حل اسئلة درس تغيرات الطاقة في التفاعلات الكيميائية كيمياء الصف العاشر محمد كلوب

السلام عليكم ورحمه الله وبركاته طلاب وطالبات الصف العاشر الفخمين والرائعين جدا اسعد الله جميع اوقاتكم اليوم ان شاء الله تعالى رجعنا لكم في حصه رائعه جدا ومميزه جدا لانه بكل بساطه اليوم ان شاء الله تعالى رح نحل مع بعضنا اسئله مراجعه الدرس الاول من الوحده الخامسه خمسه اللي هو درس تغيرات الطاقه في التفاعلات الكيميائيه زي ما شرحنا لكم في هذا الدرس بانه نحن في عننا التفاعلات الكيميائيه عاده يصاحبها تغيرات في الطاقه وتقسم التفاعلات هي الى قسمين من حيث التغير في المحتوى الحراري الى تفاعلات طارده وتفاعلات ماصه للطاقه فبناء على هذا الكلام درسنا مجموعه شغلات وفهمناها الحمد لله رب العالمين واليوم اجاى الوقت اللي نحل لكم في اسئله مراجعه الدرس فخلينا نركز مع بعضنا ونقول يا رب وبسم الله الرحمن الرحيم السؤال الاول بيحكي لنا افسر تغيرات الطاقه المصاحبه للتحولات الفيزيائيه اسمع هون قاعد بيحكي لي عن تغيرات الطاقه اللي بتصير عندي و متى لما يصير عندي تحولات فيزيائيه اول شغله يا جماعه الخير شو يعني تحولات فيزيائيه نذكركم بانه نحن التحولات الفيزيائيه اللي بتصير على حاله الماده سواء سواء من صلبه الى سائله الى ايش وك امسحي مالك من صلبه الى سائله الى ايش؟ الى غازيه وحكينا بانه لما الماده تتحول من صلبه الى سائله فبهي الحاله هي العمليه سميناها عمليه ايش من صلب الى سائل عمليه انصهار بينما من سائل الى غاز تبخر اما من عمل من سائل الى صلب شو سميناها؟ تجمد اما من غاز الى سائل فاسمها تكاثف طيب ممتاز هسه اما من صلب الى غاز مباشره فاسمها عمليه ايش؟ تسامي طيب هي التحولات الخمسه اللي شايفينها هي تحولات الطاقه طيب بقول لك ليش بصير في عندي تغيرات للطاقه؟ لانه بكل بساطه يا جماعه الخير نحن حكينا بانه انا الماده لما بتحول حول من حاله الى حاله اخرى اجباري انه يصير في عندي تغير في الطاقه يا اما التحول يصاحبه امتصاص للطاقه يعني مثلا انا لو عندي ماده صلبه بدها تصير ماده سائله تخيل و انت عندك قطعه ثلج بدك تحولها للحاله السائله هي الماده رح تمتص طاقه ولا هي رح تعطيني طاقه طبعا رح تمتص طاقه فاذا من صلب الى سائل عمليه ايش؟ ماصه للطاقه ومن سائل الى غاز برضه عمليه ماصه للطاقه وحتى التسامي برضه ماصه للطاقه اما العكس هي عمليه ايش؟ طارده للطاقه فبالتالي بنقدر نحكي كجواب يعني ليش بصير في عندي تغيرات م طاقه مصاحبه للتحولات الفيزيائيه بكل بساطه لان التحول او عفوا مش لان التحول لان تحول الماده هيك بدنا نكتب ها لان تحول الماده من حاله الى اخرى يصاحبه امتصاص للطاقه مثل حكينا اللي هم الانصهار والتبخر والتسامي او انبعاث للطاقه مثل ايش؟ حكينا عن شغلتين اللي هم مثل التكاثف والتجمد فبالتالي ان شاء الله تعالى تكون الامور سهله وبسيطه جدا نيجيكم على سؤال اثنين سؤال اثنين سؤال تعريفات طبعا كالعاده انا حا لكم اياه ومجهز لكم اياه لانه سؤال بسيط جدا بيقول لك ما المقصود بكل مما ياتي المحتوى الحراري قلنا في مميز في عندي فرق ما بين التغير في المحتوى الحراري والمحتوى الحراري المحتوى الحراري عباره عن كميه الطاقه المخزونه في مول واحد من الماده يعني هي كميه طاقه اللي بتكون مخزنه اما التغير في المحتوى الحراري اللي هو عباره عن ايش قلنا عنه اللي هو عباره عن الانثالبي اللي هو بيكون الفرق ما ما بين الطاقه في المواد الناتجه والطاقه في المواد المتفاعله وعرفناه ولكن هون شو بده المحتوى الحراري اللي هو كميه الطاقه المخزونه في مول واحد من الماده اوكي اما التعريف الثاني بده اياه التفاعلات الطارده للحراره قلنا التفاعلات الطارده هي تفاعلات يتم فيها تزويد الوسط المحيط بالطاقه يعني الطاقه بتنتقل من المواد الى الوسط المحيط فيها زي تفاعلات الاحتراق بينما التفاعلات ماصه للطاقه هي تفاعلات يتطلب حدوثها تزويدها بكميه من الطاقه يعني عشان التفاعل يصير لازم انا اعطيه طاقه فبالتالي هي الطاقه من وين بتجيبها؟ من الوسط المحيط فاذا تنتقل فيها الطاقه من الوسط المحيط الى ايش؟ الى المواد تمام التمام اما بالنسبه لطاقه التبخر الموليه وطاقه التكاثف الموليه طاقه التبخر الموليه اذا بتتذكروا قلنا بانها عباره عن كميه الطاقه يعني لما يقول لي طاقه موليه هي عباره عن ايش؟ كميه الطاقه طب عمليه التبخر ماصه ولا طارده؟ ماصه قال شي شرحنا فلانها ماصه فهي كميه الطاقه اللازمه لان هي بتحتاج لتحويل مول واحد من الماده يعني لو اجيب واحد مول من الماده بدي احوله من سائل الى غاز قدش رح يحتاج طاقه هي اسمها طاقه التبخر الموليه اما بالنسبه لطاقه التكاثف الموليه هي كميه الطاقه اوعى تقول لي اللازمه لا المنبعثه او الناتجه ليش؟ لانه عمليه التكاثف هي عمليه طارده للطاقه انا لما الماده تتكاثف عشان تتكاثف هي الماده بدها تفقد الطاقه اللي بتحملها عشان تتكاثف فبالتالي كميه الطاقه المنبعثه يعني هي بتعطي طاقه عن عند تكاثف مول واحد برضه كلياته لانه موليه مول واحد من الغاز عند درجه الغليان ممتاز جدا فبالتالي هي التعريفات شيء سهل وبسيط جدا زي ما نحن شايفين طيب عننا سؤال ثلاث بيقول لك استخدم الارقام بدي اياني احسب شوفوا حسابات الدرس هذا يسعدنا ما اسهلها بحكي لك السؤال اذا كان المحتوى الحراري للمواد الناتجه لتفاعل ما استنى محتوى حراري للمواد الناتجه حكينا اللي هي الاتش بي ار قلنا محتوى حراري يعني اتش بي ار يعني برودكت مواد ناتجه قديش؟ 120 كيلو جول والمواد المتفاعله 80 كيلو جول يعني اللي هي الاتش ار اي اتش رياكتنت متفاعلات فاحسب التغير في المحتوى الحراري للتفاعل يعني شو بدي احسب له الدلتا اتش وما اشارته بكل بساطه القانون اللي عندي دلتا اتش تساوي اتش برودكت اللي هي النواتج ناقص اتش رياكتنت اللي هي المتفاعلات واذكركم قلنا يا جماعه الخير بانه نحن دلتا يعني تغير يعني شيء نهائي ناقص شيء ابتدائي واي تفاعل كيميائي بالدنيا ببلش من متفاعلات بينتهي بالنواتج فعشان هيك انا بطرح طاقه النواتج ناقص طاقه المتفاعلات طيب تمام فبالتالي الاتش بي ار قدش معطيني اياها تساوي 120 ناقص الاتش رياكتنت 80 وتساوي 120 - 80 تساوي 40 كيلو جول طيب فب بالتالي هذا التفاعل اشارته راح تكون شو مالها؟ موجبه فاذا موجب اذا الاشاره موجبه طيب ليش هذا الكلام بدل لك عنه تفاعل شو ماله يا عيني عليك تفاعل ماص للطاقه يعني بين قوسين تفاعل شو ماله؟ ماص للطاقه فبالتالي هي كل القصه تمام سؤال سهل وبسيط جدا ما في عننا اي مشكله فيه تمام نيجيكم على سؤال رقم اربعه يلا سؤال اربعه بيقول لك افسر التغير في المحتوى الحراري لبعض التفاعلات يكون سالبا هسه انا متى بيكون في عندي المحتوى الح التغير في المحتوى الحراري بيكون سالب لما تكون دلتا اتش مش هي تساوي اتش برودكت اتش بي ار ناقص اتش ار اي صحيح هسه عشان تطلع هي قيمه سالبه مش لازم يكون في عندي هون رقم صغير اطرحه من رقم كبير اه والله صحيح يا استاذ فبالتالي ليش التغير في المحتوى الحراري بيكون بيكون سالب بكل بساطه لانه بيكون المحتوى الحراري للمواد الناتجه اقل من المحتوى الحراري للمواد المتفاعله فبالتالي هي بتكون تفاعلات طارده للطاقه فبالتالي بيكون في عندي ايش ال الدلتا اتش سالبه فاذا اذا اذا الجواب لو بدنا نكتب له اياه نصيغ له اياه حكينا لانه المحتوى الحراري للمواد الناتجه يكون اقل من المحتوى الحراري المواد المتفاعله ها لان المحتوى الحراري للمواد الناتجه اللي هي رمزنا لها اتش بي ار يكون اقل من المحتوى الحراري للمواد المتفاعله اللي هي الاتش ار اي وبالتالي يكون التفاعل طارد للطاقه بهي الحاله رح يكون التفاعل اللي عندي شو ماله؟ طارد للطاقه فعشان هيك بتطلع دلتا اتش مالها سالبه طيب بقول لك هون اصنف التفاعلات الماصه للحراره والتفاعلات الطارده لها يعني قول لي التفاعل الاول طارد ولا ماص والثاني طارد ولا ماص قلنا اذا شفت الطاقه مع النواتج تفاعل طارد شفتها مع المتفاعلات ماص فبالتالي بكل بساطه باجي هون معطيني التفاعل هي الطاقه جهه بعد السهم يعني جهه النواتج فبالتالي هذا التفاعل شو ماله طارد للطاقه اما بالنسبه للتفاعل الثاني هي شوف متفاعلات زائد 85 كيلو جول فبالتالي هذا التفاعل شو ماله؟ ماص للطاقه تمام التمام يلا نيجي على سؤال رقم سته حاكي لك افسر يلا سؤال سته بيحكي لك افسر الانخفاض النسبي لدرجه حراره الهواء الملاب لامس لسطح الارض اثناء انصهار الثلج في ايام الشتاء كيف يعني؟ يعني الهي وانت جاي ربنا هيك يرزقنا بثلج بهالبلد يا الله هيك تغسل قلوبنا كلنا قولوا امين امين بس اتوقع انه خلص يعني طيور طارت برزاقه هسه للشتويه الجايه ان شاء الله قولوا يا رب يا رب انا من النوع اللي بحب الثلج كثير ترى للعلم المهم بحكي لك بانه لما الدنيا تثلج طيب تمام ثلجت وتراكمت الثلوج والامور طيبه وكل شيء مش هي الثلوج بدها تذوب طيب اه صح طبعا او نحن بنحكي عنها بلغتنا بدها تذوب ولكن هي فعا تنصهر يعني تتحول من من ال من الثلج او من الجليد الصلب الى ماء سائل بحكي لك ليش؟ بانه اثناء انصهار هي ال الثلوج درجه الحراره بتصير بارده بشكل كثير كبير انا بقول لك ليش لانه لما الماده بدها تنصهر تتحول من صلب الى سائل فبالتالي شو اللي بده يصير بكل بساطه هي الماده عشان تتحول من صلب الى سائل شو اللي لازم تعمله؟ تمتصاقه ولا تبعث طاقه؟ طبعا رح تمتص طاقه ليش؟ لانه بكل بساطه لما بدها تنصهر هي بدها عشان كيف بدي اقول لك يعني عشان الماده الصلبه قوه تجاذب بيناتها كبيره فعشان نقدر نكسر قوه التجاذب هي وتصير بالحاله السائله بدها تمتص طاقه بدها تاخذ طاقه طيب هي الطاقه من وين بتجيبها؟ رح تمتصها من الوسط المحيط اللي هو مين؟ ال ال الجو اللي موجود حواليها فعشان هيك الهواء الملامس سطح الارض لما يفقد طاقته رح تنخفض حرارته فبالتالي بنلاحظ بانه ايش الحراره انخفضت فبالتالي نكتب له الجواب لان عمليه انصهار الجليد او الثلوج عمليه ماصه للطاقه لذلك فانه عندما ينصهر الجليد يمتص الحراره من وسط المحيط فتنخفض حراره الهواء بكل بساطه هذا هو الجواب طيب ب بيحكي لنا تستخدم الكماده البارده للمساعده في خفض درج على خفض درجه حراره الاطفال الذين يعانون من الحمى يعني اي طفل صغير حتى انسان كبير اذا حرارته بنحس بانها ارتفعت شو بنيجي بنعمل له؟ بنيجي بنعمل له كمامه بارده ايه قال كماده كمامه كماده كماده بارده هسا هي الكماده البارده شو المبدا منها؟ بكل بساطه بانه هي الكماده البارده التفاعل اللي بصير فيها عباره عن ايش؟ تفاعل ماص للطاقه طبعا ديروا بالكم ترى نحن ممكن في عننا نستخدم كماده بارده وكماده ساخنه فالكماده البارده تفاعلها شو ماله ماص للطاقه يعني هي بتمتص الطاقه فبتيجي بتاخذ الطاقه ها من وين؟ من الوسط المحيط. طيب مين هو الوسط المحيط؟ اللي هو جسم الطفل مش نحن بنحطها على جبينه او بنحطها على جسم الطفل فبالتالي رح تمتص هي الحراره منه فبالتالي بتنخفض درجه حراره الجسم بكل بساطه فاذا الجواب لان الكماده البارده تفاعلها لا هذا الحكي مش صح ماص للطاقه لذلك فهي تمتص طاقه من الوسط المحيط اللي هو بين قوسين الجسم والجسم اذا امتصت طاقته فبالتالي فتنخفض فتنخفض حراره ايش؟ الجسم عشان هيك نستخدمها عشان نبرد على ال اجسام الاطفال لما تكون حرارتهم شو مالها مرتفعه طيب عننا سؤال سبعه وهو اخر سؤال بحكي لك السؤال بكل بساطه ركز معي سؤال سهل بسيط والله العظيم بيقول لك اذا كان المحتوى الحراري للمواد الناتجه في تفاع من تفاعل ما 140 كيلو جول يعني مواد ناتجه يعني معطيك الاتش برودكت الاتش بي ار والتغير في المحتوى الحراري للتفاعل سالب 60 كيلو جول يعني معطيك هون ايش الدلتا اتش احسب المحتوى الحراري المواد المتفاعله يعني بده من الاتش رياكتنت بكل بساطه باجي بنزل له هالقانون اللي بنعرفه اللي هو دلتا اتش تساوي اتش بي ار ناقص اتش ار اي وتساوي يلا هو قديش معطيني الدلتا اتش سالب 60 بنزلها زي ما هي مع اشارتها تساوي الاتش برودكت اللي هي 140 ناقص الاتش رياكتنت اللي انا بدي اياها هسا بدي اطلع الاتش رياكتنت خلص باجي بطرح هون ناقص 140 ناقص 140 هي راحت مع هي فصفت عندي السالب اتش ار اي دير بالك خلي لي اياها زي ما هي تساوي -60 - 140 شو تساوي سالب2 ليش لانه سالب زائد سالب اي عفوا يعني -60 - 140 اه والله صح بتعرفوا انه الواحد مخه انسى الموضوع سالب 200 طيب انا هون شو في عندي في عندي سالب هون في عندي سالب هون هي راحت مع هي والسالب هذا بروح فبالتالي الاتش رياكتنت شو تساوي 200 كيلو جول فبالتالي هي الاجابه بكل بساطه طاقه المواد المتفاعله شيء طبيعي جدا بانها تكون اعلى ليش لانه بكل بساطه عشان تطلع دلتا اتش قيمه سالبه لازم تكون هي اعلى من طاقه المواد الناتجه فاكيد لازم تكون الطاقه شو مالها اعلى فبالتالي هي اجابات اسئله مراجعه الدرس زي ما شفتوا الحمد لله رب العالمين درس خفيف لطيف سهل وبسيط جدا الحمد لله هيك بنكون انه لكم اياه بكل تفاصيله وفي الحصه القادمه ان شاء الله تعالى رح نعطيكم الدرس الثاني رح نبلش فيه ونشرح لكم اياه وبعدها ان شاء الله تعالى على الدرس الثالث عشان ننهي مادتنا ونختم لكم اياها ان شاء الله تعالى في اسرع وفي اقرب وقت ممكن الله يعطيكم الف عافيه لا تنسونا من صالح دعائكم بتمنى لكم التوفيق دائما وابدا والسلام عليكم ورحمه الله وبركاته.