Writing a description of a place Written expression fourth grade Arabic language new curric

العربي ببساطة · ⏱ 3:30 · 1.5K مشاهدة · 3 months ago

النص الكامل للفيديو

اهلا بكم اصدقائي الطلاب معاكم ساره ياسين وهنتكلم النهارده عن نوع جديد من انواع التعبير الكتابي وهو كتابه وصف مكان هنتعرف اول حاجه يعني ايه كتابه وصف مكان هو عباره عن وصف مكان معين وصفا دقيقا من حيث شكله نظامه محتوياته بحيث ان القارئ يقدر يتخيل المكان ده وكانه بيراه فعلا يا ترى ايه هي عناصر وصف المكان؟ وصف المكان بيتكون من اربع عناصر. العنصر الاول كالعاده وهو العنوان والعنوان لابد ان يذكر فيه اسم المكان. النهارده احنا هنتكلم عن معمل العلوم. العنصر الثاني عندنا وهو المقدمه والمقدمه لابد ان تشتمل على تحديد المكان يعني نقول اسم المكان وكمان نذكر موقعه. زي مثلا ما اقول زرت معمل العلوم في المدرسه وهو يقع في الطابق الاول بجانب غرفه المدير يبقى انا قلت هنا موقع معمل العلوم ان هو في الطابق الاول العنصر الثالث والاكبر عندنا وهو الموضوع والموضوع بيشتمل على ثلاث اجزاء الجزء الاول عندنا وهو الشكل الخارجي والداخلي يعني هتكلم عن ايه في الشكل هتكلم عن الحجم اللون الجدران الارضيه الاضاءه وغيرها من الاشياء اللي بنصف بيها شكل المكان زي مثلا هنا قلت رايت من الخارج بابا ازرق عريضا عليه صوره مجهر كبير بما اننا طبعا بنتكلم عن معمل العلوم وعندما دخلت رايت جدرانا بيضاء وارضيه من السيراميك واضاءه ساطعه يبقى انا هنا اتكلمت عن الشكل الخارجي والشكل الداخلي رقم اثنين في الموضوع وهو النظام هتكلم في النظام عن ترتيبه نظافته وكمان تنظيمه فاكيد معمل العلوم هيكون نظيف ومنظم وكمان مرتب. الجزء الثالث والاخير عندنا وهو محتويات المكان يعني ايه اللي بيوجد داخل هذا المكان زي ايه؟ زي الاساس الادوات والمعروضات فاقدر اقول في معمل العلوم انه يحتوي على طاولات كبيره مجهزه بادوات التجارب ودواليب زجاجيه بها ادوات وانابيب اختبار. العنصر الرابع والاخير عندنا وهو الخاتمه والخاتمه بتشتمل على جزئين الجزء الاول وهو الانطباع او الشعور نحو المكان وبما اني في معمل العلوم فاكيد هكون بشعر بالحماس وانا داخل المعمل الجزء الثاني عندنا في الخاتمه وهو عباره عن امنيه او فائده انا استفدتها من زيارتي للمكان ده فمثلا هقول هنا اتمنى ان نذهب الى معمل العلوم في كل حصه علوم لاني اتعلم اشياء جديده في كل مره يبقى كمان مره كتابه وصف المكان بيشتمل على عنوان مقدمه الموضوع اللي هو الشكل والنظام والمحتويات واخيرا الخاتمه وطبعا ما ننساش التفاصيل الحسيه والتفاصيل المعنويه اللي احنا اعرفنا عليها في الفيديو السابق لو حابين تشوفوا الملخص الكتابي للفيديو ده تقدروا تدخلوا على صفحه الفيسبوك العربي ببساطه وهتلاقوا اللينك تحت الفيديو الى اللقاء فقط