حقيقة ما تحت الاهرامات وعلاقتها بنظرية الكهرباء لأحمد عدلي و مايا صبحي رد المتخصصين المصريين

هو ايه علاقه الاكتشاف الاثر الجديد بكلام مايا صبحي عن الاهرامات؟ وهل الكلام ده اصلا ليه علاقه بنظريه المهندس احمد عدلي عن الاهرامات وتصنيع الكهرباء؟ انما المهم بقى ايه اللي تحت الاهرامات بالظبط وايه راي الحكومه المصريه او ردها على كل الكلام اللي انتشر ده؟ ده ان هم نجحوا انه يعملوا من دعم ان توليد الكهرباء توليد كهرباء هنشوفه اه دلوقتي التوليد الكهرباء مبدئيا عشان نكون متفقين ما فيش مدينه كامله تحت الاهرامات وما فيش مسلات والشكل اللي انت شايفه ده كل دي بروباجندا وكل الكلام ده هبل في الجبل الموضوع بدا بخبر لف تيك توك كله وقلب الدنيا عند العرب وعند الاجانب والخبر انتشر بكذا طريقه في اللي يقول لك اكتشفوا مدينه كامله تحت الاهرامات وفي اللي يقول لك اكتشفوا عمدان قد برج خليفه كذا مره وفي اللي يقول لك اكتشفوا مسلات تحت كل هرم والصوره دي بدات تنتشر جدا وفي اللي يقول لك لا دول اكتشفوا مولدات للطاقه وللكهربا تحت الاهرامات انما الحقيقه بقى ان ما فيش خبر من الاخبار دي صح تعالى اما اقول لك ايه الموضوع بالظبط الحكايه بدات لما مجموعه من خبراء الرادارات الايطاليين قرروا يعملوا مسح للهرم الاكبر بتقنيه الاستشعار عن بعد من الاقمار الصناعيه سنه 2022 للهرم الاكبر ها ركز والمفروض بقى ان هم صمموا تطبيق كده عملوه علشان يحول اشارات الرادارات والبيانات دي لمجسم ثلاث الابعاد للهرم. حلو حلو واللي طلع لهم هو نفس المعلومات ونفس الحاجات اللي معروفه عن الاهرامات فما قدموش حاجه جديده فتاكدوا ان الدراسه دي والتجربه دي فعاله وناجحه ولكن بما ان ما فيش جديد قدموه فماحدش اهتم بالدراسه دي قوي لحد اما قرروا يعملوا دراسه ثانيه عن هرم خفرح المهم طلع التقرير بتاع الدراسه والتجربه دي يوم 16/3 2025 يعني من كام يوم في بس شويه معلومات جديده وقالوا بقى في البيان بتاعهم ان هم عملوا مسح برادارات متطوره جدا لهرام خفرع بحيث يشوفوا لو في اي حجر مستخبيه كده ولا كده والمفاجاه ان هم يلاقوا تجاويف وممرات في الهرم وتحت الهرم كمان وعن طريق رسم ثلاثي الابعاد وصور مقطعيه وبرامج متطوره جدا قدروا ان هم يعرفوا ايه اللي موجود في التجاويف والممرات دي وعلى حسب كلامهم فالجماعه دول لحظ لاحظوا خمس ابنيه متطابقه الابنيه دي فيهم خمس صفوف افقيه وفوقيهم صف مايل والابنيه دي تحتها زي عواميد عملاقه مفرغه بالضبط ثمان اسطوانات مرصوصين قدام بعض بدقه شديده ووصفتهم الدراسه كانهم ابار مياه عموديه ده لسه ده حوالين كل اسطوانه منهم في ممرات حلزونيه بتلف حوالين العمود لحد الاخر وتح تحت في اخر الاسطوانات دي فيها مكعبين او حجرين كبار جدا حجم كل واحد فيهم 80 متر مكعب المهم بقى يا سيدي شويه الحبشتكانات والكلام ده كله بيمتد 2كم م تحت الهرم كل الكلام ده لهرم خفرع بس من وجهه نظر اصحاب الدراسه دي ان كل الكلام ده برده موجود تحت الهرم الاكبر هرم خوفه طب اشمعنى يا عم حبيب ليه يعني بيقولوا كده وان الشكل ده برده موجود تحت خوفه مع ان ما فيش دراسه اثبتت الكلام ده وده يا سيدي ببساطه لان الشكل اللي بقول لك عليه اللي هو الخمس اسطوانات الافقيه وفقيهم واحد ميل ده نفس الشكل ده اصلا موجود جوه هرم خوفه ذات نفسه فبالتالي وارد يكون نفس الشكل ده ولكن اسطوانات ضخمه جدا موجوده تحت هرم خوف هو كمان فهل ممكن ده يبقى صح او يكونوا متصلين ببعض كلهم المهم بقى يا عم حبيب ايه الشكل ده او ايه المنظر ده؟ يعني لا طلعت مدينه مخفيه تحت الاهرامات ولا طلعت مسلات زي الصوره اللي انتشرت دي؟ امال الموضوع ده بيفسر ايه بالظبط؟ والحقيقه ان هم نفسهم ما وضحوش قوي ايه الكلام ده ولا ايه الحوارات دي كلها وقالوا احنا بس محتاجين نحفر تحت الاهرامات ونشوف الدنيا دي كلها وبعدين نكرر. ولكن الكلام ده والشكل ده لما شافوا كثير من المختصين قالوا ان بنسبه كبيره ده مولد للكهرباء او حاجه ليها علاقه بحفظ وتخزين الطاقه حاجه يعني ليها علاقه بالكهرباء الناس بقى سمعت الكلام ده وما سكتتش وبداوا يفتكروا كلام مايا صبحي عن الاهرامات وقالوا ان الهرم الكبير ده مش الغرض منه ان هم يدفنوا فيه الملك مش مقبره للملوك يعني ولكن كان بيستخدم لتوليد الكهرباء وان في حاجات تحت الهرم ليها علاقه بالموضوع ده واتكلمت بشكل معقد اكث عن الهيكل اللي قلت لك عليه ده بتاع الدراسه هو والسقف بتاع غرفه الملك وقالت ان عن طريق السقف ده كانوا بيولدوا كهربا ودخلت الموضوع بميه النيل وكريستالات الكوارتز وطاقات الرنين مايا صبحي اتكلمت عن الموضوع ده في كذا حلقه ولكن ما حدش كان مركز معاها ومعظم الناس ما كانتش فاهمه كلامها يا دوبك غير من كام سنه لما في مهندس مهتم تم بالاثار المصريه اسمه احمد عدلي وبدا يشرح نظريته ونظريه مايا صبحي عن الاهرامات واللي من وجهه نظرهم ان هي كانت بتستخدم في توليد الكهرباء ولكن مش اي كهرباء دي كهربا لاسلكيه من غير اي اسلاك تماما يعني اي حاجه في النطاق وحوالين الهرم بمدى معين يقدر ان هو يولد لها كهربا من غير شحن ولا اسلاك ولا الكلام ده يا عم ما تبصليش كده بس تعالى اما اشرح لك النظريه واعرض عرضها لك واقول لك الموضوع المفروض بيشتغل ازاي. اول حاجه لفتت انتباه المهندس احمد عدلي هو الهيكل اللي شاورت عليه مايا صبحي وهو الغرفه بتاع الملك اللي اتبنى فوقيها خمس اسقف افقيه وفوقيهم سقف مايل. انما ثاني حاجه هي الحيره. ليه المصريين القدماء حيروا نفسهم؟ يعني ليه عملوا الكسوه بتاع الهرم الخارجيه من حجر مخصوص جابوه من مكان معين ولكن الاحجار بتاع غرفه الملك مختلفه تماما وجابوها من مكان ابعد يعني ليه ما اريحوش دماغهم وعملوا كل الاحجار من حته واحده ومن مكان واحد ليه مش نفس الاحجار يعني وبرده الحجاره بتاع الهرم دي مش صغيره احنا بنتكلم في حجاره بتوصل ل 60 طن يعني ايا كانت الوسيله او الطريقه اللي المصريين القدماء بانوا بيها الهرم فاكيد تعبتهم جدا طلعت عينيهم فليه ما استخدموش حجاره اصغر شويه وكانوا ريحوا نفسهم طب ليه اصلا المصريين القدماء غطوا الهرم بكسوه حجريه بالاطنان دي كلها لا ولزقوها في بعض كمان بطريقه اوفر يعني ولا اجدعها ماده لاصقه ولا اسمنت حد اهو كل الكلام ده يخليك تستغرب ويخليك تشك ان الهرم مش عباره عن غرفه لدفن الملك بس وان في حاجه ثاني بتحصل جوه الهرم تخلي اللي صممه عاوز يسيطر عليها حاجه من قوتها ممكن تفرتك الهرم ممكن تفككه من بعضه ولازم عشان تعرف النظريه اللي اتكلم عنها استاذ احمد لازم تبقى عارف ان في الهرم في ثلاث غرف وبهو الغرفه السفليه والغرفه الوسطى المعروفه بغرفه الملكه والغرفه العلويه دي اللي المفروض الملك بيتدفن فيها اهي الغرفه دي اللي فيها الخمس اسقف اللي قلت لك عليهم. طب حلو الكلام ده؟ لا مش حلو. لو جيت تسال اي حد ليه المصريين القدماء عملوا ثلاث غرف هيرد عليك ويقول لك اصلهم كانوا مترددين مره. يقول لك اصل هندفن الملك هنا وبعدين لا نعلى شويه وبعدين لا نعلى بيه شويه كمان. بس من وجهه نظر استاذ احمد في كل الامور سليمه ان الغرف الثلاثه دول ليهم استخدامهم في نظريه الكهرباء والصفوف الخمسه اللي موجودين فوق غرفه الدفن دول مش لتخفيف الاحمال دول ليهم دورهم في تصنيع الكهرباء المفروض وعلى حسب اللي فهمته ان غرفه الدفن العلويه دي مصممه بطريقه ان هي تبقى حره مش ثابته يعني في مكانها بحيث ان هي تتحرك براحتها لما تتعرض لرنين بترددات معينه قامت دلي مع فريقه بوضع السماعات واجهزه القياس الصوتيه المختلفه داخل حجره الملك في الغرف العلويه وفي الممرات السماعات دي بتطلق ترددات صوتيه داخل الحجرات بيستقبلها تاني ويعمل القياسات بتاعته وتوصل لمجموعه من النتائج نشر معظمها لاحقا لكن اهم نقطتين خرج بيهم هم ان حجره الملك بجدرانها وسقفها وارضيتها واقفه وقوف حر داخل الهرم بمعنى انها مش متصله اتصال كامل بجسم الهرم نفسه في من الاجناب فراغ بين غرفه الملك وجسم الهرم نفسه نفس الكلام بالنسبه للارضيه حلو الكلام ده لا مش حلو طب ليه لان الهرم نفسه لازم يكون فيه المكان اللي يصدر الرنين او الترددات والاهتزازات دي اللي تخلي غرفه الدفن تتحرك اهو اللي كان بيعمل كده بقى هو الغرفه السفليه بتاع الهرم اهي الغرفه دي مصممه زي مضخه الرام بالظبط اللي هي بتضخ الميه المضخه بيخش لها ميه من حوالين الهرم من منطقه معينه واه الهرم كان حواليه جدار بيدخل ميه من النيل للغرفه السفليه دي اهي الميه لما بتنزل للغرفه السفليه وتضغط على السقف بشكل نبضات كده بتدي الاهتزازات والرنين لغرفه الدفن اللي فوق ان هي تتهز وتتحرك. طب حلو الكلام ده؟ لا برده مش حلو احنا كده لسه ما عرفناش سر الغرفه الثالثه وايه علاقه الكلام ده بتصنيع الكهرباء اهي الغرفه الثالثه دي العلماء اكتشفوا ان فيها ثلاث انواع من الاملاح اول ما العلماء شافوا الاملاح دي قالوا لك بس ده هنا كان في تفاعل كيميائي ولما ركزوا لقيوا ان في ممرين في الاوضه وعلى حسب وصفهم ان ممر كان بينبعث منه زنك مهدرج والثاني هيدروكلوريك والاثنين لما بيتقابلوا مع بعض في الاوضه بيحصل تفاعل بينتج عن التفاعل الكيميائي ده غاز الهيدروجين والملح الملح بيتراكم على الجدران انما الهيدروجين بيطلع للبهو ومنه لغرفه الملك طب ليه يا عم حبيب هقول لك بعدين بس خليك فاكر معايا ان وظيفه البهو هنا ان هو يضاعف الصوت او الترددات اللي جايه من الغرفه السفليه واعرف برده ان غرفه الملك كلها مصممه من الجرانيت اللي فيه كوارتز اللي معروف بخاصيه البيزو الكتريك ايفيكت او بمعنى ثاني توليد الكهرباء او الطاقه عند الضغط عليه او عند قوى صوتيه معينه بص هبسطها لك الموضوع سهل الموضوع ما في ان ميه هتخش للهرم عن طريق السور المحوض بيه وعن طريق ممرات هتخش للغرفه السفليه فتضغط على السقف تعمل اصوات فتطلع للبهو البهو يروح جاي مضخم الاصوات دي لحد اما يطلعها لغرفه الملك ويعمل الرنين وتبدا تتهز يعني بحيث الكوارتز اللي جوه الجرانيت يبقى مستعد ويشوف شغله عشان ينتج الكهرباء وفي نفس الوقت السائل بيوصل لغرفه الملكه عشان يتحول لهيدروجين وبعدين يبدا يطلع للبهو وعن طريقه لغرفه الملك في نفس الوقت اللي الكوارتس بيكون فيه على اخره والمفروض ان الهيدروجين لما بيوصل له هناك بيحصل له اثاره وبيطلق موجه صغيره من الطاقه وعن طريق اليات موجوده في الاوضه فكل ذرات الهيدروجين دي بتتفاعل في نفس الوقت في حزمه واحده والحزمه دي المفروض ان هي بتطلع لبره الهرم وتبدا ان هي تنور اي حاجه موجوده في نطاق معين وتشغل بقى اي جهاز كهربائي موجود في النطاق ده من غير اي اسلاك انا عارف ان انت ممكن تشوف الكلام ده مش منطقي وكلام غريب ولكن في شويه ادله كده تخليك تشوف اولها مكونات غرفه الملك عامله بالضبط زي الميزر او جهاز تجميع الطاقه بتاع ذرات الهيدروجين اللي بيطلقها مره واحده ثانيا ان في اثار على تاكل الميه في الغرفه السفليه انما الحاجه اللي تخليك تستغرب اكت الابنيه اللي في الغرفه السفليه اللي تديك احساس كده ان هي مش مكتمله البناء في حين انها بتتطابق مع فكره مضخه الرام عشان توليد الكهرباء ضيف على كده بقى الممرات بتاع الهرم وده لان الممرات المفروض ان هي ضيقه جدا على بني ادم فاكيد المصريين القدماء دي مش حاجه فاتتهم ده لو يعني المفروض ان ده مكان للجنازه وللطقوس الجنائزيه المفروض ان مكان يبقى اوسع من كده في حين ان احنا لو مشينا مع نظريه استاذ احمد هنلاقي ان هي منطقيه وان الميه بس هي اللي هتمشي فيها فده منطقي يعني لانها مستويه وطويله وهتدي مساحه للميه زي ما مطلوب للمضخ ده غير ادله في غرفه الملك نفسها يعني بشهاده بعض الخبراء اكتشفوا ان غرفه الملك اتزحزحت من مكانها السقف اترفع شويه لفوق والاوضه المفروض ان هي وسعت شويه وطلعت لبره بالاضافه لبعض الشروخ الا تخليك شاكك ان حصل اهتزاز هناك وكمان تغير في لون الغرفه السفليه وده بسبب الحراره الشديده وده منطقي ده غير التابوت كمان نفس الكلام عليه علامات انصهار وكانه تعرض لحراره جديده ده غير بقى المنطق اللي فهمنا هم ليه هنا بقى استخدموا حجاره مختلفه كل واحد له اماكن معينه يعني غرفه الملك استخدموا الجرانيت اللي مليان كوارتز عشان زي ما قلت لك انما الكسوه الخارجيه للهرم استخدموا الحجر الجيري اللي يعتبر الافضل في عزل الكهرباء عن جسم الهرم وده علشان يضمنوا ان الكهربا ما تطلعش من اي مكان غير من مكان معين في الهرم علشان ما تطلعش من اي حته وخلاص ويفهمنا برده هو ليه الهرم اتبنى من حجاره عملاقه زي كده ويبقوا لازقين في بعض بطريقه زي دي وشده الكسوه الخارجيه بتاع الهرم علشان يضمنوا ان هو هيتحمل الهزات اللي بتحصل جوه والطاقه الكبيره دي انت هنا ممكن تكون مش مصدق او مش مقتنع بالكلام ده وحاسس ان هو مجرد خيال علمي ولكن خليني اقول لك ان في بعض الاقاويل ان نيكولاتس تسلا كان بيستخدم حاجه زي كده تسلا صمم برج بحيث ان هو يعمل نفس ما الهرم كان بيعمل ان هو يوفر كهربا بالمجان لاسلكيه وبيقال انه كان واخد نفس تصميم البرج ده من التصميم الداخلي للهرم ولكن المعلومه دي مش اكيده قوي ولكن المهم في الاخر التجربه بتاعته نجحت وقدر ان هو يعمل الكهربا دي ويوفرها بالمجان لاسلكيه اجهزه الاختبار نورت بالفعل ولكن التجربه بتاع بتاعته اتفككت والبرج ده اتفك تماما واتحارب ان التجربه دي وان الموضوع ده ما يكملش وما ينجحش علشان ده هيخسر ناس كتير قوي فلوس مهوله وهيضيع فرص على ناس كتير قوي علشان ما يوفرش كهربا بالمجان صدمه مش كده المهم تعالى نرجع بقى للاكتشاف والعلماء بتوعنا الموضوع اللي لسه طالع من كام يوم ده الصراحه ان هو اكتشاف ودراسه جميله جدا ومجهود يحترم على راسنا ولكن في مشكلتين كده صغيرين اولا وعلى حسب كلام الخبراء فتقنيه الاستشعار اللي الخبراء الايطاليين قالوا ان هم استخدموها تقنيه اس اي ار مستحيل ان هي توصل للاعماق دي كلها التقنيه دي مش جديده ولسه طالعه لا التقنيه دي معروفه من فتره ولكن ما بتوصلش تحت الارض للمسافات دي اصلا فموضوع ان هم وصلوا 2 كيلو تحت الارض الكلام ده يعني جو ما ياكلش من الاخر الا بقى لو هم عملوا تعديلات على التقنيه دي وقدرت ان هي توصل للمسافات دي فبما ان ده ما اتذكرش تفصيليا في الدراسه اللي اتعملت ولا في الوثيقه اللي طلعت بان ورقه البحث الاصليه لسه ما انتشرتش بدقه ولكن اللي موجوده حاليا هي اللي الصحافه اصدرتها اللي هم يعني حضروا الموضوع علشان البروباجندا انما المشكله الثانيه بقى عن الموضوع هو رد الدكتور زاهي حواس اللي طلع كذب الدراسه وقال ان الكلام ده كله يعتبر خيال علمي ومش صح كلام م لهوش اي اساس من الصحه وان الناس دول الهدف من اللي هم بيعملوه ان هم يوقعوا والحضاره المصريه واكد الدكتور زاهي برده ان اللي اصدر الكلام ده مش ناس خبرا ولا ناس مختصين في علم المصريات وان ما فيش اي رادار استخدموه على هرم خفره واصلا ازاي الكلام ده والقاعده بتاع هرم خفع محفوره في صخر على ارتفاع 8 متر وكل الدراسات اللي اتعملت عن الهرم قالت ان ما فيش اي حاجه موجوده تحتيه انما مدير متحف الاثار في مكتبه الاسكندريه الاستاذ حسين عبد البصير اللي كان ماسك منصب مدير عام اهرامات الجيزه قال ان التقنيات الجيوفيزيائيه زي الرادارات اللي بتخترق الارض او الجي بي ار او حتى التحليل الزلزالي اللي بتمسح اعماق الارض بتكون ليها مسافه محدوده لا تتزايد عن عشرات الامتار فجو ان هم وصلوا 2 كيلو ده مستبعد جدا فكلام الجماعه دول مش صح ومش علمي وما فيش اي اعلان رسمي من وزاره السياحه عن الموضوع ده ده حتى ما اتنشرش في اي دوريه علميه موثوقه علشان تراجع الكلام ده فعامه ده كان كلام الخبراء المصريين عن الكلام اللي انتشر وسيبك بقى من جو ان في مدن تحت الاهرامات وان في مسلات والكلام ده ده مش صح ابدا ومش اي حد ترمي له ودانك فانت بقى عرفت رايك تفتكر النظريه بتاع دكتور احمد بتاع توليد الكهرباء من الهرم وهي كلام ميا صبحي الكلام ده صح ولا لا وخلينا متفقين ان دي مجرد نظريه انا ما بقولكش ان الهرم كان بيستخدم لكده ولا ما بيستخدمش لكده انا عرضت لك النظريه كل المصادر هتلاقيها موجوده في الديسكربشن وعرفنا لاي موضوع حابب تعمل الفتره الجايه والانستغرام بتاعك تلاقي موجود في الديسكربشن تحت وبس كده كان معاكم حبيب انا عارفك دلوقتي اكيد تهت مني ومش فاهم حاجه بص الموضوع بسيط هفهمها هبسطها لك الموضوع ما فيه ان ميه هتخش للهرم من اسوار محيطه بيه لحد اما تخش للغرفه السفليه بعد ما تخش للغرفه السفليه تبدا تضغط على السقف عشان تعمل اصوات تطلع فوق للبهو البهو يروح جاي مكبرها يروح جاي مطلعها فوق والله انت ولا فاهم حاجه ولا منيل على عينك