مقدمات النكاح الزواج مقدمات الزواج فضيلة الشيخ فتحي احمد صافي رحمه الله تعالى 30 01 2020

بسم الله الرحمن الرحيم الحمد لله رب العالمين والصلاه والسلام على سيدنا محمد وعلى اله وصحبه اجمعين نحن ان شاء الله برنامجنا بدنا نقرا كتاب الاحكام الشرعيه في الاحوال الشخصيه معا ان شاء الله يعني هلا مو دائما خطيب الجمعه بيكون افقهه من الناس اللي تحت احيانا بتبقى في ناس قاعده تحت افقه من خطيب الجمعه بذكر مره كنت عم ادرس بالمدينه المنوره ف في ناس قاعدين افقه مني ب بالاف المرات بس بحبوا مثلا المشايخ يقعدوا يشوفوا شو رسمالك المرء مخبوء تحت لسانه تكلموا تعرفوا بس تحكي ما اعرف شو رسالك وقدش معك علم فسبحان الله يعني ما شرط ان يكون اعلم من اللي قاعدين لحتى انه يقعد يدرس عليهم بس هذا الكلام يعني انه كوني انه مدرس هي حجه علي يوم القيامه هلا ببالك خطيب الجمعه مين بيستفيد اكثر شيء بخطبه الجمعه خطيب كنت كل ما اطلع على المنبر وانا بسفل للمنبر بتوب الى الله سبحانه وتعالى لانه بدي اقول للناس عباد الله اتقوا الله حاكي حالي يقول انت متقي الله اول ما تقول لهم انتخوا الله انتقي الله اول انت فلذلك خطيب الجمعه بيستفيد بعدين هلا لاحظ طالب الشريعه يلي بيخطب الجمعه اقوى من طالب الشريعه اللي ما بيخطب الجمعه لانه اللي بيخطب بده يطلع بده يقرا بده يبحث الخطبه اذا يوم الجمعه بس بحضرها نهار الجمعه بتطلع فاشله فكنت حضر الخطبه من يوم الجمعه اللي بعد ما انزل على المنبر ولازم يكون الانسان عنده رصيد مشان ايش يكون في مثلا في اشياء بدها تطلع له ماله عاطي باله عليها بده ينتبه لها هذا الكتاب الفته بسنه 93 بنجدد الموافقه بنطبع عليه ان شاء الله بنوزعه اي نعم بجوز مثلا يعني اذا كان يعني انا كنت الكتاب كلفني باثناء 65 ليره ثمن النسخه فلما طبعته انا اكبر دار نشر ما بتطبع مثل حكايتي لاني بوزعه على الجامع بقول له اللي معه حق الكتاب يدفع اللي ما معه مسامح اي نعم فلذلك كل الناس تاخذ الكتاب ايه اذا جمعنا نص الكتب في شيء بضي على الله ما في شيء ضيم مع الله الباب الاول في مقدمات النكاح الماده الاولى تجوز خطبه المراه الخاليه عن نكاح وعده المراه المتزوجه ما بجوز الانسان يخطبها ولا يحدث فيها ولا المعتده ايضا المعتده ما بحق له الانسان يطلبها للزواج سمعت مره من شيخي قصه بانه في وحده كانت اخذه رجل اكبر منها سنا ايه وهي بقى صبيه هيك وبتفوت لعندها الجاره ومراه بتنزع مراه وشب بينزع شب وزلمه بينزع زلمه يعني هلا عيالك يوم بدها صديقات انتبه مين هذول الصديقات اللي بده يرافقوا عيالك هالامراه تفوت جارها لعندها قلت لها شو بدك بهالزلمه لك اشتريه لك باخذك لاخي والله اخي شخصيه وشبوبيه عيون عسليه شو بدك احلى من هيك بلاك هالزلمه بلالك تمت تنق فوق راسها والنق له حق هلا اللي بينق كثير بضوج فمسكينه هي المراه يعني قالت لحالها معناتها بركي يعنيجدد حظي كذا فقالت لها شلون بدي ازعجوه قالت لها شو في عنده شغلات غاليه عليه؟ قالت لها الصيني والشيني اللي صامده قالت له كسري له اياه هون اجا من الشغل مكسرت له زبادي الصيني والشيني والمالقي اي والله قال له لا تزعلوا على فخاركم اعمارهم مثل اعماركم فداكي قالت لها شو زعل قالت لها لا والله طيب قالت له اعملي له الاكل بلا ملح سوت له اكل بلا ملح لا لقمه راح جاب المملحه ورش قدامهم منه قال بركي عيالي بتحب الاكل هيك قالت له طلع خلو قالت له لا والله رش ملح قدام منه يخرب بيته شو الزلمه انا قالت له اعملي له الاكل مالح ساويت له الاكل مالح اجا اكل لقمه لقمتين شيء اي نعم صبر راح جاب زيتونتين ومقدوسه حطهم واكل شو صار معه قالت لك والله ما زعل لك شلون بدنا ننقهره قالت لها في ابريق كان الابريق اللي هلا بتوضوا فيها بالموضه هلا نايلو بلاستيك بالاول في ناس كبار اللي منجينا لحقوه كان ازير فقالت لها عندها ابريق عنده ابريق بطالعه بيستنجي فيه وبيتوضى وبرجعه وبيقفل عليه قالت له كسري له اياه كسرت له اياه اجا بده يستنجي فتح الخرستانه لقام مكسر صار يبكي لك قالت له يا زلمه لك ايه لا زعلت على الزبادي ولا زعلت من شيء واستفزيتها هلا مشان بريء زعلت قال له لانه بحياتي ما كشف عورتي غير هالابري ما بكشف عورتي قدام حدا غير هابري هالابريه تكسر بدي روح يجيب واحد غيره قالت لحالها يا لطيف هذا الزلمه ما بده يكشف عورته على بريق ثاني شلون بده يكشف على زلمه قالت له تعال اقول لك يا زلمه والله هيك هيك القصه اجت الجاره دقت على الباب لقيت الزلمه موجود قال لها خير ان شاء الله قالت له والله بدي ارج بدي بصه مشان الارجيله مشان جوزي قال له البصه اللي شعلتيها ببيتنا لهلا لسا ما انطفت هالبقيه ثاني مره فلذلك انسانعم شيطان يلي حاول يتدخل بين الرجل وزوجته ليس منا من خبب امراه على زوجها اي نعم اصحوا الواحد انه يتدخل بين المراه وزوجها ويقعد بقى اي نعم يفتن ويقعد يساوي مشاكل لا لا فالمراه المتزوجه ما بيصح الانسان يخطبها نهائيا الشيء بالشيء يذكر اجا واحد مره قال لي شيخ بدي بنت حلال بقى وظيفته منيحه وماليته منيحه وشخصيته حلوه ما ناقصه شيء ناله طول بالك بس لحتى نلاقي عائله لانه العرق دساس العرق نزاع يعني الاولاد بيحملوا من جينات اخوالهم احيانا بتلاقي الواحد عنده ست سبع اولاد كل ولد عاله شكل واحد بيطلع لجده هذا واحد بيطلع لخاله وهذا واحد بيطلع اي نعم معه جينات فرعون اي نعم واحد معه جينات هرقي الواحد كل واحد له مخنقي صاحبه الدين بنت الحلال اللي عائله طيبه مو والله ايه نعم اخذنا من الحزمه عودوا الباقي تنتعوا القرود لا ما بينتعوا قرود القرود تنتع اولادنا كمان فلذلك ايه نعم قلنا له طول بالك طول بالك قام راح خطب وحده اجيت اجا لعندي ق له ما اجي قال لي والله خطبت قنا له سيدي الله يتمم لك بخير بعد فتره جاي زعلان ماهور لك شوب قال لي خطبتها على اساس انه مطلقه وورجوني اياها وحلوه غرته يعني فقال لحاله باخذها بس قالوا له انه يعني هي مطلقه بس صفت امضى بس يعني بالمحكمه خالصه وراح لبسها ذهب واعطاها مصاري واي نعم وتاري لسه خلصت ولا طلقها زوجها دري زوجها انه جاييها تاجر كبير ووضعه الماده مرتاح ووظيفه عاليه صار بده فروغ مشان يعطيه اياها رحنا نشوف ابوها للبنت قال لي والله البنت مو متنازيه لا عن الذهب ولا عن المصاري يروح يعمل اللي بده اياه هي امراه متزوجه شلون بتخطبها شلون نعم بتحكي فيها فلذلك امر هذا لا يجوز عن ايه نعم عن خطبه المراه الخاليه عن نكاح وعده كمان امراه بالعده كمان ايه نعم ما بيحسن يستناها لتخلص عدتها يعني اول وحده اذا هي في العده انسان كتبه كتابه عليها عند الامام ابو حنيفه والامام الشافعي والامام احمد والامام مالك معهم ما صح العقد بس عند الامام مالك المساله اشد عنده قاعده من استعجل الشيء قبل اوانه عوقب بحر حرمانه حرمت عليه للابد لانه كتب كتاب عليها وهي في العده فلذلك الانسان المراه في العده بيستناها لحتى تخلص عدتها ساعتها اي نعم بامكانه بيتقدم لها اي نعم وهي لها الخيار انشاءت اي نعم بالقبول وانشات بالرفض تحرم خطبه المعتده تصريحا حاكيه حكي سواء كانت معتده لطلاق رجعي او باء هلا شو الفرق بين الطلاق الرجعي والطلاق البائن؟ الطلاق الرجعي بلفظ الطلاق بيقول له لزوجته انت طالق هذا طلاق رجعي شو يعني طلاق رجعي؟ يعني هي ضمن العده بامكانها تقوم قدام منه بلا غطا بامكان انها مثلا طلعت من الحمام ووقعت المنشفه من عليها فبمجرد ما لمسها بشهوه رجعت له عند الامام ابي حنيفه عند الامام عند الامام الشافعي له ارجعتك الى عصمتي وعقدي نكاحي ترجع له ضمن العده ف واذا مات واحد منهم الثاني بيرته هي في عده الطلاق الرجعي عده الطلاق البائن شو الطلاق البائن طلاق موصوف بي لزوجته مثلا كلمه الحرام عليه الحرام هذا طلاق بائن بينونه صغرى انت طالق طلقه شديده طلقه طويله طلقه جبل قاسيون طلقه باص النقل الداخلي المهم ويصف الطلاق اي نعم بانه كبير هذا بائن بينونه صغرى هي هلا بالعده بدها تلبس جلبابها واشاره وبيقول لها ارجعتك لعصمتي ما بترجع بده عقد جديد ومهر جديد ورضاها واثنين شهود المراه غير المدخول فيها بس كاتب كتابه عليها تشاجر هو واياها قال لها انت طالق طلقت طلقه بائنه مع انه بلفظ الطلاق وبتتزوج بعد خمس دقائق لانه غير مدخول فيها مره اجاني رجل هو و وزوجته فالدنيا كان رمضان هي اول ما كانوا مخطوبين مكتوب كتابهم فاختلفوا مشان المطعم اللي بده يتعشوا فيه برمضان ما في لحمه مشويه وفراريج برمضان المطاعم بتساوي اكل فبحطوا ليست شو عاملين اكل فمره اكلت كم انا وفت على مطعم اي نعم وحطوا لنا اكل بينزلوا الاكل شوي شوي انا شو بيعرفني نزلوا لي مقبلات اكلت المقبلات وشبعت اي نعم بعدين مليته منزل لي اكل اكل شوار شبعنا يا زلمه خيرها بغيره فلذلك هذا الشاجر هو وياها على الاكل قال له انت طالق راحوا لعند شيخ الله سبحانه وتعالى قال فاسالوا اهل الذكر ان كنتم لا تعلمون يوم تروح تسال سال اهل العلم مو اي شيخ بتسال فراح سال شيخ امام جامع كان حاطينه بواسطه او شلون مدبر حاله مضبط اموره قالوا له سيدي هيك القصه قال له قال الا رجعتك لعصمه لك اي رجعتك ترجع المي بزعيمه ان شاء الله ما بترجع الا رجعتك الى عصمه عقد نكاحي قال لا واخذها وتزوجوا وبعد ثلاث اشهر طلقها بالثلاث انت طالق طالق طالق طالق اي نعم قطار في 100 فرقون كل فرق في 100 قطع في 100 راكب واذا حللك شيخ يحرمك 1000 وقعد ربط الدنيا كلياتها بعدين اي نعم رضي بده يرجعها قالت له امه في شيخ بالمكان الفلاني يروح لعنده اجا والله دق عليه الباب قال له اهلا وسهلا تفضلوا فاتوا خير عمي قال مساله طلاق قلت له والله عمو انا ما افتي بالطلاق يعني الا اذا مساله مستعصيه وعندي خبرها بفتي لانه كل فتوى فيها موقف يوم القيامه شو بدي بهالشغله انفذ رقبتي الله عين اللي بيفتو قلنا له شو القصه اللي والله هيك هيك قلت لها قلنا له احكي لي من اول طلقه قال لي قال لها ارجعت قلت لها ارجعتك الى عصمتي وعقد نكاحي قلت له ايه قال لي ورجعت خرب بيتك شلون رجعتها قال لي صارنا ثلاث اشهر متزوجين الله لا يوفقك لا انت ولا هي قلت له صار لكم ثلاث اشهر عايشين بالزنا قال لي شو الحكي شي شلون كان زنا ما بترجع لك طلاق بائن هذا لانه غير مدول فيها قال شو اعمل روح جيب اثنين شهود لانه طلقه واحده تعتبر طلقتها اياها من وقت ما كنتم مخطوبين هلا الطلقات ما لهم طعمه جيب لي اثنين شود لاعقد لك ولا تخبروا اهاليكم شو خبصتوا الدنيا اي نعم لانه الاهالي سبحان الله بدهم يزعلوا وبدهم يطلعوا اي نعم بانه يعني بنتهم كانت طول هالفتره مع زوجها بهالشكل فالطلاق البائن حتى اذا مات الزوج ما بترت او مات الزوجه ما بيرت الا اذا كان فارا من توريثها شلون يعني مفوتينه على عمليه جراحيه اخذوا له ابره بنج فقالوا له قالوا له الدكاتره انه نسبه شفائك مثلا 5% نجاح العمليه معناتها ميت ميت قال مشان ما ترت دافشينه اي نعم بالتذكره ب يفوتوا على غرفه العمليات ومرته دافشه كمان الثانيه التذكره وعم تبكي زعلانه عليه قال لا انت طالق بائن مات ترت ليش؟ لانه فار من توريفها اي نعم فسبحان الله لما كانوا يطلعوا للمبارزه الفرسان غالبا كان اللي طالع للمبارزه عرفان حاله ميت لاني ما بعرف مين بده يطلع لي يبارزني فاحيانا بيطلع الفارس للمبارزه بيطلع واحد قدم منه على مرتين وعضلاته هيك هالقدها وسيف ايه نعم معه غير شكل ايه معناتها انا وتعالى يرجع الواحد بقى من ساحه القتال ما عادت حلوه بحقه يرجع شو بدي يقولوا عنه ايه نعم هلا طلع وطلب المبارزه وكذا محل ما طلع له خصم هرب ف وهو لما طلع وطلع خصمه التفت على الناس قال لهم زوجتي طالق بائن انقتل ابرت زوجته ليش لانه فار من توريثها اي نعم فلذلك كانت المراه معتده لطلاق رجعي او باء او وفاه كمان عده الوفاه غير عده الطلاق عده الطلاق اشد من عده الوفاه نحن عده طلاق ما عننا كمسلمين نحن ببلادنا ما بنساوي عده طلاق بمجرد ما المراه تشاجرت مع زوجها قال ابوك قالت له 60 ابوك قالك قالت له اهلك كلياتهم انقلعي قالت له بالناقص عنك راحت لبيت اهلها بتدور على عريس ولس لاطلقت ولا من يحزنون وبتقول لامها اذا بده بده يكيد بدك تكيديه اللي بده يكيده بياخذ سيده فبيتقدم لك ان شاء الله احسن منه فبتنخطب وبتروح بتيجي هي وياه بروحوا على الكافتريا وبيقعدوا بيشربوا ايه نعم كابتشينو ومروقين والله غضبانه عليهم لك عده الطلاق المفروض في بيته ما بتطلعي من بيته الا لحاجه ضروريه يعني بناخذها على الدكتور اسعاف اسعاف بناخذها على المشفى اي نعم صاب جلطه النسوان ما بينجلطوا نحن بنجلط اي نعم فعلا هلا طلع على نسبه الجلطه بس الزلم يعني صدفه لتنجلد حرمه بجلطونا وبيجلطوا اللي نفضنا وما بيصيبهم شيء اي نعم حتى روح زور مشفى المجانين بتلاقي مشى كبيره كلها زلم غرفه صغيره للنسوان ما بجنوا كمان بجننون وما بجنوا ف المراه سبحان الله يعني اي نعم عده الوفاه اربعه اشهر وعشره ايام المراه اذا كانت معتده عده وفاه فاذا كان مثلا عمساوي مقلى وبدها كزبره وما في حدا يجيب لها كزبره بتلبس الغطاء وبتطلع لعند الخضري بتجيب لعنده جز كزبره بتنشف ريقه كالعاده اي نعم وهي مي حلوه لما مو مي حلوه وقديش شاريها وليشس مالها عليك وبعدين بتشتريه وبتطلع نحن عننا عده الوفاه موت للحرمه ممنوع تحكي مع حدا ممنوع ترد علىتليفون ممنوع تحاكي سلفه حتى عننا عادات كمان ممنوع تاكل شيء ذكر زيتون ما بتاكل لبنه بتاكل اي لانه انثى اي نعم ف يعني مواضيع كلها اسرائيليات المراه في العده يحرم عليها ثلاث اشياء ما بتنخطب ما بتتزين ما بتنام برات البيت بده ياذن عليها المغرب وهي في بيتها رن التليفون بترفع السماعه بتتصل ايه هلا في بعض من النساء بتحكي صوتها عادي صوت المراه مو عوره اذا صوتها عادي اللي الله سبحانه وتعالى خلق لها اياه مو عوره اما اذا بدها ترخم صوتها اه وثلاث بلا طعمين ومين حضرتك يا اخي ومين انت بلا صغره اي نعم ويخلي لنا اياك ويطول عمرك الله يصف عمرك الهي فالمراه اذا ترخم صوتها الصوت عوره ساعتها فسبحان الله يعني اما اذا ردت بصوت طبيعي نعم امر زلمتك موجود مثلا لا والله مو موجود مع السلامه سكرت خلصت السيره مو سال عن زوجها زوجها مو موجود مع السلامه سكر ف لا انه نحن عننا اي نعم سبحان الله بتلاقي عده الوفاه يعني اربعه اشهر وعشره ايام موت احمر للحرمه وعده طلاق ما في منها شيء فنحن التعاليم الاسلاميه ما عم تطبق عنا ما بتطبق ليش لانه ساوينا كل واحد عمل دين على كيفه الشغله اللي بتناسبه ساواها يلي ما بتناسبه هذا مو من الدين مره عم اعطي درس بجامع الحاجبيه من شيء يمكن 25 27 سنه فز واحد قال لي شيخ هذا ديننا قلت له ايه قال لي اذا هذا الدين ما بدنا اياه هجموا عليه الطلاب لحملوه يكبوه برات الجامع طولوا بالكم عليه اذا بتلحشوه بالراج بتلحشوه مع غضب الله سبحانه وتعالى له عود عمي تميت اخذ واعطي معه نشف ريقي بعدين قال لي استغفر الله العظيم لاح خلص قال لي مشي الحال شيخ فلذلك يعني الانسان سبحان الله يوم بده يحكي كي يوم بده يتدخل يوم بده يناقش يعني يتم ضمن الالتزام الشرعي نحن تعصب ما عننا التزام فيه هلا انا ايه نعم باخذ عيالي هيك لما كنت اروح على العمره اقعد انا اياها بالكرسي القداماني لانه انا قائد الفوج وكل واحد بيجي بيقول لي شيخ بدي الكرسي القداماني بسلم عليك ال المدير فلان بيسلم عليك الوزير فلان قال حطني قلنا له بدي اخذ باص يمشي بالعرض ان شاء الله كلياتكم بدكم الكرسي اللي قدام طب انا بدي الكرسي قداماني مشان الميكروفون لانه وين ما بنصير باي مكان بدنا نشرح عليه مثلا بصل على تيما بقول لهم كيف كانت تجتمع القبائل العربيه هون المعارك اللي جرت هون كذا اي نعم بدنا نشرح لهم عليها فسبحان الله يحط عيالي جنبه مني ايه صورها نزلها ايه نعم على هالمطاعم قولوا لي الناس يا اخي هي جديده لك قول له هي نفسها العتيقه هي جديده فالم المراه سبحان الله يعني اييه يعني لها احكام الله سبحانه وتعالى اختص فيها الواحد بيعامل عياله تلاقي كنت روح انا واياها مثلا على المطاعم نروح على ع الفيزياء نروح ايه نعم تلاقي نقعد بهالمطعم وكذا وتلاقي نتعشى نروق ايه يطلعوا معي اولادي انا اولادي معهم حزامات سودا اي نعم فبيلعبوا قتال شوارع كونك فو بيلعبوا فمره قاعدين كنا بعين الفيشه في بنات قاعدين وحطوا الاراجيل على الطاوله وبلش يطير الشر علينا فبيقول لي احد اولادي يابا اقوم اعمل لها للطاوله هيك تبعهم لا يابا الله يرضى عليك هذول اولاد عالم وناس بس لما بيجتمعوا هيك مع بعضهم يعني بصير هيك شغلات ومخالفات خلي الناس تحب المشايخ يابا بدونمشي الناس ما بيطيبوا المشايخ خلي الناس تحبنا الله يرضى عليك اسمعوا حديثنا انتبهوا شو عم نحكي ينزلوا تلاقي الاراجيل لتحت صير حديثهم طيب اي نعم ما يعود عندهم مخالفه فالمراه سبحان الله بدها معامله خاصه بدها معامله طيبه اذا بتفتكر حالك بيوم من الايام انك فهمت المراه انت غلطان لا يمكن ابدا نفهم على المراه شو بدها ابدا ابدا اذا يصح اظهار اي نعم اي الرغبه تعريضا لمعتده الوفاه يعني مثلا اذا كانت معلمه مدرسه او طبيبه او مثلا يعني لها وظيفه ما لها وظيفه ببعث لها مثلا مع اخواتي البنات انه والله انا اي نعم يعني حابب اخطب وحده طولها 175 سم اي نعم عمرها مثلا 35 سنه عيونها خضر كذا بتفهم حالها انه هي المقصوده بدون ما قال لها انه بدي اخطبك الك تعريضا بصح اما تصريحا لا اي نعم والله جايين نحط الخبزات على الجبنات ان شاء الله بتغص الهي بالخبزه والجبنه اي نعم لك اليوم عم يتجوزوا وهن متجوزين بظل الاحداث اللي عايشتها بلادنا في ناس تاه رايها بسالني واحد بالجامع اثناء الدرس هذاك اليوم بجامع اخر موجود عننا بالحي انه يعني وحده تزوجت ولسعتها على عصمه الاولاني وخبصنا الدنيا اي نعم لك اذا كان الخطبه ما بتصح العقد شلون صح الزواج شلون قاموا فيه يعني هي الدنيا الدنيا عباره عن رحله ما بتحس حالك الا صرت هنيك مره قالوا لنا مشايخنا انه واحد اي نعم ماشي بالصحراء قام شاف بئر وهالبير هذا اي نعم وما في مي كان دغري جاب حبل وربطوا عقد وربطه على صخره ونزلوا دندل الحبل بقلب هالبير ونزل على مهله شوي شوي لحتى صار تحت مشان يشرب قام ملا لا مي ولا من يحزنون كله حيايا وعقارب فاسرع بالصعود لفوق هو بنص البئير شاف في قرص عسل في نحل عاملين عسل لحس لحسه والله شيء طيب العسل ولحسه ثانيه ولحسه خامسه والله شيء ظريف ومغذي سمع صوت على تم البئير اطلع لقى في حيوان قارض عم يهرت الحبل بده يقطعه قال الزلمه اذا في عقل شو بيساوي بيترك الح العسلات وكل شيء وبيهرب بس عم يقول لحاله يلا اخر لحسه وهي زياده البياع وهينا هنا وليكني طالع كان قطع الحبل وقع فوق الحياه والعقارب ونحن هيك ونحن هيك بس روح على الحج بده يصير ابو حنيفه وبس روح على العمره بده يصير الشيخ احمد كفتاره وبس يجي شهر رمضان بده يصير الشيخ حسن حبنكي وبس يجي يوم الجمعه رح اصير مادري انو شيخ لك ورحنا على الحج ورحنا عمره وصمنا رمضان وصلينا اي نعم الجمع وتي تيتي مثل ما رحتي مثل ما اجيتي لا ضبطنا الزواده وما ضبطنا شيء على قوله اي لسا في وقت طويل لك لسا وين لك اي وين يا زلمه اي وين بجوز مكاري اثنين عم يتسابقوا مشان ال 50 ليره يسفقونا ضرب يرزقونا اي نعم على شي شجره فوق اي نعم ساعتها وين بدك تلحي شو بدك تلحي لتلحي الموت ياتي بغته على غفله فالانسان ايه نعم يضبط زواجته احسن ف معتده الوفاه بجوز خطبتها تعريضا لا تصريحا التعريض ان في المعاريض مندوحه عن الكذب مشان ما تكذب بامكانك تحكي كلام مغطى الامام محمد الحسن الشيباني هو التلميذ الثاني للامام الاعظم ابي حنيفه الامام محمد حسن الشيباني شيخ الامام الشافعي درس عنده ما يقرب من عشر سنوات قال الامام الشافعي قرات على الامام محمد واقرا بعير من علم وكان يكلمنا على قدر عقولنا ولو كلمنا على قدر عقله ما فهمنا شيئا من اكبر علماء الامه كانوا تلاميذ ابو حنيفه فراح على الحج ودخل المدينه المنوره فكان في درس للامام مالك قعد بالدرس الامام محمد الامام مالك سال ما حدا جاوب طلع الامام محمد كل الناس ساكته ومقطرقه فقال له للي جنب منه قوم قول لهشيخ كذا وكذا الجواب الزلمه رفع ايده قال له قوم انت وقف قال له ما تقول في المساله قال له كذا وكذا طلع فيه والله ما وشه هالوش وجوه الكرامات لها علامات قال له منين جبتها الجواب قال له من هذا هو قال لي قوم احكي قال له قم انت وقف الامام محمد ما بيعرفوا الامام مالك قال ما اسمك قال محمد قال من اين انت قال من هذه الارض شو قصد الامام محمد انه انا من التراب شو فهم الامام مالك انه انا من المدينه المنوره قال اجلس جلس سافر الامام محمد لحق العراق لانه كانوا ببغداد هم فثاني يوم الامام مالك يطلع يطلع لك قال اين صاحبنا بالامس يعني رجل عالم جاب مساله غريبه قالوا يا امام هذا الامام محمد بن الحسن الشيباني صاحب ابي حنيفه قال والله ان توريته عندي لاحب الي من علمي هالكلمه اللي ما اللي فهمني شكل هو قصده شكل احسن عندي من العلم كله اللي هو حامله فاحيانا الانسان بجاوب اجوبه بتكون حلوه احيانا ايه نعم بيحكي كلام صعي مغطى بس بيبقى الجواب حلو بيبقى الجواب بغذي هلا بتقعد مع المشايخ سبحان الله بتلاقي بتسمع منهم حكايا بتسمع منهم شغلات خصه بالمجالس الخاصه المجالس الخاصه غير المجالس العامه احد مشايخ قال لي ليش بتنكت انت بالدرس قلت له منك تعلمت قال لي لا مو مني قلت له لا منك قال لي مو مني قلت له منك قال لي انا بس المجالس الخاصه قالت له انا بنكت الخاصه وغير الخاصه اي نعم شو ما بصير معي نهفه نكته واحد اليوم بوقف بيوقفني رجل بالطريق قال ساله الزلمه قال له هذا شيخ هذا قال له ليش قال له يا رجل يعني مرح و وبيضحك هيك يعني الناس اخذت فكره على المشا انه ما بتضحك بانه ايه نعم درسها جاف ايه يعني طبعا بدك هيك شوي وهيك شوي هلا انا بخطه بالجمعه على المنبر ببكي الحجر ما ما في مزحه او في اي شيء ابدا اما بالدروس ممكن ايه نعم مشان ما يمل الطالب ممكن من نكته من نهفه كذا هيك نتبسم ما عليه شيء اذا معتده الوفاه دون غيرها من المعتدات ولا يجوز العقد على واحده منهن قبل انقضاء عدتها سواء كانت معتبده للطلاق او معتده لوفاه ما بجوز ان نعقد عليها. الماده الثالثه يجوز الخاطب ان يبصر المخطوبه وينظر الى وجهها وكفيها هلا بايدين بني ادم بتعرف جسمه من ايديه اذا ايديه حمر وبضين هيك تلاقيه وحلوين ومثل الطراريح بتلاقي ايش معناتها جسمه هيك ف اما اذا كان تلاقي ايديه صفر وايديه مثل عص نقارات وصفر وعظم معناتها جسمه هيك فالمراه اليوم اي نعم بالنسبه له الانسان لما بيشوف وجهها بشوف ايديها بيعرف جسمها من ايديه فالانسان بخاطبها يعني مشان بشوفها بشوف ايه نعم يعني ترتيبها بشوف حياتها لانه هي عشره عمر بدها تلزق فيه طول العمر اي نعم وطبعا هلا نحن وقت الخطبه ولو خطبوا بعضهم بتلاقي منخبي على بعضنا اخلاقنا بتلاقي البنت عامله حالها ما في احلى من هيك والشب بيعمل حاله لا قبله ولا بعده وبس يتجوزوا شو ضيع قبل الخطبه الشب بيحكي والبنت بتسمع وبس يكتبوا كتابهم اثناء الخطبه البنت بتحكي والشب بيسمع وبس يتجوزوه اثنين بيحكوا والجيران بتسمع ابوك ابوك امك امك نعم الوعد بالنكاح في المستقبل وقراءه الفاتحه دون اجراء عقد شرعي بايجاب وقبول لا يكون كل منهما نكاحا يعني والله مقريه فاتحتها شو يعني مقريه فاتحتها فاتحه ما لها علاقه بالعقد فاتحه للتبرك نقرا الفاتحه اي نعم ان شاء الله على نيه توفيق الفاتحه بنقرا الفاتحه اي نعم فمره هيك كنا قاعدين بالدرس قال الشيخ عنيه التوفيق الفاتحه عم يعطيني درس قعدوا الناس يقروا الفاتحه قلنا يلا منيح اي نعم كسبوا الفاتحه فلذلك ذلك مره كتبت كتاب لشب ناله عنيه الله سبحانه وتعالى يجمع بيناتهم ان شاء الله بخير الفاتحه قراوا الناس الفاتحه وقراتها معهم بعد ما طلعنا لحقني قال لي شيخ انا ماني حافظ الفاتحه قرات قل الله احد بصح الله يخرب بيتك قلت له في مسلم حافظ الفاتحه قال لي ماني حافظها قرات قل الله احد حسبي الله ونعم الوكيل قال له ما في مشكله يا عمي بس احفاظت فاتحه الله يرضى اي اي نعم الواحد بالنكاح في المستقبل ان شاء الله رح نزوجكم هذا مو عقد اي نعم ف ومجرد قراءه فاتحه مو عقد اجراء العقد الشرعي بايجاب وقبول في خطبه النكاح اي نعم الحمد لله الذي جعل الزواج سنه من سنن الانبياء وشعارا للصالحين والاتقياء به يجعل الله سبحانه وتعالى البعيد قريبا والقريب نسيبا وقد ندبنا الشرع اليه فمن ذلك قول الله سبحانه وتعالى من بعد اعوذ بالله من الشيطان الرجيم ومن اياته ان خلق لكم من انفسكم ازواجا لتسكنوا اليها وجعل بينكم موده ورحمه ان في ذلك لايات لقوم يتفكرون وقال عليه الصلاه والسلام كما روى الامام مسلم في صحيحه فبيقرا ايش اللي هي المقدمه بعدين شو بيقول لهم وكل واحد استغفر الله عند الامام الشافعي اشترط انه الشاهدين يكونوا عدو منين بدنا نجيب عدول؟ العدل اللي ما بياكل بالشارع العدل اللي ما بيطلع صوته لبرا على الشارع العدل اللي مغطي راسه على طول اي وين العداله؟ يعني مره كنت ماشي انا واحد المشايخ فاشتريت خبز مشروح مقرمش هيك قعدتقرش انا بالشارع سيدي تاكل خبز قال لي لا خايف تسقط عدالتك قال لي ساقطه من تمام بس ما بدي اي نعم العداله شغله كبيره معناتها اليوم ما حدا عم يزوج على قول الامام الشافعي عند ابو حنيفه بصح الشاهد يكون ايه نعم يعني عاصي وتاب لذلك شو بنقول اثناء العقد وكل واحد يستغفر الله فبتلاقي ايش استغفر الله العظيم الذي لا اله الا الحيمات اي نعم بعدين بقول له بقى حط ايدك بايد عمك اي نعم فبمصر وفي ناس بحطوا محرمه على ايدين اثنين ليش المحرمه يعني يعني بدنا واحد بقى ساحر ب برا بقيم المحرمه بيطلعوا اثنين صيصان بيركدوا شو المحرمه يعني ما في داعي لا لا محل حط ايدك بايده حتى اذا ما حط ايده بايد عمه قعدوا ماجئ بعضهم وطلعوا ببعضهم احيانا تلاقي اللي عم بيطلع فيني ق له زوجتك ابنتي فلانه بيقول لي لي زوجتك مو انا طلع فيه له خاطبه له خاطبه له حاكيه له الايجاب والقبول اللي بدا اوجب والثاني قبل قال قبيلته اي نعم ايه واليوم تلاقي النقد كلياته صاير 500,000 ومليون فبقول له انا العريس خورفوك اي نعم خورفوك دير بالك اي نعم فاذا الوعد اي نعم قراناها بايجاب وقبول لا يكون كل منهما نكاحا كان عندي طالب مره بدي اروح اكتب له كتاب فقال لي شيخ بس مشان الله لا تقول لي انكحني وانكحتك ما بحب ق لي زوجني وزوجته منان بنتي له ولا يهمه فتت لقيت ايه نعم الشيخ عبد القادر ارنقوط رحمه الله تعالى كانوا جايبينه اهل العريس انا جاي من طرف اهل العريس ب العريس هن دائما بجيبوا الشيخ والله سلمت على الشيخ رحمه الله تعالى ايه مؤدب كثير الشيخ عبد القادر فقال لي شيخ انت اكتب كتاب قلت له والله يا شيخي لو انه بنتي بدها تتزوج وانت موجود لخليك انت تعقد لها شو بدي ابرك من هيك اي نعم عالم يعقد لبنتي ايه علمونا مشايخنا بانه ما نقدم على المحراب نصلي ائمه بحدا نرجع لورا وامام قالوا لنا لا تعد امام لانه الامام والمؤذن سجين الاسلام الامام هذا بيقول له طولت وهذا بيقول له قصرت وهذا بيقول له اي نعم هيك والمؤذن اي نعم بتلاقي اذن قبلقه بعدقه اي نعم صوته ما حلو شو بدي بس شغله شو بدي بس شغله فلذلك اي نعم سبحان الله يعني اي اذا كان في تبادل الالفاظ بيكون زواج والا فلا كمان بدي اخذ وكاله البنت البنت بسالها في اجبار عليك حدا اجبرك حدا اكرهك على الزواج وفي بنت مره بقريه من قرى متزوجه قالت له والله اخي حطني ورا البرا مراد نزل فيني بوكس على وشي والشيخ برا عمل لها يا بنتي حدا اجبرك قالت له لا والدم نازل من ثم مناخيرها قالت له لا شيخنا ما حدا اجبرني الشيخ بدريه يعني سالت واخذت الجواب عرفان حاطين كيس ملاكمه ورا البراد نازلين فيها قتل ما بعرف فمره كنت في قريه من القرى انا خطيبهم وانا مدرسهم ايه في بنت بدها تتزوج اي نعم فسبحان قال شيخ مشان تفوت تعقد انت يعني بدي اتخطى النساء كلياتهم مشان اخذ وكالتها بتوكلي ابوك مشان تقول لي ايه انه اخذت نعم زوجتك ابنتي فلانه على كتاب الله وسنه رسولها بالوكاله منها والولايه عليها يعني وكلته لابوها هي بالغه راجده ما بامكانه ايه نعم يعني يزوجها ويجبرها على الزواج فقلت لحي بدي افوت والله مو فوت ففي يعني ابن عمهم من عشيرتهم قاعد وخطيب جمعه وانسان ملتزم دينيا قنا له قوم انت شيخنا يعني قوم انت يعني انت منه في انت حاكيها وافهم منها اي نعم في شيخ قاعد قال لازم يكون ال ال الوكاله في عليها شهود قنا له قالوا انه عليها شهود اذا كان ايش خشينه انه يعني ينكروها ينكلوا عن الش انه اي نعم انه ما وكلت بس العشيره بكاملها موجوده من عدد الضيوف اللي جايين من محافظتهم من عند الناس اللي جايه من الشام كلهم هذول نعم منكل شهادتهم كلياتهم شهدوا قال لي لا شيخ لازم اي نعم انه يكون في شهود على الوكاله لك يا اخي ما لازم ابدا بعدين اخي تعال ق لها قلت له هي دراستي واختصاصي شو دارس انت قلت له اي نعم ابدا ما كان يفهم عليه عنزه ولو طارت اي قنا له اخي لا تردوا عليه مشان الله بصير في عداوه اولاد الكار يعني حتى المشايخ احيانا بتلاقي ايش بصير في غيره كذا في سبحان الله وللخاطب العدول عم من خطبها بعد ما خطبها لاها ما في منطاق اي نعم ما بتفهم تحكي حكيها دج اي نعم يعني ما عجبته لحاله والله اي نعمنا فيها لسع ما في غير خطبه السماعه اخي سامحونا منان الله والله ايان ه الشغله كلياتها ايه ما في ما في مشكله وللمخطوبه ايضا رد الخاطب الموعود مره كتبت كتاب لواحي هون عم يتكلم على الخطبه فانا كتبت كتاب جاي يسهر عندهم الخاطب قالوا له جيب لنا معك شويه نابلسيه جاب معه هو طالع قال له لمراه عمو اعطيني حقه مرا عمي قالت له عم تمزح له لا والله انت قلتي لي جيب جبت خربتها ايه روح افقنا اذا من هلا هيك ايه نعم بكره اذا تزوجت لقال البنت شوسان ابعت لها حق سندويشتها يعني فلذلك ايضا البنت لها الخيار يعني اي نعم اي مخطوبه وشافت انه الشب نعم ليس كما يجب يعني شب تعيس تعبان اي نعم بخيل او في علل مثلا منفره ايه ما بده اياها فلذلك كمان هي الثانيه لها الحق تقول له لابوها هلا ايمتى بتفشل الخطبه ولو مكتوب الكتاب لما يطول الامد لما يقعدوا مخطوبين سنه وسنه ونص وسنتين هي بتكتشف قديشه ثقيل وهو بيكتشف قدشها غليظه ودمها ثقيل اي نعم هلا معظم الامهات شو بتقول لها لبنتها الله يعين بده ياخذك اي نعم من ايش من سالتها قومي اشتغلي قومي جيبي قومي كذا تحركي تلحلحي اي نعم والشب كمان بتلاقي بفوت من برا يعني ما لا سيره ولا حديث ايه بيكتشفوا بعضهم على المدى الطويل ولو بعد قبولها هي قبلت بهالخطبه او قبول وليها ان كانت قاصره هديه الخاطب كان عم يجيب هدايا وهي معلومه كل بنت تفرح بالهدايا يعني جاب لها فستان جاب لها خاتم جاب لها هيك شغله فرحت فيهم جاب لها ذهب عيطه اي نعم ذهب روسي واحد وقع بضيقه اه قالت له عياله هي الذهبات روح بيعهم فك دقتك صار يبكي قالت له شبك قال لها ذهب روسيا ذهب عيطل ايه الله لا يوفق طول السنين وانا مفكرتهم ذهب عادي فطلع ذهب عيطه اي نعم فالانسان عاطي لخطيبته اي نعم عاطيها هدايا بحق له استردادها ان كانت قائمه اعيانها ايه كان كل ما يجي قت له مرله لعند فلان انعم بياع شاورنا ظابط هيك ظريف جيب لي وجبه من عنده كريس بي اي نعم وهات لي هذا اي كازوزنا هذا تبع ال المعدن اي نعم كولا ايه وتعال عنا ايه فكان على طول اذا حساب امي مليون ما طلخيت ماشي يجيب بعدين اختلفوا تفارقوا قال له الاكل الاكل مالك حق تطالب فيه الاكل مالك حق تطالب فيه نهائيا كمان اي نعم هداه هروب طلع صغير عليها هدته قرايبها كمان ما لك حق تطالب فيه لانه خرج من ملكها ومانع من الرجوع في الهبه يا صاحبي حروف دمع خزقه دمع خزقه فهذول الاحرف بيمنعوا من الرجوع في الهبه ازاي زوجيه بتلبس عيالك مثلا اسواره ذهب بتقول لها والله مو ضايعه فيك اشتريت لها هيك لحظه صفا قاعد انت واياها نزلتها ثاني يوم على السايغ اشتريت لها اياها هي خلي لي اياك يطول ول عمرك كذا من هون لثاني يوم الله يقبرني اياك وليهحي الاسواره ما بحق لك الزوجيه موانع الرجوع في الهبه اعطيتها اياها ملكتها والهبه ركنها التمليك الهبه ركنها التمليك اذا بعطي مثلا الزوجه شيء ملكت اياه اي انسان بتعطيه غرض ملكه هذا هبه والوصيه اصحك توصي لحدا باي شيء مثلا عندي كم بيت زياده في شيخ عننا بالحاره قلنا له ايه نعم شيخي والله اوصيت لك بالبيت لانه عايش بالاجار هلا بعد كل صلاه يا رب دخيلك يا رب يطول الزلمه استفقدوا يا رب خلينا ناخذ البيت والله مال قلبي من الاجار اي نعم عندي مكتبه وصيت فيها لطالب شريعه يا ربي دخيلك والله حق كتب غاليه هالزلمه عندك اياه يعني حاجته فيوم توصي لانسان بصير بدي عليك لا تكتب وصيه وتعلم عنها احد نهائيا بس نموت ت بيفتحوا الوصيه وبيشوفوا شو ماوصي ولا وصيه لوارث اوصيت لابنك لبنتك هي بترجع للورثه اذا الورثه اجازوا بنفذوا الوصيه ما اجازوا روح بالله واشرب ميتها اذا ان كانت قاصره هديه الخاطب هلا البنت القاصر بنت القاصر ما بامكاني يشلحها شيء اي نعم البنت القاصره اللي دون البلوغ مره اجتني امراه را انا لما اكتب كتاب بسالب بنت قديش عمرك اذا قالت لي مثلا 14 13 بسالها سؤال ق لها يا عمو انت صمتي رمضان كله لما فطرتي منه كم يوم طبعا شو بدي اقول لها بتجيك العاده ما بتجيك العاده تجي حم بده يسال هيك ما بتنساي الحرمه هيك سؤال عمو صمتي طول شهر رمضان لما افطرتي قالت لي صمته كله ولا يوم افطرت يا شيخي ايه منيح له لاما هي ما ابلها غير يعني قالت لي انا تزوجت وانا صغيره والله دللني دلال ودلال لذلك بدي ازوجها وهي قبل ما تقبلغ لك يا حجه اتقي الله فيها والله ايه نعم تزوجوا ايه تكون قاعده عم تفرج على التلفزيون على الافلام كرتون يجي هذا الشب من الشغل قومي اعملي لي اكل مالي قايمه هلا طلعت مزيري قومي شايلي اكل مالي قايمه تنامي قيامتك قومي بيضربها تنكسر ايدك اي نعم لت جايه لعندي هي وامها قالت لي شيخ ان شاء الله ان شاء الله ما بدي اياها ان شاء الله ما بدي اياها طلعت بامها الله لا يوفقك ان شاء الله يعني تعديتي بخطيتها على شو على هي خرج تفتح بيت بيجي واحدنا مثلا بيخطب بنت عمرها 14 15 سنه بده اياها تساوي كبه وتساوي قشه وتبوس ايد امه وابوه اي نعم بده اياها غير شك طفله لساعتها يعني يا دوبها تعمل صحن اندومي يعني شو بدها تساوي اكل هي هي مو دعايه الاندومي اي نعم ما منيح الاندومي فلذلك اي نعم يعني بدك تماشي وقتك هالبنته اللي خطبتها بدك تشوف مقديراتها بدك تشوف هلا احيانا في امهات بتجرد البنت جرد غير شكل بتلاقي طبخها غير شكل اي نعم غسيلها ضب البيت بتلاقي سبحان الله يعني جارتها بالبيت بس كمان في معامله زوجيه في عندها حمايه عندها عما بيت احمى في عندها نكاشات بينكشوا عليها مشان ما ترتاح بنات حماها على قوله شفت عملت ايه نعم ما انا ما بديقول لك شو عملت مرتك مع عمك انا ما بدي احكي ايه نعم بيعملوا له 100 مشكله سمعنا هكذا سمعت من علماء ايه نعم بانه ما رح اسمي الشيخ نعم يعني عالم كبير بالشام بينه نعم مرته وحماته مرته وامه على طول يتقاتلوا ما هي الحمايه ما لها حد تحب الكنه والحمايه اي نعم سبحان الله لو كانت وليه الا ما تهز براسها شويه ما بتحسن تلاقي الا ما اي نعم فبفوت الولد طبعا اي نعم يعني بده يكون الانسان يعني يعطي زوجته حقوقها وامه حقوقها وانت جنتك ونارك وين امك وابوك ابوك مو زوجتك مو بطلع من البيت يا رضا الله ورضى المراه ابوك شوف الايه القرانيه اعوذ بالله من الشيطان الرجيم اما يبلغن عندك الكبر احدهما او كلاهما فلا تقل لهما اف قال المفسرون انا سمعتها من المفسرين هلا نعم من مشايخنا قال ايمتى كلمه الاف بيقول الولد لما بيقيم من تحت ابوه او من تحت امه وصخ فاذا كان الريحه ازته وقال اوف فالاب الاب او الام بيتمنوا الموت لانه ما مو بايدهم يعني ما ما في مين يخدمهم شو بده يساووا بحالهم بيتمنوا الموت قال ايه نعم خدموك بالزغر وخدمتهم بالكبر لا لما خادموك بالزغر وقاموا الوسخ من تحتك تمنوا حياتك لكن لما قامت لهم انت الوسخ من تحتهم ههم كبار انت متمني موتهم هي مو مكافاه انت وياهم كان عندي طالب اكبر مني سنا مو شرط انه يكون شيخك نعم يعني كبير في السن احيانا تلاقي المريد بيكون يعني اكبر سنا من من الشيخ فعندي طالب كان اكبر مني سنا فتواعدت انا واياه وواحد ثاني نطلع على مكه المكرمه برمضان بالعمره وانتمنا قاعدين لحتى نحج معلومه كثير انسان بهالدنيا يعني هوسه بالحج وتفكيره بالحج واللي بيشرب كاس شاي بيقول له ان شاء الله عند النبي قال لي بضيفنا فنجان قهوه ان شاء الله هديه مكه بتم الانسان ايش يفكر بمكه والمدينه ولو ما مكه والمدينه بالسعوديه ما كنا رحنا على السعوديه بينعونا على حدود 12 ساعه 13 ساعه اي نعم لحتى تلاقي تطلع روحنا مشان نمرو لك اخي والله منا جايين نساوي شيء نحن جايين عند سيدنا النبي هون اي نعم ايه بيتبغدوا علينا لانه ايه نعم الحرام عندهم اه سيدي فتواعدنا اجت الدنيا رمضان قام صح ليفوت على بلد اخطب فيها الجمعه ما بيصح لاي انسان يدخل عليها قاسيين شوي بالمعامله اي نعم و يعني وكان عندهم شيخ وما بيقبلوا غيره هلا انا اذا بتم تدرس عندي ما عاد تنبسط عن شيخ ثاني ها بس تعود على اسلوبي بصير بدك ايه نعم شيخ يكون نفس الاسلوب وما في شيخ نفس الاسلوب كل شيخ له اسلوب شكل قلنا لهم يا شباب سامحوني انا صح لي خطبه جمعه اي نعم راي على بلد يعني قاسيين هن لكن اعطيني مثل كفار قريش بعطيك مثل صحابه النبي عليه الصلاه والسلام ما بدنا ناس مايعه كفار قريش لما قال لهم النبي عليه الصلاه لما كانوا ههم ابو طالب قال لهم ابو طالب اي نعم شو بدكم من من محمد عليه الصلاه والسلام قال له فرق كلمتنا وشق عصانا اي نعم ان اراد المال جمعنا له وان اراد باه زوجناه وان اراد السياده لم نقطع شيء الا باذنه شوف شو بده ابن اخوك فلما قالوا لسيدنا الرسول صلى الله عليه وسلم قال يا عماه كلمه بس قالوا اي وابيك وعشره لك خذ عشر كلمات شغله كلمه قال قولوا لا اله الا الله ما رضيوه ليش؟ لانه اذا قالوها بده يعملوا بموجبها نحن كم مره بنقول لا اله الا الله باليوم وما بنعمل بموجبه مشهد زور اي نعم وبناكل حرام حرام نحن اذا بشوف شبه خبزه بالارض مين قال لك تبوس الخبزه اي نعم او اذا بنلاقي مثلا مشايه هيك لفوق بقلبها ما هي المشايه لفوق غلطه لانه السماء قبله الدعاء بس هذا منتهانا من الدين اما شوف بيعنا وشرائنا كله خلاف الشريعه حياتنا مع نسائنا واولادنا خلاف الشريعه يوم بدق الباب بتقول له لا ابنك قول له مو هون علمته الكذب علمته ولد الكذب لما بتيجي ضيفه بتفوت مرتك على المطبخ عم تساوي قهوه تجيكم حمها على هالجيه ان شاء الله علمت اولادها النفاق فاتت لجوا لعند الضيوف لك 100 اهلا وسهلا لك نور البيت يخرب بيتك قال لك عم تضي عليهم بالمطبخ تعلم الولد النفاق فنحن اي نعم سبحان الله بتلاقي بنقول لا اله الا الله بنقول محمد رسول الله بس ما في ما عم نعطيه الكلمه حقها فقلت له والله انا صح اي نعم والاوقاف بعثوا لي مشان يخلصوا مني قالوا لي روح لديك البلد روح لعندهم رحت والله كان في عزاء حضتنا عزا عندهم قنا لهم ايه عم تقبلوا لي خطيب قال اهلا وسهلا ومرحبا والله قعدت عندهم خطيب وما شاء الله وكان يعني طلع من عندهم مشايخ وطلاب شريعه وحفظت قران بفضل من الله سبحانه وتعالى نرجع للسيره الاساسيه انه ه الشباب اللي معي اي نعم راحوا وقعدوا بمكه المكرمه فاتوا على الحرم من رمضان للحج لك رجعوا شاعلين مثل النيونات رجعوا بتلاقي ايش سبحان الله تلاقي عايشين احلى ايامهم هذا الرجل عنده ام باركه فكان يجي يقيم لها من تحتها يجيب لها المستعمله الكه ما بتخدم الحمايه هو كان واولاده يخدموا الاولاد يخدموا ستهم هو يخدم امه يوم بيوم ما لحقوها بيعتها وسخت بالفرشه معلومك بني ادم ريحته كرهه نزلت قتل بحالها وصارت تبكي ونتفت اواعيها قال له تعال شوف امك رقد لقاها بكيانه بكل عينها لقدها قال لك امي ليه زعلانه صار يقيم وسخها يحطها على وشه يدهن لحيته قال لها لك امي لك انت ما في اغلى منك لك وسخك عندي غالي مو بس انت لك انت الغاليه عندي انت كذا اي نعم فكنت اخطبها الجمعه وخطابه الجمعه كن جيبها على المنبر لانه في ايش معك ميكروفون ولهجه الخطابه غير لهجه جيت الدرس اي نعم فلما دخل عليها الناس تقعد على الكبخير ان شاء الله شو صار اي نعم فمره خطبت شيء بشيء اذا كان نخط الدرس فيها مره عم اخطب عن معركه بدر فعم اقول لهم انه النبي عليه الصلاه والسلام بخطبه الجمعه اي نعم بانه طلع على جيش المسلمين 313 مقاتل معه قلليب وعمائم طلع على جيش المشركين بيطلعوا لهم شيء 1000 مقاتل ومعهم خيول ومعهم جمال ولابسين دروع ولابسين خوز اي نعم سلاح كامل طلع موجشين غير متكافئين فوقف على العريش اللي ساووا له اياه على ظهر تبه ورفع ايديه لله سبحانه وتعالى وبدا يتضر على رب العين سبحانه وتعالى ويقول يا الله يا الله ان تهلك هذه العصابه اليسيره فلن تعبد في الارض بعد اليوم سيدنا الصديق الله يرضى عنه معانقه لسيدنا النبي عليه الصلاه والسلام ويقول يا رسول الله بعض مناشداتك لربك الله سبحانه وتعالى ما بيتركك الله سبحانه وتعالى منجز لك وعده وعدك احدى الحسنيين اي نعم وعدك ايش العير او النفير يا رسول الله وسيدنا النبي اي نعم بيدعي لله سبحانه وتعالى ما شافوا الا ايش عاصفه قويه ضربه الارض ونزل سيدنا جبرائيل عليه على الارض مع كوكبه من الفرسان على خيول بلق يحملون السيوف وخاضوا بالمعركه لما صرت انه ضربه عاصفه في واحد ق الجامع كانه المعركه شايفه اه عم وقفت قلت لحالي شبه الزلمه يكون معه شي شغله او معه كهرباء زياده او معه اي نعم تريد تاخذ اي نعم لما كنا عم نوصف سير المعركه لازم نتفاعل نحن لازم يكون عننا اطلاع على غزوات النبي عليه الصلاه والسلام لازم نكون فقهاء لازم نتعلم احكام الوضوء احكام الصلاه قدش صار لنا شيء صار يعني ساعه يا الهي ساعه اي نعم بارك الله بكم وبارك عليكم واحسن اليكم ما بنلحق في عزا نعم اتصل فيني مدير مدرسه شرعيه وانا قاعد بالغرفه جوا اي نعم مشان انه نروح على العزا يعني وشي منيح لاقدام الخاطر فلذلك قاللي شيخ تجينا لهجي الله يبارك فيكم يحسنكركم السلام عليكم ورحمه