قارة إفريقيا الموقع والكشوف الجغرافية الصف الأول الإعدادى دراسات اجتماعية

اهلا بكم اولى اعدادي ومعانا النهارده اول درس عندنا في الترم الاول بعنوان قاره افريقيا الموقع والكشوف الجغرافيه قاره افريقيا ايوه هنتكلم السنه دي عن قاره افريقيا وهنعرف مع بعض معلومات كتيره عنها طب اشمعنى قاره افريقيا دي بالذات اللي انت هتتكلم عنها واحنا عندنا قارات ثانيه كتير غيرها اقول لك انت ناس ان مصر بلدنا موجوده هنا كده في الحته دي يعني موجوده في قاره افريقيا يعني دي القاره بتاعتنا اللي انا وانت بنعيش فيها علشان كده بنقول عليها قارتنا الافريقيه يعني القاره بتاعتنا فقال لك بقى انا عايزك تعرف شويه معلومات عن القاره بتاعتكم معلومات زي ايه قال لك اول معلومه تعرفها ان القاره بتاعتك ديت قاره قديمه مش جديده يعني من قارات العالم القديم فاكر لما قلنا قبل كده ان قارات العالم القديم هم اسيا وا افريقيا واوروبا يعني دول الثلاث قارات اللي الانسان اول ما عاش على الارض عاش فيهم الاول وما كانش يعرف ان في قارات واماكن ثانيه يقدر يعيش فيها اصلا اهي قاره افريقيا بتاعتنا دي بقى واحده من القارات القديمه ودي اول معلومه لازم نعرفها انها قاره من قارات العالم القديم ولو بصينا على مكانها كويس هنلاقيها موجوده في النص بين اسيا واوروبا يعني تقع وسط قارات العالم القديم ودي ثاني معلومه لازم اعرفها عن القاره بتاعتنا يبقى احنا كده عرفنا كم معلومه اثنين انها قاره من قارات العالم القديم وكمان تقع وسط قارات العالم القديم طيب بيقول لك بقى لما تيجي كمان تشوف القارات وترتب من اكبر قاره لاصغر قاره هتلاقي قاره افريقيا دي رقم اثنين بعد قاره اسيا لان قاره اسيا دي اكبر قاره في العالم اهي قاره افريقيا دي ثاني اكبر قاره في العالم بعد مين بعد اسيا يبقى ثالث معلومه عندي انها ثاني قارات العالم من حيث المساحه بعد اسيا يعني رقم اثنين طب هي مساحتها قد ايه اصلا اقول لك 30.4 مليون ك م مربع الرقم ده تقريبا 20% من مساحه القارات يعني لو حطينا القارات على بعضهم قاره افريقيا هتشك 20% منهم يبقى مساحتها 30.4 مليون ك م مربع يعني بيساوي 20% من مساحه القارات وهم دول اول ثلاث معلومات لازم تعرفهم وتكتب ورايا اول معلومه ان القاره بتاعتنا دي قاره من قارات العالم القديم وتقع وسط قارات العالم القديم وثاني قارات العالم من حيث المساحه بعد قاره اسيا طب هو عنوان درسنا كان بيقول ان احنا هنتكلم عن ايه بالظبط في قاره افريقيا اقول لك عن حاجتين اثنين بس اول حاجه الموقع بتاعها فين يعني هي موجوده فين وتاني حاجه حاجه اسمها الكشوف الجغرافيه اللي حصلت فيها يعني ايه يعني هنعرف مين اللي هيكتشفوا ويعرفوا كل حاجه عنها وازاي حاولوا يوصلوا لكل حته فيها دي اسمها الكشوف الجغرافيه المهم هنبدا الاول بكلامنا عن الموقع موقع قاره افريقيا بس استنى فاكر لما قلت لك قبل كده لما يسالني ويقول لي موقع اي حاجه احنا عندنا كم نوع من الموقع في الدراسات اثنين موقع اسمه الموقع الجغرافي وموقع اسمه الموقع الفلكي اهو انا بقى عاوزك تعرف لي الموقع الجغرافي لقاره افريقيا وكمان تعرف لي الموقع الفلكي طب بس انا ناسي يعني ايه الموقع الجغرافي ويعني ايه الموقع الفلكي اقول لك الموق المقع الجغرافي ده انت بتجيب الخريطه وبتشوف ايه بالظبط الحاجات اللي حواليها الميه واليابس يعني الموقع بالنسبه لليابس والماء يلا حط لي الحاجات اللي حواليها علشان اعرف ايه بالظبط الميه واليابس اللي موجودين حواليها اقول لك دي قاره اوروبا والبحر ده اسمه البحر المتوسط ودي قاره اسيا والبحر ده اسمه البحر الاحمر وده اسمه المحيط الهندي اما اللي على ايدي الشمال ده اسمه المحيط الاطلنطي كده انا كتبت كل لليابس والميه اللي موجودين حوالين القاره بتاعتنا طب علشان بقى اقول الموقع الجغرافي بتاع قاره افريقيا اعمل ايه اقول لك فاكر الاتجاهات الاصليه اه شمال جنوب شرق غرب يلا حطهم هنا وقول لي ايه اللي موجود في الشمال وايه اللي موجود في الجنوب وايه اللي موجود في الشرق وايه اللي موجود في الغرب يبقى لما اجيب الاتجاهات الاصليه يعني شمال جنوب شرق غرب هلاقي في الشمال يعني فوق هلاقي البحر المتوسط البحر المتوسط ده موجود فوق يعني فوق قاره افريقيا بيفصل عن ايه اقول له بيفصل عن القاره اللي فوق بيفصل عن قاره اوروبا طب في الجنوب قال لك ما تقولش جنوب ليه قال لك لان الميه بتاعه المحيط الهندي والميه بتاعه المحيط الاطلنطي الميتين بتاعه المحيط ده والمحيط ده مقابلين بعض عند تحت وانت ما عندكش حته عريضه تحت هي عامله زي بوز المثلث كده فما بنقولش الجنوب في قاره افريقيا ماشي طب في الشرق يعني على ايدي اليمين اقول لك عندك ده البحر الاحمر وده المحيط الهندي طب البحر الاحمر والمحيط الهندي دول فصلوا افريقيا عن مين جنبها فصلوها عن قاره اسيا طب في الغرب بقى ايه اللي موجود على ايدك الشمال هنا اقول له هنا المحيط الاطلنطي طب المحيط الاطلنطي ده بيفصل عن مين اقول لك هنا كده هتلاقي قارتين قاره امريكا الشماليه وامريكا الجنوبيه اهو المحيط الاطلنطي ده بيفصل عن القارتين دول عن قاره امريكا الشماليه وقاره امريكا الجنوبيه يبقى احنا كده عرفنا الموقع الجغرافي يعني عرفنا اليابس والميه اللي حوالين قاره افريقيا بتاعتنا وجبنا الاتجاهات الاصليه فلقينا فوق يعني من الشمال البحر المتوسط اللي بيفصل عن مين عن قاره اوروبا في الجنوب ما بنقولش جنوب فيها طب في الشرق اقول له عندي حاجتين بحر احمر ومحيط هندي والاثنين دول بيفصلو عن القاره اللي جنبها اللي هي قاره اسيا طب من الغرب اقول له عندي المحيط الاطلنطي وده اللي بيفصل عن القارتين بتوع امريكا الشماليه وامريكا الجنوبيه طب الموقع ده حفظ اقول لك حفظ جدا ده بيجي لك في الامتحانات اسئله كتير جدا يحد افريقيا من الشمال البحر ايه اقول له المتوسط طب من الشرق انهي بحر اقول له بحر احمر طب من الغرب اقول له محيط اطلانطي طب مين بيفصل ايه عن ايه بيسالك فيها كتير طب لو انا وانت ركزنا قوي على قاره افريقيا في الحته دي هنلاقي ان قاره افريقيا بتقرب قوي من قاره اوروبا وكمان الحته دي هنلاقي برده قاره افريقيا بتقرب قوي من قاره اسيا طب الحته دي والحته دي اسمهم ايه اقول لك احنا واخدينه السنه اللي فاتت الحته دي بنقول عليها مضيق جبل طارق والحته دي بنقول عليها مضيق باب المندب يبقى انا عندي تقترب افريقيا من قاره ايه وقاره ايه من قاره اوروبا ومن قاره اسيا من قاره اوروبا عند مضيق جبل طارق وبتقرب من قاره اسيا عند مضيق باب المندب طب احنا كده عرفنا ان هي بتقرب طب ما بتتصلش باي قاره اقول لك تصل باسيا باسيا فين اقول لك هنا كده في الحته دي الحته دي اللي هي ايه اقول لك دي شبه جزيره سيناء اللي هي جزء من مصر بلدنا يبقى تتصل افريقيا باسيا عن طريق شبه جزيره سيناء تخيل بقى شبه جزيره سيناء ديت اي حاجه دخلت قاره افريقيا من قاره اسيا دخلت من عن طريقها ازاي قال لك دخل عن طريقها لمصر وافريقيا بعض الثقافات والحضارات اللي جت من اسيا ما احنا ق قلنا ان افريقيا متصله باسيا عن طريقها فكل الثقافات والحضارات اللي هتيجي من اسيا هتخش منين هتخش من شبه جزيره سيناء طب زي ايه الثقافات والحضارات اللي دخلت من شبه جزيره سيناء لمصر بلدنا وافريقيا اقول لك زي الحضاره الاسلاميه انت ناسي ان المسلمين جوم بالجيوش بتاعتهم ودخلوا من شبه جزيره سيناء ودخل الاسلام مصر وبعد ما الاسلام دخل مصر هينتشر في افريقيا يبقى عن طريق شبه جزيره سيناء دخل لمصر وافريقيا بعض الثقافات والحضارات زي الحضاره الاسلاميه وكمان برده دخل عن طريقها لمصر وافريقيا الحملات العسكريه الحملات العسكريه ايوه الجيوش اللي جت ايام زمان لما نيجي نقرا ونشوف في التاريخ هنلاقي جيوش كتير جدا جت من اسيا دخلوا مصر بلدنا طبعا دخلوا منين اقول له برده دخلوا عن طريق شبه جزيره سيناء طب ده معناه ايه ده معناه لو انا عايز احافظ على امن مصر وامن افريقيا لازم مين تبقى متامنه كويس شبه جزيره سيناء يعني وبالتالي الحفاظ على امن سيناء ضروره للحفاظ على الامن القومي المصري والافريقي يبقى احنا كده عرفنا ان شبه جزيره سيناء دي دخل عن طريقها لمصر وافريقيا حاجتين ثقافات وحضارات زي الحضاره الاسلاميه وحملات عسكريه يبقى كده شبه جزيره سيناء لها اهميه ولا مالهاش اقول له طبعا لها لها اهميه حضاريه لان عن طريقها دخل لمصر وافريقيا بعض الثقافات والحضارات زي الحضاره الاسلاميه ولها اهميه اس استراتيجيه لقاره افريقيا لانه برده عن طريقها دخل لمصر وافريقيا الحملات العسكريه يعني الجيوش وبالتالي الحفاظ على امن سيناء ضروره علشان احافظ على الامن القومي سواء المصري او الافريقي عايزك تركز جدا في اهميه شبه جزيره سيناء الحضاريه لقاره افريقيا والاهميه بتاعه شبه جزيره سيناء الاستراتيجيه لقاره افريقيا علشان لما حد يسالك في الامتحان ويقول لك قول الاهميه الحضاريه لشبه جزيره سيناء اقول له دخل عن طريقها لمصر وافريقيا بعض الثقافات والحضارات زي الحضاره الاسلاميه اما بقى لو قال لك الاهميه بتاعه سيناء الاستراتيجيه لقاره افريقيا اقول له دخل عن طريقها لمصر وافريقيا الحملات العسكريه وبالتالي الحفاظ على امن سيناء ضروره علشان احافظ على الامن القومي سواء لمصر وافريقيا يعني لو عايز اعيش في امان في افريقيا ومصر لازم تبقى مين في امان شبه جزيره سيناء وك احنا عرفنا الموقف الجغرافي بتاع قاره افريقيا عرفنا ان احنا عندنا من الشمال البحر المتوسط وده اللي بيفصل عن قاره اوروبا وعرفنا كمان ان في الشرق عندي حاجتين بحر احمر ومحيط هندي ودول بيفصلو عن القاره اللي جنبها اللي هي قاره اسيا اما في الغرب محيط اطلنطي وده اللي بيفصل عن امريكا الشماليه وامريكا الجنوبيه بعد كده عرفنا ان هي بتقرب من اوروبا واسيا من اوروبا عند مضيق جبل طارق ومن اسيا عند مضيق باب المندب بس بتتصل باسيا عند مين عند شبه جزيره سيناء طب شبه جزيره سيناء دي كانت السبب في ان كل حاجه تدخل افريقيا جايه من اسيا تدخل عن طريقها طب الموقع بقى اللي انت قاعد تتكلم عنه ده اللي هو الموقع الجغرافي وقلت له كل البحار والمحيطات والقارات اللي حوالين القاره بتاعتنا الموقع ده بقى عمل ايه يعني ما النتائج المترتبه على الموقع الجغرافي لقاره افريقيا يعني ايه اللي حصل لما بقت افريقيا جنب الحاجات دي كلها اقول له ادى الى تحكمها في طرق الملاحه العالميه يعني بقت بتتحكم في وكل السفن اللي راحه واللي جايه شايله بضايع وبتعمل تجاره دي اسمها الملاحه العالميه قاره افريقيا بتاعتنا بتتحكم فيها يبقى ادى الى تحكمها في طرق الملاحه العالميه يبقى من النتائج المترتبه على الموقع الجغرافي يعني الموقع بالنسبه لليابس والماء وكل القارات والمحيطات اللي حواليها اقول له ده ادى الى تحكمها في طرق الملاحه العالميه السؤال ده حفظ كده احنا خلصنا كلامنا عن الموقع الجغرافي وعرفنا ايه الحاجات اللي حواليها بالنسبه بقى للموقع الفلكي هو ايه الموقع الفلكي ده عشان انا نسيته اصلا اقول لك ده الموقع بالنسبه لخطوط الطول ودوائر العرض يعني ايه مش فاهم اقول لك اي خريطه بيبقى مرسوم عليها خطوط وكمان دواير الخطوط دي عليها ارقام مين اللي حطها مش انا وانت العلماء مرقمين خطوط الطول وكمان مرقمين دوائر العرض فمطلوب منك تشوف الخط اللي على يمين قاره افريقيا رقمه كام والخط اللي على شمالها رقمه كام وكمان تشوف الدايره اللي فوق دي رقمها كام والدايره اللي تحت دي رقمها ها كام يعني انا وانت هنقرا بس الارقام اللي موجوده وخلاص فقال لك الخط ده رقمه 51 شرقا والخط ده رقمه 17 غربا جبت الارقام دي منين اقول لك الارقام دي موجوده على الخريطه انا وانت بنقراه بس طب الدايره اللي فوق دي رقمها كام قال لك 37 وص شمالا طب اللي تحت قال لك 34.5 جنوبا يبقى لما حد يسالني ويقول لي قاره افريقيا تقع بين خط كام وخط كام اقول له 51 شرقا و17 غربا طب بين دايره رقمها كام ودايره رقمها كام اقول له بين دايره 37 ونص شمالا ودايره رقمها 34 ونص جنوبا طب خلي بالك عندك هنا في خط اسمه خط جرينتش خط جرينتش ده اهم خط من خطوط الطول لان الخط ده اللي بنبدا نعد من عنده لقينا الخط ده معدي عندنا في قاره افريقيا يبقى اول معلومه لازم اعرفها في الموقع الفلكي للقاره بتاعتنا انه بيمر فيها خط جرينتش يعني خط الطول الرئيسي بيع فيها ودي اول معلومه ثاني معلومه بالنسبه لدوائر العرض فاكر دائره الاستواء اه قال لك بتعدي هنا كده في قاره افريقيا تحت الحته اللي فيها الثانيه دي يبقى عندنا كده دائره الاستواء بتعدي في قاره افريقيا ايوه طب دائره الاستواء دي لو انت لاحظت قسمت قاره افريقيا كام نص قال لك جزء فوق وجزء تحت طب انه اللي اكتر اللي فوق ولا اللي تحت اقول لك اللي فوق اللي فوق ده للتين مساحتها واللي تحت يا دوب تلث يبقى احنا كده عندنا في قاره افريقيا تتنها في نصف الكره الشمالي والثلث تحت في نصف الكره الجنوبي الكلام ده مين اللي عمله دائره الاستواء اللي العلماء رسموها وحطوها في الحته دي يبقى احنا عندنا كده دائره الاستواء خلت لي قاره افريقيا ثلثين مساحتها في نصف الكره الشمالي والثلث تحت يعني في نصف الكره الجنوبي طب دائره الاستواء دي دائره عاديه اقول لك لا دي من دوائر العرض الرئيسيه ده دي اللي بنعد من عندها اصلا دوائر العرض قال لك بقى عندك كمان جوز دواير رئيس بيعدوا عندك في قاره افريقيا فاكر مدار السرطان ومدار الجدي بيعدوا هم كمان في افريقيا ده مدار السرطان وده مدار الجاديه يبقى انا كده عندي في قاره افريقيا بيمر فيها كم دايره عرض رئيسيه يعني من اشهر دوائر العرض عندي ما انا عندي دوائر عرض رئيسيه اقول له ثلاثه بيعدوا عندنا دائره الاستواء ومدار السرطان ومدار الجاديه طيب المعلومات كلها اللي احنا عرفناها عن الموقع الفلقي لقاره افريقيا ده هيعمل ايه يعني يعني ما النتائج المترتبه على الموقع الفلكي لقاره افريقيا اقول لك استنى انت عندك دائره الاسواق بتعدي في افريقيا ودائره الاسواق دي اكتر حته حر في العالم يبقى انت كده عندك حته حر جدا جدا جدا في قاره افريقيا قال لك بقى كل ما تسيب دائره الاسواق وتطلع لفوق او تنزل لتحت درجه الحراره بتقل طب هو انا ممكن اطلع فوق قد ايه وانزل تحت قد ايه هقول لك هتفضل طالع لحد ما توصل للدائره دي وتنزل لحد ما توصل للدائره دي طب لو جمعت شويه الدوائر اللي فوق على شويه الدوائر اللي تحت هيبقى عندي كام دايره اقول لك يبقى عندك اكت من 70 دائره عرض خلي بالك احنا عندنا ثلاث دوائر عرض رئيسيه بيعدوا في افريقيا وعندنا اكت من 70 دائره عاديه اصلا موجودين لما اجي اجمع الدوائر العرض اللي فوق ودوائر العرض اللي تحت اللي العلماء حطوها هلاقي عندي اكت من 70 دائره عرض طب ده يعمل ايه قال لك ده خى ان انت عندك اماكن حار قوي واماكن مش حار قوي يعني مناخ متنوع فيبقى من النتائج المترتبه على الموقع الفلكي لقاره افريقيا اقول له ادى الى تنوع المناخ بها خلى فيها مناخ متنوع فيها اماكن حر واماكن مش حر قوي طب لما المناخ يتنوع ايه اللي ممكن يحصل اقول لك النباتات هتتنن باتات هتختلف انت عندك نباتات هتطلع في الحر غير النباتات اللي هتطلع في المناطق المعتدله كمان الحيوانات في حيوانات بتعيش في الحر في حيوانات بتعيش في المناطق المعتدله حتى المحاصيل الزراعيه اللي انا وانت بنزرع علشان ناكلها برده هتختلف لان في محاصيل بتتزرع في الاماكن الحاره عند دائره الاستواء وفي محاصيل ثانيه مش بتتزرع في الاماكن الحاره وبتت ازرع في الاماكن المعتدله يبقى الموقع الفلكي ادى الى تنوع المناخ بها وبالتالي تنوع النباتات الطبيعيه والحيوانات والمحاصيل الزراعيه اني كده الموقع الفلكي عمل ايه اقول له ادى الى تنوع المناخ بها وبالتالي تنوع النباتات الطبيعيه والحيوانات والمحاصيل الزراعيه ده انا عندي اكت من 70 دائره عرض كل اما اقرب من دائره الاستواء هلاقي الجو حر كل اما ابعد عن دائره الاستواء في قاره افريقيا هلاقي الجو بقى معتدل كده المناخ اتغير فالنباتات تتغير والحيوانات تختلف والمحاصيل الزراعيه تتغير يبقى اد الى التنوع المناخ بها وبالتالي تنوع النباتات الطبيعيه والحيوانات والمحاصيل الزراعيه طب احنا كده اتكلمنا عن الموقع ايه والموقع ايه الموقع الجغرافي والموقع الفلكي اكتر سؤالين احفظهم في الموقع الجغرافي والفلكي للقاره بتاعتنا ايه اقول لك السؤالين بتوع ما النتائج ما النتائج المترتبه على الموقع الجغرافي لقاره افريقيا وما النتائج المترتبه على الموقع الفلكي لقاره افريقيا في الموقع الجغرافي اقول له ادى الى تحكمها في طرق الملاحه العالميه اما في الموقع الفلكي اقول له ادى الى تنوع المناخ بها وبالتالي تنوع النباتات الطبيعيه والحيوانات والمحاصيل الزراعيه دول من اهم الاسئله اللي عندي كده احنا عرفنا موقع قاره افريقيا الجغرافي وكمان الفلكي طب هو الموقع ده مهم اقول لك مهم جدا ده انا عندي له ثلاث اهميات موقع قاره افريقيا له ثلاث اهميات اه في اهميه استراتيجيه استراتيجيه يعني ايه يعني مهم في كل الاوقات سواء كان في حرب او ما فيش حرب في اي وقت مهم ومهم كمان اقتصاديا اقتصاديا ايوه بالنسبه للتجاره والبيع والشراء مهم جدا وكمان مهم حضاريا يبقى موقع قاره افريقيا مهم ولا مش مهم اقول له مهم جدا مهم استراتيجيا واقتصاديا وحضاريا في كل واحده من دول تسال نفسك سؤال ايه الاهميه الاستراتيجيه مثلا لموقع قاره افريقيا اقول لك الاهميه الاستراتيجيه يعني مهمه في كل الاوقات لانها تشرف على اهم الممرات المائيه مش احنا قلنا ان عندها مضيق اسمه مضيق جبل طارق ومضيق ب بال المندب وكمان عندنا في مصر قناه سويس ايوه قال لك الثلاثه دول دول اهم الممرات المائيه دول خلوا موقع القاره بتاعتنا مهم استراتيجيا يبقى لما حد يسالني ويقول لي بما تفسر الاهميه الاستراتيجيه لموقع قاره افريقيا اقول له لانها تشرف على اهم الممرات المائيه ايه يا عم الممرات اللي عندك اقول له مضق جبل طرك على مضق باب المندب على قناه سويس طب الاهميه الاقتصاديه تعرف تقول لي ليه موقع قاره افريقيا مهم اقتصاديا خاص بالتجاره وكده اقول لك ايوه طبعا قاره افريقيا ليها اهميه اقتصاديه بسبب موقعها الجغرافي وموقعها الفلكي موقعها الجغرافي والفلكي اللي احنا لسه متكلمين عنه ايوه طب فاكر السؤالين اللي انا قلت لك احفظهم اه من النتائج المترتبه على موقعها الجغرافي ده ادى الى تحكمها في اهم طرق الملاحه العالميه طب موقعها الفلكي ده ادى الى تنوع المناخ بها وبالتالي تنوع النباتات الطبيعيه والحيوانات والمحاصيل الزراعيه انت من ساعتها بتقول لي خلي بالك من السؤالين دول اهو كده انت عرفت ليه علشان احنا هنكتبه هنا فلما يجي يقول لك الاهميه الاقتصاديه لموقع قاره افريقيا اقول له بسبب موقعها ايه وموقعها ايه اقول له بسبب موقعها الجغرافي وموقعها الفلكي موقعها الجغرافي ده ادى الى تحكمها في اهم طرق الملاحه العالميه اما بقى موقعها الفلكي ده ادى الى تنوع المناخ بها وبالتالي تنوع النباتات الطبيعيه والحيوانات والمحاصيل الزراعيه يبقى سؤالين ما النتائج المترتبه على الموقع الجغرافي والموقع الفلكي لقاره افريقيا بنجيبهم ونكتبه هنا في الاهميه الاقتصاديه طب بالنسبه بقى للاهميه الحضاريه الاهميه الحضاريه يعني هل في حضارات قامت في قاره افريقيا اقول لك ايوه طبعا ده قامت على ارضها اقدم الحضارات اللي في العالم كفايه الحضاره بتاعتنا الحضاره المصريه القديمه اللي عند نا في مصر طب ايه الحضارات الثانيه اقول لك عندنا حضاره كوش اللي في السودان وواخدين قبل كده يبقى في السودان قامت حضاره اسمها حضاره ايه كوش طب في حضاره اول مره نسمع عنها اسمها اكسوم اكسوم اوه دي كانت في اريتريا واثيوبيا يبقى حضاره اكسوم دي كانت فين اقول له في اريتريا واثيوبيا عندنا كمان حضاره قرطاج فين حضاره قرطاج دي اقول لك في تونس كل دي حضارات قامت فين قامت في قاره افريقيا يبقى هي كده مهمه حضاريا ولا مش مهمه حضاريا طبعا مهمه لانها قامت على ارضها اقدم الحضارات في العالم ولازم احفظ كل حضاره قامت في انهي بلد بالظبط فعند الحضاره المصريه القديمه كانت عندي في مصر وحضاره كوش اقول له في السودان وحضاره اكسوم في اريتريا واثيوبيا وحضاره قرطاج اقول له في تونس خلي بالك لانه بيسالك الحضاره دي قامت في انهي دوله فلازم ابقى عارف ان قرطش في تونس اكسوم ديف اثيوبيا اما كوش دي في السودان والحضاره المصريه طبعا عندنا في مصر دي اهميه موقع قاره افريقيا الاستراتيجي والاقتصادي وكمان الحضاري طب كده احنا خلصنا كلامنا عن اول حاجه في الدرس بتاعنا وهو الموقع عرفنا الموقع الجغرافي والفلكي وكمان عرفنا ان الموقع ده مهم جدا من حيث ثلاث حاجات طب بالنسبه بقى للجزء الثاني من الدرس بتاعنا واللي بيكلمني عن حاجه اسمها الكشوف الجغرافيه يعني عاوزك تعرف مين بالضبط اللي حاول يكتشف ويعرف تفاصيل القاره دي طب ههم مين صحيح اللي كان لهم دور في اكتشاف القاره بتاعتنا اقول لك عندنا ثلاثه مصر بلدنا كان ليها دور في اكتشاف قاره افريقيا العرب كان لهم دور في اكتشاف قاره افريقيا الاوروبيين كان لهم دور في اكتشاف قاره افريقيا يبقى لما نيجي نتكلم عن الكشوف الجغرافيه لقاره افريقيا ونشوف مين اللي كان لهم دور في اكتشافها هنتكلم عن ثلاثه عن دور مصر ودور العرب ودور الاوروبيين ونبدا الاول نشوف مصر عملت ايه في اكتشاف قاره افريقيا قال لك مصر حاولت تكتشف القاره بتاعتنا اللي هي قاره افريقيا منذ القدم منذ القدم من امتى يعني اقول لك من ايام اجدادنا المصريين القدماء يعني في عصر المصريين القدماء واجدادنا بيحاولوا يعرفوا ويشوفوا كل حاجه عن قاره افريقيا وكمان الوقتي يعني في العصر الحديث يبقى دور مصر بلدنا هيبقى في فترتين في فتره عصر اجدادنا المصريين القدماء وفي العصر الحديث طب تعال كده نشوف عصر المصريين القدماء مين بالظبط اللي هيهتم باكتشاف قاره افريقيا اقول لك احنا عندنا شخصيتين اول شخصيه واحد رحاله رحاله يعني ايه يعني واحد بيحب يسافر من مكان لمكان ويكتشف طب مين الرحله ده اقول لك واحد اسمه حرخوف حرخوف ايوه ده واحد من اجدادنا المصريين القدماء وكان رحاله بيسافر كتير جدا وبيحاول اكتشف البلاد الثانيه قال لك بقى حرخوف ده عمل اربع رحلات في قاره افريقيا نحو الجنوب يعني نزل لتحت وكان من اوائل المصريين اللي اكتشفوا اجزاء كتيره جدا في قاره افريقيا يبقى في عصر اجدادنا المصريين القدماء عندنا شخصيتين اول شخصيه اهتمت باكتشاف قاره افريقيا الرحاله حرخوف طب الرحاله ده عمل كم رحله في قاره افريقيا اربعه عملهم فين اقول له نحو هو الجنوب نزل لتحت وده كان من اوائل المصريين اللي اكتشفوا حاجات كتيره جدا في قاره افريقيا طب مين الشخصيه الثانيه في عصر اجدادنا المصريين القدماء اللي اهتم بقاره افريقيا اقول لك الملك نخاوي الثاني ده ملك من ملوك المصريين القدماء الملك ده عمل ايه قال لك ارسل بعثه للدوران حول قاره افريقيا بعثه ايوه يعني مجموعه من السفن قال لهم انا عاوزكم تمشوا جنب الشاطئ من هنا كده من عند البحر الاحمر وتفضلوا طوا ماشيين جنب الشاطئ كده وتلفه لي حوالين قاره افريقيا وتشوفوا هتوصل لايه قال لك فعلا ده حصل طلعت البعثه من البحر الاحمر وفضلت تلف حوالين قاره افريقيا لحد ما رجعت وعادت من المضيق ده اللي هو مضيق جبل طارق طب الرحله دي قعدت قد ايه قال لك قعدت ثلاث سنين علشان تقدر تلف حوالين قاره افريقيا يبقى ثاني شخصيه عندنا في عصر المصريين القدماء الملك نخاوي الثاني اللي ارسل بعثه دوران حول قاره افريقيا بدات منين ورجعت منين اقول له بدات من البحر الاحمر يعني من الشرق من هنا ولفت حوالين قاره افريقيا وعادت من مضيق جبل طارق يعني رجعت ودخلت من مضيق جبل طارق طب قعدت قد ايه اقول له قعدت ثلاث سنين دول الشخصيتين اللي كانوا في عصر اجدادنا المصريين القدماء واللي اهتموا جدا باكتشاف قاره افريقيا طب تعرف تقول ل الاماكن الافريقيه اللي وصل لها اجدادنا المصريين القدماء اقول لك ايوه طبعا اجدادنا وصلوا للسودان ووصلوا للقرن الافريقي ايه القرن الافريقي ده الحته دي اللي شبه القرن دي اللي هي دوله الصومال على جيبوتي ومعاها كمان دولتين ثانيين المهم الحته دي بنقول عليها القرن الافريقي اجدادنا وصلوا لها وكمان غرب افريقيا وكمان منابع النيل الاستوائيه يعني الاماكن اللي نهر النيل بيطلع منها عند دائره الاستواء اسمها منابع النيل الاستوائيه وكمان السواحل الافريقيه مش اجدادنا في عهد الملك نخاوي الثاني لفوا حوالين قاره افريقيا ايوه يعني كده اكتشفوا ووصلوا للسواحل الافريقيه يبقى انا عندي خمس اماكن افريقيه اجدادنا وصلوا لها السودان والقرن الافريقي وغرب افريقيا ومنابع النيل الاستوائيه والسواحل الافريقيه ده اللي حصل في عصر اجدادنا المصريين القدماء في اكتشافهم لقاره افريقيا طب في العصر الحديث بقى ايه اللي حصل قال لك بردك عندك شخصيتين حكموا مصر بلدنا هيهتم هم كمان باكتشاف قاره افريقيا مين اقول لك اول واحد محمد علي باشا محمد علي باشا ده حكم مصر تقريبا قول من 200 سنه فاته محمد علي ده ارسى الرحلات لاكتشاف منابع النيل كان مهتم جدا بانه يعرف النيل ده بيطلع منين بالظبط المنبع بتاعه فين فلما بعت الرحلات ديت قدروا يكتشفوا النيل الابيض النيل الابيض ده نهر بيصب ميته والميه بتاعته بتجن لحد ما توصل عندنا في نهر النيل بتاعنا يعني النيل الابيض ده جزء من نهر النيل ايوه يبقى ادى الى اكتشاف النيل الابيض وقدرت الرحله دي يرسموا خريطه للنيل حتى جنوب السودان بقى عندنا خريطه لنهر النيل لحد جنوب السودان يبقى ما النتائج المترتبه على ارسال محمد علي باشا رحلات لاكتشاف منابع النيل اقول له ادى الى اكتشاف النيل الابيض ورسم خريطه للنيل حتى جنوب السودان وده اول شخصيه في العصر الحديث تهتم باكتشاف قاره افريقيا بايه بالظبط في افريقيا اقول لك اهتم بمنابع النيل لان نهر النيل ده مهم جدا لمصر فكان عاوز يعرف منابع النيل فين بالظبط طب مين الشخصيه اللي بعده اقول له الخديوي اسماعيل وده برض حاكم لمصر مين الخديوي اسماعيل ده اقول لك حفيد محمد علي يعني ابن ابن محمد علي ده مسك حكم مصر بعد فتره من محمد علي ولما مسك حكم مصر هو كمان اهتم باكتشاف منابع النيل ووصل بحكمه الى جنوب دائره الاستواء قدر بالجيش المصري يوصل ويسيطر على حته كبيره جدا في افريقيا لحد جنوب دائره الاستواء يعني وصل بحكمه الى جنوب دائره الاستواء يبقى في العصر الحديث انا عندي شخصيتين محمد علي باشا وده بعت رحلات لاكتشاف منابع النيل وده ادى الى اكتشاف النيل الابيض ورسم خريطه للنيل حتى جنوب السودان يجي حفيده بعد كده يعني ابن ابنه الخديوي اسماعيل يمسك هو حكم مصر ويهتم هو كمان باكتشاف منابع النيل وقدر يوصل بحكمه الى جنوب دائره الاستواء يعني كان مسيطر على جزء كبير جدا في قاره افريقيا ده بقى دور مصر بلدنا في اكتشاف قاره افريقيا يبقى لما حد يسالك ويقول لك ايه دور مصر بلدكم في اكتشاف قاره افريقيا اقول له عندنا فترتين في عصر اجدادنا المصريين القدماء وفي العصر الحديث عندي هنا شخصيتين وعندي هنا برده شخصيتين الشخصيتين اللي في عصر المصريين القدماء الرحاله حرخوف اللي عمل اربع رحلات نحو الجنوب ومن اوائل المصريين اللي اكتشفوا القاره ديت عندنا الملك نخاو اللي بعد بعثه للدوران حول افريقيا هتبدا من البحر الاحمر وهترجع ثاني من مضق جبل طارق وقعدت ثلاث سنين وقدر اجدادنا يوصلوا لخمس اماكن في قاره افريقيا طب مين الشخصيتين اللي في العصر الحديث اقول لك محمد علي باشا اللي هيرسل رحلات لاكتشاف منابع النيل طب ايه اللي حصل لما بعت الرحلات دي يعني ما النتائج المترتبه على ارسال محمد علي باشا رحلات لاكتشاف منابع النيل اقول له اد الى اكتشاف النيل الابيض ورسم خريطه للنيل حتى جنوب السودان يجي بعد كده حفيده حفيد محمد علي يعني ابن ابنه الخديوي اسماعيل اللي برده هيهتم باكتشاف منابع النيل ووصل حكمه الى جنوب دائره الاستواء طب احنا كده خلصنا كلامنا عن دور مصر في اكتشاف قاره افريقيا طب يلا نشوف دور العرب في اكتشاف القاره بتاعتنا اللي هي قاره افريقيا ليه ههم العرب كان لهم دور اقول لك ايوه طبعا ده احنا كان عندنا الجغرافيه والرحاله العرب اللي اكتشفوا اجزاء كبيره جدا من قاره افريقيا وكمان كان عندنا القوافل العربيه التجار العرب اللي كان بيجوا يتاجروا في افريقيا وكمان عندنا الممالك الاسلاميه المدن الصغيره الاسلاميه اللي كانت موجوده في قاره افريقيا يبقى دور العرب عندي ثلاث حاجات الجغرافيون والرحاله العرب يعني الناس اللي بتسافر من مك مكان كانوا عرب واكتشفوا اجزاء كتيره جدا من قاره افريقيا وعندنا قوافل عربيه مجموعه مموعه من التجار كانوا بيجوا يتاجروا في قاره افريقيا وعندنا الممالك الاسلاميه بعض المدن الصغيره اللي كانت موجوده في قاره افريقيا طب كلمني الاول عن الجغرافيون والرحاله العرب زي مين اقول لك زي واحد اسمه ابن بطوطه وواحد اسمه المسعودي دول من اشهر الجغرافيون والرحاله العرب اشهر الناس اللي كانت بتمشي من مكان لمكان وتكتب عن الاماكن اللي بتزورها الاثنين دول جم افريقيا وكتبوا كتابات كتيره جدا عنها طب ابن بطوطه عمل ايه قال لك ابن بطوطه قام برحلات في شمال افريقيا مشى في شمال افريقيا بس قال لك لا واخترق الصحراء من الشمال الى الجنوب مشى في الصحرا من فوق لتحت لحد ما وصل الى مالي دوله مالي دوله مالي دي في النص في الصحرا تحت كده اقول لك حصل يبقى قام برحلات في شمال افريقيا وما سكتش لا ده اختر الصحراء من فوق لتحت يعني من الشمال للجنوب حتى وصل الى مالي كل الاماكن اللي زارها ابن بطوطه كتب عنها كتابات ووصفها كويس جدا يبقى قام برحلات في شمال افريقيا واخترق الصحراء من فوق لتحت يعني من الشمال للجنوب حتى وصل الى مالي طب المسعودي ده عمل ايه اقول لك ده من اوائل الرحاله العرب اللي زاروا قاره افريقيا وكتبوا حاجات كتيره عنها يبقى انا عندي الجغرافيون والرحاله العرب اكتشفوا اجزاء من ال قاره زي مين اقول له زي ابن بطوطه والمسعودي طب القوافل العربيه يعني التجار اللي بيجوا يتاجروا في قاره افريقيا اقول لك القوافل دي وصلت الى السودان والحبشه وجزر القمر وغيرها من بلاد كتيره ثانيه يبقى القوافل العربيه وصلت الى ايه اقول له السودان والحبشه وجزر القمر طب الممالك الاسلاميه يعني المدن الصغيره الاسلاميه اللي كانت موجوده في افريقيا قال لك المدن دي امتدت من السواحل الشرقيه للقاره يعني من على ايدك اليمين في القاره لحد نصها الى هضبه البحيرات الاستوائيه كل دي اماكن كان فيها ممالك اسلاميه مدن صغيره اسلاميه عايش فيها مسلمين وكمان عرب كانوا عارفين افريقيا وكتبوا حاجات كتيره جدا عنها كانوا موجودين في الممالك الاسلاميه دي يبقى الممالك الاسلاميه امتدت منين لفين اقول له امتدت من السواحل الشرقيه لقاره افريقيا طبعا الى هضبه البحيرات الاستوائيه في النص طب هو ما كانش فيه ممالك اسلاميه غير دول اقول لك كان فيه بعض الممالك في غرب القار يعني على ايدك الشمال بس مش كتير قوي المهم يبقى الممالك الاسلاميه امتدت من اللي فين من السواحل الشرقيه الى هضبه البحرات الاستوائيه وكان عندي بعض الممالك الاسلاميه في غرب قاره افريقيا ده دور العرب في اكتشاف قاره افريقيا يبقى لما حد يسالك ويقول لك ايه دور العرب اقول له عندي ثلاث حاجات الجغرافيون والرحاله العرب اللي اكتشفوا اجزاء من القاره زي ابن بطوطه والمسعودي ولو حد قال لك ابن بطوطه عمل ايه اقول له عمل رحلات في شمال افريقيا واخترق الصحراء من فوق لتحت يعني من الشمال للجنوب لحد ما وصل لمالي وكمان عند المسعودي وده من اوائل الرحاله العرب اللي زاروا افريقيا وكتبوا عنها حاجات كتيره جدا عند القوافل العربيه والتجار بتوعها اللي قدروا يوصلوا للسودان والحبشه وجزر الكمر وقدروا يحكوا يوصفوا حاجات كتيره جدا في قاره افريقيا عند الممالك الاسلاميه يعني بعض المدن الاسلاميه اللي امتدت من السواحل الشرقيه للقاره لحد هضبه البحرات الاستوائيه وكان برده عندي ممالك اسلاميه موجوده في غرب افريقيا ده دور العرب وخلي بالك هنا ممكن يجيل لك اسئله كتيره جدا جدا لمن تنسب الاعمال مثلا مين اللي قام برحلات في شمال افريقيا واخترق الصحراء لحد ما وصل الى مالي اقول له ابن بطوطه امال مين من اوائل الرحاله العربي اللي زار افريقيا اقول له المسعودي طيب الممالك الاسلاميه دي امتدت من السواحل الشرقيه الى ايه اقول له الى هضبه البحيرات الاستوائيه وطبعا كان عندي ممالك موجوده في غرب افريقيا كده احنا اتكلمنا عن دور العرب في اكتشاف قاره افريقيا يلا بقى نشوف دور الاوروبيين في اكتشاف قاره افريقيا بيقول لك لما تيجي تتكلم عن الاوروبيين هتتكلم الاول عن البرتغاليون لوحدهم وبعد كده تتكلم عن الانجليز والفرنسيين والهولنديين كل دول من دول قاره اوروبا اللي هيجوا يعملوا اكتشافات في قاره افريقيا طب استنى هنا هم البرتغاليون هيجوا امتى علشان يبداوا يحاولوا يكتشفوا قاره افريقيا اقول لك بداوا في اكتشاف قاره افريقيا في عهد الامير هنري الملاح بداوا محاولات اكتشاف قاره افريقيا الكلام ده حصل في القرن ال 15 يبقى البرتغاليون هيبدا في عهد الامير هينري الملاح محاولات لاكتشاف ايه اقول له في محاولات لاكتشاف افريقيا الكلام ده في القرن ال 15 طب ليه ايه اللي خلى البرتغاليين يجوا قال لك لمحاوله الوصول الى الهند عاوزين يوصلوا للهند الهند اشمعنى قال لك ايام زمان الهند دي كانت دوله غنيه جدا جدا جدا الاوروبيين كانوا بياخدوا حاجات كتيره جدا من الهند ينقلوها عندهم طب كانوا بينقلوا الحاجات دي ازاي قال لك كانوا بيجيبوا البضايع بتاعتهم في السفن لحد ما يخشوا كده البحر الاحمر وييجوا لحد خليج السويس عندنا هنا كده مثلا وكانت قناه السويس في الوقت ده لسه ما اتحفرت فكانوا المصريين ينقلوا لهم البضايع على سفن ثانيه واقفه في البحر المتوسط السفن اللي واقفه هنا تاخد البضايع وتوصلها لهم في اوروبا يبقى ايام زمان علشان توصل للهند لازم تعدي على مصر البرتغاليون بقى ما كانوش عايزين يعدوا على مصر عايزين يوصلوا للهند ومش عايزين يعدوا على مصر علشان ما يدفعو فلوس للمصر ماهو نقل البضاعه من البحر الاحمر للبحر المتوسط او العكس ده بفلوس لان قناه السويس ايام زمان ما كانش لسه اتحفرت فالبر تغالي عايزين يوصلوا للهند من غير ما يعدوا على مصر فقال لك احنا عايزين نكتشف طريق يلف حوالين افريقيا يبقى بدا البرتغاليون في عهد الامير هنري الملاح محاولات لاكتشاف افريقيا في القرن ال 15 ليه لمحاوله الوصول الى الهند عن طريق الدوران حول افريقيا طب الناس دي هتلف ازاي وهتجيب معلومات ازاي دول من قاره اوروبا ساكنين هنا كده في الحته دي يعرفوا ايه عن افريقيا قال لك استفادوا من كتابات العرب فاكر انت ابن بطوطه والمسعودي اه قال لك الجغرافيون العرب كانوا كاتبين كتابات كتيره جدا وكتب كتيره جدا عن قاره افريقيا جابوا الكتب دي وحاولوا يقروها علشان يشوفوا طريق يلفوا بيه حوالين قاره افريقيا وفعلا طلعوا كده من بلدهم ومسكوا الشاطئ وفضلوا ماشيين ماشيين ماشيين لحد ما وصلوا للحته دي الحته دي اسمها راس الرجاء الصالح واول ما عدوا ولفوا هجوم يبص لقوا نفسهم ووصلوا للهند يبقى كده هم وصلوا للهند عن طريق الدوران حول قاره ايه حول قاره افريقيا فسموا الطريق على اسم الحته دي يعني اسمه طريق راس الرجاء الصالح الكلام ده كان في نهايه القرن ال 15 بقى سنه 1498 بعد هنا للملاح بفتره يبقى اكتشف البرتغاليون طريق راس الرجاء الصالح اللي بيدور حوالين قاره ايه اللي بيدور حوالين قاره افريقيا طب بس استنى هنا انت جبت لي سيره الدوران ده قبل كده في عصر الملك نخاوي الثاني اقول لك ايوه احنا كنا عارفين الطريق ده قبل البرتغاليين ما يعرفوه بس طبعا التجاره كانت بتيجي من عندنا معقول هنروح نقول للناس على الطريق ده طبعا اكيد لا فاحنا ما كناش قايلين لحد على الطريق ده اصلا يبقى اجدادنا المصريين القدماء هو اول ناس يعرفوا الطريق ده بس ما كانوش قايلين لحد المهم في نهايه القرن ال 15 سنه 1498 اكتشف البرتغاليون طريق راس الرجاء الصالح طب بس استنى هنا الطريق ده كبير جدا انت بتمشي مسافه كبيره قوي علشان توصل للهند قال لك ما هم البرتغاليون بقى عملوا موانئ على الطريق ده ومراكز تجاريه علشان السفن اللي رايحه واللي جايه كل شويه تقف في مينا وتبيع وتشتري في المراكز التجاريه يبقى البرتغاليون اسسوا على طريق راس الرجاء الصالح حاجتين موانئ ومراكز تجاريه ليه لتامين الملاحه والتجاره الملاحه يعني حركه السفن والتجاره يعني البيع والشراء علشان السفن اللي رايحه واللي جايه تبقى متامنه كل شويه تلاقي مينا وكل شويه تلاقي مراكز تجاريه تبيع وتشتري فيها فالطريق يبقى متامن لان ده طريق طويل جدا يبقى احنا كده عرفنا ان البرتغاليون بداوا في عهد الامير هنار الملاح محاولات لاكتشاف افريقيا وده كان في القرن ال 15 ليه لمحاوله الوصول الى الهند عن طريق الدوران حول افريقيا طب هيستفاد من ايه قال لك جابوا الكتابات بتاعه العرب عن افريقيا واستفادوا منها ودرسها علشان يعرفوا هيمشوا ازاي وقال لك فعلا في نهايه القرن ال 15 سنه 1498 استطاعوا واكتشفوا طريق راس الرجاء الصالح يعني قدروا يوصلوا للهند من غير ما يعدوا على مصر بلدنا لفوا من حوالين قاره افريقيا عند الحته بتاعه راس الرجاء الصالح دي فسموا الطريق طريق راس الرجاء الصالح وقاموا مؤسسين عليه حاجتين خلي بالك الموانئ والمراكز التجاريه ايه الموانئ والمراكز التجاريه طب لو حد سالني وقال لي لماذا اسس البرتغاليون الموانئ والمراكز التجاريه على طريق راس الرجاء الصالح اقول له تامين الملاحه والتجاره ليه لتامين الملاحه وال تجاره علشان يامنه الملاحه والتجاره ف السفن تروح وتيجي وتقف كل شويه في مينا من اللي هم عاملينها على طريق راس الرجاء الصالح طب بالنسبه بقى للانجليز والفرنسيين والهولنديين دول برده من الاوروبيين يعني من قاره اوروبا قال لك ايوه قال لك دول بقى عملوا كشوف جغرافيه كتيره جدا في قاره افريقيا يعني توالت الكشوف لافريقيا قال لك لدرجه ان الاوروبيين دول كان لهم دور بارز جدا في اكتشاف منابع نهر النيل برده منابع نهر النيل اقول لك ايوه فكره انك تعرف منابع اطول نهر في العالم وتعرف الميه بتاعته بتيجي منين بالظبط دي حاجه مهمه جدا جدا جدا الاوروبيين كان لهم دور برده في اكتشاف منابع نهر النيل الكلام ده كان في نهايه القرن ال 18 وخلال القرن ال 19 كله يبقى لما اجي اتكلم عن دور الاوروبيين في اكتشاف قاره افريقيا انا عندي اثنين عند البرتغاليون اللي هيبدا في عهد الامير هنري الملاح محاولات لاكتشاف افريقيا في القرن ال 15 علشان كانوا عايزين يوصلوا للهند عن طريق الدوران حول افريقيا وقدروا في النهايه فعلا سنه 1498 يكتشفوا طريق راس الرجاء الصالح وقاموا مسسين عليه موانئ ومراكز تجاريه ليه لتامين الملاحه والتجاره عندنا كمان الانجليز والفرنسيين والهولنديين هيعملوا كشوفات كتيره جدا جدا جدا في قاره افريقيا لدرجه ان الاوروبيين كان لهم دور قوي جدا وبارز في اكتشاف منابع نهر النيل الكلام ده تحديدا في نهايه القرن ال 18 وخلال القرن ال 19 طب السؤال هنا ايه اللي خل الاوروبيين زي انجليز والفرنسيين والهولنديين وحتى البرتغاليين كل دول يسيبوا قاره اوروبا وييجوا يكتشفوا قاره افريقيا علشان بيحبونا مثلا اقول لك لا ده انت لو جالك سؤال وقال لك بما تفسر اهتمام اوروبا بالكشوف الجغرافيه لقاره افريقيا اقول له لنهب خيراتها واستغلال ثرواتها نعم يعني جايين يسرقوها ايوه يبقى لنهب خيراتها واستغلال ثروات علشان كده بقول على الدول الاوروبيه دي الدول الاستعماريه يعني الدول اللي سابت بلدها وجت تحتل بلاد ثانيه الدول دي جت قعدوا تسارعوا مع بعض على تقسيم افريقيا ونهب خيراتها واستغلال ثرواتها الدول الاستعماريه الاوروبيه عملت كده ايوه يبقى اوعى تقول لي ان اوروبا اهتمت بالكشوف الجغرافيه لقاره افريقيا علشان بتحبنا لا ده لنهب خيراتها واستغلال ثرواتها طب الدول الاستعماريه ده عملت ايه قال لك اتخانقوا مع بعض كانوا بيتخانقوا انا هاخد الحته دي انا هاخد الحته دي يبقى تسارعوا على تقسيم افريقيا ونهب خيراتها واستغلال ثرواتها قسموا افريقيا بالشكل اللي انت شايفه ده ايه ده كل دي دول موجوده في قاره افريقيا ايوه دي اسمها الخريطه السياسيه لقاره افريقيا لان الخريطه متقسمه لعده الدول فلما تبقى الخريطه متقسمه لدول بقول عليها الخريطه السياسيه يبقى الخريطه اللي قدامنا دي اسمها ايه الخريطه السياسيه لقاره افريقيا مين السبب في التقسيمه دي اقول له الدول الاستعماريه علشان لو سالك وقال لك بما تفسر تنقسم قاره افريقيا الى دول عديده مختلفه المساحه هتقول له بسبب تسارع الدول الاستعماريه على مين على قاره افريقيا يعني عليها لنهب خيراتها واستغلال ثرواتها يبقى بما تفسر تنقسم قاره افريقيا الى دول عديده مختلفه المساحه اقول له بسبب تسارع الدول الاست عماريه عليها لنهب خيراتها واستغلال ثرواتها ههم السبب في الشكل اللي انت شايفه ده طب سؤال هنا ما النتائج المترتبه على قيام الدول الاستعماريه بتقسيم افريقيا ونهب خيراتها ايه اللي حصل لما قسموها بالشكل ده وسرقوا خيرها اقول له جعل افريقيا تعاني من الفقر اكتر قاره فقيره في العالم قاره افريقيا رغم امتلاكها ثروات طبيعيه متعدده ده مليانه ثروات من اللي سرق الثروات دي كلها الدول الاستعماريه اللي جت وقسمتها ونهبت خيراتها واستغلت ثرواتها يبقى من النتائج المترتبه على قيام الدول الاستعماريه بتقسيم افريقيا ونهب خيراتها اقول له جعل افريقيا تعاني من الفقر رغم امتلاكها ثروات طبيعيه متعدده طب هو انا عندي كم دوله في قاره افريقيا كده لو جيت عديتهم اقول لك عندنا 54 دوله ال 54 دوله دول مش قد بعض يعني مختلفين في المساحه طب مين اكبر دوله فيهم اقول لك الجزائر اكبر دوله في افريقيا الجزائر اوه طب عدد الدول 54 دوله طب مصر بلدنا فين اهي في الشمال الشرقي لقاره افريقيا ودي برض دوله كبيره لو بصيت عليها بالنسبه للمساحه طب انا عايز اعرف بقى مصر بلدنا دورها ايه الوقتي يعني مصر لها دور اقول لك طبعا لها جهود علشان تعمق العلاقات مع افريقيا وتحقيق التنميه المستدامه لدرجه ان مصر تم انتخابها لرئاسه الاتحاد الافر افرقي عام 2019 في اتحاد بيجمع الدول الافريقيه مصر تم انتخابها رئيسه للاتحاد ده سنه 2019 طب ما النتائج المترتبه على انتخاب مصر لرئاسه الاتحاد الافريقي سنه 2019 اقول له دي كانت فرصه لتعميق ودعم دور مصر الريادي وعلاقتها بدول وشعوب القاره الافريقيه مصر الوقت بتحاول تعمل علاقات قويه جدا بدول وشعوب القاره بتاعتنا يعني القاره الافريقيه طب مين السبب في كل المشاكل اللي افريقيا فيها الوقتي اقوله الدول الاستعماريه اللي تسارعوا مع بعض على تقسيم افريقيا ونهب خيراتها واستغلال ثرواتها طب ايه اللي حصل لما قسموها بالشكل ده ونهب خيراتها اقول له جعل افريقيا تعاني من الفقر رغم امتلاكها ثروات طبيعيه متعدده بكده نكون خلصنا اول درس عندنا ما تنساش تتفرج على فيديو الاسئله على الدرس ده تحياتي لكم مستر عطا زكي شحته