غواص يواجه أسوء كابوس في الأعماق قصة تحبس الأنفاس

غواصيانه محترف نزل لاعماق البحر عشان ينفذ مهمه صيانه لانابيب نفط لكن المهمه الروتينيه هذه بتتحول لاسوا كابوس ممكن يشوفه في حياته راح يعيش لحظات مرعبه بين الحياه والموت وبيواجه اسوا واخطر موقف ممكن يمر على غواص هذه واحده من اكثر القصص المثيره اللي ممكن تشوفونها واحداثها وتقلباتها بتفاجئكم وتخليكم على اعصابكم قصه بتاخذنا العالم الاعماق ومخاطره اللي ما تنتهي. السلام عليكم معكم بدر. في هذا الفيديو يمكن احيانا بيكون صعب التفريق بين المشاهد الحقيقيه والمشاهد التمثيليه فراح احط لكم هذه العلامه الحمراء على اللقطات الحقيقيه. اذا شفتوا هذه العلامه اعرفوا ان اللقطه حقيقيه. موقع احداث قصتنا بيكون في بحر الشمال. بحر الشمال يقع في الجزء العلوي من قاره اوروبا وتحيط فيه عده دول اوروبيه وعلى راسها بريطانيا هي اكبر دوله مجاوره لهذا البحر بحر الشمال مليان بمحطات النفط والغاز البحريه اللي تشتغل على مدار الساعه ولو فتحنا خريطه المحطات بنحصلها منتشره في كل مكان وسط هذا البحر الشاسع هذه المحطات تتبع لدول مختلفه وكثير منها تتبع لبريطانيا وطبعا هذه المحطات هي بس الجزء اللي احنا نشوفه من فوق البحر لكن تحت البحر في عالم من الانابيب المعدنيه الممتده على مسافات شاسعه توصل لالاف الكيلومترات هدف هذه الانابيب انها تنقل النفط والغاز طبعا الانابيب هذه والهياكل اللي تحت الماي اكيد انها تحتاج صيانه دوريه مستمره وهذه مهمه الغواصين اللي يسمونهم غواصين التشبع الغواصين هذلا مهمتهم انهم ينزلون للاعماق السحيقه هذه ويادون مهام الصيانه المطلوبه من لحام او قطع او تبديل او غيره وتعتبر هالوظيفه من الوظائف الصعبه والخطيره واللي تتطلب مهارات عاليه عشان كذا رواتبهم جدا مرتفعه هذه السفينه اسمها توباز وتصنف او تسمى سفينه دعم وتستخدم لاغراض الغوص التشبعي ومهامها البناء والصيانه تحت الماي هذه السفينه طاقمها يوصل ل 127 شخص من ضمنهم 12 غواص تشبع واحد من غواصين التشبع هذلا كان رجل اسمه كريس ليمونز وهو بيكون الشخصيه الرئيسيه في قصتنا كريس كان يحب يصور يومياته على السفينه دائما طاقم السفينه كانوا يحصلونه وهو شايل كاميرته ويتجول بين مختلف الاقسام ويصوره ويتفاعل مع الكل ويحييهم الرجل كانت عنده روح مرحه والكل يحبونه وواحده من اهم الاسباب اللي كانت تدفعه انه يصور دائما هو لانه كان خاطب واحيانا يروح لاسابيع يشتغل في البحر فيصور ويرسل لخطيبته يومياته عشان يظلون على تواصل ونفس الشيء خطيبته اللي كان اسمها مراقت تصور لي يومياتها والمناسبات اللي تصير عندهم وترسل الفيديوهات هذه life pretty unfortunately كريس وخطيبته مراق كانوا بالمناسبه ناويين يتزوجون خلال اشهر وكانوا حتى قاعدين يبنون بيتهم الجديد اللي راح يستقرون فيه بعد زواجهم وكانوا دائما متفائلين وعندهم خطط كبيره للمستقبل في يوم 18 سبتمبر سنه 2012 انطلقت سفينه الدعم توباز من ميناء ابردين في اسكوتلندا اسكوتلندا طبعا جزء جزء من المملكه المتحده جزء من بريطانيا وميناء ابردين كان بالعاده النقطه اللي تنطلق منها السفن البريطانيه الى بحر الشمال مهمه السفينه كانت الذهاب لوحده من محطات النفط والغاز اللي موجوده في البحر واجراء بعض عمليات الصيانه الضروريه تحت الماي هذه السفينه كانت ضخمه ومزوده بكل الاقسام والمعدات المطلوبه لتنفيذ مثل هذه العمليات وراح نشوف كثير من تفاصيلها وانظمتها المعقده خلال الفيديو دائما خلال اي مهمه على متن هذه السفينه كان المشرف اللي يسمونه مشرف الغوص يجتمع بالغواصين ويقسمهم الى فرق مشرف الغوص على هذه السفينه كان اسمه كريج فريدريك كل فريق من الفرق كان يحتوي على ثلاث غواصين الغواص الاول والغواص الثاني والغواص الاحتياطي الغواص الاحتياطي مع انه اسمه يوحي انه اقل من الاثنين الثانيين لكنه في الواقع هو قائد الفريق وهو الغواص الاكبر والاكثر خبره بالعاده فمهمته تكون البقاء في حجيره الغوص لما يغوصون وتوجيه الغواصين الاول والثاني راح نشوف هالتفاصيل اكثر بعدين المهم المشرف قسم فرق الغواصين والفريق اللي راح نركز عليه هو الفريق اللي فيه صاحبنا كريسومنز هذا الفريق كان يتكون من الغواص الاحتياطي وقائد الفريق دانكن الكوك والغواص الاول ديفيد يواسا والغواص الثاني هو صاحبنا كريس لمنز الغواص الثاني دائما هو الاقل خبره في الفريق وفعلا كريس كان الاقل خبره بينهم بس كانت تربطه علاقه قويه بدنكن اللي هو قائد الفريق بدايات كريس في عالم الغوص كانت بصحبه دانكن كان هو كانه معلمه وابوه في المجال هذا بالنسبه لديفيد اللي هو الغواص الاول فكان غواص خبير وصاحب سنين في المجال وكان معروف بشخصيته البارده وانه يادي شغله بدون عواطف اقرب للروبوت من بعد تقسيم فرق الغواصين الحين كل فريق راح يدخل في غرفه الضغط العالي راح نسميها كبسوله الضغط عشان نسهل الامور لان شكلها مثل الكبسوله وهني لازم اشرح لكم شرح مهم عشان نتعرف على مفهوم الغوص التشبعي وشو اللي يحتاجه هذا النوع من الغوص راح احاول اخلي الشرح مبسط وسريع اعتقد كلكم عارفين ان الضغط تحت الماي اعلى من الضغط الجوي الطبيعي اللي احنا فيه وكل ما نزلنا تحت الماي اكثر كل ما زاد هذا الضغط فقبل ما الغواصين ينزلون للاعماق السحيقه عشان اجسامهم تتعود على الضغط يدخلونهم في كبسولات الضغط هذه المشكله مش هني المشكله الكبيره ان لما الغواص يغوص لعمق معين 100 متر او 200 متر تحت سطح البحر يصير الضغط جدا جدا عالي فلو رجع يطلع للسطح كذا مره واحده تغير الضغط المفاجئ ممكن يقتله فلازم تخفيف الضغط يكون تدريجي عشان كذا انصنعت كبسولات الضغط هذه الكبسولات هذه يضخون فيها مزيج من غازات الهيليوم والاكسجين عشان يصنعون بيئه ضغط مساويه للضغط اللي بينزلوا له الغواصين يعني لو مثلا الغواصين بينزلون لعمق 100 متر يتم ضخ غازات تحاكي نفس الضغط على عمق 100 متر بحيث ان الغواصين لما بعدين يغوصون للعمق هذا ما يحسون فجاه بتغيير الضغط الكبير والاهم الاهم انهم لما يرجعون للسطح مره ثانيه بعد ما ينفذون مهمتهم ما راح يرجعون للضغط الجوي العادي اللي احنا فيه لا راح يرجعون مباشره لكبسولات الضغط فيعني راح يظلون في نفس مستوى الضغط ما بيتغير عليهم الضغط فجاه لكن المشكله ان الخروج من هذا النظام من هذه الكبسولات يتطلب عده ايام لانهم لازم يقللون الضغط شوي شوي بشكل تدريجي عشان اجسام الغواصين تتعود مره ثانيه على الضغط الجوي الطبيعي يعني الدخول للكبسولات ورفع الضغط عادي ممكن يصير خلال ساعات لكن الخروج من الكبسولات يتطلب عده ايام على قول قوله اخواننا المصريين دخول الحمام مش زي خروقه فعشان كذا غواصين التشبع لما يدخلون كبسولات الضغط تتحول هذه الكبسولات لبيوتهم لعده اسابيع ما يطلعون منها يعني حياتهم تصير من الكبسولات للبحر ومن البحر للكبسولات ‏You can see there's not huge deal of space dunks in there getting his ready and then this is the living end got sort of benches and bit of table if stands everything that's ridiculous how much you got to دانكن والغواص الاول ديفيد والغواص الثاني كريس دخلوا لكبسوله الضغط الخاصه فيهم الكبسوله اللي بتصير بيتهم على مدى الاربع اسابيع القادمه 28 يوم هذه كانت المده اللي راح يقضونها فطبعا كل واحد منهم كان جايب اغراضه وياه وبمجرد ما سكروا بوابه كبسوله الضغط فتح المشرف الصمام اللي يرفع الضغط وبدا ضخ غازات الهيليوم والاكسجين داخلها الضغط المستهدف كان ضغط 100 متر هذا هو العمق اللي راح ينزلوا له الغواصين عشان ينفذون مهمتهم المهمه كانت بالمناسبه هي اصلاح انبوب في بناء هيكلي تحت البحر يسمونه المانيفولد او المتشعب. الهيكل المتشعب هذا هي المكعبات الصفراء اللي تشوفونها في هالصوره قدامكم. هذه الابنيه عباره عن هيكل تلتقي عنده انابيب النفط والغاز عشان يتم اعاده توزيعها وتوجيهها. فمهمه الغواصين كانت تبديل انبوب صغير واجراء بعض اعمال الصيانه في الهيكل المتشعب هذا. فالحين وهم في كبسوله الضغط بدوا يجهزون انفسهم للمهمه. وبالمناسبه الكبسوله هذه كلها مليانه بكاميرات المراقبه عشان المشرف كري واللي معاه من طاقم السفينه يتابعون تحركات الغواصين وكل اللي يصير وياهم حتى في الحمام الله يعزكم في كاميرات لان كل شيء يصير داخل هالمكان يعتبر حساس فالغواصين ما عندهم اي خصوصيه وطبعا خلاص من بعد ما يتقفل باب الكبسوله وتنضخ الغازات ويرتفع الضغط داخلها ما يقدرون يطلعون نهائيا وخفض الضغط مثل ما قلنا يتطلب عده ايام لانه لازم يصير بالتدريج ولو مثلا لاي سبب انفتح باب الكبسوله الحين حرفيا اعضائهم الداخليه راح تنفجر من الداخل ويموتون على طول فبقاء الغواصين مع بعض طول هالمده في هالمكان الصغير يتطلب انسجام عالي ما احد يريد يقضي اسابيع ويا ناس ما يطيقهم لحسن الحظ الثلاثه هذلا كريس ودانكن وديفيد كانوا منسجمين مع بعض بشكل جيد خصوصا دانكن وكريس اللي مثل ما قلنا كانوا مثل الاب والابن وديفيد صح انه كان بارد ومشاعره متبلده لكنه ما كان يتصرف اي تصرفات مزعجه او يضايق زملائه مثلا وكان هو بعد انسجامه ممتاز ويا دونكن قائد الفريق لانهم يعرفون بعض من فتره لكن علاقته بكريس كانت توه جديده لان هذه اول مره يغوصون فيها مع ‏Some people that you got on great with, other people that you don't get on well with, and no one wants to be with knob. Chris was relatively new. Not dived with him, but think he dived with Duncan quite few times and Duncan was his his sat daddy. I'm not famed at work for being particularly emotional person. had little word with Duncan said, "What is this guy like?" And got the thumbs up and was happy to go in with him. D's very cool guy. He doesn't get stressed. He doesn't get anxious. ‏very very logical keeps himself to himself and then we did four together خلال السفينه باز اللي هم على متنها كانت تشق طريقها خلال بحر الشمال عشان توصل لمكان المهمه عند الهيكل المتشعب المشرف كريج كان يتواصل مع الغواصين بشكل مستمر عشان يتاكد من جاهزيتهم للمهمه وان امورهم كلها تمام الرحله للموقع بتستغرق ست ساعات لكن خلال اقترابهم بدات حاله الطقس تتغير وهم طبعا كان عندهم علم بهالشيء من خلال الارصاد الجويه كانوا عارفين ان في عاصفه ممكن تكون في طريقهم لكن العاصفه كانت اشد من المتوقع وبدات امواج البحر تهيج وتتلاعب بالسفينه بشكل قوي لكن في كل الاحوال هذه كانت سفينه متطوره ومهيئه انها تتحرك في ظروف مثل هذه انضمن قمه القياده الاليه في السفينه كانت قادره انها تتحكم بحركه السفينه في اعتى الظروف اللي ممكن تتخيلها الكمبيوترات تقدر توجه محركات ومراوح السفينه في اي اتجاه حتى وسط هذه العاصفه القويه اخيرا وصلت السفينه لموقع الهدف صاروا فوق الهيكل المتشعب اللي لازم يدرون عليه مهام الصيانه بعد ما وصلوا لهذه النقطه لموقع الهدف الحين طاقم القياده بالتحديد الشخص اللي يسمونه المسؤول التقني راح يفعل فعل نظام اسمه التثبيت الديناميكي نظام التثبيت الديناميكي هو نظام الي يثبت السفينه في نقطه معينه على سطح البحر نظام متطور جدا يقدر يحافظ على موقع السفينه حتى في اصعب الظروف لانه يتحكم بكل محركات ومراوح السفينه ويقدر يسوي حسابات رياضيه معقده ويوجه المراوح بحيث انها تقاوم اي حركه تسببها الامواج والرياح يعني مثلا عشان نبسط الامور لو الامواج تريد تدفع السفينه يسار النظام يوجه المراوح عشان تدفع السفينه يمين ومش بس يقاوم على مستوى الحركه الافقيه لا حتى ميلان السفينه وارتفاعها وانخفاضها يقدر يتحكم فيه فيعني هذا نظام متطور تدير الكمبيوترات بشكل الي ويقدر يثبت موقع السفينه بدقه وكفاءه عاليه فالمسؤول التقني شغل نظام التثبيت الديناميكي في السفينه وكل العلامات على الشاشه قدامه صارت باللون الاخضر واللي معناه ان النظام شغال بكامل كفاء فاته والسفينه ثابته في موقعها وما راح تتحرك طبعا صار في حوار بين قبطان السفينه وبين مشرف الغوص عن الظروف الحاليه عن ظروف الطقس والامواج والبحر والقبطان سال المشرف هل تعتقد ان الظروف هذه مناسبه للغوص المشرف قال له يعني الوضع على الحافه الرياح والامواج شديده لكن ما تعتبر وصلت لمستوى الخطر اللي ما نقدر نغوص فيه طبعا خلوا في بالكم يعني ان المهمه هذه على عمق 100 متر تحت البحر وعلى هذا العمق عاصفه متوسطه مثل هذه ما توصل تاثيراتها لتحت معظم التاثير على سطح البحر وبما ان السفينه ثابته في مكانها بفضل الله ثم بفضل نظام التثبيت الديناميكي فما تعتبر هذه ظروف خطيره للغوص فالقبطان ومشرف الغوص قرروا انهم يستمرون في المهمه والمشرف تواصل مع فريق الغواصين وقال لهم يجهزون انفسهم للغوص قائد فريق الغوص دنكن ومعاه الغواص رقم واحد ديفيد والغواص رقم اثنين كريس بدوا يلبس سون ملابسهم وبدل الغوص مالتهم الحين طبعا هم لازالوا في كبسوله الضغط فكيف راح يطلعون من الكبسوله هذه ويغوصون في البحر؟ الجواب انهم راح يدخلون شيء اسمه حجيره الغوص حجيره الغوص عباره عن غرفه كرويه معدنيه متصله بكبسولات الضغط اللي هم فيها الحين يعني مستوى الضغط في حجيره الغوص هو نفس مستوى الضغط في الكبسولات فلما الغواصين يريدون ينزلون للماي المشرف يفتح البوابه اللي تصل بين كبسوله الضغط وحجيره الغوص والغواصين يطلعون من الكبسوله ويدخلون في الحجيره وطبعا الضغط يظل في نفس المستوى ما يتغير عليهم لانه كله نظام واحد متصل ببعضه وبعد ما ينتقلون الغواصين لحجيره الغوص يسكرون الباب وراهم ويتم نقل الحجيره الى الفتحه اللي يسمونها المغطص هذه الفتحه اللي ينزلون منها الحجيره لماي البحر وشوي شوي تنزل الحجيره وداخلها الغواصين وتبدا تغوص في الاعماق وتظل الحجيره تنزل وتنزل الين ما توصل للعمق المطلوب وطبعا في حبل او كيبل يربطها بالسفينه ايضا من الاشياء اللي تنزل وياهم هي الغواصه الصغيره اللي تشتغل بالتحكم عن بعد هذه الغواصه ترافق الغواصين في مهمتهم وظيفتها الاساسيه هي المراقبه عشان كذا فيها عده كاميرات الشخص اللي يتحكم بالغواصه هو مشغل الغواصه ويتحكم فيها عن طريق جهاز تحكم عن بعد موجود بالعاده في غرفه القياده في السفينه وكاميرات الغواصه تنقل الصوره لطاقم القياده ومشرف الغوص على وجه الخصوص مشرف الغوص كرق يحتاج يراقب كل شي لان وظيفته مثل وظيفه المخرج هو اللي يوجه وهو اللي يامر وهو اللي يقول الغواصين شو يسوون ظلت حجيره الغوص تنزل وتنزل الاعماق الين ما وصلت لعمق 90 متر طبعا مثل ما قلنا الحجيره مربوطه بالسفينه من خلال حبل او كيبل وهذا مش حبل عادي هذا الحبل يمد الحجيره بالطاقه والاكسجين والماي الساخن وغيره حتى الصوت والصوره يتم نقلهن عن طريق هذا الحبل يعني هذا الحبل مش بس لربط الحجيره بالسفينه لا هذا الحبل ينقل كل شيء حرفيا والسفينه طبعا ثابته فوق على سطح البحر رغم الرياح والامواج القويه طبعا بفضل الله ثم بفضل نظام التثبيت الديناميكي اللي يتحكم فيه الكمبيوتر المهم بعد ما وصلت الحجيره لموقعها على عمق 90 متر الغواصين فتحوا البوابه السفليه في الحجيره هذه البوابه اللي راح ينزلون منها الغواصين للماي يمكن بعضكم يستغرب ليش ما الماي يملى الحجيره ويغرقهم والجواب ان هذا مفهوم بسيط في الفيزياء واللي هو ان الهواء المحبوس داخل الحجيره راح يدفع الماي لبره ما بيسمح له يدخل اي حد منكم يقدر يسوي هالتجربه في البيت بكوب عادي وراح يشوف ان الماي ما يدخل وممكن مثلا تحط على راسك سطل وتغوص في المسبح وبتشوف ان الهواء بيظل محبوس داخل وتقدر تتنفس عادي فبعد ما الغواصين فتحوا باب فتحه الغطص دونكن قائد الفريق بدا يجهز غواصينه ويلبسهم خوذهم اول شيء لبس الغواص رقم واحد اللي هو ديفيد وبعدها تاكد ان حبله مربوط ولما تاكدوا ان كل شيء مثبت باحكام ديفيد غاص في الماي ونزل للمنصه اللي تحت حجيره الغوص وبدا يشيك على ادواته واغراضه وانه كل شيء شغال تمام شيك على التنفس والاضاءات وكل شيء طبعا الغواص يكون مربوط بحبل موصل بالحجيره مثل ما الحجيره مربوطه بالسفينه الغواص مربوط بالحجيره وهذا الحبل اللي يربط الغواص بالحجيره يسمونه حبل الحياه لان حرفيا هو اللي يبقي الغواص على قيد الحياه هذا الحبل يمد الغواص بالاكسجين والطاقه والتواصل وكل شيء ومن اهم الاشياء اللي يمده فيها بعد هو الماي الساخن لان على هذا العمق درجه الحراره توصل لاربعه سيليزيه بروده شديده جدا فعشان الغواصين يحافظون على حراره اجسامهم في انبوب ضمن حبل الحياه مهمته انه يمد اجسادهم بالماي الساخن فحبل الحياه في الواقع يتكون من عده حبال ملفوفه ببعضها مثل الكيبل وكل حبل مهمته يوصل للغواص شيء معين حبل للاكسجين حبل للطاقه وحبل للماي الساخن وطبعا الحبل هذا مصنوع من مواد قويه لابعد درجه عشان يتحمل كل الظروف طبعا الغواصين شايلين وياهم بعد خزانات اكسجين على ظهورهم لكن هذه مجرد خزانات احتياطيه صغيره ما تكفيهم الا لمده خمس او ست دقائق مصدر الاكسجين اللي يتنفسونه هو حبل الحياه طبعا في بعد كاميرات مثبته على خوذ الغواصين عشان المشرف يتابعهم من خلالها فبعد ما نزل الغواص الاول ديفيد دانكن جهز الغواص الثاني اللي هو كريس وحط على راس الخوذه وربط حبل الحياه وتاكد ان كل شيء ثابت وبعدها نزل كريس ورا ديفيد الغواصين لما يطلعون من حجيره الغوص يحسون كان اجسادهم طافيه في الفضاء يقول ديفيد ان شعور انعدام الوزن وهم ينزلون للقاع ببطا هو اجمل شعور في شغلهم بس في هذه الاعماق المكان يكون مظلم جدا جدا وسهل ان الغواص يرتبك ويفقد احساسه بالاتجاهات فهالشعور ممكن يكون مخيف حتى على غواصين التشبع المحنكين يعني تخيل انت في اعماق البحر السحيقه المكان حولك كله ظلام ما تعرف شو الاشياء او المخلوقات اللي تحيط فيك وبالكاد تقدر تشوف اطراف اصابعك والمكان اللي انت فيه كانك في عالم ثاني خارج عالم البشر كريس طبعا كونه شوي مبتدئ مقارنه بديفيد احتار في البدايه لما نزلوا ما كان عارف وين الاتجاه طبعا هم مهم همتهم مثل ما قلنا انهم يروحون للهيكل المتشعب اللي هو مثل المكعب الاصفر ويجرون بعض اعمال الصيانه ويبدلون انبوب صغير في الهيكل ديفيد كونه الغواصه الاكثر خبره قرب من كريس واشر له على الاتجاه اللي لازم يمشون فيه الهيكل كان جنبهم لكن من الظلام لحالك كان صعب يشوفونه على الاقل اقل الين ما عيونهم تبدا شوي تتعود على الظلام طبعا المشرف كريج كان قاعد يتابع كل تحركاتهم من خلال الكاميرات وانظمه التتبع ويحاول يوجههم عن طريق الراديو كان في تواصل مستمر بينهم بعد ما وصلوا كريس وديفيد للهيكل المتشعب اللي لازم يشتغلون عليه نزل كيبل الطاقه من السفينه لموقع الهيكل فالغواصين اخذوا هذا الكيبل وركبوه بفتحه الطاقه الموجوده في الهيكل فوصلت الطاقه من السفينه للهيكل واشتغلت الاضاءات اللي مرك ركبه داخل الهيكل هذه الاضاءات كانت مجهزه من قبل ضمن بناء الهيكل لاي اعمال صيانه مستقبليه لكنها تحتاج مصدر طاقه فبعد ما وصلوا الكيبل اشتغلت على طول الحين الغواصين يقدرون يشتغلون في بيئه مضاءه ولو شوي وطبعا الاضاءات القويه اللي موجوده على خوذهم بعد كانت تساعدهم خصوصا عشان يشوفون الاشياء اللي قدامهم مباشره هالشيء يساعدهم في الاعمال اليدويه طبعا كل ما تحركوا الغواصين اكثر كل ما احتاجوا حبل حياه اكثر فهذه كانت مهمه دنكن قائد قائد الفريق اللي يظل في حجيره الغوص ويظل على تواصل ويا الغواصين وكل ما احتاجوا حبل يعطيهم اكثر والحبل طبعا طويل ممكن يوصل ل 50 متر عشان يعطي للغواص مساحه انه يتحرك بحريه ولازم الغواص وهو يتحرك يظل محافظ على انسيابيه حبله بحيث انه ما يلتف او يعلق في مكان غلط وهالشيء بروحه تحدي خصوصا لما يشتغلون في مكان مثل الهيكل المتشعب هذا اللي فيه كثير انابيب وخزانات وقطع معدنيه مختلفه المشرف وجه كريس عشان يدخل وسط الهيكل كانوا محتاجين انه يوصل لصمام ويخفف الضغط عن الصمام هذا قبل ما يبدون الشغل اما ديفيد فوجه المشرف عشان يروح للانبوب الصغير اللي يحتاج تبديل فالغواصين تفرقوا للحظه ابتعدوا عن بعض شوي وكل واحد منهم كان يادي شغله بكل تركيز وقاعد يتبع التعليمات اللي يعطيه اياها المشرف في هذه الاثناء على سطح السفينه الرياح بعدها شديده وامواج البحر عاتيه لكن نظام التثبيت الديناميكي محافظ على موقع السفينه ومكانها المسؤول التقني في السفينه اللي كان اسمه ميشيل سكروسكي كان هو المسؤول عن نظام التثبيت الديناميكي وكان يتابع الكمبيوتر وكل شيء كان تمام وكل الامور مستقره كل الطاقم في غرفه القياده كانوا مسترخين وقاعدين يتابعون مهمه الغواصين اللي كانت تبدو انها ماشيه على احسن ما يرام مثل اي مهمه عاديه ثانيه لكن هني فجاه المسؤول التقني ميشيل بدا يلاحظ اشارات حمراء تظهر على شاشته الاشارات الحمراء هذه دليل على خلل في النظام فبسرعه صد على القبطان وقال له النظام قاعد يعطيني خطا القبطان على طول اطاه كل تركيزه وقال له خير ايش صاير فقال له ميشيل فقدنا جهاز المسح الصوتي لكن قبل ما يلحق يكمل جملته بدات الانذارات والاشعارات الحمراء تملى الشاشه قدام الواحد ورا الثاني ما كان قادر يلحق يتبع الاعطال والاخطاء اللي تطلع من كثرها كل محركات السفينه ومراوحها وقفت لان نظام الكمبيوتر نفسه تعطل ما صار قادر يتحكم فيها نظام التثبيت الديناميكي تعطل يعني السفينه كلها صارت مثل قطعه حديد كبيره تلعب فيها الامواج وتسيرها كيف ما تريد وعلى طول بدات تفقد تموضعها ومكانها غرفه القياده كلها دخلت في حاله طوارئ وعلى طول المشرف كري تواصل ويا الغواصين وقال لهم الغوا المهمه الغوا المهمه واطلعوا حالا من الهيكل نظام التثبيت الديناميكي تعطل طل ولازم ترجعون لحجيره الغوص باقصى سرعه طبعا اللي بيصير الحين ان السفينه بتبدا تبتعد عن موقع الهيكل وبالتالي راح تجر حجيره الغوص وياها لان حجيره الغوص مربوطه بحبل السفينه ولما تنجر حجيره الغوص راح ينجروا الغواصين وياها لان الغواصين نفس الشيء مربوطين بالحجيره من خلال حبل الحياه يعني السفينه بتجر حجيره الغوص وحجيره الغوص بتجر الغواصين فاول ما وصل التحذير لديفيد وكريس على طول تركوا الاعمال اللي كانوا يسوونها على الهيكل وبدوا يحاولون يطلعون لازم الحين كل واحد فيهم يتمسك بحبل الحياه ماله ويستخدمها عشان يتسلق ويرجع لحجيره الغوص كريس اللي كان داخل الهيكل واجه صعوبه بسيطه في الخروج بسرعه لكنه قدر يخرج وبعدها مباشره هو وديفيد بدوا يتسلقون الحبل عشان يطلعون لفوق الهيكل كان يحول بينهم وبين حجيره الغوص فاول شيء لازم يسوونه هو انهم يتسلقون الهيكل ويوصلون لص سطحه طبعا المشرف وجه دنكن اللي كان في حجيرات الغوص انه يعطي الزياده من حبال الغواصين قد ما يقدر لان كل ما ابتعدت السفينه كل ما الغواصين احتاجوا طول حبل اكثر ديفيد وكريس كانوا يتسلقون الحبل باسرع ما عندهم وكانت قلوبهم تدق بقوه اي خطا في وضع مثل هذا ممكن يعرض حياتهم للخطر ديفيد لما وصل لسطح الهيكل كان يتوقع يشوف حجيره الغوص فوقه مباشره لكن الحجيره ما كانت موجوده واللي معناه انها انجرت ويا السفينه اللي قاعده تبتعد مع كل ثانيه تمر فالحين ديفيد حط ايده على الحبل مره ثانيه عشان يسوي حركه التسلق على اساس ان الحبل بيقوده وبيرجعه للحجيره لكن في هذيك اللحظه انتبه ان كريس ما كان جنبه كريس الغواص المبتدئ كان طبعا متوتر توتر مش طبيعي فخلال تسلقه على جانب الهيكل حبل الحياه ماله التف على قطعه معدنيه من جسم الهيكل فعلق الحبل وكريس صار ما قادر يتحرك طاقم السفينه كانوا في حاله طوارئ كل واحد منهم محتار ما عارف شو يسوي والسفينه تجنح وتبتعد اكثر واكثر عن موقع الهيكل مثل ما واضح في الخريطه قدامهم والمشرف كان بعده يتواصل ويا الغواصين ويقول لهم اطلعوا من المكان اطلعوا من المكان فجاه طاقم السفينه لاحظوا ان السفينه وقفت في مكانها صارت ما تتحرك وهني كريس اللي حبله كان عالق خبر المشرف بالمصيبه وقال له حبلي علق وبسرعه طاقم فهمه سبب ثبات السفينه حبل كريس العالق في جسم الهيكل صار مثل المرساه حرفيا ثبت السفينه في مكانها فالحبل صار مشود على الاخر تخيل يعني حبل عالق في الهيكل المعدني اللي تحت البحر قاعد يشد السفينه الضخمه هذه اللي تصارع الرياح والامواج العاتيه قوه شد مش طبيعيه بس طبعا مثل ما قلنا هذه الحبال قويه جدا ولحسن حظ كريس ان الحبل ما كان ملتف حوله ولا كان جسمه بيتقطع من قوه الشد هذه المشرف كريج لما استوعب اللي صاير على طول قام يتواصل ويا دانكن اللي بعده في حجيره الغوص ويقول له عطى كريس حبل اكثر كريس عالق ومحتاج حبل اكثر لكن دانكن رد عليه بفزع وقال له ما في حبل الحبل خلص رميت له كل الحبل اللي عندي يعني كل الحبل اللي كان مخصص الكريس خلاص دنكن طلعه من الحجيره فصار حبل كريس شاد الحجيره نفسها وحبل الحجيره شاد السفينه وضع كارثي حتى كيبل الطاقه اللي كان موصل بالهيكل انقطع فطفت الاضواء اللي في الهيكل المشرف ظل يتواصل مع كريس ويوجهه ويقول له كريس لازم تفك حبلك بنفسك لازم تحل العقده وكريس يستنجد ويقول ما قادر الحبل مشدود ارمول لي حبل اكثر فالمشرف يرد عليه ما في حبل يا كريس عطيناك كل الحبل اللي عندنا الوضع كان ماساوي ما احد عارف شو يسوي دانكن اللي في حجيره الغوص عطى كريس كل الحبل اللي عنده وما صار بايده يسوي شيء كان يشوف قدامه حامل الحبل الفولاذي اللي مثبت حبل كريس في حجيره الغوص قاعد ينزع من مكانه من قوه الشد المشرف كريج من جن قاعد يحاول يوجه كريس انه يحاول يفك عقده الحبل بطريقه ما وكريس ما كان قادر يسوي شيء لان الحبل مشدود على الاخر ديفيد اللي كان قريب من كريس كان يحاول يوصل له عشان يساعده لكن هو بعد حبله صار مشدود المسافه اللي بينهم كانت يمكن متر او مترين بس لكن ديفيد ما كان قادر يوصل له او يساعده باي اي طريقه حبله ما كان يعطيه اي مجال او مساحه للمساعده في النهايه هم الاثنين طول حبلهم نفس الشيء هني الكل المشرف ودانكن وديفيد وحتى كريس نفسه عرفوا النهايه المحتومه واللي هي ان الحبل ما راح يتحمل وراح ينقطع في اي لحظه ديفيد بدا يسمع صرير حبل كريس من قوه الشد وفجاه انقطع حبل كريس اللي كان واقف على حافه سطح الهيكل فرجع جسم كريس لورا وطاح من فوق الهيكل وبدا يهوي للقاع طبعا مع انقطاع الحبل كل شيء انقطع عنه الاكسجين والماي الساخن اللي يدفيه والطاقه والتواصل كل قنوات التواصل ويا كريس انقطعت الشاشه اللي كانت تبث منظور كاميرا كريس صارت سودا الحين صارت ما في طريقه للتواصل وياه او معرفه وضعه. اذا وصلتوا لهني فان شاء الله انكم مستمتعين بالفيديو فاذكركم بالدعم. اللي ما حاط لايك يحط لايك واللي ما مشترك يشترك خلاص ما باقي شيء ونوصل ل 7 مليون فهمتكم ويانا. مع انقطاع حبل كريس اللي كان مثل المرسال السفينه بدات الرياح والامواج العاتيه تحرك السفينه مره ثانيه. ومع حركه السفينه انجرت حجيره الغوص معها. وحجيره الغوص جرد ديفيد اللي هو بعد كان حبله على نهايته وديفيد عرف الحين انه ما عنده خيار غير انه يبدا يتسلق الحبل مره ثانيه عشان يرجع لحجيره الغوص اللي فيها دونكن كانت اولويته الحين انه يحافظ على سلامته فصار يتسلق الحبل بكل قوته وباسرع ما عنده لانه هو بعد كان خايف ان حبله ممكن يعلق في اي شيء على الطريق حتى لو علق في كائن بحري مثلا ممكن تكون مشكله لان كل شيء قاعد يتحرك السفينه والحجيره والحبل وهو معاهم وهالشيء كان في خطر كبير دنكن اللي كان في حجيره الغوص كان عارف ان حبل كريس انقطع فبدا يسحب الحبل وكان الحبل خفيف قاعد ينسحب بسهوله لانه طبعا ما في شخص في نهايه الحبل مع ذلك ظل دنكن في داخله يتامل ان كريس بطريقه ما بيكون موجود في نهايه الحبل بس بعد ما سحب الحبل بالكامل وصلت نهايات الحبل المقطوعه اول شيء وصل كان خرطوم الماي الساخن كان متقطع ونهايته مهتريه تماما فمد دنكن ايده على صمام الماي الخاص بحبل بالكريس وسكره بعدها كمل سحب باقي جدا الحبل ووصل انبوب الاكسجين كان بعده يضخ الهواء بقوه فكان يطلع صوت عالي ومزعج فمدكن ايده على صمام الاكسجين الخاص بكريس عشان يسكره لكن قبل ما يسكره تردد لان المفروض ما يسكر صمام الاكسجين عن غواص وهو بعده في الماي هالشيء كانه حكم اعدام مع ان الحبل المقطوع في ايده لكنه حس بغصه في نفسه من انه يسكر صمام الاكسجين بس في النهايه طبعا سكره ‏I put my hand on the regulator to turn it off. You never ever turn off when he's in the water. It's time to killing him. did feel as though wasting down. دانكن كان في حاله يرثلها وكان على وشك انه ينهار في هذيك اللحظه مثل ما قلنا هو وكريس كانوا قريبين من بعض كانت علاقتهم مثل الاب وابنه لكن دنكن كان عارف بعد ان عنده غواص ثاني لازال في الماي فلازم يتمالك نفسه ويركز وظل يتابع تحركات ديفيد ويحاول يسحب الحبل وياه عشان يساعده وديفيد طبعا مستمر في التسلق باقوى واسرع ما عنده الين ما اخيرا وصل لحجيره الغوص ودخل للمنصه اللي تحت الحجيره وبعدها رفع راس من فتحه الغطس ودانكم مباشره ساعده عشان ينزع الخوذه وعلى طول ساله ايش صار ايش صار فقال له ديفيد كريس انقطع حبله وطاح من فوق سطح الهيكل وما اعرف ايش صار بعدها دانكن حس بغصه في نفسه خلاص يعني كان يريد ينهار ويبكي ما كان مصدق اللي الكل كانوا عارفين ان كريسا الحين ما عنده غير اسطوانات الاكسجين الاحتياطيه وهي مجرد اسطوانتين غاز كل الاكسجين اللي فيهن ما يكفي الا لخمس او ست دقائق هذه الاسطوانات مثل ما قلنا مجرد اسطوانات احتياطيه المفروض تسا ساعد الغواص انه يرجع لحجيره الغوص في حاله ان حبل الاكسجين ماله صارت فيه مشكله ما كانوا مصممات لوضع مثل هذا ان الغواص ينقطع حبله بالكامل ويعلق تحت البحر ويمكن بعضكم يسال ما ممكن كريس يحاول يطلع لسطح البحر مثلا الجواب طبعا لا يعني حتى لو قدر بعجوبه انه يصعد لسطح البحر قبل ما يخلص الاكسجين اللي عنده تغير الضغط المفاجئ راح يقتله في كل الاحوال عشان كذا غواصين التشبع لازم يرجع يرجعون لحجيره الغوص ومن الحجيره يرجعون لكبسولات الضغط مثل ما شرحنا قبل ما يرجعون للسطح على طول هذا اصلا مش خيار لانهم راح يموتون وكريس طبعا كان عارف هالشيء الامواج كانت مستمره في تحريك السفينه وابعادها اكثر واكثر عن موقع الهيكل المتشعب والوضع على متنها كان في حاله اضطراب وكل واحد من افراد الطاقم حاير وما عارف شو يسوي من القبطان لاصغر واحد فيهم طبعا شغلوا انذار في السفينه واللي كان نايم من افراد الطاقم صحوه وبسرعه انتشرت الاخبار عن اللي صاير كانوا محتاجين كل العقول تشتغل على حل المشكله هذه بس الوضع كان صعب ما في عندهم اي قدره للتحكم بالسفينه كانت مثل قطعه حديد عايمه تلعب فيها الامواج مثل ما تريد كل انظمه الكمبيوتر وانظمه التوجيه الالي ما راضيه تشتغل المسؤول التقني على طول من لما بدات المشكله هذه راح ركض على غرفه الكمبيوترات المركزيه الغرفه اللي فيها السيرفرات وكل انظمه الكمبيوتر واللي اكتشف ان الوضع ضع اسوا حتى من ما كان يتصور حصل الكمبيوتر الرئيسي معطل والكمبيوتر المسؤول عن التثبيت الديناميكي بعد تعطل وحتى الكمبيوتر اللي خزن المعلومات تعطل فجاه كل الكمبيوترات تعطلت كان واضح انه في مشاكل على مستوى النظام المركزي ذات نفسه مش مشاكل في جزء معين وبس فالوضع كان صعيب وظلت السفينه تبتعد وتجنح اكثر عن موقع الهيكل وما احد عارف شو اللي صار على كريس او حتى كيف ممكن يرجعوا له ومع كل ثانيه تمضي فرص العثور عليه حي تتضاءل اكثر واكثر للحين مرت خمس دقائق من لحظه انقطاع حبله يعني على الاغلب انه استهلك الاكسجين الاحتياطي اللي عنده والله اعلم اذا بيقدر يظل حي اكثر ولا لا هني القبطان قرر انه راح يحاول يستخدم التحكم اليدوي بالسفينه لانه وصل خبر من الفريق الفني اللي هم الفريق المسؤولين عن المحركات ان المحركات والمراوح نفسها ما تعطلت اللي تعطل هو نظام الكمبيوتر اللي يتحكم فيها فالقبطان قرر انه يحاول يست يستخدم اذرع التحكم اليدوي بالسفينه بس المشكله ان هذا النظام ما كان مصنوع لقياده السفينه وتوجيهها هذا كان نظام بسيط مصنوع عشان يستخدم في الموانئ والمرافئ لما يريدون يوقفون السفينه اما في البحر فالمفروض ان الكمبيوتر هو اللي يحرك السفينه خصوصا في عاصفه شديده مثل هذه واصلا نظام التحكم اليدوي هذا ما كان ممكن يتحكم فيه شخص واحد لانه في اربع مقابض دفع يعني يحتاج اربعه ايدي يشتغلون عليه فالقبطان طلب مساعده نائبته في عمليه التوجيه وبدوا مع بعض يحاولون يوجهون السفينه ويسيطرون عليها في البدايه كان الوضع جيد بدات السفينه تدور كانوا يريدون يلتفون ويرجعون لموقع الهيكل اللي فقدوا كريس عنده وفعلا قدروا شوي يلتفون بالسفينه المراوح والمحركات كانت تتحرك وتستجيب بشكل ممتاز للاذرع اللي يحركها القبطان ونائبه لكن الامور ادهورت بسرعه لما جات عده موجات كبيره وضربت السفينه وحرفتها مره ثانيه عن المسار اللي كانوا يحاولون يوجهونها له. كان واضح ان التحكم اليدوي صعب ينجح. البحر والامواج والرياح الشديده ما كانت راح تسمح لهم يوجهون السفينه براحتهم. ومع ذلك القبطان ظل يحاول لانه ما كان عندهم خيار ثاني وظلت السفينه تتحرك بعنف وهم يحاولون يقاومون التيارات والامواج اللي تدفعهم. وطبعا محاولتهم للمشي عكس اتجاه الامواج خلت السفينه تتارجح بشده لدرجه وصلت لوضع الخطوره يعني هم بمحاولتهم هذه كانوا يحطون السفينه وكل طاقمها في وضع حرج حتى في حجيره الغوص اللي فيها دانكن وديفيد كانوا حاسين بشده حركه السفينه وتارجحها العنيف لانهم مربوطين فيها بحبل فهني خلاص القبطان قرر ان محاوله التحكم اليدوي ما تسوى المخاطره بالسفينه وبقيه الطاقم فتراجع عن المحاوله هذه ووقفوا التحكم بالاذرع اليدويه الحين مضت اكثر من ع دقائق من لحظه انقطاع حبل كريس واكيد ان كريس خلص الاكسجين الاحتياطي اللي عنده من فتره ومع كل ثانيه تمر كان الياس يعم على الطاقم اكثر بالمناسبه في هذه الاثناء لما كان القبطان يحاول يتحكم بالسفينه يدويا المشرف كريج على طول راح عند الشخص اللي يتحكم بالغواصه اللي تشتغل بالتحكم عن بعد الغواصه اللي كانت مع الغواصين عند الهيكل الغواصه كانت لازالت موجوده في منطقه الهيكل وفيها طبعا كاميرات تبث للسفينه فكانت الوسيله الوحيده اللي ممكن تساعدهم انهم يحصلون كريس. كانت في شويه مشاكل في التحكم لان الغواصه نفس الشيء متصله بالسفينه من خلال حبل. حبل ينقل الطاقه والمعلومات والتحكم. فمع الحركه والسحب والجذب اللي صار انجرت الغواصه من عند موقع الهيكل. لكن حبل الغواصه طويل وبما انها مرتبطه بالسفينه مباشره كانوا ممكن يعطون الغواصه حبل اكثر. فرجع مشغل الغواصه يتحكم فيها ويوجهها باتجاه الهيكل عشان يحاولون يحصلون كريس بس ما كانوا عارفين وين ممكن يكون كانوا عارفين من ديفيد انه طاح من سطح الهيكل بعد ما انقطع حبله لكن هل لازال في قاع الهيكل ولا حاول يطلع مره ثانيه ويرجع للسطح المشرف كان يتابع كاميرا الغواصه بترقب وهو حابس انفاسه وكان الوقت كانه يمضي ببطء كانوا يريدون يحصلون كريس عشان يعرفون وضعه وفي نفس الوقت يعطونا علامه انهم جاينا وانهم قاعدين يحاولون ينقذون هالشيء ممكن يعطيه طاقه ويحفزه انه يصمد اكثر المشكله ان الظلام كان حالك ومشغل الغواصه ما كان قادر يشوف اي شيء لكنهم ما كانوا يعتمدون على الكاميرات وبس كان عندهم نظام لتحديد المواقع فكانوا يعرفون موقع الغواصه وموقع الهيكل ويقدرون يوجهون الغواصه ولو بشكل تقديري ولحسن حظهم فجاه ظهر الهيكل في كاميرا الغواصه قدامهم ومباشره المشرف قال المشغل الغواصه يطلع لسطح الهيكل وقال ان هذا المكان المنطقي اللي المفروض يرجع له كريس المفروض يحاول يرجع لسطح الهيكل عشان يقدرون يحصلونه فمشغل الغواصه على طول بدا يطلع فيها لسطح الهيكل وهناك شافوا هالمشهد قدامهم هذه لقطات حقيقيه كريس كان نايم فوق السطح وكان جسمه يرتجف ايدينه تنتفض وفي حركه في جسمه مجرد شوفته وهو يتحرك بثت روح الامل في الطاقم بعضهم كانوا حتى مصدومين انه بعده حي لانه للحين مرتك اكثر من 15 دقيقه من لحظه انقطاع حبله يعني كريس يمكن صار له ع دقائق بدون اكسجين فما كانوا مصدقين انه بعده يتحرك حتى واحد منهم قال شوفوا قاعد ياشر لنا قاعد يسلم علينا لكن المشرف كري بسرعه رد عليه وقال له ما قاعد يلوح لنا قاعد يتناف هذه رده فعل عصبيه لا اراديه لان دماغه قاعد يدور اكسجين واضح انه فاقد للوعي يعني جسمه كان قاعد ينتفض لا اراديا من الوضع الحرج اللي هو فيه كانه قاعد يحاول يتمسك باخر خيوط الحياه اللي يقدر يتمسك فيها الشيء الجيد اللي لاحظوه الطاقم ان جسم كريس ثابت على الهيكل ما يتحرك مع انه واضح ان تيارات الماي قاعده تحرك جسمه على الاغلب ربط خطاف على الحديد عشان يمسكه وما يخلي التيارات تسحبه وهذه كانت حركه ذكيه لو ما سواها كانت التيارات على الاغلب بتسحب جسده وبتطيره بعيد عن سطح الهيكل بعد ما يفقد الوعي وعلى الاغلب ما كانوا حتى بيحصلونه بس حتى بصيص الامل اللي حسوا فيه الطاقم لما حصلوه بدا يتبدد لانهم للحين ما قادرين يسيطرون على حركه السفينه والله اعلم كم من الوقت راح يحتاجون عشان يرجعون لكريس؟ كانوا معظمهم وهم يشوفون جسد كريس يتنافض على الشاشه قدامهم عارفين ان هذه المهمه ما بتكون مهمه انقاذ هذه بتكون مهمه استعاده جثه وبالفعل بعد بضعه دقائق جسد كريس بدا يخمل وحتى الرجفه والانتفاض وقف وهنا حتى المتفائلين منهم حسوا انه خلاص مستحيل كريس يظل على قيد الحياه حتى زملاء كريس اللي في حجيره الغوص دانكن وديفيد حسوا ان الموضوع منتهي خلاص ما في امل انهم يرجعونه حيباين عجيب بين مشاعر الرجلين ديفيد البارد يقول ان احساسه في هذيك اللحظه انه خلاص يعني شو نسوي المصايب تصير يمكن هذه كانت طبيعته اللي يحمي نفسه فيها يعني بعض الناس قدام المصايب يحاول يكون بارد او حتى يضحك عشان نفسه ما تنكسر على الجانب الثاني دانكن اللي علاقته جدا قويه بكريس كان متحطم ويبكي وكان شايل هم كيف راح يوصل الخبر الحزين هذا لموراق خطيبه كريس هذه الاثناء المسؤول التقني ميشيل كان لازال في غرفه الكمبيوتر والسيرفرات قاعد يخبص بين الاجهزه والوايرات ويحاول يعرف سبب المشكله اللي صايره لكن كان واضح ان المشكله اعقد من انها تنحل بسرعه فهني قرر قرار انه راح يطفي كل الانظمه الالكترونيه ويعيد تشغيلها لكن الموضوع هذا مش بسيط مش مجرد ضغطه زر كان لازم يعيد توصيل الوايرات ويسوي شغل يدوي كثير عشان تنجح عمليه اعاده التشغيل بدون ما يتدمر النظام للاسف المحاوله الاولى لاعاده التشغيل فشلت فرجع مره ثانيه يشتغل ويحوس في الوايرات الين ما حس انه ضبط الامور ومره ثانيه ضغط زر اعاده التشغيل وهالمره لحسن الحظ رجع النظام يشتغل وكل الكمبيوترات كانت شغاله على اكمل وجه خصوصا الكمبيوتر اللي يتحكم بحركه السفينه والتثبيت الديناميكي على طول بمجرد رجوع انظمه التحكم بالسفينه المسؤول التقني ميشيل ركض لغرفه القياده واعلن للكل انه تم استعاده الانظمه وجلس قدام كمبيوتره وباسرع ما عنده ضبط الاعدادات والقياده الاليه للسفينه عشان تتحرك باتجاه موقع الهيكل المتشعب ب اللي كريس عالق عنده للحين مضى على انقطاع حبل كريس اكثر من 25 دقيقه بس على الاقل مع رجوع نظام التحكم الالي صارت السفينه تشق طريقها بسرعه باتجاه الموقع على طول بعد ما رجع النظام المشرف كريج تواصل مع دنكن وديفيد اللي كانوا في حجيره الغوص وخبرهم ان نظام التحكم شغال وان السفينه راجعه لموقع الهيكل فديفيد مباشره تجهز ولبس خوذته ونزل للمنصه اللي تحت حجيره الغوص كان مستعد سعد يتحرك باسرع ما عنده بمجرد ما توصل السفينه للموقع وكان حتى متحمس انه يرجع لكريس لدرجه ان دانكن اللي كان ماسك حبل الحياه ماله كان يشده على ورا مثل الكلب اللي يريد ينطلق وصاحبه ماسكه بالقوه المشرف طبعا كان قاعد يتابع موقع حجيره الغوص عشان يعطي الاشاره لديفيد انه ينطلق لكن كان لازم يقربون الحجيره لاقصى مسافه ممكنه من الهيكل قبل ما ينزل ديفيد وظل المشرف يتواصل وياهم ويقول لهم المسافه اللي تفصلهم عن الهيكل 50 متر 30 متر 20 متر هني ديفيد بدا يشوف اضواء الغواصه الصغيره اللي بعدها جنب كريس وعرف انهم خلاص وصلوا لكن المشرف ما اطى الاذن لديفيد انه ينزل للحين لان اول شيء لازم السفينه تثبت في مكانها عشان ما يعرضون حياته هو بعد للخطر لما صارت السفينه فوق الهيكل المسؤول التقني على طول شغل نظام التثبيت الديناميكي ولما تحولت لمبه النظام من الاحمر للاخضر قدام المشرف هني عطى الاشاره والاذن لديفيد انه ينزل وبسرعه ديفيد قفز من منصه حجيره الغوص ونزل باتجاه الهيكل وخلال ثواني وصل للسطح اللي كان جسد كريس نايم عليه وهني نشوف لقطه حقيقيه من كاميرا الغواصه للحظه وصول ديفيد اللي مباشره بدا يتفحص كريس ويحاول يعرف وضعه وما كان مستغرب من اللي حصله حصل قدامه جثه رجل ميت ‏I don't remember being upset about wasn't surprised by what sawad guy مرت 36 دقيقه من لحظه انقطاع حبل كريس يعني صار له 30 دقيقه كامله بدون اكسجين كان واضح ان فرص نجاته معدومه مهما الواحد حاول يتمسك بالامل الكل كانوا عارفين انه النجاته مستحيله بدون اكسجين كل هالمده على كل حال ديفيد كان لازم الحين يرجع جثه كريس وياه ففك الخطاف اللي كان مثبت جسد كريس بسطح الهيكل وبدا ديفيد يحاول يشيل جسد زميله كانت العمليه صعبه حتى وهم تحت الماي الجسد ثقيل خصوصا ويا الخوذه وبقيه المعدات فاستجمع ديفيد كل قوته وشال جثه كريس وبدا يتسلق الحبل بكل طاقته واكيد ان الادرينالين ساعده بشكل كبير بس مع ذلك يقول انها كانت واحده من اصعب الاشياء اللي سواها في حياته اخيرا وصل ديفيد لمنصه حجيره الغوص ومعاه جثه كريس ومباشره بعدها مسك كريس ورفعه من فتحه الغطس لفوق ودانكن اللي كان داخل سحب كريس وبمجرد ما رفع راسه من خلال الفتحه على طول اول شيء سواه انه شال خوذته وجه كريس كان شاحب لونه ابيض على ازرق من وضع الاختناق اللي تعرض له ما كانت فيه اي حركه او علامه للحياه دانكن كان متحطم من هالمشهد ما كان قادر يصدق اللي يشوفه صاحبه ميت قدامه بس مع ذلك بدا يعطيه سي بي ار يحاول يسوي له تنفس صناعي وصار يضغط على صدره ويعطيه نفس يحاول فيه بكل اللي يقدر عليه وفجاه صوت شهيق طلع من كريس وهو يفتح عيونه ‏It's very hard to communicate to people quite what went through and what felt. It's time that reflect on quite lot. Once you've calmed and done the maths, you realiz that your chances of getting out of this نجاه كانت معجزه بالمعنى الحرفي للكلمه. سبحان الله كيف قدر يظل حي رغم انه ظل اكثر من نص ساعه بدون اكسجين يعني مرت بالضبط 37 دقيقه من لحظه انقطاع حبله خزانات الاكسجين الاحتياطيه اللي كانت عنده فيها خمس الى ست دقائق من الاكسجين فظل اكثر من 30 دقيقه بدون اكسجين خلونا نرجع بالوقت ونعرف شو صار ويا كريس من لحظه انقطاع حبله طبعا بمجرد ما انقطع الحبل انقطع كل شيء عنه الاكسجين والطاقه والضوء والاتصالات والماي الساخن وطبعا طاح من سطح الهيكل الى قاع البحر اللي تحت ومع انقطاع حبله وانقطاع كيبل الطاقه من الهيكل حصل كريس نفسه وسط ظلام دامس ما كان قادر يشوف اي شيء حوله وبالاضافه للظلام عم الصمت التام لان اتصاله ببقيه الطاقم انقطع فكان كانه خسر كل حواسه لا يسمع ولا يشوف وهالشيء كان مربك جدا وحس ان الهلع بدا يصيبه لكنه بسرعه حاول يستجمع نفسه وبدا يحاول يستوعب الوضع اللي هو فيه ومباشره طبعا اول شيء سواه هو انه شغل اسطوانات الاكسجين الاحتياطيه اللي عنده كان يحتاج يتنفس وكان عارف ان الاسطوانات هذه ما بتكفي الا لخمس او ست دقائق بدا يحاول يحسب الامور في عقله كان عنده علم ان السفينه قاعده تنجرف بفعل الامواج القويه واكيد انها سحبت حجيره الغوص وياها وامل الوحيد هو ان زملائه بيرجعون وينقذونه بطريقه ما وعشان يقدرون يحصلونه لازم يروح لمكان ممكن يحصلونه فيه بسهوله ه فعلى طول الخيار البديهي اللي خطر على باله هو انه يرجع لسطح الهيكل كريس كان يفكر بوضع الاكسجين اللي عنده كان عارف ان الاكسجين قليل وعشان يحافظ عليه لاطول فتره ممكنه لازم يقلل من تنفسه ويخلي انفاسه بطيئه قدر الامكان المشكله انه الحين اذا يريد يطلع لسطح الهيكل راح يبذل جهد وهالشيء اكيد انه بيستهلك كميه اكبر من الاكسجين اللي عنده بشكل اسرع لكن ما كان في خيار قدامه لازم يرجع يطلع لسطح الهيكل فبدا يتحسس الاتجاهات اللي حوله ويدور و على الهيكل كان الظلام الشديد ما يخليه يشوف اللي حوله بس كان لازم يختار اتجاه ويمشي ما يقدر يوقف في مكانه ولحسن الحظ بسرعه قدر يحصل الهيكل فعلى طول بدا يتسلقه ويطلع لفوق الين ما اخيرا قدر يوصل للسطح مره ثانيه كان تقديره انه استغرق دقيقتين او ثلاث عشان يوصل للسطح وطبعا خلال هالوقت كان جسمه يبذل جهد وانفاسه كانت سريعه فعلى الاغلب انه استهلك كميه كبيره من الاكسجين فعلى طول اول ما وصل للسطح اول شيء سواه هو انه ثبت نفسه بخطاف عشان ما تسحب التيارات ونام على جنبه وحاول انه يبطئ تنفسه باكبر قدر ممكن حاول يهدي نبضات قلبه ويهدى قد ما يقدر لكن حتى هو كان عارف ان فرص نجاته من هالوضع شبه معدومه الغريب ان كريس يقول انه ما حس بالبرد ابدا مع ان درجه الحراره على هذا العمق توصل لاربعه سيليزيه وما عنده ماي ساخن يدفيه مع ذلك ما حس بالبرد نهائيا يمكن لانه عقله كان مشغول بافكار ثانيه لان الوساوس بدات تلعب بمخه وكان قاعد يشوف شريط حياته يمر قدامه وبدا يغلب عليه الحزن ويحس انه خلاص هذه نهايه حياته ما بي يشوف خطيبته مره ثانيه ما بيشوف بيته اللي قاعد يبنيه ما بيعيش المستقبل اللي كان يطمح له احس هذه من اصعب الامور اللي ممكن تصير للانسان انه يكون عايش وبكاملقوا العقليه بس عارف انه خلال دقائق راح يوده حياته راح تنتهي شعور صعب ما اقدر اتخيل حتى كيف ممكن يكون drift dashed. can remember it becoming harder to breathe. رغم محاولات كريس انه يبطئ تنفسه باكبر قدر ممكن لكن انفاسه بدات تضيق وصار التنفس اصعب واصعب وبدا يحس باقتراب النهايه وبعدها تلاشى كل شيء قدامه وفقد الوعي وظل فاقد للوعي وما يذكر اي شيء صار له الين ما فجاه صحى وفتح عيونه وهو في حجيره الغوص بعد ما دنكن عطاه تنفس اصطناعي بقاء كريس على قيد الحياه كان معجزه حتى هو ما كان مصدق انه رجع يفتح عيونه مره ثانيه كان طبعا لحظتها دايخ وعقله شبه غايب لكنه بدا يستعيد نفسه شوي شوي وبدا يدرك الاشياء اللي حوله واول شيء شافه كان صاحبه دنكن اللي واقف فوقه وهو يبكي من الفرحه ديفيد اللي كان بعده في الماي هو بعد طلع لفوق ومباشره دونكن ساعده عشان ينزع الخوذه وحتى ديفيد البارد واللي ما عنده اي عواطف كان فرحان لما شاف كريس يتنفس فس وبعده على قيد الحياه كان يتوقع انه نقل جثه فما كان مصدق اللي يشوفه كان في قمه الصدمه الطاقم في السفينه كانوا يتابعون الوضع من خلال الشاشات والمشرف كريج على طول لما شاف الامور استقرت سال دانكن عن وضع كريس فدانكن جاوبه بفرحه كريس بخير كريس بخير قاعد يتنفس وكل شيء تمام المشرف بعدها صار يكلم كريس مباشره وساله ها كيفك يا صاحبي كل شيء تمام فكريس رفع ابهامه باشاره اوكي وكان على مبدو انه اموره طيبه كل الطاقم طبعا كانوا فرحانين ومستانسين ان كريس لازال حي وصاروا يحضنون بعض من الفرحه وعلى طول بعدها بداوا يسحبون حجيره الغوص باتجاه السفينه ورجعت الحجيره لسطح السفينه مره ثانيه طبعا الحين مثل ما شرحت لكم قبل ما ينفع الغواصين يطلعون من الحجيره على طول لان الضغط داخل وبرا مختلف تماما بيموتون لو فتحوا باب الحجيره فمره ثانيه رجعوا وشبكوا او وصلوا الحجيره بكبسولات الضغط وفتحوا الباب اللي بينهم فانتقلوا الغواصين من الحجيره الى الكبسولات ورغم كل شيء صار لازم الحين الغواصين يقضون اربعه ايام داخل الكبسولات ويخففون عليهم الضغط بشكل تدريجي لحسن الحظ كانت في كبسولات ثانيه متصله بهذه الكبسوله اللي هم فيها وممكن فتح الابواب بين الكبسولات ففرق الغوص الثانيه كانوا موجودين في الكبسولات المتصله بكبسوله فريقنا والفرق الثانيه كانوا فيها مسعف ففتحوا البوابه اللي تربط بين هالكبسولات ودخل المسعف من كبسولته الى كبسوله كريس واصحابه والمسعف فحص كريس وطمن على وضعه وفعلا كانت اموره سليمه وما كان محتاج لاي شيء بس محتاج يرتاح كانت هذه بروحها معجزه ثانيه يعني مش بس نجا ما نصاب باي خلل في الدماغ او اعاقه داخليه وجسده كان في احسن حال المسعف يقول بعد انه صار بينه وبين كريس حوار اثر فيه واثار عواطفه هوصل لما كريس كلمه عن انه لما كان ياخذ انفاسه الاخيره تحت الماي خلاص يعني كان متقبل الموت متقبل ان روحه راح تطلع بعد ما الطاقم ضبطوا كل الامور وايضا رجعوا الغواص الصغيره اللي تشتغل بالتحكم عن بعد بدات رحله العوده للمفا لميناء ابردين والغواصين مثل ما قلنا راح يقضون اربعه ايام في الكبسولات واللي هي فتره تخفيف الضغط خلال هذه الايام وصل الخبر لموراق خطيبه كريس وطبعا قلبها طاح يعني من الصدمه ومن اللي سمعته وصلت السفينه للمفا وبعد ما خلصت فتره تخفيف الضغط طلعوا كريس واصحاب الغواصين من الكبسولات والكل احتفوا بهم واحتفوا بنجاه كريس الاعجازيه ولليوم ما في تفسير علمي قاطع للي صار وكيف كريس نجى لمده 30 دقيقه بدون اكسجين لكن في نظريات الشيء الاول ان الاكسجين اللي كان يتنفسه كريس كان مختلف الاكسجين اللي يتنفسونه الغواصين في هذه الاعماق مختلف في الواقع وهذه من النقاط اللي ما شرحناها عن غوص التشبع على السطح الهواء اللي احنا نتنفسه هو في الواقع مزيج من غازات النيتروجين والاكسجين لكن هذا المزيج يتحول لمزيج سام لجسم الانسان لما غواصين التشب ينزلون للاعماق السحيقه هذه فالهواء اللي يتنفسونه غواصين التشبع هو في الواقع مزيج من غازات الهيليوم والاكسجين فهذا المزيج يشبع خلايا الجسم واعضاء الداخليه بالاكسجين اكثر من المزيج العادي اللي احنا نتنفسها على السطح فكان جسم كريس من الداخل متشبع بالاكسجين الشيء الثاني مثل ما قلنا درجه الحراره في هذا العمق توصل لاربعه سيريزيه يعني المكان بارد جدا وهو تحت الماي فالب البروده على طول تدخل في الجسم ومع وجود غاز الهيليوم في الهواء اللي هو يتنفسه البروده انتشرت في جسمه بسرعه كبيره لان غاز الهيليوم يساعد بشده على انخفاض درجه حراره الجسم وانخفاض درجه الحراره يبطئ الوظائف الحيويه للجسم بشكل كبير كانه دخل في حاله سبات عميق فلما تبطا الوظائف الحيويه يقل استهلاك الاكسجين بشكل كبير يعني البروده كانها قفلت على خلاياه واعضاء الداخل خيه وفي نفس الوقت لان خلاياه كانت متشبعه بالاكسجين قدر جسمه انه يبقى على قيد الحياه بس طبعا كل هذا الكلام هو نظريه لان حتى مع هذه التفسيرات تظل نجاته لمده 30 دقيقه بدون اي اكسجين شيء اعجازي فسبحان الله اللي كتب له عمر جديد في النهايه كريس وخطيبته موراق تزوجوا واصحابه طبعا كانوا حاضرين وعلى راسهم دنكن معلمه وابوه الثاني وكان يوم فرحه وسعاده للكل العجيب ان بعد ثلاث اسابيع من الحادثه هذه كريس وديفيد ودونكن رجعوا مره ثانيه للغوص في بحر الشمال وعادي كريس كمل حياته وشغله طبيعي رغم التجربه الصادمه اللي عاشها ولهني نكون وصلنا لنهايه قصتنا اذا عجبتكم كالعاده لا تنسوا زر اللايك واشتركوا في القناه وفعلوا زر الجرس وهذه بعد قصص سابقه ممتعه تقدرون تشوفونها شكرا لكم على المتابعه اشوفكم في الفيديو الجاي ومع السلامه