The Little Prince Story in Arabic Lila Stories

قصة الأمير الصغير كان يا ما كان بقديم الزمان، بصحرا بعيدة وواسعة طيّار غطّ بطيّارتو من بعد ما انتزعت بطريقة غريبة كان لحالو عكزا يوم وتعبان وعم يجرّب يصلّح الطيّارة قبل ما يخلص الأكل والمَيّ يلّي كان جايبن معو فجأة، سمع صوت ناعم عم بقلّو ارسملي خروف فرك عيونو الطيّار، مفكّر حالو عم يتخيّل بس لاقى ولد صغير واقف قدّامو شعرو دهبيّ، وعيونو كبار وعم يلمعو متل النجوم ما كان شكلو متل أي ولد عادي كأنّو أمير، بس، عصغير الطيّار ما فهم شو عم يصير، فسألو "شو عم تعمل هون لحالك بنصّ هالصحرا؟" بس الولد ابتسملو وقلّو "ارسملي خروف" جرّب الطيّار يرسم خروف ويعيد ويعيد بس الأمير الصغير كان يهزّلو براسو ويقول هيدا كتير كبير هيدا كل شي إلّا خروف هيدا مش متل ما بدّي آخر شي، رسم الطيّار صندوق وقال الخروف اللي بدّك ياه جوّات هالصندوق ضحك الأمير الصغير وقلّو هيدا عالقد لي كان بدّي ياه وصارو أصحاب وصار الأمير الصغير يخبّر الطيّار عن حياتو على كوكب صغير بعيد عليه ثلاث براكين واحد مطفي وتنين شغّالين ووردة حلوة وناعمة كان يحبّا كتير بس أوقات كان ينزعج منّا لأنّا شايفي بحالا والأمير ما فهم قدّيش بحبّا إلّا من بعد ما تركا وسافر ليستكشف كواكب تانية بس كمان فهم إنّو الحب منّو أناني كتل ما مفكّرة الوردة أوّل كوكب زارو كان فيه ملك قاعد على عرش دهبي كبير وما في حدا غيرو لمّا بشوف الملك الأمير الصغير بقلّو بكل غرور أنا ملك الكون كلّو فبيسألو الأمير الصغير: لكان فيك تؤمر الشمس تغيب؟ بجاوبو بثقة: أكيد! بس لازم يكون الوقت المناسب ضحك الأمير لأنّو فهم إنّو الملك بحب يحكي كتير بلا ما يعمل شي بعد هالزيارة، راح على كوكب فيه رجّال مغرور واقف قدّام مراية كبيرة لمّا شاف الأمير، قلو أنا أحلى وأذكى شخص هون بيطّلّع الأمير الصغير حواليه بس ما في حدا غيري هون بردّ الرجّال: ما بهمّ! زقّفلي زقّف الأمير شوي وبعدين زهىء وتركو لأنّو ما فهم ليش حدا بحب هلقد التزئيف إذا ما عندو حدا بحبّو تَ عن جد يزئّفلو بكوكب تالت، لاقى مهرّج عم يبرم محلّو سألو: ليش عم تبرم محلّك؟ لأنّي زعلان لأنّي بضحّك الناس فكّر الأمير شوي بس بنفس الوقت زعل عالمهرّج، لأنّو فهم إنّو عالق محلّو، ومش كل مين ضحّك الناس بكون من جوّا مبسوط بعدين، زار كوكب عليه رجل أعمال مشغول كتير ماسك دفتر كبير وعم يعدّ النجوم ويقول كل هالنجوم إلي سألو الأمير الصغير متفاجأ طيّب شو بتعمل فيُن؟ بعدّن وبس الأمير هزّ راسه وقال أنا عندي وردة وحدة بهتم فيا كل يوم وهيّي غالية لإلي أكتر من كل نجومك بكوكب جديد لاقى رجّال عم يضوّي وبيطفّي فانوس بسرعة سألو الأمير: ليش عم تعمل هيك؟ ردّ الزلمي: هيدا شغلي، لازم شغّل الفانوس وطفّيه كل دقيقة لأن نهارنا قصير احترم الأمير هالشي، لأنّو كان الزلمي وفي لشغلو حتى لو كان تعبان وبآخر برمة، وصل عند جغرافي قاعد قدّام خرايط ضخمة سألو الأمير الصغير: شو بتعرف عن هالكواكب؟ ردّ حتّى لو كان عليه الجغرافي: بعرف كل شي عنّن بس ما بطلع تإستكشف استغرب الأمير: كيف بتعرف إذا ما شفت بعينك؟ الجغرافي ما عرف شو يجاوب ففهم الأمير إنّو المعرفة الحقيقية بتجي من التجربة مش بس عالورق بعد رحلتو الطويلة، وصل الأمير الصغير إلى الأرض هون التقى بثعلب كان قاعد لحالو قلّو الثعلب عالوصلة إذا بدك تصير صديقي، لازم تروّضني شو يعني روّضك؟ - يعني نصير مهمّين لبعض يعني تاخد وقت تتعرفني، تزورني كل يوم، لحتّى نصير أصحاب وهيك، صارو يقضّو وقت حلو سوا والأمير تعلّم إنّو الصداقة الحقيقيّة بتجي من الحب والإهتمام بس لمّا إجا الوقت تيفل، زعل الأمير. فقلّو الثعلب هيدا الزعل بفرجي إنّك حبّيتني مزبوط. تذكّر الإشيا المهمّة ما منشوفا بالعين، منشوفا بالقلب بعد كل هالمغامرات قرّر الأمير الصغير قرر إنّو لازم يرجع لكوكبو الصغير لمّا ودّع الطيّار، قلّو: "ما رح تقدر تشوفني بقا بس لمّا تطلع عالنجوم، رح تحس كأنّي عم بضحك معك ودغري اختفى الأمير الصغير وترك وراه دروس عن الحب، الصداقة، وحقيقة الإشياء اللي منشوفا بقلوبنا مش بعيوننا وشو طلع معو حق!... لأنّو كل ما كان الطيّار يتطلّع عالنجوم كان يحس إنّو الأمير الصغير عم يضحكلو من محل بعيد حد النجوم وفهم إنّو الحب والصداقة ما بيخلصو حتّى لو الأشخاص فلّو، لأنّو الذكريات بتعيش بقلبنا عطول وهيدي حكايتي حكيتا وبعبكن خبيتا انطرونا بقصة جديدة