المُخبر الاقتصادي لماذا انسحبت الإمارات من منظمة أوبك

بعد 59 سنه من انضمامها لمنظمه الدول المصدره للنفط اوبك الامارات اعلنت انسحابها من المنظمه في 28 ابريل 2026 اعتبارا من اول مايو اللي احنا فيه ده ودي كانت خطوه مفاجاه ويمكن صادمه لناس كتير لاسباب مختلفه على راسها التوقيت البيان اللي نشرته وكاله انباء الامارات قال ان القرار ده بيتماشى مع الرؤيه الاستراتيجيه والاقتصاديه طويله الامد لدوله الامارات مع تطور قطاع الطاقه بتاعها وان القرار القرار ده تم اتخاذه بعد مراجعه مستفيضه لسياسه الامارات الانتاجيه وقدرتها الحاليه والمستقبليه ونظرا لما تقتضيه المصلحه الوطنيه والبيان ده في الحقيقه كان مثير للاسئله اكث ما هو بيجاوب عليها لانه كان مصاغ بطريقه فيها قدر كبير من الدبلوماسيه والعموميه كما هو معتاد في البيانات اللي من النوع ده وده ترك عموم العالم العربي مع سؤالين مهمين جدا ليه الامارات انسحبت من اوبيك وليه دلوقتي بالذات الامارات بالتاكيد مش هي اول دوله تنسحب من اوبك احنا في اخر 10 سنين فقط شفنا اندونيسيا بتنسحب في 2016 وقطر في 2019 والاكوادور في 2020 وانجولا في 2024 ولكن مع ذلك يظل انسحاب الامارات هو الانسحاب الاهم مش بس في اخر 10 سنين وانما في تاريخ اوبك كله اللي بيمتد لما يقرب من سبع عقود وده راجع لحقيقه ان الامارات واحده من اكبر منتجي اوبك والاهم من كده هي صاحبه الثاني اكبر طاقه انتاجيه فائضه في المنظمه بعد المملكه العربيه السعوديه الطاقه الانتاجيه الفائضه دي هي اللي كانت بتخلي للامارات دور مهم الى جانب السعوديه في اداره المعروض العالمي من النفط او في اوقات الازمات فالخلاصه هي ان الامارات كانت عضو مهم داخل اوبيك وانسحابها بلا شك بيخسم من قوه المنظمه بس بيخسم منها الى اي حد ده هو السؤال هل دي بدايه نهايه اوبك زي ما البعض بيشير ولا المنظمه هتتمكن من التماسك والصمود وتجاوز التطور السلبي ده زي ما تجاوزت تطورات سلبيه اخرى مشابهه على مدار تاريخها الاسئله دي الى جانب الاسئله المتعلقه باسباب انسحاب الامارات وتوقيت اعلان القرار هنحاول نجاوب عليها مع بعض في حلقه النهارده اللي هنحاول نشرح فيها وجهات النظر المختلفه هنشرح وجهه نظر الامارات ووجهه نظر اوبك انا اشرف ابراهيم ده المخبر الاقتصادي بلس في 1 يناير 2004 الارشيف الوطني البريطاني افرج عن وثائق حكوميه سريه بتكشف ان الولايات المتحده فكرت انها تستخدم القوه العسكريه للاستلاء على حقول النفط في الخليج العربي خلال ازمه حظر النفط اللي اندلعت في السبعينات على اثر قرار منظمه اوبك بحظر تصدير النفط للدول اللي بتساعد اسرائيل في حربها ضد مصر وسوريا وعلى راسها الولايات المتحده في مذكره اعدتها الاستخبارات البريطانيه بتاريخ 12 ديسمبر 1973 للعرض على رئيس الوزراء البريطاني وقتها ادوارد هيث تحت عنوان يوكي ايز الفا البريطانيين قالوا ان الامريكيين كانوا بيفكروا في ارسال فرق محموله جوا للاستيلاء على حقول النفط في السعوديه والكويت وابو ظبي الفكره الامريكيه المجنونه دي كانت نابعه من احباط الولايات المتحده من عدم قدرتها على اقناع اوبيك في الوقت ده برفع حظر النفط المفروض عليها واللي كانت تسبب في اضرار كبيره للاقتصاد الامريكي بالطرق الدبلوماسيه وده الى جانب شعورها الشديد بالاهانه من تمكن دول المنطقه من الضغط عليها بشكل فعال وغير مسبوق باستخدام سلاح بيتم استخدامه لاول مره هو سلاح النفط واللي مكن الدول العربيه وتحديدا دول الخليج من انها تستخدم سلاح النفط بفاعليه ضد الولايات المتحده هي انها كانت منظمه نفسها ضمن اطار تنظيمي جامع اسمه منظمه الدول المصدره للبترول اوبك وده سمح لها انها تتحرك بشكل جماعي وانه يكون تحركها مؤثر جدا على نحو العالم ما كانش شاف زيه قبل كده في سبتمبر 1960 ممثلين عن خمس دول منتجه للنف النفط هي السعوديه والعراق والكويت وايران وفنزويلا اجتمعوا في بغداد واتفقوا على تاسيس اوبك بهدف انهم ينسقوا السياسات النفطيه بينهم وبين بعض ويتعاونوا في مواجهه هيمنه شركات النفط العالميه الكبرى في الوقت ده بمرور الوقت المنظمه جذبت اعضاء جدد كان من ضمنهم اماره ابو ظبي اللي انضمت لاوبيك في 1967 ولما اتاسست الامارات لاحقا سنه 1971 الامارات كدوله ورثت العضويه في المنظمه بدل من اماره ابو ظبي ضمن منظمه اوبك دول الخليج العربي نسقت بشكل كبير سياستها النفطيه مع بعض التنسيق والتعاون ده بلغ قمته في اللحظه الاهم والاخطر في تاريخ المنظمه وهي لحظه قرار حظر تصدير النفط للدول الداعمه لاسرائيل في اكتوبر 1973 بعد اجتماع تاريخي في الكويت كما هو معروف السعوديه بقياده الملك فيصل بن عبد العزيز هي اللي قادت الجهود العربيه في الاتجاه ده ساعتها باعتبارها اكبر واهم منتج داخل اوبك ولكن بالنهايه الخطوه دي ما ما كانتش ممكنه بدون موافقه وتعاون باقي اعضاء المنظمه من ضمنهم الامارات في التوقيت ده الشيخ زايد بن سلطان ال نهيان رحب بمشاركه الامارات في الحظر النفط العربي اللي استمر على مدار الفتره ما بين اكتوبر 1973 ومارس 1974 وخرج بتصريحه الشهير اللي قال فيه انه لو استمر احتلال الارض العربيه واستمر تعرضها للعدوان هنستخدم كل سلاح نملكه وفي مقدمته النفط لتحرير ارضنا النهج التعاوني لمنتجي اوبك ومن ضمنهم السعوديه والامارات في تنفيذ الحظر النفطي خلى اوبيك ملء السمع والبصر على مستوى العالم فجاه العالم كله اصبح مالوش حديث غير عن منظمه اوبك اللي عمرها 13 سنه بس واللي قدرت تزل اقوى دوله في العالم في الولايات المتحده وتضغط عليها بشكل غير مسبوق ولكن مش كله بينظر لاوبك بنفس الطريقه من ناحيه الولايات المتحده وعدد من الدول الاوروبيه كانوا غضبانين جدا من المنظمه وحريصين على الحد من نفوزها ومنعها من استغلال النفط كسلاح مره ثانيه خصوصا وانه كانوا بينظروا باحتقار لاعضاء اوبيك ومن ناحيه ثانيه دول الجنوب العالمي كانت بتنظر بفخر لاوبيك على اعتبار ان خطوه حظر النفط كانت اهم وانجح محاوله من الدول الناميه للضغط على الدول الغنيه واجبارها على احترام ارادتها في السياق ده الباحثه داريا روديتش بتقول ان اوبك في التوقيت ده كان بينظر اليها باعتبارها بطله دول العالم الثالث في النضال ضد الاستعمار الاقتصادي والتنميه غير العادله المهم بمرور الوقت اتضح ان لحظه حظر النفط في 1973 دي كانت هي ذروه نفوذ المنظمه اللي بدا يتضاءل بعد كده لاكث من سبب من ضمنهم توسع الانتاج النفطي في الدول غير الاعضاء في اوبك زي المكسيك وبريطانيا والنرويج والاتحاد السوفيتي مع توالي الاكتشافات وتوسع انشطه التنقيب وده الى جانب حدوث اختلافات بين الدول الاعضاء في اوبك حوالين نظام الحصص في مارس 1982 وبالتزامن مع تراجع الطلب العالمي على النفط اوبك اللي كانت بتضم في الوقت ده 13 عضو قررت وضع سقف لانتاجها الكلي عند 18 مليون برميل وتخصيص حصه انتاجيه لكل دوله من الدول الاعضاء وده بهدف منع اسعار النفط من التدهور لمستويات متدنيه المنطق ورا فكره سقف الانتاج ووجود حصص محدده لكل دوله هو ان اعضاء المنظمه يتشاركوا في تحمل تكاليف خفض الانتاج في سبيل انهم يقدروا يبيعوا النفط باسعار مقبوله او لها جدوه اقتصاديه فاحنا هنا بنتكلم على التضحيه جماعيه عيه بنسب مختلفه في سبيل تحقيق مصلحه جماعيه برده بنسب مختلفه ولكن بالنهايه الكل مستفيد من التعاون ده المهم نظام الحصص ده واللي كان بيتم تنفيذه لاول مره اتسبب بطبيعه الحال في خلافات في وجهات النظر بين الدول الاعضاء حوالين الحصه العادله لكل دوله من الدول الاعضاء واحد من ابرز الخلافات اللي نشات حوالين الحصص في بدايات النظام ده وتحديدا في الثمانينات كان خلاف حوالين حصه الامارات وسبب الاختلاف ببساطه هو ان الامارات في الوقت ده كانت شايفه ان الحصه المفروض عليها ضمن اوبيك تنطبق على اماره ابو ظبي بس مش على دبي كمان. على الجهه الثانيه اوبيك بزعامه السعوديه كانت شايفه ان انتاج دبي لازم يتحسب ضمن حصه الامارات وان امتناع الامارات عن تضمينه او حسابه ضمن حصتها معناه انها بتتجاوز حصتها المقرره. الخلاف ده استمر طوال الثمانينات تقريبا واتحل بالصدفه لاحقه. لاننا جينا في اوائل التسعينات بعد غزو العراق للكويت واندلاع حرب الخليج الثانيه اوبك رفعت انتاجها وبالتبعيه الحصص لتعويض النفط العراقي وده غير ان انتاج دبي النفطي تراجع لوحده اصلا المهم على مدار العقود اللاحقه نجحت اوبك بقياده السعوديه في تجاوز واحتواء معظم الخلافات اللي بتحصل في المنظمه سواء بسبب الحصص الانتاجيه او اي شيء ثاني على سبيل المثال العراق وايران هم نازلين ضرب في بعض في حرب الخليج الاولى اللي استمرت ثمان سنين فضلوا محافظين على عضويتهم في اوبك قدره اوبك على تجاوز واحتواء الاختلافات ساهمت في احتفاظ المنظمه بجزء كبير من نفوذها في سوق النفط العالمي لحد النهارده حتى لو كان النفوذ ده اصبح اقل بالمقارنه مع مستواه في السبعينات نجاح اوبك في الحفاظ على قدر كبير من نفوذها في سوق النفط العالمي كان له ثمن بالتاكيد والثمن ده هو فقدانها لحصص سوقيه لصالح منتجين من خارج المنظمه ما كانتش هتفقدها لو هي مش عامله سقف لانتاجها طالما انت عامل سقف تقفل انتاجك بهدف منع الاسعار من التدهور عن مستوى معين يبقى كده انت مش هتعرف تبيع لزبائن كتير في زبائن كتير هتيجي تشتري منك وهتقول لهم انا اسف مش هقدر ابيع لكم لان لو بعت لكم معناه ان هضطر انتج كميات تتجاوز سقف انتاجي وبالتالي النفط في السوق هيكتر وسعره هينزل فالزبون اللي انت بترفضه ده غيرك الموجود خارج المنظمه واللي مش ملزم بسقف انتاج بيبيع له ببساطه والاهم من كده بيبيع له بالاسعار اللي انت بتضحيتك ساهمت في وصولها للمستوى ده المنتجين من خارج اوبيك اللي بيستفيدوا من مستويات اسعار النفط المرتفعه اللي اوبيك ضحت بجزء من انتاجها علشان توصل لها بدون ما يتحملوا اي تكلفه بيطلق عليهم في السوق اسم الفري رايدرز او الراكبون بالمجان اوبك بشكل عام والسعوديه بشكل خاص عندها مشكله دايما مع الفري رايدرز وده منطقي بالمناسبه بالتاكيد ما حدش يحب ان حد ثاني يكسب ببلاش او بدون ما يشارك في تحمل التكلفه ويمكن ابرز فري رايدر درز اعانت منه اوبيك خلال العقود الاخيره هو منتج النفط الصخر الامريكيين في الوقت اللي كانت فيه اوبيك مخفضه انتاجها وفرضه قيود على نفسها بهدف منع الاسعار من التدهور لاقل من مستوى معين شركات النفط الصخري الامريكي كانت بتستغل الوضع ده وبتضخ في السوق كميات ضخمه جدا بتتيح ليها اولا انها تكسب فلوس كتير ما كانتش هتكسبها لولا تخفيضات اوبيك وفي نفس الوقت بتخليها تكسب حصص سوقيه اكبر على حساب اوبك الوضع الاستغلالي ده قدنا لواحده من اشرس حروب الاسعار في تاريخ صناعه النفط في الفتره ما بين 2014 و2016 في الفتره دي النفط غرق السوق واندلع صراع كبير على الحصص السوقيه في الفتره دي اوبك ساعرداد حصصها السوقيه المفقوده بغض النظر عن تدهور الاسعار وفي نفس الوقت حاولت كسر او تحجيم صناعه النفط الصخري الامريكيه من خلال الدفع بالاسعار لمستويات منتج النفط الصخري الامريكيين ما يقدروش يتعايشوا معاها وبالفعل عدد كبير من شركات النفط الصخري افلست وخرجت من السوق ولكن ده على الجهه الثانيه كان له ثمن وفقا لتقديرات وكاله الطاقه الدوليه حرب الاسعار اللي اندلعت في الفتره ما بين 2014 و2016 كلفت الدول الاعضاء في اوبك خساره في ايراداتها النفطيه وصلت ل 450 مليار دولار في نهايه 2016 اوبك دخلت مرحله جديده في تاريخها بعد ما تعاونت مع روسيا في اعاده التوازن لسوق النفط العالمي بعد حرب الاسعار الدمويه وده من خلال تشكيل تحالف اطلق عليه اسم اوبيك بلس مصر بيضم الى جانب اوبيك عدد من كبار المنتجين من خارجها على راسهم روسيا ده كان اول تعاون بين اوبيك واعضاء من خارجها لضبط السوق المهم في اطار التحالف ده تم الاتفاق على خفض جماعي للانتاج بحوالي 1.8 8 مليون برميل من ضمن الكميه دي روسيا واللي معاها من خارج اوبيك زي المكسيك وكازغستان وعمان واذربيجان وماليزيا التزموا بانهم يتحملوا ما يقرب من 600000 برميل يوميا من التخفيضات دي بينما اعضاء اوبيك مع بعض التزموا بانهم يتحملوا باقي الكميه المقرر خفضها او حوالي 1.2 مليون برميل طبعا فكره الخفض الجماعي ووجود سقف للانتاج بتاخدنا فورا للمساله الحساسه دايما وهي مساله الحصص احنا كاعضاء اوبيك ال 1.2 2 مليون برميل المطلوب مننا تخفيضهم دول هنوزعهم ازاي علينا؟ لما بنبص على الجدول اللي نشرته اوبيك للتوزيعه دي هنلاقي السعوديه كان مطلوب منها اكبر تخفيض في الانتاج بواقع 486000 برميل يوميه تاليها العراق ب 2100000 برميل يوميا تاليها الامارات ب 139000 برميل يوميا الاتفاق بتاع اوبك بلس ده كان المفروض يستمر لمده ست اشهر اعتبارا من بدايه 2017 ولكنه من ساعتها بيتم تمديده ولكن نجاح التحال حالف في انه يستمر لحد النهارده مش معناه انه ما كانش في خلافات لا طول الوقت كان في خلافات بعضها متعلق بمدى التزام اعضاء التحالف بالحصص المقرره وبعضها متعلق بعدم رضا بعض الاعضاء عن الحصص المخصصه ليهم او التخفيضات المفروضه عليهم واحد ابرز واهم المعترضين على مساله الحصص كانت هي الامارات الامارات متضايقه من المساله دي من زمان ولكنها نادرا ما اعترضت على ده في العلن في 2021 اعتراض الامارات خرج للعلن لاول مره اللي حصل حصل هو انه في اوائل يوليو من السنه دي انهارت محادثات اوبك بلس بعد ما الامارات اعترضت على الاقتراح السعودي الروسي بزياده الانتاج وتمديد الاتفاق لنهايه 2022 الامارات ما كانش عندها مشكله مع الزياده او مع فكره تمديد الاتفاق وانما مشكلتها الاساسيه كانت في خط الاساس اللي بيتم قياس انتاجها على اساسه في الوقت ده خط الاساس اللي كانت اوبك بتقيس على اساسه انتاج الامارات هو 3 مليون و168000 برميل يوميه اي زياده في انتاج الامارات فوق المستوى ده هتعتبر من حصتها في الزياده المقرره في الانتاج ما هو احنا زي ما بنقسم التخفيضات على بعض هنقسم برض الزيادات المقرره في الانتاج على بعض المهم الامارات كانت معترضه على خط الاساس ده واللي كان بيرجع لاكتوبر 2018 وكانت بتطالب ان خط الاساس اللي لازم تتحاسب على اساسه هو انتاجها في ابريل 2020 واللي وصل ساعتها لليون برميل يوميه في الوقت ده وزاره الطاقه الاماراتيه خرجت ببيان وصفت فيه اتفاقيه اوبك بلس الجديده بانها اتفاقيه غير عادله للامارات من ناحيه نقطه الاساس المرجعيه لحصص الانتاج بعدها على طول خرج وزير الطاقه والبنيه التحتيه الاماراتي سهيل المزروعي قال في تصريحات ان مطلب الامارات هو العداله فقط في الاتفاقيه الجديده وحقنا السيادي اننا نطلب المعامله بالمثل مع باقي الدول على الجهه الثانيه وزير الطاقه السعودي الامير عبد العزيز بن سلمان قال في مقابله ان التوافق موجود بين دول اوبك بلس ما عدا دوله واحده وانه لا يمكن لاي دوله اتخاذ ذ مستوى انتاجها في شهر واحد كمرجعيه المهم فضل الخلاف في وجهات النظر السعوديه والاماراتيه قائم لحد ما تم التوصل اخيرا لحل يمكن اعتباره حل وسط بعد الاتفاق على ان خط اساس الانتاج الاماراتي يتم رفعه ل 3.6 6 مليون برميل يوميا اعتبارا من ابريل 2022 الخلاف اتحل الحمد لله ولكن في راي كثير من الخبراء المحليين كانت هي مساله وقت قبل ما الخلاف ده يتجدد ثاني طب ليه الخلاف ده كده كده كان هيتجدد وما فيش مفر منه هقول لكم مشكله الامارات الاساسيه مش في حصتها ولا في نصيبها من التخفيضات او الزيادات مشكلتها الاساسيه بتكمن في انها عندها طاقه انتاجيه فائضه ضخمه الطاقه الانتاجيه الفائضه دي او زي ما بيسموها بالانجليزي السبير برودكشن كب كباسيتي دي جايه منين؟ جايه ببساطه من الاستثمارات الاماراتيه الضخمه اللي تم ضخها في توسيع الانتاج النفط الاماراتي في السنين الاخيره قبل اكث من 20 سنه وتحديدا في 2004 اجمال الطاقه الانتاجيه للنفط في الامارات كانت بتقترب من 2.5 مليون برميل يوميه النهارده الطاقه دي وصلت لما يقرب من 4.8 8 مليون برميل يوميه يعني الطاقه الانتاجيه الاماراتيه تكاد تكون تضعفت تقريبا ولسه في مجال زيادتها في 2018 شركه بترول ابو ظبي الوطنيه ادنوك اعلنت لاول مره عن عزمها الوصول بالطاقه الانتاجيه للامارات واللي كانت وقتها بتقترب من 4 مليون برميل يوميا لحجز ال 5 مليون برميل يوميا على سنه 2030 التاريخ ده اعدى لاحقا ل 2027 واصبح هدف 2030 هو 5.5 مليون برميل يوميا زياده الطاقه الانتاجيه امر ايجابي بالنسبه للامارات ولكنه من جهه ثانيه بيمثل تحدي للامارات ولمنظمه اوبك طب ازاي هقول لكم كل ما الطاقه الانتاجيه الاجماليه للامارات زادت كل ما السبير كباسيتي او طاقتها الانتاجيه الفائضه بتاعتها زادت الطاقه الفائضه دي من ناحيه بتعتبر شيء ايجابي لانها بتدي الدوله ميزه في اوقات الازمات لما السوق يحتاج ضخ كميات كبيره بسرعه ولكنها من ناحيه ثانيه ممكن اعتبارها او النظر ليها على انها طاقه انتاجيه محضره او غير مستغله خصوصا لو كان حجمها كبير وتطويرها تكلف عشرات المليارات من الدولارات زي ما هو في حاله الامارات اكبر دولتين في السوق عندهم سبير كباسيتي هما السعوديه والامارات كقيمه مطلقه الطاقه الانتاجيه الفائضه عند السعوديه اكبر من الامارات اما لو بصينا لها من زاويه نسبه الطاقه الانتاجيه الفائضه لاجمال الانتاج هنلاقي النسبه دي عند الامارات اكبر بالمقارنه مع السعوديه ومن هنا بيجي الاحساس الاماراتي بعدم العداله او ان استثماراتها في طاقتها الانتاجيه مهدره او غير مستغله وبالتالي حصتها او خط الاساس بتاعها في اتفاقيات اوبك بلس يزيد بالتناسب مع تطور قدراتها الانتاجيه الفعليه دي وجهه نظر الامارات وجهه نظر اوبيك بقى في المقابل هي انها مش مضطره او مش ملزمه انها تستوعب الزيادات المستمره في الطاقه الانتاجيه الاماراتيه خصوصا وانها بتزيد بسرعه كبيره جدا قبل الحرب الامارات كانت بتنتج حوالي 3.6 مليون برميل يوميه وده اقل من اجمالي طاقتها الانتاجيه بحوالي 1.2 2 مليون برميل يوميا المليون برميل دول قيمتهم النهارده واحنا بنصور سعر برميل برنت بيقترب من 108$ول بيعملوا 130 مليون دولار تقريبا في اليوم وما يقرب من 3.9 مليار دولار في الشهر و47.5 نص مليار دولار في السنه دي مبالغ الامارات قد تنظر اليها باعتبارها مكاسب مهدره كان بامكانها تحقيقها لو قدرت تستغل كامل طاقتها الانتاجيه وده ياخدنا للمنطق الاماراتي ورا الزياده السريعه والمستمره في طاقتها الانتاجيه وفقا لتقديرات المحللين الامارات شايفه ان الطلب العالمي على النفط بيقترب من ذروته خصوصا مع توجه العالم بشكل اكبر ناحيه الطاقه النظيفه والسيارات الكهربائيه وده معناه بالتبعيه ان الطلب على النفط هيقل وسعره هينخفض وبالتالي من مصلحتها انها تستبق المرحله دي وتنتج بسرعه اكبر كميه ممكنه من نفطها الموجود في بطن الارض في الوقت اللي النفط لا يزال لسه له سعر معقول ولكن طول ما هي في اوبك هيكون من الصعب عليها ان لم يكن من المستحيل انها تقدر تستغل كامل طاقتها الانتاجيه لانها ملزمه بحصه معينه زيها زي غيرها ومن هنا قد يكون الانسحاب من اوبيك خيار مطروح علشان في السنين الاخيره ظهرت في الصحافه اكث من مره توقعات بان الامارات بتفكر في الانسحاب من اوبك ولكن برغم كده الانسحاب من اوبيك ما حصلش غير قبل ايام قليله. الحرب الامريكيه الاسرائيليه على ايران اللي انطلقت في نهايه فبراير 2026 عقدت الامور اكث ويمكن لعبت دور في اقدام الامارات على الانسحاب من اوبك. الحرب دي اولا زي ما حضراتكم عارفين سببت لدول الخليج العربي في مشكلتين اساسيتين. اولا اغلاق ايران لمضيق هرمز الممر المائي الوحيد المؤدي للخليج العربي وحصارها لجزء كبير من صادرات الطاقه الخلاجيه داخله ومنع وصولها للاسواق العالميه وثانيا في اطار الحرب الايرانيين شنوا ضربات على دول الخليج استهدفوا فيها مش بس القواعد العسكريه الامريكيه وانما هجماتهم كمان طالت البنيه التحتيه المدنيه واتسببت في خسائر كبيره دول الخليج للاسف كلها تضررت من الاعتداءات الايرانيه ولكن الامارات تعرضت لاكبر عدد من الهجمات الايرانيه رانيه الامارات تعرضت لهجمات اكث من اللي تعرضت ليها اسرائيل نفسها الخساير دي بتدي للامارات حافز انها تزود من ارادتها النفطيه بشكل كبير بعد الحرب وقد يكون الخروج من اوبيك واستغلال كامل الطاقه الانتاجيه الاماراتيه وسيله لتحقيق ده الامارات ما كانتش بتستغل ما يقرب من 30% من كامل طاقتها الانتاجيه اعلان الامارات لانسحابها ما اثرش تقريبا على اسعار النفط وده راجع لسببين اولا مضيق هرمز لسه مقفول وجزء كبير من الطاقه الخلاجيه بما فيها الاماراتيه لا يزال محاصر وثانيا بسبب الاضرار اللي طالت قطاع النفط الخليجي بسبب الهجمات الايرانيه من ناحيه وتعطيل الانتاج من ناحيه ثانيه ما تقدرش ترفع انتاجها فورا هتحتاج وقت علشان كده خبر انسحاب الامارات من اوبيك ما اثرش كتير في السوق مش هياثر غالبا في المدى القصير الاثر الحقيقي هيبان في المدى المتوسط والطويل وتحديدا بدايه من 2027 وحجم الاثر ده هيتوقف من جهه على الخطوات الاماراتيه القادمه وثانيا على رد فعل السعوديه الامارات من المتوقع انها تسعى انها تستغل طاقتها الانتاجيه الفائضه ولكن ده زي ما قلنا مش هيحصل بسرعه هياخد وقت حتى لو الامارات واخده القرار ده دلوقتي والمضيق اتفتح النهارده وفقا لتقديرات بنك اتش اس بي سي بمجرد ما مضيق هرمز يعاد فتحه ويتم استئناف الانتاج الامارات هتحتاج 18 شهر علشان ترفع انتاجها لربعه وننص مليون برميل يوميا او اكث في حال رفع الامارات لانتاجها للمستوى ده او مستوى قريب منه ازاي السعوديه واوبك وتحالف اوبك بلس هيتصرفوا او ايه رد فعل المتوقع ده سؤال شاغل بل السوق في احتمالين اثنين بينهم احتمالات وسط كتير الاحتمال الاول هو ان اوبك وتحديدا السعوديه تتحمل هي العب اللي نتج عن خروج الامارات من اوبيك وتحاول تسحب من السوق كميه مماثله للكميه اللي هتضخها الامارات بهدف الحفاظ على السوق في احتمال اخر مضاد تماما هو ان اوبيك ترفض ان الامارات تبقى فري رايدر وتبدا حرب اسعار مدمره خصوصا وانه اصلا قبل الحرب السوق كان بيعاني من تخمه في المعروض اتسببت في وص وصول الاسعار لقرب ال 60$ولار البرميل كان في توقعات بهبوطها لقرب ال 50$ولار ده غير اننا بعد الحرب ما تنتهي ان شاء الله في احتمال ان ايران هي كمان ترفع انتاجها بشكل كبير عشان تعوض جزء من خسايرها المهوله اللي تكبدتها خلال الحرب وده هيزيد من التحدي الواقع اللي بتواجهه منظمه اوبيك اوبيك لا تزال قويه ومؤثره وابعد ما تكون عن الانهيار او النهايه ولكن انسحاب الامارات اللي بخروجها حصه اوبك من الانتاج العالمي اصبحت اقل من 30% لاول اول مره في التاريخ بيشكل تحدي مهم قدامها خصوصا وان مهمه اوبيك الاساسيه دلوقتي هي الحيلوله دون تحول الامر لعدوى وانسحاب اعضاء والنقطه دي تاخدني لسؤال الحلقه في دول قبل كده خرجت من اوبيك ورجعت ثاني برايك هل وارد ان الامارات ترجع في المستقبل تنضم لاوبيك مره ثانيه وفي النهايه نتمنى الخير للسعوديه والامارات ولكل الشعوب العربيه هتابع كل اجاباتكم في التعليقات في النهايه اريت لو عجبتكم الحلقه وحابين تشوفونا ثاني اشتركوا في القناه واستنونا في حلقات جديده باذن الله سلام