شرح خامساً الكتابة كتابة نص معلوماتي عربية السادس الابتدائى المنهج الجديد عام 2026

بسم الله الرحمن الرحيم السلام عليكم ورحمه الله وبركاته ازيكم حبايبي ابطال الصف السادس الابتدائي النهارده يا حبايبي هنشرح مع بعض خامسا في الدرس الثاني وهو الكتابه وهي كتابه نص معلوماتي المنهج الجديد يا حبايبي عام 2026 هنعرف ازاي نكتب نص معلوماتي وايه هي خطوات كتابه النص المعلوماتي ومكوناته بيكون عباره عن ايه وكمان هناخد نموذج تطبيقي ونشوف طريقه السؤال بيجي لنا ازاي في الامتحان اتمنى منكم يا حبايبي ان انتوا تشوفوا الفيديو كويس للنهايه وتدعموني باللايك والاشتراك وتفعيل الجرس على الكل عشان دايما يوصل لكم كل جديد اللي اول مره يتابعني يا حبايبي معاكم مس ايمان بنشرح مع بعض مادتين ماده اللغه العربيه وماده الدراسات الاجتماعيه المنهج الجديد لعام 2026 باذن الله تعالى هتلاقوا كل ماده يا حبايبي فيها كل حاجه خاصه بيها هتستفادوا منها باذن الله تعالوا كده نبدا مع بعض اول حاجه هنا بيقول لي كتابه نص معلوماتي يعني ايه يا ميس نص معلوماتي ايه هو النص المعلوماتي عباره عن ايه ده نص بنقدم فيه معلومات وحقائق عن موضوع ما وبنستشهد بادله ومصادر زي الكتب والابحاث والدراسات يعني احنا بنكتب موضوع بنقدم فيه معلومات وحقائق عن موضوع معين لكن الموضوع ده لازما نكون مستشهدين بيه ببعض الادله الادله دي بنجيبها منين؟ بنجيبها من الكتب ومن الابحاث ومن الدراسات اللي بتكون موجوده يبقى اما يطلب مني كتابه نص معلوماتي انا بعمل ايه هو لازم اكون عارف يعني ايه نص معلوماتي يعني اما يطلب مني حد كده يقول لي ا اكمل النص المعلوماتي او اكتب النص المعلوماتي او قو لي مكونات النص المعلوماتي ده عباره عن ايه؟ طب يعني ايه اصلا نص معلوماتي؟ هقول له هو ده نص بنقدم فيه معلومات وحقائق عن موضوع معين وبنستشهد بيه بادله ومصادر كالكتب والابحاث والدراسات تمام طب خطوات كتابه النص المعلوماتي ايه؟ اول حاجه لازم انا احدد الموضوع اللي تريد الكتابه فيه يعني ايه الموضوع اللي انا هقدم عنه المعلومات والحق والحقيقه دي ايه هو الموضوع ده لازم اكون الاول محدده ثاني حاجه ان انا اجمع المعلومات من المصادر الموثوقه يعني ماجيبش اي معلومه واكتبها وخلاص لا لازما تكون مصادر موثوقه زي شبكه الانترنت او كتاب من الكتب او مجله من المجلات حاجه تكون موثوقه مش اي حاجه على النت نازله وخلاص اقول لا دي معلومه صحيحه لا لازما اخد المعلومات بتاعتي من حاجات موثوقه من حاجات ايه موثوقه زي شبكه الانترنت اا او اي كتاب موجود في المكتبات او مجلات او كمان ابحاث ودراسات بتكون موجوده دي هي بس الحاجات اللي انا اكون متاكد انها حاجات موثوقه تمام بعد كده ا ببدا الكتابه ملتزما بالمكونات التاليه قال اول ما اجي بكتب كتابه النص المعلوماتي لازما التزم ببعض المكونات ايه هي المكونات المقدمه والموضوع والخاتمه دول الحاجات اللي انا لازما التزم بيهم طب اعمل ايه في المقدمه يا ميس اكتب ايه بذكر اهميه الموضوع ذكر اهميه الموضوع يبقى اول حاجه بكتبها في المقدمه هي اهميه الموضوع ايه اهميه الموضوع اللي انا بكتبه ايه او اللي انا بقدم عنه معلومات ايه او اللي انا بكتب عنه النص المعلوماتي ده ايه اهميه الموضوع هو اول حاجه انا بكتبها في كتابه النص المعلوماتي ثاني حاجه الموضوع هنا الحقائق والمعلومات الحقائق والمعلومات دي اللي انا جمعتها من خلال ايه من خلال المصادر اللي انا جمعتها من خلال المصادر الموثوقه تمام المعلومات اللي انا اخدتها من المصادر الموثوقه دي هي اللي بكتبها ا ثالث حاجه الخاتمه اللي هي ملخص للنص او المصدر الماخوذ منه النص بكتب ايه بقى ملخص للنص الاول اللي انا ا اتكلمت عنه او اللي انا بكتب عنه النص المعلوماتي بعمل تلخيص كده سريع ليه وبعد كده بكتب مصدر النص مين يعني انا مثلا جبت معلومات من مثلا كتاب في المكتبه فبكتب اسم الكتاب من مقال بكتب اسم المقال ا من جريده بكتب اسم الجريده تمام ا جبته من موقع المعرفه اللي على الانترنت بكتبه تمام او في كذا موقع نادي المعرفه وغيره تمام اا مكتبه الاسكندريه بيبقى فيها كتب كتير انا مثلا جبت حاجات من مكتبه الاسكندريه بكتب بقى المصدر بتاعي اللي انا اخذته منه مهما كان المصدر ايه المهم يكون مصدر موثوق انا بكتب ايه المصدر الماخوذ منه النص تمام يبقى دي الثلاث حاجات اللي انا لازما اتابعها وانا بكتب النص المعلوماتي المقدمه بكتب فيها اهميه الموضوع والبعد كده بكتب الحقائق والمعلومات وهو بتكون الموضوع بعد كده بكتب خاتمه للنص يعني ملخص سريع ليها والمصدر اللي انا اخدت منه ال المعلومات اللي انا كتبتها تمام طبعا وانا بكتب النص المعلومات يا حبايبي ما بنساش عدد الكلمات اللي بتتراوح من 120 ل 150 كلمه ثاني حاجه تسلسل الفكر بيكون في تسلسل كده في الفكر يعني ترتيب فيها ا ثالث حاجه الاساليب والتعب التعبيرات الملائمه لازم اراعي دايما اسلوبي والتعبيرات اللي انا بعبر بيها وبكتب بيها رابع حاجه الخط طبعا لازما يكون الخط جميل وواضح خامس حاجه الاملاء الصحيحه لازما اتجنب كل الاخطاء الاملائيه ست علامات الترقيم الصحيحه لازما وانا بكتب اراعي علامات الترقيم سواء كانت النقطه الفاصله علامه الاستفهام التعجب هكذا تمام دي كلها حاجات لازما اراعيها وانا بكتب النص المعلوماتي طب انا فهمت يا ميس ايه الحاجات اللي انا لازما اعملها وانا بكتب النص المعلوماتي طب اخد نموذج كده تطبيقي اشوف شكله بيبقى عامل ازاي والسؤال عليه بيجي لي ازاي في الامتحان ده شكل يا حبايبي النص المعلوماتي بيكون زي ما انتم شايفين كده بالظبط ده هنا نص معلوماتي بيتكلم عن الرياضه اسلوب حياه هنا اول حاجه عملها ايه المقدمه اعمل ايه في المقدمه قال اهميه الموضوع اللي انا بتكلم عنه عن الرياضه اسلوب حياه فقال طبعا اهميه الرياضه ممارسه الرياضه ليست للتس الاليه والترفيه فقط وانما هي اسلوب حياه يعود بالنفع على الفرد والمجتمع كما انها ذات فوائد عظيمه قد لا يعرف عنها الكثير من الناس يبقى هنا قال ايه اهميه الموضوع اللي هو ايه اهميه الرياضه ايه بعد كده قال لي ايه قال لي الموضوع ذات نفسه اللي هي الحقائق والمعلومات فقال ايه بقى قال ممارسه الرياضه تمنح قدرات عقليه متميزه وتقلل من نسبه الاصابه بالامراض وقد اثبتت الدراسات الحديثه ان الرياضه البدنيه تفيد الجسم كثيرا وتزيد مناعته وتقلل من نسبه الاصابه بمرض السكري وامراض القلب طبعا الحاجات دي انا بيكون معلومات انا واخدها من مصادر موثوقه يعني ما بكتبش اي حقائق وخلاص تمام بعد كده قال ايه الخاتمه ثالث حاجه معانا من مكونات النص المعلوماتي الخاتمه في الخاتمه عمل ايه ملخص للنص ملخص للموضوع بتاعه واذا اردنا البدء في ممارسه الرياضه بعدما عرفناها عرفنا ناها عن فوائدها المختلفه فان علينا تنظيم وقتنا جيدا وتخصيص جزء ثابت من يومنا لممارسه الرياضه والحرص على ان يكون ذلك جزءا من اسلوب حياتنا اليومي تمام ده كده ايه ملخص سريع للموضوع بتاعه قال له بعد ما احنا عرفنا خلاص اهميه الرياضه وفايدتها علينا ان احنا ننظم وقت ليها وان احنا نخلي ليها اا جزء ثابت معانا في يومنا وان احنا نحرص دايما ان هي تكون اسلوب من جزء اساسي من اسلوب حياتنا اليومي بعد كده عمل ايه في الخاتمه قلنا بنقول الملخص وبعد كده بنكتب مصدر النص طب هو جاب النص ده منين او خد المعلومات دي منين من جريده من مقال بجريده اليوم السابع في مايو 2025 يبقى بكتب الخاتم الملخص في الخاتمه بكتب الملخص وبكتب ايه مصدر النص ده بيكون يا حبايبي شكل النص المعلوماتي تمام طب بيجي لك ازاي بقى في الامتحان ممكن يجي لك يقول لك اكتب نص معلوماتي عن مثلا الرياضه اسلوب الحياه فانا بتبع الثلاث خطوات دول والاغلبيه العظمى او عاده او اغلب شيء بيجي ان هو بيجيب لك النص المعلوماتي ويجيب لك عليه بعض الاسئله بيقول لك بعد ما تقرا النص المعلوماتي السابق اجب عن الاسئله اول حاجه بيتكون النص المعلوماتي من ايه السابق من نقط ونقط ونقط هنقول ايه هنقول من موضوع ا من مقدمه وموضوع وخاتمه من مقدمه وموضوع وخاتمه طب بعد كده ممكن يجيلك بقى اسئله صح وخطا بيقول لك اشتملت المقدمه على بيان لاهميه الموضوع الذي سيطرح طبعا دي اجابه صحيحه وهي اول حاجه معانا اللي هي الاهميه طب رقم اثنين لم يستشهد الكاتب بادله عن المعلومات التي ذكرها طبعا خطا لان هو استشهد بادله وكان مصدرها ايه الجريده دي تمام فالاد الادله هي اهي الحقائق والمعلومات اللي قال ان هي الرياضه هنا مفيده وان الدراسات اثبتت ان الرياضه البدنيه تفيد الجسم كثيرا وتزيد مناعته بتقلل من نسبه الاصابه مرض السكري وامراض القلب دي كلها ايه ادله عن ومعلومات عن الموضوع اللي هو ذكر عنه تمام مهما كان الموضوع ايه ده مثال تطبيقي بس يا حبايبي تمام طب بعد كده السؤال الثالث بيقول لي ايه تكونت خاتمه النص المعلوماتي من ايه هقول تكونت من ملخص للنص والمصدر الماخوذ منه ملخص النص والمصدر الماخوذ منه ده احنا شرحناه طب بعد كده رقم د بيقول لي اقترح خاتمه اخرى تصلح للنص السابق الخاتمه الاخرى اللي احنا ممكن نقولها هنقول مثلا بناء على المعلومات التي عرفناها عن اهميه ممارسه الرياضه يجب البدء في وضعها في جدول مهامنا الذي نقوم بها واعطائها الاولويه حتى نستفيد منها باقصى ما يمكن يعني انا باخد الخاتمه اللي هو قايلها لي فوق وبحاول ان انا اقولها بصيغه ثانيه تمام لو قال لك هات خاتمه اخرى انا بجيب الخاتمه اللي هو قايلها عندي وانا بقولها بصيغه مختلفه تثانيه تمام يبقى انا كده ايه اقترحت خاتمه اخرى طب رقم ها المصدر الماخوذ منه النص المعلومات السابق هو ايه قلنا جريده اليوم السابع اهي المصدر جريده اليوم السابع طب السؤال رقم واو اكتب معلومه اخرى يمكن اضافتها للنص السابق طبعا ايه هو النص هنا بيتكلم عن ايه عن الرياضه هقول مثلا الرياضه تعلمنا الصبر والمثابره والاحترام الرياضه اساس العقل السليم في الجسم السليم تمام دي كلها حاجات ممكن ان احنا نكتبها ودي هي بعض الاسئله اللي ممكن تجي لنا على النص المعلوماتي. طريقه الاسئله يا حبايبي زي ما اتفقنا ممكن يجيلي النص المعلوماتي كده ده نص معلوماتي اخر ويقول لك ايه اقرا النص التالي ثم اكمل التحليل الذي بعده يعني هنا بيقول لك اكتب العنوان اكتب المقدمه اكتب الحقائق والمعلومات اكتب ملخص ما تم كتابته اللي موجود معانا اكتب المصدر تمام دي كلها حاجات موجوده زي ما اتفقنا احنا بنطلعها بكل سهوله زي ما وضحتها لكم تمام او ممكن السؤال يجي لي بصيغه ثانيه ايه هي الصيغه الثانيه يا ميس ممكن يقول قيقول لك اكتب مقدمه جديده للنص المعلوماتي اللي هو موجود قدامنا ده او يقول لي اكتب خاتمه مناسبه للنص المعلومات يعني اكتب خاتمه ثانيه تمام او يجي لك اسئله على النص زي ما احنا اتفقنا كده ودي هي يا حبايبي طريقه الاسئله على النص المعلوماتي اتمنى ان انتم تكونوا فهمتوه كويس وعرفتوا طريقته ازاي ومكوناته ايه سهل جدا وبسيط ان شاء الله واحنا بنحل مع بعض الامتحانات هنقابل العديد من النصوص وهنحلها وكمان هيجي لنا اكث من طريقه للاسئله هنحلها مع بعض باذن الله تعالى وهنتدرب عليها اكتر ان شاء الله اتمنى منكم يا حبايبي ان انتم تكونوا شفتوا الفيديو كويس للنهايه وتدعموني باللايك والاشتراك وتفعيل الجرس على الكل عشان دايما يوصل لكم كل جديد كانت معاكم افهم وتعلم مع مس ايمان والسلام عليكم ورحمه الله وبركاته ‏T