كيف تُنظم وقتك مثل السلف الصالح ستتغير حياتك للأبد

بتحس ان يومك بيخلص بسرعه البرق من غير ما تنجز اي حاجه بتخطط للدراسه للعمل للعباده لكن بينتهي اليوم وانت لم تحقق شيء تقريبا من كل ده هل الموضوع صعب قوي كده ولا ممكن يكون العيب مش في التنفيذ ولكن في الجدول نفسه اللي انا بعمله النهارده انا جاي اقول لك ان الطريقه المثاليه لاداره الوقت موجوده من 1400 سنه الطريقه اللي هتخليك تنجز في يوم واحد اللي كنت بتنجزه في اسابيع بل في اشهر زي ما خلت بعض الائمه والسلف الصالح ينتج الاف الكتب والمجلدات اللي بيخلينا احيانا نقف نسال نفسنا الناس دي جابت وقت منين تدرس وتنتج كل الكتب والمجلدات دي مع بعض في الفيديو ده هنكتشف السر ونتعرف على الطريقه الاسلاميه في اداره الوقت او الجدول الاسلامي ليه هو الطريقه المثاليه وازاي هيسهل علينا اداره وقتنا وازاي نطبقه على يومنا باسهل ما يمكن انا محمد منير سرابست ولايف كوتش ودي سلسله وعي الصفوه من قناه شخبطه قبل ما تقعد تخمن خليني اقول لك على الخطا القاتل اللي معظمنا بيعمله وانا شخصيا كنت بقع فيه نجيب ورقه وقلم ونقعد نخطط اليوم انا هصحى من النوم الساعه 5س:00 الفجر اصلي الفجر العب رياضه الرياضه مهمه بعدين اذاكر لحد الساعه 12 الظهر بعد كده انا محتاج اروح الدروس او ان انا اخلص الشغل اللي ورايا ارجع من الدرس او الشغل اروح الجيم الرياضه مهمه على ما اوصل للمغرب اقرا ساعه كده او ساعتين او اخد لي درس لغه ولا حاجه لحد الساعه 10 وبعدين انام واصحى تاني يوم الساعه 5سه معظمنا لما يجي يعمل جدول لتنظيم الوقت بيكون فاكر ان ده الجدول المثالي لكن الحقيقه واللي معظمنا مر بيها اننا بنصحى من النوم الساعه 10 الصبح اول حاجه نمسك الهاتف على من فوق تكون الساعه بقت 11 ون30 نقوم نلحق نذاكر واحنا حاسين ان اليوم بيخلص ولازم اخلص المذاكره وانا اصلا فاقد للتركيز وبعدين اجري على الدرس الاقي عندي شعور بالتعب وجسمي مش قادر فاجل مشوار الجيم النهارده ارجع البيت الاقي طاقتي كلها خلصت اكل واكمل باقي اليوم يا اما قدام الشاشه او على الهاتف لحد ما الاقي فجاه الساعه بقت 12 بالليل او واحده مش ده اللي بيحصل؟ طيب لو انا لسه عامل الجدول ده هكون متحمس وهصحى فعلا الساعه 5س:00 الفجر واصلي الفجر وابدا اذاكر لحد الساعه 12 لو عملت كده فانت غالبا استنزفت كل طاقه اليوم بدري قوي وبالتالي ما فيش طاقه وحماس حقيقي لباقي انشطه اليوم اللي غالبا بيتحول لنفس الشكل السابق ذكره عارف يا صديقي المشكله الحقيقيه فين المشكله مش فيك على فكره المشكله في الجدول اللي انت عملته اداره الوقت عشان تكون صحيحه فمحتاجه معاها كمان اداره الطاقه والا هكمل اليوم ازاي وانا بلا طاقه او قوه اراده اما الجدول السابق ده فهو بيفتقد للواقعيه من ناحيه وبيفتقد كمان لتجديد الطاقه وهنا بقى يجي الحل اللي كان اجدادنا عايشين عليه نظام اداره الوقت الاسلامي ده نظام مش بيتقاس بالساعه لكنه بيتقاس بالصلاه الصلاه في النظام ده يا صديقي مش مجرد عبا عباده دي كمان نظام حياه متكامل هي اللي بتقسم يومك تعمل اعاده شحن لطاقتك الروحيه وقوه ارادتك وحتى طاقتك الجسمانيه ازاي الكلام ده بيحصل يلا بينا نتعرف عليه وايه الاختلاف فيه عن الجدول العادي في الجدول ده احنا يومنا كله بيدور حول الصلاه فوحده القياس هي الصلاه وليست الساعه اول حاجه صلاه الفجر هي الوحده الاولى بتاعتنا هنصحى قبل صلاه الفجر بمده كافيه للاستعداد للصلاه مش مهم الساعه كام لان صلاه الفر الفجر زي ما احنا عارفين بيختلف وقتها من يوم للثاني او من موسم للثاني على مدار السنه. اهم حاجه هنا ان بمجرد ما تسمع صوت المنبه ما تديش فرصه لعقلك يفكر هيصحى ولا يكسل تخرج من السرير فورا ودي نقطه مهمه جدا وطبعا عشان اقوم من النوم واكون نشيط فلازم اكون على الاقل واخد لي ثلاث دورات او اربع دورات نوم اللي هي الدوره الواحده بتكون 90 دقيقه وعشان اخد الكم ده من النوم فلازم اكون نايم بدري وده اللي هيحصل لما التزم بالنوم طبقا لنهايه الجدول ده ان شاء الله اللي هنعرفه بعد كده طيب انا صحيت من النوم اول حاجه محتاجها ان انقى فوق حاجه من اثنين يا شويه تمارين خفيفه تنشط الجسم وتخليه يخرج من حاله النوم يا دش بارد ويا سلام لو الاثنين مع بعض نوصل لصلاه الفجر هنا الموضوع مش مجرد بدايه وخلاص دي واقفه على باب ملك الملوك اطلب من الله يعينك على كل اللي ناوي تعمله في اليوم ده وانت على يقين ان بغير حول الله وقوته ليس لك لا حول ولا قوه على فعل اي شيء صلي الفجر وتوكل على الله واشحن روحك بالطاقه والحما ماس في الصلاه واستعن بالله الصلاه هتمدك بالطاقه اللي انت محتاجها عشان بعد كده تبدا باصعب مهمه في يومك المهمه اللي محتاجه منك اكبر مجهود واللي بانجازها هتزود ثقتك في نفسك واحساسك بالانجاز ممكن تكون شغل ممكن تكون دراسه ممكن تكون مذاكره ممكن تكون تعلم لغه ممكن يكون تاليف المهم انك تبدا باصعب مهمه في يومك طبقا لكل الدراسات العلميه الوقت ده بيكون فيه سحر من نوع خاص وزياده في معدلات النشاط البدني والذهني بشكل كبير جدا وروى ابو داوود والترمذي عن النبي صلى الله عليه وسلم انه قال: اللهم بارك لامتي في بكورها خد بالك يا صديقي مفهوم البركه مش زياده الوقت ولكن زياده المنتوج من نفس الوقت وعشان كده قبل ما تبدا اي مهمه قول دعاء بسيط جدا زي اللهم بارك لي في وقتي وجهدي هنشتغل المهمه الصعبه دي ولتكن المذاكره مثلا لحد الظهر لا طبعا انت لو عملت كده بدون فاصل او اعاده شحن هتخلص كل طاقتك الطاقه يا صديقي عندك زي بطاريه الهاتف بتقل بالاستهلاك لكن ممكن تتشحن الذكاء بقى هنا انك تشحن بطاريتك قبل ما يوصل مستوى الطاقه للصفر لانك لو فصلت يبقى خلاص باقي اليوم ضاع مننا عشان كده احنا مش هنستمر على المهمه الصعبه دي كل المده دي احنا هنستمر عليها فقط لحد صلاه الضحى لما نوصل لصلاه الضحى مستويات الطاقه هتكون قلت مننا نرجع للصلاه بس خلي بالك صلاه الخاشعه اللي بتفكرك ان الله قادر على كل شيء وانك تكون مطمئن وانت متوكل على الله عز وجل تفكرك ان انت مش مطلوب منك الا السعي مطلوب منك النتيجه لانها بيد الله عز وجل الصلاه اللي هتخليك ماشي بمبدا كلا ان معي ربي سيهدين هتبذل مجهود وانت سعيد وفي قمه الحماس وانت عارف ان مجهودك ده لن يضيع ومعك الله عز وجل وان الله لا يضيع اجر من احسن عملا الصلاه لو بقت بالشكل ده هتشحنك باليقين والثقه والحماس وكمان هتفك عضلات جسمك لان حركات الصلاه في حد ذاتها هي من اعظم التمارين الرياضيه على فكره يعني اخر احصائيه سمعتها بتتكلم عن السجود قد ايه هو مفيد جدا لان الوضعيه دي بتخلي الجسم يضخ كميه دم اكبر للمخ وبالتالي يستعيد نشاطه مره ثانيه ده غير فوائد كتيره على باقي عضلات الجسم الفتره دي هتبقى زي فتره استرخاء وهدوء بعد مجهود كبير تخليك ترجع للشغل وانت طاقتك في مستوى اعلى مما ما كنت عليه طبعا عشان ناخد كل الفوائد دي من الصلاه ما ينفعش تكون الصلاه بتاعتنا سريعه او مش خاشعه كلامنا هنا بيكون على الصلاه الخاشعه اللي بتملاك بالطاقه الروحيه اللي فيها اتصال مباشر فعلا مع الله عز وجل خالق هذا الكون الصلاه دي على فكره الوصول ليها مش سهل عشان كده على هامش الموضوع هرشح لك تشوف سلسله اسرار الخشوع والراحه النفسيه في الصلاه على قناه شخبطه السلسله دي كامله موجوده على القناه دلوقتي وممكن تشوفها من اول حلقه لاخر حلقه ولو بتحب القراءه ابشرح لك كمان كتاب فاتتني صلاه كتاب رائع جدا هيخليك تصلي بشكل مختلف عن الصلاه اللي انت طول عمرك بتصليها خلينا بقى نرجع لموضوعنا في مستويات الطاقه العاليه وكمان لو في بركه في الوقت والعمل من الله عز وجل الانتاج بيكون اكبر اضعاف مضاعفه من بذل نفس المجهود ولكن ومستويات الطاقه منخفضه عشان كده كل فتره ساعه او ساعه ونص شغل المهم تاخد خمس دقاق راحه تمرين تامل اعمل مشروب واشربه وفي هدوء المهم الدقاق دي تكون خاليه من الهاتف قاتل الوقت اللعين طيب صلينا الضحى واستعدنا الطاقه بتاعتنا وممكن تكون المهمه الاصعب بتاعتنا خلصت او ممكن لسه على افتراض انها خلصت هتبدا في المهمه الثانيه اللي برده صعوبتها كبيره وعلى افتراض انها ما خلصتش فهتكمل فيها لحد ما نوصل لصلاه الظهر طيب عدى كام ساعه وج معاد صلاه الظهر ده بقى هو وقت الراحه الكبير في وسط اليوم لاستعاده شحن البطاريه بالكامل هنبدا شحن البطاريه بتاعتنا بالشحنه الروحيه صلاه الظهر هنشكر الله عز وجل على التوفيق في ما مضى من اليوم ونحمده على نعمه اللي اداها لنا والتذكير بان الله عز وجل هو المعين وهو معك لو كنت اتظلمت او حصل لك مشكله على مدار الساعات اللي فاتت اللي هي في الطبيعي بتكون ساعات الشغل الصلاه في الوقت ده هترجعك لفكره الهدوء النفسي توكل على الله افتكر ان ربك هو القادر على كل شيء ادعو الله وانت متوكل عليه ولا تخاف احد الا هو سبحانه وتعالى فضفض وقول كل اللي نفسك فيه طيب صلينا صلاه الظهر المفروض ان مستويات الطاقه عندك اتحسنت نفسيا لكن الطاقه الجثمانيه هي كمان محتاجه راحه انت تقريبا كده بقىك حوالي سبع ساعات شغال هنا كان النبي عليه الصلاه والسلام بيصلي الظهر وياخد قيلوله قصيره وكان صلى الله عليه وسلم يقول قيلوا فان الشيطان لا يقيل صلاه الظهر هتشحنك روحيا ونفسيا والقيلوله هترجع لك طاقه جسمك مره ثانيه وهتلاقي نفسك بتبدا النص الثاني من اليوم وكانك استعدت كامل طاقتك وبتبدا يوم جديد هنا بقى ممكن تنتقل للمهمه الثالثه او الاقل صعوبه لحد ما توصل لصلاه العصر الجلسه النفسيه الثالثه على مدار اليوم انا شخصيا بشوفها كده الصراحه جلسه نفسيه فضفاضه مع الله عز وجل في كل حاجه دعاء ذكر حب شكوى خوف رغبه كل حاجه الصلاه بالنسبه لي اشبه بالجلسه النفسيه بتوريك الاشياء في حجمها الحقيقي حقيقي بتصحح عندك المفاهيم الخاطئه اللي اكتسبتها على مدار اليوم بتخليك تشوف نفسك بشكل افضل بتخليك عارف انك قوي جدا ووراك قوه ما حدش يقدر عليها في الدنيا قوه الله عز وجل بعد صلاه العصر وبعد ما اخدنا هدنا واستعدنا بعض من طاقتنا النفسيه والروحيه نرجع بقى لبعض الاعمال الخفيفه قراءه تامل اعمال يدويه تنظيف البيت حفظ قران كان بعض السلف الصالح بيخصص الوقت ده لزياره الاقارب او السؤال على الار ارحام او زياره مريض او قراءه القران والذكر نظم يومك على حسب شغلك على حسب المهام اللي وراك على حسب احتياجاتك بعد صلاه المغرب ده بقى وقت الهدوء ممكن تستغله للتامل تفكير سماع درس او بودكاست تخطيط اليوم اللي بعد كده ان شاء الله الفتره ما بين صلاه المغرب وصلاه العشاء هي فتره قصيره نسبيا فمش هنلحق نعمل فيها حاجات كتير ومحتاجين نكون فيها هاديين لاننا بنستعد ندخل في مرحله النوم واللي هندخلها ان شاء الله بعد صلاه العشاء بعد صلاه العشاء بيجي بقى وقت الراحه النوم بدري بيساعدك تصحى بدري وتستعد صلاه الفجر بكل نشاط وحيويه لكن قبل ما تنام ما تنساش اكتب ثلاث حاجات كويسه عملتها في يومك ده بيساعدك على شكر ربنا وتهيئه نفسك ليوم جديد احسن بكتير طبعا احنا هنا بنتكلم في العموم اكيد ما فيش يوم هيمشي بالشكل المثالي ده وحتى لو كان عملي لمده يوم فاكيد مش هيبقى كل يوم لكن اللي احنا بنقوله ده هو مجرد نموذج استرشادي فقط لنظام اداره وقت مميز جدا لكن نظامك الخاص لازم تعمله بنفسك بعد ما اخدت بالك من كل النقط اللي احنا قلناها قبل كده دي تبدا تكتب انت نظامك الخاص هات ورقه فاضيه وقلم واكتب فيها كل الصلوات الخامسه وابدا وزع المهام بتاعتك حوالين مواعيد الصلاه بنفس الطريقه حدد المهام اللي بتحتاج مجهود كبير وخليها في وقت الطاقه العاليه بعد صلاه الفجر تحديدا وبعد القيلوله اما المهام الاقل صعوبه فممكن تخليها مثلا بعد صلاه الضحى وبعد صلاه العصر وبالطريقه دي كمل مع باقي الصلوات بس قبل ما اختم الفيديو ده عارف ان العلم الحديث بيقول ان المخ بتاعنا بيشتغل احسن لما يكون عنده محطات ثابته الصلوات الخمسه دي تعتبر اشارات طبيعيه للمخ بتقول له امتى يبدا يشتغل وامتى يرتاح وده بيزود التركيز والانتاجيه بشكل كبير جدا عشان كده صلاه الفجر مش مجرد بدايه روحانيه دي كمان بتضبط الساعه البيولوجيه بتاعه جسمك تخيل انك بتعمل تحديث او ريسيت لجسمك كل يوم مع اول ضوء وده بيخليك اكثر نشاطا وتركيزا طول اليوم على المدى البعيد يمكن الاثر ده ما تحسوش من اول اسبوع لانك لسه هتكون بتواجه صعوبه تغيير الساعه البيولوجيه ولكن مع ثاني اسبوع هتبدا تحس الاثر ده على جسمك هتبدا تلاقي نفسك بتصحى من النوم عندك طاقه نشاط غير طبيعيه ومش بس نشاط الجسم ولكن نشاط العقل وصفاء الذهن ونقاء الروح النقطه الجميله في النظام ده انه مش قاسي هو بيفهم ان الحياه فيها تحديات لو فاتت منك مهمه بعد الفجر مش معناها ان اليوم كله خلاص راح صلاه الظهر جايه عشان تدي فرصه جديده زي زر اعاده التشغيل ليومك لو ضاع منك الصلاه اللي جايه بتفكرك ان لسه في فرصه ترجع للتركيز الفكره مش في انك تكون مثالي الفكره انك تكون مرن الصلاه بتعلمك المرونه بتقدر تصلي في اي مكان وفي اي وقت من اوقاتها ده بيعلمك ان التخطيط مهم بس الاهم منه هو القدره على التاقلم والاستمرار عشان تبدا صح جرب تعمل جدول بسيط على ورقه في العمود الاول تكتب اوقات الصلوات وفي العمود الثاني تكتب اهم مهمه لكل وقت ده هيخ يخلي الخطه واضحه وسهله التنفيذ وان كان اهم فايده في النظام ده يمكن ما تكونش واضحه من الاول وهي الراحه النفسيه الغير طبيعيه اللي هتحس بيها السكينه بعض السلف الصالح كان يقول تقريبا الامام ابراهيم بن الادهم لو علم الملوك ما نحن فيه لجادلو عليه بالسيوف والحقيقه ان موضوع السكينه ده مش هينفع حد يشرحه لك لازم انت تجربه بنفسك في عالم مليان ضغط وتشتت الصلاه بتعتبر فاصل اجباري عن كل دوشه الدنيا في الخمس دقاق دول انت بتسيب كل حاجه وبتتواصل مع ربنا ده بيعلمك الوعي اللحظي او انك تعيش في الحاضر فقط اللي بنسميه في علم النفس المايند فولنس انك تعيش في اللحظه اللي انت فيها وتنسى قلق المستقبل او ندم الماضي جرب وانت بتصلي انك تطلب من ربنا بقلب خالص انه يقويك على تحديات يومك الدعاء ده هيفرق معاك جدا الصلاه كمان بتعلمك الامتنان كل مره بتصلي فيها بتشكر ربنا على النعم ودي حاجه مهمه جدا بتغير طريقه تفكيرك من الشكوى والضغط اللي بيكون نتيجته طبعا مشاكل كتيره الى القناعه والرضا كمان الصلاه بتفكرك تجدد ان هي من كل عمل بتعمله على مدار اليوم لما يكون تخطيطك لكل عمل بعد كل صلاه فده بيخليك اثناء الصلاه تدعي ربنا يعينك على العمل ده وتجدد نيتك ان تكون نيتك من العمل ده خالصه لوجه الله عز وجل وان كان فيها حتى مكاسب في الدنيا تخيل ان بالنيه ممكن كل يومك يكون عباره عن عباده لله عز وجل سواء كان ده شغلك الاساسي او مذاكرتك او حتى اهتمامك ببيتك لما بتكون النيه لله كل لحظه في يومك بتتحول لعباده النظام ده كمان مش بس ليك لوحدك ده ليه اثر ايجابي على اللي حواليك لما بتنظم يومك بالصلاه بتلاقي عندك وقت اكث للعيله والاصحاب وده بيخلي علاقتك اقوى واكث بركه يمكن كل الكلام ده يبدو كبير وكتير بس الحقيقه ان كل حاجه كبيره بتبدا بخطوه خلي خطوتك الاولى يا صديقي بسيطه جدا ابدا بصلاه واحده مش لازم تغير غير كل حاجه مره واحده بس جرب تبدا بصلاه الفجر وتلتزم بالمده اللي بعد صلاه الفجر وشوف ازاي اليوم ده هيكون مختلف الخطوه الصغيره دي هي مفتاحك لكل البركه اللي اتكلمنا عنها في الاخر الموضوع ده مش بس عشان تنجز اكت الموضوع عشان ترتاح اكت عشان تحس ان حياتك ليها معنى وهدف وانك مش مجرد عمال تجري ورا الساعه لما بتحط ربنا في اولوياتك ربنا بيحط لك البركه في وقتك وحياتك عشان كده ده مش بس نظام لاداره الوقت او نظام لزياده الانتاجيه ده نظام بيخليك تعيش حياتك بسلام داخلي وهدوء لا يوصف. ما تنساش يا صديقي دلوقتي هات ورقه فاضيه واكتب فيها كل الصلوات الخمسه وابدا في وضع المهام بتاعتك حوالين مواعيد الصلاه وارجع لنا بعد اسبوع وقول لنا ايه اللي حصل في حياتك. شكرا جدا على المشاهده كنت معاكم محمد منير سرابست ولايف كوتش ودي سلسله وعي الصفوه من قناه شخبطه. دمتم بخير ونراكم على خير ان شاء الله.