الدرس 5 MK Academy التحليل التوافقي المبدأ الأساسي بالعد 4 5 6 ص 152 الثالث الثانوي العلمي

مرحبا الله يعطيكم العافيه بدنا نبلش نحن واياكم باسئله بدها تنحل بطريقه المبدا الاساسي في العد اول شغله يا جماعه فلنفرض نحن هون معنا هالاقلام هدول انا اذا حامل هدول الاقلام حاطهم هيك بهذا الشكل في عنا هالاربعه اقلام اذا اجيت سالت كم خيار عندي او كم طريقه عندي لاختيار قلم اول شيء اذا لما حددت لك انا لون معين او شكل معين معناتها اي الم من هدول فيني اختاره كم خيار عندي لحتى اقدر اختار قلم عندي اربع خيارات اما بختار القلم الاحمر او القلم الاسود او الازرق او الاخضر ولكن يا جماعه اسال لكم سؤال كم خيار عندك لحتى نختار قلم مفتوح الغطاء هلا اذا بدي اختار قلم مفتوح الغطاء عنا ثلاث خيارات فقط ما في غيرهم طب اذا بدي اختار قلم مسكر الغطاء عنا خيار واحد طب اذا اجيت سالت كم خيار عندي لحتى نختار قلم اسود عنا خيار واحد ما في غيره طيب هذا الحكي عم نسال نحن حالنا كم خيار او بكم طريقه يمكن القيام بهذه بهذه المهمه او بهذا الشيء تعالوا نحكي هون بس توضيح بسيط اذا كان عندي خزنه وعلى هالخزنه هاي في عندي مجموعه ارقام صفر واحد اثنين ثلاثه اربعه خمسه هلا هالارقام هدول الموجودين على هالخزنه هاي مين هن صفر واحد اثنين ثلاثه اربعه خمسه اذا اجيت سالتك سؤال وانت فكر قبل ما تكمل الفيديو كم خيار او طريقه عندك لحتى اختار رقم من هالارقام هدول يعني انت اذا واحد قال لك كبيس رقم كم خيار عندك تقول لي عندي ست خيارات اما بكبس على الرقم صفر او بكبس على الرقم واحد او بكبس على الرقم اثنين او ثلاثه او اربعه او خمسه طب اذا قلت لك بدي اياك تكبس على عدد فردي على عدد زوجي على عدد اكبر من اثنين على عدد اكبر تماما من اربعه هون بقى عم حط لك شروط لازم تنتبه للشروط تبعتنا طيب اذا اجيت قلت لك انه هي الخزنه حاطين لك هدول الارقام مو فرحه فيك مشان تحط رمز لهاي الخزنه والرمز مكون من 3 خانات يعني انا بدي اختار رقم بالخانه الاولى من هالارقام هدول ورقم بالخانه التانيه منها الارقام هدول ورقم الكهرباء باركوا لنا اول شغله وثاني شغله عادي اذا طلع شويه صوت بالعكس بتفرحوا ورقم بالخانه الثالثه منها الارقام هدول معناته انا بدي اختار ثلاث مرات اول مره اختار رقم للخانه الاولى وثاني مره اختار رقم للخانه التانيه وتالت مره اختار رقم للخانه الثالثه لما انا عندي كذا خيار بدك تنتبه كذا مره بدي اختار ارقام بدك تنتبه هل يا ترى بحق لي كرر الرقم اللي اخترته ولا لا اسمعوني الكل عنا ارقام مجموعين بهاللوحه هاي صفرو واحد اثنين ثلاثه اربعه خمسه اذا بدنا نختار رمز مكون من ثلاثه خانات ماخوزين من هذه اللوحه وما قلت لك انه ممنوع التكرار يعني عادي تكرر نفس الرقم بالحالات الثلاثه شوف يا اخي اذا بدي اختار رقم من هالارقام هدول بالخانه الاولى كم خيار عندك عندك ست خيارات اما صفر او واحد او اثنين او ثلاثه او اربعه او خمسه ست حالات طيب بالخانه التانيه يا جماعه الخير اذا بدي اختار رقم من هالارقام هدول كمان عنا ست طرق او ست حالات طيب ليش ما نقصت لانه انا ما قلت لك ممنوع التكرار معناتها يا جماعه الخير بالحاله الاولى كان عنا ست خيارات حتى نختار رقم للخانه الاولى طيب والخانه التانيه كمان عنا ست خيارات للخانه الثانيه طيب والحاله الثالثه كمان عنا ست خيارات معناتها انا حتى احط رمز مكون من ثلاثه خانات من هالارقام هدول بالحاله الاولى سته والخانه الثانيه سته والخانه الثالثه سته قال اذا بتضرب عدد الطرق بالحاله الاولى والتانيه والتالته بيطلع عندك 216 رمز يمكن تشكيله من هذه الارقام مكون ثلاثه خانات اذا اجيت قلت لك بدي كون رمز مكون من هالارقام هدول بدي اختار رمز مكون من هالارقام هدول مؤلف من ثلاثه خانات بس مختلفه يعني ما بصير تكرر الرقم باي خانه مع خانه تانيه طيب اذا بدنا نفكر باول خانه كم خيار عنا بالخانه الاولى هاي حاله خلص هذا الطلب الاول خالص طب الطلب الثاني هذا كم خيار عنا بالخاله الاولى بتقول لي عنا ست خيارات اما صفر او واحد او اثنين او ثلاثه او اربعه او خمسه انت فكر فيها اذا بدك تختار رقم تحطه بالخانه الاولى اما صفر او واحد او اثنين او ثلاثه او اربعه او خمسه طب اذا قلت لك ممنوع تكرر لو اخترت بالخانه الاولى مثلا رقم واحد راح يزيد خمسه لو اخترت اثنين حيزيد خمسه شو ما اختلط حيزيد 5 الخانه التانيه حيكون عندنا 5 خيارات طب بالخانه الثالثه حيكون عنا اربع خيارات ليش هون ما كنت عم نقص هون يا جماعه لانه ما كنت انا بقول مختلفه الارقام بس بالحاله الثانيه شو مختلفه الارقام طيب اذا بضرب هدول ببعضهم سته بخمسه باربعه حيطلع معي الجواب سته ضرب خمسه 30 ضرب اربعه 120 رمز طب هذا الشيء شو هذا اللي عم تعلمنا اياه هذا الشيء اسمه المبدا الاساسي في العد المبدا الاساسي في العد بدون ما احط له قوانين وقصص وسيار هو انا عندي مثلا بهذا المثال المرحله الاولى اني اختار رقم للخانه الاولى المرحله الثانيه اني اختار رقم للخانه التانيه المرحله الثالثه اني اختار رقم للخانه الثالثه المهمه كلها اني اختار رمز مكون من ثلاثه خانات بحسب عدد الطرق بالمرحله الاولى وعدد الطرق المرحله الثانيه وعدد الطرق مرحله الثالثه بعدين بضربهم ببعضهم بنتبه اذا كان عندي مسموح التكرار ولا لا بالحاله الاولى كان مسموح فكانت بالاولى سته سته سته والتانيه سته والثالثه سته اما بالخانه التانيه بالحاله التانيه كانت ممنوع التكرار فكانت بالحاله بالخانه الاولى سته باللي بعدها خمسه باللي بعدها اربعه ضربهم ببعضهن عدد طرق المرحله الاولى ضرب عدد طرق المرحله الثانيه ضرب عدد طرق المرحله الثالثه بيعطيك عدد الطرق الكليه للمهمه كامله هلا مثل هذا السؤال كان سؤال دوره 2020 بالدوره الاولى عليه قديش اربعين درجه نحن للسماء قلنا يا فتاح يا عليم حلينا سؤال دوره طيب بالسؤال الرابع صفحه 152 شو عم بيقول لي طبعا نحن ما كانت خزنه كان يوجد لبعض انواع السيارات مذياع ذو قفل رقمي يوجد بدنا نختار رمز مكون من ثلاثه خانات نفس المبدا بس اول شغله يا جماعه بالسؤال الرابع صفحه 152 قال لدينا مجموعه ارقام واحد اثنين ثلاثه لا واحد اتنين خمسه اول طلب كم عددا مؤلفا من منزلتين اسمع كم عددا مؤلفا من منزلتين يمكن تشكيله من عناصر المجموعه اول شغله بدك تنتبه نحن بدنا نشكل عدد لما انا بدي شكل عدد لازم اعرف حالي كم منزله عندي شو قايل لي منزلتين معناتها نحن هون عنا منزلتين المنزله الاولى احاد والمنزله الثانيه عشرات بنتبه بنص السؤال هل قال لي منازل مختلفه الارقام ولا ما قال لي هل قال لي شروط على المنازل انه مثلا يكون العدد فردي زوجي اكبر من فلان اصغر من فلان ما قال شيء اخي قال بس بدي عدد مؤلف من منزلتين تعال اسال حالك سؤال اذا بدنا نختار اول شيء رقم للعشرات انا بدي اختار رقم من هدول للعشرات كم خيار عندي للعشرات في عندي خمس خيارات اما الرقم واحد او اثنين او خمسه او ثمانيه او تسعه معناتها في عنا خمس خيارات للعشرات قلت لك شي منازل مختلفه الارقام لا معناتها بالاحاد فيني كمان اختار اي رقم من هدول بالاحاد صار عندي خمس خيارات للاحاد اذا بضرب عدد طرق المرحله الاولى ضرب عدد طرق المرحله الثانيه حيعطيني الجواب 25 عدد مؤلفا من منزلتين يمكن تشكيله من عناصر المجموعه اذا انت بتحسبها حساب حيطلع معك 25 عدد بس نحن بدنا نتعلم العمليه الاساسيه بدون ما نحسبون حساب شلون يعني نحسبون حساب يعني اخي مين هن 25 عدد المكونين من منزلتين ماخوذين من هذه المجموعه اللي اسمها اس مثلا الواحد مع الواحد هذا عدد مؤلف منزلتين الواحد مع الاثنين هذا عدد مؤلف من منزلتين الواحد مع الخمسه هذا عدد مؤلف من منزلتين الواحد مع الثمانيه الواحد مع التسعه 11 12 15 18 طيب الاثنين مع الواحد طب الاثنين مع الاثنين الاثنين مع الخمسه الخمسه مع الواحد الخمسه مع الاتنين الخمسه مع الخمسه الخمسه مع التمانيه الخمسه مع التسعه الثمانيه مع الواحد الثمانيه مع الاثنان الثمانيه مع الخمسه الثمانيه مع الثمانيه الثمانيه مع التسعه واخر وحده تسعه مع واحد تسعه مع اثنين وتسعه مع خمسه وتسعه مع ثمانيه وتسعه مع تسعه هدول هن 25 عدد المكونين من منزلتين الماخوذه ارقامهم من عناصر المجموعه الطلب التاني نفس الطلب الاول بالضبط كم عددا مؤلفا من منزلتين بس شو قايل لي منزلتين مختلفتين بالارقام يعني ما بيصير يكون الرقم مكرر بالمنزلتين اول شغله بنتبه كم منزله عنا منزلتين طالما منزلتين مثلا احنا عنا احاد وعشرات اول شيء اذا بدك تبلش ولا بهي مو مشكله كم خيار عنا لاختيار رقم عشرات يعني انا اذا بدي اختار رقم لخانه العشرات كم خيار عندي اما واحد او اثنين او خمسه او ثمانيه او تسعه معناتها في عنا خمس طرق لاختيار خانه العشرات طيب بس قال لي شو قال لي مختلفتين متى حينقصوا في واحد من هدول حنختاره للعشرات مو كلهم واحد بيناتهم حنختاره للعشرات مثلا راح اختار للعشرات الرقم ثمانيه فلنفرض اذا هاد راح قعد بالعشرات كم واحد بيناتهم حيضل لحتى اقدر اختاره للاحاد قال حيضل اربعه ليش يا استاذ لانه في واحد من هالارقام هدول راح يكون قاعد بالعشرات فشو حيصير عندي الجواب بالمرحله الاولى خمسه بالمرحله الثانيه اربعه اذا بضربهم ببعضهم شو بده يطلع الجواب عشرين عدد قبل شوي كانوا 25 هلا شو صاروا 20 لانه اللي ممنوع التكرار فممنوع الادعاش وممنوع ال22 ممنوع الخمسه وخمسين وممنوع 88 وممنوع 99 كانوا 25 اذا بتحذف خمسه شو صاروا صاروا عشرين الطلب الثالث الطلب الثالث اللي كم عددا بس شوف زوجيه مؤلفا من منزلتين يمكن تشكيله من عناصر المجموعه اس اول شغله بطلباتنا لازم ننتبه كم منزله بدنا طب انا بدي منزلتين بس هون شو قايل لي عددا زوجيا ملاحظه تبع الابتدائي انه يكون العدد زوجي اذا كانت احاده زوجيه معناتها لحتى يكون العدد زوجي الاحاد حصرا اما اثنين او ثمانيه ما فيني اختار بالاحاد لا واحد ولا خمسه ولا تسعه في عنا خيارين فقط للاحاد هلا بالعشرات ما عندي شرط على العشرات فنستطيع اختيار اي رقم من هدول للعشرات ركز مزبوط كم عددا زوجيا مؤلفا من منزلتين اخي قلت لك ممنوع التكرار لا يعني حتى لو اخترت اثنين للاحاد او ثمانيه بيحق لك تختار العشرات عادي ما قلت لكم راح نفكر اول شيء باختيار عددا للاحاد لانه عليه شرط فيه لازم يكون زوجي طريقه اولى اول شيء او الحاله الاولى لحتى نختار رقم للاحاد ليكون العدد زوجي هناك خيارين فقط اما اثنين او ثمانيه ما في غيره طيب العشرات اي رقم من هدول فيني اختاره بالعشرات حتى لو كانت اثنين وحتى لو كانت مانع لانه ما قال لي منزلتين مختلفتين بالارقام فحيكون عنا خمس خيارات لخانه العشرات اذا بضربهم ببعضهم حيطلع معنا عشر اعداد زوجيه مؤلفه من منزلتين بهالجدول المساعد هادي اللي هو ماله ضمن الحل هذا مسوده اذا بنعد الاعداد الزوجيه اللي هن 12 و 22 و52 و 82 و 92 وال 18 وال 28 و 58 و 88 و 98 بالفعل بيطلعوا عشر اعداد زوجيه مكونه من منزلتين هلا هون بالكتاب انتهى السؤال بس نحن حنضيف من عنا طلبات اضافيه مشان تكون الامور احسن قال كم عددا زوجيا مؤلفا من منزلتين كم عددا زوجيا مؤلفا من منزلتين بس اخي ضيف عليها كلمه منزلتين مختلفتين يعني ما بصير تكرر يلي راح قعد بالاحاد ما عاد يتكرر يكون موجود نفسه بالعشرات اول شغله يا اخي عنا منزلتين احاد وعشرات حتى يكون العدد زوجي احاده حصرا اما اثنين او ثمانيه وركز بكلامي وانت هيك جاوب بهذه الطريقه اما اثنين او ثمانيه يعني مو اثنيناتهم حيروحوا بالاحاد انا صار عمري هالعمر ما بتذكر بحياتي شفت احاد باي عدد مؤلف من منزلتين او اكثر فيه الاثنين والثمانيه قاعدين فوق بعض يعني يعني بتكون قاعده يا تمانيه مو اثنيناتهم حياته بالاحاد واحد بيناتهم لذلك لا تخربط بالاجابه اذا اجيت سالتك كم خيار عنا لخانه الاحاد حتجاوبني قطعا خيارين اما الاثنين او الثمانيه معناتها بنجي لهون بنقول هناك خيارين لخانه الاحاد هلا قبل شوي بالعشرات ما كان يعني لي الامر اي رقم من الموجودين حتى لو كانت اثنين وحتى لو كانت فيني اختاره بالعشرات فكان عندي خمس خيارات اي رقم من الموجودين هلا بهاي الحاله اذا واحد يجذبها بقول لي عنا ثلاثه خيارات شو بيكون قصده بيكون قصده الاثنين والثمانيه راحوا للاحاد فحيزيد ثلاث خيارات للعشرات نحن مو عنا المجموعه فيها خمس ارقام فشو قصده اخي الاثنين والثمانيه راحوا للاحاد فحيزيد الثلاثه للعشرات وهذا اكبر جريمه ممكن ترتكبها بحق حالك انا بالاحاد رح يروح اما الاثنين او الثمانيه فرضا لو راحت الاثنين حيزيد اربع ارقام للعشرات اربعه خيارات مو ثلاثه فرضا لو راحت الثمانيه هيزيد اربع خيارات للعشرات مو حيزيد ثلاثه معناتها اخي انتبه الله يرضى عليك بالاحاد يا اثنين يا ثمانيه بس هن حياخذوا رقم فحيزيد عنا اربع خيارات للعشرات حيطلع عنا ثمان اعداد زوجيه مكونه من رقمين مختلفين بصراحه كانوا قبل شوي عشر ارقام زوجيه بس مين اللي نقصوا نقصوا 22 لانه هذا ماله ما بصير يكون موجود هنا قال لي منزلتين مختلفتين فكانوا عشره شو صفيوه ثمانيه طلب اضافي خامس شو عم يقول لي كم عددا فرديا مؤلفا من ثلاثه منازل وهو اكبر تماما من 200 يمكن تشكيله من عناصر المجموعه اول شغله بدك تنتبه بسؤالك شو عنا شغلات فردي يلا ها فرديا مشان نقعد نشطبهم وحده وحده ثلاث منازل يلا هاي ثلاث منازل بعدين اكبر تماما من 200 اكبر تماما من 200 بس تعال اقول لك شغله قال لك شي ممنوع التكرار منازل مختلفه الارقام اعلى شيء له متى الامور بخير يلا ثلاث منازل لعيونك هي ثلاث منازل احاد عشرات مئات احاد عشرات مئات هلا حتى يكون العدد فردي هي شطبناها خالصين حتى يكون العدد فردي احاده حصرا فرديه اما واحد او خمسه او تسعه قولا واحدا طيب حتى يكون اكبر تماما من 200 شطبناها حتى يكون اكبر تماما من 200 الشغله مو شغله احاد ولا الشغله اشتغلت عشرات الشغله اشتغلت مئات اذا بتسال نفسك سؤال بهالمجموعه هاي معلش بالمئات اختار الرقم واحد اذا كانت المئات فيها واحد حيكون الرقم 100 وكسور مثلا 198 مثلا 125 ما بصير نحن اكبر تماما من 200 طيب معناتها معلش اختار الرقم اثنين بالمئات هلا واحد بيقول لي اكبر تماما من 200 بس يا عمي انت اذا اخترت الرقم اثنين بالمئات شو حتكون الاحاد والعشرات مثلا خمسه وواحد فحيكون 215 مثلا واحد وواحد بالعشرات وبالمئه بالاحاد كم خيار عنا للاحاد عنا ثلاث خيارات ما في انا بدي شروط معينه يكون فردي متى اما واحد او خمسه او تسعه معناتها ثلاث خيارات للاحاد طيب للمئات كم خيار عنا عنا اربع خيارات اما اثنين او خمسه او ثمانيه او تسعه معناته عنا اربع خيارات طيب بالعشرات اخي ما عنا شروط للعشرات يعني عادي يكون الرقم واحد هون عادي يكون الرقم اثنين عادي خمسه عادي ثمانيه عادي تسعه معناتها كم خيار عنا عنا خمس خيارات حتى لو كان واحد من هذول حتى لو كان واحد من هدول ما عنا ولا الشرط على العشرات وانا قلت لك تعال اقول لك هدول الاقلام اذا قلت لك انا بدي طريقه بدي عفوا طريقه بكم طريقه ممكن تناولني الم تستفيد من هالاقلام هدول تعطيني انا مت او هاد او هاد او هاد ليش ما اخترت شيء معين منه لانه انا ما حددت لك شرط بس اذا قلت لك بكم طريقه ممكن تعطيني قلم غطاه مغلق بتقول لي طريقه واحده غطاه مفتوح ثلاث طرق بدي الم اسود طريقه واحده معناتها هون على عشرات ما في عندي ولا شرط ما بختار باي طريقه او باي حاله بختار اي عدد بدي اياه بخمس خيارات اما واحد او اثنين او خمسه او ثمانيه او تسعه اذا بضرب الاربعه بالخمسه عشرين ضرب التلاته بيطلع عندي 60 اربعه ضرب الخمسه عشرين ضرب ثلاثه 60 عدد الطلب الاخير بهذا السؤال هو الطلب السادس الطلب السادس كم عددا فرديا مؤلف من 3 منازل مختلفه اكبر تماما من 200 يعني نفس الطلب السابق باختصار شديد بس مضاف عليه كلمه واحده بتكركب الوضع كله يلي هي كلمه مختلفه اول شغله بكتب لك هاي الملاحظه او اكتبها عندك انت في ملاحظه اكتبها شو بتقول عندما يكون لدينا بالسؤال اكثر من شرط اكثر من شرط والمطلوب منازل مختلفه الارقام شو يعني اكثر من شرط يعني شرط بيخص الاحاد وشرط بخص المئات او غيره او غيراته عندما يكون لدينا يلا بنكتب عندما يكون لدينا اكثر من شرط والمطلوب اعدادا مختلفه الارقام احسن اسلوب وافضل اسلوب انه نميز حالات شلون يعني نميز حالات اول شغله تعال نفكر بالسؤال يعني تفكير منطقي انا بدي ثلاث منازل هي ثلاث منازل منزل اثنين ثلاثه احاد عشرات مئات خلصنا من اول وحده فرديا حتى يكون العدد فردي احاده لازم تكون فردي اما واحد او خمسه او تسعه حتى يكون العدد اكبر تماما من 200 مئاته لازم اثنين معلش خمسه معلش ثمانيه معلش تسعه معلش من المجموعه اللي عنا اياها طبعا شطبنا كلمه فردي وشطبنا كلمه اكبر تماما من 200 وشطبنا كلمه ثلاث منازل بس في مصيبه شو هي قايل لك مختلفه الارقام بس نحن نشوف بالله الخمسه موجودين مع الاحاد والمئات والتسعه موجوده مع الاحاد والمئات ما بصير لانه هو شو قال لي كلمه مختلفه الارقام طيب شو اعمل احذف الخمسه من الاحاد وخليها هون ولا احذفها من هون وخليها هنيك والتسعه نفس الشيء احذفها من الاحاد وخليها مع المئات والاحزاب هون وبخليها يعني الله لا تعمل هذا الحكي كله هذا الحكي انت اعتبر حالك كنت عم تتسلى وعم تناقش المساله هيك مناقشه عامه ثلاث منازل ثلاث منازل فردي اكبر من 200 بس في مشكله انه تكون ارقام مختلفه فسجل عندك ملاحظه الله يوفقك لما يكون عندي اكثر من شرط والمطلوب منازل مختلفه الارقام منميز حالات شلون يعني مميز حالات اخي انت اذا في ثلاثه بره يا خضر عم يستنوك على خناقه برا بالحاره بدي اسالك سؤال بذكائك الفظيع انو احسن لك انك تطلع الثلاثه تواجههم سوا ولا تواجههم واحد واحد واحد هلا خضر شو قال اذا بيطلع بواجههم واحد واحد افضل ليش لانه اذا واجههن واحد واحد بياكل ثلاث اكلات بس خفاف اما ازواجهم بياكل قتله بس قويه معناتها نحنا هون اخي لا تعمل لي فيها قبضاي وتقلي الاحاد واحد وخمسه وتسعه اخي تعال اقول لك بلا هالسرعه هاي اما الاحاد حتختار العدد واحد او الاحاد حتختار العدد خمسه او الاحاد حتختار العدد تسعه مشان تكون فرديه واحد يا خمسه يا تسعه ايون وحده وحده طب هلا اذا الاحاد يا صديقي اخدت العدد واحد المئات معلش تاخد اثنين او خمسه او ثمانيه او تسعه طبعا معلش لانه ما حيكون في تشابه منها المجموعه هاي بكم طريقه ممكن نختار الرقم واحد لهون بكم طريقه العدد واحد فيني يجيبه لهون ينط الطالب بقلي طريقه واحده استاذ ما في غيره بلا مزبوط واعتبره راح من حياتك ليش لانه خلص قعد بالاحاد ما عاد فيني اكرره طيب كم خيار عندي للمئات اما اثنين او خمسه او ثمانيه او تسعه معناتها انا عندي اربع خيارات بس هل كلهن هدول راح اخدهم حطهم بالمئات ولا واحد بيناتهم لا واحد بيناتهم مثلا مين مثلا تسعه طيب شو حيزيد عندي للعشرات حيزيد عندي ثلاث خيارات العشرات فحيكون عندي الحاله الاولى 4 × 3 × 1 يعني اذا قلنا العدد واحد بطريقه واحده ما كان في غيره الاثنين او الخمسه وتسعه اربعه طرق هلا حيكون راح رقم للاحاد ورقم منهم للمئات فحيزيد عنا ثلاثه ارقام وثلاث خيارات للعشرات فحيكون الحاله الاولى ب 12 عدد هلا اذا بنرجع للمجموعه الاساسيه انه هاي او صرنا خلص حاله جديده الاعداد اللي كانت هي واحد واثنين وخمسه وثمانيه وتسعه كم خيار عنا لحتى نجيب الرقم خمسه عنا ما في غيرها طريقه واحده طيب استاذ اثنين راحت الخمسه للاحاد اثنين او ثمانيه او تسعه اثنين او ثمانيه او تسعه في عنا ثلاث خيارات طيب رح يروحوا كلهم للمئات ولا واحد بيناتهم لا واحد بيناتهم مثلا تسعه كم خيار عنا حيزيد للعشرات تلات خيارات متى هي ثلاثه ضرب ثلاثه ضرب واحد شو حيذكرنا تسع اعداد طيب هلا بالحاله الثالثه نفس الشي كم خيار عنا للعدد تسعه ما في غيره طيب اثنين او خمسه او ثمانيه معناتها في عنا راحه التسعه للاحاد اثنين او خمسه او ثمانيه حيكون عنا ثلاث خيارات للمئات حيروحوا كلهم لا واحد بيناتهم مثلا 8 كم خيار عنا حيزيد العشرات ثلاث خيارات ثلاث طرق متى عنا ثلاثه ضرب ثلاثه ضرب واحد حيكون عنا تسع اعداد بالحاله الاولى 12 والحاله الثانيه تسعه وبالحاله الثالثه تسعه الاعداد كلها ستكون اما 12 او تسع اعداد او تسع اعداد يعني الحاله الاولى والحاله الثانيه والحاله الثالثه بجمعهم بيطلع عندي 30 عدد تحقق هذه الشروط هلا السؤال السادس صفحه 152 والسؤال السابع صفحه 152 اول شيء بدي اسالكم سؤال اذا نحن عنا اربعه اشخاص موجودين بجمعيه معينه جمعيه خيريه هل 4 اشخاص هم اعضاء جمعيه خيريه اذا بدنا نختار لها الجمعيه الخيريه رئيس كم خيار عنا لحتى نختار رئيس اللي اربع خيارات اما هذا رئيس او هذا رئيس او هذا رئيس او هاد رئيس بس من العلم المنطقي انه الانسان اللي منقعده رئيس رئيس جمعيه رئيس بلديه رئيس هيئه رئيس روما كان ما حيكون خرج انه يقعد نفسه نائب رئيس معناتها كم خيار عنا لحتى نختار رئيس في عنا اربع خيارات اما هذا او هذا او هذا او هذا واحد بيناتهم حيعود رئيس طب كم خيار عنا لحتى نختار نائب رئيس في عنا ثلاث خيارات واحد من هدول طيب اللي قعد نائب رئيس خلص ما عاد يقعد منصب تاني كم خيار عنا لحتى نختار منهم واحد امين سر في عنا خيارين ما في غيرهم بالسؤال السادس صفحه 152 شو عم يقول لي يتالف مجلس اداره نادي رياضي نادي رياضي متل نادي مثلا الوحده نادي الكرامه نادي تشرين اللي هو فيه مجلس اداره نادي رياضي يتالف مجلس اداره النادي الرياضي من سبعه اعضاء هذا النادي قرروا يختاروا رئيس ونائب رئيس وامين سر للنادي تم خيار عنا لحتى نختار رئيس سبعه طيب نائب رئيس سته طيب امين سر خمسه اكيد ما فيني كرر لانه مو معقول الانسان اللي حطيناه رئيس لهذا النادي نرجع نحطه نائب ونرجع نحطه امين سر اذا بضرب هدول اصلا كلمه هي بحد ذاتها هي ضرب اما كلمه او شو هي جمع معناتها رئيس بسبع طرق نائب رئيس بسته طرق امين صربي خمس طرق حيطلع عنا الجواب 210 طريقه السؤال السابع صفحه 152 شو عم يقول لي اول شغله يا جماعه قال في عنا مئه متسابق في سباق للدراجات عنا مئه متسابق في سباق للدراجات يجري فيه توزيع ثلاث ميداليات ذهبيه وفضيه وبرونزيه كم متسابق في عنا مئه متسابق في سباق للدراجات يجري فيه توزيع ثلاث ميداليات ذهبيه وفضيه وبرونزيه المركز الاول بياخد الذهبيه المركز الثاني فضيه المركز الثالث برونزيه كم عدد الحالات لتوزيع الميداليات الثلاثه ولا يوجد حالات تساويه مو معقوله اثنين يطلعوا مركز اول نحن طالما عنا مئه متسابق فعلنا 100 خيار للمركز الاول اما هذا او هذا او هذا او هذا او هذا او هذا اي واحد بيناتهم بده يطلع مركز اول فلحتى نوزع الميداليه الذهبيه عنا ميه خيار اي واحد بيناتهم الموجودين حيطلع مركز اول بس الفضيه شو حيصير 99 بس البرونزيه شو حيصير 98 اذا بضرب 100 ضرب 99 ضربه 98 حيطلع عنا 970 الف ومتين طريقه لتوزيع الميداليات الثلاثه على مئه متسابق اكيد الرقم بهذا الشكل ماله امتحاني اكيد ماله امتحاني بس ممكن مثلا في احدى النماذج سابقا كان موجود مثلا في سباق للخيول يجري فيه توزيع الميداليات ذهبيه فضيه وبرونزيه يوجد عشره متسابقين فبالحاله الاولى قديش 10 اللي بعدها تسعه اللي بعدها قديش ثمانيه عشره بتسعه شو بدي اطلع الجواب 720 هذا الشيء اللي حليناه نحن على اللوح هذا الشيء شو اسمه هذا حل مسائل عن طريق المبدا الاساسي في العدل لسه قلنا فيديو صغير عن هذا الموضوع مشان نشطبهم وننتقل للمسائل