درس توزيع سكان بلدنا وخصائصهم الصف الرابع الابتدائي دراسات اجتماعية المنهج الجديد 2026

يلا بسم الله الله اكبر يلا بسم الله الله اكبر دي يا دي ماد الدنيا يد يا عزيز يا عزيز يا عزيز عمرك سالت نفسك عدد سكان مصر كام او ايه هي اكتر محافظه فيها سكان واقل محافظه فيها سكان مثلا او سالت نفسك سؤال ثاني اللي هو احنا عندنا في مصر قد ايه ذكور وقد ايه اناث يعني قد ايه ولاد وقد ايه بنات عمرك سالت نفسك الاسئله دي انا النهارده سنه رابعه جاي اجاوبكم على كل الاسئله اللي بتخطر في بالكم دي في الدرس الاول عندنا منج الترم الثاني وهو درس توزيع سكان بلدنا وخصائصهم النهارده هنعرف كل المعلومات اللي انت عايز تعرفها عن السكان في الدرس الاول نبدا مع بعض يا حبايبي كده نعرف الاول عدد السكان في مصر احنا عندنا عدد سكان مصر كام هنا بيقول لك بلغ عدد سكان مصر 108 مليون نسمه طالب يقول لي يعني ايه كلمه نسمه اقول لك نسمه يعني روح يعني انسان هنا ب الراجل ما حددش ولد بنت كبير صغير شاب 108 مليون انسان يبقى احنا عندنا في مصر عدد السكان المصري قد ايه تقول لي 108 مليون انسان يعني ايه انسان يعني نسمه بس خلي بالك ان سكان مصر مش متوزعين في كل محافظات مصر بالتساوي امال ايه اللي بيحصل؟ بيختلف توزيع السكان من محافظه الى اخرى يعني لو انت بصيت على الخريطه اللي قدامك دي هتلاقي ان في محافظات باللون الاخضر الغامق زي محافظه الشرقيه مثلا وزي محافظه القاهره وزي محافظه الجيزه وعندك محافظات باللون الاخضر الفاتح زي محافظه سوهاج وزي محافظه الدقهليه وزي محافظه البحيره كده وعندك محافظات باللون الفاتح خالص اللي هي زي مطروح وزي الوادي الجديد وزي جنوب سيناء الالوان دي معناها ايه يا سنه رابعه؟ الالوان دي معناها ان المحافظات اللي بالاخضر الغامق دي محافظات مزدحمه بالسكان يعني مليانه سكان كتير جدا جدا والمحافظات اللي بالاخضر الفاتح دي محافظات متوسطه السكان والمحافظات اللي باللون الاصفر ده او اللون الاخضر الفاتح جدا جدا جدا جدا ده دي محافظات قليله السكان تعالوا نبص على الخريطه ثاني عشان الخريطه دي بيجي عليها اسئله يعني انت لو بصيت على الخريطه دي نقدر نفهم شويه معلومات زي مثلا اول معلومه ان من المحافظات المزدحمه بالسكان اللي هي مليانه سكان زحمه جدا عندنا محافظه القاهره ومحافظه الجيزه القاهره والجيزه من اكث المحافظات المزدحمه بالسكان في مصر كلها سنه رابعه وعندنا كمان محافظات متوسطه السكان يعني فيها سكان عدد متوسط لا زحمه قوي ولا قليل قوي زي محافظه الدقهليه وزي محافظه سوهاج وزي محافظه البحيره عندنا كمان محافظات قليله السكان بص قليله قليل يعني عدد السكان فيها قليلين زي محافظه شمال سيناء وجنوب سيناء والبحر الاحمر ومحافظه الوادي الجديد ومحافظه مطروح اللي هي مرسا مطروح طب يا مستر ايه برده يا مستر اكتر محافظه واقل محافظه انا عرفت دلوقتي امثله على المحافظات المزدحمه وامثله على المحافظات المتوسطه وامثله على المحافظات القليله عايزين نعرف بقى مين هي اكت محافظه فيها سكان هقول لك حبيب قلبي محافظه القاهره يبقى احنا عندنا اولى محافظات مصر من حيث عدد السكان هي القاهره دي اكت محافظه فيها سكان وبيجي دايما سؤال عليها في اكمل يقول تعد نقط هي اولى محافظات مصر من حيث عدد السكان هنقول له القاهره طالب يقول لي طب جميل طب انا عرفت الاولى انا عايز اعرف بقى مين هي اقل محافظه من حيث السكان ايه هي اقل محافظه فيها سكان هقول لك حبيبي محافظه جنوب سيناء يبقى احنا كده عرفنا معلومتين مهمين قوي ان اكت محافظه فيها سكان هي القاهره واقل محافظه فيها سكان هي محافظه جنوب سيناء تعال بقى ناخد بعضنا كده ونسال نفسنا سؤال وهو ليه يا مستر محافظه القاهره اكت محافظه فيها سكان اشمعنى يعني ممكن يجي لك سؤال هنا حبيبي يقول لك بما تفسر يعني ايه بما تفسر يعني لماذا يعني هنا بيسالك على السبب ليه لماذا تعد محافظه القاهره اكثر محافظات مصر سكانا ليه القاهره مليانه سكان هقول لك حبيب قلبي احنا عندنا ثلاث اسباب خلوا القاهره مليانين سكان اول سبب رقم واحد انها عاصمه البلاد هي العاصمه لما اجي اسالك مين عاصمه مصر تقول القاهره فطالما هي العاصمه السكان بيحبوا يقعدوا فيها ومدينه مهمه طب السبب الثاني عندنا وهو ان هي بيها الوزارات والمصالح الحكوميه فيها الوزارات زي وزاره الصحه وزاره التربيه والتعليم وزاره العدل وزاره الداخليه كل الوزارات المهمه اللي بتخدم الدوله موجوده فيها كمان كل المصالح الحكوميه يعني انت لو عايز مثلا بابا عايز يطلع طلع بطاقه بدل مثلا بطاقته ضاعت او عايز يجدد البطاقه عايز يطلع لك شهاده ميلاد عايز يطلع اي ورق مهم لازم يروح حاجه اسمها المصالح الحكوميه طب المصالح الحكوميه دي موجوده فين؟ موجوده في القاهره فعشان هي القاهره فيها الوزارات والمصالح الحكوميه ده بيخليها زحمه جدا ومليانه سكان طيب السبب الثالث بقى وهو ان فيها فرص عمل فيها شغل كتير جدا جدا انا في القاهره ممكن اشتغل شغلانات كتير جدا لو انا مدرس مدرس عندنا مدارس كتير ممكن اشتغل فيها لو انا دكتور عندنا مستشفيات كتير لو انا راجل مثلا مهندس عندنا مصانع لو انا سواق ممكن اجيب عربيه واشتغل بيها فاحنا عندنا القاهره فيها فرص عمل اذا السؤال اللي بيجي لك هنا حبيبي يقول لي ايه بما تفسر تعد محافظه القاهره اكثر محافظات مصر سكانا هتقول له كام حاجه هتقول له ثلاث حاجات لانها عاصمه البلاد هي عاصمه مصر كمان فيها الوزارات والمصالح الحكوميه كمان فيها فرص عمل دي الثلاث حاجات اللي خلوا القاهره مليانه سكان وده سؤال مهم جدا طيب يا مستر محافظه زي سوهاج محافظه زي سوهاج دي محافظه مليانه سكان ولا قليله ولا متوسطه هقول لك متوسطه يعني سوهاج لا هي زحمه قوي ولا هي فاضيه قوي هي محافظه متوسطه السكان وعلى فكره عدد قليل جدا من سكان سوهاج بيعيشوا في المدن المدن اللي هي زي مثلا زي الصوره دي كده اللي هي فيها بقى بيوت كتير وبتاع وعندنا معظم السكان بيعيشوا في الريف الريف اللي هي القرى اللي هو عند نهر النيل زي كده المنظر اللي هو بالاراضي الاراضي الخضراء دي يبقى احنا عندنا عدد قليل من سكان سوهاج بيعيشوا في المدن لكن معظمهم يعني اغلب سكان سوهاج بيعيشوا عند نهر النيل على القرى في القرى وبيشتغلوا في مهنه الزراعه هنا بقى عايز اسالك انا سؤال اشوفك كده انت مصحصح معايا ولا السؤال بيقول لك ايه؟ يعمل معظم سكان سوهاج بمهنه نقط. لما اجي اسالك اقول لك يعمل معظم سكان سهاج بمهنه ايه؟ طبعا انت عارف ان معظمهم بيعيشوا في القرى عند نهر النيل يبقى معظمهم بيشتغل في مهنه ايه يا باشا؟ الزراعه الله ينور عليك زي ما اخدنا مثال على محافظه مليانه سكان زي القاهره ومحافظه متوسطه السكان زي سوهاج تعالى ناخد محافظه عدد سكانها قليلين زي محافظه الوادي الجديد يبقى احنا عندنا حبايبي محافظه الوادي الجديد دي من المحافظات قليله السك سكان يعني فيها عدد سكان قليل جدا طب يا مستر ما تديني صوره منها ادي صوره يا باشا من محافظه الوادي الجديد بص كده انت شايف ايه منطقه فيها جبال ومنطقه فيها صحراء صحراله ما فيش ميه اذا هي عدد سكانها قليل ليه ادي الاجابه اهي لانها منطقه صحراويه تقل بها المياه العازبه عشان هي منطقه الصحراويه ما فيهاش ميه عازبه ده اللي خلاها منطقه قليله السكان يلا هسالك بقى هنا السؤال اشوفك مصحصح معايا ولا لا؟ بما تفسر تعد محافظه الوادي الجديد من المحافظات قليله السكان ليه المحافظه دي سكانها قليلين جدع لانها منطقه صحراويه تقل بها المياه العزبه خلصنا يا حبيبي الكلام على السكان تعالى بقى نخش على حاجه ثانيه وهي التركيب السكاني يعني ايه يا مستر التركيب السكاني كلمه تركيب سكاني يا سنه رابعه ده مصطلح لازم نحفظه خلاص كلمه تركيب سكاني معناها ايه معناها تصنيف السكان سكان الى مجموعات حسب النوع او العمر ان انا ارتب السكان على حسب نوعهم او عمرهم طب يعني ايه على حسب النوع على حسب النوع حبايبي معناها قد ايه ذكور وقد ايه اناث يعني قد ايه ولاد وقد ايه بنات مثلا ا محافظه فيها مثلا وليكن مليون شخص عايشين فيها طلع ان المليون دول في 600000 ولد ذكور يعني وفي 400000 بنت اناث انت ان انت تقسم السكان الى قد ايه ذكور وقد ايه اناث تركيب من حيث النوع يبقى من حيث النوع يعني نعرف السكان اللي عايشين في المحافظه قد ايه ذكور وقد ايه اناث طيب على حسب العمر بقى ان انا اعرف عمر الناس اللي عايشين في المحافظه ما هو معلش يعني انا ممكن اكون بكلم شخص يكون كبير في السن اللي هم كبار السن ممكن اكلم شاب لسه متوسط بقول عليهم شباب ممكن اتكلم شخص صغير في السن اللي هم اطفال اذا اعمار السكان حبايبي هم حاجه من ثلاثه يا اما الاطفال يا اما الشباب يا اما كبار السن انت حتى وانت بتكلم حد انت بتكلم يا اما طفل صغير يا اما شاب يا اما راجل كبير طب الاطفال دول اللي هم عمرهم من كام لكام اللي هم اقل من 15 سنه اقل من 15 سنه يعني بقى لو انت عندك خمس سنين ست سنين 10 سنين 12 سنه 13 سنه لحد حد 15 سنه انت كده اسمك اطفال اقل من 15 سنه طب الشباب دول بقى من 15 سنه ل 64 سنه يبقى من اول 15 سنه لحد 64 سنه بقول عليهم شباب وما تقولش ايه ده يا مستر ده 64 ده دول كبار جدا اقول لك ماشي بس كلمه شباب معناها ايه معناها ان هم بيقدروا يشتغلوا ما احنا ممكن نلاقي حد عنده 64 سنه بس بيشتغل يبقى هو كده في فتره الشباب يبقى الشباب من 15 ل 64 سنه طب كبار السن بقى اللي هم العواجيز اللي زي جده وزي زي تيتا كده دول كبار السن دول اللي هم اكت من 65 سنه اديني كده رتبت لك اللي هو يعني ايه تركيب من حيث النوع ويعني ايه تركيب من حيث العمر طيب تعال بقى نعرف شويه معلومات كده اول معلومه ان في عندنا حبايبي بعض المحافظات اللي بيكسر فيها الشباب يعني احنا عندنا في مصر في محافظات فيها شباب كتير جدا فانا باجي استغرب ليه يا مستر المحافظه دي فيها شباب كتير هقول لك بسبب وجود فرص العمل زي مثلا محافظه القاهره محافظه القاهره مليانه شباب ليه مليانه شباب لان القاهره قلنا فوق فيها فرص عمل فطالما فيها فرص عمل فيها شغل بيجي الشباب من كل المحافظات عشان يشتغلوا في القاهره اذا في محافظات مليانه يا شباب وده بسبب وجود فرص العمل في عندنا محافظات ثانيه بيبقى فيها اطفال كتير جدا تلاقي ان معظم سكان المحافظه اطفال طب ليه فيها اطفال كتير بسبب كثره الانجاب لان سكان المحافظه دول بيخلفوا كتير احنا عندنا في محافظات فيها اطفال كتير جدا بسبب كثره الانجاب زي مثلا المنوفيه زي عندنا الشرقيه زي في عندنا محافظات كتيره بيخلفوا فيها كتير جدا فعشان بيخلفوا كتير بيبقى عندهم اطفال كتير جدا في عندنا كمان في كل المحافظات بقى كبار سن اللي هو زي جده زي تيتا الناس اللي هم الكبار في السن دول بقول عليهم نسبه كبار السن ودول موجودين في كل المحافظ حفظات قبل ما نخش على اللي بعده عايز اسالك هنا سؤالين السؤال الاول بيقول لك بما تفسر يوجد في بعض المحافظات كثير من الشباب ليه عندنا محافظات فيها كثير من الشباب هتقول لي بسبب وجود فرص العمل انا ممكن اجي اسالك بما تفسر ا يزداد عدد الاطفال في بعض المحافظات هتقول لي بسبب كثره الانجاب يبقى انا لو سالتك ليه في شباب كتير هتقول لي عشان عندنا فرص عمل كتير يا مستر فبيجوا يشتغلوا طب ليه عندنا اطفال كتير هتقول بسبب كثره الانجاب لان الناس بيخلفوا كتير تعالوا بقى نخش على حاجه ثانيه وهي نسبه الذكور والاناث في مصر احنا عندنا مصر السكان اللي فيها احنا قلنا 108 مليون نسمه دول عدد سكان مصر طب انا عايز اعرف قد ايه ذكور وقد ايه اناث ومين الاكتر هقول لك حبيبي الاكتر بصراحه هم الذكور لان نسبه الذكور بص كده على الرسم البياني ده العمود الازرق ده نسبه الذكور 51.4% 0.4% اما نسبه الاناث اللي هم البنات يعني 48.6% 6% يعني احنا عندنا اكت من نص السكان ذكور يبقى نسبه الذكور اكث من نسبه الاناث ولكن ده بفرق بسيط يعني الفرق بينهم بسيط جدا اه الذكور او الولاد اكت من البنات ولكن بنسبه قليله جدا طالب يقول يا مستر طب معلش بقى ليه بلاقي في بعض المحافظات فيها ذكور اكت من الاناث او الاقي محافظه ثانيه فيها اناث اكت من الذكور يعني مثلا محافظه زي القاهره فيها ذكور كتير ليه ومثلا مثلا محافظه زي الشرقيه فيها اناث كتير ليه؟ ليه في محافظات فيها ذكور كتير ومحافظات فيها اناث كتير زي مثلا السؤال ده بما تفسر تختلف نسبه الذكور والاناث ما بين محافظه واخرى ليه؟ هقول له بسبب الهجره الداخليه لان هم بيهاجروا بيسافروا يعني ممكن تلاقي في شباب يسيبوا محافظه ويشتغلوا في محافظه ثانيه فبيزودوا عدد الذكور في المحافظه الثانيه و فاهمين قصدي يبقى نتيجه الهجره الداخليه عشان في هجره داخليه ده بيخلي في اختلاف بين عدد الذكور وعدد الاناث طيب برده ناخد معلومه ثانيه من خلال الرسم البياني الثاني ده وان احنا نعرف ان يا مستر الاعمار العمر احنا عندنا قد ايه كبار سن وقد ايه شباب وقد ايه صغار سن اطفال بص يا حبيبي اولا فئه الشباب في مصر فئه الشباب في مصر هي النسبه الاكبر من سكان مصر اكت من سكان مصر هم الشباب حتى بص كده ده العمود بتاع الشباب بص مرتفع ازاي احنا عندنا اكت من 60% من سكاننا شباب يعني اكت من نص السكان اللي في مصر شباب ودي حاجه حلوه جدا لان دي الفئه العامله والمنتجه في الدوله دول اللي بيشتغلوا ودول اللي بيشتغلوا في الوظائف وبيشتغلوا في المصانع وبيزرعوا هم دول الشباب يبقى اكت فئه موجوده في مصر فئه ايه؟ الشباب طب كبار السن بقى دول الفئه الاقل الاقل عددهم قليل جدا بص كده على العمود الاخضر ده نسبتهم يعني حوالي 5.9% 9% مش مكملين ال 6% اصلا يعني اقل فئه يبقى الشباب اكثر فئه وكبار السن اقل فئه طب الاطفال هم ثلث السكان يعني ايه ثلث السكان يعني لا كتير قوي ولا قليل قوي خلاص هم التلث ل ثلث السكان اطفال صغار سن ودول بيحتاجوا رعايه كبيره جدا هم وفئه كبار السن يبقى احنا عرفنا كده ان اكت سكان مصر شباب اقل سكان مصر كبار سن وان الاطفال نسبتهم التل تلث السكان اطفال تعال بقى نخش على اخر حاجه حبيبي وهي خصائص السكان يعني ايه خصائص السكان يا سنه رابعه يعني اعرف السكان دول متعلمين ولا مش متعلمين عايزين نعرف ايه هي اكتر محافظه متعلمه واقل محافظه متعلمه ونعرف بقى السكان دول بيشتغلوا في ايه هتيجي تبص هتلاقي ان السكان الخصائص بتاعتهم زي التعليم والعمل الشغل بتاعهم بيختلف من مكان لمكان يعني مش كل المحافظات متعلمه زي بعضها ولا كل المحافظات بيشتغلوا نفس الشغلانه طب ده ليه؟ ده بسبب اختلاف طبيعه البيئه التي يعيشون فيها عشان البيئه اللي هم عايشين فيها مختلفه يعني مثلا لو في واحد شاب جميل كده اسمه محمد محمد ده ساكن عند نهر النيل هيشتغل في ايه؟ بنسبه كبيره هيشتغل في الزراعه طب لو عندنا واحداني مثلا شاب جميل برده اسمه يوسف يوسف ده مثلا موجود في منطقه كلها مصانع هيشتغل في ايه؟ هيشتغل في مهنه الصناعه اذا السكان خصائصهم بتشتغل بتختلف ليه؟ على حسب البيئه البيئه يعني المكان اللي هم عايشين فيه تعالى الاول نتكلم بقى على نسب التعليم احنا عندنا نسب التعليم في مصر مرتفعه في معظم المحافظات يعني معظم محافظات مصر متعلمين ولكن اكت محافظه فيها متعلمين هي القاهره يبقى احنا عندنا بترتفع نسبه التعليم في محافظه القاهره ليه؟ بسبب اهتمام الاسر بالتعليم لان معظم العائلات والاسر اللي في القاهره بيعلموا اطفالهم وبيعلموا عيالهم فعشان كده نسبه التعليم في القاهره مالها مرتفعه يبقى لما اجي اسالك ليه التعليم في القاهره مرتفع تقول لي بسبب اهتمام الاسر بالتعليم لان الاسر بتعلم اطفالها وبيهتموا بالتعليم طيب تعال بقى نخش على المهن احنا عندنا السكان بيشتغلوا في ايه هل السكان كلهم بيشتغلوا في نفس الشغلانه قلت لك لا السكان مهنهم بتختلف يعني الشغل بتاعهم بيختلف فهتلاقي ان معظم سكان القاهره بيشتغلوا في الصناعه والخدمات ده معظم سكان القاهره ومعظم سكان سوهاج بيشتغلوا في الزراعه ومعظم سكان الوادي الجديد بيشتغلوا في الزراعه والرعي اذا الشغلانات مختلفه يبقى القاهره بيشتغلوا في الصناعه والخدمات سوهاج بيشتغلوا في الزراعه والوادي الجديد عشان صحراء فبيشتغلوا في الرعي رعي الاغنام والاماكن اللي فيها ميه عازبه بيشتغلوا فيها في الزراعه تعال بقى نعرف معلومتين كده جمال وهي ان احنا عندنا منطقه في مصر حبايبي اسمها عين شمس عين شمس دي منطقه موجوده في مصر زمان كان اسمها اون ودي كان زمان ده اللي هو ايام الفراعنه يعني كان زمان اسمها اون وكانت دي تعتبر مركز للتعليم والثقافه وكانوا بيشتغلوا هناك بقى في الكتابه والتعليم والصناعه يبقى عين شمس دلوقتي كان زمان اسمها مدينه اون ادي دي معلومه تاريخيه يه انت عرفتها يبقى لما يجي حد من صحابك يسالك يقول لك تعال بقى قو لي بقى هل عين شمس مدينه عين شمس زمان كان لها اسم تاني يقول له اه قول له كان اسمها اون وكانت مشهوره بالتعليم والعلم والثقافه طيب مدينه سوهاج بقى محافظه سوهاج كان زمان اسمها ايه كان زمان ايام الفراعنه اسمها ابيدوس وكان معظم سكانها بيشتغلوا في الزراعه وصناعه الفخار كده حبايبي نكون وصلنا لنهايه الدرس بتاعنا درس جميل ودرس لذيذ وانا متاكد ان انتم حفظتوا كل التفاصيل اللي في الدرس وكل المعلومات اللي في الدرس في نهايه الفيديو حبايبي يا ريت تعملوا لايك للفيديو واعملوا اشتراك في القناه ولو عندكم اي سؤال ابعتوا لي انا تحت امركم كان معاكم مستر كريم اشوفكم على خير ان شاء الله والسلام على