العولمة علم اجتماع تانية ثانوى الدرس السادس الترم الثاني 2026

السلام عليكم ورحمه الله وبركاته اخواتي الحلوين الصلاه والسلام على سيدنا محمد خير الخلق اجمعين وان شاء الله جميعا ناجحين وموفقين ومقبورين معكم طاه رمضان استاذ الفلسفه وعلم النفس للمرحله الثانويه ودلوقتي احنا خلاص بنخلص المنهج وهنشرح لك الدرس قبل الاخير وكمان الدرس الاخير هتلاقيه نازل بعد الفيديو ده ونكون كده خلصنا كل المنهج عايز بس اقول لحضرتك ك على حاجه صغيره جدا ان كل طلاب المنصه بفضل الله اللي اشتركوا اشتراك الترم كامل من اول السنه او حتى لما اشتركوا لما عملنا خصمه بفضل الله انت معانا مش هتدفع اي جنيه ثاني وهتاخد المراجعه النهائيه تمام كده وانا كنت ناوي ان انا هقفل المراجعه النهائيه على طلاب المنصه بتوعي اللي هو كورس الوقت الضايع اللي احنا بنخرب بيه الدنيا بقىنا سنين ومش عايز طلاب جداد ليه عايز اهتم بيكم عشان خاطر فعلا تدعوا لي ولكن والله العظيم ربنا يعلم ان في ناس حواليا قالوا لي لا يعني في ناس بتبقى مستنيه كورس المراجعه ده فافتحه وحتى خد لو عدد يعني مش كبير فعشان كده انا ببلغ معاليك وانا مش هعمل دعايه قويه على الموضوع ده عشان خاطر انا مش عايز طلاب كتير لان هوصل لحد عدد محدود ومش هقبل ثاني فانا فاتح باب الحجز العدد محدود للطلاب اللي تكون معانا في كورس المراجعه ان شاء الله كورس الوقت الضايع اللي هنلم فيه علم النفس وعلم الاجتماع في الاسبوعين اللي جايين اول اسبوع هناخد فيه شرح الفلسفه كلها وحل على الفلسفه مين شرح علم النفس كله وحل على علم النفس كله وتاني اسبوع هناخد ده شرح علم الاجتماع كله وحل على علم الاجتماع طبعا مش شرح شرح لا ده شرح تلخيص كده عشان خاطر نلم لك الدنيا في اقل وقت ممكن وتعرف ازاي السؤال بيجي غير طبعا الامتحانات غير المتابعه غير تيم الماده العلميه غير حاجات كتيره جدا بفضل الله بتكون تكون معانا لما بتشترك والسعر هيكون بسيط جدا مش هتكلم في الموضوع ده ثاني مش هتكلم فيه كتير خش اتفرج على الفيديو لو عايز تكون معانا هتلاقي في ارقام ظاهره قدامك كلمنا وكلم تيم دعم المنصه او مباشره على طول من لينك المنصه وبس كده والسلام عليكم ورحمه الله وبركاته اكيد انا مش همشي يعني بس انا بقول لك خش اتفرج على على الشرح سلام برده سلام يا عم يا عم خش اتفرج على الشرح بسم الله الرحمن الرحيم اللهم اني اسالك علما نافعا ورزقا طيبا وعملا متقبلا اللهم يسر ولا تعسر اللهم امين ابطال ثانيه ثانوي اهلا بك يا بطل في اخر اسبوع عندك في شرح المنهج الاسبوع ده احنا هناخد درسين اول درس عندنا هو بعنوان العولمه وهننزل لك فيديو ثاني للدرس الاخير اللي بعنوان المشكلات الاجتماعيه الدرس ده بشكل بسيط هنبدا نتكلم فيه على تعريف العولمه يعني هي ايه هي العولمه ايه المزايا بتاعتها ايه السلبيات بتاعتها ونبدا نقول لك ايه الاليات او ايه الحاجات اللي خلت يبقى في عولمه طبعا انت اول سؤال هتساله لنفسك دلوقتي هي ايه العولمه دي العولمه دي درس جايلنا من ثالثه ثانوي كان مقرر على ثالثه ثانوي درس سهل وبسيط وممتع بشكل بسيط بيفهمك الوضع اللي احنا فيه دلوقتي هو ايه يا مستر الوضع اللي احنا فيه دلوقتي ده حضرتك انا دلوقتي بصور لك من محافظه القاهره وبالاخص من منطقه جوه محافظه القاهره ومن بيت جوه محافظه القاهره وماعرفش انت منين ولو يعني حابب تعرفني انت منين يا ريت تقول لي سواء كنت من اي مكان على وجه الكره الارضيه انت دلوقتي شايفني يعني كانك حضرتك دلوقتي قاعد معايا في نفس المكان اللي انا فيه ده وبتبص عليا طب ده حصل ازاي؟ عن طريق التليفون اللي في ايدك عن طريق الانترنت الفكره وما فيها ان العولمه دي معناها ان العالم كله بقى عباره عن اوضه ومن غير حمام كلنا قاعدين مع بعض ان شاء الله اوضه صغيره جدا وكلنا بقينا شايفين بعض ودي حقيقه بنفتح التليفون الريلزات بتلاقي نفسك دخلت جوه بيت ده وتشوفهم بيعملوا اكل ايه النهارده وعند عندي ده هو اكيد مش انت اللي بتتنصط هم اللي بيقولوا لك احنا النهارده هنطبخ كذا مش عارف ايه ايه انت بتخش تعيش مع الناس مع ان هو في مكان ثاني وانت في مكان ثاني وكلنا في اماكن مختلفه ولكن بالرغم من ده في يعني تحس ان احنا كلنا قاعدين في بيت عيله ها كلنا شايفين بعضينا وحتى بنشوف الدول اللي بره وبنشوف ستايل لبسهم واكلهم وتبدا الافكار دي تجي لنا وتنتقل لينا وممكن الافكار دي تكون افكار افكار سلبيه افكار وحشه وممكن تبقى كويسه فالفكره وما فيها ان الراجل بيقول لك ايه هي العولمه بيقول لك والله ان العولمه معناها هي حريه حريه ايه حريه انتقال انتقال ايه الافكار والاتجاهات القيمه والسلوكيه والازواق فيما بين الثقافات بنبدا الافكار الغربيه تجي لنا والافكار الشرقيه تروح لهم وناخد من ده فكر ومن ده ذوق ومن ده سلوك الناس كلها بقت منفتحه على بعضيها الراجل بيقول لك وهي عمليه يتحول من خلالها العالم كله الى مجتمع واحد كلنا تحس ان بقينا مجتمع واحد كلنا بقينا حاجه واحده ولكن في ثقافات مختلفه وده هنفهمه ولكن في ركز بقى الثقافات دي والعالم ده بسبب العولمه اصبح هناك تشابه في نظم الاقتصاد طب ايه التشابه اللي في نظم الاقتصاد؟ تقريبا كلنا عندنا نفس طريقه الانتاج ونفس طريقه الاستهلاك ونفس طريقه التجاره حتى التجاره مثلا بقت الكترونيه فتحس ان كلنا بقينا شبه بعض العالم كله بقى شبه بعض وكمان في نظام السياسه برده انظمه الحكم تحس اللي هي متشابهه وكمان في العلاقات الدوليه ودي ليها علاقه بالسياسه والاعتماد على نظم الاتصالات الحديثه والاعتماد على نظم هي بتتعاد تاني اتصالات الحديث هو عايز يقول لك ايه من الاخر الراجل عايز يعني يوضح لك بشكل بسيط ان العولمه خلت ركز كده العالم كله منفتح على بعضه خلت في تشابه ركز في حاجتين تشابه في الحته الاقتصاديه الناس او العالم كله اقتصاديا بقى شبه بعضه وتشابه في الحته السياسيه انظمه الحكم شبه بعض يعني مثلا تحسه النظام الجمهوري والملكي والكلام ده كله شبه بعضه تمام كده وفي اختلاف شويه ده ما يمنعش على فكره ان في اختلاف في الثقافات يعني احنا اه منفتحين واه بناخد من عندهم افكار وهم بياخدوا من عندنا افكار ولكن الثقافه المصريه برده محافظه على نفسها برده ولها شكل والثقافه الاوروبيه برده محافظه على نفسها ولها شكل اه بناخد من بعض بس برده محافظين على الهويه بتاعتنا يبقى هو اللي هو عايز يوصله لك ان احنا بنتشابه في حاجات زي الحاجات الاقتصاديه والسياسيه ولكن ده ما يمنعش ان في اختلاف برده في حته الثقافه يعني برده انا ل ثقافه وهم ليهم ثقافه وهكذا ولكن الاصل والفكره العامه اللي بيدور حواليها الدرس ده كله ان العلماء خلت ان الافكار وكل حاجه تنتقل من مكان لمكان الراجل بيبدا يشرح لك اكت ويقول لك ان هذا التشابه لا يلغي الاختلاف في الثقافه زي ما لسه شارحها التشابه اللي حصل في العولمه ده مش معناه ان مافيش لسه قاها لك اهو ان ما فيش اختلاف لا تتنوع الثقافات داخل منظومه العولمه العولمه عمليه ركز مستمره متى بدات لا تنتهي خلي بالك العولمه دي حصلت ليه يا جماعه حصلت لان حصل انفتاح حصلت لان بقى في وسائل اتصال بقى في ناس بتسافر من مكان لمكان ممكن انا اسافر اوروبا اخد الافكار بتاعتهم اجي انفذها هنا حصلت العولمه بسبب الانفتاح بص قال لك هي عمليه تلقائيه يعني ما حدش رتب لها هي جت كده لا تحدث بتخطيط وانما تحدث نتيجه التطور في ايه بقى وسائل الاتصال والمواصلات وسائل الاتصال اللي هو زي السوشيال ميديا والكلام ده ووسائل الاتصال والمواصلات الناس بقت تسافر بكل سهوله فتروح هنا تشوف الثقافه اللي في المنطقه دي او في البلد دي وتروح هنا تشوف الثقافه اللي في المنطقه دي او البلد دي وتبدا تاخد منها افكار وممكن ممكن تيجي تنفذها هناخد لي بالك انت وصور الاحتكاك الثقافي اللي بيتم عن طريق الغزوه او الهجره يعني الثقافات بتحتك ببعضيها وده بيتم عن طريق ان ممكن حد يهاجر لمكان ثاني زي ما قلت لك او عن طريق الغزو هو احنا حضرتك هنا في مصر مش دم احتلالنا سنين طويله هم اثروا فينا اه اثروا فينا هم اثروا على فكرنا اه اثروا على فكرنا هم خلينا نشوف حاجات جديده اه خلونا نشوف حاجات جديده لان هم كانوا عندهم علم وتطور لما جوم هنا كنا احنا يعني متاخرين شويه فبالتالي ممكن العولمه يكون من اسبابها فكره الغزو فكره الهجره وهكذا دي بتتعاد تاني طيب بقول لك ايه انا ممكن الخص لك الكلام اللي احنا قلناه ده كله في كم نقطه صراع من غير رغي كتير افضل تعرف ان العولمه بشكل بسيط جدا معناها ان العالم كله بقى قريه صغيره وان بقى في حريه انتقال للافكار والاتجاهات والقيم من مكان لمكان بكل سهوله طيب تعرف ان العولمه خلت العالم كله متشابه في الحته الاقتصاديه والحته السياسيه وفي برده يعني اختلاف ما بين الثقافات من مكان للثاني طيب تعرف ان العولمه دي عمليه مستمره تلقائيه يعني عمليه ماحدش خطط لها عمليه بدات لما بدات يحصل تطور في وسائل الاتصال وسائل المواصلات السفر بقى سهل الاحتكاك الغزو الهجره كل ده خلى العالم ينفتح على بعض والافكار كلها تيجي من مكان للثاني بكل سهوله والراجل بياكد لك بيقول لك ان العولمه عمليه مستمره يعني هتفضل موجوده وادينا بنشوف كل يوم قصه جديده لبس جديد موضه جديده كل ده بناء على ايه كل ده بناء على الافكار اللي بتجي لنا من بره طب حلو الكلام لحد هنا يا مولانا ما تيجي اقول لك ايه هي مزايا العولمه يعني العولمه وان احنا بننط طالع على افكار الناس اللي بره وهم يطلعوا علينا وكده ايه الميزه؟ قال لك اول حاجه في شويه مزايا اول ميزه ان العالم بيتحول لقريه كونيه صغيره العالم كله كانه قريه صغيره ماشي يمكن الشعوب المختلفه في ان تستفيد من خبرات الشعوب الاخرى ركز كده بقول لك ايه في شعب وليكن عدى بازمه قويه جدا وقدر ان هو يطلع من الازمه دي زي اي دول زي الدول الاوروبيه ويتطوروا وينهضوا ويتقدموا طب ما انا عايز اعرف الناس دي عملت كده ازاي فانا لما اعرف الناس دي عملت كده ازاي طب ما انا تعبان ومتنايل على عيني طب ما اعمل زيهم يبقى اللي هنا بنستفاده من العولمه ان ممكن الشعوب تستفاد من خبرات الشعوب الاخرى تخيل لو ما فيش اتصال بيني وبين الدول دي هعرف اللي هم عملوه ازاي يبقى العولمه دي ميزتها اللي بتخليني اشوف الناس اللي بقت كويسه بقت كويسه ازاي واستفاد منهم. اثنين يمكن ان تستفيد من بعض الافكار التي تطرح على مستوى الدولي. في بعض الدول بتطلع افكار. الافكار دي ممكن تكون افكار اصلاحيه، افكار كويسه، افكار ليها علاقه بالاصلاح، افكار ليها علاقه بحقوق الانسان. وركز في اللي جايه دي عشان بتيجي في الاختيارات كتيره. افكار ليها علاقه بالمساواه بين الجنسين. الست بقى لها دور بقت تنزل تشتغل بقت سترونج ومن بقت بتنافس بقت عايزه مناصب كل ده حصل عن طريق العولمه الانفتاح نشوف بره عايزين نعمل هنا عندنا وبناء عليه من ضمن المزايا بتاعه العولمه ان بتحاول تعمل مساواه بين الجنسين الافكار اللي بره بتجي لنا هنا فمين هم الجنسين الذكر والانثى بتحاول تعمل مساواه ما بينهم انا مش بقول لك رايي انا بقول اقول لك على الفكره عشان تعرف ان اي سؤال ليه علاقه بالست ومش عارفه ايه او النساء او مش عارف ايه اختار المساواه بين الجنسين من برده ضمن مزايا العولمه ان العولما بتتيح للشعوب الانفتاح على العالم طب الشعوب اللي بتنفتح على العام دي بتستفاد ايه لا بتستفاد ان هي بتشوف الناس اللي بتتقدم بتتقدم ازاي وتتعلم منهم مستر هيديم زي اللي فوق لا هو هنا بيقول لك ان هي بتخليك يعني تشوف العالم لان انت لو انغلقت على نفسك انت هتبقى يبقى متخلف لان تخيل ان العالم كله عمال يستفاد من بعضه زي الشبكه اللي كله بيفيد بعضه وبيحصل تبادلات وبيحصل علاقات وبيحصل وبيحصل وبيحصل وده بيتقدم وده بيتقدم وده بيتقدم وده بيتقدم وكلها بتكمل بعضيها تخيل لو انت بقى راجل منعزل قافل على نفسك مكان ومش عايز تطلع على كل الحاجات اللي بتحصل دي ايه اللي هيحصل هتبقى دوله متخلفه بص قال لك ولذلك فان الشعوب اذا ما انغلقت اهو على نفسها فسوف تجد نفسها متخلفه عن ركب التقدم هتلاقي نفسها متخلفه مش قادره يعني تجاري اللي بيحصل فبيكمل وبيقول لك ان الشعوب دي المفروض تعمل ايه اللي هي الشعوب التعبانه دي ومن اهم الحاجات اللي المفروض تعملها ان هي تتفاعل مع الظروف العالميه اللي حواليها وتاخذ وتعطي في علاقات بناءه دون ان تفقد هويتها الداخليه يعني تبدا تعمل علاقات وتبدا بدا تخش في منظومه العولمه بس ما تفقدش الهويه بتاعتها الداخليه تحافظ على الهويه بتاعتها كلمه الهويه يا جماعه عن الشخصيه يعني معلش احنا دلوقتي مصر احنا عندنا عادات وتقاليد وافكار يا مستر يعني ايه عادات وتقاليد عندنا يا باشا طريقه في الاكل طريقه في الشرب طريقه في الاحتفالات عندنا اصول ازاي نعامل الكبير ازاي نتعامل مع الصغير الاب والام العلاقه الاسريه تبقى عامله ازاي دي كلها هويه اللغه بتاعتك العادات بتاعتك فانت لما تيجي تاخد خد يعني اي ثقافه من اي مكان خارجي لازم تحافظ على الهويه دي فكلمه هويه معناها الشخصيه فهو بيقول لك ان انت هو بيعرفك هنا بقى ان الشعوب دي لما تنفتح لازم تبدا تتعامل وتاخد وتدي وتعمل علاقات بناءه دون ان تفقد الهويه بتاعتها كلمه الهويه يعني الشخصيه بتاعتها ماشي او تفرض في الاساس التي تقوم عليها ثقافه المجتمع وان تكون على وعي بالاثار المختلفه للعولمه يعني تبقى عارف ان العولمه ليها سلبيات فتكون واخده بالها منها طيب سمي الله صل على رسول الله كل اللي انا قلته قلت لك ان العولمه دي معناها ان في حريه انتقال للافكار افكار بتيجي من هنا لهنا من هنا لهنا العالم كله بقى قريه كونيه صغيره والعولمه عمليه مستمره وهتفضل موجوده خلت العالم كله متشابه في الاقتصاد والسياسه ومختلف يعني في سنه اختلاف في الثقافات طيب في مزال العولمه اه في مزايا للعولما اول حاجه ان بتخلينا نشوف خبرات الشعوب الاخرىاني حاجه بنست نستفاد من الافكار اللي بتعرض على مستوى دولي زي حقوق الانسان زي المستواه بين الجنسين ثالث حاجه بتتيح للشعوب اللي هي منغلقه او الشعوب المتاخره ان هي تطلع على الا عالم والعوب المتقدمه فعشان كده الشعوب المتاخره دي لازم تطلع ولازم تعمل علاقات مع العالم عشان تبدا اللي هي تتقدم طيب ده كده بالنسبه للعولمه وبالنسبه لمزايا العولمه ايه هي سلبيات العولمه سلبيات العولمه عندنا هنا في الدرس جايه بعنوان اسمه اسمه اثار العولمه بص يهتم علماء الاجتماع بدراسه اثار العولمه كلمه اثار العولمه هي سلبيات العولمه فالراجل هيبدا يكلمك على السلبيات بتاعه العولمه سلبيات العولمه اثنين حاجتين والحاجه الثانيه فيها ثلاث نقاط افهم اول سلبيه من سلبيات العولمه التباين في مستوى التنميه ركز معايا كده الله يراضيقكم كلمه التباين يعني الاختلاف التباين معناها ايه؟ الاختلاف يعني ايه الكلام ده؟ الراجل بيبدا يكلمك يقول لك على فكره العولمه حلوه اه والله حلوه بتخلي العالم كله قريه كونيه صغيره وبتخلي الناس كلها منفتحه على بعضيها وبتخلي اللي في اوروبا شايف اللي في افريقيا وشايف اللي في مصر واللي في مصر شايف اللي في اوروبا وشايف اللي في افريقيا وهكذا والعالم كله منفتح على بعضه ولكن لا ننسى ان في شعوب منتجه وفي شعوب مستهلكه يعني احنا مصر ايه اللي احنا بنعمله بعون الله ريلزات ا نفتح مواقع نقلب نتفرج نشوف فيديوهات فتخلينا نروح نشتري لبس من براندات نشوف فيديوهات فتخلينا نروح ناكل من براندات نشوف فيديوهات فتخلينا نعمل حاجات هم عايزينها ان احنا نعملها وبالتالي هم اللي بيحركوا وهم اللي بينتجوا واحنا اللي بنستهلك يعملوا تليفونات احنا نشتري ينتجوا لبس احنا نشتري يعملوا عربيات احنا نشتري يعملوا طيارات احنا نشتري ينتجوا احنا نشتري خلي بالك مش احنا بس لا احنا والدول التعبانه وبناء على اللي بيحصل ان العولمه اي نعم بتخلي الكون كله قريه صغيره بس بتخلي في فرق ما بين الدول عامل كده ايه يا مستر عامل كده ازاي؟ اه في دول بتزداد في الغنى وفي التقدم وفي الثراء واجتماعيا وثقافيا وفي دول بتتاخر وبتتخلف اقتصاد وسياسه واجتماعيا وثقافيا طب ده بيحصل ليه؟ بيحصل لان هم اللي استفادوا من العولمه هم اللي عملوا التليفون اللي ساحلينك بيه وهم بيفكروا ازاي يطوروه عشان يديه لك تاني وتستخدمه اكتر وبناء عليه الراجل بيقول لك ان العولماء عملت تباين في مستوى التنميه يعني ايه تباين؟ يعني اختلاف يعني فوارق في مستوى التنميه بص في الوقت الذي تعمل فيه العولمه على توحيد العالم زي ما انت عارف فانها تؤدي الى تعميق بعض صور التباين يعني صور الاختلاف عبر العالم ازاي؟ قال لك ومن اهم هذه الصور الاختلاف بين دول الشمال هي دول الشمال دي اللي هي دول دول اوروبيه والدول الغنيه ودول الجنوب اللي هو حالتنا والدول الافريقيه التعبانه في مستوى التنميه فالدول الغنيه في الشمال تزداد في الغنى عمالين يزيدوا غنى وتتقدم على نحو مذهل واخد لي بالك انت في حين تفشل دول الجنوب في الحاق بيها ليه احنا يعني ده احنا اللي بنخليهم يتقدموا ازاي بنشتري بنستهلك ما بننتجش ما بنصنعش ونظرا لانخفاض معدلات النمو الاقتصادي طبعا احنا هنا عندنا انخفاض ما بنصنعش ما بنعملش حاجه هم هم اللي هم اللي عندهم كل حاجه وتخلف التكنولوجيا عندنا من ناحيه اخرى عشان كده بدات الدول بتاعه الجنوب بتنادي بضروره اقامه نظام دولي جديد يقرب بين الدول الغنيه والدول الفقيره يبقى بشكل بسيط اللي انا عايز اوصله لك في الفكره دي التباين في مستوى التنميه معناه ان العالم بسبب العولمه اه انفتح على بعضه ولكن في دول بتزداد في الغنى وفي دول بتزداد في الفقر خدها بمثال بسيط كانك قاعد في منطقه المنطقه دي فيها نوعين من البني ادمين واحد مثلا يعني واحد بيصنع حاجه والناس بتستهلك مين هو عمال يعمل اعلانات وعمال يعمل حاجات وكله شايف بعضه هم بيستهلكوا وهو عمال ينتج وعمال يزود في فلوسه فبالتالي هو بيتقدم وهم بيتاخروا طيب اخر حاجه في سلبيات العولمه حاجه اسمها انتشار النزعه الاستهلاكيه ركز يا ابني الله رضيق والله رضيقي عشان وقسما بربي الكلام ده كلام مهم قوي وانت محتاج ان انت يعني تدركه بره عن الماده العولمه خلت خلت عندنا انتشار النزعه الاستهلاكيه والله العظيم لو تسال والدك ووالدتك لو هم يعني من ريف ومازال لحد دلوقتي طبعا احنا بنشوفنا ناس من كل حته انت ممكن لو كلمت والدتك لو هي كبيره شويه في السن تقول لك احنا كنا لبسنا ممكن يكون في السنه كلها عباره عن طقمين ثلاثه او ممكن مثلا في يعني الصيف هو صيف وشتاء ممكن يلبسوا مؤخذه في الكلمه حاجتين في الصيف وحاجتين في الشتاء ازاي الناس عايشه كده الدنيا يعني بسيطه الدنيا بسيطه هو بيلبس طقم بيجي يغيره ممكن يغسله يلبس الثاني وهكذا بتلاقي عنده بنطلون بنطلونين والدنيا ماشيه طبعا انت حضرتك اقل واحد بيتفرج عليه دلوقتي يعني انا اعتقد ان هو لو ما عندوش ثلاث اربع بنطلونات على خمس ست 10 تيشيرتات واخد لي بالك انت طبعا مع كل واحد بقى حسب يعني الدنيا عنده فيها ايه مع كوتشين ثلاثه مع مش عارف ايه ايه ايه هو كده يقول عن نفسه انا ما عنديش لبس اللي خلانا منفتحين وخلانا عايزينه وعايزين من ده وعايزين من ده وعايزين من ده القرف رف اللي في ايدينا التليفون وان احنا بنبص على الحياه ده وحياه ده وحياه ده وحياه ده فالعولمه خلتك بتشوف السوشيال ميديا والمشاهير والبلوجر واللي كل يوم هنا وهنا وهنا وهم كذابين هم الحاجات دي كلها بياخدوها ببلاش هم الحاجات دي بيبينوا لك منها الجزء الحلو الايجابي في حياتهم فبالتالي اللي حصل عندك انت حته انتشار النزعه الاستهلاكيه يعني ايه يا مستر يعني بقيت تستهلك بزياده مستر ما هو طبيعي انا لازم البس ولازم اجيب ولازم اشرب واكل ماشي بس تستهلك تستهلك اللي انت محتاجه انا عايز تيشرتين ثلاثه بدل فيهم عايز بنطلونين ثلاثه بدل فيهم عايز كوتش كوتش هنا ابدل فيهم ومقضيين معايا لما واحد يبوز اشوف حاجه غيرها وهكذا لكن مش يبقى عندي اثنين لاثه وعايز اثنين ثلاثه وعايز واحد واثنين وثلاثه وهكذا فالراجل بيقول بيقول لك ان العولمه يصاحب انتشار ثقافه العولمه انتشار قيم الاستهلاك حيث يتحول الاستهلاك الى قيمه في حد ذاته احنا بنستهلك لان دي احنا لازما نجيب طب ما انت عندك لبس لا بس انا لازما اجيب قيمه صحيح ان الانسان لابد ان يستهلك عادي طبيعي وهو بيحاجه الى سد احتياجاته انت محتاج تاكل وتشرب تمام ما فيش مشكله ولكن العولمه بقى بتفرض على البشر صور من الاستهلاك تتجاوز حاجاتهم الاساسيه يه مش بس انت بتعوز اللي انت عايزه لا ده بيصبح الاستهلاك هدفا في حد ذاته طب حلو الكلام هناك بعض العوامل التي تساعد على انتشار النزعه الاستهلاكيه في ميدان الاستهلاك وفي ظل العولمه في شويه حاجات ركز كده الله يرهضيك مهمه جدا بتخلي الناس تستهلك اكتر اول حاجه التقليد اول حاجه تخلي الناس تشتري اكتر اللي انت تقلد شفت صاحبتك جايبه درس مش عارف ايه عايزه تجيب زيها شفت صاحبك شايل تليفون مش عارف ايه عايز تجيب زيه شفت فلان مش عارف ايه عايز تجيب زيه فالراجل بيقول لك حيث يندفع الافراد الى تقليد بعضهما البعض في ميدان الاستهلاك كلنا بنقلد بعضينا وكلما اشبع الفرد رغبه استهلاكيه يجد نفسه امام رغبه اخرى ارضى صديقي لابس حاجه كويسه عندك طقمين حلوين الحمد لله عندك طقم حلو الحمد لله ما عندكش خالص برده الحمد لله مش شرط ده عنده فانت هتجيب انت محتاج اسال نفسك سؤال عشان ده لو الحاجه دي اتكونت جواك انت لما تكبر مش هتعرف تعمل مصلحه ليه؟ هتكبر معاك قرشين انا عايز اجيب عربيه زي فلان هتكبر معاك قرشين انا عايز اجيب تليفون احدث موديل طب حبيبي ما انت ممكن الفلوس دي تعمل بها مصلحه ممكن الفلوس دي تستغلها في حاجه ثانيه تجيب لك فلوس ولما ربنا يكرمك وتجي لك فلوس تجيب الحاجه دي وانت مش ايه مش مجبر يعني مش مش مزن نوق زي ما بيقولوا وبالتالي التقليد من ضمن الحاجات اللي هي بتعمل ايه؟ بتزود عندك الشراهه في الانتاج ثاني حاجه ودي بقى هم بيعملوها وهي التقدم فنون الدعايه والاعلام كل الشركات وكل المنتجات وكل الناس بقت دلوقتي موهبين في الماركتنج والتسويق فبتلاقي الشركه الفلانيه بتعمل لك اعلانات بملايين طائله عشان تخليك تشتريها تلاقي شركه بيبسي جايبه لك مين بكما مليون جنيه؟ عمرو دياب مش عارف بكام مليون جنيه شركه مش عارفه ايه جايبه الفنان الفلاني شركه ايه جايب ليه؟ عشان خاطر تكذبك حتى المحلات تصميمها بيبقى معمول بطريقه قويه جدا عشان تكذبك تشتري منها براندات الاكل تجيب البلوجرات وتعمل فيديوهات عشان تكذبك تيجي تاكل من عندهم وبناء عليه من ضمن الحاجات اللي بتزود الاستهلاك التقدم في فنون الدعايه والاعلام واسلوب عرض السلع حيث تستخدم الفنون كل صور للاغراء لجذب الافراد الى عالم الاستهلاك بنجز ذبك عشان تستهلك زي الاعلانات بتاعه الاغذيه وغيرها. ثالث حاجه ودي مهمه جدا ودي منتشره جدا في المجتمع بتاعنا وهي اللي بيخلي الناس تستهلك اكت الارتباط بين الاستهلاك والمكانه الاجتماعيه. ايه الارتباط بين الاستهلاك والمكانه الاجتماعيه دلوقتي يا جماعه عشان ما نكذبش على بعض الناس بتربط ركز الناس بتربط اللي بيستهلك اكت ان هو مكانته الاجتماعيه اعلى اللي بيلبس لبس اكت لا ده معاه فلوس اكتر اللي مش عارف معاه تليفون الاحدث موديل اكت يبقى مش عارف ايه اكتر بنربط دايما ال وده كلنا اللي معاه العربيه الفلانيه والتليفون الفلاني الاحس الاعلى مدير ومش عارف ده اكيد حاجه مهمه وتلاقي الناس بتعامله بشكل مختلف وبطريقه مختلفه وبناء عليه ده من ضمن الحاجات اللي بتخلي الناس تستهلك ممكن يكون هو مقسط اصلا التليفون اللي هو معاه ده يعني هو شريط عشان بس ايه يتفاخر وسط الناس فمن ضمن الحاجات اللي بتزود الاستهلاك الارتباط بين الاستهلاك والمكانه الاجتماعيه حيث يميل الناس الى اضفاء مكانه اعلى على من يستهلك اكتر الناس بتدي مكانه اعلى للي بيستهلك اكتر وهنا يتحول الاستهلاك الى رمز للمكانه يبقى انا كده كلمتك على سلبيات العولمه اثنين التباين في مستوى التنميه ان دول بتزداد في الغنى ودول بتزداد في الفقره واثنين انتشار النزعه الاستهلاكيه الناس بتستهلك كتير وفي ثلاث حاجات تقليد تقدم فنون الدعايه والاعلام واخر حاجه هي الارتباط بين الاستهلاك والمكانه الاجتماعيه ما تيجي اقول لك على اخر حاجه في الدرس ده وهي حاجه اسمها اليات العولمه كلمه اليات يعني الوسائل اللي ساعدت على انتشار العولمه وهم ثلاث حاجات خلت العالم كله منفتح على بعضه اولا الانترنت ثانيا الفضائيات ثالثا الهاتف المحمول طب واحده واحده اشمعنى الثلاثه دول للانترنت وللفضائيات اللي هو التلفزيون يعني ولتاتف المحمول اكت ناس خلت موضوع العولمه ده موجود وخلت الناس كلها تطلع على بعضيها قال لك بص يا عمنا بسبب شويه حاجات اول حاجه اللي كون انها تعتمد على ثقافه الصوره الثلاث حاجات دول بيعتمدوا على الصوره يعني انا لو قعدت كلمتك على حاجه انت مهما اتكلم فيها معاك غير لما تشوفها لو قعدت كلمتك على طعم اكل حلو قوي عمره ما هيحركك اه ممكن يحركك شويه ولكن غير لما تشوف فيديو واحد بياكل كده بشراعه وطعم وبص الجوسي ومش عارف ايه فهو بياثر عليك عشان كده بيعتمد على ثقافه الصوره تعد بص اشد تعبيرا بتعبر اكبر بقوه واكثر رسوخا والتصاقا بالعقل الفيديو والصور بتتلزق في العقل فبتخليك عايز تعمل زيها بتخليك تعرف اكتر عنها قال لك وفي بعض الاحيان تم استغلال تلك التقنيات لاغراض اخرى تضر البشريه خلي بالك عايز اقول لك هنا على حاجه العولمه هي سلاح ذو حدين سلاح ذو حدين ممكن يبقى في جانب ايجابي ايه الجانب الايجابي ان هي بتطور المجتمع ان هي ممكن تحافظ على ويه المجتمع وان هي بتفيد المجتمع ولكن ليها جانب سلبي ايه الجانب السلبي ان هي ممكن تضر المجتمع وان هي ممكن تستخدم من اجل زياده الارباح في ناس اهمها ان احنا نظهر لكل العالم عشان نزود مبيعاتنا اهو قال لك بص وده الجانب السلبي للعولمه ركز قال لك وفي بعض الاحيان تم استغلال تلك التقنيات لاغراض اخرى تضر نظامها البشري والقيم في سبيل تحقيق اكبر قدر من الارباح عايزين نحقق ارباحها كتير تعد القاد وهي مهمه ومؤثره لان هي تعد القادره على تحطيهم الحاجز اللغوي يعني الانترنت والتليفون والفاضيات مهمين عشان بيهدموا الحاجز اللغوي انت ممكن تشوف طقم على واحد اجنبي انت مش بتفهم تفهم اللغه بتاعته بس انت عاجبك الستايل فتبدا ان انت تقلده لتذوب بذلك الهويات الثقافات بتذوب وتزول الخصوصيه الثقافيه الوطنيه والمقاومه للشعب التقنيات المختلفه جاءت لخدمه البشريه وده جانب ايجابي يعني العولمه اتعملت عشان شيء ايجابي ان احنا نخدم البشريه تمام ولكن وتطور وسائل ووسيله للتطور الرقي وللمحافظه على الهواء الثقافيه وتعد لغه عالميه تفهمها جميع الشعوب ولكن بعض الناس بتستخدمها بطريقه سلبيه يبقى العولمه سلاح ذو حدين ليها جانب سلبي وجانب ايجابي طيب طب و واتكلمنا على اليات العولما اللي هي الانترنت والفاضيات والهاتف المحمول وان هم يعني بيعتمدوا على ثقافه الصوره وان هم اكثر رسوخا في العقل تعال بقى ناخد كل واحده لوحدها بشكل سريع وبشكل بسيط ونشوفها وهي هتلاقيها فيها شويه رغي بس احنا مش عايزين الرغي ده احنا عايزين الفكره اول حاجه هكلمك فيها من ضمن اليات العولمه هي الانترنت الايه الانترنت ركز كده معايا لما بكلمك على الانترنت انا بكلمك مش تليفونك انا بتكلم على شبكه الانترنت عموما الشبكه اللي هي التليفون بيخش عليها اللي هي زي الشبكه العنكبوتيه وزي الفيسبوك وزي الابليكيشنات وكل الحاجات دي ليها علاقه بالنت نفسه مالهاش علاقه بالتليفون هو انت بتفتحها من على التليفون لكن الاصل هو النت والدليل على كده انت ممكن تفتحها من على الكمبيوتر من على تابلت فانا هنا مش بتكلم على التليفون انا بتكلم على الانترنت شبكه الانترنت تعال ناخد عنها شويه معلومات سريعه كده ما تتكاش عليهم قوي شبكه الانترنت هي اختصار لكلمتين انترناشنال ونتورك ولما بنحط الاثنين على بعض بتبقى كلمه نت وكلمه نت معناها شبكه عالميه ما علينا ولا الانترنت خدمات كتيره الانترنت فيه حاجات كتيره زي الشبكه الانكابوتيه اللي بيبقى فيها مواقع الويب والكلام ده كله والفيسبوك والبريد الالكتروني وحاجات ونقل ملفات وهكذا طيب وغيرها لاستخداماتها الكثيره خلي بالك ان شبكه الانترنت بقت ليها تاثير كبير جدا اه شبكه الانترنت غيرت المفاهيم التقليديه الاول كان التعليم معروف مدرسه ولو في سنتر المدرس يبقى قدام طلابه دلوقتي الموضوع اتغير انا شغال اون لاين وفي شغال تجاره اون لاين وفي بيعمل زنس اون لاين فالانترنت غير مفاهيم واثر على الثقافه وهذه الظاهره ادت الى تغيير مفاهيم تقليديه لمجالات زي العمل والتعليم والتجاره والاعلام كل ده اتغير عن طريق الانترنت وظهر مجتمع اخر للمعلومات معلومات يبقى اللي انا عايزك تكون عارفه والفكره الاساسيه اللي انت تكون عارفها ان الانترنت معناه الشبكه اللي بتخلي الناس تتواصل مع بعض وتطلع على بعض طيب انا عايز اعرف ايه الاساليب او ايه الاسباب اللي خلت انتشار الانترنت بهذا الشكل يعني ايه اللي خلى الانترنت منتشر قال لك اول حاجه في الانترنت الاندماج والشمول حاجه اسمها ايه الاندماج وال شمول الاندماج والشمول الانترنت فيه حاجات كتيره بيدمج ما بين خصائص الوسائل الاعلاميه يعني في كتب في اذاعه في تلفزيون في صحف مجلات في فيديو كل ده ممكن يبقى موجود على النت عادياني حاجه التفاعليه الانترنت خلى يبقى في تفاعل ما بين اللي بيتفرج وما بين اللي بيعمل الحاجه زي ما انت دلوقتي بتشوف فيديو ممكن تكتب لي كومنت صح فبقى في تفاعليه ثالث حاجه الانتشار من مزايا الانترنت اللي هو منتشر في كل العالم حتى في المناطق المنعزله حيث وصلت الى كل بيوت العالم حتى الى اكثر الدول انغلاقا اخر حاجه سهوله الاتصال والنقل والتخزين الانترنت سهل ورخيص وسريع وفيه كل حاجه حيث يعد من اسرع وارخص وسائل الاتصال في العالم زمان عشان كنت تودي رساله من محافظه لمحافظه كانت بتقعد فتره طويله جدا ومن بلد لبلد كانت بتقعد فتره طويله اكتر ولكن دلوقتي بتكه زرار انت بتبعت اي حاجه لاي حد انت عايزه فعشان كده دي الاسباب اللي خلت الانترنت ينتشر الاندماج والشمول في حاجات كتيره التفاعليه بتقدر ان انت تتفاعل مع المحتوى اللي انت بتشوفه الانتشار وسهوله الاتصال والنقل والتخزين وان هو رخيص تاني حاجه الفضائيات الفضائيات يقصد بها صديقي التلفزيون يقصد بها القنوات يا عم في يقصد بها الايه القنوات الراجل بيقول لك ان مع دخول البث الفضائي مع دخول الدش بقى انت واخد ل بالك انت بقى والتلفزيون وكده معظم البيوت لم يكن كلها او يعني دخل احنا كلنا عندنا تلفزيون يعني اعتقد يعني وده اسهم في احداث تغيير ملموس غير في المجتمع تمام وبنائه ووظائفه ومعتقداته وقيم يعني غير في المجتمع غير في المجتمع ولكن التغير ده بيرجع حسب لما دخلنا التلفزيون اتعاملنا معاه ازاي في ناس وفي مجتمعات قدرت ان هي تستفاد منه وتطور المجتمع وفي ناس اضرت منه وبسبب التلفزيون والافكار اللي ممكن تبقى في برامج فيه مش كويسه وبتوصل افكار مش كويسه فبتهدم المجتمع اهو فمنه ما زاد من تطور وتقدم المجتمع ومنه من زاد من اعاقه وهدم المجتمع وتمزيق وتغريب قيمه وثقافته يعني في حاجات بوظت الدنيا وده بيرجع للطريقه او الاليه اللي تم التعامل بها مع استقبال الخطاب الفضائي يبقى الفضائيات اللي هي التلفزيون كان ليها جانب ايجابي وليها جانب سلبي حسب بقى انت اتعاملت معاها ازاي اخر حاجه اكلمك فيها هي الهاتف المحمول الهاتف المحمول ده اشرسهم وده اخطرهم لان الهاتف المحمول ده بيدمج كل حاجه يعد حاليا من الوسائل التي تدمج بين اكثر من وسيله اتصال فيها كل حاجه حيث يتحول الهاتف المحمول حديثا على التلفاز الهاتف بقى فيه تلفاز وفي انترنت وفي فيسبوك وفي بلوتوث وفي كاميرا وفي كل حاجه ولذلك بامكان الشخص ان يتواصل مع اي شخص وفي اي مكان على سطح الكره الارضيه عشان كده دايما لما بتيجي في الاسئله بيقول لك كلمه شاشه صغيره بيقول لك هو حاجه عباره عن شاشه صغيره مهمه جدا يبقى ده التليفون وان هو قادر ان هو ينشر ثقافات معينه انا عن طريق الملفات يعني انت دلوقتي لما واحد قاعد بره لما بيسمع الاغاني بتاعتنا اغاني بقى ايوه واسلام كابونجا ما هو بيفهم الدنيا عندنا مش مش بخير ايه ده هو ده الفن اللي عندكم خد لي بالك انت والفيديوهات اللي بتطلع من عندنا والافلام كل ده بينشر ثقافات معينه وبذلك اصبحت هذه التقنيه وسيله مهمه لنشر ثقافات ممكن ثقافه الرعب ممكن واحد ينشر حاجات فيها شيء من الرعب او العنف او هكذا او العاطفه وتعزيز ثقافات الاستهلاك ممكن واحد من خلال الحاجات اللي بينشرها بتزود مبيعات حاجه بتزود الاستهلاك في حاجه وهكذا الفكره الاساسيه والعامه ان اليات العولمه ثلاثه الانترنت ده الام اللي فيه كل حاجه والفضيات اللي هي التلفزيون والهاتف المحمول اللي هو الشاشه الصغيره اللي بتدمج بقى كل شيء وبكده نكون خلصنا الدرس بفضل الله هيبقى في تلخيص على الدرس ده حلو قوي وسريع قوي ومهم قوي على المنصه طبعا كده كده خلاص هنبتدي في المراجعات بحبكم جدا جدا فاضل لنا درس ونخلص هينزل لكم برده الاسبوع ده وس السلام عليكم ورحمه الله وبركاته.