درس الموارد المائية واساليب ادارتها الصف الثاني الثانوي الجغرافيا منهج 2026

السلام عليكم حبايبي طلاب الصف الثاني الثانوي وحشتوني جدا من اخر مره معاكم مستر كريم السبكي مدرس الجغرافيا النهارده ان شاء الله نكمل المنهج بتاعنا ونخش بقى حبايبي على الدرس اللي قبل الاخير خلاص بنفنش منهج الترم الاول ولله الحمد بتاع النهارده يا شباب درس من الدروس المهمه ومن الدروس الصعبه سنه كده صغيره فلازم تركز معايا كويس جدا فانا طالب منك تجيب المشروب الجميل بتاعك قهوه شاي بقى وتركز معايا كويس جدا جدا طيب يا مستر الدرس بتاع النهارده اسمه ايه؟ قال لك يا باشا اسمه الموارد المائيه واساليب ادارتها يعني من اسم الدرس يا سنه ثانيه احنا النهارده هنتكلم على الميه وعلى اهميه الميه وازاي اقدر استخدم الميه دي كويس وازاي اقدر احافظ عليها ان هي مثلا ما يحصلهاش تلوث او ما تخلصش على الاقل فاحنا عايزين نتكلم النهارده على الموارد المائيه الراجل بيقول لك ان المياه اللي عندنا اللي ربنا خلانا دي هي اصل الحياه وتؤثر على اسلوب الحياه وجودتها وده كلام صح حبايبي كل شيء لازم تخش له الميه الميه مهمه بنستخدمها في الزراعه مهمه في الصناعه في التجاره مهمه للكائنات الحيه يا جدعه انا هجيب لك دليل يعني ما فيهوش شك سبحان الله عز وجل ربنا سبحانه وتعالى في كتابه الكريم قال لنا وجعلنا من الماء كل شيء حي دليل على اهميه الميه الميه دلوقتي بتاثر على العلاقات العلاقات الاجتماعيه والعلاقات السياسيه وعلاقه الدول الاخرى يعني احنا بتاثر على علاقه الدول في دول بتحارب دول ثانيه عشان الميه واديكم شايفين او الناس اللي متابعه ايه المشكله او التاتش اللي بين مصر واثيوبيا عشان السد اللي عملته على نهر النيل فبالتالي الميه ده شيء مهم قوي وهو عنصر اساسي من عناصر التنميه طب يا مستر الميه دي نوع ولا كذا نوع قال لك لا كذا نوع بعد ما عرفنا يا شباب اهميه الميه تعال بقى نبص على تصنيف المياه اللي عندنا من حيث الجريان كلمه الجريان يعني من حيث مكان الميه يا ترى الميه دي بتجي لنا من الامطار يعني جايه من السماء ولا مياه سطحيه موجوده على الارض بشوفها بعيني ولا مياه جوفيه بضطر احفر عشان اطلعها فده معنى كلمه حسب الجريان احنا عندنا ثلاث انواع من الميه اول نوع شباب اللي هي مياه الامطاره وده المصدر الرئيسي للمياه العزبه على مدار السنين وعلى مدار التاريخ احنا عندنا المصدر الاساسي هي الامطار ده المصدر الرئيسي للمياه العازبه سواء المياه السطحيه اللي موجوده على سطح الارض زي الانهار او حتى المياه الجوفيه اساس المياه الجوفيه اصلا ميه المطر الدنيا بتمطر الميه تنزل ما بين الصخور تنزل في باطن الارض وتتجمع بقى عندك مياه جوفيه يبقى اول نوع هي مياه الامطار قال لك احنا عندنا نوعاني من الميه برض اسمها المياه السطحيه يعني ايه المياه السطحيه يعني المياه اللي موجوده على السطح الارض المياه اللي حضرتك تقدر تشوفها بعينك زي البحار اه البحار موجوده وانا اقدر اشوفه على السطح فاسمها السطحيه زي المحيطات زي البحيرات زي الانهار زي البرك زي المستنقعات كل دي اسمها مياه سطحيه الراجل لما جه حسب مساحه البحار والمحيطات والكلام ده كله اللي هي الميه المالحه ل ان مساحتها بتشكل 96.5% نص% من جمله موارد المياه في العالم برده عندنا كمان قلنا عندنا الانهار والجداول والبحيرات والمستنقعات في حاجه بقى مهمه برده بتعدي نوع من انواع المياه السطحيه اللي هي الغطاءات الجليديه الغطاءات الجليديه اه يا باشا الثلج الثلج اللي موجود في القطب الشمالي والقطب الجنوبي الكتل الثلجيه الكبيره دي ده نوع من الماء تقول مثلا ده ثلج اقول لك حبيبي ما هو ما الثلج ده ايه ما هو ميه بس ميه تم تجمدها اتجمدت فالكتل الجليديه دي ميه برض نوع من انواع المياه ومن نوع من انواع المياه الايه المياه السطحيه طيب يا مستر طب الغطاءات الجليديه كميه الجليد اللي موجوده في القطبين سواء الشمالي او الجنوبي مساحتها قد ايه او بتشكل قد ايه من كميه الميه قال لك بتشكل 1.7 س من جمله موارد المياه في العالم نخش بقى على اخر نوع من الميه وهي المياه الجوفيه اللي موجوده في باطن الارض اللي قلنا اتكونت بفعل مياه الامطار دنيا بتمطر الميه بتنزل في باطن الارض تتجمع بقى عندي مياه اسمها مياه جوفيه طب نسبه الميه الجوفيه دي قد ايه من ميه العالم كله قال لك برده عامله زي الجليد بالظبط 1.7% 7% الراجل هنا يدي لك معلومه قال لك خلي بالك ان المياه الجوفيه اللي موجوده في باطن الارض ليها نوعين في عندنا خزانات جوفيه غير متجدده وعندنا برده حاجه ثانيه اسمها خزانات جوفيه متجدده الله يعني ايه غير متجدده يعني كميه ميه متخزنه في باطن الارض ولكن الميه ميه المطر ما بتوصلهاشاني ما بقتش توصل لها فهي عندنا كميه ميه جوه الارض بس ما بتتجد جدتش ما بيجيلهاش ميه امتار ما فيش ميه بتنزل من باطن الارض وتزودها هي كميه ثابته ودي موجوده من ملايين السنين خلاص دي اسمها خزانات غير متجدده عندنا نوع ثاني اسمها خزانات جوفيه متجدده يعني مياه متخزنه في بطن الارض ولكن كل ما حضرتك تستهلك منها وتخرج منها والدنيا تيجي تمطر الميه تنزل بتاعه المطر بين الصخور وتغذيها ثاني تزودها ثاني تقوم انت مستخرج منها تقوم الدنيا تمطر والميه ميه المطر تنزل بين الصخور وتزودها وهكذا فهتلاقي ان الخزان الجوفي بيتجدد كل شويه الميه عماله يعني تتملياني وتتزوداني جوه الخزان ده الفرق بين كلمه خزانات جوفيه غير متجدده وحاجه اسمها خزانات جوفيه متجدده طيب احنا كده قسمنا الميه على حسب الجريان قلنا عندنا مياه الامطار وعندنا مياه سطحيه وعندنا مياه جوفيه تعال بقى نقسم الميه انا وانت كده على حسب ضرب درجه الملوحه ايه ده يعني ايه درجه الملوحه يعني عايزين نعرف الميه دي بقى ميه مالحه ولا ميه عازبه قال لك احنا عندنا الميه نوعين زي ما احنا عارفين انا وانت ان الميه في منها مياه عزبه ومياه مالحه طب ازاي انت قدرت تحكم على الميه اذا كانت دي عازبه ولا مالحه قال لك بطريقه سهله جدا قال لك الميه المالحه بتزيد درجه الملوحه بتاعتها عن 0 جزء في الال000 يبقى طالما الميه زادت درجه الملوحه او زادت نسبه الملوحه عن 6 من جزء في الال000 يبقى احنا بنحكم عليها ان هي ميه مالحه سؤال البحار والمحيطات والكلام ده كله طيب لو هي اقل من جزء في الال000 تبقى مياه ايه تبقى مياه عزبه زي الانهار والبحيرات او زي المياه الجوفيه يبقى كده احنا برض قسمنا الميه سواء ميه عزبه وميه مالحه طب مستر ده من كلامك انا عرفت ان الميه دي شيء مهم جدا طب ما تيجي نتكلم على الوطن بتاعها بتاعنا اللي هو الوطن العربي ما هي مصر هي جزء من الوطن العربي ناخد بقى الوطن الكبير بتاعنا الوطن العربي هل الوطن العربي عنده كميه مياه عزبه بكميه كبيره او عنده موارد مائيه بكميه كبيره اقول لك للاسف يعاني الوطن العربي من ازمه في المياه العزبه للاسف حبايبي الوطن العربي عنده مشكله عنده ازمه الراجل بيقول لك اهو عنده ازمه مياه ازمه مياه عازبه في الوطن العربي الوطن العربي ما عندوش كميه ميه عازبه كتير وده لاسباب طب ايه هي الاسباب قال لك رقم واحد اول سبب ان معظم مساحه الوطن العربي موجوده في النطاق الجاف مساحه الوطن العربي او الموقع بتاع الوطن العربي موجود من دائره اثنين جنوبا لحد دائره 37.ص نص شمالا ده معناه ان موقع الوطن العربي في منطقه حاره ومنطقه جافه والمنطقه دي بيحصل فيها تبخر ما فيهاش امطار المنطقه دي فدي اول مشكله ان حضرتك الوطن بتاعك موجود في النطاق الجاف ما بيحصلش فيه امطار كتير نادرا لما بيحصل امطار وده بيعمل لك ازمه في المياه ثاني سبب برده وهو زياده عدد السكان سكان الوطن العربي اكت من 400 مليون عدوا ال 400 مليون تخيل ده عدد كبير جدا احنا عددنا كبير وكميه الميه اللي عندنا قليله فكميه الميه لا تكفي حاجه السكان فانت عندك ايه ازمه مياه طب السبب اللي بعده قال لك تعدد استخدامات المياه احنا ما شاء الله علينا بنستخدم تقريبا الميه في كل حاجه في الزراعه بنستخدم الميه العازبه في الصناعه ميه عازبه تجاره استخدامات منزليه مش عارف نقله كل حاجه ميه حاسبه فطالما انت بتستخدم الميه العزبه في كل شيء في كل مجالات الحياه سواء زراعه صناعه تجاره فطبيعي ان الميه اللي عندك مش هتكفيك خاصه ان الميه اللي عندك اصلا قليله فدي مشكله برده طب ايه كمان قال لك ثبات كميه المياه كميه الميه اللي عندنا ثابته ما بتزيدش هو نفس الانهار بنفس الابار بنفس كل حاجه كميه الميه ثابته وعددنا بيزيد خلي بالك ان احنا عددنا بيزيد بس الميه مالها ثابته فالميه الثابته عمرها ما هتكفي العدد اللي عمال يزيد طالما عددك بيزيد لازم انت كمان توفر ميه زياده لكن احنا بقى لا احنا عندنا الثبات في كميه الميه اخر سبب هو سوء استخدام المياه للاسف احنا شعب مستهتر شويه في موضوع الميه ده مين فينا كده وهو ماشي ما بيلاقيش راجل عنده محل ماسك خرطوم الميه وعمال يرش الشارع واحد عنده مثلا دكانه كده بيرش الميه قدام الدكانه تساله ليه حاجه يقوللك اصل هتجيب طراوه طراوه حاجه هتودينا في دهيه هتموتنا من العطش ده اسمه سوء استخدام المياه انت بتستخدم الميه بطريقه غلط بتهدر الميه كل الاسباب دي يا حبايبي اكبر دليل ان احنا عندنا ايه عندنا ازمه مياه عزبه في الوطن العربي كل ده ادى الى وجود ازمه والازمه لازم لها اداره لازم تدير الازمه وتحل الازمه اللي عندك دي طالب من اللي بيسمعني يقول لي يا مستر بس انا مش مقتنع بر يعني مش حاسس كده ان احنا عندنا ازمه اصابه افتح الحنفيه بتنزل لي ميه والدنيا جميله يعني ايه المشكله ايه دليلك على ان احنا عندنا ازمه اقول لك تعالى يا عم تعال بقى نبص على المؤشرات المؤشرات الداله على وجود ازمه مياه عزم مش انت عايز دليل انا يا عم هديلك دليل ده انا هديلك خمس وست ادله كمان مش انت مش مصدق انا بقى هقول لك مؤشرات ودلائل واثباتات بالارقام تدل ان احنا عندنا ازمه في الميه الميه العازبه في الوطن العربي اول مؤشر واول دليل ان مساحه الوطن العربي لا تتناسب مع نصيبها من موارد المياه يعني ايه الكلام ده راجل بيقول لك ان مساحه الوطن العربي حوالي 9.6% 6% من مساحه العالم يعني الوطن العربي ده وطن كبير مش صغير ده احنا تقريبا مساحتنا حوالي 10% من مساحه العالم ما هو 9.6 قول 10% ودي مساحه كبيره المفروض يا شباب لو مساحتنا 10% يبقى كميه الميه اللي احنا محتاجينها قد ايه؟ تبقى 10% من ميه العالم كله طب احنا بقى يا مستر معانا كام؟ معانا 10% لا طب معانا تسعه لا يا مستر بدات اتوغوش طب معانا ممانيه او سبعه اقول لك لا امال كميه الميه اللي عندنا قد ايه بص كده بص الرقم اللي هيجيب شلل هيخضك خط غريبه ده نص% ايه نص% نص ال 1% يعني احنا الميه اللي عندنا ما كملتش 1% من ميه العالم لا دي نص نص ال 1% يبقى انت مساحتك 9.6% 0% من مساحه العالم بس الميه اللي حضرتك تملكها نص% ده معناه عدم توازن بين المساحه والمياه مساحه كبيره بس الميه اللي عندك ميه ايه قليله يبقى ده دليل ولا مش دليل دليل على ان انت عندك ازمه في المياه العزبه ايه كمان يا عم قال لك في دليل تاني ان حوالي 60% من المياه العزبه اللي موجوده في الوطن العربي اصلا بتجي لنا من خارج الوطن العربي يعني ايه الكلام ده؟ يعني الانهار اللي بتجري في ارض الوطن العربي المنبع بتاعها بيجي من بره الوطن العربي ادي لك مثال على الكلام ده نهر النيل يا عم مش نهر النيل موجود في مصر والسودان تقول لي اه دول عربيه جميله طب المنبع بتاع نهر النيل هل جوه مصر؟ لا بيجي لنا منين؟ بيجي لنا من اثيوبيا بيجي لنا من اوغندا بيجي لنا من الدول الافريقيه اللي عندها منابع يبقى الميه اللي عندنا اللي هو نهر النيل المنبع بتاعه الحنفيه بتاعته من خارج الوطن العربي وده امر خطير جدا هقول لك عليه دلوقتي نهر زي دجله والفرات المنبع بتاعهم من خارج الوطن العربي مش دول موجودين في العراق المنبع بتاعهم من خارج الوطن العربي اذا ده امر خطير جدا يا شباب لان ده بيمثل ورقه عشان بيجيب لك ساعات الكلمه دي ورقه ضغط على الدول العربيه او يمثل برض كلمه ثانيه ممكن ساعات تيجي يمثل ضغط سياسي على الدول العربيه ليه؟ تخيل كده نهر النيل اللي عندنا اللي في مصر اللي احنا معتمدين عليه واللي احنا يعني هو ده يعني الكنز اللي ربنا اداه لنا تخيل جت اثيوبيا كده قالت لك بقول لك ايه يا مصر انا ماليش مزاج ابعت لك ميه السنه دي ليه يا اثيوبيا والله مزاجي الا لو انت شفتيني اشوفك ازاي ابعتي لي فلوس ولو ما بعتليش فلوس انا هقفل عليك الميه هي اثوبيا كده عملت معانا ايه استخدمت الميه كورقه ضغط ضغطت علينا ضغطت علينا جت مثلا دوله ثانيه ضغطت على العراق بقول لك ايه يا عراق انا هضغط علي سياسيا انت لو ما اديتنيش فلوس او ما سمعتيش كلامي مش هبعت لك ميه في دجله والفرات الله ده امر خطير برده ده يدل ان انت عندك ازمه رقم لاثه يا باشا ان نصيب الفرد او كميه الميه اللي عندنا لا تكفي نصيب الفرد بصوا يا شباب العالم كله اتفق والعلماء اتفقوا ان المفروض نصيب الشخص لا يقل عن 1000 متر مكعب من الميه ده للفرد سنويا يعني ايه؟ يعني العلماء قالوا ان اي انسان المفروض يستهلك على الاقل خلال السنه 1000 متر مكعب من الميه لو الانسان ده استهلك اقل من كده يبقى الانسان ده يعني بيتوفر له ميه اقل من احتياجاته يبقى اقل حاجه خالص الفقر اقل حاجه خالص تبقى 1000 لو ازيد خير وبركه استحمى بقى الزياده وشغل الدش واشرب براحتك بقى بس اقل شيء الال000 الال000 ده اللي يخلي الانسان يقدر يعيش على مستوى العالم طب بقى لما جينا حسبناها بحسبه بسيطه لقينا ان احنا لو قسمنا الميه اللي عندنا على سكان الوطن العربي عارف طلع نصيب الفرد قد ايه؟ بص كده 727 متر مكعب ايه ده يعني المفروض البني ادم الطبيعي بيحتاج 1000 احنا عندنا في الوطن العربي كل واحد ليه كام؟ ليه 727 ده معناه ايه؟ معناه ان احنا ما عندناش مش ميه كتير نصيبنا قليل عشان كده هتلاقي ان الميه ساعات بتقطع ده دليل ان احنا عندنا برده ايه ازمه خاصه بنظره المياه ناخد يا عم دلائل ثانيه قال لي برده الوطن العربي بيستخدم الميه العزبه بطريقه جامده قوي العالم كله الاستخدام العالمي دول العالم بتستخدم او بتعتمد على الميه العزبه بنسبه 7.5% بيستخدموها بنسبه 7.5 نص ايه في ده العالم كله الدول العالميه فرنسا بريطانيا امريكا روسيا الدول الجميله دي طب الوطن العربي بيعتمد على الميه العزبه بنسبه كام هتتخض هم بقى كام هم الدول الاجنبيه 7.5% طب احنا بنستخدم الميه العزبه بنسبه 76.8% 08% بالمناسبه حبايبي الناس اللي بتسمعني الارقام دي مش حفظ مش لازم تحفظها ده بس بيفهمك ان هم ما بيعتمدوش على الميه العزبه بطريقه كبيره احنا بنعتمد عليها بدرجه ضخمه جدا بنستخدمها في كل حاجه وهتلاقي ان المجال الزراعي الاستخدامات الزراعيه هي في مقدمه استخداماتنا هي المركز الاول اكت حاجه بنصرف عليها الميه اللي عندنا هي الزراعه يجي بعدها بقى الصناعه والتجاره والاستخدامات المنزليه الكلام الجميل ده بس رقم واحد هو المجال الزراعي طيب قال لك برده اخر حاجه ان للاسف موارد المياه في الوطن العربي بتتعرض للتلوث احنا مش حريصين زي ما انا قلت لك على الميه فالساعات بنوسيء استخدام الميه وبيحصل للميه اللي عندنا دي تلوث زي مثلا ان احنا بنلقي المخلفات بتاعتنا زي مثلا مياه الصرف الصحي في الانهار في البحار اللي عندنا في الانهار في البحيرات ده بيعمل لك مشكله خطيره اللي هي مشكله التلوث اللي احنا قلناه ده يا شباب اسمها مؤشرات مؤشرات يعني دلائل حاجات بتثبت وبتدل ان انت عندك ازمه في المياه العازبه في الوطن العربي طالب بقى بيسرخ كده ويقول يا مستر طب وايه الحل نعمل ايه انت وضحت لنا ان احنا عندنا ازمه ازاي ندير الازمه يعني ازاي نحل الازمه قال لك في طرق تقدر من خلالها تحافظ على المياه العزبه وتحافظ على المياه الملحه قبل ما اقول لك عليها صلي على النبي الاول خد نفس كده ويلا بقى نخش على اساليب اداره موارد المياه اداره يعني ان انا حافظ على الميه اداره يعني انا اوفر الميه ده معنى كلمه اداره عايزين نعرف بقى ازاي طيب ادير موارد المياه المالحه قال لك من خلال ثلاث حاجات في ثلاث حاجات او ثلاث نصائح لو احنا عملناهم في الوطن العربي نقدر نحافظ على الميه الملح انا بدات بالملح هنيجي للعزبه بعد كده بس هنبدا الاول بالميه المالحه البحار اللي عندنا نحافظ عليها ازاي؟ قال لك رقم واحد من خلال سن القوانين سن القوانين والتشريعات تعمل قوانين والقوانين دي تطبق على اللي بيلوس المياه الملح تطبق على اللي بيرمي المخلفات في البحار والمحيطات تطبق على ناقلات البترول السفن العملاقه والمراكب الكبيره اللي شايله البترول اللي ساعات بيهملوا كده وبيطنشوا ما بياخدوش بالهم ويرموا البترول او يتسرب البترول من المركب للميه وتلاقي في بقع زيت كده بقع بترول موجوده في الميه ده يلوث لك الميه ويقتل لك الاسماك يخرب لك الدنيا فلازم نعمل قوانين ان اي سفينه عشان الوطن العربي مليان بترول فبيجوا يشتروا من عندنا البترول وهم ماشيين ساعات في بترول بيقع فانا احط قانون بقى يا جماعه اي مركب هتيجي تنقل البترول من عندنا ويتسرب منها بترول من المركب انا هفرض على المركب ده عقوبه انا هفرض على غرامه غرامه محترمه انا هسجن قائد المركب او قبطان المركب لازم احط قوانين عشان احافظ على الميه طب ايه كمان قال لك برض تحليه مياه البحر مش احنا عندنا ازمه وان الميه العازبه مش مكفيانا قلت له اه والله الميه مش مكفيانا قال لك بس نعمل محطات لتحليه مياه البحر التحليه مش هنحط عليها سكر تحليه يعني ان انا اخد الميه المالحه ب بطريقه طريقه معينه كده وبادوات معينه وبمكن معين افصل الملح عن الميه فيتبقى عندي ميه نظيفه ميه عزبه اقدر بقى اشربها واقدر ازرع بيها وده اللي بتعمله حاليا دول الخليج زي السعوديه والكويت والامارات بيعملوا محطات لتحليه مياه البحر طيب اعمل ايه كمان قال لك برده ممكن تستخدم الميه المالحه في الاستذراع السمكي تعمل احواض كبيره والاحواض دي تبدا تفضي فيها اكل كل فتره عشان السمك اللي في الاحواض ض يكبر وتستفيد بالسمك اديك بتستفيد من الميه المالحه او على الاقل تنتج نباتات رعويه في يا شباب بعض النباتات بعض مش كل النباتات طبعا في بعض النباتات والحشائش ممكن تنمو وممكن تطلع بالميه المالحه ايه ده يا مستر النبات تطلع بالمايه المالحه بعض الحشائش فالراجل بيقول لك انت عندك ميه مالحه كتير خد النباتات اللي بتحتاج الميه المالحه دي وزرعها واروي الارض بالميه المالحه وكبر النبات ده وهات الحيوانات اللي عندك يعني ياكلوا النباتات دي استفيد يعني دي كلها وسائل تقدر من خلالها تدير المياه المالحه طيب اتكلمنا عن الميه المالحه نيجي نخش بقى على اساليب اداره المياه العزبه ازاي احافظ على الميه العازبه اعمل ايه عشان احافظ على الميه العازبه قال لي هتعمل ست حاجات اه ست حاجات قال لك اه ست حاجات عشان تحافظ على الميه العزبه اول حاجه رفع كفاءه اساليب الري اساليب الري اللي هي طريقه الري الطريقه اللي بتروي بيها الارض لازم تحسنها بدل ما تروي الارض بطريقه الغمر الغمر ده اللي هو تلاقي فلاح جه مشغل الموتور بتاع الميه وغرق الارض تلاقي الارض كلها غرقانه ميه ده غلط هل ان الارض محتاجه كميه الميه دي كلها لا طبعا مش شرط هل النباتات المزروعه او الزرع ده محتاج الميه اللي انت غرقت بيها الدنيا لا طبعا فانت كده بتهدر الميه طب يا مستر ازرع ازاي؟ ازرع يا اما بالرش او بالتنقيط اعمل مواسير رفيعه في الارض كده والمواسير دي مخرمه من حتت معينه تقعد تطلع ميه ترش ميه كده على قد حاجه النبات انت كده بتوفر الميه اعمل برده صيانه صيانه للمواسير دي مواسير الرش والتنقيط اعمل كمان استخدم كميه ميه محدده ووزعها على الارض ما تغرقش مكان وتسيب مكان فاضي لا حاول توزع الميه كمان ممكن تعمل قنوات طويله وتعمل مشاريع للصرف عشان تصرف الميه الزياده اللي انت مش محتاجها فانت لو حسنت وسائل الري ولو انت كمان عملت طريقه ري جديده زي الري بالتنقيط او الرا بالرش انت كده بتحافظ على كميه الميه العزبه لان خلي بالكم يا سنهانيه في علاقه بين اسلوب الري وبين حجم المياه يعني ايه؟ يعني كل ما زادت كفاءه الري كل ما انت بتروي الارض بطريقه ا حديثه او بطريقه متقدمه كل ما قلت الميه اللي مطلوبه في الزراعه كل ما تحسن الوسيله توفر ميه كل ما تحسن طريقه الري تبدا توفر ميه اكت ومايه عصبه اكت وده شيء مهم جدا زي ما قلنا كده نعتمد على الرا بالرش او بالتنقيط بدل من الرا بالغمر لان ده بيستهلك كميه ميه كبيره فدي طريقه تقدر توفر لك الميه العسبه طب ايه تاني يا مستر ما انت قلت لي سته ايه التانيه بقى قال لك تاني حاجه تغيير تير التركيب المحصولي يعني ايه تغيير التركيب المحصولي؟ يعني من الاخر الراجل بيقول لك طالما انت عندك ازمه في المياه العزبه ما تزرعش المحاصيل اللي بتحتاج ميه كتير ازرع محاصيل بتحتاج ميه قليل يعني مثلا عندنا محاصيل بتحتاج ميه كتير جدا زي قصب السكر او زي الارز المحصولين دول بيستهلكوا كميه ميه كبيره قال لك بلاش دول بلاش بلاش اركنهم على جنب شويه لان دول بيحتاجوا ميه كتيره وانت ما عندكش ازرع محاصيل صيل لا تحتاج الكثير من الميه طب انا يا مستر نفسي في الرز ونفسي في القصب وعصير القصب بقى وانا خارج من حجز الكوره انا نفسي في القصب ده ونفسي في الرز اعمل ايه؟ قال لك ماشي حاول تستنبط سلالات جديده روح للعلماء اللي عندك وخليهم بقى يعملوا هندسه وراثيه ويحاولوا يعدلوا في بذره الارز او بذره قصب السكر عشان يخلوها بتحتاج ميه قليله ما بتحتاجش ميه كتيره فهنا ملخص الموضوع تعمل حاجتين ما تزرعش عشان المحاصيل اللي بتحتاج ميه كتيره ازرع بدلها المحاصيل اللي بتحتاج ميه قليله وفي نفس الوقت عدل عدل واعمل سلالات جديده من المحاصيل اللي بتحتاج ميه كتيره خليها تحتاج ميه قليله انت كده بتوفر طب جميل ايه كمان قال لك رقم لاثه التسعير يعني ايه التسعير يعني خلي الميه ليها سعر ليها ثمن في مثل حبايبي بيقول ا ابو بلاش كتر منه يعني ايه ابو بلاش كتر منه يعني دايما الحاجه لما تكون ببلاش مجانا تلاقي في اقبال عليها والناس كلها بتستهلكها وبتضيعها وبترميها ما ببلاش هو انا هغرم حاجه لكن لو انت خليت الشيء بفلوس او بمقابل بيبقى البني ادم حريص ان هو ما يضيعوش تخيل كده الميه اللي عندنا ببلاش مجانا ايه اللي هيحصل هتلاقي بقى الناس سايبه الحنفيات مفتوحه واحد عمال يرش قدام المحل ومغرق الشارع ميه الفلاح عمال يروي بالغمره وعمال مبهدل الدنيا ميه لان احنا مش مش بنحافظ على الميه ما احنا الميه ببلاش هنخسر ايه يعني طب انا لو عملت تسعير خليت الميه لها سعر لها مقابل هل الناس هيبهدلوا الميه؟ طبعا لا هو انا لو انا اسره او انا اب في بيت وعارف ان الميه دي انا بدفع فاتوره اسمها فاتوره الميه لو لقيت ابني مشغل الحنفيه على الفاضي هسيبه ده انا هم واكله على قفايه ضربه اقول له حرام عليك هيجي لنا فاتوره جامده اقفل الميه بعد ما تخلص وانت بتستهلك الميه افتح الحنفيه حته صغيره عشان ينزل لك على قدك الفلاح هيروي الارض بالرش وبالتنقيط فهنبدا نحافظ نحافظ على الميه ونوفرها لان انا خليت لها سعر طب السعر ده احطه ازاي؟ قال لي من خلال نظام الشرائح يعني ايه نظام الشرائح يعني خلي كل استخدام له تكلفه معينه انت اسرتك صغيره وساكن في شقه صغيره بتستهلك مثلا 100 متر مكعب من الميه خلاص كل شهر او كل شهرين او ايا كان 100 متر مكعب من الميه احاسبك على المتر المكعب ده بجنيه مثلا طب واحد تاني شقته كبيره واسرته كبيره بيستهلك 200 متر مكعب من الميه احاسبه على المتر ب 5 جنيه طب ليه انا زودت بقى ليه المتر هنا بجنيه وهنا المتر بخمسه لان ده بيستهلك كميه قليله فهو اصلا بيوفر لكن ده بيستهلك كتير فلازم احاسبه زياده عشان اشجعه ان هو يستهلك قليل رقم لاثه قال لك برده نوعيه الميه هي الميه كلها ليها نفس السعر طبعا لا لو انت عايز ميه لبيتك هتشرب منها وتملى بيها الازاز وتشرب دي لازم تكون ميه عازبه وميه نظيفه 100 فدي هتبقى غاليه شويه طب انت عايز ميه تستخدمها في مصانع مصنع بقى ومكن وبتاع مش لازم تكون عزبه قوي ممكن تكون فيها نسبه ملوحه عاليه فتبقى دي رخيصه شويه طب انت عايز ميه تغسل بيها العربيات او ميه تغسل بيها حاجه معينه لا دي ممكن تكون ميه مالحه عادي فممكن تبقى رخيصه شويه يعني زياده كمان فعلى حسب نوع الميه كل ما الميه تبقى عازبه ونضيفه كل ما تمنها يبقى اغلى قال لك برده التسعير السوقي خاصه لو في عندنا شركات ات ميه خاصه منافسه كل ما يبقى عندك شركات ميه كل ما يتنافسوا مع بعض وبالتالي يحطوا تسعيره معينه للميه ده برض طريقه او حل تحافظ بيه على الميه ايه تاني يا مستر قال لي من خلال نشر الوعي المائي يعني ايه نشر الوعي المائي يعني احاول اوعي الناس وافهم الناس ان الميه دي مهمه جدا وما ينفعش استنفذها او الوثها طيب اعمل الوعي المائي ده ازاي من خلال ثلاث حاجات اولا من خلال تنميه مهارات العاملين باجهزه ومؤسسات الدوله الناس اللي شغالين في اداره الميه الموظفين اللي شغالين في محطه اللاميه وفي شركه الميه احاول اديهم دورات تدريبيه وكورسات وافهمهم ازاي يتعاملوا مع الميه وازاي يحافظوا على الميه عشان لو خاطر جال لهم بلاغ ان في مصوره ميه انفجرت يروحوا على طول ويحلوا المشكله دي عشان الميه ما تغرقش الشارع ونوفر ميه يعرفوا بقى حاول انمي قدرات الناس اللي شغاله ايه تاني يا عم قال لك استخدم وسائل الاعلام ومواقع التواصل الاجتماعي اعمل اعلانات اعمل اعلان في التلفزيون واوعي الناس اللي بتتفرج على التلفزيون ان الميه ده لازم نحافظ عليها اعمل اعلانات على مواقع التواصل الاجتماعي زي الفيسبوك وانستغرام والكلام ده كله عشان اشجع الناس وافهمهم ان الميه دي لازم نحافظ عليها برده اوعي المزارعين الفلاحين اوعيهم وافهمهم ان ما ينفعش دلوقتي نعتمد على نظام الغمر ده ونظام ان انا اغرق الارض لا ممكن اواعيهم وافهمهم عشان يبداوا يستخدموا الري بالتنقيط او الري بالرش دي اسمها توعيه بفهم الناس ازاي يرشدوا من استهلاكهم في الميه رقم خمسه ان انا اعمل مشروعات ضبط المياه مشروعات يعني اعمل ترع قنوات اعمل سدود اعمل كل الكلام ده ترع وقنار وبحيرات وسدود السد ده مهم جدا احنا قلنا السد ليه كذا اهميه اقدر من خلال السد ان انا احمي نفسي من الفيضان احمي نفسي من الجفاف اخزن ميه عشان لما احتاج ميه بعد كده ممكن اولد منه كهربا زي السد العالي فدي برده اسمها مشاريع ضبط المياه لما تعمل مشروعات انت كده كان بتحافظ على الميه ما انت لما تعمل سد فانت بتخزن الميه ورا السد بتخزن يعني بيبقى عندك ميه بتحافظ عليها طيب اخر حاجه بقى يا باشا وهي دعم مصادر المياه بطرق غير تقليديه يعني ايه طرق غير تقليديه يعني اسرح بخيالك بقى وشغل دماغك كده واخترع لنا ازاي نحافظ على الميه الناس ابتكروا حلين قال لك في حلين نقدر من خلالهم حاجات غير تقليديه حاجات جديده نقدر من خلالها نحافظ على الميه العزله اول حاجه معالجه مياه الصرف الصحي ميه الصرف الصحي اخد ميه الصرف الصحي دي واعالجها يعني ايه اعالجها يعني حاول انضفها ايه ده يا مستر هنشربهااني اقول لك لا يا عم ايه القرف ده؟ اكيد لا اخد ميه الصرف الصحي اللي انا مش محتاجها ولما انضفها هيبقى عندي ميه اا جودتها كويسه بس مش نضيفه ان انا اشربها طب انا الميه اللي جودتها كويسه دي استخدمها في ايه؟ ممكن استخدمها في ري الاراضي الزراعيه ممكن استخدمها في استصلاح الاراضي الصحراويه اروي بيها الصحرا ازرع بيها بالصحراء اروي بيها الجناين والحدائق انت كده بتوفر الميه ده كده حاجه جديده اهي انت تحاول تعالج ميه الصرف الصحي طب ايه كمان؟ قال لك الاستمتار الصناعي ودي مهمه جدا استمتار صناعي ان انا احاول اتحكم في اماكن سقوط الامطار وليكن مثلا انا عندي سحابه السحابه دي محمله ببخار الماء وانا واقف تحت هنا كده خلاص وانا عايز ان السحابه دي تنزل مطر في المكان ده هل اقدر اقول لها يا سحابه نزلي مطر هنا لا طبعا ده هو مزاجي هو السحابه هي فيها بخار الميه لما السحابه وزنها يتقل وكثافتها تزيد هي لوحدها هتبدا تنزل الميه اللي فيها فممكن تنزل الميه عندك ممكن تنزل الميه بعديك تنزلها قبليك تنزلها في منطقه ثانيه في دوله ثانيه على حسب العلماء والناس افتك ابتكروا حاجه جديده قال لك طب ما نعمل حاجه اسمها استمرار صناعي يعني انا اللي اخلي ان السحابه دي تنزل مطر ازاي قال لك بالطائره نبعت طياره الطياره دي تبدا تطير فوق السحابه وتبدا ترش ش السحابه دي برزاز المياه بخات من الميه فلما يرشوا السحابه برزاز المياه السحابه وزنها يتقل وكثافتها تزيد فتبدا تسقط امتار في المكان اللي انا عايزه ده اسمه ايه انا بتحكم كده في سكوت الامطار اسمه استمتار صناعي فبقت الدول دلوقتي تروح اول ما تلاقي مجموعه من السحب تقوم مطلعه طياره الطياره دي ترش السحب دي برزاز المياه تقوم السحب منزله الميه اللي فيها يبقى كده هم بيتحكموا في اماكن سقوط الامط كنا اتكلمنا في الجزء اللي فات على نوع الميه سواء بقى مياه سطحيه او مياه جوفيه او مياه امطار اكلمنا برده على نوع الميه سواء عزبه او مالحه واتكلمنا على الوطن العربي وعرفنا ان الوطن العربي ده عنده ازمه في المياه وعرفنا كمان ايه هي دلائل الازمه وازاي احافظ على المياه اللي عندي مادام اتكلمنا كده على الميه تعالى بقى نخش على حاجه مهمه جدا وناخد نموذج للميه العازبه هل في نموذج اشهر واحسن من نهر النيل طبعا لا فنتكلم النهارده على نهر النيل وهناخد بقى معلومات كتيره جدا عن نهر النيل اللي قدامنا ده نهر النيل يا شباب بيمشي في اراضي او بيمتد في اراضي الاراضي بتاعته دي بسميها باسم حوض النيل اللي هي الاراضي اللي قدامك دي خلاص فالاراضي اللي بيمشي فيها النهر او بتمتد اليها رواف النهر اسمها حوض النيل او حوض النهر حوض النيل في المركز الثالث من حيث المساحه لان احنا عندنا اكبر حوض اوسع حوض في المساحه هو حوض الامازون يجي بعديه حوض نهر الكونغو ويجي بعديه حوض نهر النيل فده دليل على اهميه نهر النيل طب يا مستر نهر النيل ده موجود فين في افريقيا قال لي موجود في شرق قاره افريقيا طب بيمتد من كام لكام اللي هو الموقع الفلكي بتاعه اللي هو مش حفظ بالمناسبه قال لك نهر النيل بيبدا من اول دائره عرض 3 ونص جنوبا الى 31.36 36 شمالا يعني ايه الكلام ده؟ يعني حبايبي نهر النيل بيجري في 35 دائره عرض نهر النيل في 35 دائره عرض ده معناه ايه؟ ده معناه تنوع الاقاليم المناخيه هتلاقي نهر النيل فيه انواع مختلفه من المناخ لان هو كبير جدا ومعدي في اراضي واسعه جدا وبيعدي في دوائر عرض كتيره ففي مناخ مختلف اصل بالعقل كده هل المناخ هنا زي في النص زي هنا زي في الشمال اكيد لا طبعا كل منطقه لها مناخ فبالتالي ما دام النهر ده عدى في 35 دايره عرض يبقى في تنوع في المناخ طيب نهر النيل بيعدي في كام مناخ او بيعدي في كم اقليم مناخي نهر النيل بيعدي في خمس اقاليم مناخيه ركز بقى معايا كده اول حاجه اول جزء من نهر النيل اللي هو الجزء اللي تحت ده اللي اسمها المنطقه المنطقه الاستوائيه المنطقه الاستوائيه دي كلها خلاص اللي عندنا دي اسمها منطقه استوائيه او اسمها منطقه البحيرات الاستوائيه ومن اسمها هيبقى المناخ اللي موجود عندها مناخ استوائي يبقى الجنوب عندنا مناخ اسمه مناخ استوائي حضرتك تطلع فوق شويه هتلاقي منطقه اسمها اعالي نهر النيل ايه اعالي نهر النيل دي اللي هي الجزء اللي عندك ده اللي هي الجزء اللي عندك ده اللي هو فيه ملكا اللي هو في عندنا بحر الجبل بحر الغزال بحر العرب بحر الزراف الجزء ده كده اسمه اعالي النيل طب المناخ اللي هنا نوعه ايه؟ قال لك المناخ اللي هنا مناخ شبه استوائي كده انت عندك كام نوع من المناخ؟ عندك اثنين تحت مناخ استوائي طب منطقه علي النيل مناخ شبه استوائي قال لك لو دخلنا بقى على منطقه الشرق هنا كده اللي هو بحير التانه النيل الازرق نهر عطباره الكلام اللي انتوا اخدتوه السنه اللي فاتت في اولى ثانوي المنطقه دي اللي هي المنابع الموسميه ده مناخ شبه موسمي يبقى ده كده مناخ شبه موسمي المنطقه دي كده نطلع بعد كده على المنطقه بتاعه السودان اللي هو النيل الابيض ده اسمه مناخ صحراوي اهو مناخ شبه صحراوي كل المنطقه دي كده يبقى كده عندنا مناخ صحراوي تطلع فوق بقى يا باشا بالقرب من البحر المتو متوسط الحته دي كده ما دام قريبه من البحر المتوسط يبقى ده مناخ بحر متوسط اقليم بحر متوسط اه يبقى كده نهر النيل بيعدي في كام اقليم مناخي بيعدي في خمسه البحيرات الاستوائيه زي بحيره فيكتوريا زي بحيره ادوارد والبرت وكيوجا المنطقه دي كلها كده ده مناخ استوائي تطلع يا باشا على منطقه علي النيل زي بحر الجبل وبحر الغزال وبحر الزراف وبحر العرب المنطقه دي كده ده مناخ شبه استوائي كده انا عندي نوعين من المناخ تطلع على المنطقه الموسميه اللي هي الشرق دي هتلاقي زي بحيد التانه والنيل الازرق ونهر عطبره ونهر الصباط دي منطقه مناخها شبه موسمي بعد كده المنطقه دي كلها واغلب مساحه مصر مناخ صحراوي او شبه صحراوي تطلع في الشمال عند البحر المتوسط يبقى مناخ اسمه مناخ البحر المتوسط او اقليم البحر المتوسط ده كده اكبر دليل ان الوطن ان افريقيا او نهر النيل بيعدي في مناطق مناخيه مختلفه ومتنوعه طب كلام جميل قوي يا مستر طيب ايه اللي نعرفهاني او ايه المعلومات اللي نعرفها قال لك تعال بقى نعرف الدول اللي بيمشي فيها نهر النيل احنا عندنا نهر النيل بيعدي في دول كتيره جدا خلاص هم 11 دوله اسمها دول حوض النيل دي الدول اللي بيعدي فيها او بيجري فيها نهر النيل 11 دوله بالظبط ايه الدول دي تعال بقى ناخدها بلون مختلف اول دوله عندنا مصر ادي رقم واحد عندنا كمان السودان وعندنا دوله اسمها جنوب السودان ادي كده ثلاث دول لان السودان كانت اتقسمت دلوقتي شمال السودان وجنوب السودان فكده ثلاث دول مصر والسودان وجنوب السودان عندنا دوله اسمها اريتريا ادي اربعه دوله اسمها اثيوبيا ادي خمسه عندنا كمان دوله اسمها كينيا سته اوغندا سبعه عندنا الكونغو 8مانيه في دولتين تحت بعض دوله اسمها رواندا ودوله اسمها بوروندي يبقى تسعه رواندا و10 بروندي اخر دوله تنزانيا رقم 11 طلعوا فعلا 11 دوله اسمها دول حوض النيل بالمناسبه لو انت ثانوي عام انت مش لازم تحفظ اسامي الدول ولكن لو انت ازهر لازم تحفظ اسامي الدول وتعرف الارقام والكلام اللي احنا بنقوله ده بالصم بالحفظ يعني طيب احنا كده خدنا يا شباب معلومات عامه عن نهر النيل من حيث الاماكن بتاعته والمناخ بتاعه والدول اللي فيه وهكذا تعال بقى نتكلم على حاجه مهمه قوي اسمها الايراد المائي لنهر النيل يعني ايه الايراد المائي يعني عايز اعرف نهر النيل ده بيجيب لي ميه قد ايه هنشبه نهر النيل ده برجل الاعمال رجل اعمال عنده مصانع عنده شركات هل المصانع والشركات دي كلها بتكسب زي بعضها طبعا لا في مصنع ممكن يكسب اكت من مصنع شركه تخسر شركه تكسب شركه تكسب جامد مصنع ما يكسبش قوي على حسن ف بيجي رجل الاعمال يجمع المكسب بتاع المصانع دي كلها ويحسب بقى كسب كام وخسر كام واتبقى قد ايه اللي بيتبقى في الاخر ده اسمه الايراد نفس الكلام هنطبقه على نهر النيل نهر النيل زي ما احنا عارفين هو بينبع من الجنوب الى الشمال جاينا من تحت لفوق خلاص فالميه بتفضل تمشي في ترع وبتعدي على افرع بتعدي على اماكن لحد ما توصل على مصر في الرحله الطويله بتاعه الميه الميه بتاعه نهر النيل دي ساعات الميه بتزيد في مكان وساعات بتقل في مكان وساعات بيحصل جفاف في منطقه وهكذا فعشان كده ده اسمه الايراد في الاول يا شباب لازم نعرف ان احنا عندنا الايراد بتاع نهر النيل مش كله زي بعضه نهر النيل ليه ثلاث منابع اساسيين المنطقه اللي تحت اللي اسمها المنابع الاستوائيه دي منطقه عندنا بعد كده اللي هي المنطقه الاستويه دي اسمها المنابع الدائمه دي المنابع الاستويه عندنا برده هنا كده منابع اسمها منابع اعالي النيل برده بتدينا جزء من الميه بس مش كبير قوي اهم منطقه اللي هي المنابع الموسميه اللي هي منابع الحبشه اللي هي بحير التانه والنيل الازرق ونهر عضبره ونهر الصباط ونهر البارو المنطقه دي كلها فاحنا هنمسك نهر النيل ونعرف الايراد بتاعه وبيجيب لنا ميه قد ايه بس واحده واحده ونمسكه من بدايته بصوا يا حبايبي في الاول كده هتلاقي ان الدنيا في المنطقه الاستوائيه لما بتيجي تمطر الميه بتتجمع في بحيره اساسيه اسمها بحيره فيكتوريا يبقى انا عندي البحيره الاساسيه بحيره اسمها بحيره ايه؟ فيكتوريا تبدا الدنيا تمطر كل البحيرات تبدا تتجمع في بحيره اسمها بحيره فيكتوريا بتبقى كميه الميه اللي اتجمعت في بحيره فيكتوريا 114 مليار متر مكعب ايه ده ايه ده مستر اللهم صل على النبي يعني الميه اللي اتجمعت في بحيث فيكتوريا 114 مليار متر مكعب لما احنا بدايتنا 114 مليار متر مكعب ده على ما الميه توصل لنا يكون معانا بقى كميه رهيبه جدا ا 500 مليار 600 مليار اقول لك بس واحده واحده لان للاسف فرحتنا مش هتكمل ال 114 مليار متر مكعب اللي اتجمعوا في بحيره فيكتوريا على ما يوصلوا الى منطقه اسمها بحيره البرت هتكون الميه فقدت 82% من كميتها يا نهار ابيض ده ليه الكلام ده يا مستر؟ اقول لك بسبب التبخر لان حبايبي المنطقه دي منطقه استوائيه منطقه استوائيه يعني الحراره هنا مرتفعه وطالما الحراره مرتفعه يحصل تبخر في الميه يبقى الميه بتبقى 100 وكام و14 على ما الميه بتتحرك من بحيره فيكتوريا توصل الى بحيره البرت اللي قدامك دي بتبقى كميه الميه فقدت قد ايه؟ فقدت 82% من كميتها يعني هتوصل بحيره البرت قد ايه؟ هتوصل 3 و2 و8 مليار متر مكعب شوف من 114 الميه وصلت بحيره البرت 23.8 08 مليار متر مكعب ده بسبب التبخر الميه تتحرك من بحيره البرت تفضل ماشيه لحد ما توصل عند مدينه اسمها نيمولي اللي هي عليها علامه زرقاء او عليها دايره زرقاء دي مدينه اسمها نيمولي توصل الميه مدينه نيمولي تكون زادت شويه لان الميه وهي بتتحرك بيجي لها ميه زياده من خلال الامتار فالميه كانت من البرت 23.8 08 توصل نيمولي توصل 26 فبقى كميه الميه 26 مليار متر مكعب حلو زادت شويه الميه تفضل ماشيه في الرحله بتاعتها توصل من نيمولي الى مدينه بعدها او منطقه بعدها اسمها مانجلا توصل مانجله تكون الميه زادت شويه بقت 30 مليار متر مكعب الحمد لله بعد ما فقدنا الميه تحت بسبب التبخر الميه عماله تزيد دي كانت في البرت 23.8 08 وصلت على نيمولي 26 وصلت على منجلا حوالي 30 مليار متر مكعب الميه تتحرك بقى يا باشا من منجله وتمشي في المنطقه اللي فوق دي تعال بقى نمسح بس الحته دي عشان تبان لك شويه خلاص نمسح بقى الجزء ده كده عشان يبان لك الباقي هيمشي ازاي خلاص الميه تبدا تتحرك من منجله تمشي في منطقه اسمها بحر الجبل لما الميه توصل وتمشي في بحر الجبل وتوصل الى المنطقه اللي هي بتاعه بحيره نو ومدينه اسمها مدينه ملكال تكون الميه فقدت نصها فقدت نص كميتها يعني ال 30 مليار دول هيوصلوا عند بحيره نو عند مدينه ملكال النص يوصلوا قد ايه يعني يوصلوا حوالي 15 مليار متر مكعب ده كده الرحله بتاعه المنطقه الاستوائيه ومنطقه اعالي النيل طب تعال بقى نكمل ونعرف نهر النيل هيمشي ازاي هيجي لي يا باشا ميه من نهر اسمه نهر السباط ونهر اسمه نهر البارو في المنطقه دي كده هيجي لي ميه من نهر السباط 13 ونص مليار متر مكعب انت احسب بقى 13.5 مع ال 15 هيبقى حوالي 28.ص او قول 29 تبقى الميه عند ملكال هنا كده عند ملكال 29 حوالي 29 مليار متر مكعب من الميه طيب جميل ايه اللي يحصل بقى قال لك يجي لنا ميه من فرع اسمه النيل الازرق النهر اللي قدامك ده اسمه النيل الازرق يجي لي منه 52 مليار جميل كميه كبيره اهي ويجي لي من نهر عطبره 12.نص نص مليار متر مكعب والميه تتجمع مع بعضها الميه بقى اللي جايه من ملكال على ميه نهر عضباره وميه النيل الازرق تفضل متجمعه لحد ما توصل هنا كده بالظبط كده المنطقه دي تبقى كميه الميه 89.3 03 مليار متر مكعب الميه على ما توصل مصر وتوصل الى بحيره ناصر بتفقد 5 مليار عشان بقى المنطقه دي منطقه جافه منطقه يعني سخنه شويه فالميه بتتبخر كمان المنطقه دي الجريان بتاعها بطيء كمان المنطقه دي البحيره نصر بحيره واسعه فبيتبخر منها جزء كبير المهم الميه اللي تخش مصر بالظبط تبقى 84 مليار متر مكعب من الميه ده اللي احنا بنحصل عليه ودي كده رحله الميه من بدايه بحيره فيكتوريا لحد ما توصل الى مصر الى الدوله بتاعتنا الى بحيره ناصر دي كده يا شباب اسمها مائيه او الايراد المائي لنهر النيل نراجع سريعا كده قلنا الميه بدات في فيكتوريا 114 مليار متر مكعب خلاص وصلت الى البرت فقدت 82% من كميتها عشان التبخر وصلت 23.8 08 مليار وصلت من البرت الى مدينه نيمولي بقت كميه الميه 26 مليار وصلت من نيمولي الى منجلا 30 مليار بعد كده مشيت في بحر الجبل فقدت نص كميتها فوصلت حوالي 15 مليار جالها ميه من فرع الصباط 13.ص بقت 29 مليار بعد كده جالنا من النيل الازرق 52 مليار ومن نهر عطبره 12.5 نص مليار في الاخر اللي هيوصل مصر بعد كل ده 84 مليار متر مكعب من الميه بالمناسبه الارقام دي مش لازم تحفظها يعني لو انت عام ولكن ده بيفهمك امتى الميه زادت وامتى قلت عشان بيجي اسئله على الموضوع اللي احنا بنتكلم عليه ده طيب كده احنا اتكلمنا على مائيه نهر النيل وعرفنا كميه الميه ايه اللي بيحصل لها تعال بقى ناخد كده المشاريع اللي مصر هتعملها على نهر النيل بعد ما شرحنا يا شباب مائيه نهر النيل وعرفنا الايراد المائي بتاع نهر النيل تعال بقى نتكلم على شويه ملحوظات مهمه جدا اول ملحوظه ان انت هتعرف ان زي ما قلنا كده اللي بيوصل لمصر هو 84 مليار متر مكعب من المياه كلام جميل قوي طب ايه كمان قال لك احنا عندنا في 16% من الميه اللي بتوصل لنا دي جايه من المنابع الاستوائيه واعالي النيل اللي هي اسمها المنابع الدائمه ولكن اغلب كميه الميه اللي هو 84% بيجي لي من المنا المنابع الحبشيه الموسميه يبقى اغلب كميه الميه او اكبر قدر من الميه اللي بيجي اللي بيجي لمصر بيجي من المنابع الموسميه في فصل الصيف طيب بيجي لي من نهر السباط 15% بيجي لي من النيل الازرق 56% من كميه الميه ومن نهر عضبره 13% نفهم ايه نفهم ان اكبر فرع او اكبر نهر بيجيب لي ميه لمصر هو النيل الازرق واقل فرع هو نهر عضبره ده كده اهم الملحوظات اللي انت لازم تعرفها من خلال الايراد المائي. تعال بقى نتكلم على اهم المشاريع اللي مصر عملتها على نهر النيل. بصوا يا شباب احنا عندنا الدوله الجميله بتاعتنا مصر عشان عارفه ان نهر النيل ده بالنسبه لها حاجه مهمه جدا ولازم تحافظ على نهر النيل. بدات مصر تعمل مشاريع وتعمل سدود وتعمل قنوات بالاشتراك مع الدول الافريقيه عشان تقدر مصر تحافظ على اكبر كميه من الميه ويوصل لنا اكبر كميه من الميه مصر عايزه الكميه اللي بتوصل لها تزيد بدل ما يوصل لنا 84 مليار لا يوصل لنا 90 و1 و200 مليار كمان طب ده يحصل ازاي؟ يحصل من خلال ان انا اعمل مشاريع على نهر النيل مع الدول الافريقيه عشان لو انا وفرت ده ده بيعود عليا ما انا بوفر لنفسي ما هو في الاخر الميه دي بتوصل لمصر فنتكلم مع بعض كده على اهم المشاريع اول حاجه هنبدا باهم المشاريع هنبدا كده من فوق لتحت اهم المشاريع اللي مصر عملتها هو عندنا سد اسمه سد اسوان وسد اسمه السد العالي ودول في مصر سد اسوان ده بيخزن الميه لفترات قليله لمده سنه ولكن السد العالي ده بيخزن الميه لفترات كبيره جدا دي برده من المشاريع مصر عملتها في دولتها نفسها مصر برده عملت مشاريع في السودان عملت سد عندنا على النيل الابيض اسمه سد جبل الاولياء وعملت على النيل الازرق او ساعدت على النيل الازرق ان السودان تعمل سد اسمه سد صوناره وده اهميته ان هو بيخزن الميه وكمان بيولد الكهرباء يبقى احنا كده ساعدنا السودان ان هي تعمل سدين سد اسمه سد جبل الاولياء ده موجود على النيل الابيض وسد اسمه سد السونار ده موجود على النيل الازرق طيب ايه كمان يا عم قال لي برده جينا عملنا سد اسمه سد نيمولي في المنطقه دي هنا كده مصر ساعدت ان نعمل هنا سد اسمه سد نيمولي والسد ده اهميته ان هو بيوفر الميه وبيخزن الميه برده عملنا سد اسمه سد كيوجا او ساعدنا ان احنا نعمل سد كيوجا في اوغندا عشان خاطر البرك والمستنقعات عشان نجفف البرك والمستنقعات في المنطقه دي برده ساعدنا اغن ده ان هي تعمل سد اسمه سد اوين او سد اوين السد ده عشان يولد الكهرباء برده مصر ساعدت على حفر مئات الابار في دوله كينيا عشرات الابار ومئات الابار في دوله كينيا يعني هنا ساعدنا كينيا ان هي تستخرج المياه الجوفيه لان انا لما اساعد كينيا تستخرج المياه الجوفيه اللي عندها كينيا مش هتستهلك من ميه النهر اللي هو نهر النيل فهيجي لي بنتالي كميه اكبر دي كده من اهم المشاريع اللي مصر عملتها او ساعدت فيها على نهر النيل ده غير برده ان مصر عملت مشروع ان هو اسمه مشروع او قناه اسمها قناه جونجلي او قناه جونجلي في المكان ده كده لان احنا عارفين يا شباب ان الميه لما بتتحرك من المكان ده عشان توصل وتمشي في بحر الجبل كانت بتفقد نص كميتها لما جينا اتكلمنا على الايراد المائي فجت مصر قالت طب انا هنعمل فكره المنطقه بتاع بحر الجبل دي فيها حاجه اسمها سدود نباتيه يعني ايه سدود نباتيه يعني المنطقه دي فيها برك ومستنقعات وفيها سدود فيها نباتات فالنباتات دي بتساعد ان الميه تتبخر فبنفقد نص الميه جت مصر جالها فكره كده قالت طب ما نغير مجرى الميه بدل ما الميه تمشي في بحر الجبل وتفقد النص بسبب السدود النباتيه احنا هنعمل قناه ثانيه قناه تربط المكان ده بمدينه ملكال طب القناه دي اللي هتربط بين الجزء كده لحد ما الكال اسمها قناه ايه؟ اسمها قناه جونجلي او قناه جونجلي وفعلا مصر بدات ان هي تعملها ولكن المشروع بتاع قناه جونيجلي ده ا بعد ما وصل ل 70% وخلاص قرب يكتمل للاسف حصلت حرب اهليه في جنوب السودان والمشروع ما اكتملش حتى الان ولكن المشروع ده اهميته ان نخلي الميه تتفادى منطقه السدود النباتيه اللي موجوده في بحر الجبل دي كده يا شباب اهم المشاريع اللي مصر عملتها على نهر النيل عشان تحاول تزود كميه الميه اللي بتوصل لها وتحاول تحافظ على الميه وتخزن الميه وكمان تولد الكهرباء في نهايه الدرس طالب منك تعمل لايك للفيديو وتعمل اشتراك في القناه كده احنا خلصنا ولله الحمد الدرس بتاعنا درس ثقيل شويه او درس صعب شويه ولكن شرحناه بالتفصيل ان شاء الله تكون فهمته كويس جدا وكمان لما انزل لك فيديوهات حل التدريبات الموضوع يبقى احسن في نهايه الفيديو ادعو من الله عز وجل لك التوفيق كان معاكم مستر كريم السبكي والسلام