تعليم الرسم من الصفر للمبتدئين 2026 كـورس رســم كامل How to Start Drawing for Beginners

لو نفسك تبدا في الرسم او بدات بالفعل بس تائه شويه لازم تسمع كل نقطه هقولها لك في الفيديو ده وان شاء الله لو ناوي تدخل لكليه فنون جميله او فنون تطبيقيه فالفيديو ده ليه وعايز اقول لكم كمان ان الفيديو ده في اساسيات الرسم كلها اللي لازم تعرفها وتمشي عليها صح عشان مستواك يفضل دايما في تطور تعالوا نبدا الفيديو بس ما تنسوش تعملوا لايك وتدعم الفيديو ده عشان العلم ده يوصل لكل الناس وما تنسوش تعملوا اشتراك وتفعلوا زر الجرس الصغير ده عشان كل الفيديوهات اللي هتنزل في السلسله دي توصلك اول باول ويلا نبدا يا اجمل الفنانين في الكوكب اول حاجه لازم نعرفها هو الرسم موهبه ولا تعليم الرسم ببساطه هو مهاره مكتسبه واجتهاد ذاتي يعني انت ببساطه تقدر ترسم زي الرسامين اللي بتشوفهم وتبقى احسن منهم كمان طيب عشان تبدا في الرسم محتاج تعرف ايه اهم الحاجات اللي لازم تعرفها عشان تقدر ترسم اي حاجه التظليل زائد النسب والابعاد واي شكل او تكوين بنرسمه بيكون من الحاجتين دول يعني ايه كلمه تظليل ببساطه التظليل ده هو عباره عن حركه واتجاه الخط على الورقه لتجسيم الاشكال اللي بنرسمها يبقى احنا كده عرفنا ان اي حد بيرسم بيستخدم التظليل في رسوماته عشان يجسم الشكل والكلام ده بيتم عن طريق تحديد اماكن الظل والنور في الصوره اللي بنشوفها بعينينا يعني احنا بنقدر نحدد اماكن الظل والنور دي لما بنبص على الصوره بعينينا بنحاول نحلل بعينينا كده ونفكر هل الجزء ده فيه ظل او هل الجزء ده فيه نور وابدا انفذ الكلام ده في الرسمه بتاعتي والتظليل ده بيبقى عباره عن درجات من الظل والنور المختلفه في الشكل او التكوين اللي برسمه يعني احنا ممكن نلاقي صوره واحده كذا درجه من من الظل او كذا درجه من النور وعشان اتكلمنا عن كلمه درجات من الظل والنور يبقى لازم نعرف حاجه اخترعوها اسمها درجات الاقلام الرصاص ودي لازم تعرفها كواحد هتبدا في الرسم ولسه هتمسك قلم رصاص ونظرتك لازم تختلف من واحد كان بيكتب بالقلم بس لواحد هيرسن بيه فعندنا درجات من الاقلام الرصاص مختلفه كتير جدا وهنشوف مع بعض ليه اخترعوا درجات الرصاص دي اول حاجه درجات الرصاص دي بتتقسم لجزئين مجموعه درجات اسمها بي ومجموعه درجات اسمها اتش وبيتو سط الاقلام الرصاص دي درجه اسمها درجه الاتش بي ودرجه الاتش بي في الرصاص هتلاقيها متعرف عليها اكتر وهتلاقي الاقلام اللي بتتباع في معظم المكتبات كلها اتش بي يعني احنا بنستخدمها في المذاكره بتاعتنا هنتكلم عن درجات البي دايما الدرجات بتاع البي دي هي الغامقه لان نسبه الرصاص فيها كتير فبتبقى داكنه جدا في الرسم بتاعنا اما درجات الاتش دايما هي الفتحه والخفيفه على الورقه يعني احنا ببساطه لما نكون عايزين نعمل درجه خفيفه في الرسم بتاعنا بنستخدم درجات الاتش والعكس لو عايزين نستخدم درجات غامقه في الرسمه بتاعتنا بنستخدم درجات البي لازم تعرف ان كل اما الرقم كبر جنب البي درجه القلم الرصاص دي بتبقى غامقه جدا وكل اما الرقم كبر جنب الاتش هيبقى القلم الرصاص ده درجته خفيفه جدا طب هل انت كمبتدئ لسه هتستخدم كل الدرجات دي في الرسم الاجابه ببساطه لا طبعا انت هتستخدم ثلاث درجات من الاقلام الرصاص في بدايتك بس وممكن كمان مع تطورك في الرسم هتستخدم قلم رصاص واحد بس وتطلع منه كل الدرجات بس لما ايدك تاخد على حساسيه القلم في الرسمه وعشان ما تهش في البدايه انت هتستخدم ثلاث درجات درجه الاتش بي اللي هي المتوسطه ودرجتين غامقين معاها الو بي وال 6 بي والثلاث درجات اللي بنتكلم عليهم م كافيين جدا يخلوا تظليل حلو في الرسم ويطلعوا معاك الرسمه مجسمه بشكل جميل جدا وهتعجبك وهنعمل تدريب مع بعض نوضح فيه ازاي نستخدمهم في التظليل اما التدريب الاهم دلوقتي ولازم لو هترسم تعمله وتستمر فيه هو انك هتمسك كل قلم من الثلاث درجات دول وتحاول تطلع من كل قلم لوحده افتح درجه فيه واغمق درجه فيه والتمرين ده مهم جدا لانه بيخلي ايدك خفيفه في الرسم عشان انت كمبتدئ في الرسم بيبقى ايدك ثقيله وانت بتشتغل عشان كده لازم تمرنها بالتمرين البسيط ده وعشان لو غلطت وعايز تمسح الخط بتاعك يتمسح بسهوله جدا وما تتقفل من الرسم في البدايه والكلام ده طبعا انا وقعت كتير فيه في بدايتي وما حدش كان بينصح ني النصائح دي عشان كده بحذركم منه ومن الحاجات المهمه برده اللي لازم تعرفها ان ماسكه القلم في الرسم بتبقى مختلفه كتير جدا عن الكتابه ودي هتفرق معاك جدا في درجه الرصاص اللي بترسم بيه على الورقه يعني في ناس بتبقى لسه مبتدئه بلاقيها بتحفر في الورقه وهي بترسم وده غلط جدا ولو غلط وقعد يمسح في الخط 50 مره مش هيطلع فعشان كده في ناس تلاقيهم مثلا في الامتحانات بتاعه الرسم او في اي حاجه تلاقي الورقه بتاعه واحد شكلها جميل وتلاقي ورقه ثانيه تحس ان الشخص ده كان بيتخانق مع الرسم عشان كده لازم تعرف ان مسكه القلم في الرسم وخصوصا في تظليل الاشكال بيبقى القلم مايل وبنمسي شويه عشان يبقى خفيف معانا واحنا بنرسم ويطلع درجات مناسبه للعمل الفني اللي بنرسمه ولو غلطنا في اي حاجه وعايزين نعدل فيها نمسح عادي بالراحه من غير ما نخاف ونبدا نشتغل من اول وجديد واللي بيساعدنا اكثر في التظليل واحنا بنرسم بالقلم رصاص طريقه بريه القلم يفضل تبري سن القلم رصاص بالقطر عشان السن بتاع القلم يبقى معاك طويل بالشكل ده ويساعدك تظل المساحات كبيره في الرسم بتاعك ويوفر عليك وقت كبير جدا وانت بترسم لان برده انت كمبتدئ انت هتبدا تعود نفسك على الصبر لان اي رسم يبقى محتاج صبر اي رسم حتى الرسومات على البرامج مش الرسم اللي هو اليدوي التقليدي بياخد برده صبر ووقت منك فعشان كده دايما تعمل الحاجات اللي هي بتنجز وقتك في الرسم دي تعالوا بقى نرسم على الورقه بعد ما جاوبنا على معظم الاسئله عن الرسم وعرفنا اننا نقدر نتعلم الرسم عادي اول حاجه احنا اتفقنا ان الرسم عباره عن النسب والابعاد ثم التظليل وعرفنا ان التظليل باختصار هو تقسيم الاشياء والتظليل ده له طرق واشكال مختلفه لازم نعرفهم عشان نرسم اي حاجه بسهوله هنتكلم في الفيديو على اشهر ثلاث طرق بيستخدم من الرسامين اول نوع اسمه الهاتشينج وفي الطريقه دي بنظل باننا بنعمل خطوط جنب بعضها وبنحاول بقدر الامكان نخلي الخطوط بتاعتنا قريبه لبعض وده في الغالب اكثر نوع الرسامين بيستخدموه عشان يقسموا رسوماتهم اما النوع الثاني اسمه الكروس هاتشينج وده بنظل فيه بطريقه عمل خطوط متقاطعه مع بعضها عشان نقسم الشكل اللي بنرسمه النوع الاخير بقى اللي هنتكلم عليه اسمه الاسكاب في النوع ده احنا بنظل بطريقه دائريه على الورقه يعني بنحرك القلم بطريقه دائريه على الورقه كده عشان نقسم الشكل اللي بنرسمه بسهوله جدا ويفضل تستخدم معظم الطرق دي في اي رسمه انتم بترسمها تعالوا دلوقتي نبدا تدريب عن التظليل باستخدام الثلاث درجات بتوع الاقلام الرصاص ونشوف ممكن نظلل الاشكال ازاي ونبسطها مع بعض اول حاجه هنبدا نرسم الاوت لاين بالقلم اللي درجته اتش بي الدرجه اللي بتقع بين درجات البي ودرجات الاتش لو ركزتوا هتلاقوا اننا مش بنضغط على القلم خالص عشان الخط يطلع خفيف ولو في اي غلط نقدر نصلحه بالاستيكه او الممحاه عادي جدا هنبدا نرسم طبيعه صامطه الطبيعه الصامطه دي ببساطه يعني اي جماد وخصوصا الاشكال الهندسيه عشان الاشكال دي بتظبط ايدي في نسب والابعاد وبتساعد ن اكثر نتقن التصدي ومش بيبقى فيها اماكن ظل ونور كتير فعشان كده الطبيعه الصامته دي اللي يفضل نبدا بيها اول حاجه بدانا بيها هي السلندر او الشكل الاسطواني وبعد كده هنرسم الكره وفي النهايه هنرسم المكعب هحاول ارسم معاكم في التدريب ده كمبتدئ في الرسمه يعني من غير اي دقه وهعرفك ايه اللي هيحصل معاكم اول ما تبداوا ترسموا عشان ما تهبطو لان بدايتي كانت كده وبدايه اي حد لسه بيمسك قلم في حياته ويرسم بتبقى بالشكل ده يعني الرسمه ببساطه هتطلع معاك معووجه شويه مش مظبوطه في الاول وده طبيعي جدا ولكن كل ما تتمرنوا اكتر مستواكم يتطور اكث زي اي حاجه في الدنيا يا فنانين اهم حاجه تمرنوا عليها ايديكم في البدايه انكم تحاولوا تطلعوا خطوط خفيفه في الرسمه بتاعتكم يعني وانتم بتبدا اوعوا تضغطوا على القلم طب ده هيحصل ازاي ببساطه هيطلع معاكم الخط خفيف لما تمسكوا القلم من النهايه زي ما اتفقنا وتحركوا القلم بس على الورقه بدون اي ضغط مرحله الاوت لاين والخطوط الخارجيه للشكل هي اساس شغلك كله عشان كده عايزكم تحاولوا فيها مره واثنين وثلاثه لحد ما تتاكدوا انها اتظبطت عشان الرسمه كلها تبقى جميله وانا بعيد وازيد قدامكم اهو في المرحله دي عشان هي اساس الرسم كله في الخطوه دي بعد ما حددت اماكن الخطوط لنفسي همسح الرصاص لحد ما الرسمه تبقى خفيفه خالص بالشكل ده وابدا بقى اشتغل بقلم التو بي الغامق شويه واعيد على الخطوط الخارجيه للشكل ثاني واعمل الشكل النهائي للاوت لاين عشان ابدا اظلل والخطوه دي بتبقى مهمه مش زي اول خطوه بداناها ان انا اراعي ان اعمل خطوط مظبوطه اكث من الاول للاشكال الهندسيه دي يعني لو كانت الدايره معووجه مني في الاول احاول اركز في الخطوه الثانيه دي ان انا اطلعها مظبوط مطه قوي بقى على قد ما اقدر يعني وهنبدا نظلل ونعمل اول درجه من الرصاص للاشكال كلها واول خطوه من التظليل دي اللي انا بغطي فيها اماكن الرسمه كلها بالرصاص بشتغل فيها بقلم رصاص اللي درجته خفيفه اللي هو الاتش بي دايما بشتغل بطريقه الهاتش او الكروس هاتش لما باجي اظلل شكل زي المكعب هتلاقيه كده ما فيهوش اي منحنيات فبستن طريقه الهاتش اللي هي التظليل بعمل خطوط مستقيمه جنب بعضها او الكروس هاتش اللي هي التظليل بعمل خطوط متقاطعه مع بعضها اما لو هظل شكل فيه منحنيات او كرفات يفضل ان انا اشتغل بطريقه الاسكاب الاسكاب ل اللي هي التظليل بشكل دائري على الورقه وطريقه الاسكاب عموما بتستخدم في اي شكل فيه منحنيات او كرفات لازم نعرف ان التظليل ده عباره عن طبقات بكونها فوق بعضها ببدا ابني طبقه فوق طبقه لحد ما اجسم الشكل بتاعي والكلام ده بيبقى على حسب مناطق الظل والنور والنور في الرسمه دي مكانه فوق على الشمال عشان كده هنراعي ان احنا نخلي الاجزاء اللي فيها طبقه خفيفه من الرصاص على كل سطح من الاشكال دي يعني كل سطح من الاشكال دي لازم يبقى عليه نور او اضاءه كتيره اهم حاجه لازم تركز بيها اتجاهات الخطوط في كل شكل لازم تبقى متنوعه ومختلفه ما ينفعش نظل الاشكال كلها في اتجاه واحد عشان الرسمه في النهايه تطلع معانا مجسمه مش مسطحه يعني ببساطه تنوع الخطوط ده مهم جدا في التظليل اول خطوه بعملها بدرجه الاتش بي هي عباره عن تاسيس يعني بعمل طبقه خفيفه للرسمه كلها بالخلفيه بكل حاجه بعد كده هبدا انوع في درجات الرصاص واضيف الدرجات الغامقه للرسمه يعني اول مرحله من الرصاص ببساطه ان انا بغطي الورقه بس بكل خامه الرصاص اللي هو الخفيف خالص ال بيه هتحسوا ان الرسمه مابانش فيها اي ابعاد لان انا ما كونتش الظل وما عملتش الدرجات اللي فيها ظل وطبعا ادام قلنا ان النور جاي من فوق على اسطح كل الاشكال دي يبقى الظل بتاع الاشكال دي موجود تحت كل عنصر او شكل في الصوره لان مكان الظل بيبقى دايما عكس مكان النور يعني لو النور فوق يبقى الظل تحت او لو النور في اليمين يبقى الظل في اليسار ظللت اول طبقه من الرصاص بكل طرق التظليل اللي عرفناها في الفيديو ده وعايزكم بصوا تحفظوه زي اسمكم لانهم هيساعدوك ترسموا اي حاجه بسهوله جدا هنشتغل بقى بالقلم الرصاص الغامق اللي هو الس بي وهنشتغل على اماكن الظل اللي هي بتبقى اغمق اجزاء في الصوره وبعد ما بنخلص الاجزاء دي بندرجين الغامق للفاتح انتوا دلوقتي لو شفتوا اي خطوط عكس بعضها او متقاطعه يبقى تعرفوا ان احنا بنظل بطريقه الكوس هاتش او لو بنظل بطريقه عمل خطوط جنب بعضها يبقى بنشتغل بالهاش وهو ده اهم حاجه لازم تعرفوها في التدريب ده عشان تقدروا ترسموا اي حاجه بسهوله جدا عايز اقول لكم حاجه مهمه جدا وهي الخلفيه في الرسمه اوعوا ترسموا اي رسمه من غير الخلفيه لان هي اللي بتوضح الشكل بتاعنا وبتكمل يعني لو لاحظتوا دلوقتي لوقتي اول ما بدانا نرسم في الخلفيه ونظل لها الرسمه بدات توضح معانا اكتر وتتجسس عشان كده الخلفيه في الرسمه هي عنصر اساسي ما تنسوها ابدا والكلام ده مهم للناس اللي هتمتحن امتحان قدرات فنون جميله عشان دي من الحاجات المهمه اللي بيركزوا عليها يعني في ناس بترسم الشكل وتسيب الخلفيه ودي حاجه غلط جدا ومش هتطلع الصوره مجسمه ما حدش يستهون بيها وانتم بتغمق اي جزء في الرسمه كونوا طبقات فوق بعضها من الرصاص وتجنبوا الضغط على القلم على قد ما تقدروا لانكم لو ضغطوا على القلم جامد مسام الورقه هتبوظ منكم والورقه ببساطه هيبقى فيها حفر والتظليل هيبوس خالص عشان كده كونوا طبقات من الرصاص بروقان كده شويه وصبر لحد ما توصلوا لدرجه الغمقان اللي انتوا عايزينها حاولوا وانتم بتظل الخلفيه تسحبوا الاوت لاين بتاعه الاشكال معاها تدمجها مع بعض زي ما احنا شغالين دلوقتي عشان الرسمه يبقى فيها واقعيه ودمج الرصاص هنا بيبقى بالقلم ذات نفسه بمعنى ان انا كل ما قفلت مسام الورقه بالرصاص وقربته من بعض بيبان مدمج ولكن للناس اللي لسه بتبدا في الرسم وهتدخل امتحان قدرات فنون جميله اوعوا تدمج الرصاص او تسيحه بايديكم او بمنديل وبالذات في الامتحان عشان الناس اللي بتصحح الورق لو شافوا الرسمه بتاعتكم فيها دمج بايديكم مش هتنجحوا ابدا في الامتحان ودي من الحاجات اللي ممكن توقع اي حد في الامتحان رغم ان رسم حلو جدا اتكلمنا قبل كده ليه ما ندمك الرصاص او نسيح بايدينا او بمنديل او بقطنه خصوصا لو احنا لسه مبتدئين في الرسم هنزل لكم فيديو مشكلات الدمج في صندوق الوصف ركزوا معايا دلوقتي وانا بظل الكره ان بعمل خطوط التظليل بتدور مع دوران الكره اوعوا تخلوا الخطوط كلها في اتجاه واحد عشان الرسمه تطلع معاك وفي النهايه مجسمه مش مسطحه لان في ناس بتشتكي ان الرسمه بتطلع معاهم مسطحه مش مجسمه الكلام ده بيعتمد على اتجاهات الخطوط واماكن الظل والنور ما ينفعش نعمل الشكل اللي بنرسمه كله فيه ظل او نعمل العكس ونخليه كله فيه نور عشان ده مش بيقسم الشكل راعوا الحاجات دي كلها عشان الرسمه تطلع معاكم مظبوطه وعشان الناس اللي داخله امتحان قدرات فون جميله ينجحوا فيه باذن الله هتلاقوني بعيد كتير يا فنانين على موضوع ان اتجاهات الخطوط بتاعتك في الرسم بتفرق كتير في نجاح العمل الفني اللي بترسمه عشان كده خدوا بالكم منها في ظل بتاع المكعب واقع على السلندر عشان المكعب مغطي الجزء ده من السلندر فعامل ظل عليه يعني النور مش واصل له عشان كده بنبدا نعمله بالقلم الغامق وبعد ما اخلص كل الاجزاء الغامقه دي هدرجة يتوسط الدرجات دي الاتش بي بعتذر لكم لو الفيديو طويل شويه بس انا حاولت اجمع لكم معظم المعلومات عن الرسم في فيديو واحد لانكم لو بحثوا على اليوتيوب ببساطه هاتوه من كتر الفيديوهات فانا حاولت الخص لكم الموضوع كله في فيديو واحد بس لان في بدايتي ما كنتش بلاقي حد خالص يفهمني الحاجات دي فحاولوا تستفادوا من الفيديو على قد ما تقدروا عشان تعرفوا ترسموا اي حاجه بتحبوها الفيديو فيه اساسيات الرسم اللي هتشتغلوا بيها بعد كده ولو انتوا صبرتوا معايا لحد هنا فعايز اقول لكم ده اول طريقه نجاح ليكم في الرسم ما تنسوش تعملوا لايك وادعموا الفيديو عشان نكمل السلسله دي مع بعض وما تنسوش اشتراك و نوروني في القناه لو اول مره تشوفوني يا فنانين وفعلوا زر الاشعارات عشان كل الفيديوهات الجديده في السلسله دي توصللكم اول باول اشوفكم في فيديو جديد يا اجمل فنانين في الكوكب