الثواب الكبير وحافظت على نظافه الايه المسجد وعملت مبادره كويسه تمام خامس حاجه تطلع من المسجد برجليك الشمال احنا دخلنا برجلينا اليمين واحنا طالعين بنقدم رجلينا الشمال واحنا طالعين وبنقول اللهم اني اسالك من فضلك يعني يا رب انت فتحت لي ابواب رحمتك وانا داخل يا رب بقى وانا طالع افتح لي ابواب فضلك بقى عشان لما اروح اتاجر او اشتغل او اتعلم بقى الاقي فضلك الكبير بقى ايه مالي الدنيا حواليا كمان حبايبي بلاش قبل ما نروح المسجد ناكل اكله يكون لها ريحه مش كويسه تاذي الناس اللي جنبنا الناس اللي بتدخن بقى اهلنا الكبار اللي بيدخن نقول لهم ما تدخن قبل المسجد وربنا يا رب يتوب عليهم لو انت هتاكل بصل او ثوم كل اي نعناع قبل ما تروح المسجد عشان ريحه ايه الفم بتاعتك تكون كويسه ما تؤذي الناس بصوا حبايبي اي حاجه تؤذي الناس ما تعملهاش في المسجد وانت بتصلي برده مش تاقف كده تصلي واقف جنب زميلك وانت احنا طبعا الامام بيقرا واحنا بنقرا في سرنا مثلا ففي الصلوات السريه فانت بتصلي كده بسم الله رحمن الرحيم وصوتك عالي طب ما اللي جنبك هتلخبط لا ماترفعش صوتك برض عشان ما تلخبط اللي جنبك دي كانت اهم اداب المسجد حبايبي الغاليين بكده يكون الدرس بتاعنا انتهى اا لو عندكم اي سؤال او استفسار ابعتولي على رقم الواتس وان شاء الله هرد عليكم ما تنسوش ان احنا بنشرح اللغه العربيه التربيه الدينيه الاسلاميه الدراسات الاجتماعيه على قناتنا قناه ت تربيه ومس مننا معانا بتشرح الرياضيات على صفحتنا صفحه مدرستنا في بيتنا وبننزل لكم هناك الملازم والمذكرات المطلوبه بحبكم كتير جدا سلام عليكم