كيف تكون من اصحاب حسن الخلق و حلقة جديدة مع الداعية حسني

من اكبر الخسائر اللي ممكن يتعرض لها انسان ان ربنا يكون خالق فيك صفه هو بيحبها فتتعامل مع انسان ما فيهوش الصفه دي فهو اللي يسلبك صفتك الجميله والمنحه الربانيه مش انت اللي تاثر عليه هو اللي يخسرك اخلاقك مع ان المفروض العلماء بيعلمونا ان الانسان بيكتسب حسن الخلق من رؤيه المثل والضد يعني رؤيه الكريم والبخيل تعلمك الكرم فمن الكريم تقتبس وتتشبه ومن البخيل تتعظ وتنفر وتتجنب وخد بالك القابض على دينك القابض على الجمر والدين هو الخلق فاخلاقك هي اغلى حاجه عندك المفروض تعافر عشان تحافظ عليها في مواجهه الاساءات اللي موجوده في المجتمع وربنا سبحانه وتعالى علمنا ان دي صفه الرحمن انه ثابت لا يتغير في صفاته الحميده مع الكويس واللي مش كويس والصالحين يتخلقون بهذه الصفه ان هم مش بيخسروا اخلاقهم على طول مع الناس الوحشه شوف ربنا في القران يقول ويدرؤون بالحسنه السيئه اولئك لهم عقبه الدار يعني الجنه هو مش بيواجه الخباثه بالمكر والكيد والكذب والخيانه انا بتعامل مع واحد خبيث لازم انا كمان ابقى كذاب قال لك لا هو يواجه الخباثه بالجد والاجتهاد وتامين النفس عشان يحمي نفسه من الاخلاق الخبيثه كانه حصنه في الحفاظ على اخلاقه هي اخلاقه هي ثروته اللي بيها هيقعد جنب سيدنا رسول الله صلى الله عليه وسلم اللي قال اقربكم مني مجلسا يوم القيامه احاسنكم اخلاقك مش هيخلي الخاين يسلب منه امانته لان الرسول وصاب كده قال ادي الامانه لمن ائتمنك ولا تخن من خانك اوعى الخائن يخليك خائن مش بس كده ده ما بيسمحش الاحداث الحياه انها تخسره اخلاقه ودي وصيه الرسول عليه الصلاه والسلام اللي قال واهله جنه ثلاثه ذو سلطان مقسط متصدق موفق صاحب السلطان ممكن سلطان يخليه ظالم لكن لما ما يسمحش للسلطان يكون اقوى من اخلاقه ويبقى مبسط يعني عادل متصدق موفق يبقى ما خسرش ورجل رحيم القلب لكل ذي قربه ومسلم هو مع الكل رحيم القلب مش غليظ مع الغليظ ورحيم مع الرحيم هو رحيم القلب لكل ذي قربه ومسلم فالاشخاص والاحداث لا يس منه الرحمه والتالت عفيف متعفف ذو عيال يعني شخص فقير وعنده عيال بيصرف عليهم لكن فقره الشخص ده ما سمحلوش ان الفقر يسلب منه العفه يعني الايد الشريفه التي لا تسرق وبكده بقوا اهل الجنه واحنا يا جماعه في الزمن ده زمن قله عباده لكن العبادات قليله يحافظ على اخلاقه ما يسمحش ابدا حد يسلبوا اخلاقه ليه لان سيدنا رسول الله صلى الله عليه وسلم قال ان المؤمن ليدرك بحسن خلقه درجه الصائم القائم الصائم لما بيفطرش والقايم اللي مش بينام اللي عنده حسن خلقه مش بيسمح لا للاشخاص ولا للاحداث انها تسلبه حسن الخلق ده هيجي يوم القيامه مع كبار العباد وده حلمنا كلنا فاللهم انا نعوذ بك من زوال الاخلاق ونعوذ بك من النفاق والشقاق بلطف منك ورحمه يا رب العالمين احد الشخصيات الامريكيه المشهوره واللي ترك بصمه في ذاكره الامريكان هو روبرت ماكنمار ده وزير الدفاع الامريكي في اكثر اوقات الامريكان الحرجه وقت حرب فيتنام بيقول حكمه بيقول العقول مثل القلوب تذهب حيث يتم تقديرها انت بتحب تتواجد في المكان اللي تشعر فيه انك متقدر افتكرت الحديث جبلت القلوب على حب من احسن اليها اكثر مكان يحب يتواجد فيه الانسان لما يشعر بكرامته واصحاب الكرامه دايما بينسحبوا من العلاقات او الاماكن اللي مش بيشعروا فيها بالتقدير وعلى فكره بالتقدير تقدر تقيس قوه او هشاشه اي علاقه على حسب حجم التقدير والاهتمام المتبادل بين الطرفين اللي بيحترم قراراتك ويقدر اراءك ويسمع وجهات نظرك ويقدر جهدك المبذول ده تحبه وتدي له عينيك وانت لو عايز تستثمر في اي علاقه وتنميها وتعلق قلب اي حد بيك قدره وحسسه انه ليه مقام عندك السيده ربيع بنت معوض بن عفراء بتقول اهديت الى رسول الله صلى الله عليه وسلم طبقا من زغب الزغب يعني زي الخيار كده اهديت الى رسول الله صلى الله عليه وسلم طبقا من زغب فاعطاني ملء كفه ذهبا ادته خضار رجع لها قديمه مليانه بالدهب شوف التقدير اللي صدر من رسول الله لها عليه الصلاه والسلام وكان اذا جلس مع اصحابه يوزع نظره عليهم حتى يظن الجميع انه احب الناس الى رسول الله الكل يطلع فاكر من كتر ما النبي بصله وقدره النبي بيحبني اكتر واحد وكان يبقى ماشي في سفريه وهو صلى الله عليه وسلم التاجر العظيم الناجح النبي صلى الله عليه وسلم ويبدل مع العبد العبد ده كان بيهان ايام مكه ايام قريش لكن سيدنا النبي صلى الله عليه وسلم يركب شويه والعبد يمشي وبعدين يركب العبد شويه والنبي يمشي صلى الله عليه وسلم ويلف على النساء الفقراء الارامل علشان ياخد منهم الثوب بتاعهم المقطع يخيط لهم لبسهم صلى الله عليه وسلم مهتم بالجميع ومقدر الجميع علشان كده اللي شافه وعاش معه واللي بس سمع عنه الكل بيموت في النبي عليه الصلاه والسلام عشان كده من كنوز الكلام والمعامله اللي بتقدر بها اللي قدامك فيحبك تلات كلمات سموها التلات كلمات النادره اسف ومن فضلك وشكرا اسف معناها يعني زعلتك غاليه انا اسف ما تزعلش مني ومن فضلك معناها يعني اي حاجه هتعملها ده تكرما منك فمن فضلك اعملها لي وشكرا معناها انا مقدر مجهودك ومساعدتك الثلاث كلمات نادره دول بيكبروا الخاطر وما عبد الله بشيء مثل جبر الخواطر والعلاقه اللي انت بتشعر فيها بالتقدير والكيان الحقيقي على الحقيقه هي علاقتك مع الله ربنا بيعلم العباد هو ازاي بيقدرهم عشان هم يقدروا بعض فيتخلقوا باخلاق الله رب مستغني عظيم يضحك للعباد من بعض الاعمال الصالحه رب عظيم السماوات والارض يباهي بهم الملائكه لما يعملوا بعض الاشياء الصالحه والنافعه لنفسهم ينزل اليهم هو علشان يدعوهم للرجوع اليه والتوبه من يستغفرني فاغفر له ولو تبطل ربنا يفرح بتوبه احدنا سبحانه وتعالى وينادي علينا في اليوم خمس مرات وهو المستغني عنا لكن هو اللي بيدعونا للقاء حي على الصلاه حي على الفلاح ما اجملك يا الله في تقديرك للناس يا ريت نتعلم من الله ازاي بيقدرنا سبحانه وتعالى تذهب العقول والقلوب حيث تشعر بالتقدير فاللهم يا قادر يا قادر اجعلنا ممن تواضع وجبر الخواطر لا شك ان كل عصر وليه فتنه مشهوره وكل ما الانسان حمى نفسه من فتنه هذا العصر احتراما لله واحترام لنفسه كلما ارتفع مقامه وزاد اجره عند ربنا سبحانه وتعالى دنيا واخره ومش محتاجه اجتهاد انك تلاحظ في هذه العصور حجم الانفتاح في علاقات الرجال بالنساء والولاد بالبنات وزياده العري من جانب بعض النساء وزياده الجراه وعدم احترام كيان المراه وحيائها من جانب بعض الرجال وكل ده مع وفره وسهوله الغلط عمل حاله من الفتنه المتعفف عنها بطل وفي شيء عند الرجاله اسمه المروءه والمروءه هي حاله من الجديه ورفض الدنو في الاخلاق والتصرفات الخسيسه اللي بتخلي الانسان يرفض انه يستقوي على المراه جسديا فيتحرش بيها او يبص لها بصه شهوانيه جنسيه او يستغل احتياجها للعطف والحب فيضحك عليها عنتر بن شداد كان في الجاهليه قبل الاسلام بس كان راجل فكان يقول في الشعر واغضوا الطرف عن جارتي حتى يواري جارتي ماواها يعني عنتر بن شداد واقف في منطقه كده والست طالعه من خيمه الخيمه فيبص في الارض مع انه كان قوي ولو عاكس ما حدش يعرف يتكلم معه لكنه كان قوي رجل عنده مروءه فكان يحط راسه في الارض كده لغايه ما الست تخش الخيمه التانيه ما يسمحش لنفسه كرجل انه يبص على الست وده اللي سماه سيدنا رسول الله خلق من اجل اخلاق الاسلام اسمه العفاف وكان سيدنا رسول الله بيعلمنا يوميا تدعي الدعوه دي اللهم اني اسالك الهدى والتقى والعفاف والغنى بص حط العفاف فين الهدايه الى الله وتقوى الله والعفه امام نظر الله والغنى عن كل شيء لاني مستغني بالله سبحانه وتعالى وحقيقه العفه هي عدم الانقياد لاله لا يرحم اسم الشهوه فالراجل شخصيته اقوى من شهوته واحترامه لنفسه واحترامه للنظر الله اقوى من هذه الشهوه المركبه عشان يستمتع بها في الحلال عشان كده رب العالمين طلب مننا في ايه في غايه الرقه بسم الله الرحمن الرحيم وليستعفف يعني ليبحث عن العفاف وليستعفف الذين لا يجدون نكاحا حتى يغنيهم الله من فضله اللي لسه متجوزش يحافظ على عفافه كرجل لغايه ما ربنا سبحانه وتعالى يغنيه من فضله واللي هيعيش باحث عن عفه نفسه ما عندوش دناءه في النظره الجنسيه الجسديه لست لا تحل له ليه مقام كبير في الدنيا والاخره يعني مثلا اسمع لهذا الحديث ثلاثه يتحدثون في ظل العرش امنين والناس في الحساب تخيل المشهد الناس بتتحاسب وفي تلات اصناف بيدردشوا مع بعض في ظل عرش ربنا رجل لم تاخذه في الله لو متلائم ورجل لم يمد يديه الى ما لا يحل له يعني كان بيكسب من حلال مش من حرام ورجل لم ينظر الى ما حرم الله عليه والشخص اللي بيجتهد علشان يفتح بيت ويتجوز مش بس في الاخره مقامه عالي ده كبير وبطل عند ربنا سبحانه وتعالى وهنيئا لك العون من الملك قال صلى الله عليه وسلم فيما رواه الامام النسائي عن ابي هريره ثلاثه حق على الله عونهم المجاهد في سبيل الله ماشي والمكاتب يريد الاداء اللي عليه دين ونفسه انه يسدده وبيجتهد ماشي والناجح يريد العفاف الشاب الراجل اللي عنده مروءه اللي نفسه يقرب من بنت بيحبها لكن مش عايز يقرب في الحرام فبيجتهد ويفحت في الصخره عشان يحوش المهر والشبكه والشقه والاشياء الصعبه بتاعه الجواز بتاعه اليومين دول اهو اللي بيحاول ده الله يعينه وياما شباب كتير شافها علشان نيته العفاف مش الاشياء التانيه اللي ربنا ما يرضاش عنها هتعمل ايه في الزمن اللي احنا فيه اوصيك بكثره لا اله الا الله الضعيف جسديا اعزكم الله وجنسيا قدام شهوات الدنيا يكثر من لا اله الا الله اللي النبي قال عليها جددوا ايمانكم بلا اله الا الله قوي قلبك قدام الفتن والحاجه التانيه اشغل فترات الوحده اللي بتدفعك للاباحيه اللي موجوده في الانترنت وفي التلفزيون وفي حتت كتير اشغل الفترات الوحده بالرياضه او بالذكر او تاخذ كورسات اشتغل ما تقعدش لوحدك اخرتك ودنيتك اغلى عليك من اي حاجه فما تقعدش لوحدك كتير رقم تلاته قطع العلاقات الدافعه للخطا مفيش حد يستاهل تخش عشان النار نار الدنيا بالبعد عن ربنا اول عياذ بالله نار الاخره اللي مش راضي باحترامك مش هينفعك ولا دنيا ولا اخره ولا مش راضي عن رجولتك وضبطك لنفسك في سنين الفتنه انت كشاب او في ازمنه الفتنه اللي احنا فيها صدقني انت اغلى على نفسك من كده ابعد ودور على اللي يحترم حتى لو بيغلط بيحترم ارادتك اللهم انا نسالك الهدى والتقى والعفافه والغنى ادعيه سيدنا رسول الله عليه الصلاه والسلام كانت وحي يعني في كل موقف كان بيدعو دعاء يناسب هذا الموقف وده وحي من ربنا سبحانه وتعالى لما كان بيتعزم على الجواز صلى الله عليه وسلم كان بيقول بارك الله لكما وبارك عليكما وجمع بينكما في خير الدعوه دي مناسبه جدا لكل بيت جديد بيتفتح والكل بيت عايز يستمر فيه الحب والرزق والخير البركه الربانيه هي سر الهي في الارزاق يجعلك تنتفع بكل شيء والقليل يبقى كتير والبركه في الجواز هو سر بقاء الحب فلو ربنا مبارك في البيت كلمه الاعتذار هتدوب اصعب مشكله وبكلمه بحبك او بحبك هتستغنى بشريك حياتك عن الدنيا كلها والقرش هيكفي ويزيد كمان وده معنى البركه كان سيدنا رسول الله عليه الصلاه والسلام بيدعي للمتجوزين ان هم ينتفعوا ببعض وتكون الجوازه دي سر السعاده مش من يوم ما اتجوزوا والهم دخل حياتهم وكانوا سبب في شقاء بعض طيب والبركه للنبي دعا بها بارك الله لكما وبارك عليكما وجمع بينكما في خير بتيجي ازاي في البيوت قالوا تيجي من مراعاه الحقوق لان ربنا خلق السماوات والارض بالحق وتدوم كل بنايه ما دام الحق والعلاقه بنايه محتاجين انها تدوم بدوام الحق اللي ما بينا يعني كل واحد في الشريكين يعمل اللي عليه قبل ما يسال على اللي ليه واستنى ما حدش يتسرع في الراجل او الست ويقول انا قايد صوابع العشره شمع استنى الحب زي العطر اللي بيرشه هو اول واحد بيشمه عشان كده اللي قاعد مستني ان اللي قدامه يعمل عمل كويس ليه ومش عايز يبدا الا كرد فعل لازم يعرف انه ما عملش وصيه ربنا ادفع بالتي هي احسن السيئه نحن اعلم بما يصفون ربنا قال كده ربنا قال بادر بالاحسان وربنا مش محتاج تحكي له شريكك التاني يستاهل ولا ما يستاهلش نحن اعلم بما يصفون ابدا برضو بالاحسان هو عالم باللي بيحصل وقال لك ابدا بالاحسان وانا قلبي شريكك عليا هخليه في ايديك بس ابدا بالاحسان وفي افعال بتستجلب البركه في الحب وبتحافظ على جمال البيت وهي من الحقوق قالوا تلات حاجات قالوا لطف الكلام واداء الواجبات والتغافل وابدا بيها ما تستناش اللي قدامك يعملها لطفي الكلام اداء الواجبات التغافل لطف الكلام سيدنا رسول الله بيته كان شيك قوي في الكلام اللي فيه وهو السيده عائشه مختلفه معاه كان يقول لها انا اعلم متى تكوني عني راضيه ومتى تكوني علي غضب تقول له انت يقول لها لما تكوني زعلانه مني تقولي لا وربي ابراهيم ولما تكوني راضيه عني تقولي لا ورب محمد فترد عليه هي كمان بكلام راقي في لطف تقول له والله ما اهجر الا اسمك شايف شياكه الكلام وهم متضايقين من بعض جربها كده في وسط خناقه او خصام وشوف اثرها اصل كلام ربنا واحنا مصدقينه جربي وانت بتتخانقي كده معه تقولي له عشان انا بحبك بتعمل فيا كده حط بس كلمه بحبك الكلمه الطيبه سيدنا رسول الله قال انها بتسد ابواب النار في الاخره فاكيد هتطفئ نيران الخصام في الدنيا لانك لما تتلطف بالكلام بينزل لطف الله سبحانه وتعالى فلطف الكلام من الحقوق اللي بتنزل بسببها البركه تاني فعل بعد لطف الكلام المبادره لاداء الواجبات ده ثاني فعل يستجلب بركه ربنا في البيت حرام يا جماعه تخلي الشريك الحياه يناهد ويتعب في طلب اساسيات هي من واجباتك تجاهه ده حقه يعني سيدنا رسول الله كان يخش البيت ما يستناش حد يقول له ساعد كان يساعد صلى الله عليه واله وسلم ورب بناته على كده لدرجه ان سيدنا عليه يقول كانت فاطمه تطحن الدقيق حتى خشنت يداها شايله البيت علشان انت كراجل لو عملت اللي عليك من واجبات لما تيجي على ذهن حبيبتك تفتكر ان انت المسانده والدعم انت غالي عليها وانت لما تيجي على باله يقول دي شيلاني من غيرها ولا سوى اي حاجه باداء الواجبات بتنزل البركه الفعل الثالث اللي بيستجلب البركه بعد لطف الكلام واداء الواجبات التغافل على فكره ده فن من الفنون انك انت تبقى عارف اولا ان ربنا مش بيمسك لنا على الوحده ودي دعوه الشيخ الشعراوي اللهم عاملنا بالاحسان لا بالميزان ودايما ربنا بيعمل معنا كده فكونوا ربانيين البيوت التعيسه اللي مش بنفوت فيها البعض ولازم اكسب في كل خناقه ولازم ارد على كل كلمه ولازم انتصر في كل نقاش محدش ما حدش بيتغافل دي بيوت مش ربانيه منزوعه البركه مشتعله دايما بالخناقات وعلى فكره الكبير وده بيته سعيد اللي بيقدر على الحقيقه يتغافل ويفوت ساعات واللي قدامك بياخد باله انك فوت عشان المركب تمشي انت بتتعامل باخلاق الله وتاكد لو انت كنت لطيف في الكلام او انت واديت الحقوق وتغافلت عشان المركب تمشي انت بتعمل اللي ربنا قال لك عليه وساعتها ربنا هيتولاك لانه قال على نفسه وهو يتولى الصالحين وهيخلي قلبي شريك الحياه مليان بركه وهتحس بطفره في الحب حتى لو عدى سنين من الجفاء فاللهم افض علينا بالبركه في بيوتنا واحفظ اللهم الود بيننا وبين احبابنا ربنا اراد لاي مجتمع سواء كان مجموعه اصدقاء او عيله او زوجين او شركه ان المجتمع ده يقوم على الحب قال صلى الله عليه وسلم لن تدخلوا الجنه حتى تؤمنوا ولن تؤمنوا حتى تحابوا اولا ادلكم على شيء اذا فعلتموه تحاببتم افشوا السلام بينكم واحفظ القاعده دي كل معصيه اخلاقيه مفرقه بين الاحبه ومعكره لجو السلام في العلاقات هي من الكبائر وعلى راس هذه المعاصي الاخلاقيه النميمه والنميمه غير الغيبه الغيبه ان انا اقول عليك كلام في ظهرك يضايقك ذكرك اخاك بما يكره ودي غلطه كبيره اما النميمه ان حد ينقل لك الكلام ده النميمه هي نقل الكلام المفسد بين الاحبه بين المجالس وده النميمه يعني ليه دافعين مشهورين جدا اول دافع بيخلينا ننم على بعض يعني ننقل الكلام اللي بيزعلنا من بعض بين المجالس هو الوقيعه المقصوده ان انا عايز اوقع بين اتنين فبقول له بيقول عليك وده سماه رسول الله عليه الصلاه والسلام شرار الامه قال صلى الله عليه وسلم ان خيار عباد الله من هذه الامه الذين اذا راوا ذكر الله تعالى وان شرار عباد الله من هذه الامه المشاؤون بالنميمه المفرقون بين الاحبه بص المشؤون يعني في مجلس اتقال فيه كلام سلبي على حد حد هيمشي ينقل له الكلام ده ده معنى النميمه عند العلماء السبب التاني بعد الوقيعه المقصوده سبب اظهار الموده والخوف عليك قال يعني انا صاحبك بقى ولما حد يتكلم عليك اتضايقت قوي انا من رجالتك بنقل لك الكلام اهو حسن البصري قال في المشهد ده كده قال من نم اليك نم عليك يعني اللي بينقل لك الكلام السلبي اللي بيتقال عليك هينقل الكلام السلبي اللي بيتقل منك لغيرك لان اللي عايز يكسب قلبك يخدمك مش الا كلام سلبي يزعلك من الناس وهنا كانت وصيه ربنا واضحه ولا تطع كل حلاف مهين همازن مشائم بنميم مناع للخير معتد اثيم مناع للمحبه بين الخلق وده اعتداء واسم اما الوصيه من سيدنا رسول الله صلى الله عليه واله وسلم فكانت في سوره تحذير من مفسدين العلاقات بسبب النميمه وقبل ما اقول لك التحذير انا بعنيا شفت اخوات بيتفرقوا بسبب ان في اخ منهم بيتبرع بالتحذير من كلام قاله اخ على اخ عشان يكسب ود الجميع يعني مع شويه تحابيش من الاستغراب والتعجب ازاي يقول عليك كده والتحابيش دي بتغر الصدور وتفسد تاريخ المحبه قال صلى الله عليه وسلم الا امبئكم ما العضه العض عن الخطا الفاحش قيل ماذا يا رسول الله قال النميمه القاله بين الناس عمال اقول اقول بين الناس وانقل الكلام السلبي ويعدي النبي عليه الصلاه والسلام على قبرين وربنا يشهدوا الغيب اللي جوه القابرين دول فيقول انهما لا يعذبان وما يعذبان في كبير بلى انه كبير يعني هم ما كانوش شايفينها اخطاء كبيره بس هي اخطاء كبيره عند ربنا اما احدهما فكان يمشي بين الناس بالنميمه النميمه دي كانت سبب في عذاب الاحبه وخراب البيوت وتفريق الناس اللي بينها تاريخ جميل فزي ما هو كان سبب في خراب البيوت استوجب ده عذاب في الاخره الا من رحم الله فالموضوع كبير نقل الكلام السلبي المفسد الاحبه بين المجالس مع ان الشريعه جت بعكس النميمه ربنا سبحانه وتعالى في القران بيقول لا خير في كثير من نجواهم من كلامهم يعني الا من امر بصدقه او معروف او اصلاح بين الناس فاحنا مامورين بنقل الكلام الايجابي مش الكلام السلبي بين المجالس اذا لو انت بيسموه المصريين ودني لو انت بتدي ودنك لو سمحت ما تديش ودنك ودنك دي تتحكم في قلبك مباشره هي وعنيك اي كلمه سلبيه هتسمح لحد ينقلها لك اعمل حسابك انها يقينا هتغير قلبك الا من رحم الله فلو سمحت لا تسمح لاحد ان ينقل لك كلام سلبي اتقال عليك وارفض وقوله لو سمحت انت كده بتعمل كبيره في حق نفسك من اكبر الكبائر وبتؤذي قلبي وتفرق بين الاحبه فاللي بيسمع ما يديش ودنه واللي بينقل عايز اقول لك حذاري حذاري لان ربك سبحانه وتعالى لو عايز تكسب ود الناس بنقل الكلام السلبي قال يعني بتخدمهم يعني ربنا ما بيحبش النميمه وقال عليها من الكبائر حذاري على مقامك في نفوس الناس اللي انت بتدور عليه وحذاري على اخرتك اللي سيدنا رسول الله في البخاري ومسلم حذر من السؤال الشديد في الاخره بسبب افساد المحبه بسبب النميمه فاللهم طهر السنتنا من النميمه وحلي انفسنا بالاخلاق الكريمه بسم الله الرحمن الرحيم الذين تتوفاهم الملائكه طيبين يقولون سلام عليكم ادخلوا الجنه بما كنتم تعملون حلم كبير ان الملايكه في لحظه وفاه اي حد فينا تدخل عليه وتقول له سلام عليكم انت كنت انسان طيب احنا بنبشرك بجنات الرحمن وربنا راض غير غضبان ده بيسموه العلماء حسن الخاتمه ومن اشهر اسباب حسن الخاتمه معنى ربنا ذكره في القران عشرات المرات وهو الهدف من العباده المعنى ده اسمه التقوى يا ايها الناس اعبدوا ربكم الذي خلقكم والذين من قبلكم لعلكم تتقون يعني يتقي يتقي يعني يحمي يتقي الله يعني يحمي علاقته مع الله كشان اي شيء غالي في حياه الانسان بيحرص على حمايته مش يهمله ومن تعريفات التقوى المتناسبه جدا مع بشريه الانسان التقوى هي المحاوله الدائمه لفعل المامور والتوبه الدائمه من فعل المحظور المحظور يعني الممنوع من الله لو دايما بتحاول تنفذ امر ربنا ودايما بتحاول تتوب من اي شيء ربنا نهاك عنه يبقى انت دايما بتحاول تتقي الله كانك بتقول لربنا يا رب انت امرك ونهيك لي وزن عندي انا مش مهمل في علاقتي معك انا بحاول اتقيك انا مش عايز يا رب اكون سبب في فساد علاقتي معاك لانك انت بتحبني وانا كريم عليك وانا فهمت كده يا رب من الايه اللي انت قلتها ولقد كرمنا بني ادم انا غالي عليك فانا هحاول احمل العلاقه دي عشان كده الحفاظ على العلاقه مع الله كانت وصيه الله لجميع البشريه حافظوا على علاقتي معكم انا بحبكم بسم الله الرحمن الرحيم ولله ما في السماوات وما في الارض ولقد وصينا الذين اوتوا الكتاب من قبلكم واياكم ان اتقوا الله وكانها وصيه للعالمين بحبكم ما تكونوش انتم سبب في فساد العلاقه معي اتقي الله وقال ربنا سبحانه وتعالى بلاش قلوبكم تنساني وتكون علاقتكم بيا هامشيه ومش مهمه في حياتكم وتنسى تسال نفسك كل يوم انا النهارده اتقيت ربنا وخيري غلب شري ولا لا وحافظت على العلاقه واللي انا بعيد قوي قال الكلام ده في صوره اسمها صوره الحشر وده اسم من اسماء يوم القيامه بسم الله الرحمن الرحيم يا ايها الذين امنوا اتقوا الله ولتنظر نفس ما قدمت لغد واتقوا الله ان الله خبير بما تعملون ولا تكونوا كالذين نسوا الله فانساهم انفسهم اولئك هم الفاسقون طب ازاي اتقي الله فاكون من المتقين فربنا يحسن لي الخاتمه فتخش الملايكه علي تقول لي سلام عليكم سيدنا رسول الله صلى الله عليه وسلم وصانا قال ما امرتكم به من شيء فاتوا منه ما استطعتم وما نهيتكم عنه فانتهوا وده معنى الايه فاتقوا الله ما استطعتم وتقوى الله لا تاتي الا بالصحبه لازم تدور لنفسك على صحبه على جو على اجواء تساعدك تقرب من ربنا سبحانه وتعالى وهتلاقي الصحبه الكويسه الطيبه في الاماكن المفيده ممكن تلاقيها في مسجد ممكن تلاقيها في المكان اللي بتلعب فيه رياضه ممكن تلاقيها في الكورس اللي بتاخده عشان تطور من نفسك ناس مهتمه بنفسها انها تصلح بنفسها في اي جانب من جوانب الحياه صدقني البحث عن الصحبه الطيبه الصالحه من اهم الاهداف اللي وصى بها ربنا ورسول الله وجميع المصطلحين في الدنيا وربنا سبحانه وتعالى وعدنا ان اللي هيعيش تقي في وسط الناس الطيبين ربنا سبحانه وتعالى هيسامحه وينجيه يوم القيامه بسم الله الرحمن الرحيم فوربك لنحشرنهم والشياطين ثم لنحضرنهم حول جهنم جثيه على الركب ثم لننزعن من كل شيعه ايهم اشد على الرحمن عتيا ثم لنحن اعلم بالذين هم اولى بها صليه وان منكم الا واردها يعني يقف على شفير النار كان على ربك حتما مقضيا ثم ننجي الذين اتقوا ونظر الظالمين فيها جيسيه ابن دقيق العيد احد الصالحين بيقول ما عملت عملا او قلت قولا الا واعددت له جوابا بين يدي الله غدا طول ما انت بتحاول تفعل المامور وبتحاول تتوب من فعل المحظور انت كده بتتقي الله انت بتحاول ساعتها ربنا سبحانه وتعالى ياخد بايديك ويحسن لك الخاتمه وينجيك يوم القيامه يوم نحشر المتقين الى الرحمن وفدا يعني زفه وهما فرحانين فاللهم يا رحمن رزقنا حبك وحب من احبك وحب كل طاعه وكل انسان يقربنا الى حبك عندي عربيه متوسطه هي مش اخر موديل وغاليه قوي ولا قديمه عربيه جميله وبحبها مره ماشي في الطريق لقيت واحد كان معايا في المدرسه ركب عربيه اخر الموديل وبملايين قلت ما شاء الله يا سيدي ربنا يوسع عليك ويفتح عليك ويديم عليك النعمه يوم تاني كنت ماشي لقيت برضو واحد كان معايا في المدرسه راكب عربيه صغيره موديل من 30 سنه قاعد هو وعياله ومراته فاتحين القزاز ما فيهاش تكييف قلت سبحان الله كان الله في العون ربنا يفتح عليك ويوسع عليك الحمد لله ان انا شفت الاتنين حكمتك يا مقسم الارزاق تقدر ولا اقدر وتعلم ولا اعلم وانت علام الغيوب المحنه ان العين ما تلقطش الا الاعلى دايما وبعدين ما تجيش معك بطموح لما تشوف حد اعلى منك فتتمنى انت كمان تعلى تيجي معك باستنكار واعتراض على تقسيمه ربنا سبحانه وتعالى عارف ده يعمل فيك ايه يصنع مننا واحد بوشين واذا لقوكم قالوا امنا حبيب قلبي واذا خلوا بعد ما يمشي عضوا عليكم الانامل من الغيظ ابقى متضايق ان انت سبقتني انت كنت جنبي في الديسك اشتغلت وانا لسه ما اشتغلتش صاحبتك اتجوزت وانت لسه حاسس انك انت احق بالخطوه دي منه نشتغل كتير وبنتعب وهما عندهم اكتر خد بالك خد بالك على قلبك الصفه دي الشيطان ما خدش باله فوقع فيها قال صلى الله عليه وسلم ما رؤيه الشيطان يوما فيه اصغر ولا ادحر ولا احقر ولا اغيظ منه في يوم عرفه وما ذاك الا لما يرى من تنزل الرحمات وتجاوز الله عن الذنوب العظام الشيطان متضايق ان ربنا بيرحمنا سبحانه وتعالى الاصعب من كده ان الانسان لما يشوف حد احسن منه وسابقه في الدنيا ان ده يتحول لحزن وطاقه غضبيه مليئه بالشماته فهو يفرح انا ازعل هو يحزن انا افرح بسم الله الرحمن الرحيم انت مساسكم حسنه تسوءهم وان تصابكم مصيبه يفرح بها فخد بالك عارف ده بيعمل ايه ده بيعكر الحياه فيخلي الانسان يحزن على كل مفقود تبدا عنيك تلقط كل حاجه مش عندك ولا تستمتع بالموجود تبص على النعم اللي عندك ما تبقاش مستمتع بها ومش راضي عنها فده يحجب القلب عن استقبال انوار الله والمعاني الجميله اللي في الحياه اقول لك تعمل ايه عشان ما تحزنش كل ما تشوف حد احسن منك رقم واحد ثق في مولاك ربنا في القران بيقول عشان يسكن كل انسان ما عندوش حاجه قال ولو بسط الله الرزق لعباده لبغوا في الارض ولكن ينزل بقدر ما يشاء انه بعباده خبير بصير فهو خبير بالانف عليك بصير بالانسب ليك فبينزل عليك من الارزاق الحاجه اللي ما تضيعكش في الدنيا او الاخره فرضا بتقسيم الخبير البصير سبحانه وتعالى وثق في مولاك رقم 2 استغل المتاح عندك امكانيات ممكن تطور منها استغلها وربنا سبحانه وتعالى يوسع عليك ويبارك في القليل اللي عندك ويزوده من خزاين الواسعه رقم تلاته النظر لمن هو اقل منك في وقت من الاوقات بص على حد ما عندوش حاجات كتير عندك مش علشان تبقى خانع وخاضع ومش عايز تزود من مستواك لا عشان ترضى باللي عندك وتقول احنا ملوك قال صلى الله عليه وسلم انظروا لمن هو اسفل منكم ولا تنظروا لمن هو اعلى منكم يعني على الدوام مش دايما باصص للاعلى برده ابقى اشوف اللي اقل منك ذلك اجدر الا تزدروا نعمه الله عشان لما تبص على النعمه اللي في ايديك تقول الحمد لله احسن من غيرنا بكتير فاللهم يا ربنا بارك لنا فيما اعطيت وردنا يا حكيم بما قضيت لو فكرت هتلاحظ في نفسيه الانبياء تجاه اقوامهم شيء يخلي اي حد يعيد نظرته تجاه الاخر حتى لو الاخر ده بعيد تماما عنك في فكره او ميوله او حتى معتقده الانبياء بعثوا لاقوام كان عندهم انحرافات في كل جوانب حياتهم انحرافات في العقيده بيعبدوا الاصنام انحرافات اخلاقيه في انتشار الفواحش انحرافات اجتماعيه في سياده العنصريه واستعباد الغلابه لكنك تفاجئ ان الانبياء كانوا بيتكلموا مع هؤلاء المنحرفين اخلاقيا وعقائديا واجتماعيا بمنتهى الادب والاحترام بل والحب ولم تكن الانحرافات دي سبب في احتقار الانبياء لهم فتلاقي مثلا سيدنا شعيب بعث الى قوم مشركين وغشاشين في التجاره والى مدين اخاهم شعيبا قال يا قوم اعبدوا الله ما لكم من اله غيره ولا تنقصوا المكيال والميزان اني اراكم بخير واني اخاف عليكم عذاب يوم محيط شوف شياكه الكلام والاحترام لناس مشركين غشاشين ويروح سيدنا هود ويبعث لقوم مشركين وبرضو كان عندهم تكبر شديد فيتلطف معهم بالقول وشوف بعد ما يدعوهم الى الله قال الملا الذين كفروا من قومه انا لنراك في سفاها وانا لنظنك من الكاذبين قال يا قومي ليس بي سفاهه ولكني رسول من رب العالمين ابلغكم رسالات ربي وانا لكم ناصح امين ادب وذوق احترام لكن ده مش اعجب شيء الاعجب ان الحب اللي ملا قلوب الانبياء ده خلاهم ما يشمتوش في الناس دي بعد ما ربنا هيوقع عليهم العذاب مع انهم اتموا المهمه في الدعوه في دعوه هؤلاء الناس واستمر هؤلاء الناس على انحرافهم وعنادهم حتى استحقوا عذاب الرحمن وما زال هؤلاء الانبياء ممتلئين بالرحمه والحب فتلاقي مثلا ربنا يقول لسيدنا نوح بعد 950 سنه من الدعوه والمقاومه من قومه واصنع الفلك باعيننا ووحينا ولا تخاطبني في الذين ظلموا انهم مغرقون يعني سيدنا نوح لسه بيلتمس من ربنا اصبر عليهم يا رب وبيخضوا بيقول لهم ما تكلمنيش في الناس دي قضي عليهم بالعذاب وسيدنا ابراهيم تيجي له الملائكه تبشروا بالخلفه بعد سنين طويله مستني الولد وكان في نفس الوقت ده وقت اهلاك قريه لوط بسبب فواحشهم المنتشره وكفرهم فسيدنا ابراهيم يتناقش مع الملايكه ربنا يقول فلما ذهب عن ابراهيم الروعه وجاءته البشرى يعني بالولد يجادلنا في قوم لوط ان ابراهيم لحليم اواهم منيب يا ابراهيم اعرض عن هذا وسيدنا رسول الله صلى الله عليه واله وسلم يموت كل منافق اللي كان بيظهر الايمان ويبطل الكفر والنبي يستغفر له ويقول لاستغفرن لهم ما لم انهى عنهم مع ان دول اكتر ناس اذوا النبي عليه الصلاه والسلام حتى ينزل القران ولا تصلي على احد منهم مات ابدا ولا تقم على قبره شوف دي نظره الانبياء اللي ربنا بعثهم قدوات لاقوامهم وده المفروض تكون نظره الانسان المسلم المؤمن لكل واحد حكمه في الشرع انه مش مؤمن لا نتمنى هلاكه ولا تتمنى ايذاءه ولا يتمنى ابادته انما يتمنى هدايته لدرجه ان الله سبحانه وتعالى لما كان بيكبر خاطر سيدنا رسول الله كان يقول له انك لا تهدي من احببت انك لا تهدي من احببت فاثبت له انه كان يحب من لم يهتدي هو ده ديننا وده قراننا المبني على الرحمه لا على الكراهيه ومبني على الحب لا على التشفي والشماته ومبني على اراده ايصال النفع والهدايه ثم بعد كده احترام اختيار من لم يؤمن والاستمرار في الدعاء له اللهم اهد قومي فانهم لا يعلمون دي اخلاق سيدنا رسول الله ودي نفسيه الانبياء فاللهم ابرم لامتك امر رشد يعز فيه اهل طاعتك ويتاب فيه على اهل معصيتك علمونا مشايخ اللغه ان احنا ما نقولش ربنا عارف احنا نقول ربنا عالم لان عارف جايه من المعرفه والمعرفه يسبقها جهل اما عالم فهو دائما بكل شيء عليم احنا بنتجاوز ساعات في الكلام ونقول ربنا عارف لكن لغه عالم مش عارف وده يوضح لك معلومه ان ما فيش معلومه كانت خفيه على ربنا وبعدين عرفها وعليم بكل شيء قبل ما انت تعمله وده معناه ان ما فيش طاعه انت بتعملها وليكن الصلاه عشان تثبت لربنا شيء هو لا يعلمه هو يعلم انت بتحبه ولا لا الله امال هو فرض الصلاه ليه يعني انا متصور ان الواحد لما بيروح بدري الشغل الساعه 8:00 بيثبت للمدير بتاعه انه جده بيحترم الشغل طب انا لما بروح الصلاه لربنا في الوقت ان الصلاه كانت على المؤمنين كتابا موقوتا يعني فرضا بوقت معين ومحدد انا بثبت لربنا هو مكنش يعلم ما هو يعلم انا بحبه ولا مش بحبه سبحانه وتعالى جل في علاه واضح ان في شيء تاني في الصلاه لكن الحقيقه اللي يخليك تفهم ايه اللي في الصلاه طريقه النداء على الصلاه لما تفكر كده في الاذان الاذان اللي شاء ربنا سبحانه وتعالى انه يسمعه لك كل يوم خمس مرات الاذان ده في كلمات من ربنا سبحانه وتعالى كلها حب وان صح التعبير بينا وبين بعض لو انا بقول لك صيغه الاذان كاني بنده عليك مليانه عشم مليانه محبه واقبال وكلمات الاذان فيها نوع من استفزاز مشاعر المحبه للقاء الحبيب بيبدا الاذان بكلمه الله اكبر الله اكبر الله اكبر الله اكبر ممكن تتصور ان الله اكبر وحدك كفايه ما هو كلمه الله اكبر اللي بعدها ده تكرار كفايه واحده لما بسمع الله اكبر اربع مرات بفتكر واحد صاحبي انا عايز اوصل له وعايز اكلمه وعايز اسمع صوته فافضل ارن عليه لغايه ما الجرس يقطع وافتكر حد تاني بصراحه مش عايز اكلمه حد زهقني فرن رنتين كده بس مره ولا مرتين على فكره ما ردش ولله المثل الاعلى كان ممكن يقول لك الله اكبر واحده واللي شايف الله اكبر يجي واللي ما افتكرش ربنا من مره خلاص بلغتنا اللي مش حلوه ان شاء الله عنه مجيد لكن ربنا يقول له الله اكبر الله اكبر الله اكبر رد رد على ربنا عشان كده سيدك النبي يقول لك اذا سمعتم المؤذن فقولوا مثلما يقول الله اكبر اربع مرات وبعدين ربك سبحانه وتعالى يفكرك قبل ما يطلب منك حاجه يفكرك بالاتفاق بالميثاق بالعقيده وكلمه عقيده يعني شيء اتعقد زي العقده كده فما يتفكش بسهوله بعقيدتك مش انت من الناس اللي بتشهد ان لا اله الا الله مش انت من الناس اللي بتشهد ان محمدا رسول الله هو انت منهم ولا مش منهم انا منهم طيب حي على الصلاه انت عارف لما ربنا سبحانه وتعالى يقول لك حي على الصلاه في اللغه لو فكيت الكلام ده معناها اقبل على التواصل ربك المستوي فوق العرش مالك السماوات والارض اللي بيقول على نفسه في القران انت اكفره فان الله غني عنكم ولا يرضى لعباده الكفر ربك اللي بيقول في الحديث القدسي يا عبادي انكم لن تبلغوا نفعي فتنفعوني يعني لا تتصوروا ان بالعباده في شيء بيزيد عندي هذا الاله هو بيقول لك انا حابب اتواصل معك حابب اسمعك حابب اكلمك بالقران اللي هتقراه حابب انك انت تقف قدامي فاقبل عليك بنوري عشان تنور قلبك ينور يعني يفهم حقائق الدنيا وبعد ما تسيبني في الصلاه تمشي في الحياه وانت قلبك منور شايف حقائق الاشياء بسبب انك انت بتقرب ممن يعلم جميع الحقائق سبحانه وتعالى حي على التواصل حي على الصلاه وبعدين بعد حي على الصلاه ربنا يقول لنا كلمه انا لو قلتها لابني وما شفتش عينيه بتلمع من الفرحه هيصيبني الاحباط واحس انه مش مقدرني ربك يقول لنا حي على الفلاح انا مش متخيل نفسي ابني بيلعب مثلا بلاي ستيشن ولا حاجه يا ابني تعالى معايا هاوريك حاجه تفرحك فما يبصليش يا بابا عشان مشغول بس شويه كده ربنا بيقول لي وبيقول لك حي اقبل على الفلاح عرض من ربنا انك انت تفوز في الدنيا والاخره من حد لا يخلف الميعاد من حد بيملك الدنيا والاخره من حد انت متاكد وتحلف 100 يمين انه عنده حل لكل مشاكلك وعنده فلوس لكل مطالبك وامالك وبيقول لك حي على الفلاح شيء صعب جدا ان الانسان لما ربنا يقول له حي على الفلاح كانه لسان حاله بيقول له يا رب انا في ايدي حاجه دلوقتي فيها بالنسبه لي فلاح اكتر من نداءك وشيء لا يوصف لما ربنا يقول لواحد حي على الفلاح يقول له حي على الفلاح ويطير يقف بين يدي الله عشان كده احب الاعمال الى الله الصلاه على وقتها لانك بتقول لربنا يا رب انا فعلا مقدر ندائك ثم يختم النداء بالعقيده بيفكرك الله اكبر الله اكبر لا اله الا الله ليس لك في الكون حد يقدر يحقق لك كل رغباتك اللي الناس تعرفها والباطنيه اللي مش مطلع عليها الا الله بل ورغباتك اللي لسه ما جتش في بالك هو بيجهزها لك يعني العروسه اللي انت لما تتخرج هتحلم بيها بتتربى دلوقتي في بيت ابن ناس عشانك هو بيتوكل لك قبل ان تتوكل عليه لا اله الا الله ما لكش غيره عشان كده لما تسمع الاذان قدر ان قومتك او قومتك دي للصلاه مش بتثبت لربنا حاجه انت بتقول له يا رب انا مقدرك مقدر نداءك حي على الصلاه حي على الفلاح اللهم اجعلنا من اهل الصلاه على وقتها جعلنا من اهل الخشوع في الصلاه ونعوذ بك يا مولانا من بدن يمل من الوقفه بين يديك ومن قلب لا يشتاق اليك المتامل في تاريخ الدنيا في مختلف المجالات هيلاقي ان كثير من الناس اللي حققت نجاحات كبيره اكتمل نجاحهم دون اكتمال ظروفهم وادواتهم يعني كل واحد فيهم كان عنده مشكله في حياته تخلي عنده عذر مقبول انه يسيب الطريق اللي رسمه لنفسه من اول البشريه سيدنا نوح مراته وابنه كانوا كفار تمدرك قد ايه جو البيت ما يساعدش على اداء الرساله وفضل يدعو 950 سنه امام اهل العلم والسنه احمد بن حنبل كان في غايه الفقر لدرجه ان هو كان بياجر نفسه شيال في القوافل عشان يحملوه في رحلاتهم عشان يلف الدنيا يطلب العلم واصبح امام اهل السنه ماري كوري صاحبه جايزتين نابل بدات حياتها من بيت فقير بسيط وكانت بتشتغل منظفه بيوت وبتصرف على اختها لغايه ما وصلت لجائزتين نوبل اسمح للمشكله انها تحصل في حياتك لكن ما تسمحلهاش انها توقف مسيره حياتك وعلى فكره هي دي البطوله انك تقبل الحياه بمشاكلها وتمشي فيها رغم وجود مشاكل كافيه لاقصائك عن طريقك لكنك مكمل وفي مشكله في حياتك وعلى فكره ده احد اسباب رفعه الدرجات عند الله في الاخره واحد اسباب بناء النفوس الصلبه القويه المسؤوله في الدنيا عشان كده ربنا سبحانه وتعالى اتكلم عن اجر المهاجرين والانصار الاوائل اللي كانوا عايشين بمشكله كبيره وهي حرب العالم كله ليهم بسم الله الرحمن الرحيم لا يستوي منكم من انفق من قبل الفتح وقاتل اولئك اعظم درجه من الذين انفقوا من بعد وقاتلوا وكلا وعد الله الحسنى والله بما تعملون خبير هم كملوا نصره لرسول الله رغم العالم كله اللي كان واقف ضدهم وكملوا الانسان زي ما بيقول بعض العلماء عنده اربع جوانب اساسيه في حياته جانب روحاني علاقته بالله جانب مادي شغل ودراسته جانب اجتماعي معاملاته وقرايبه واخلاقه وجانب صحي جسمه لو في مشكله حصلت في جانب من الجوانب لازم تحجمها عشان ما تفسدش عليك باقي الجوانب عيش بها وانت بتحاول تستقر في باقي الجوانب لانها لو اجتاحت بقيه الجوانب يقول لك ده موت وخراب ديار ما ينفعش عشان كده سيدنا رسول الله صلى الله عليه وسلم كان حريص يفك المشاكل من بعض علشان تعيش بمشكلتك تحاول تحلها بس ما تدمرش بقيه الجوانب يعني مثلا واحد مريض ودي مشكله في الجانب الصحي احد جوانب حياتك كان سيدنا رسول الله عليه الصلاه والسلام حريص يقول له ان مرضك ده مش انتقام من الله فما تزعلش من ربنا سبحانه وتعالى بل ان مرضك المفروض يقوي الجانب الروحاني عندك لان الانسان لما بيمرض الله بيقول للملك ملك الحسنات اكتب لعبدي ما كان يعمله صحيحا مقيما يعني لو انت مريض العبادات اللي انت مش قادر تعملها وكنت بتعملها قبل كده وانت صحيح ربنا هيكتبها لك كانك صحيح وبتعملها علشان مشكله المرض الصحيه ما تاثرش على روحانيات العبد بل تشجعه يقوي روحانياته فيعيش بالمرض هو قريب لربنا سبحانه وتعالى ويثني سيدنا رسول الله ويشكر في بركه الناس اللي بتاكل من اناء واحد لعلمه انها تيجي في يوم من الايام على البيوت مشكله ماديه ضاغطه فما يبقاش عندنا الا اكل قليل فلما نحط ايدينا كلنا في طبق واحد ربنا يبارك عشان الضغوط الماديه ما تبعدناش عن بعض كانه بيقول خليكم حضن لبعض وكلوا من طبق واحد بلاش المشكله الماديه تدمر لكم الجانب الاسري الاجتماعي الجميل عيشوا جنب بعض بالمشكله وبلاش المشكله تخلي روحكم في مناخيركم وتتخانقوا كتير حجم المشكله وعيش بيها وانت بتحاول تحلها وانت بعدها عن باقي الجوانب بلاش كل مشكله عاطفيه في حياتك او في حياتك تبوظ عليك اكل عيشك ولقمتك حجم تاثير المشكله ولا تجتاح بقيه الجوانب طب هتعمل ايه رقم واحد اسعى لحل المشاكل اللي انت عايش بيها وبلاش ملفات مفتوحه تضغط عليك لو في مشكله قادر تحلها حلها عشان ما تعيش بها ثقل على كتفك رقم اثنين فضفض مع ناصح امين مقرب تستريح وانت بتفضفضله ويرشدك تعمل ايه ثالث حاجه لو عندك مشكله مزمنه بتحاول تحلها ومش قادر يعيش بيها بس فكر نفسك دايما بصوت عالي بنعم ربنا الكتير اللي في باقي جوانب حياتك واللي سانداك عشان تقدر تكمل وانت عايش بالمشكله ربك يقول فاذكروا الاء الله لعلكم تفلحون دايما كلم نفسك بصوت عالي على النعم الكتيره لسانداك في باقي جوانب حياتك عيش بالمشكله وابعدها عن باقي النعم اللي سانداك اللهم يا خفي الالطاف امنا مما نخاف