تطور الجدول الدوري للعناصر

بسم الله الرحمن الرحيم شلون صار عندنا جدول دوري قاللك قبل كان ماكو ترتيب حق العناصر واضح يا واحد اسمه مندليف رتب العناصر في اعمده حسب تزايد الكتل الذريه وهذا سؤال يمكن يك بالامتحان يقوللك اكمل شلون رتب مندليه في العناصر تقول حسب تزايد الكتله الذريه يعني كثر ما يزيد وزن العنصر انزين ثم رتب الاعمده في صفوف على اساس ان العناصر المتشابهه تقع جنبا الى جنب في صفوف افقيه هذا مال الجدول مال مندليف طبعا مو مطلوب علينا بس انا حاط لك عشان تفهم السالفه شوف حط الهيدروجين واحد كتلته واحدين هذا كتلته سبعه بين ت بعدين 11 12 وانت رايح وشاف اللي متشابهين حطهم يين بعض حلو فقال الليثيوم يشبه البوتاسيوم يشبه الروبيديوم يشبه السيزيوم وانت رايح انزين وبعدين يا واحد عقبه اسمه موزلي رتب العناصر حسب العدد الذري العدد الذري يعني عدد الالكترونات وهذا هو الترتيب اللي نستعملها احنا في الجدول الدوري اذا رتبنا العناصر حسب تزايد العدد الذري لو تلاحظ هنا الهيدروجين واحد بعدين الهيليوم 2 بعدين ليثيوم 3 بريليوم 4 5 6 7 8 9 10 بعدين 11 12 13 14 15 16 17 18 وانت رايح كذي قاعدين نمشي مثل الاله الكاتبه كانكم لحقتوا عليها ولو اني ما ظنيت لما رتبوا الجدول بهذه الطريقه شافوا ان صفات البورون تشبه صفات الالمنيوم تشبه صفات الجاليوم ياه شف ان صفات الكربون تشبه السيليكون تشبه الجرمانيوم وانت رايح شو السالفه قاللك اذا رتبنا احنا العناصر بهالطريقه يحدث تكرار دوري شنو تكرار دوري يعني كل ما تاخذ لك دوره تكرر نفس الصفات تاخذ بعد دوره تكرر الصفه مره ثانيه تاخذ بعد دوره تكرر الصفه مره ثالثه فقال لك في شي اسمه القانون الدوري عند ترتيب العناصر حسب زياده العدد الذري يحدث تكرار دوري للخواص الكيميائيه والفيزيائيه ابيك تعرف شغلات اول شيء هذا العمود الواحد اي عمود من هال العواميد راح نسميه مجموعه والمجموعه عناصرها تشابه في الخواص يعني لما اقول لك من العنصر اللي يشبه الكربون على طول تقول لي السيليكون لما اقوللك من العنصر الاشبه بالاكسجين تقوللي على طول الكبريت ليش لان العناصر في المجموعه الوحده تصير التشابه في الخواص الكيميائيه والفيزيائيه انزين وهذه اللي بالعرض الخط اللي بالعرض يسمونه دوره ولازم تحفظ هذا الكلام كذلك شغله ثانيه يك تعرفها وهي ان هذه العناصر لو تلاحظ المجموعه هذه والمجموعه هذه والمجموعات اللي هني كلهم ذول كلهم مكتوب عندهم اي اذا ما تشوف الاي واضحه يب كتابك الحين وافتح الجدول الدوري صفحه 38 هني هذا كله مكتوب عليه اي وهذ مكتوب عليهم ي شو السالفه قاللك هذلا مجموعات العناصر المثاليه هذه كلها عناصر مثاليه شنو يعني مثاليه مثاليه يعني خواصها تدرج ها بشكل واضح انزين وهذ شنو عيل هذلا مجموعات عناصر انتقاليه يعني ايش فيها خواصها يعني التدرج فيها مو 100% انزين خلصنا من ه الموضوع اذا انا راح اقسم هذلا المجموعات راح اسمي هذه واح اي ا اي 3 اي 4 اي 5 اي 6 اي س اي 8 اي واما هذول فراح يكونون المجموعات شنو ي وهذول اللي تحت هذول هم تبعهم لذلك انا دائما احفظ طلبتي اقول لهم البرتقالي انتقالي هذ المجموعات البرتقاليه مجموعات انتقاليه وعناصر انتقاليه واما الباقي هذول كلهم مثاليين اذا من الاسئله اللي ممكن تجيك بالامتحان يقوللك تسمى الصفوف الافقيه في الجدول الدوري تقول الدورات او الدوره تسمى الاعمده الراسيه في الجدول الدوري المجموعه حلو مجموعات العناصر المثاليه لها الرمز اي وترمز ب لمجموعات العناصر الانتقاليه هذه كلها اسامي ها لماذا سميت العناصر المثاليه بهذا الاسم طبعا انا قلتلك لان التدرج في صفاتها واضح لكن في كتابك مكتوب لانها تظهر مدا واسعا للخواص الفيزيائيه والكيميائيه هو نفس كلامي بس بطريقه التفلسف فانت احفظ التفلسف الله يخليك المهم انك تكون فاهم انزين قاللك الجد دوري نقدر نقسمه نصين نص اللي هو هذا كله نسميه شنو الفلزات والنص اللي هني نسميه اللا فلزات شو الفرق بين الفلزات ولا فلزات قاللك الفلزات مثلا توصل الكهرباء الفلزات لها لمعه الفلزات ممكن اسوي منها وايرات ممكن ان اسوي منها صفايح اما اللافلزات ما تقدر تسو ه الكلام هذا كله قاللك اول مجموعه واحد اي هي من الفلزات صح قلنا الفلزات هذا كله عدل المكان هذا كله من الفلزات فيسمون الفلزات القلويه سؤال بامتحان يقولك مجموعه الفلزات القلويه هي تقول واحد هي هذه اول مجموعه ثاني مجموعه يسمونها الفلزات القلويه الارضيه فراح تسميها ا ابيك تلاحظ وياي ان هذه كلها فلزات بعد صح اللي بالاحمر اللي قلنا اسمها عناصر انتقاليه قالك العناصر الانتقاليه نوعين عناصر انتقاليه وعناصر انتقاليه داخليه اللي فوق اللي هي العناصر الانتقاليه هذه كلها تنتهي بتحت مستوى دي واما هذه كلها تنتهي بتحت المستوى اف والعناصر الانتقاليه الداخليه تنقسم الى لانثانيدات واكت نيدات هذه مجرد اسامي تحفظها حق الصح والغلط وحق اكمل الاجابه ويسمونها ايضا اللي هي العناصر الانتقاليه الداخليه يسمونها العناصر الارضيه النادره ليش سمون العناصر الارضيه النادره يقوللك لان قبل او ما كانوا يلقونها وايد الحين لا خلاص تغير الوضع قاموا يلقونها في القشره الارضيه بنسبه كبيره يقوللي اغلب الفلزات صلبه هذول الحبايب اغلبهم شنو صلبين يعني سواء المغنيسيوم سواء هني الذهب والفضه هني تلقونهم النحاس لكن في فلز سائل منو الفلز السائل هذا يا جماعه الخير هذا هو تدرون من هذا هذا الثرمومتر داخله زئبق الزئبق الزق الزئبق هو الفلز السائل اذا لما يقولك اغلب الفلزات صلبه لكن الفلز السائل هو تقول اتش جي او تكتب الزئبق انزين وليش مكسور مكسور عشان اقوللك دير بالك هذا اذا انكسر بالمختبر ترى ماده سامه لا تقرب منها لا تلمسها وخر وناد الاستاذ هوه يتعامل وياها لا تصيرلي شاطر انا اللي بشيله انا اللي هذا خلصنا من الفلزات شوف اللافلزات اللافلزات هذول الحبايب اللي بالطرف ه الصوب زين بعض اللافلزات تكون في الحاله الغازيه مثل منو الاكسجين مشهور صح وبعضها يكون صلب مثل الكبريت اللي هو اس هذا والسائل الوحيد بين اللافلزات هو البروم كاهو او تكتب البروم لاحظ ان ضمن اللافلزات اكون مجموعه 8 اي المجموعه 8 اي هذه يا جماعه الخير مجموعه الغازات النبيله او الغازات الخامله يسمونها قبل ليش اسمها مجموعه الغازات النبيله راح نقوللكم بعد شوي بس ثبتها هذه لان راح يصير عليها شغل وايد من الاسئله اللي يمكن تيك بالامتحان يقوللك البروم سائل له شنو لون تقول احمر داكن لماذا سميت الغازات النبيله بهذا الاسم قاللك لقدرتها المحدود على التفاعل الكيميائي كلمه نبيله مر عليكم هذلا اللي يسمونهم النبلاء اللي عنده فلوس وايد وبس يركب حصانه الصبح ويلحق ثعالب ما عنده هدف بالحياه مااله خلق يشتغل ماله خلق يسوي شيء بالدنيا ماكو شيء عشان كذ سموهم نبيله هذه الغازات ماالها خلق التفاعل مو مثل باقي العناصر اللي دائما التفاعل مع بعضها حلو فقال لك لقدرتها المحدوده على التفاعل الكيميائي من امثلتها لنون تعرفون لمبات النيون صح وكذلك الزنون شوف هذا ليت البي ام هذا الجدول ممكن يجيك بالامتحان يقوللك شو الفرق بين الفلزات واللا فلزات تقوللي والله هذه توصل كهرباء هذه توصيلها ضعيف هذه تلمع هذه ما تلمع هذه قابليه لها قابليه سحب قابليه سحب يعني تقدر تسوي منها اسلاك تقدر تسوي منها وايرات هذه لا التكسر ما تتحمل وهذه لها قابليه طرق يعني يقدر تسوي منها شرائح ضعيفه حيل وهذه غير قابله للطرق معناته ايضا التكسر ما تسمح بها الشيء زين استاذ هذا الجروب الاصفر هذا ما ي بطاريه عس ماشر اقوللك هذلا اسمهم اشباه الفلزات اللي هم بين الفلزات وبين شنو اللافلزات ايش قصتهم قاللك اشباه الفلزات هذول الصفر لها صفات متوسطه وهذا سؤال امتحان لها صفات متوسطه بين الفلزات واللافلزات فلما اسالك اقول لك توصل التيار الكهربائي تقول شبه موصله واضح لها لمعه لمعه يعني محاوله لمعه يقولك من الاشياء المهمه في الموضوع ان السيليكون والجرمانيوم كهذا السيليكون وهذا الجرمانيوم اثنينهم من اشباه الفلزات يستخدمون في تصنيع رقائق الكمبيوتر هي اليبس وكذلك تستخدم في الخلايا الشمسيه اللي هي اللي تحول الطاقه الشمسيه الى طاقه كهربائيه يا رب تكونوا استفدتوا والحمد لله رب العالمين