شرح درس عقود الإرفاق والتبرعات الصف الثاني عشر الفصل الثاني

الحمد لله رب العالمين وصلى الله وسلم وبارك على نبينا محمد وعلى اله وصحبه اجمعين وبعد فهذا شرح لدرس عقود الارفاق وعقود التبرعات الدرس هذا سهل وبسيط المطلوب منه انك تفهم امرين الامر الاول شنو يعني عقود الارفاق الامر الثاني شنو يعني عقود التبرعات ثم عاد تعرف الاحكام اللي تتعلق بعقود الارفاق وعقود التبرعات عشان تفهم الفكره باختصار احنا عندنا معاملات بالاسلام انت تبي تربح منها يعني تبي تطلع ربح مثلا لما تشتري لما تاجر انت قاعد تدفع شيء علشان التاجر يربح وانت تاخذ السلعه فانت قصدك السلعه والتاجر قصده يربح هذا خذيناه الكرسي اللي طاف تكلمنا عن عقود البيع تكلمنا عن عقود الاجاره هذا ما راح اتكلم عنه اليوم الدرس هذه تكلم عن عقود اسمها عقود الارفاق وعقود التبرعات عقود التبرعات فكرتها انك تعطي شغله حق الانسان الشغله هذه ما راح ترجع لك خلاص انت مجرد انك اعطيته انت اعطيته لله سبحانه وتعالى ان شاء الله ما راح ترجع لك عقود الارفاقذه من كلمه الرفق بمعنى انك تعطيه شغله مالتك تستعملها ثم عاد يرجعها عقود التبرعات وايد منها مثلا الصدقه منها الهديه يعني انت لما تتصدق وتعطي انسان هديه انت ما تبي ما تبي الانسان هذا يرجع لك الهديه انت ما تبي الانسان هذا يرجع لك الصدقه انت قاعد تعطيه لوجه الله سبحانه وتعالى هذه عقود التبرعات عقود الارفاق فكرتها ان انت عندك شغله مثلا عندك تلفون عندك سياره او عندك حتى فلوس تعطيها حق الشخص هذا عشان يستعملها حلوين حلوين افهم الفرق بين عقود عقود الارفاق وعقود التبرعات عشان الحين راح ندش في التفصيل حاطك تعريف عقود الارفاق قاللك هي رد البدل المساوي له في الصفه والقدر يراد بها مجرد الاحسان يعني مو مثل البيع والشرا انت قاعد تتعامل مع البايع او مع الشراي عشان تربح وعشان تستفيد لا انت قاعد تعطي الشخص هذا الشغله هذه اللي انت تملكها عشان انت تبي تترفق فيه عشان انت تبي تحسن اليه عشان شي اسمها عقود الارفاق مثل عقد القرض اي انا اسالفك 100 دينار ترجعها 100 دينار ما يصير ترجعها 22 لان ما يصير تربح فا ترجع لي 100 زين والعاريه يعني الاستعاره اعطيك مثلا سيارتي تستعملها حق مشوارك بعدين ترجعها عشان قال لك المقصد منها الرفق باحد اطراف العقد اما عقود التبرعات مثل الهبه يعني الهديه والصدقه يعني اتصدق على واحد والوصيه انه مثلا اكتب ان انا لمن اموت مثلا السياره حق فلان او مثلا البيت حق فلان حلوين حلوين زين هذه الفكره العامه زين خلينا ندش بالتفصيل اول شيء عندنا عقود الارفاق العقد الاول من عقود الارفاق شيء اسمه القرض القرض في كلمه واحده اذا فهمتها راح تفهم فكرتها كلها اللي هي هذه ويرد بدله ويرد شنو بدله بمعنى الحين الحين محمد اطى حق خالد 100 دينار زين خالد بياخذ ال هذه بيروح يصرفها وبيستعملها بيشتري فيها ماكله بيشتري فيها ما ادري شنو بعد شهرين مثلا خالد راح يرجع حق محمد 100 سؤال الام اللي خالد راح يرجعها حق محمد هل هي نفس الايه اللي محمد خذاها اللي محمد عطاها حق خالد الجواب لا محمد عطى خالد 100 خالد رجع له 100 ثانيه عشان صار اسمها قرض عشان كذ صار اسمها قرض فلما انا اعطيك شيء انت ما راح ترجع لي نفس الشيء انت راح ترجع لي شيء نفسه بس مو هو اللي انا خذيته منك عرفت عكس مثلا هذا القرض ها عكس مثلا شوف هني العاريه العاريه يعني انا اسلفك سيارتي مثلا لما تاخذ السياره انت راح تاخذ السياره راح تقضي فيها مشوار راح ترجع نفس السياره عشان شي قال لك اباحه المالك منافع ملكه لغيره بلا عوض يعني انا اعطيتك سيارتي سياره مثلا 2020 ترجع لي نفس السياره 2020 ما ترجعي والله سياره ثانيه تقول لي والله خلاص انا والله خذيت منك مثلا التيما 2020 ارجع لك التيما 2020 لا السياره اللي خذيتها نفسها ترجعها ها بس معاريه اما القرض شنو لا ترجع شيء ثاني عشان كذ يختلفون بالشروط فالفكره وما فيها ان القرض اعطيك شيء ترجع بداله بس عاد بيكون نفس السته والقدر اعطيك مثلا 100 كيلو ذره ترجع 100 كيلو ذره اعطيك مثلا لتر بنزين ترجع لي لتر بنزين خصوصي ما يصير والله ترجع لي ممتازه او الترا ترجعي لي نفس الشيء اللي خذيته طبعا مو نفس الشغله اللي خذيتها مني لا نفس صفاتها بس انه شنو تكون نفس القدر ونفس الصفه هذا يسمونه قرض اما اذا رجعت لنفس الشيء حرج الايفون مالي استعملته دقيت مثلا وبعدين رجعته هذا يسمونه شنو هذا يسمونه عاريه او يسمونه استعاره هذا الفرق بين القرض وبين الاستعاره لها احكام يعني هل هل اخذ حسنات اذا سويت القرض ولا اخذ سيئات هذا للحين راح نتكلم عنه الجواب على حسب عندنا واحد اسمه مقرض يعني اللي يعطي زين وعندنا واحد اسمه مقترض اللي ياخذ مثلا عندنا محمد اعط اطى خالد زين محمد اسمه مقرض خالد اسمه مقترض زين الحين اول شيء بالنسبه حق محمد راح ياخذ حسنات لان اللي سواه مستحب يعني شنو مستحب يعني اذا محمد قال حق خالد ما راح اعطيك ما راح ياخذ ما راح ياخذ سيئات بس اذا محمد قال حق خالد راح اعطيك فهني راح ياخذ شنو راح ياخذ حسناته قاللك لان القرض دفع لحاجه المسلم انت قاعد تسد حاجته هو الحين محتاج الفلوس ما عندكش انزين هذا بالنسبه حق محمد اللي هو اسمه المقرض زين خالد كونه قاعد يطلب من الناس هل هذا معناته ان هو راح ياخذ سيئات الجواب لا بالنسبه حق خالد اللي هو المقترض لازم تحفظ الكلمات هذه عشان لما اس الاختبار تفهم لا تحد راح يوضح لك فالمستقرض المستقرض اللي هو خالد اللي خذه هذا القرض في حقه مباح يعني ما راح ياخذ سيئات اذا كان يقدر يو وفي لان النبي صلى الله عليه وسلم بالحديث استسلف من رجل بكرا بكرا نوع من انواع الابل يقول ابو رافع رضي الله عنه يقول ان رسول الله صلى الله عليه وسلم استسلف من رجل بكرا بكره نوع من انواع الابل يقول فقدمت عليه ابل من ابل الصدقه فامر ابا رافع ان يقضي الرجل بكره فشوف الرسول عليه الصلاه والسلام تسلف بعير خذ بعير بصفات معينه بسن معين زين وبعدين شنو سوى الرسول عليه الصلاه والسلام ما لقى الا احسن منه رباعي اكبر منه بسنه هذا يصير وايد احسن منه فقام الرسول عليه الصلاه والسلام خذه من الرجال مثلا بعير من صفاته ان هو بكر زين يعني خلينا نقول مثلا سواله 500 دينار فيوم يا يبي يرجع الرسول عليه الصلاه والسلام ما لقى الا شيء اعلى منه لقى مثلا شيء سواله 700 اللي هو الرباعي فقال النبي صلى الله عليه وسلم خلاص عطى اياه يعني كنا الرسول تسلف 500 ورجع 1000 هم مو متفقين بس لان الرسول عليه اللام سوى كذ اكراما حق الرجل هذا فقال النبي صلى الله عليه وسلم اعطيه ان خيار الناس احسنهم قضاء ليش قاعد نقول هالحديث قاعد نقول هالحديث لان احنا نبي نقول ان الاستقراض اللي هو ان الواحد ياخذ قرض مباح اذا كان يقدر يوفي لان الرسول عليه الصلاه والسلام تسلف وكان الرسول يدري ان في ابل والله يا من ابن الصدقه وان راح يوفي والى اخره فاذا كان يقدر يوفي فالقرض بالنسبه له مباح واذا كان ما يقدر يوفي فالقرض بالنسبه له مكروه حلوين حلوين في شروط يعني مو اي واحد يقدر يقترض في ناس ما يصير يقترض زين شنو الصفات اللي لازم تكون موجوده بالشخص او بالع العقد عشان يكون العقد هذا صحيح قاللك اول شيء ان يكون المقرض يعني اللي يعطي ممن يصح تبرعه زين شنو يعني يصيح تبرعه الجواب يعني لازم انت لما تاخذ الفلوس لازم اللي يعطيك الفلوس يكون في صفات الوصف الاول يكون عاقل بمعنى لو كان في مثلا واحد واحد مجنون او في مرض عقلي مثلا بس مليونير وارث هذا ما يصير يتسلف منه لازم يكون واحد عاقل زائد لازم يكون بالغ يعني اذا في صبي مثلا عمره سبع سنين ما يصير يتسلف من عياديه ما يجوز ما ما يصح هذا ما يعتبر سلف زين بعد لازم يكون يملك يعني شنو يملك يعني ما يكون هو مسؤول عن فلوس غيره بمعنى كاتب لك هنا قاللك فلا يجوز لولي اليتيم مثلا ان يقر ضم اليتيم ما يصير مثلا انا اكون مسؤول عن فلوس ولد اخوي ويكون مثلا اخوي متوفي وانا اللي مسؤول عن الولد ومسؤول عن فلوسه ومادري شنو اقول لك اي عليك اسالفك من فلوسه زين ما انا مالي حق انا الله سبحانه وتعالى خلني مسؤول الفلوس هذه عشان ادير بالي عليها وعشان انميها وعشان اتصرف فيها تصرف ينفع الولد فما يصير ولي اليتيم يسلف من فلوس اليتيم لانه هو ما يملك لانه هو ما يصح تبرعه فكلمه يصح تبرعه معناها باختصار طبعا عاقل بالغ يملك حلوين انت لازم تكتب ان ممن يصح تبرعه هذا واحد اثنين لازم تعرف قدر المال المدفوع ليش لان اذا ما عرفت قدر المال المدفوع ما راح تقدر ترده احنا قلنا ان انت مثلا لما تلف واحد 100 دينار راح يرجعلك اي 100 دينار لك اياها 120 هذا ربا ما يجوز زين فلما تي تسلف واحد لازم تكون عارف ايش كثر سلفته ما يصير مثلا تقول حق صاحبك تقول له روح والله بطل بوكي وخذ اللي تبي بعدين هو يرجع لك 50 يقول لك ترى انا خذيت منك 50 انت تقول له لا انت خذيت 70 وتبدون شنو تبدون التناجرون عشان كذ ما يصير تسلف واحد اذا انت ما تدري ايش كثر سلفته فعندنا شرطين الشرط الاول ممن يصح وتبرعه الشرط الثاني معرفه قدر المال المدفوع زين سلفته وما عنده فلوس هني يستحب انك تعطيه تعطيه وقت انظاره يعني تعطيه مهله المعسر يعني ما عنده فلوس نفس ما انه هو المفروض يرجع اذا عنده انت هم لازم شنو هم لازم تدير بالك عليه واذا هو مثلا ما عنده ما عنده فلوس تعطيه مده بتقولين زين بس يمكن ما يرد لي اقول لك عادين انت لازم تكون حريص انك توثق عقدك وعلشان كذ ترى عقد القرض النبي صلى الله عليه وسلم اخبر ان الشخص اللي يقرض ا بمبلغ فكانما تصدق بنصفه يعني انت الحين مثلافت سلفت واحد 100 دينار انت كنك ترى صدقت ب 50 لان طبيعي اللي تسلفه يمكن تتيسر امور يمكن ما تتيسر عشان كذ يستحب انك تعطي المعسر وقت يقول الرسول عليه الصلاه والسلام من انظر معسرا او وضع عنه انظره يعني اطاه وضع عنه قال يلا لا ترد لي 100 يا الله يرد لي 50 الجزاء ان الله سبحانه وتعالى يظله في ظله في يوم القيامه لما تقترب الشمس من رؤوس العباده يقول الرسول عليه الصلاه والسلام من انظر معسرا كان له بكل يوم صدقه ومن انظره بعد حله كان له مثله في كل يوم صدقه فشاهد يستحب انك تنظر المعسر هذه احكام القرض زين شنو احكام العاريه واحكام الاستعاره فرقت لك انا بين القرض وبين العاريه وقلت لك والله ان القرض انك تعطي الشخص فلوس ويرجع لك مو نفس الشيء اللي خذا منك بس نفس صفاته يعني خذ تعطيه مثلا 100 دينار يرجع لك مو نفس ال 100 دينار اللي خذاهم منك بس يعني 100 دينار خذ منك 100 كويتي يرجع لك 100 كويتي بس مو نفس الدنانير مو نفس الرقم التسلسلي يعني اذا انت موقع على الايه هو ما راح يرجع لك النوطه بنفس توقيعك هذا القرض اما العاريه لا تعطي شخص مثلا سيار يرجع لك اياها نفسها حتى نفس رقم الشاصي تعطيه والله مثلا تليفون يرجع لك نفس التلفون تعطيه شخص مثلا بوك يرجع لك نفس البوك اي شيء تعطيه اياه يرجع لك اياه نفسه بس يستعمله فتره وبعدين يرجع لك اياه عشان ك قاللك اباحه المالك منافع ملكه لغيره بلا عيون اباحه المالك منافع ملكه يعني شنو يعني احنا انا املك تلفوني لمن املك تلفوني معناته انا املك اني انتفع فيه واستفيد منه صح زين هجوز يجي واحد يجي واحد وياخذ تلفوني ويستعمله بدون اذني الجواب لا انزين اذا انا قلت له يلا استعمله ثلاث ايام ورجع لي اياه الجواب انا هني قلت له يلا الاستعمال صار مباح بالنسبه لك بدون اذني كان حرام مع اذني صار مباح هذا اسمع عاريه زين هل انا خذيت منه فلوس اذا خذيت منه فلوس يصير كني انا اجرت على التلفون بس انا ما اجرت علىيه التلفون انا ما خذيت منه فلوس عشان قال لك اباحه المالك منافع ملكه لغيره بلا عوض يعني بدون فلوس زين تجوز العاريه اي يجوز لان الله سبحانه وتعالى يقول ويمنعون الماعون يعني لما الله سبحانه وتعالى تكلم عن صفات الناس اللي الله سبحانه وتعالى قاعد يذمهم قال ان من صفاتهم انهم يمنعون الماعون الماعون مو معناته الماعون اللي احنا نستعمله بالكويتي والله اعطي ماعونك وردي ماعونك لا الماعون يعني طبيعه الناس انه يتعاملون باشياء يعني طبيعي انه والله الطالب يقول حق رفيجه مثلا ايش رايك تعطيني قلم بكتب هذ اشياء خلاص الناس متعارفين انه والله عادي يعني تسلث من صاحبك قلم يعني مو مو مو ازمه فالله سبحانه وتعالى يقول ان في ناس من كثر ما انها هي جعصه ما تعطيك حتى القلم فالله سبحانه وتعالى قاعد يقوللك هو الماعون هو المتاع الذي يتعاطا الناس فيما بينهم فالله سبحانه وتعالى قال لك اذا واحد قالك بيستعير منك شيء وانت يعني مو خايف على اغراضك لهالدرجه عطى لا تصير جعس معناته شنو معناته انه عادي ان الواحد يستعير ومن السنه الرسول عليه الصلاه والسلام استعار ادراع من صفوان بن اميه هذا صفوان بن اميه كان مشرك ما كان مسلم فيوم صارت صار يوم حنين بعد فتح مكه وكذ الرسول عليه الصلاه والسلام قال له باخذ منكراع فقال له شلون بتبوقها مني غصب يا محمد يعني ش بتبوقهم فقال له النبي صلى الله عليه وسلم لا ما راح ابوقهم منك باخذهم منك استعاره بستعرهم بس حق الحرب بعدين ارجعهم وبعدين قال له شنو؟ قال له مضمونه يعني اي درع يخترب من الدروع ان شاء الله انا راح اعوضك فهنا شوف الرسول عليه الصلاه والسلام استعار ادراع معناته ان الاستعاره حكمها انها مباحه انزين شنو الشروط اللي لازم تكون موجوده بالاستعاره عشان تكون الاستعاره هذه صحيحه شرعا الجواب نفس اللي قلناه هني شو نفس اللي قلناه هني ان يكون المقرض ممن يصح تبرعه موجود هني قال ذلك المعير يعني بين قوسين يعطي اللي يعطي زين لازم يكون شنو؟ لازم يكون عنده اهليه بمعنى انه يكون بالغ وعاقل ورشيد ما يصير تروح والله حق ياهل وتقول له والله بتسلف منك حبيبي او بستعير منك وهو ياهل مخه ما يستوعب ان هل يصير اعير هذا ولا ما يصير فالصغير او السفيه او المينون ما يصير تستعير اغراضه خلي اغراضه حقه زين اثنين اهليه المستعير نفس ان نفس ما قلنا ان اللي يعطي لازم يكون عنده اهليه نفس الشيء اللي ياخذ نفس الشيء اللي ياخذ يعني انت الحين يالك ولد اختك الصغير قاللك اطني تلفونك عمي خالي اطني تلفونك بلعب فيه اعطيت التلفون لعب فيه كان يرضى بالارض هني لا تيد طالب تعويض لان انت ما يصير تعطيه اياه لان اللي يعطي لازم يكون عنده اهليه والمستعير بين قوسين اللي ياخذ لازم يكون عنده اهليه حلوين حلوين رقم ثلاثه لازم الشيء اللي تاخذه يكون مباح يعني اي شيء تستعمله على وجه محرم ما يصير تستعيره يعني ما يصير مثلا تستعير عود ولا تستعير بيانو او تستعير مثلا خنزير تقول والله بتمشى فيه وبرده او مثلا خمر ما يصير تستعيره هذا كله ما يجوز لان هذا بنظره الشرع هذا اصلا ما يعتبر مال هذا ما يعتبر فلوس هذا ما يصير تملكه فثلاثه ما يجوز انه يكون الشيء اللي تاخذه محرم لازم يكون الشيء اللي تاخذه تستعمله بطريقه مباحه اربعه احنا قلنا ان العاريه او الاستعاره انت تاخذ الشيء بعدين ترجعه زين هل يجوز ان انا استعير منك بنزين؟ الجواب لا لان اذا استعرت بنزين انا مردي راح احط البنزين بالسياره راح يحترق البنزين فشلون ارجعللك نفس اللي خذيته اذا قرض عادي انا في النهايه بروح المحطه بترس بنزين نفس اللي خذيته منكعطيك اياه قرض عادي بس الاستعاره ما يصير يصير علشان كذ ما يصير تستعير صابون يمكن يك علل ترى ما يصير تستعير صابون ما يصير تستعير اكل تقول والله بستعير البرجر وبرده شلون بترده انت مردك بتاكله ما يصير تستعير مثلا بنزين لانه ما رده شنو ما رده راح يخلص فاي شيء راح يخلص ما يصير انك تعيره او انك تستعيره هذا تقراه بعدين رحنا حق عقود التبرعات كذ احنا خلصنا من عقود الارفاق عقود الارفاق قلنا فكرتها ان انت تعطي شخ شخص شيء وبعدين عاد الشيء هذا راح يرجع لك زين اما التبرعات لا راح تعطي الشخص وهذا الشيء ما راح يرجع لك عندنا في عقود التبرعات العقد الاول الهبه زين عندنا العقد الثاني هو انزين يا جماعه قلنا احنا عندنا عقدين عندنا عقد الهبه وعندنا عقد الصدقه نفس ما قلنا في في القرض العاريه نبي نفرق بينهم راح افرق لك الحين بين الهبه وبين الصدقه الفرق بينهم ترى موجود بكلمه واحده الا وهي ان بالصدقه انت هدفك الاساسي انك تتقرب الى الله سبحانه وتعالى هذا الهدف الاساسي بمعنى انت لما تتصدق ما يفرق وياك اللي قاعد تعطيني الفلوس يعرفك ولا ما اعرفك لان انت هدفك الاساسي مو الشخص عشان ك انت عادي مثلا تدش بلينك وتتبرع وعادي وامورك طيبه ولا هامك اصلا تدري ولا ما يدرون منو اللي تصدق ولا ما يدرون عشان كذ انت هدفك بالصدقه التقرب الى الله سبحانه وتعالى فقط اما الهديه لا الهبه او الهديه لا انت قاعد تعطي الشخص عشان انت تحبه عشان انت تعزه الرسول عليه الصلاه والسلام يقول تهادوا تحابوا فهذا الفرق بين الهبه والصدقه فقال لك في تعريف الهبه قال لك هي تبرع المرء يعني الانسان بتمليك ماله المعلوم لازم الفلوس اللي تعطيه تكون معلومه ما يصير تقول له روح اخذوك هديه حقك شي تكتشف انه والله في 100 دينار بعدين تقول لها وينت وتصير مشاكل ما يصير فلازم تكون شنو لازم يكون المال معلوم لازم المال يكون موجود ما يصير والله تروح حق واحد تقول له ترى اذا قطوتي ولدت بعطيك الولد مال القطوه ما يصير القطوه مولدت فلازم انك تتبرع بتمليك مال معلوم يكون المال موجود ثلاثه يكون في حياتك ليش في حياتك قال لك لانه لو مثلا انا قلت حق شخص قلت له اذا مت فسيارتي حقك هذه يسمونها وصيه هذه ما يسمونها ما يسمونها هبه ما يسمونها هبه ولا يسمونها هديه هديه ترى نفس هبه نفس نفس المعنى ها بس يعني ان المرادفات كلمه كل الهبه هي نفس الهديه والهديه هي نفس الهبه فقلنا لازم عشان تكون الشغله هديه او هبه انك تتبرع بتمليك مالك المعلوم الموجود في حياتك حق غيرك وكلمه مالك هني ترى مو معناها بس فلوس اي شيء تعطيه حق شخص يعتبر مال فكلمه مال معناها اي شيء له قيمه فعشان ك حط لك بالتعريف قاللك يتبرع المرء بتمليك ماله المعلوم الموجود في حياته ا لغيره زين ليش الله سبحانه وتعالى شرع على الهبه يمكن يك علل يقول لك علل مشروعيه الهبه الجواب ما فيها من تاليف القلوب صل يقول تهاد تحاب زين في احكام تتعلق بالهبه اول شيء الهبه سنه يعني مو واجب مو واجب انك تهدي الناس بس ان اذا سويتها راح تاخذ حسنات هذا الشيء اسمه سنه واسمه مستحب اثنين تقدر انك تهون يعني مثلا واحد يا وعطاك هبه مثلا عطاك قاللك والله هذا مثلا هذا الفلوس هذه هديه حقك انت تقي تقول لها ما ابي تقي تقوله مشكور وما قصرت وهذا بس انا ما راح اقبل الهديه حتى لو هو وقال لا ما لي شغل خاص راح تاخذها ومادري شنو وقال حط الفلوس عندك ونحوش هذه مو فلوس فلوسك فلوسك انت لحين ما قذيتها فما راح تصير الهديه حقك غصبا عليه غصبا عليك لا انت تقدر انك تقبل وتقدر انك ترفض فالموهوب له يعني اللي ياخذ يقدر ياخذ الهيبه ويقدر انه يرفضها يقدر ياخذها وقدر انه يرفضها ثلاثه اذا انت وافقت على الهديه وخذيت الهديه ما يصير ما يصير الواهب يعني اللي عطى ما يصير شلون انت مو كفو هو انت رد رد الهديه مو بكيفك خلاص هذا شيء صار مالك وحرام انه يسوي كذ ياخذ اثم زين لان الرسول عليه الصلاه والسلام يقول لا يحل لرجل ان يعطي عطيه او يهب هبه فيرجع فيها ما يجوز ما يجوز انا اعطي والله فيجي هديه بعدين يقول له يلا هو انت الا بحاله واحده قال لك ما لم يكن الواهب ابا للموهوب الا ابوك ابوك يقدر يقول لك انا اطيتك ايفون لان انت نجحت وانت الحين سقطت بهالكورس فانت الحين مو كفو عطني الايفون بتقول اي با هديه بيقول لك حبيبي قال رسول الله صلى الله عليه وسلم لا يحيل لرجل ان يعطي عطيه يا بهبه فيرجع فيها الا الوالد انا الحين قررت ان انا راح اخذ منك الهديه يقدر يقدر يقدر اما اذا كان الشخص هذا مو ابو واحد اطى رفيجه وبعدين يبي يرجع فهذا الشخص اللي مو ابو اللي قاعد يرجع بهديته قال عننا الرسول عليه الصلاه والسلام قال مثل الذي يعطي العطيه يعني الهديه ثم يرجع فيها كمثل الكلب ياكل فاذا شبع قاء يرجع ثم عاد في قيه يقول الرسول عليه الصلاه والسلام ان هذا الشخص اللي يعطي هديه بعدين يرجع فيها نفس الكلب الكلب ياكل ياكل ياكل ياكل بعدين يشبع بعدين اذا شبع يرجع بعدين يريد ياكل شنو الترجيع ماله مثال قبيح لانه هذا وضع اللي يعطيه هديه وبعدين يهون لانه مو بس الموضوع حرام الموضوع عيب وقله رجوله وقله مروءه اربعه من احكام الهبه لا يجوز تفضيل احد الابناء في الهبه والعطيه لما في ذلك من زرع العداوه اذا قال لك علل علل تقول له لما في ذلك من زرع العداوه مثلا عبد الله عنده اثنين عنده محمد وعنده حسين اذا عطى محمد هديه لازم يعطي حسين نفس الهديه اذا عطى حسين هديه لازم يعطي نفس الهديه حتى لو مثلا عنده مثلا دانه نفس الشيء مو والله لان هي بنت تفرق بينهم دانا وحسين ومحمد ياخذون نفس الهديه حلوين حلوين راح تسالني سؤال تي زين استاذ مثلا مثلا مثلا حسين عنده ويحتاج يسوق فهل لان عبد الله اللي هو الابو عطى حسين سياره لازم يعطي لكل سياره بقول لك شوف الاشياء اللي يصرفها عليك ابوك شيين الشيء الاول اسمه نفقه بمعنى انه هو يصرف عليك لانك تحتاج فهني لا مو لازم يسويك مو لازم يسوي بينكم بالاشياء اللي تحتاجونها يعني مثلا دانا لان هي بنيه اكيد والله تحتاج ملابس عيد تحتاج وايد اشياء فاكيد ان شنو اكيد ان نفقتها اغلى اكيد ان هي تحتاج اشياء اغلى فعشان ك طبيعي مثلا ان هدوم العيد مال الدانه تكون 400 دينار اما حسين ومحمد كل واحد طقله دشداشه وكماق طبيعي انه هذا يكلفه 30 هذا يكلفه 30 هل عبد الله ملزوم انه يعطيهم الفرق؟ الجواب لا لان هذا مو هديه هذه نفقه الهديه شيء زايد على الحاجه الهديه مثل العيديه واضح شيء زايد على الحاجه اما النفقه فما يجب عليه انه يساوي بين الابناء اما الهديه لا لانه راح تزرع العداوه اذا ما ساويت بينهم اما بالنفقه فطبيعي مثلا لو محمد يروح حق عبد الله ويقول له يبى انت اعطيت حسين سياره عطني عبد الله راح يقول اوكي خذ ليسن اعطيك او مثلا لو حسين يروح حق عبد الله ويقول له يبى انت اعطيت دانه 400 عشان تشتري هدوم العيد عطني يقول له حبيبي انا اعطيت اختك عشان والله تشتري لها ذهب انت مو محتاج ذهب انت رجال ما يجوز تلبس ذهب فهم ما راح يصير بنفسهم شيء عكس ما لو كان الموضوع هديه فراح يصير بانفسهم اشياء فاذا قال لك علل تقول له الامام في ذلك زرع العداوه واذا قال لك الحكم تقول له حرام اما اذا كان الموضوع نفقه هذا طبعا مو وياكم بس انا قاعد اشبحه عشان ما انت تستشكل فاذا الموضوع كان هديه ما يجوز واذا الموضوع كان نفقه يجوز اخر عقد يا جماعه عندنا الصدقه الصدقه وتو انا فرقتك بينها وبين الهديه قلنا ان الهديه تعطيها عشان تتقرب حق الشخص طبعا اكيد راح تتقرب حق الله سبحانه وتعالى بس مو هو قصدك الاساسي اما الصدقه تتقرب حق الله سبحانه وتعالى وهي من افضل القروبات زين والله سبحانه وتعالى يقول تبدوا الصدقات اذا نعين ما هي وان تخذوها وتؤتوها الفقراء فهو خير يكفر عنكم من سيئاتكم النبي صلى الله عليه وسلم يقول يتقوا النار ولو بشق زين لو فرض انا عندي مثلا ع بتصدق فيهم بتصدق فيهم على منو الجواب اكثر ناس تاخذ حسنات اذا تصدقت عليهم اهلك واقاربك اهلك واقاربك في الحديث يقول الرسول عليه الصلاه والسلام في الحديث ابو هريره قال امر النبي صلى الله عليه وسلم بالصدقه فقال رجل يا رسول الله عندي دينار قال تصدق به على نفسك يعني اول شيء سد حاجتك قال عندي اخر قال يا رسول الله انا ساد حاجتي فقال النبي صلى الله عليه وسلم تصدق به على ولدك فقال له عندي اخر ساد حاجه ولدي فقال النبي صلى الله عليه وسلم تصدق به على زوجتك تقول يا رسول الله انا ا عندي اخر يعني ساد حاجه اهلي اللي زوجتي فقال تصدق به على خادمك لانه اقرب لك فقال عندي اخر فقال له انت ابصر قاله خلاص مادام انك سديت حاجات الناس هذ اللي هم اكثر ناس راح تاخذ عليهم حسنات فانت امورك طيبه تصدق على اللي تبي انزين ا فرقم واحد اولادك وزوجتك وامك وابوك اثنين الاقرباء والارحام يعني عمي عمك عمتك خالك خالتك ولد عمك زين خاصه اذا بينك وبينهم مشكله اذا بينك وبينهم مشكله عادي مثلا بفلوس الصدقه هذه بدلا تتصدق مثلا تشتري هديه تسوي عزيمه تحاولك تصلح بينهم لان الرسول عليه الصلاه والسلام يقول ان افضل الصدقه الصدقه على ذي الرحم الكاشح يعني ذو الرحم اللي بينك وبينه مشكله اذا والله خلاص سكرت وامورك طيبه مع اهلك ومادري شنو ذك الساعه تتصدق على الفقراء وعلى المساكين يقول الرسول عليه الصلاه والسلام الصدقه وعلى المسكين صدقه واحد والصدقه على ذي الرحم اثنتان واحد صدقه اثنان صله فتاخذ عليها حسنتين صدقه على الارحام حسنه ان هي صدقه وحسنه ان هي صله حلوين حلوين انزين لو فرض ان انا قمت وتصدقت على واحد وبعدين كان اقول له ما تذكر انا ذك اليوم يوم تصدقت عليك هني هذا معناته ان انا كنسلت حسناتي لان الله سبحانه وتعالى يقول يا ايها الذين امنوا لا تبطلوا صدقاتكم بالمن امن عليك ان انا والله تصدقت وما ادري شنو هذا كله يكنسل الاجر او مثلا انك تذكر ان والله انا تصدقت عليك هذا كله يكنسل الاجر نفس ما انت تصدق بنفس طيبه مثل ما ان الله سبحانه وتعالى يرزقك زين فانت لازم تتصدق بدون لا تمن على الناس زين هل يجوز للمراه تتصدق من مال زوجها مثلا وهو اطاها 300 دينار وقالها هذا عشان والله تصرفين على البيت وعلى العيال يجوز الجواب ما يصير الا اذا هو كان يسامح لها اذا قال لها والله يا بنت الحلال بال 300 هذه اذا والله ودك تصدق اذا تصدقي عادي يجوز فلازم لازم اول شيء ياذن زين اذا هو مو راضي اذا والله شيء بسيط يعني 100 فلس مثلا او مثلا طبخه ودزت حق اليان هني عادي ما يضر بحيث انه ما يضر ف واحد اذا وافق عادي اذا ما وافق او مثلا ما اخذت منه اذن يمكن هو لو تكلمه يوافق بس ما اخذت منه اذن هني اذا شيء بسيط يعني 100 فلسبه عيش فعادي اذا شيء لا والله يضر الزوج بعدين تروح له وتقول له ترى النفقه خلصت ما شنو ما تكفى المصروف تقول والله تصدقت على فلانه رفيشتي وفلانه يقولها انا شكو تصدقين على فلانه يارتك وفلانه رفيشتك فعشان كذ شنو اذا كان شيء يضر الزوج ما يجوز زين منو ياخذ حسنات جواب اثنينهم هي لان هي تصدقت وهو لان هو اللي اطاها فلوس المصروف لان الرسول عليه الصلاه والسلام يقول اذا انفقت المراه من طعام بيتها غير مفسده و والله قاعد تخربط وتقط وايد وبعدين تروح حق الرايات تقول اطني زوج يقول الرسول عليه الصلاه والسلام كان لها اجرها بما انفقت هي تاخذ الفلوس لانها وصلت الصدقه يقول الرسول ولزوجها اجره بما كسب لانه هو قاعد يشتغل يعطيها المصب يقول وللخازن يعني مثلا لو مثلا هي قالت حق الخدامه روح يبي مثلا ملح من الكبس وعطي خدامه ام فلان فالخدامه الحين تطرشت حتى الخدامه تاخذ اجر عشان كذ الرسول عليه وسلم يقول وللخازن مثل ذلك لا ينقص بعض لا ينقص بعضهم اجر بعض كلهم ياخذون نفس الاجر ويد نكون خلصنا درس عقود الارفاق وعقود التبرعات وجزاكم الله خير وصلى الله وسلم على سيدنا محمد وال و صحب