الاشكال المتماثلة و محاور التماثل 4 ب 5 ب

اوعى تنسى بعد الدرس على طول هتخش على موقع هتحل دوت ك هتنزل تحت في وصف الفيديو هتلاقي لينك الامتحان اه ما انا عايزه اطمن عليك ان انت بتعرف تحل بايدك وهتنزل في التعليقات تحت تقول لي جبت كام ايوه انا عايزه اتفرج على الجمال ويلا بينا نبتدي الفيديو درسنا النهارده الاشكال المتماثله وخطوط التماثل ايه هو خط التماثل او ساعات يقول لك محور التماثل يعني ايه يا ميس يعني خط لو انا طبقت الشكل عليه هيجوا على بعض هو الخط الذي يقسم الشكل الى جزئين متماثلين برده مش فاهم قوي يا ميس تعالى واحده واحده لو جالي مربع وقلت لك طبقه لي بس يجوا على بعض هتقوم ماسك المسطره ومسطر خط من هنا ومطبق الحته اللي فوق على الحته اللي تحت هيجوا على بعض ده اسمه خط التماثل او ممكن اعمله بالطول في النص بالضبط واطبق اليمين على الشمال هيبقوا على بعض ادي تاني واحد او ممكن اعمل خط هنا مكان القطر وساعتها لو طبقت المربع برده هيجي على بعض او ممكن اطلع خط من هنا وساعتها هيجوا على بعض يبقى معنى كده ان المربع له كام خط تماثل اربع خطوط تماثل وهات ورقه معاك هنا على شكل مربع وطبقها عشان تحس الموضوع بايديك طيب بالنسبه للمستطيل اه والله المستطيل انا ممكن اعمل خط من هنا واطبق الورقه الحته اللي فوق على اللي تحت صح وممكن اعمل خط من هنا واطبق الحته اللي على اليمين على الشمال صح طب مس طب ما انا ممكن اعمل خط من هنا طب تعال نجرب كده هتلاقي الحته دي لما هتيجي تطبق هتظهر هنا والحته دي هتظهر هنا مش هيكونوا على بعض جرب بنفسك اقطع ورقه من ورق الكراسه لان ورق الكراسه كله مستطيل وجرب كده تعمل خط من هنا هتلاقي نفسك لما جيت طبقت الورقه ماجوش على بعض جرب وقف الفيديو ما يهمكش ولا طبعا اقدر اعمل الخط كده لان نفس الكلام يبقى معنى كده ان ده ما ينفعش وده ما ينفعش يبقى في المستطيل له كام خط تماثل اين خط تماثل او خطين تماثل وعايزه اقف شويه معاك في المستطيل وافكرك بحاجه الدرس اللي فات كنا بنقول ان القطر في المستطيل يقسمه الى مثلثين ايه متطابقين يكمل بقى ويقوللك ومع ذلك فهو ليس ايه القطر موافق على الدرس اللي فات انه يقسم المستطيل لمثلثين متطابقين موافق على التطابق لكن مش موافق على الدرس ده ومع ذلك فهو ليس محور تماثل له خلي بالك عشان دي مهمه جدا يقطعوا يكونوا متطابقين اه بس ساعتها لما تيجي تقص المستطيل من هنا هتضطر تعكس المثلث ده عشان يجي قد المثلث ده عشان يبقوا متطابقين انما محور التماثل بيقوللك طبقهم لي لا لو طبقتهم مش هيجوا على بعض تعالى نكمل المعين المعين اصلا وانت بترسمه وهتلاقي نفسك بتعمل كده يعني المعين اصلا ليه خطين تماثل بس اللي واقف عشان يطبق اليمين على الشمال واللي نايم عشان يجي اللي فوق على اللي تحت طيب المثلث المتساوي الاضلاع له كام خط تماثل اه والله ده انا ممكن ارسم خط كده واطبق على بعض اليمين على الشمال وممكن ارسم خط كده عشان دي تيجي على دي وممكن ارسم خط كده عشان دي تيجي على دي يبقى المثلث المتساوي الاضلاع زي ما المربع فيه اربع اضلاع من بره قد بعض فهو ليه اربع محاور تماثل والمثلث المتساوي الاضلاع الثلاث اضلاع اللي من بره قد بعض فهو ليه ثلاث خطوط تماثل الحاجات اللي قد بعض دي بتريحنا طيب تعال نكمل المثلث المتساوي الساقين خلي بالك من حاجه ايه اكتر حاجه في الدنيا دي متساويه الساقين البني ادم البني ادم سوي الساقين رجليه قد بعض لو تيجي مثلا تطبق البني ادم هتطب من هنا ايده دي هتيجي على ايده دي رجله دي هتيجي على رجله دي عينه هتيجي على عينه ودانه هتيجي على ودانه يعني معنى كده ان اي حد متساوي الساقين زي البني ادم يقسموا خط تماثل واحد بالطول طب ما نقسم بالعرض يا ميس لا كده راسك لما هتطبق تنزل تحت هتيجي عند رجلك كده مش هيبقوا متماثلين زي مين زي المثلث المتساوي الساقين وشبه المنحرف المتساوي الساقين مش هتقدر تطبق الرسمه دي ولا دي الا لما ترسم خط كده وخط كده بس يبقى اي حاجه متساويه الساقين له خط تماثل واحد هنا وهنا طب م ثانيه واحده يعني هو مثلا لو جا قال لي المثلث المختلف الاضلاع ولا قال لي شبه المنحرف بس وسكت مش هيكون ليه واحد لا المثلث المختلف الاضلاع اللي كل ضلع واخد رقم ده انا مش هقدر اطبقه للاسف لان كل ضلع في حته يبقى عدد محاور التماثل بتاعته كام لا صفر ليس له محاور تماثل طب يا ميس وشبه المنحرف بس مش هقدر اقسمه بالطول لا برده لان زي ما انت شايف كل ضلع في حته يبقى ده برض ليس له محاور تماثل مين كمان ليس له محاور تماثل متوازي الاضلاع تعال كده نجرب نقسمه بالطول الحته دي اطول من الحته دي طب تعال نقسمه بالعرض الحته دي هتيجي هنا والحته دي هتيجي هنا طب تعال نقسمه مكان القطر لا الحته دي هتيجي هنا والحته دي هتيجي هنا ما تحاولش يا ريت لو والدتك بتتفرج معانا اعملي له اشكال وخليه يطبقها بنفسه يبقى عدد محاور تماثل متوازي الاضلاع صفر طيب اخر شكل عندي الدائره الدائره ليها كم محور تماثل طب ما الدائره دي شبه رغيف العيش تعال كده نجرب نقسمه ممكن نقسمه كده او كده او كده او كده او كده او كده صح ولا لا ده انت مهما قعدت تقطع من اي حته هيطلعوا برده قد بعض لما يطبقوا عشان كده لما يقول لك الدائره لها نقط محور تماثل قول له عدد لا نهائي انا مهما قعدت رسمت مش هعرف طب ما انا مس دي دايره صغيره انا ممكن ارسمها كلها بسهوله بس الدايره لما بتكبر خطوط التماثل معاها بتكتر عشان كده احنا بنقول عدد لانهائي في سؤالين بقى بيجوا على الدايره بيلخبط شويه اختر الاجابه الصحيحه عدد محاور تماثل نصف الدائره صفر 1 2 3 عدد كبير جدا طب يا مس مش الدايره ليها عدد لانهائي يبقى اكيد برض نص الدايره ليها عدد عدد للا نهائي لا يا حبيبي نص الدايره يعني كده بس هطبق ازاي عشان يجوا قد بعض كده يا ميس طيب جرب بقى كده تطبقها بالطول ما ينفعش الحته دي صغيره والحته دي كبيره ولو جربت تطبقها على اي شكل برده مش هتعرف عشان كده نص الدايره ليها محور تماثل واحد وبرده لو قال لي عدد محاور التماثل لربع الدايره فربع الدايره دي لما هاجي اقسمها هقسم بمحور تماثل واحد بس من هنا ومهما حاولت تاني مش هتعرف تقسمها وتطبق على بعض لو استمتعت بالدرس ده هستنى اللايك بتاعتك والتعليق الجميل اللي انا بحبه واشوفك على خير وبكده يبقى خلص الدرس طمني عليك اوعى تنسى هتخش على اللينك اللي تحت الفيديو وهتحلى وتطمني على الدرجه بتاعتك ولايكاتك بقى وحركاتك واشوفك على خير السلام عليكم ورحمه الله وبركاته