صحفي مصري يحاول اكتشاف لغز مركب يتحرك من جزيرة الزمالك في نهر النيل كل طاقمه صامتون ويسمى مركب الصمت

انا طول عمري بحب شغلانتي وده لان انا شايف ان فيها رساله اكيد بتسالوا نفسكم وتقولوا ده شغال ايه بالظبط؟ انا صحفي من القاهره او بمعنى اصح كنت صحفي من القاهره لكن دلوقتي ما بقتش عارف انا ايه شغلي كان عباره عن ان انا احكي حكايات واوصل صوت اللي صوتهم مش مسموع وللاسف انا بكتب الكلام ده دلوقتي لاني يا دوب اقدر اتكلم اصل كل كلمه بهمسها برمي معاها اخر قطعه من روحي وبكتب الكلام ده بقى لان انا لازم احذركم لازم القصه دي تطلع على النور قبل ما قدرتي على حكيها تختفي تماما والقصه عن مركب جميل وصامت بيوعدك بالسلام والراحه النهائيه طبعا كلنا عارفين ان القاهره مدينه ما بتنامش وعباره عن سمفونيه من الحياه المتداخله والفوضويه. صوت كلاكسات العربيات على كوبري 6 اكتوبر بيصارعوا صوت الاذان خمس مرات في اليوم من 1000 ماذنه. بيتخانق معاهم زعيق البيعين في الشوارع. هي دي بقت الموسيقى اليوميه في حياتي. وتقريبا مش انا لوحدي. دي في حياه كل مصر عايش في القاهره. انا اتولدت واشتغلت فيها وفي معظم الايام بحبها بس في ايام بتبقى دوشه مستمره مهما حاولت تاخد نفس فيها وتصفي افكارك مافيش فايده القاهره دايما هتاكل كل حاجه في عقلك بسم الله وعلى بركه الله نبتدي الحلقه بسم الله وقبل ما نبتدي الحلقه انا حابب استفسر عن حاجه انا ملاحظ الفتره اللي فاتت دي ان الريتش او المشاهدات واقعه شويه هل الهبوط ده ناتج عن ادائي انا او عن نوعيه القصص ولا في اسباب اخرى انا مش عارفها نبتدي بقى حلقه النهارده ونقول بسم الله بكسب لقمهشي من مطارده الحكايات في الفوضه الجميله دي لصالح موقع اخباري على النت معظمها حاجات خفيفه قصص انسانيه لكن لفتره طويله كانت في حاله ركود مهنيا وشخصيا ساعتها قلبت في المواقع ودورت على اي حاجه غير الخناقات السياسيه او فضايح المشاهير بس وقتها مالقيتش اي حاجه غير كم همسه كده كم همسه من كم بوست متفرق على انستغرام وتويتر كلهم بنفس الهاشتاج نيل صامت الصور في البوستات دي كانت تخطف الانفاس كلها صور مركب بس مش زي اي مركب شفتها في حياتي معظم اللي شفتهم بتبقى حاجات بسيطه وعمليه متهالكه شويه من الاطراف بس دي كانت مختلفه قطعه فنيه حقيقيه خشبها ارز غامق ومسقول منحوت بنقوش متداخله وشكلها بيتغير مع النور الخاف شراعها لونه نيلي غامق لون السما بعد المغرب على طول وما كانش عليه اي حاجه لا لوجو ولا اسماء والصور دايما متاخده بالليل بتوري المركب وهي بتتحرك بصمت على الميه الغامقه وانوار الزمالك وجاردن سيتي بتلمع كده زي جواهر متناثره في الخلفيه الكلام اللي تحت الصور كان كله بيدور حوالين نفس الفكره لقيت اهد مكان في القاهره كلها ساعه من الصمت النقي ما فيش كلام ما فيش زعيق مجرد النيل والموسيقى موسيقى دي الحاجه الثانيه اللي كلهم ذكروها عازف واحد قاعد في مقدمه المركب بيعزف لحن حزين ومسكون على العود ولما حكيت لطارق زميلي اللي شبه عايش على القهوه مال على كتفي كده وقال لي اه اما اركب الاشباح بعدين شاور بالسيجاره على شاشتي وكمل انت سمعت عنه لسه شايفه دلوقتي ايه حكايته والله ما حد يعرف الا وهو بياخد نفس طويل من السيجاره بعد كده بص لي بصه المحاق كونن وكمل بس اللي اعرفه بقى ان هو بيظهر عند مارس الزمالك وقت الغروب مافيش قبطاء مافيش طاقم حد شايفه مجرد راجل بيعزف عوده بس وبيقدموا رحلات ببلاش ساعه على النيل والقاعده الوحيده بقى هي الصمت. رفعت حجبي وانا مستغرب وقلت له ببلاش في القاهره. مافيش حاجه ببلاش في القاهره بالظبط. طارق ابتسم وهو بيكمل. عشان كده الموضوع غريب بس الناس حباه قوي. بيقولوا كانك كده بتخرج بره الزمن وكل ضغط المدينه كله بيختفي والناس بترجع كل ليله وهم عايزين يكرروا الرحله دي تاني. اكنهم بقىوا مدمنين على الهدوء يا اخي. حواس الصحفيه واللي صدت من اسابيع بسبب قله الشغل بدات تصحصح اخيرا لقيت لغز وكمان بزاويه انسانيه موضوع جميل ويتصور حلو هي دي القصه اللي ممكن تطلعني من الحفره اللي انا فيها مدمنين الهدوء كررت الجمله في دماغي وعشان كده حبيتها جدا ده العنوان المثالي العنوان اللي هيشد ناس هروح اصور شويه كده واعمل حوار مع كم راكب ومنها اكلم العازف وهيبقى موضوع بسيط وانيق عن ايجاد السكينه في قلب الفوضى بالليل رحت المارسل على الطرف الشمال لجزيره الزمالك المشهد المعتاد كان منتشر عائلات بتتمشى بيعين بطاطا مشويه على كل رصيف وصوت هديرل العربيات البعيد واصل من كل ناحيه على الكباري سالت كم واحد من اصحاب المراكب المنتظمين لو يعرفوا حاجه عن المركب الصامت بس كل اللي اخدته منهم هز كتاف واشارات رافضه للكلام واحيانا نظرات شك هو كان واضح ان هم يعرفوه بس مش عايزين يتكلموا عنه كان وجوده في حد ذاته ده اهانه لشغلهم بعدين لما السما بدات تتلون بلون الغروب شفته اتحرك ناحيه المرسه برشاقه مش طبيع طبيعيه شراعه النيلي بيلقط اخر دوقل للشمس كان اجمل على الحقيقه النقوش اللي على جسمه كانت مشاهد معقده من الغاب والطيور والامواج دقيقه لدرجه ان شكلها ممكن تدب فيها الحياه ما فيش صوت موتور ما فيش ريح ورغم كده اتحرك بثقه وثبات لما قرب شفت راجل قاعد مربع على شلته في مقدمه المركب كان نحيل دقنه طويله وفيها خصلات رمادي ولابس جلباب بسيط غامق عينيه كانت مقفوله وراسه محنيه على عود مزغرف في حضنه صوابع بترقص على الاوتار ولحنه انساب على وش الميه ده كان اجمل واكتر صوت حزين سمعته في حياتي ما حسيتش بيه مجرد لحن بل حسيت بيه كحكايه رثاء طويل ومعقد بيتكلم عن فقدان عميق وسلام اعمق اخترك دوشه المدينه زي السكينه وسكت الضوضاء اللي حوالين المرسه الناس وقفت تسمع وشوشها لان الموسيقى ما كانتش بتتسمع وبس دي كانت بتتحس ضغط لطيف ورا الضلوع بلسم مهدئ لجهاز عصبي متهالك لوح خشب بسيط اتمد من المركب للمرسه ما شفتش ش حد ماسكه هو بس ظهر كده كدعوه صامت فجاه كم واحد شاب وبنت ست كبيره شكلها تعبان مجموعه طلبه طلعوا على المركب من غير ولا كلمه اترددت اللحظه لكن الشك الصحفي اللي جوايا يتخانق مع الجاذبيه التي لا تقاوم اللحن ده عشان كده قلت لنفسي القصه انا هنا عشان القصه خدت نفس وخطيت على اللوح وطلعت على المركب الصامت. في اللحظه اللي رجلي لمست فيها سطح المركب دوشه القاهره بدات تتلاشى مش بس في الصوت لا وفي الاهميه كمان. العربيات الزعيق تقل المدينه كله بقىمه بعيده جدا ومالهاش لازمه. العالم تقلص للاهتزاز اللطيف للمركب واللحن المعقد اللي بيقطع القلب. سطح المركب كان متغطي بشلت فخمه لونها ازرق غامق. لقيت مكان جنب المؤخره وقعدت ودفتر ملاحظاتي والكاميرا حسيتهم حاجات فجه ومتطفله في المساحه الهاديه دي. بصيت على الركاب التانيين الشاب والبنت ماسكين ايد بعض عينهم مقفوله وابتسامه خفيفه على وشوشهم الست الكبيره دموعها بترسم مسارات صمت على خدودها المجعده بس شكلها ما كانش دموع حزن بل دموع راحه المركب بعد عن المارسه بنفس الرشاقه الصمته المستحيله لمحت الباقيين معانا طاقب المركب المفروض واللي كانوا ثلاثه بس شاب صغير يمكن في اوائل العشرينات بيتعامل ببراعه مع الحبال والدفه حركاته سالسه ومختصره وواحده كمان في سن تقريبا بتتحرك بين الركاب بتقدم كوبايات صغيره من الكركديه الساقع من على صينيه فضه وراجل ثاني اكبر سنا مش بيعمل حاجه غير ان هو بيلمع القطع النحاسيه اللي بتبرق اصلا بقماشه ناعمه كلهم وشوشهم عليها نفس التعبير كبير نظره رضا عميق وهادئ هدوء سالم شبه ملائكي بس صمتهم هو اللي كان اكت حاجه ملفته بيادوا واجباتهم برشاقه سلسه ومنسقه مش محتاجه اي تواصل لفظي مش بيتكلموا اصلا حتى كمان مش بيبصوا لبعض هم بس موجودين حاولت القطع عين البنت اللي بتقدم المشروب ابتسمت لها وحركت شفايفي بكلمه شكرا ردت عليا بابتسامه لطيفه وحلوه بس عينيها كانت بعيده مش مركزه زي ما تكون بتبتسم لتمثال جميل وما فيش ومضه ادراك ولا حتى تواصل المركب اتحرك ناحيه الجنوب تحت كوبري قصر النيل واسود الحجريه الضخمه بتبص علينا كانهم حراس ابديين انوار المدينه رسمت صور متلليه ومشوهه على سطح النيل بدون شك دي كانت اكتر لحظه حسيت فيها بسلام من سنين عقده القلق المستمره في معدتي واللي هي رفيقه مالوفه لدرجه ان انا نادر اما بلاحظها تلاشت تماما عقل اللي دايما زوبعه فوضويه كده من مواعيد تسليم وفواتير ومشاكل شخصيه كان هادي شكل الموسيقى بتاعه العود ملت كل الفراغ ماسابتش مكان للافكار السلبيه فهمت سر الجاذبيه ليه الناس بقوا فعلا مدمنين الهدو ده اصله ما كانش مجرد صمت عادي انا ممكن اوصفه بالسلام العميق واللي له رنين حسيت ان هو شبه مقدس للاسف غرايز الصحفيه بدات تصحى من ثوباتها الهادئ طلعت الكاميرا صوت التصوير المفاجئ كان اشبه بطلقه مسدس وسط السكون ده خدت كم صوره لانوار المدينه واثر المركب في الميه وبعد كده ضبطت كدر على العازف كان قاعد من غير حركه عمود من السكون في مركز العالم الهادئ ده صوابه كانت بتتحرك بشكل مستمر ومنومه على اوتار العود الموسيقى كانت بتتدفق منه كانها نهر لانهائي من السكون كانت اعقد مما ادركت في الاول لحن واحد بس جواه حشود قدرت اسمع نغمات عاليه ومرحه شبه الضحك كده ونغمات عميقه ورنانه كانها تنهيدات حزينه مع انها كلها موسيقى طالعه من اله واحده حاولت اخد صوره واضحه لوشه بس كان دايما محني مستخبي في الضل ومش باين منه غير بس جانب دقنه طويله بس بعد كم دقيقه من المحاوله ولات الفاشله شلت الكاميرا وده عشان حسيت ان انا متلصص عدت ساعه مع اني حسيتهم 10 دقاق بالظبط المركب لفت عشان ترجع لمارسى الزمالك غمرني احساس عميق من خيبه الامل ما كنتش عايز ارجع فكرت ان انا عايز افضل على المركب ده وسط النيل في فقاعه السلام دي للابد لما رسينا اللوح الخشبي اتمد مره تانيه والركاب نزلوا ببطء كانهم بيصحوا من حلم جميل اختفوا في المدينه من غير ما يبصوا وراهم كنت اخر واحد ينزل لفيت على المركب قبل ما انزل وانا مصمم ان اخد كلمه اي كلمه مع العازف فاتكلمت معاه وقلت له لو سمحت عزفك جميل جدا عمري ما سمعت حاجه زيه قبل كده في حياتي تسمح لي اسالك انت مين ومين صاحب المركب ده العزف ما رفعش وشه من انحناقته على العود صوابه ما وقفتش حركه على الاوتار اللحن استمر بسلاسه وبشعور ابدي الطاقم الصامت بدا مهامه للرحله اللي جايه واتوزعوا واتحركوا على السطح بابتسامتهم الهاديه والمستفزه وقفت مكاني هناك لوقت طويل وانا بتفرج على مجموعه ثانيه من اهل القاهره اللي شكلهم تعبان وبيطلعوا المركب مسحوبين بالاغنيه اللي ما حدش قادر يقاومها مشيت من المارسه الليله دي وانا حاسس بانتعاش ما حسيتوش من زمن طويل بس دماغي كانت بتزن وده لان انا ما جبتش اقتباس واحد اسم واحد حقيقه ماديه واحده رجعت وكل حاجه حوالين المركب لسه غامضه زي ما هي يعني القصه لسه في دماغي ومش هعرف اكتبها لان انا رجعت بالولا حاجه بصراحه ومش هكذب احساس السلام من رحله المركب فضل معايا يوم كامل حسيت ان انا اخف مركز اكتر دوشه المدينه ما بقتش متوحشه على دماغي زي الاول وده خلى الاسئله في دماغي اوضح وكانت بتنهش فيا حرفيا اصل القاهره مدينه ماشيه بالبيروكراطيه والبشيش وفكره ان في مركب ببلاش مش مسجل كمان من غير قبطان شغال من مكان حيوي كده مش بس غريبه بل اقدر اقول كمان انها مستحيله الا لو في حاجه مش مظبوطه وراها قضيت اليوم اللي بعده وانا بعمل اللي شاطر فيه النبش بدات بمكتب اداره الميناء النهري وريتهم الصور اللي اخدتها عرفوا المركب شافوه بس مالقوش تسجيل ليه ولا لقوا تصريح رسو بعتوا دوريات تحقق كذا مره بس كل مره يقربوا المركب كان بيبعد عنهم بسرعه مستحيله في الضلمه عشان كده استسلموا واعتبروه مقلب من واحد غني غريب الاطوار خصوصا بقى لما بقى كل يوم يوصل لهم مبلغ قد كده من متبرع مجهول زي ما بيحبوا يعني يوصفوه بعدها لما ايقنت ان ما فيش فايده رجعت المارسه وكلمت اصحاب المراكب الثانيين المره دي قررت ان انا اكلمهم باللغه اللي يفهموها وشويه فلوس قدرت افك لسانهم بس هم فضلوا حذرين حوالين يعني الكلام اللي بيطلع يطلع منهم وقالوا له ان هم بيسموها مركب عروس البحر وقالوا ان هي نحس وانها بتسرق روح النيل بس هم بيخافوا منها عشان كده ما حدش بيقرب منها قبطان عجوز ووشه محروق من الشمس اسمه يوسف اتكلم وقال لي دي مش بتسرق زباينه بس يا ابني دي بتسرق كمان الهدوء والحياه اصل النيل كان ليه صوته صوت سعيد ونغمه لذيذه بس دلوقتي كل اللي بنسمعه منه موسيقى حزينه مالهاش نهايه عشان اكون صريح انا ما فهمتش منه حاجه بس اظن ده الطبيعي مع النوع ده من الناس عشان كده رجعت للبحث على الانترنت وده كان اكت جزء مثمر ومقلق في نفس الوقت غطست في هاشتاج نيل صامت الهاشتاج اللي بدات منه الحكايه رجعت الاسابيع ورا عملت قائمه بالمستخدم دمين اللي نشروا اكتر من بوستات فيه واللي طارق سماهم المدمنين وبدات اراجع حساباتهم ساعتها لاحظت ان في نمط بدا يظهر كان نمط مرعب ولا يمكن ابدا انكاره مستخدم ينزل صوره مذهله للمركب وتاني يوم صوره ثانيه مع تعليق زيي رجعت تاني مش بشبع من السلام ده كان بوست كمان على مدار الاسبوع كل واحد احلى من اللي قبله وبعدين ولا حاجه وجودهم على السوشيال ميديا بيقف بيتبدد بيختفي ما فيش بوستات جديده ما فيش صور جديده ما فيش ردود على اي تعليقات صمت كامل وتام لقيت دستت حسابات بينطبق عليها النمط ده بالملي في الاول افتكرتها صدفه ناس بتنشاغل بياخدوا اجازه من السوشيال ميديا بس ده كان مخت مختلف نهايه مفاجاه وموحده لكل النشاط الاونلاين للحسابات دي بدات ابحث عن اسماء المستخدمين حاولت الاقي اي معلومه عامه وقتها لقيت بوست متحمس بزياده على صفحه مجتمع على فيسبوك كان من بنت شابه اسمها ليلى والبوست ده كان من شهر بالظبط قالت في منشورها حد شاف اخويا عمر اخويا اسمه عمر حسن هو فنان نشيط جدا في مجتمع الزمالك بقى مهوس بالمركب الصمطه دي من كام اسبوع كان بيروح كل ليله دلوقتي تليفونه مقفول مش في الاتلييه بتاعه وماحدش سامع عنه اي حاجه من ثلاث ايام الشرطه مش واخده الموضوع بالجديه انا حاسه بالخوف والياس ارجوكم ارجوكم لو حد شافه يكلمني دم اتجمد في عروقي لقيت معلومات اتصال ليلى وكلمتها كانت متردده تتكلم في الاول بس لما قلت لها ان انا صحف وبحقق في موضوع المركب ده القصه طلعت منها زي الطوفان عمر كان اكث شخص حيوي ممكن تعرفه في حياتك كان صوته دايما عالي ضحكته من قلبه وفنه كان كله عن فوضى القاهره عن الالوان عن الدوشه كان عايش عشانها كان دايما بيقول ان الفوضه دي هي روح المدينه بعينها وبعدين ايه اللي حصل كان مضغوط جدا كان عنده معرض كبير قريب واحد صاحبه حكى له على المركب وقال له ان هي هتساعده يست استرخي راح مره ولما رجع كان مختلف وهادي قال ان الموسيقى دي صفت دماغه وعشان كده بقى بيتردد عليها كتير كل ليله تقريبا والهدوء زاد بس ساعتها بدا يحل محل كل حاجه ثانيه بطل يضحك بطل يشتغل على لوحاته كان بيقعد بالساعات باصص كده في الفراغ وكمان كان بيبتسم ابتسامه صغيره فاضيه على وشه كملي انا سامعك شويه بشويه بطل يتكلم مش في الاول اه بس صوته بقى اهدى بعدين بدا يتكلم في جمل قصيره بعدين بقت مجرد كلمات مفرده واخر مره شفت فيها كان في اليوم اللي قبل ما يختفي كنت بحاول اتكلم معاه واوصل له بدات ازعق واعيط هو بس بص لي بنفس التعبير الهادي بعد كده حط ايده على كتفي بعد كده فتح بقه عشان يقول حاجه لكن للاسف ما طلعش ولا كلمه مجرد نفخه هواء نظره المفاجاه على وش عمري في حياتي ما هنساها بص لي وهو حيران بعد كده لف ومشي اعتقد انه رجع للمركب ولسه هناك بعد ما قفلت معاها قعدت في صمت وقت طويل القصه اللي هكتبها عن المركب فجاه كده بقت حاجه ثانيه حاجه غلط جدا حسيت ان في شيء مظلم ورا المركب ده واجب عليا كصحفي دلوقتي ان انا اكشفه كلام ليلى كان بيرن في دماغي فتح بقه وما طلعش صوت افتكرت الطاقم ابتسمتهم الهاديه حركتهم المنسقه الصمته افتكرت العازف واغنيته الحزينه الابديه كان لازم ارجع لازم اجيب دليل المره دي انا هكون المحقق اللي هيكشف لغز المركب كله في الليله اللي بعدها حسيت الهواء مختلف وانا بقرب من المارسه نسمه المساء المعتدى كانت غايبه الهواء نفسه ثقيل وكثيف اصوات المدينه بقت احد واعلى وكثيفه اكتر كانها بتحاول تحذرني بس لما المركب الصمته ظهرت بسرعه التحذير ده تلاشى امام جمالها لكن في نفس الوقت خفت خفت لان المره دي شفتها وحش مفترس وحش بيقرب من المرسه ومستعد انه يختار فرايس وضحاياه كان معايا مسجل صوت صغير عالي الدقه في جيبي والميكروفون كمان متدبس بحرص فيقه قميصي خطتي كانت ان انا اسجل موسيقى لعود فانقى صورها واحللها بقى بعدين يمكن في ترددات مثلا تحت صوتيه نوع من انواع الخداع الصوتي النفسي وده السبب في احساس الادمان اللي مسيطر على الناس كانت نظره عقلانيه واهيه بس ده كل اللي كان عندي طلعت المركب مع مجموعه جديده من الناس الشقيانين خدت مكاني على الشلت حاولت اظهر حاله من الهدوء عشان يبان ان انا يعني زي اي راكب تاني بيدور على الهدوء بس قلبي كان بيهبط في دلواي سمعت دقاته كانها دقات طبل محمومه ضد ايقاع المركب الهادي دي العازف بدا يعزف واحنا بنبعد عن المرسه كان نفس اللحن بنفس الجمال ونفس الهدوء بس دلوقتي وحكايه ليلى بترن في دماغي سمعته بشكل مختلف الحزن في النغمات حسيت بيه اعمق شويه السلام اللي بيقدمه بقى اجوف اكبرت نفسي اسمع واركز عشان احلله غمضت عيني وحطيت كل ذره من تركيزي على الصوت حللته في دماغي اللحن الرئيس اللي بيتعزف على الاوتار العاليه كان واضح وشعري النغمات المنخفضه كانت بتوفر نغمه رنانه عميقه اساس من الحزن بس تحت ده كان في حاجه تانيه حسيتها خافته معقده بشكل لا يصدق ومنسوجه في بدن الموسيقى بمهاره لدرجه ان انت ممكن تفوتها بسهوله كانت اصوات لا مش اصوات غنى ولا كلمات بل اصوات بشريه متداخله مع بعض مثلا ضحكه ست ناعمه ومكتومه والضحكه دي متكرره ومتراكبه لحد لما بقت نغمه مرتعشه تنهيده راجل عجوز متعبه ممدوده ومتعمقه صوت شهق طفل متحمس مقطوعه ومتكرره لحد لما بقت ايقاع قرعي قدرت اسمع همس وتمتمهمت اجزاء من خناقات واعلانات حب كلها متجرده من معناه ومتحوله لنسيج موسيقى عيني اتفتحت فجاه ونفس اتحبس في حلي بصت حواليا على الركاب وشوشهم كانت مرتخيه في جهل سعيد وروسهم بتتهز بلطف على ايقاع نهايتهم وبعدين نظري وقع على الطاقم الست اتحركت بصينيه المشروب الفضه الراجل العجوز بيلمع نفس القطعه النحاسيه حركاته متكرره بلا نهايه ولما بصيت ناحيه الشاب اللي على الدفه دمي نشف وشه كان نحيل وعيني ابعد بس عرفته فورا من الصور اللي ليلى وريتها لي ده كان عمر حسن الفنان الحيوي الصاخب الفوضوي كان واقف على الدفه بيوجه المركب بايد لطيفه ايد متمرسه مثبت ابتسامه صغيره هاديه على وشه وانيه هو اللي اخته وصفتها انها مليانه نار وحياه كانت دلوقتي هاديه حفره فاضيه بلا حياه كان باصص على النيل بس ما كانش شايفه كانه مجرد اله الى روح فضلت مبحلق فيه ودماغي بتلف ليلى كان عندها حق هو لسه هنا عمره ما ساب المركب هو ببساطه انضم للطاقم بقى جزء من ايا كان الشيء اللي بيدور هنا ومستخبي ورا واجهه المركب ترس صامت تاني في المكنه الجميله المراقبه دي بصيت من وش عمر الفاضل لراس العازف المحنيه وبعدين بصيت على باقي افراد الطاقم الهاديين هل كلهم ضحايا هل كلهم كانوا ناس بتتكلم نشطين وعندهم حياه اغراهم وعد السلام عشان بس اصواتهم تتنسج في اغنيه العود واجسامهم تتعبد لروتين المركب الصامت حسيت برعب بيسيطر على كل مفاصل جسمي لدرجه ان انا حسيت بموجه من الغثيان المركب الجميل يل ده مقبره والموسيقى المسكونه سيمفونيه اشباح كان لازم اعمل حاجه لازم احضر الباقيين لازم انزل من المركب دي زقت نفسي عشان اقف مع ان رجليا حسها مش ثابته وعينكاب الثانيين فضلت مقفوله بس الطاقم الطاقم كله وقف اللي بيعمله عمر الست اللي معه الصينيه الراجل العجوز اللي معه القماشه كلهم لفواسهم في انسجام تام مع ابتسامتهم الهاديه والثابته وبصوا عليا مباشره. الثلاثه فاضلوا واقفين ثابتين تماما ابتسمتهم الهاديه المتطابقه حسيتها اكتر منظر مرعب شفته في حياتي عينهم سابت الهدوء والسكينه وبقت مليانه غضب اعلان منهم ان انا اتكسرت القاعده وان شذوز في عالمهم الصامت المنظم خطتي كانت بسيطه ازعق اسرخ في الركاب الثانيين اقول لهم ايه المكان ده اكثر السحر خدت نفس عميق وفتحت بقي ودفعت الهواء بره وانا بقول لهم يا جماعه اسمعوني الصوت اللي طلع كان خنقه ضعيفه ومثيره للشفقه صوت جاف ومبحوح يا دوب مسموع بس فوق لحن العود كان حبالي الصوتيه بدات تتلاشى وانا مش حاسس اترعبت قبط حاولت تاني بس المره دي حطيت كل ذره قويه فيا بس الصوت كان اضعف همسه خافته ونفسها مقطوع ماتت قبل حتى ما تطلع من شفايفي سيطر عليا خمول عميق حسسني بتقل في اطرافي راسي بدات تميل وانايا بقت عايزه اتغمض انا متخض ولا ايه؟ قلتها بس طلعت همس في دماغي انا وبس رجلي بدات ترخى وتنهار خلاص جسمي بيستسلم وبعدين حسيتها احساس مادي غريب جدا ما تركز في ظهوري اهتزاز منخفض ورنان زي ما تكون شوكه اتخبطت في حنجرتي بس ما كانش مؤلم حسيت بالاهتزاز بيتسحب بيتجر مني زي الخيط ممتد مني فوق سطح المركب لغايه العازف وعوده كافحت عشان اطلع صوت بس الموسيقى علت بقت اعقد واللحظه مرعبه بتقطع القلب سمعت عنصر جديد منسوج في اللحن كان خافت بس لا يمكن ابدا ما تتعرفش عليه لانه كان صوت شهقتي المضعوره والمبحوحه سمعتها متكرره وموزونه وسط الموسيقى الحزينه كان بياخد صوتي دلوقتي حالا حاولت اقاوم بياس اتنفضت حاولت اعمل اي حاجه بس كل قوتي كانت خارت خلاص اني جريت على العازف ولاول مره راعه وشه ببطء واني قابلت عيني كنت متوقع اشوف خبث او جوع او رضا قاصي دي بس ما كانش في اي حاجه من دي عيني كانت عتيقه وقديمه بشكل مستحيل مليانه بحزن عميق لدرجه انه خلى الموسيقى تبان مبهجه ما حسيتوش وحش بيقه على سرقه صوتي لا ده شكله كان زي ما يكون سجين راجل مربوط بواجب ابدي وفظيع ثبت نظراته فيا وفي اللحظه دي فهمت الموسيقى والمركب والرحله كانت بتهدي الناس فعلا بس عشان بتسرق منهم كل حاجه كانت بتفرغهم بتمتص الائم شغفهم غضبهم فرحهم اللي هي الحاجات اللي بتدي صوتهم معنى كانت بتاخد الشراره وهويتهم وبتسيب وراها قوقعه هاديه ومطياه مش مهتمه باي حاجه بتحصل حواليها مناسبه تماما عشان تكون جزء من طاقم الرحله الصمته الابديه دي عيون الاعزف الحزينه قالت لي كل حاجه بس ليه هو كان مرسال اللعنه المؤدي الابدي للموسيقى دي وكان بيدعوني انضم له استسلمت له اسيب اخر ما تبقى من نفسي الصاخبه الفوضويه المؤلمه تتحول لنوته واحده نوته مثاليه مسلمه في لحنه اللي مش بيخلص ده الجذب كان هائل الرغبه في ان انا بس اسيب نفسي وابطل اقاوم واحتضن الفراغ الهادي اللي عمر والناس الثانيين بيتمتعوا بيه كانت اكث حاجه مغريه حسيتها في حياتي وقعد بنهايه كل صراع في حياتي ونهايه كل صور معاناتي البشريه بس الصحفي اللي جوايا الجزء اللي محتاج يحكي القصه الجزء اللي بيصرخ في حدود جمجمتي الصمته قاوم قاوم عشان كده قلت لنفسي لازم اخد اخرج لازم اقول لحد بموجه ادرينالين مولوده من الرعب الخالص اتعثرت لورا بعيده عن الطاقم الصامت وبعيده عن عيون العازف الحزينه اتكعبلت في شلته ووقعت جامد على الارض الخبطه بعتت صدمه من القلم الحيقي الحاد في جسمي بس كنت محتاج القلم ده عشان افوق كان مرسام ورحب بيها في بحر الخمول الهادي اللي اصرني المركب كانت بترسى خلاص قدرت اشوف انوار الزمالك وهي بتقرب ماديه وحقيقيه على بعد كم متر بس اللوحه مد طوق نجاتي اللي هيرجعني للعالم الصاخب والحياه الطبيعيه خلاص قرب زحفت على ايديا وركبي ناحيه اللوح ده كل حركه كانت مؤلمه بشكل فظيع كافحت ضد التقل اللي كان بيضغط عليا موسيقى العوده قالت ورايا كانها نداء اخير متوسل ان انا افضل على المركب سحبت نفسي على المرسه جسمي انهار على الاسمنت القاصي فضلت راقد هناك بنهج واصوات المدينه بترجع لي خشنه وفوضويه وجميله انا هربت بس كنت عارف كنت عارف وانا حاسس بالالم الخام الحرق في زوري كنت عارف ان انا ما هربتش سليم مش فاكر روحت ازاي بس اللي فاكره بعدها ان انا لقيت نفسي راقد على ارضيه شقتي شمس الصبح داخله من الشباك وجسمي بيوجعني كاني كنت في خناقه وزوري حسيته كاني بلعت ازاز مكسور ما خرجتش لمده يومين ما ردتش على تليفوني قعدت في صمت شقتي ملجائي من فوضى المدينه بس دلوقتي الصمت بقى صدم مره للمركب كل لحظه وسط الهدوء ده حسيتها تهديد فراغم استنيت ميلي باللحن الحزين المسكون للمركب صوتي كان متدمر الدكتور قال ان هو التهاب حنجره حاد بس شكله كان حيران مافيش تورم مافيش سبب عضوي شايفه وده لان الموضوع مش مجرد باحه جوهر الصوت نفسه راح ولا فاضل همسه رفيع جدا ومؤلم كل مقطع صوتي بحاول اطلعه عباره عن مجهود شد بيخليني انهج حاولت اقول لطارق ايه اللي حصل بس ما قدرتش اطلع الكلام كل اللي شافه هو هلعي وصوتي المدمر كان فاكر ان حد اتهجم عليا وان انا في صدمه ازاي ممكن تشرح لعنه وانت مش عارف تنطق عشان كده بكتب ده دي الطريقه الوحيده ده صوابق على الكيبورد هاديه مش بتخني القصه دي هي اخر نفس للصحفي اللي كنت عليه قصتي الاخيره تحذيري وبستخدم فيه الصوت الوحيد اللي فاضل لي ما تتغروش بوعد السلام السهل ما تتفتنوش بالصمت الدوشه والفوضى بتاعه حياتنا قلنا ضحكنا غضبنا شغفنا هي دي حياتنا ده صوت حياه المركب بيعرض يشيل الدوشه اه لكن بيشيل الحياه معاها مش بيسيب وراه غير قوقعه حلوه واغنيه حزينه مسروقه انا عارف ان المفروض احس ان انا محظوظ اني هربت بس الرعب في الموضوع ان انا مش حاسس اني هربت بجد اللعنه مش عنيله وبس انا جبتها معايا البيت ساعات في نص الليل لما المدينه اخيرا تهدى وتتحول لهامه بقدر اسمعه لحن العود الجميل اللي بيقطع القلب اظن انه في دماغي خطاف ذكرى حبل بينادي عشان ارجع عارف ان انا مش سليم وانه ما اخدش كل حاجه وهو عاوز الباقي مني الليله اللي فاتت كانت اسوا الموسيقى الشبحيه كانت اوضح لقيت نفسي بمشي ناحيه شباكي الشباك اللي بيطل على الشارع مش عارف ليه حسيت ان انا مسحوق بصيت تحت على العربيات والفوضه واللحظه افتكرت اني شفته شكل واحد غامق رشيق حد بيتحرك وسط العربيات شراع نيلي مكان سقف عربيه بيتحرك بصمت في قلب المدينه وجايلي انا عارف ان ده كان عقلي وبيلعب بيا بس الاحساس كان حقيقي المركب بتصطاد سواء على النيل او غيره مش عارف فضل لي وقت قد ايه قبل ما اقدرش حتى اهمس مش عارف اقدر اقاوم جذب الموسيقى دي لامتى بس كان لازم احكي القصه دي لازم ادي صوت للطاقم الصامت لعمر لكل الناس اللي حكايتهم بقت مجرد نوتات في اغنيه ارجوكم صدقوني اياكم تركبوا المركب ما تخلوهاش تاخد انا لازم اقف لان زوري مولع نار والموسيقى كمان صوتها بيعلى ساعتها اخدت الدواء المفروض زوري يهدى شويه في النهايه هروبي من المركب سابني راجل مختلف والعالم بتاعي كله اتغير لدرجه ان انا بقيت مدرك ان في كوابيس كتير قوي ما نقدرش نفهمها بس تقدر تسرق اعز املاكنا الصمت اللي كنت زمان بتمناه بقى هو اللي معذبني ذكرى لحن العود بقت زي طرف مبطور الم وشوق لسلام انا عارف انه كذبه ومع ان صوتي بقى خراب ومجرد تذكار مادي مستمر لمقابلتي مع المركب بس الصحف اللي جوايا رغم انه مضروب ومرعوب لكن ما ماتش بل كمان كان غضبان ما قدرتش اكتفي بتحذير الناس في قصتي كنت محتاج افهم ايه المركب ده جاي منين؟ هل هو ظاهره جديده ولا حاجه اقدم؟ شقتي اتحولت لمركز قياده حرفيا لما شاف طارق حاله الهلع اللي انا فيها دي وصوتي المدمر وبعد محاولات كتير مني لشرح كل حاجه صدق ان في حاجه فظيعه حصلت وبقى شريكي غير المتوقع وصوتي للعالم الخارجي. بعتته لدار الكتب طلبي كان غريب شويه تقريبا كابوس لاي موظف قلت له يدور على اي حاجه على الاطلاق ليها علاقه بمراكب غريبه على النيل حاله اختفاء ظواهر بحريه غير مفسره قصص عن عازفين بياذفوا العوده على النيل قلت له بص في الجرايد القديمه السجلات الاستعماريه مجموعات الفلكلور المنسيه اي حاجه ايده الطولها كنت بدور على اصداء او تلميحات ان اللعنه دي مش جديده لمده ثلاث ايام ما كانش في اي نتيجه طارق كان بيتصل وهو محبط بيقول ان كل اللي بيلاقيه قوائم شحن وتقارير بحريه بريطانيه بدات افقد الامل قربت اصدق ان ده رعب حديث بشكل فريد وبعدين في اليوم الرابع اتصل وصوته بس متحمس كريم اعتقد ان انا لقيت حاجه بعت لي مجموعه صور على الواتساب صور لكتاب متغلف بالجلد ومتهالك من اواخر القرن ال 19 كانت اليوميات الشخصيه العالم اثار وفي الكلور فرنسي جان بيير دوبوا وده بقى كان عايش في القاهره معظمها ملاحظات اكاديميه جافه عن الاسر الحاكمه القديمه بس في الجزء الاخير خط دوب المنمق العلمي اتحول لشخبطه محمود تقدر تقراها بالعافيه عملت زوم على الصور وقلبي بيدق 12 اكتوبر 1888 خرافه جديده سيطرت على المراكبيه في مينا بولاء بيتكلموا عن مركب الاسى مركب مزغرف بيظهر وقت الغروب بيقولوا ان مالوش قبطان مجرد عازف عود الحنه وبتهدي اكت الارواح اضطراعبا المحليين مرعوبين ومسحورين بيه في نفس وقت وبيقولوا كمان ان اللي بيركبها كتير بيفقد احزانه بس كمان بيفقد حياته بيبقى هادي وخامل بيسموهم المكتومين ايدي كانت بتترعش ده نفس المركب من اكت من 130 سنه نفس القصه نفس التفاصيل قلبت بجنون للصوره اللي بعدها كتابات دبوه بقت شخصيه اكت مهوسه بزياده قرر ان هو يحقق في الفضول الفلكلوري ده بنفسه 19 اكتوبر 1888 طلقت المركب الليله كانت رائعه مش زي اي شغل محلي شفته الموسيقى ساميه بتستقر في العظم حسيت بسلام ما عرفتوش من يوم ما عزيزتي انابيلا توفت تقل حزني رفيقي الدائم على مدار السنتين اللي فاتوا اترفع الطاقم لاحظت ان هم مجموعه صامته بيتحرك ركوا برشاقه خارقه لازم اعترف انا حاسس برغبه كبيره ان انا ارجع الكتابه اللي بعد كده وثقت رحلاته الليليه كان بيمدح في قوى المركب العلاجيه كتب ان شغله بيتحسن وان دماغه صافيه بس طارق كان معلم على تفصيله صغيره ومقلقه في الهوامش دبواه لاحظ ان لغته الفرنسيه المكتوبه بقت ابسط وانه بيفقد ميله للنثر المعقد قد المزور اللي كان زمان فخور بيه اخر كتابه كانت صفحه واحده مرعبه الخط متعرج الحبر متلطخ كانها مكتوبه بايد راجل في قبضه حمى فظيعه 2 نوفمبر 1888 انا شايف الحقيقه دلوقتي الموسيقى طفيلي بتتغذى على تعبير الروح الليله سمعتها في اللحن سمعت صدا صرخ التاجر وهو بيفاصل همس وعده حبيب سمعته بالصدفه الاسبوع اللي فات كلها ملتويه ومتحوله لنوتات موسيقيه ده نسيج من اصوات مسروقه والطاقم هم ضحايا السابقين ارواحهم اتكحتت لحد لما نضفت ما بقاش فاضل غير قشور هاديه والعازف عينيه مش عيون شيطان بل راجل ملعون سجين هو الاول اللي شايل للعنه ومحكوم عليه ان هو يخلدها حاولت احذر زوجين انجليز شباب على المركب الليله فتحت بقي عشان اصرخ اكثر سحر الموسيقى والصوت طلع بس طلع همس مثير للشفقه اهتزاز مزاق زوري احساس كان اوتاري اتفككت حسيت بصوتي انا بحزني انا على الانابيل بشغفي العلمي كل حاجه هي انا بتتسحب من حنجرتي وبتتنسك كده في لحن جديد ومعقد في عود الملعون لازم اهرب اليوميات دي لازم تكون تحذير السلام اللي المركب بيقدمه عباره عن لعنه بتمحيك دي كانت اخر حاجه كتبها حسب سجلات الارشيف اللي طارق لقاها جان بيير دوبواه اختفى من غير اثر في اوائل نوفمبر 1888 وافترضوا ان هو وقع في النيل سندت بظهري على الكرسي قلت التليفون اتزحلق من صوابع المنمله دي كانت دوره وباء قديم متكرر على المدينه بيظهر وبيختفي بيحصد جيل من الارواح الحزينه قبل ما يبهت ويرجع تاني اسطوره عشان بس يظهر بعد عقود بس هل دبواه بقى واحد من افراد الطاقم الصامتين يمكن العازف اللي انا شفته كان ضحيه من الخمسينات او العشرينات بس امتى بيتغيروا هل لما حزن عزف معين يخلص اخيرا واحد جديد بياخد مكانه هل واحد من افراد الطاقم واحد عنده ماساه عميقه بشكل خاص في موض المسروق بيترقى فكره ان اللعنه دي مش مجرد كائن مفترس بل نظام بيئي كامل خلت جلدي اشعر نظام بيئي طفيلي بيستخدم النيل كمضيف وبيستخدم حزن البشر كغذاء فكره مرعبه لذاتها ها بس السؤال الافضع ايه اللي بيغذي العازف دبوا قال انه الاول هل ده معناه ان هو خالد محكوم علف عود الاحزان دي لحد نهايه الزمن ولا اللعنه نفسها ليها جوع اعمق هل هي بتمتص الحزن من العازف ولما بيبقى مجرد قشره فاضيه زي بقيه الطاقم بنختار واحد جديد من المكتومين دول عشان ياخد مكانه الاسئله كانت كتير جدا وللاسف ما كانش عندي اي اجابه ليها قمت من على الكرسي ومشيت ناحيه الشباك القاهره تحت نبضت بالحياه بحر من النور والصوت بس دلوقتي ما بقتش شايفها بنفس الطريقه كل كلاكس عربيه كل ضحكه عاليه من قهوه قريبه كل صوت بياع بينادي بقى له معنى جديد علامات حياه دليل على وجود الشغف والالم والفرح والحزن عكس الصمت المميت بتاع المركب بس كم واحد من الناس اللي تحت دول اللي في عربياتهم وشواقهم شايلين حزن صامت اعمق من اي دوشه كم واحد فيهم ممكن يسمع اغنيه العازف مش كضوضاء بل كوعد ادراكي للوضع اتغير تماما بس عشان نكون واقعيين ايه اللي اقدر اعمله؟ اخري اكتب قصتي وكل اللي لقيته وانشرها على النت ماقدرش حتى اكلم حد في الموضوع ده لان اي حد هيفتكرني مجنون او شارب حاجه عشان كده امل الوحيد انها تعدي تاخد اللي عايزاه من الناس في الفتره دي وتختفي تاني عشان ترجع في المستقبل يمكن وقتها حد غيري يقدر يلاقي حلها ويوقفها بس لغايه اللحظه دي ما فيش في ايدي اي حاجه اعملها غير ان انا اعرفكم قصتي لو في يوم شفت مركب من غير قبطان وطالع منها لحن عود في النيل في اي مكان في مصر اهرب اهرب واياك تركبها الهم اللي بتعيشه كل يوم احسن من انك تخسر نفسك ده تحذير الاخير وبكده تكون انتهت حلقه النهارده وقصه النهارده وللعلم القصه دي مؤلفه بشكر الكاتب محمد جمال فرانك على كتبته الحلقه بالشكل الاذاعي اللي حضراتكم سمعتوه دلوقتي كمان بشكر الكاتب محمد شعبان على اعداده لكل حلقات برنامج المحكمه في النهايه بشكر مصطفى المصري على المؤثرات الصوتيه والموسيقى وبشكر محمد علي على تصميمه للغلاف لو حضرتك او حضرتك لسه جداد على القناه يا ريت ما تنساش تعمل وتشترك في القناه وتفعل زر الجرس عشان يوصلك كل جديد اما لو انت من الناس اللي بتحب تدعمني فياريت ما تنساش تعمل لايك وكومنت وشير شكرا جزيلا لكم كان معاكم محمد جويلي وبرنامج المحكمه سلام كم