قبل عيد الأضحى تعرف على أشهر سلالات الخرفان في العالم العربي

في 29 يناير سنه 2025 في العاصمه السنغاليه دكار وبالضبط في المعرض الدولي الخامشيه اشهر المعارض ديال المشيه اللي عندهم تما في السنغال غادي يربح واحد الخروف سميته نيانغ بالو واللي الوزن دياله 156 كيلو غرام الجائزه الاولى ديال ملك الخرفان ديال السينغال ولا كيف ما كيسميوها هما لوغوا دي مونطون ولكن الحاجه الغريبه هو ان مول هذا الحولي هذا غادي يجيه عرض ديك الساعه باش يبيعوا ليهم ب 100 مليون وماغاديش يبغي يبيعوا كيفاش ايه الشريف كي داير هذا الحولي ديال 100 مليون ايوا ذاكشي علاش منلي بقنا ايام قليله عيد الاضحى غنديكم معيا في رحله وغنشوفوا شكون هما اشهر السلالات الاغنام في العالم العربي اللي كيعيدوا بهم الدول العربيه وغنجيبوا الدوره وغنرجعوا لدكار السنغال عرفتها ماشي دوله عربيه ولكن الحول اللي فيها واللي كيسوب بهاذ الاثمنه الخياليه اصله من دوله عربيه وغنشوفوا علاش كيديروا هذ الاثمنه الخياليه وبطبيعه الحال الرحله ديالنا غادي تبدا من المغرب المغرب المعروف ما بين الدول ديال العالم العربي بالتنوع ديال السلاله الاغنام دياله من 1980 المغرب معترف بخمسه ديال السلالات رسميه وغنبداو بالسلاله الاولى والمشهوره والسلاله الملكيه اللي هي السردي كل عام في عيد الاضحى كيخرج ملك المغرب نصره الله وكيذبح كبشين من سلاله السردي وماشي اي سلاله اخرى هذا السردي الذي ينظر في سواد وياكل في سواد ويمشي على سواد المهد ديال هذ السلاله غتلقاه في الهضاب الغربيه ما بين سطات بني ملال وخريبك وبالضبط بني مسكين هذ السلاله هذه ما كاينه في حتى شي قنت اخر في العالم سلاله السردي كاينه في المغرب فقط وبزاف ديال الكسابه جاوهم عروض مغريه باش يخرجوا هذ السلاله تربى في مناطق اخرى في العالم ولكن الدوله كترفض انها تخرج هذ السلاله برا خصها تبقى في المغرب وبزاف د الناس ما عارفينش بان هذ سلاله السردي ماشي قديمه بزاف في المغرب هي السلاله الناتجه على تزاوج ما بين سلاله بني مسكين المحليه واحد السلاله ديال تادله عطاتنا هذا الشكل الجميل وهذ السلاله الجميله سبحان الله العظيم سلاله السردي كاين مشكل واحد في هذ السلاله ديال السردي هو ان النعجه ديالو ماشي خصبه في العام كامل يلاه كتقدر تولد لك ولده وحده يعني الانتاج ديال القاطع ديال هذا الصدي هذا كياخذ وقت شويه الذكر اللي كيعتمدوا عليه في التلقيح كيقدر يوصل الثمن ديالو حتى 3ه المليون ونص هذا ديال التلقيح ماشي ديال العيد الاثمنه العيد را ماكيوصلش لهدشي اسيدي وغنديماريو دابا من السطاتو الشاويه وغنطلعوا نشدوا الهضاب الشرقيه وغنمشيو عند الثاني اشهر سلاله في المغرب اللي هي الدمغه اولا بنيغيل هذ السلاله هذه كتعيش ما بين فيك تندرار جراده وبوعرفه علاش سماوها بنيكيل خذت الاسم ديالها من قبائل بني كيل العربيه اللي استقرات في المنطقه مع الفتح الاسلامي وبقات سميتها سلا الاغنام بني ربما في الشكل ديالو يقدر ما يعجبكش بحال السردي مثلا لان الشكل ديالو كيكون هو قهوي راس راس قهوي ورجليه قهويين الصوف ديالو كيف العادي ولكن القامه دياله كتكون متوسطه يعني كيكون صغير ولكن راه البنه ديالو معتبره ماضيقوش انا الناس اللي كيقولوا ايوا هذ السلاله ديالي قال الحقر انت هي السلاله الوحيده في شمال افريقيا كامله اللي عندها علامه الجوده الاوروبيه اللي كتحميها قانونيا واللي كيتسمى البيان الجغرافي المحمي كثره مبنيين كانوا كيبغيوه الفرنسيين بزاف وكان كيتصدر لفرنسا ثلاثينيات وبقى كيتصدر لاوروبا الى يومنا هذا السر في البنه ديالو بطبيعه الحال راجع للنباتات اللي كاينه في هذذ المنطقه الشرقيه كتلقاها كتر في الشيح العرعار ازير وزيد وزيد كاع هذ العشوب اللي كتستعمل في الطب الشعبي كيطرع فيها الاغنام ديال الدمغه ولا البنيغيل ايوا سيدي تخيل معايا اللحم ديالها كي داير الناس اللي معيدين بها يكتبوا لي فلو كومونتير واش بصح هذ المعلومه ولا لا ودابا غنمشيو مباشره لجبال الاطلس باش غنشوفوا سلاله تمحضيت اولا ملكه الاطلس السلاله الجميله اللي معروفه بالراس ديالها كيكون قهوي والرجلين ديالها بيضين والصوف ديالها حتى هو كيكون ابيض وهذ السلاله ديال الاغنم ديال المحضيط معروفه بقدره الصبر ديالها في هذذوك الارتفاعات العاليه كتقدر تولد تما وتنتج الحليب تم وتعيش تم بدون مشاكل وخا كيكون البرد القارص وهذ السلاله ديال التمحضيط حتى هي معروفه بالجوده ديال اللحم ديالها حتى هو كيقول بان اللحم ديالها حتى هو بنين والحاجه اللي مااررفناش بزاف د الناس على هذ السلاله ديال حضيت انها كتقدر تاكل وطرعى في بلايص اللي ما يقدروش يرعوا فيهم السلالات الاخرين كتقدر تاكل اوراق ديال البلوط والاعشاب ديال الغابات المرتفعه منلي ماكتبقاش المراعي ديال الشا موجوده وكيولي الجفاف في هذوك المناطق كتاكل هي هذ الاوراق هذه وهذا النظام الغذائي هو اللي خلاها تصبر فيهذوك المناطق وهذوك الارتفاعات العاليه وهاذ السلاله هذه هي اللي منتشره تما بزاف في الاطلس المتوسط من نواحي ديال تازه بولمان افران وصولا حتى الخنيفره وبعض المناطق ديال والماس والخميسات غتلقى فيهم هاد السلاله ديال تمحضير اما دابا فغنخليو جبال الاطلس ورانا وغنهودو مباشره للجنوب غنمشيو لبلاصه اللي فيها النخيل والواحات والقصور باش غنشوفوا السلاله الرابعه اللي هي الدمان اولا معجزه الخصوبه هاذ السلاله ديال الدمان الموطن ديالها هو وادي زيز اللي كيفتلال وواد الدرعه في زاكوره ومناطق ديال الراشيديه وميدلس وحتىغير هاد السلاله هذ اللي معروفه ماك ماكديرش الكرون لا عند الذكور لا عند الاناث معروف سيدي بالخصوبه ديالها نعجه واحده ديال الدمان كتقدر تولد لك في عامين ثلاثه المرات وغنزيد نصدمك انها كتقدر تولد لك ما بين جوج حتى سبعه ديال الحملان في كل ولده ايوا سبحان الله العظيم ودابا غنخرجوا من اللواحات وغنمشيو مباشره لهض بالفوسفاط عند خامس واخر سلاله عندنا في المغرب اللي هي سلاله بجد ولا ما كيتسمى عملاق الفوسفاط هذ السلاله اللي معروفه بالحجم ديالها الكبير الذكر البالغ ديال هذ السلاله كيقدر يفوت 100 غرام وهاذ السلاله هذ كتنتشر تما في اقليم خريبكا هذ السلاله ديال بجعد من اكثر السلالات المغربيه انتاجه اللحم كتعطي اللحم دغيا كيوجد دغيا هذا الحولي ديال بجعد دغيا كيكبر وكيعطيك اللحم وكتسمى ايضا السلاله الصفراء علاش حقاش الصوف ديالها كيكون سبحان الله العظيم صفر سالينا من المغرب اسيدي دابا غادي ندوزوا لجاره الجزائر وغنبداو باشهر سلاله عندهم وهي السلاله المهيمنه عندهم تما اللي سميتها ولاد جلال هذ السلاله هذه اللي عندهم في الجزائر معروفه بالحجم ديالها الكبير الذكر ديال هذ السلاله هذه كيفوت 100 غرام ولكن المشكل في كاين هو ان هاذ السلاله ديال ولاد الجلال كتشكل تقريبا 63% من القطيع ديال الاغنام ديال الجزائر كامله سلاله وحده 63% كامله سلاله وحده علاش لان الكسابه شحال هذه ديال الجزائر عرفوا بان هذول الجلال كتنتج لحمك بزاف ودغيا كتكبر وكتجيب الثمن كلشي ولا كيربي وكيكسب هذا النوع من السلاله وخلاو السلالات الاخرى راه عندهم واحد السلاله اخرى كتسمى سلاله الحمراء هذه خت بنيغيل تماما حيت بجوج كيعيشوا في نفس المنطقه حنا عندنا في المنطقه الشرقيه وهما عندهم في المنطقه الغربيه غير قسمات بيناتهم الحدود هذ السلاله الحمراء حتى هي تكاد تنقريض من الجزائر بسبب انهم ماكيكسبوش هذا النوع من السلاله وكيمشيو كاملين ولاد الجلاح ولكن منين غندوزوا من الجزائر لتونس غنلقاو انواع اخرى ديال الغنم مختلفه تماما اللي ما عمرنا شفناها واشهر وحده هي السلاله البربريه ديال تونس ولكن كاين في تونس كيطلق عليها اسم النجدي الغريب ف هذ السلاله ديال تونس هو انهم عندهم خرفان عندها الديل دهني عندهم ديل غليظ ديال الشحمه 13% د الوزن ديال هذا الكبش هذا كتلقاها في الدويله ديالو علاش عندها الدويله بحال هكا هذ الدويله هذه بطاريه بيولوجيه منلي كتكون هي في الصحراء وماكيكون ما يتكال كتدير بحال الجمل ملي كيعتمد على السنام ديالو كتحول الدهون هذ اللي عندها في الديل ديالها الطاقه باش تقدر تعيش وتقدر تصبر في الوقت اللي ماكيكون فيه ما يتكال هو قول سبحان الله العظيم من تونسدي غادي نمشيو لليبيا ليبيا عندها سلاله الاغنام البربريه ايضا نفس سلاله الاغنام اللي عند تونس ختها اما مشينا لدوله مصر فراه غنلقاو جوج ديال السلالات اللي مشهورين الاولى سلاله الاوسيمي اللي واحد السلاله ديال الكبش كتكون بيضا والراس ديالها كيكون قهوي الذكر ديالها عنده القرون والانثى لا وحتى هي عندها الديل بحال السلاله البربريه عندها الديل دهني اما ثاني اشهر سلاله عندهم فهي سلاله الرحماني هما عندهم الرحاملات تم هذا السلاله سماوها الرحماني نسبه لقريه الرحمانيه عندهم تما في مصر هذ السلاله هذ سبحان الله العظيم معروفه باللون ديالها كيكون دائما اللون ديالها بني كامله هي والصوف ديالها وهذو هما كيتعتبروا اشهر جوج سلالات اللي كيعيدوا بهم المصريين من مصر غندخل سيدي الشام وغندخل حتىعراق غادي نمشيو عند سلاله العواسي ولكن ما كيسميو هما الجده الكبرى لكل الاغنام العربيه كيفاش ايه الشريف وهذ السلاله هذه كترسم مشهوره غتمشي للعراقت تلقاها غتمشي لفلسطين الاردن سوريا ولبنان غتلقى هذ العواسيه اللي كاينه قاها في تركيا وغتلقاها في جزء من السعوديه وكاينه حتى في ايران وكثره ما قديمه هذ العواسي دازوا عليها الفينقيين والاشوريين والكلدانيين واليونانيين والرومان والامويين والعباسيين والعثمانيين وهي الاستعمارات والحروب الحديثه وبقى العواسي هي العواسي ومن هذا العواسي غندخل نيشان للجزيره العربيه الا مشينا مثلا لسعوديهلقاو عندهم السلاله ديال النعيمي هذ النعيمي هذه راه هي العواسي باش حميها وحميها سماوها النعيمي على قبيله النعيم اللي جات من الشام وجابت معهاد العواسي هذا واشهر حاجه في هذا النعيمي ولا العواسي اللي نسيت ما قلتهاش لكم اللي هو الانتاج ديال الحليب العواسي را هي ثاني اكثر سلاله انتاجه للحليب في العالم من بعد واحد السلاله اللي كاينه في اوروبا ولكن ماشي هو اغلى سلاله في السعوديه كيفاش ايه الشريف عندنا سلاله النجدي ولا ملكه جمال الاغنام ديال السعوديه في السعوديه كدار واحد المسابقه اللي كتسمى ملكه جمال الاغنام اللي عنده شي خرفان جميله يجي يعرضها تما فيذاك المعرض يجي يجيبها لهذ المسابقه تقدر تربح على الله ولكن كاينه سلاله وحده اللي كتديها دائما اللي هي سلاله النجد جدي هذ السلاله هذه اللي ماكديرش الكرون كتكون اللون ديالها كحل الا الوجه ديالها كيكون ابيض والرجيلات ديالها بيضين والدي ديالها ابيض وهذاك الشعر ديالها المتدلي كتبانلك بحال لابسه شي لبس هذا كيزيدها جمال داكشي علاش كانت عندك النجدي وسط الاغنام كتبان وسطهم قدا قداش وفي السعوديه ايضا كاينه واحد السلاله اللي كتسمى سلاله الحري هي واحد السلاله بيضاء معروفه عندهم تمايا حتى هي كيستهلكوها الناس بزاف ايوا دابا منلي سلم السلالات العربيه غادي نرجعوا لهديك السلاله اللي كنا دويين عليها في الاول هذاك الحولي اللي عطاوه السينغال 100 مليون مولاه ما بغاش يبيعو هاذ السلاله هذ اللي كاينه في السينغال اللي كتسمى باللادوم سلاله اللادوم واللي معروفه بالحجم ديالها ضخمه كبيره بزاف الناس اللي فات ماشي السينغال را غيعرفوا قداش كيكونوا هذ الحواله هذو لا الطول ديالها لا الوزن ديالها را قلت لكم را كتصل حتى 156 غرام هي اصلا ماشي سلاله سينغاليه كيفاش ايها الشريف هي تزاوج ما بين واحد السلاله موريطانيه وسلاله ديال مالي عطات هذ السلاله ديال لادون بفضل هذا الحجم ديالها الكبير والجمال ديالها عندهم الثمن ديالها راه كيوصل لاثمنه خياليه ما قلت لكم الحواله اللي كيكونوا رابحين جوائز كبيره راه كيبداو من 80 مليون 90 مليون حتى 100 مليون باش كيتباعوا من غير الجمال ديالها والحجم ديالها الندره ديالها نادره هذ السلاله هذ لحقاش في السينغال هاد اللاضوم هذا كيتربى بحال شي حيوان اليف بحال مربي شي كلب راه ماكيربيش باش يعيض به كيربيه اسيدي غير باش يتولع به يربيه ويوكل مزيان ويمشي يشارك به في المسابقه ايوا قول سبحان الله العظيم هنا كنكونوا سالينا الرحله ديالنا من سلاله المغرب وجبدنا الدوره اسيدي حتى للخالج وعد رجعنا للسلاله السنغاليه اللي اصلها موريطاني داكشي علاش كتبوا لي في لي كومونتير بعض المعلومات اللي نسيناهم على هذ السلالات هذو ماذكرناهمش اولا غلطنا عن دوني مقص وما تنساوش تشتاركوا في القناه وتفعيل الجرس بارطاجيو الفيديو مع اصدقاء ديالكم وزيدك