الكوكب صاحب اكبر حلقات في الكون سوبر زحل

ده كوكب زحل صاحب اكبر حلقات في المجموعه الشمسيه بالمقارنه باورانوس نبتون او المشتري وايوه المشتري عنده حلقات لكن ضعيفه جدا وبتتشاف في اوضاع معينه لكن يا ترى مين الكوكب صاحب اكبر حلقات في الكون كله ويستحق لقب لورد اوف رينجز انا عبد الرحمن ودي قناه جالكسيكو في سنه 2012 علماء الفلك قرروا ان هم يكسفوا جهودهم في استكشاف كواكب خارجيه جديده في مجرتنا املا منهم ان هم يلاقوا اي اشاره لوجود حياه او مخلوقات غيرنا في الكون ولكنهم بقى اتصدموا لما اكتشفوا كوكب جي 1407 بيه الكوكب صاحب اكبر حلقات في الكون تم اكتشافه حتى الان ومين عالم ممكن نلاقي ايه ثاني اغرب من كده والعلماء قدروا ان هم يكتشفوا الكوكب ده بطريقه اسمها الترانزيت مثال او طريقه العبور وهي الطريقه الاكثر شيوعا من ضمن خمس طرق لاكتشاف الكواكب الخارجيه الطريقه دي بتعتمد ان لما الكوكب يعدي قدام النجم بتاعه بالنسبه للارض ويبقى في النص بين النجم وبين الملاحظ اللي بيشوفه اللي هو التلسكوب هيحصل انخفاض ضئيل في لمعان النجم والتلسكوبات بتقدر ان هي تقيس الانخفاض ده قد ايه وعلى اساسه بتحدد حاجتين اول حاجه حجم الكوكب لان كل ما الانخفاض في لمعان النجم كان كبير كل مكان حجم الكوكب ده كبير تاني حاجه هي بعد الكوكب ده عن النجم بتاعه يعني كل ما كان وقت انخفاض لمعاني النجم كتير كل اما يبقى الكوكب ده بعيد عن النجده لانه بياخد وقت طويل عقبال ما يلف حواليه والعكس صحيح تعالوا بقى نروح نستكشف الكوكب الغريب جدا ده عن قرب ونعرف شويه معلومات عنه الكوكب ده قطره حوالي 130 الف كيلو متر يعني مقارب جدا لحجم كوكب المشتري اللي قطره 139 الف كيلو متر لكن بقى بالنسبه لكتلته فهي عشرين ضعف كتله المشتري ولو مش عارف الفرق بين الحجم والكتله انصحك تشوف حلقه النجم الطارق شرحت فيها الفرق بينهم لكن كل ده مش مهم دلوقتي المهم هي الحلقات الهائله جدا دي اللي بتلف حواليه الحلقات دي طولها 120 مليون كيلو متر يعني قد حلقات زحل 200 مره وقد 80% من المسافه بين الارض والشمس الكوكب ده بقى بيلف حوالين نجم شبه الشمس جدا في الحجم وكمان الكتله وبيبعد عنها 3.9 وحده فلكيه والوحده الفلكيه هي المسافه اللي بين الشمس والارض اللي هي حوالي 149 مليون كيلو متر وزي ما انتم شايفين بقى ازاي الكوكب باين جدا من عند الشمس بتاعته بسبب ان الحلقات بتاعته هائله جدا في الحجم تعالوا بقى نروح نستكشفها ونشوف هي متكونه من ايه معظم حلقات الكواكب بتبقى متكونه من صخور وغبار كوني والصخور دي بتبقى جايه من ان الكوكب فته اقمار كانت بتلف حواليه في مدارات قريبه جدا او الاقمار دي كانت كتيره لدرجه ان هي قعدت تخبط في بعض لحد ما تفتت وبقت صخور صغيره وجاذبيه الكوكب دي بتسحبها ناحيتها وبتخليها تلف حواليها وبتعمل الحلقات دي زي ما انتم شايفين بقى الحلقات كلها صخور وده دليل على ان كان في اقمار كتير جدا بتلف حواليه او ممكن يكون كانت كواكب والكواكب دي خبطت في بعض اثناء تكون النظام الشمسي ده والكوكب ده بجاذبيته الهائله قدر ان هو يلم الحلقات دي كلها حواليه زي ما انتم شايفين الحلقات حجمها هائل جدا وممتده مد البصر في كل اتجاه انت بتتكلم في 120 مليون كيلو متر يعني الضوء اللي هو اسرع حاجه في الكون علشان يع حلقات دي من ناحيه للناحيه التانيه محتاج خمس دقايق ونص انت متخيل الضوء ده اللي يقدر انه يلف حوالين الارض سبع مرات في ثانيه واحده محتاج خمس دقايق ونص علشان بس يوصل من ناحيه للناحيه التانيه في الحلقات دي ده يبين لك قد ايه الفضاء ده ما كان شاسع جدا والمسافات فيه مخك ما يقدرش يستوعبها كل اما هتتعمق في الفضاء اكتر كل اما هتدرك عظمه ربنا وقدرته لا نهائيه في خلق اشياء انت ما تستوعبهاش وده يخليك تفكر 100 مره قبل ما تعصي تعالوا بقى نقبض على سطح الكوكب ده ونشوف شكل الحلقات من عليه عامل ازاي زي ما انتم شايفين دي عاصفه كبيره جدا دايره على سطح الكوكب بتفكرني كده بالبقع الحمراء العظيمه اللي على سطح المشتري اللي حجمها اكبر من حجم الارض انت متخيل ان عاصفه يبقى حجمها اكبر من حجم كوكب الارض كله سبحان الله تعالوا بقى نقبض عند العاصفه دي وطبعا ده كوكب غازي فمش هنلاقي ارض نهبط عليها فهنقف كده ده اول طبقات الغلاف الجوي بتاعه ونبص للسماء ونشوف احنا بس محتاجين نتحرك يمين شويه عشان الحلقات تبان عشان احنا كنا واقفين تحتها بالظبط وزي ما انتم شايفين بقى الحلقات ابتدت تبان اهي بالاضاءه الحقيقيه بقى كمان مبينه انها بتعكس ضوء الشمس جامد جدا على سطح الكوكب بصراحه شكلها في منتهى الروعه والجمال طيب ايه رايكم بقى نعمل تجربه كده اننا نحط الحلقات دي حوالين زحل بدل حلقاته ونشوف شكلها من على الارض هيبقى عامل ازاي زي ما انتم شايفين بقى ده زحل ودلوقتي انا بقيت شايف حلقاته ونونو خالص بعد ما كانت زمان بتبهرني وكنت بشوفها كبيره تعالوا بقى نغيرها ونحط حلقات جي 1407 بي والحلقات بتتغير بقى كده انزل اخبط لايك وواحد اشتراك وفعل الجرس زي ما انتم شايفين بقى الحلقات لما اتغيرت بقت كبيره قوي على زحل وبقى في فراغ كبير بين الكوكب وبين بدايه الحلقات ولكن انا اعتقد كده ان الحلقات دي صغيره انا تقريبا دخلت رقم غلط وانا بغير تعالوا كده نفتح مع بعض ونشوف فعلا انا كنت نسيت صفر كتبت 12 مليون بدل 120 مليون كده بقى نقدر نقول اننا جاهزين للتجربه ونبتدي بقى ان احنا نسرش على كوكب الارض ونروح على هناك ونقبض عليه بالليل ونشوف بقى هل الحلقات دي هتبقى باينه من هناك ولا ايه زي ما انتم شايفين بقى ده كوكب الارض تعالوا كده نهبط في حته ما يكونش فيها تلوث ضوئي بعيد عن المدن وبعيد عن الانوار واسلم حته طبعا نهبط فيها ما يكونش فيها تلوث ضوئي هي في المحيط وبمناسبه التلوث الضوئي هحكي لكم قصه حصلت في امريكا سنه 1965 وتحديدا يوم 9 نوفمبر في اليوم المشؤوم ده الكهرباء قطعت على نيويورك كلها لمده 13 ساعه وبسبب انقطاع النور على نطاق الواسع جدا ده معدلات التلوث الضوئي بقت شبه معدومه فالناس بدات تشوف دراع المجره في السماء طبعا الناس كانت اول مره تشوف المنظر ده فالناس بدات تربط قطع الكهرباء بالسحابه الغريبه اللي هم شايفينها وابتدوا يتخيلوا ان دي مخلوقات فضائيه هي السبب في قطع الكهرباء وجايين عشان يدمروا العالم وناس كتير كلمت البوليس عشان تبلغ عن سحابه غريبه بتغطي السما كلها والقصه دي تبين لك قد ايه التكنولوجيا على قد ما هي مفيده على قد ما هي فصلت الانسان عن الطبيعه وخلته يخاف من الحاجه اللي المفروض يتامل ويعجب بيها زي ما انتم شايفين بقى كوكب زحل بحلقاته الجديده بقى باين جدا في السماء وبقى منور اكتر من القمر بمرتين او تلاته ونوره على نور القمر مخليين الارض زي ما تكون في عز الظهر وهي بالليل بصراحه منظر في منتهى الروعه الحلقات الجديده بقت باينه جدا وكبيره جدا ونورها بقى اقوى من نور القمر ولكن لو ده حصل اكيد في تغير هيحصل على كوكب الارض لان ربنا ما بيخلقش حاجه غير وهي بمقدار طيب تعالوا بقى نسرع الوقت ونشوف بتاع القمر والغروب بتاع الكوكب الجميل اللي بالحلقات الجميله دي زي ما انتم شايفين بقى الوقت عمال يجري اهو وادي القمر بيغرب في البحر زيه زي الشمس بالظبط وادي الكوكب بقى كل اما بنركز عليه ونخليه في نص الشاشه كده الضوء بتاعه بيظلم اللي حواليه ولكن احنا لو خليناه على الجنب كده هنقدر ان احنا نشوفه وكمان نشوف الدنيا منوره بنوره زي ما انتم شايفين بقى اهو خلاص بيغرب وشكله بصراحه في منتهى الروعه سيبك بقى من كل ده شكل السماء بالليل بالنجوم وذراع المجره حاجه فوق الخيال على قد ما الكهربا مفيده جدا وما نقدرش نستغنى عنها على قد ما هي مضيعه علينا منظر رائع جدا ممكن نشوفه كل يوم بالليل وبس كده لو عجبك الفيديو ما تنساش تعمل ولايك عنيف وتفعل الجرس واكتب لي في الكومنتات ايه رايك في رحله النهارده واكتب لي كمان حابب تشوف ايه في الفيديوهات الجايه لان انا بدي اعمل دلوقتي فيديوهات من مقترحاتكم اشوفكم الفيديوهات الجايه سلام