Intervals and Inequalities Episode 6 Foundation Math Course Season 2

السلام عليكم ورحمه الله وبركاته ازيكم عاملين ايه يا رب دايما تكونوا بخير النهارده ان شاء الله الحلقه السادسه من كورس تاسيس الرياضيات الموسم الثاني ولذلك عزيزي المشاهد كوبايه الشاي الجديده بتاعتك ويلا بينا خد النهارده ان شاء الله مع بعض حاجتين اول حاجه اللي هي الفترات تاني حاجه اللي هي المتباينات نبدا كده في اول حاجه اللي هي الفترات يعني ايه فتره نفتكر كده الفتره هي عباره عن مجموعه اعداد حقيقيه محصوره ما بين عددين تاني مجموعه اعداد حقيقيه محصوره ما بين عددين فلو عايز اقول لك انا عاوز الاعداد الحقيقيه اللي محصوره ما بين اتنين ومثلا خمسه تقول لي ادام اعداد حقيقيه يبقى هنعملها على هيئه فتره وقوص الفتره عباره عن المنظر اللي انت شايفه ده وهتلاحظ دايما اللي احنا بنكتب العدد الصغير على اليمين يعني في الاول ممكن اكتب لك الاعداد على شكل متباينه فانت تحولها لفتره يعني ايه مثلا لما اقول لك ان السين ما بين مثلا سالب واحد والاربعه دي هي هي بتساوي الفتره من اول سالب واحد لغايه الاربعه ولكن بما ان انا ما عنديش علامات يساوي فانا هعمل الفتره مفتوحه بالمنظر ده ايه ده ايه الفرق ما بين القوس المقفول والقوس المفتوح لو كان القوس مقفول معنى كده ان العدد اللي جنب القوس موجود جوه الفتره انما لو القوس مفتوح زي دوت كده معنى كده ان العدد اللي هو جنب القوس على طول ده مش موجود جوه الفتره يعني ايه الكلام ده هتوضح لما نعملها على خط الاعداد ادي يا عم الحاج خط اعداد اهوت هنعمل الفتره الاولانيه اللي هي من الاتنين والخمسه لو انا عندي هنا الصفر هنا هتلاقي هنا الاتنين وهنا كده مثلا الخمسه عند الاتنين القوس مقفول فهاعمل عندها دايره مغلقه بالمنظر ده كده وعند الخمسه برضو مقفول فهعمل دايره مغلقه برضو بالمنظر ده كده واروح موصل ما بينهم بالمنظر ده واظلل اللي بينهم دي كده هي الفتره من اول الاتنين لغايه الخمسه اي عدد موجود بقى في النص هنا يبقى موجود جوه الفتره يعني مثلا انا عندي هنا الاعداد اللي هو تلاته وعندي هنا اربعه التلاته والاربعه موجودين جوه الفتره طيب عندي برضو هنا كده الاتنين ونص موجود جوه الفتره هنا كده الاربعه مثلا وربع موجود جوه الفتره طيب بدايه ونهايه الفتره نفسهم اللي هم الاتنين والخمسه موجودين في الفتره ولا لا ادام الدايره مغلقه بالمنظر ده او القوس مغلق بالشكل ده معنى كده ان الاعداد اللي هي اتنين وخمسه اللي هم بدايه ونهايه الفتره موجودين جوه الفتره طب تعال كده في الفتره التانيه اللي هي الفتره المفتوحه لو جينا نمثلها كده على خط الاعداد ادي يا عم الحاج خط الاعداد اهو لو انا عندي مثلا هنا كده الصفر السالب واحد هيكون على شمال الصفر هنا كده وهنا هيكون عندي الاربعه طيب عندي السالب واحد هعمل دايره مفتوحه ولا مغلقه طبعا هتكون الدايره ايه مفتوحه اشمعنا عشان القوس مفتوح طب عندي الاربعه برضو مفتوحه اروح انا بقى موصل ما بينهم كده واظلل الجزء اللي في النص يبقى كل الاعداد اللي بتبدا من اول سالب واحد لغايه الاربعه كلها موجوده جوه الفتره دي طب البدايه والنهايه نفسهم بقى اللي هم سالب واحد والاربعه نفسهم موجودين ولا لا مش عندهم الدايره مفتوحه اه معنى كده ان الواحد ده مش موجود والاربعه مش موجوده لكن كل اللي ما بينهم كل الاعداد اللي في النص هنا دي كده كلها موجوده ده معنى الفتره المغلقه وده معنى الفتره المفتوحه طيب في بقى فتره نص مغلقه ونص مفتوحه زي مثلا لما اقول لك الفتره مثلا سالب اتنين مغلقه ولغايه الواحد مفتوحه ديت لما نيجي نمثلها على خط الاعداد ادي يا عم الحاج الخط اهو انا عندي هنا الصفر هيكون عندي هنا كده سالب اتنين وهيكون عندي هنا واحد عند السالب اتنين القوس مغلق يبقى اعمل دايره مقفوله بالمنظر ده كده وعندي الواحد مفتوح يبقى اعمل دايره مفتوحه اروح موصل ما بينهم واظلل كده كل الاعداد اللي في النص ديت كلها جوه الفتره طيب الواحد موجود ولا لا تقول لي الواحد مش موجود لان القوس عنده مفتوح والدايره مفتوحه طب السالب اتنين السالب اتنين موجوده لان القوس عندها مغلق اهي الدايره نفسها مظلله مغلقه اهي يبقى -2 موجود معنا جوه الفتره دي هي الفترات بشكل كده مختصر الفترات اللي احنا خدناها دي اللي هي الفترات المحدوده يعني لها بدايه ولها نهايه في بقى نوع تاني من الفترات اسمها فترات غير محدوده زي مثلا ايه لما اقول لك الفتره من اول مثلا اتنين لغايه الموجب ما لا نهايه الاتنين ممكن تكون مغلقه وممكن تكون مفتوحه على حسب بقى الاتنين موجوده ولا لا انما المالا نهايه دايما عندها القوس بيكون مفتوح وزي مثلا الفتره من اول سالب ما لا نهايه لغايه مثلا سالب اربعه ديت دايما مفتوح عند الما لا نهايه والسالب ما لا نهايه دايما القوس مفتوح انما العدد التاني ممكن يكون مغلق ممكن يكون ايه مفتوح على حسب الفتره اللي تجيلك ولكن دائما الما لا نهايه والسالب ما لا نهايه الاقواس بتكون عندها ايه بتكون مفتوحه وخد بالك ان المالانهايه دايما بيكون على الشمال لانه دائما المال النهايه هو الكبير والسالب مال دايما في الاول على اليمين لان هو دايما هو الاصغر طب لو عاوز ان انا امثلهم على خط الاعداد ادي يا عم الحاج خط اعداد اهو وادي كمان خط اعداد الفتره الاولانيه من اول الاتنين لغايه ما لا نهايه لو انا عندي هنا صفر هيكون الاتنين على الناحيه اليمين هنا كده عند الاتنين القوس مفتوح يبقى اعمل دايره مفتوحه طيب لغايه ما لا نهايه الما لا نهايه تبقى على الناحيه اليمين السالب ما لا نهايه على الناحيه الشمال فبما ان انا رايح ناحيه المالانهايه فاروح عامل سهم للناحيه اليمين كده بالمنظر ده كده واروح مظلل شويه كده بس دي هي فتره غير محدوده اللي هي الفتره الاولانيه دي طب تعال نعمل الفتره التانيه لو انا عندي هنا كده صفر هيكون عندي هنا كده سالب اربعه عندي السالب اربعه القوس مغلق يبقى اعمل دايره مقفوله واروح ناحيه السالب ما لا نهايه يعني ناحيه الشمال سهم كده واروح مظلل شويه بالمنظر ده كده كده انا رايح ناحيه السالب ما لا نهايه دي هي الفترات غير المحدوده دي هي الفترات باختصار تعال بقى نخش على المتباينات المتباينات بقى يا صديقي بتتحل زي المعادلات بالظبط ولكن مع فرق صغنن قوي كده هقوله لك دلوقتي او المتباينه هنحلها زي المعادله بالضبط ناخد السته نوديها الناحيه التانيه بعكس الاشاره فيبقى عندنا هنا 2س اصغر من اثنين ناقص السته وعشان خاطر الناس اللي بتتلخبط ما بين اكبر منه واصغر من بص يا معلم هي دايما العلامه بتكون مفتوحه ناحيه كبير فانت لو انت بتقرا كده من اليمين للشمال لو قبلك وش العلامه يبقى اكبر من طب لو قابلك ضهر العلامه زي دي كده مثلا اهو من اخرها يبقى ديت عباره عن اصغر من اتنين او اتنين سين اصغر من اتنين ناقص سته طب اتنين ناقص سته كم سالب اربعه يعني اتنين سين اصغر من سالب اربعه دلوقتي هنقسم على الاتنين هنا وعلى الاتنين هنا زي المعادله بالظبط زي يروح مع ده يتبقى عندي السين اصغر من سالب اربعه على الاتنين يعني بسالب اتنين دلوقتي السين اصغر من اتنين عاوزين نعمل مجموعه الحل اه مجموعه الحل بقى هتبقى على هيئه فتره اللي احنا لسه قايلينها من شويه انا عاوز كل الاعداد اللي اصغر من سالب اتنين يعني من السالب اتنين لغايه السالب ما لا نهايه وطبعا السالب ما لا نهايه دايما في الاول لان هي الصغيره عندها القوس دايما مفتوح طب عندي السالب اتنين ادام التباين ما فيش عندها يساوي يبقى القوس مفتوح بس يا معلم دي هي حل المتباينه طب المتباينه التانيه تعال نشوفها بقى اول حاجه هناخد الخمسه دي شايف دي الخمسه نوديها الناحيه التانيه بعكس الاشاره فهيتبقى على الناحيه اليمين انا عندي هنا سالب اربعه سين السالب ده بتاع الاربعه سين القطه مش هتاكل السالب ينزل زي ما هو طب والخمسه هتروح الناحيه التانيه بعكس الاشاره يبقى سالب تلاته احط جنبها سالب خمسه معنى كده ان سالب اربعه سين اصغر من او تساوي -3 -5 بكام -8 نفس الاشاره بنجمع ونحط الاشاره زي ما هي دلوقتي بقى اه بص بقى الحته دي مهمه جدا جدا الحته دي ملحوظه في غايه الاهميه والخطوره يا صديقي دلوقتي انا عاوز اقسم على سالب اربعه ادام في المتباينه بتقسم على عدد سالب يبقى لازم ولابد انك تغير اتجاه التباين بدل ما هي بتبص شمال هخليها تبص يمين بالمنظر ده كده يبقى الفرق الوحيد ما بين المتباينه والمعادله هو لو انا هقسم على عدد سالب يبقى لازم اغير اتجاه التباين لو هي يمين اخليها شمال لو شمال اخليها يمين واحل بقى عادي ده هيروح مع ده هيتبقى عندك هنا سين وسالب تمانيه على سالب اربعه بموجب اتنين يبقى مجموعه الحل هتبقى على هيئه فتره السين اكبر من الاثنين يعني من اول اثنين لغايه ما لا نهايه او اتنين ومالا نهايه طبعا الما لا نهايه القوس عندها دايما مفتوح طب والاتنين انا عندي يساوي في علامه التباين يبقى لازم اقفل القوس يبقى انا بقفل القوس لو عندي يساوي لو ما عنديش يساوي بفتح القوس وده هو الفرق الوحيد ما بين المتباينه والمعادله في طريقه الحل لو قسمت على سالب او ضربت المتباينه في عدد سالب لازم اغير اتجاه التباين بالمنظر اللي انت شفته هنا ده في المتباينه الاخيره دي طب تعال نشوف المتباينه اللي بعدها اه في الحاله ديت كنا بنعمل ايه الرجاله مع الرجاله والحريم مع الحريم يعني احط السين مع السين والعدد مع العدد حلو قوي انا عندي على الناحيه اليمين سبعه سين هحط جنبها سالب تسعه سين طبعا عكس الاشاره اكبر من او تساوي شوف انا بدات بالعلامه من وشها ادام بدات من عند وشها يبقى انا كده اكبر من على الناحيه الشمال انا عندي اربعه في مكانها مش هعمل فيها حاجه هكتب جنبها بقى ايه بدل سالب خمسه هتبقى موجب خمسه يلا نكمل انا عندي هنا سبعه ناقص تسعه يعني سالب اتنين سين اكبر من او تساوي اربعه وخمسه كام بتسعه دلوقتي انا هعمل ايه هقسم على سالب اتنين وهنا على سالب اتنين ادام قسمت على سالب يبقى لازم اغير اتجاه التباين بدل ما هي تبص يمين اخليها تبص شمال واختصر بقى ده مع ده يتبقى عندي هنا سين وتسعه على سالب اتنين يبقى سالب تسعه على الاتنين بكتب السالب من فوق عشان بيتكسف يتكتب من تحت تعال بقى نعمل يا معلم مجموعه الحل بتاعتك السين اصغر يعني السين عماله تصغر يبقى هتروح ناحيه السالب ما لا نهايه لغايه سالب تسعه على الاتنين طبعا ديت دايما مفتوح والناحه التانيه ادام عندي علامه يساوي يبقى لازم اقفل قوس الفتره حلو قوي بس كده ده هو المتباينات طيب في نوع تاني من المتباينات بيكون في علامتين تباين دوت بنحله ازاي مش انا عاوز اخد السالب اربعه دي او اديها الناحيه التانيه اه لكن المره دي انا عندي ناحيتين فهوديها هنا وبرضو هوديها الناحيه دي هوديها الناحيتين فعلى الناحيه اليمين هيبقى عندي اتنين جنبها موجب اربعه اصغر من عندي هنا تلاته سين اصغر من او تساوي تمانيه زائد اربعه يبقى انا وديت سالب اربعه للناحيتين تعال بقى نحسب اتنين واربعه كام بسته اصغر من تلاته سين اصغر من او تساوي اربعه وتمانيه كام 12 حلو قوي دلوقتي مش انا عاوز اقسم على التلاته هنا وعلى التلاته هنا اه طب والسته هتزعل اقسم كمان هنا على التلاته اقسم على التلاته في كل الايه الاطراف اللي موجوده عندك في المتباينه يلا احسب المعلم عندك سته على التلاته فيها الاتنين اصغر من طبعا تلاته مع تلاته سين لوحدها اصغر من او تساوي 12 على 3 فيها الاربعه بس كده انت حليت المتباينه تعال بقى نعمل مجموعه الحل المره دي بقى الفتره بتاعتك هتبقى فتره محدوده من اول لغايه الاربعه عندي الاتنين عندك يساوي لا افتح القوس عند الاربعه عندك يساوي اه اقفل القوس بس كده لسه ما وضحتش تعال نشوف المتباينه اللي بعدها هاخد التلاته دي بس ما ليش دعوه بالسالب السالب ده بتاع الخمسه سين يفضل في مكانه انا هاخد التلاته مره هنا ومره هنا يلا يا معلم يبقى عندك هنا تلاته ناقص تلاته اصغر من سالب خمسه سين اصغر من 13 ناقص تلاته تلاته ناقص ثلاثه كم طبعا بصفر اصغر من سالب خمسه سين اصغر منها 13 - 3 ب 10 تعال بقى نقسم هنا على سالب خمسه وهنا على سالب خمسه وهنا كمان على سالب خمسه طبعا صفر على اي حاجه بايه بصفر وادام قسمت على سالب يبقى لازم اغير اتجاه مين اتجاه اوعى تنسى الحته دي لازم اغير علامات التباين بدل ما هي بتبص شمال اخليها تبص يمين طبعا دلوقتي ده هيروح مع ده يتبقى عندي هنا سين اكبر من عشره على سالب خمسه يبقى سالب اتنين تعال بقى نعمل مجموعه الحل بصوا بقى مش احنا بنكتب الصغير الاول اه في الفتره بنكتب الصغير الاول يبقى الاول سالب اتنين لغايه الصفر لان السالب اتنين طبعا اصغر من الصفر تمام عندي السالب اتنين عندك يساوي لا افتح القوس طب عندي الصفر برضو ما فيش يبقى افتح القوس برضو بس كده كده احنا حلينا المتباينه دي طيب اخر متباينه بقى معنا لما يبقى عندك السين موجوده في كل الاطراف بتاعتك في المتابعينا في الحاله ديت غالبا بيبقى السين اللي على اليمين واللي على الشمال زي بعض بالظبط غالبا مش دايما طب لو كانت السين هنا زي السين هنا على اليمين وعلى الشمال ما ليش دعوه باللي في النص زي بعض بالظبط اعمل ايه لازم اتخلص منها اتخلص منها ازاي هتقول كده باضافه وهتكتب السين زي ما هي كده ولكن بعكس الاشاره يعني هي هنا موجب تحطها سالب سين فين بقى لجميع الاطراف ازاي يعني هحط هنا سالب سين وهنا سالب سين وهنا سالب سين او عشان خاطر تبقى واضحه معك ادي يا عم الحاج المتباينه زي ما هي بالظبط اهي سين ناقص واحد اصغر من او تساوي تلاته سين ناقص تلاته بعد كده هنا اصغر من سين زائد خمسه المتباينه زي ما هي بالضبط بس ست مسافات كده هنا هكتب يا عم الحجم سالب سين وهنا سالب سين وهنا برضو سالب سين بالمنظر اللي انت شايفه ده زودت سالب سين على كل الاطراف التلاته ايه بقى اللي هيحصل السين دي هتروح مع السين دي والسين دي هتروح مع ال س دي فهيتبقى على الناحيه اليمين سالب واحد اصغر من او تساوي يتبقى على الناحيه الشمال الخمسه طيب في النص بقى احسب انت عندك هنا تلاته سين ناقص سين بكام باتنين سين ناقص تلاته بس كده يا معلم بقت المتباينه عاديه جدا زي المتباينتين الاولانيتين نحلها ازاي هناخد سالب تلاته مره الناحيه دي ومره الناحيه دي فتبقى هنا سالب واحد زائد تلاته اصغر من او تساوي اتنين سين اصغر من خمسه زائد تلاته تلاته ناقص واحد كام اتنين اصغر من او تساوي اتنين سين اصغر من ثلاثه وخمسه تمانيه على الاثنين على الاثنين على الاثنين اتنين مع اتنين يتبقى ال س هنا عندنا هنا اتنين على اتنين فيها الواحد وهنا هيتبقى عندنا تمانيه على الاتنين فيها الاربعه يبقى اذا مجموعه الحل بتساوي من اول واحد لغايه الاربعه عند الواحد مقفول عشان عندي يساوي عند الاربعه مفتوح عشان ما عنديش يساوي بس كده وده هو كان موضوعنا النهارده كده احنا اتكلمنا بقى عن الفترات والمتباينات بشكل سريع ومختصر اتمنى كان الفيديو جميل لطيف ظريف علينا جميعا يا ريت بقى تدعمنا باللايك الجميل وتشترك في القناه وتشتركوا في الختام سبحانك لا علم لنا الا ما علمتنا انك انت العليم الحكيم السلام عليكم